رواية تحملت كثير يا قلبي -44
دخل بدر ومعاه حجر ومشاري معاه عصى وطقوه لييييين مات ..
مشاري : من اللي جابته معها تعترف ..
نوره : ماندري هو كان فيه ..
بدر : ابي اعرف من وين طلع ..
غيدا : ما انام هنا مابي مابي ..
بدر : طيب تعالي نامي بالسياره ..
مشاري : دلع ..
بدر : هههههههههههه اسمع دقات قلبها من هنا ..
مشاري : هههههههههههههههه قايلك دلع .. كان عطيتيه بالجزمه ..
غيدا : لا يمه اخاف ..
مشاري : هههههههههههههههه تخافييييييين .. اخاف تطقينه بالمنديل ولا بالشباصه من النعومه ..
بدر : هههههههههههههههههه خل اختي بحالها لو سمحت .. دلوعتي .. تعالي فديتك نامي بالسياره ..
مشاري : ياوييييييييلييييييييي ..
بدر : هههههههههه ..
طلعت غيدا مع بدر ومشاري واقف ..
ليلى : ماتبي تروح ..
مشاري : لا شكلي بنام هنا اجسركم ..
ليلى : ههههههههه ..
مشاري : احد بيركب السياره ..
ليلى : لا خلاص .. الخكاريا ركبوا السيارات وناموا ..
مشاري : بس غيدا ..
ليلى : لا لولو واميره ..
مشاري مستغرب : لولو واميره .. اميره ..
ليلى : ايه شفيك متنح .. لولو مره خوااااافه ترى لاتغرك .. لا ونايمه بسيارت حمد بعد ..
مشاري : ههههههههههههه اشوف الحبيب .. واميره بعد تخاف ما اصدق ..
ليلى : لا لولو اخذتها معها تجسرها ..
مشاري : ههههههههههههههه كفو .. يلا يلا تصبحون على خير .. هيفا ماتبين تنامين بالسياره ..
هيفا : ليه شايفني من بنات الياااااااي ..
مشاري : ههههههههههههههههه كفو والله .. اجل احرسيهم ..
هيفا : فاضيه لهم انا بحط راسي وانام ..
مشاري : الله من زين التعاون اللي عندكم .. ثنتين يحرسون والباقي ينامون واذا قمتوا عاد يناموا الثنتين والباقي يحرسونهم ..
ولاء : ههههههههههه يقطع اوووم المشوار ..
مشاري : مدري فيكم .. كل شوي وحده مصرخه .. ذبحتونا ..
نوره : وش نسوي كل شوي يطفى الكهرب ولا هالثعبان ..
مشاري : تحلفون انه مو انتوا اللي طفيتوه ..
جواهر : الا المره الثانيه انا اللي طفيته ..
جوري : حماره خوفتي امي ..
ولاء : هههههههههههههههه ..
جواهر : وهم بعد خوفوا اختي ..
مشاري : هههههههههههههههههههههههههه الحمد لله والشكر . يلا يلا تصبحون على خير ..
طلع مشاري وخلاهم .. وهم تسدحوا وجلسوا يسولفون .. وعلى الساعه 4 كلن ناام ..
? ? اليـــومـ .. الـليـ .. بعـــــدهـ .. ? ?
.
.
الصباح الساعه 7 مشى فهد من الشرقيه وهنادي جلست عند طارق وطلال .. وصل الرياض راح لبيتهم وغير ملابسه واخذ له كم غرض وطلع .. يوم وصل الثمامه دق على رائد وحمد ومشاري وماهر وريان ونايف كلهم جوالاتهم مقفله .. واخر شي دق على بدر ورد عليه ..
بدر : همممممممم ..
فهد : نايمين ..
بدر : ايه ..
فهد : الساعه 12 الحين .. طيب انا وصلت الثمامه ..
بدر : انت بالرياض ..
فهد : ايه توني واصل .. مع وين اجيكم ..
بدر : وينك انت بالضبط ..
فهد : عند دوار العويضه مدري مع وين اجي ..
بدر : خلاص خلك مكانك انا بجيك ..
فهد : اوووووكي .. يلا استناك ..
قام بدر وراح غسل وراح لسيارته فتحها وشاف غيدا نايمه ..
بدر : غيدااا .. غيدااا ..
غيدا : همممممم ..
بدر : قومي حياتي بمشي ..
غيدا : وين ..
بدر : بروح شوي .. قومي نامي بالخيمه ..
غيدا : لا خلاص .. صباح الخير ..
بدر : هههههههههه اي صباح قولي مساء .. الساعه الحين 12 .
غيدا : يؤ .. يلا يلا ..
قامت واخذت فراشها وراحت الخيمه تقوم البنات وبدر مشى وراح لفهد .. وكان فهد يحتريه موقف السياره ونازل منها وواقف عند البقاله يقرى الجريده ..
بدر : هلاااااااااا الحمد لله على السلامه ..
فهد يسلم عليه : اهليييييييييين .. الله يسلم قلبك .. شخبارك ..
بدر : واله بخير ونعمه نزقح ..
فهد : دووم ان شاء الله .. هاه حلو المخيم ..
بدر : والله فضييييع ..
فهد : يعني مافاتني شي .
بدر : الا والله فاتك .
فهد : لا عاد ..
بدر : ههههههههههههه يلا يلا امش .. بتخلي سيارتك هنا ولا بتآخذها وتمشي وراي ..
فهد : لا لا بمشي وراك ..
بدر : اوكي يلا ..
ركبوا سياراتهم ومشوا لين وصلوا المخيم .. وكانوا كلهم قايمين .. دخل عليهم فهد وسلم ..
عبد العزيز : امداك تخلص ..
فهد : والله خلصت كل شي بسرعه بسرعه وجيت ..
حمد : وهنادي امداها تستانس ..
فهد : خخخخخخخخ خليتها عندهم ..
حمد : ههههههههههههههههههههههه ياويلك من الله ..
فهد : وش اسوي فيها عيت تقوم قلت ابروح واخليها ..
عبد العزيز : لو دقت عليك تقولك جبني تروح تجيبها تسمع ..
فهد : اقطع يدي لو دقت قبل اسبوع ..
حمد : ههههه ليه ..
فهد : امس تحاول فيني نجلس كم ايوم زياده ..
حمد : هههه زين .. جت لصالحها اجل ..
فهد : ايه .. وين امي بسلم عليها ..
حمد : جوى ..
فهد : سلطان رح نادها ..
عبد العزيز : ادخل سلم على امك وجدتك وعماتك ..
فهد : ان شاء الله .. سلطان خذ لي طريق ..
سلطان : طيب ..
راحوا للخيمه الكبيره ووقف فهد عند الباب ودخل سلطان عندهم ..
سلطان : فهد بيجي يسلم عليكم ..
هدى : جا ..
سلطان : ايه ..
هدى : دفيت روحه خله يجي .. يلا بنات تغطوا ..
تغطوا البنات وجوري ماتبي تجلس قامت وطلعت .. فهد كان واقف عند باب الخيمه وشافها يوم طلعت وولاء وراها ..
ولاء : جوري الله يهديك ..
جوري : مابي اجلس بمكان هو فيه ..
ولاء : بس بعد كم شهر بتعيشين معاه ببيت واحد ..
جوري : افففففففف .. مابي مو غصب ..
فهد سمعها ونزل راسه " لهالدرجه كارهتني .. وش سوييييييييت " ..
طلع له سلطان : يلا فهد ادخل ..
دخل فهد ووجه شوي منعفس من اللي سمعه : السلام عليكم ..
الكل : وعليكم السلام ..
الجده : هلا وغلا مرحبا .. هلا والله بالغالي ولد الغالي .. هلا بفهد ..
فهد ابتسم : هلا فيك يالغاليه ..
سلم عليها وعلى امه وعماته وجلس جنب جدته ..
الجده : متى جيت .
فهد : الساعه 11 ..
الجده : ورى توك تجي ..
فهد : ما ادل ودقيت على الشباب نايمين مالقيت الا بدر .. وعلى ما جاني نص ساعه والطريق نص ساعه ثانيه .. صارت الساعه 1 ..
الجده : اهم شي انك جيت ..
فهد : الله يسلمك .. "جلس شوي ساكت" .. يلا انا بروح ..
هدى : وين ..
فهد : بروح عند الرجال عشان تآخذون راحتكم ..
قام واستأذن وطلع وشاف ولاء ..
ولاء : الحمد لله على السلامه ..
فهد : الله يسلمك ..
ولاء : وش جبت لي من الشرقيه ..
فهد : بجيب لك اللي تبينه لو تخلين جوري ترضى .. والله اللي تبينه ..
ولاء نزلت راسها : ليه سمعتها قبل شوي ..
فهد : كنت واقف عند الباب وهي طلعت .. ولاء الله يعافيك قوليلها اني احبها ..
ولاء : انا داريه كل اللي فيها من اختي الحيوانه بيان ..
فهد : وانا وش دخلني ببيان .. عمري مافكرت فيها ولا حطيتها ببالي ولا اصلا طرت علي .. ليه تفكر كذا .. ليه تشك بحبي لها ..
ولاء : ما ادري ..
فهد : خليني اكلمها ..
ولاء : ما اقدر ..
فهد : تكفين .. اللي تبينه بيجيك ..
ولاء : طيب خلاص بحاول ..
فهد : استناك ..
ولاء : الحين ..
فهد : ايه ..
ولاء : لا مو الحين .. ابظبط معها الوضع بعدين ادق عليك ..
فهد : اوكي .. مشكوره تسلمين لي ..
ولاء : ولووووو ..
راح فهد وجلس مع الرجال وولاء راحت خيمة البنات وكانت هيفا وجوري جالسين ..
ولاء : هااااااي ..
جوري وهيفا : هايات ..
ولاء : ترى راح فهد ..
جوري : طيب وش اسويلك انتي وياه ..
ولاء : تعالي اقعدي مع الحريم ..
جوري : مابي مالي خلق ..
هيفا : صايره كريهه مدري وش تبين يلا امشي .
جوري : انا كريهه من كيفي محد له شغل فيني ..
قامت هيفا : احسن انطقي هنا ..
راحت وطلعت .. وجت ولاء جلست جنبها ..
ولاء : اممممممم ابي ايس كريم ..
جوري : بلا مصاله انتي الثانيه مالي خلق ترى ..
ولاء مسكتها مع رقبتها : بذبحك يالسخيفه لا تنكدين علينا لو سمحتي ..
جوري : آآآآآي .. ابعدي ..
ولاء : طيب ابسمعك مقطع بالجوال ..
جوري : وشو ..
دقت ولاء على فهد .. اول ماشاف رقمها طلع برى ..
ولاء : انتي حطي السماعات بإذنك واسمعي ..
جوري : طيب يا ويلك لو كان شي خايس ولا صراخ ..
ولاء : ههههههههههههههه ولو .. يلا يلا اسمعي ..
اخذت ولاء سماعه وجوري سماعه ..
ولاء : الو ..
فهد : وينها ..
ولاء : عندي ..
جوري قامت تطالع ولاء وجت بتشيل السماعه وضغطت عليها ولاء ..
ولاء : فهد مو راضيه وش اسوي ..
فهد : ياربيه يا ولاء تكفين .. بس شوي .. قوليلها ماراح يطول ..
ولاء : عيت طيب وش اسوي ..
فهد : قوليلها دقيقه وربي ..
ولاء : جوري بس شوي ..
جوري : خير ..
فهد : جوري حياتي .. وربي احبك عمري مافكرت بوحده بحياتي كلها غيرك .. انتي اول واخر حب .. عمري انتي والله .. ما قد تخيلت اني بكون مع وحده ثانيه .. بس ابي اعرف وش اللي مزعلك مني وربي لا اراضيك ولو تطلبين عيوني اعطيك اياها ..
جوري : ............
فهد : ردي علي ..
جوري : وش تبيني اقولك ..
فهد : زعلانه من ايش ..
جوري : مدري ..
فهد : جوري وش ماتدرين .. يعني بس كذا ..
جوري : لا مو بس كذا طبعا ..
فهد : اجل قولي ..
جوري : خلاص مابي .
فهد : وش ماتبييييين تكلمي لا تسوين فيني كذا ..
جوري : خلاص فهد ..
فهد : لا مو خلاص .. لو ماتكلمتي برجع ولا راح تشوفيني ابد ..
جوري : ترجع وين ..
فهد : برجع الرياض وبسافر .. ولا راح تشوفيني للأبد ..
جوري : لا ..
فهد : وشو لا ..
جوري : لاتروح ..
فهد ابتسم : طيب قولي لي وشفيك تعبتيني يا جوري معاك وربي ..
جوري : خلاص مافيني شي .. بس لاتروح ..
حطت ولاء السماعه الثانيه بإذن جوري وطلعت ..
فهد : جوري تحبيني ..
جوري : مدري ..
فهد : اوكي بخليك ترجعين تحبي زي اول وربي .. بس اعرفي ان عمري ماحبيت ولا راح احب احد غيرك ولا حتى اكثر منك ..
جوري تبتسم : ورائد ..
فهد : ههههههههههههه فديتك تغارين من اخوك .. رائد مثل اخوي ..
جوري : من قالك اغار ..
فهد : طيب براحتك .. جوري ..
جوري : هلا ..
فهد : مو زعلانه مني الحين ..
جوري : لا ..
فهد : قولي والله ..
جوري تبتسم : ههههههه والله ..
فهد : فدييييييييييييييييييييييييييييتك .. وربي وربي وربي احببببببببببببك ..
جوري : هههههههههههههه خلاص يلا باي عطيتك وجه زياده عن اللزوم ..
فهد : لحظه لحظه .. جوري قولي احبك .. تكفين بس مره وحده ..
جوري : مابي يلا باي ..
فهد : تكفين تكفين بس وحده .. الله يعافيك ..
جوري : ................ احبك ......... يلا باي ..
فهد : فديت عمرك وروحك وقلبك .. وانا يا قلبي امووووت فيك ..
جوري : يلا باي ..
فهد : فديت عمرك فمان الله ..
سكرت منه وضمة الجوال ودخلت عليها ولاء ..
جوري : احبه ..
ولاء : ههههههههههههههههههههه اخيراااااااااااااا ..
قامت لها جوري وضمتها : واحبك انتي بعد .. فديتك ..
دخلو عليهم البنات ..
ساره : خير ان شاء الله ..
جوري غمزت لولاء : لاتقولين شي امانه ..
ولاء : خليني اقووووووووول تكفين ..
جوري : لا ..
هيفا : وشو يلا قولي ..
جوري : مابي مو انا صايره كريهه خلاص ..
هيفا : بااااااايخاااااااااااه .. يلا يلا قولي ..
ولاء : بقول ..
جوري : لا ..
ولاء : الا ..
جوري : اقولك لا ..
دخلت عليهم رغد : بنات تقول امي تعالوا ساعدوها ..
جوري : يلا لولو حريم عيالها حنا لازم نساعدها ..
البنات تنحوا عليها .. ضحكت وطلعت ..
لولو : ياساااتر .. هذا مو كلامها امس ..
ولاء : خخخخخخخ خلاص تصالحوا ..
البنات : اخيرااااا ..
ولاء : احــم احــم كله بفضل الله ثم بفضل جوالي .. وه بس فديتني ..
ساره : وانتي شدخلك ..
ولاء : انا اللي خليتها تكلمه ويكلمها .. من جوالي طبعا ..
هيفا راحت لها وضمتها : انتي خطييييييييييييييييره .
ولاء : هههههههههههه ادري ادري .. يلا عاد ابي ارقص ..
البنات : ههههههههههههههه ..
طلعت لولو راحت عند هدى وجوري وجلست تساعدهم يرتبون اغراض جابوها الشباب ..
? عــنـد .. الشبابـ .. ?
فهد كان جالس ومبسوووووط حيييل .. رائد كان يطالعه ومستغرب منه ..
حمد : ياربيييييه ياخي ركز ..
مشاري : ههههههههههههه طيب يلا دورك ..
ماهر : ههههههههههه غالبينكم غالبينكم ..
حمد : اوووو عاد انت وبدر عليكم اصابع ..
بدر : تف تف تف بسم الله علينا . قل لااله الا الله ..
حمد : هههههههههههههههه لا ماودي ..
بدر : ماهر .. دخل الخمسين يلا ..
ماهر : ابببببشششششر ..
فهد : ابي العب ..
حمد : قايلين لك قبل تعلب قلت لا مو ذنبنا ..
فهد : طيب الحين ابي العب ..
حمد : اذا خلصنا ..
فهد بيقهررائد : رائد قم نطلع ..
رائد : تستخف دمك ..
فهد : اييييييييييه صح نسيت انك مكسووور يا حيااااااااااتي ..
رائد : كل تبن ..
فهد : ههههههههههههههههههههههههههه .. خلاص خلاص يلا اشيلك ..
رائد : يلا ..
فهد : اعوذ بالله ماصدقت ..
رائد : ايه وش يزودون عنك بدر ومشاري امس شايليني ومرقيني فوق النفود ..
فهد : ابيييييييييييييي ..
رائد : هههههههههههههههههههه .. يلا قم شلني ونرقى ..
فهد : فاضيلك ظهري احبه .. وراي زواج مالي خلق يجيني دسك بسبتك ..
رائد : لاحووووووووول يا هالزواج غثيتنا ترى كل ماصار شي قلت وراي زواج ..
فهد : ايه فديتني بعرس ..
رائد : يعني محد تزوج غيرك ..
فهد : لاتزوجوا ناس كثير بس انا غير .. انا بآخذ اخت الغالي ..
رائد : فدييييييييييييييتك ..
فهد : من قال اقصدك اقصد ريان ..
الشباب : هههههههههههههههههههههههه ..
ريان : كفو والله ..
فهد : لاتفلها انت الثاني بس .. اقول هذولا مو ناوين يغدونا ..
نايف : انا بروح اشوف ..
قام نايف وراح عند الحريم ..
هدى : نايف .. كم مره قلنا لك بنتغطى عنك ..
نايف : اذا رجعنا الرياض يصيير خير بس هنا عادي ..
هدى : هههههههههه طيب وش تبي ..
نايف : وين الغدا ..
خلود : يلا الحين بيحطونه .. الرجال فيه ..
نايف : ايه .. جالسين مع ابوي حمد بالخيمه الكبيره ..
امل : تبون الغدا هناك .. ولا برى ..
نايف : لا بالخيمه ..
فوزيه : خلاص شوي وبنجيبه .. وانت رايح ناد سواق خالك فارس يشيل التبسي يوديه الخيمه ..
نايف : طيب ..
راح نايف ونادى السواق وشالوا الغدا .. وتغدو .. الرجال نصهم ناموا ونصهم راحوا يمشون .. والشباب طبعا اكيييييييييد ناموا .. اما البنات بعد الغدا طلعوا فوق النفود وجلسوا قعدو يلعبون بالرمل ..
ساره : تصدقون بنات .. قبل شهر .. كنا نلعب عند البحر .. والحين فوق النفود ..
اميره : ههههههههههههه والله الفرق ..
ليلى : عادي تغيير ..
تهاني : طول عمرك بالبران يعني وقفت على هالمره ..
ساره : لا اقصد يعني دوام الحال من المحال ..
البنات : ههههههههههههههههههههه ..
لولو : وش دخل المثل ..
ساره : مدري طرى على بالي وقلته .. مالقيت شي يناسب ..
نوره : ابي اتزحلق ..
جواهر : يلا ..
ولاء : بنات .. شوفوا وش لقيت ..
غيدا : الله .. مره حلو ..
ولاء : من حقه .. شكله يخقق .. بنات حق وحده منكم هالسلسال ..
البنات : لا ..
نوره : وريني .. الله كيووووووت ..
ولاء : شكله جديد ..
نوره : ايه ..
رغد : اي .. دخل بعيني تراب ..
لولو : تعالي قلبي اطلعه ..
مسكتها ونفخت بعينه ومسحتها ..
رغد : شكرا ..
لولو : العفو ..
نوره : عطيني اياه .. ولاء تكفين ..
ولاء : خلاص تتزوجيني ..
نوره : اكيييييد .. بكل سرور ..
ولاء : يلا هذي الدبله .. بس حنا سبشل دبله سلسال ..
البنات : هههههههههههههههههههه
لبستها ولاء السلسال وباستها وصفقوا لها البنات ..
هيفا : منك المال ومنها العيال ولا العكس عادي ..
ولاء : ههههههههههههههه لا منها المال ومني المال مانبي عيال ..
نوره : لا ابي ولد يشيل اسمي ..
ولاء : بدييييينا .. لا يعني لا ..
البنات : هههههههههههههه ..
جلسوا لين المغرب يوم اظلم الوقت ونزلوا راحوا للخيمه ولقوا الشباب جالسين مع الجده ..
ولاء : السلاااااااااااام عليكم ..
الكل : وعليكم السلااااام ..
نايف عطاها نظره هي مره استغربت منه " خير وش ذا النظرات " ..
فهد : يلا مشاري ..
مشاري : يلا ..
الجده : وين ..
مشاري : مشوار وراجعين ..
قاموا مشاري وفهد وطلعوا .. اخذوا الددسن حق سواق جدهم وراحوا ..
حمد : يمه شرايك تجين عندنا بخيمتنا ..
الجده : لا والله مكاني وش زينه ..
ماهر غمز لحمد وحمد يأشر له انه مافهم ..
ماهر : كــح كـــح ..
الجده : صحه ..
ماهر : على قلبك ..
رائد يهمس لحمد : ناوي على شي ماهر ..
حمد : له ساعه يغمز ولا فهمت ولا شي ..
رائد : وين راح فهد ومشاري ؟؟
حمد : مدري ..
ماهر قام : يلا بروح تبين شي يمه ..
الجده : سلامتك ..
حمد : تعال تعال وين رايح ..
ماهر : وشو ..
حمد : هذا الحبيب من بيشيله ..
ماهر : انت طبعا ..
حمد : لا يرحم والديك .. ما اقدر عليه انا ..
رائد : الله .. تورطتوا فيني يعني ..
ماهر : شفت انك غثيث الله يصلحك ..
رائد : طيب طيب .. يجيكم يوم ..
حمد : بسم الله علينا .. وجع ..
رائد : هههههههههههههههههههه ما اقصد كذا انت لايروح تفكيرك بعيد ..
ماهر : مافيه الا هالتفسير ..
رائد : لافيه .. انه بيجيكم يوم وتحتاجوني فيه ..
ماهر : اهـــآآآآآآ .. لا الله لا يجيبه ..
رائد : يلا يلا طلعوني ..
الجده : وين قاعدين ..
حمد : لاخلاص من متى وحنا هنا .. خلاص خذو راحتكم ..
قوموا رائد ومسكوه لين وصلوا الخيمه ..
امل : هيفا يلا ..
هيفا : نسيييييييييت ..
امل : انا مانسيت طيب .. يلا .. نوره ولاء جواهر تعالوا ..
اخذتهم امل ولبستهم اشياء مره تضحك .. ولاء مسكتها ولبستها قميص قديييييم مره وحطت لها عصى مكنسه دخلتها من يدها اليمين وطلعتها من السيار ولفت راسها بطرحه وطلعت نص شعرها ونصه جوى ونفشته .. اما نوره لبستها برمودا اسود وبعد فوقه قميص ودخلت نص القميص جوى ونصه خلته طايح .. مسكت شعرها وحطت فيه جل ونفشته وجابت الروج وكبرت شفايفها وحطت لها حبت خال كبييييييييره وعطتها علك .. وجواهر لبستها جزمه كعب عالي مره وبرجلها الثانيه شبشب حمام ( الله يكرمكم ) ولبستها ثوب عيال مع سروال خط البلده <<ورفعته مثل العيال وربطت شعرها 3 قرون وكحلت عين والثانيه لا .. اما هيفا .. لبست بنطلون جنز ورفعت رجل وخلت رجل واخذت جلال وحطته على راسها ومسكت بيدينها جرجير وحطيت مكياج تووووووحفه سوتلها اياه امل ..
امل : ههههههههههههههههههههههههه .. يلا يلا .. جواهر امسكي يد هيفا .. انتي المعرس يلا ..
هيفا : هههههههههههههههههههه آهـ انا يزوجوني هذا .
جواهر : احمدي ربك اللي قبلت فيك ..
امل : هههههههههههههههههههههه .. يلا .. نوره .. ما اوصيك العلك الله لا يهينك كوليه بطريقه اكثر من مقرفه تسمعين ..
نوره : هههههههههههههههه ولا يهمك اختصاصي العلوك ..
ولاء : هههههههه وانا بمشي واصقع العالم بآخذ حرتي اليوم ..
امل : ههههههههههههههه .. يلايلا .. انا بروح وبشغل الكاميرا ..
هيفا : لا امول استحي لاتشغلين الكاميرا ..
امل : ياسلااااااااااام ليه جايبينها .. وبعدين تعالي من متى تستحين .. يلا ..
طلعت امل وجلست معهم وشغلت الكاميرا ..
ابرار : وينهم ..
امل : هههههههههههههه الحين بيجون ..
نادتهم امل ودخلو كانت مشغله مسجل اغنيه هنديه .. وهي تصور .. اول ما دخلوا ماتوا عليهم من الضحك .. جلسوا يدورون بالخيمه بعدين قاموا هيفا وجواهر يرقصون كأنهم زوج وزوجته وهيفا تسوي نفسها مستحيه وحركات .. وجواهر طايحه فيها تغمز وتدفها بكتفها بطريقه تموت من الضحك .. اما ولاء كانت مبسوطه على العصا جالسه تدور حلو نفسها وتتمايل وتنطط .. ونوره كانت تقرب من ليلى وهي تآكل العلك .. وليلى تبعدها .. ونوره تضحك .. بعدين مسكت يدين ولاء وقاموا يرقصون .. وكل هذا امل تصوره وهي ميته من الضحك .. جلسوا على هالحال تقريبا نص ساعه بعدين سكروا المسجل وجلسوا معهم بحوستهم ..
فوزيه : هيفا .. مكياجك يجننننننن ..
هيفا : تسلم يدين خالتي امول فديتها .. توني اكتشف المواهب ..
امل : ايه عشان تعرفون ان عندكم كوافيره سنعه ..
قاموا البنات وبدلوا ملابسهم وغسلوا وجيههم ورجعوا جلسوا معهم ..
? عــنـد .. الشبابـ .. ?
جو مشاري وفهد ومعهم ثلاث دبابات مستأجرينها ووراهم واحد معاه ددسن فيها اثنين بعد .. نزلوها وراحوا .. اخذ ريان واحد ونايف واحد وراحوا يلعبون ..
حمد : وربي اني مفكر فيها ..
مشاري : ههههههههه سبقناك .. فديتني شفتوا افكاري ..
فهد : اقول استرييييييييييح .. انا اللي قايل لك خلنا نروح نستأجر ..
مشاري : هههههههههههههههه .. يمه ..
فهد : بعد .. تسرق افكاري .. الله يلا الحين بروح اركب واحد ..
رائد : ابي اركب ..
فهد : يامسكيييييييين لا لا حبيبي مايصلح اذا طبت ركبناك ..
رائد : والله ياهو ذل ..
فهد : التهور ومايسوي ..
رائد : خلاص اف توبه وربي ..
فهد : شفت ..
ركب فهد ومشاري وبدر .. وراحوا يدورون فيها ويتسابقون ويفحطون وانواع الوناسه .. البنات دروا فيهم .. وانهبلوا يبون يركبون .. دقت جوري على رائد ..
جوري : رائد الله يعافيك ابي اركب تكفى ..
رائد : خل يركبوني بعدين انتي اركبي ..
جوري : انت تعبان ..
رائد : مدري .. مدري ..
جوري : طيب قل لفهد نبي نركب ..
رائد : اقووووووول لفهااااااااااد ..
جوري : ايه قله ..
رائد : طيب .. فهاااااااااااااااد ..
فهد : هاااااااه ..
جاله فهد : نعم ازعاج ..
ابتسم له رائد : جوري تبي تركب بدبابك ..
فهد : بس .. فداها الدباب وصاحب الدباب واللي اخترع الدباب واللي فكر بشي اسمه دباب .. يلا يلا خل تجي ..
رائد : هههههههههههههههههه .. يلا واسطه تعالي اركبي ..
جوري : بس هاه ما اركب الا معاي احد ..
رائد : تقول ما اركب الا معاي احد ..
فهد : نااااااااااايف .. ريااااااااااااااان .. تعالو ..
جوه نايف وريان ونزلهم وودوا الدبابات عند الحريم وركبوا البنات كل وحده دور .. لين الساعه 12 .. بعدين حطوا العشا .. والرجالوالحريم دخلو ينامون .. اما الشباب كانوا جالسين حولين النار لين طفت .. والبنات جالسين عند النار من عند خيمتهم بعيد شوي عند الحريم .. جوهم ماهر وحمد ومشاري وبدر .. طبعا جلسوا معهم بعدين جو فهد ورائد وريان ونايف وسلطان .. وصاروا كللللللهم حولين النار .. البنات وقدامهم العيال ..
ولاء : دام مجتمعين خلونا نلعب ..
مشاري : وش بتلعبينا ست ولاء ..
ولاء : احم .. حنا نقول حرف وانتم تقولون مقطع اغنيه .. والعكس والي ما يعرف ومايقول بسرعه يخسر ..
فهد : حلو .. يلا انتم ابدوا ..
ابرار : حرف الكاف ..
حمد : كل ما اقفيت ناداني تعال .. وكل ما اقبلت عزم بالرحيل .. الحقيقه غدت مثل الخيال .. هو عدوي وهو اوفى خليل ..
فهد : ههههههههههههه سريع .. يلا دورنا ..
حمد : احم بما انه انا اللي جاوبت اختار حرف اللام ..
ولاء : لاتعاند عنادك في عنادك عنادي . حط قلبك يا قلبي وسط قلبي امانه ..
رائد : ههههههههههههههه قويه ..
ولاء : احم حرف الألف ..
مشاري : انتظرته وقلبي احساسه يقول صوت خلي اليوم ما اظن اسمعه .. الخبر عندي وغيبته بتطول وقتي من اليوم حسابه بجمعه .. حرف التاء ..
تهاني : تعبت ارحل من وجيه البشر بنساك بالترحال ولا ادري وش يجيبك في وجيه الناس واهلي .. حرف الميم ..
فهد يطالع جوري : مستعد اخسر حياتي واخسر الدنيا عشانك المهم اني اشوفك كل ما احتجت لحنانك .. حرف الجيم ..
جوري : جيتك على الموعد ولا جيت وش عن لقانا مانعنك ..
فهد : يع مالقيتي غيرها ..
جوري : محد قالك اختار هالحرف ..
فهد : وش اسوي احبه ..
الكل : ههههههههههههههه ..
ولاء : لا تخربون اللعبه .. يلا جوري اي حرف ..
جوري : حرف النون ..
فهد : لا غيريه ..
جوري : ليه ..
فهد : بس مابي .. غيريه ..
جوري : افففففففف مابي ..
فهد : مافيه تغيرينه ..
رائد : افففففففففف يلا جوري غيريه .. لاتخربون ..
جوري : افففففففففففف حرف الواو ..
بدر : وتلومني فيك يوم اغليك يا اول همومي وتاليها .. ابيع كل البشر واشريك حاظر سنيني وماضيها .. حرف العين ..
هيفا : عندي كلام وخاطري لك اقوله وابغيك تفهم مقصدي ياريش العين .. حرف الدال ..
بدر : دنياك دنياي هو حد يسواك في القلب وياي وفي البال وياك .. حرف الياء ..
هيفا : يسوى اعيش الدنيا ......
الكل : ههههههههههههههههههههههههههههههههههه ..
رائد : مايصلح .. لازم بداية المقطع نفس الحرف ..
بدر : لاخلاص قالت ..
حمد : شفيك انت لا مايصلح ..
بدر : ايه ايه صح مايصلح ..
فهد : يلا بنعد لين ثلاثه واذا ماجبتوا مقطع تخسرون ..
الشباب : وااااحد ..
جواهر : ياسلامي عليكم يالسعوديه ..
البنات انخرشو قاموا يغنون معها ويصفقون : ياسلامي عليكم يالسعوديه .. ياديار الشيم يا دار الابطالي .. يالسعودي نحيي روحك الحيه .. اشهد انك اصيل وطيب الفالي ..
الشباب صفقوا لهم وصفروا : ياهوووووووووووووووووووووه ..
ماهر : يووووووووووو ذكرتوني .. ريان ..
ريان : هاه ..
ماهر : اول طلب ..
ريان : افففففففففففف مو الحين مالي خلق ..
ماهر : مافي مو على كيفك يلا قم ..
ريان : وشو ..
ماهر : قم افتح شنطة سيارتي وتلقى فيه شي اسود جبه ..
ريان : وشو هالشي ..
ماهر : لقافه شي وبس رح بسرعه مافيه غيره اصلا ..
ريان : طيب ..
قام ريان وراح ..
مشاري : تصدق اني ناسي الطلبات ..
حمد : حسبي الله عليييييييييييييييييييك يا ماهر ..
الشباب : ههههههههههههههههههههه ..
بدر : نايف ناويلك على نيه بس مو الحين اذا صار فيك النوم ..
الشباب : ههههههههههههههههه ..
حمد : حرام والله انكم نذاله ..
بدر : تستاهلون يوم يقولكم ريان خمس تقولون لا عشر خلاص ذنبكم على جنبكم .. تحملوا ..
مشاري : والله انهم كفو ..
بدر : انت استريح ويجيك اللي تبيه ..
مشاري : ياحليلك .. حمد هذا انا مره احبه ..
حمد ابتسم : حبتك العافيه ..
جاهم ريان ومعاه العود اخذه ماهر وطلعه من التلبيسه حقته ..
فهد : ياهووووووووووه عود بعد ..
ماهر : ياحليلك .. اخذته من محمد ..
فهد : طيب سؤال صريح جدا ..
ماهر : وشو .. شكلي عرفته ..
فهد : تعرف تدق عليه ..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك