رواية تحملت كثير يا قلبي -46

رواية تحملت كثير يا قلبي -46

تهاني تطالعه : سخيف روعتني ..

مشعل : توني ادري انك خفيفه .. تخافين من اي شي ..

تهاني : جالسه بالبيت الحالي وفجأه تدخل وتهبلني اكيد بخاف ..

مشعل يجلس على الكنبه : شلون يعني تنغزين بالكلام ..

تهاني : مانغزت ولا شي .. بس جد ..

مشعل : طيب .. ابي قهوه ..

تهاني ابتسمت : وش الطاري ماتشرب قهوه العصر ..

مشعل : كذا اشتهيت قهوه فيها شي ..

تهاني : طيب طيب خلاص بصلح لك ..

مشعل قام : يلا انا بساعدك ..

تهاني : ترى قهوه مو ذبيحه ..

مشعل : عادي وتعاونوا على البر والتقوى ..

تهاني : آآهــآآآآ .. يلا جزاك الله خير ..

دخلت وهو وراها وقامت تسوي القهوه وهو جالس فوق والطاوله ويطالعها ..

مشعل " ياربيه يا بنت عمي .. خايف اظلمك معاي وربي " ..

تهاني : مشعاااااااال .. نحن هنا ..

مشعل ابتسم : سمي ..

تهاني استحت اول مره يقولها سمي : وين سرحت ..

مشعل : تبين الصراحه والا المو صراحه ..

تهاني : هههههههههههه لا الصراحه ..

مشعل : الصراحه الصراحه ولا الصراحه بلحالها ..

تهاني : هههههههههه لاتستهبل يلا قول ..

مشعل : طيب بقول .. " قرب لها " سرحت فيك ..

تهاني حمرت خدودها : وش الطاري ..

مشعل : زوجتي مايصير اسرح فيها ..

تهاني : الله يستر ..

مشعل : وين قهوتي ..

تهاني : تعال اشربها بالصاله ..

مشعل : يلا هاتي انا بشيلها .

تهاني : يوووه تسلملي والله .. يلا شل ..

شال مشعل الصينينه وهو يبتسم وتهاني تمشي قدامه .. حطها على الطاوله وجلس جنب تهاني ..

مشعل : اصب لك ..

تهاني ابتسمت : ليه لا ..

صب لها وعطاها : تفضلي ..

تهاني : مشكور ..

مشعل : العفو .. .. هاه شرايك فيها ..

تهاني : حلوه ..

مشعل : تسلمين والله كلك ذوق ..

تهاني : هههههههههههه ليه من قال انت اللي مصلحها ..

مشعل : لا بس انا صبيتها يعني اكيد حلوه ..

تهاني : اهاااااااااااا عشان كذا طالعه حلوه يعني ..

مشعل : شفتي يديني تلعب دور ..

تهاني : ههههههههههههههههههههههههه ..

مشعل : ههههههههه فديتك ..

تهاني استحت اول مره يقولها هالكلام مره استغربت ..

مشعل : شفيك ..

تهاني : ولا شي انت اللي شفيك ..

مشعل : مافيني شي .. اقول تهاني ..

تهاني : هلا ..

مشعل : ماتبين تسافرين ..

تهاني ابتسمت : وين طيب ؟.

مشعل : اللي تبينه .. نروح الشرقيه ولا جده ..

تهاني : انا يوم سمعت بتسافرين هالكلمه اللي تخرع على بالي بتقولي اوديك باريس .. جنيف .. سويسرا .. اثرك مخطط على الشرقيه ولا جده ..

مشعل : ههههههههههههههههههههه طموحك عاليه .. بس ماعليه لو تبينهم وديتك ..

تهاني : هههههههه لا خلاص .. مايحتاج .. نروح ينبع ..

مشعل : امممممممممم ينبع ..

تهاني : ولا ماتبي خلاص دور انت ..

مشعل : لا خلاص يعني انتي نفسك بينبع ..

تهاني : لا بس طرت على بالي ..

مشعل : يعني ماتبين تروحين لها ..

تهاني : لا عادي ..

مشعل : اوكي نروح جده طيب ..

تهاني : اوكي بس الجامعه ..

مشعل : مو لازم طنشي ..

تهاني : لا مابي ..

مشعل : طيب اربعاء وخميس وجمعه .. حلو ..

تهاني : خلاص اوكي ..

مشعل : اوووووووكي .. يلا الحين انا بطلع ..

تهاني : وين ..

مشعل : بروح اتمشى ..

تهاني : ياسلام عليك وانا انطق بالبيت هنا بلحالي ..

مشعل : هههههههههههههههههههه وانا قلت لك لا لاتروحين معاي يلا كان تبين تروحين البسي عبايتك والحقيني .. بعد لين سبعه ونص لو ماجيتي بمشي عنك ..

تهاني : لاتروح اصبر ..

راحت تركض وطلعت عبايتها لبستها وطلعت معاه .. اول ماركبت ..

مشعل : ونص .. احمدي ربك ..

تهاني : يعني تسوي نفسك تعد ..

مشعل : ههههههههههه يلا وين تبينا نروح ..

تهاني : مدري عنك .. المكان اللي كنت بتروح له .

مشعل : كنت بروح التحليه ..

تهاني : وش عندك بالتحليه ..

مشعل : ولا شي .. بس اخويياي هناك جالسين بمقهى قلت اروح معهم ..

تهاني : اوكي كان بتروح لهم حطني ببيت اهلي ..

مشعل : لا خلاص نتمشى شوي بعدين احطك واروح لهم ..

تهاني : اوكي .. شغل المكيف حر ..

مشعل : مشغل ..

تهاني : طب شغل المسجل ..

مشغل : وش تبين تسمعين ..

تهاني : اي شي ..

شغل المسجل وحط اغنية راشد الماجد تمر ايام .. اول ما سمعتها تذكرت مشاري .. حاولت تشيله من بالها بس ماقدرت الاغنيه كل حرف فيها يذكرها فيه .. على طول غيرت الاغنيه ..

مشعل : ليييييييه ..

تهاني : بس ما احبها ..

مشعل : لا عاد مافيه احد ما يحبها ..

تهاني : انا ما احبها طيب .. انا بحط على ذوقي ..

مشعل : يلا الله يستر ..

تهاني : يحصل لك تسمع شي على ذوقي ..

مشعل : هههههههههههه يلا يلا حطي ..

حطت اغنية راشد قلبي يحبك ..

مشعل : تهديني اياها يعني ..

تهاني : ههههههههه ماخذ مقلب ..

مشعل : اعوذ بالله جاملي طيب ..

تهاني : ما احب اجامل ولا احب احد يجاملني ..

مشعل : اوكي براحتك .. بس بعد احسك تهديني اياها ..

تهاني : هههههه وش دراك ..

مشعل : فديتني مآخذ عقلك ..

تهاني : صح عليك ..

مشعل : داري تسلكين لي بس يلا مو مشكله ..

! ??ٍ??? فبيتـ شيخه ??????

كانت جالسه بالصاله بلحالها .. زوجها طالع وجواهر جالسه بغرفتها تذاكر .. جالسه تتذكر بناتها ابرار ولولو .. وهي تتذكر دمعة عينها ..

شيخه : الله يوفقكم ..

جواهر : آآآمين .. يمه ليه تصيحين ..

شيخه : اشتقت لاختك ..

جواهر : يمااه مابي اصيح .. خلاص الله يوفقها بترجع ان شاء الله وبتكون جايبه احلى شهاده مع زوجها يمه مو بلحالها ..

شيخه : الله يوفقها .. وش جالسه تسوين فوق ..

جواهر : جالسه اذاكر والله ..

شيخه : مو على النت يعني ..

جواهر : لا وربي ..

شيخه : زين .. صليتي المغرب ..

جواهر : ايه ..

رن جرس الباب وراحت الخدامه تفتح ..

لولو : السلااااااام عليكم ..

شيخه : هلا وغلا وعليكم السلام ..

قامت وسلمت على بنتها وسلمت عليها جواهر ..

جواهر : توها امي تصيح ..

لولو : ليه يمه الله يهديك ..

شيخه : ولا شي .. وين حمد له مادخل ..

لولو : واقف برى ..

شيخه : خليه يدخل الله يهديك .. قومي انتي ارقي فوق ..

جواهر : اذا حظرت الملائكه ذهبت الشياطين يعني ..

لولو : شفتي .. يلا يلا على فوق لو سمحتي ..

جواهر: تغارين يعني ..

لولو : ايه عندك شي .. يلا على فوق لو سمحتي ...

رقت جواهر فوق ودخل حمد وسلم على عمته وجلس معهم شوي بعدين طلع .. بعدها نزلت جواهر وجلسوا مع بعض لين الساعه 12 وجا حمد اخذ لولو وراحوا بيتهم ..

! ??ٍ??? فبيتـ فارس ??????

كان رائد طالع للإستراحه مع فهد وجوري عند امها ..

امل : خلاص يا جوري حرام عليك .. ذبحتيها ..

جوري : تزنننن .. يمه عليها خدووود ..

امل : اذكري ربك ..

جوري : لااله الا الله ..

امل : كنها اياك يومنك صغيره ..

جوري : كنت كذا حلوه ..

امل : لا كنتي احلى ..

جوري : يمه ..

امل : هاه ..

جوري : لين الحين تحبيني اكثر من اخواني ولا خلاص جت الريم وشالت غلاتي ..

امل : هههههههههههه تغارين منها ..

جوري : الصراحه ايه .. مابي احد يآخذ مكاني ..

امل : ههههههههههه بس خلاص الحين تزوجتي عندك فهد مآخذه غلاة العالم كلها عنده ..

جوري : مابي ما يكفيني .. ابي انتي وبابا ..

امل : اعوذ بالله خلي لاختك شوي ..

جوري : لا يمه لاتحبينها اكثر مني تكفين ..

امل : ههههههههههههههههههههه ..

جوري : لاتضحكين يمه اتكلم جد ..

دخل فارس : السلام عليكم ..

امل و جوري : وعليكم السلام ..

فارس : جوري عندنا اليوم غريبه ..

قامت وسلمت على ابوها ..

جوري : حرام عليك يعني انا ما اجيكم ابدا .. بعدين فهد ورائد طالعين ..

فارس : يعني لو مو طالعين كان ماجيتي ..

جوري : الا بجي .. يبه ..

فارس : سمي ..

جوري : من تحب اكثر انا ولا ريم ..

فارس : ليه ..

جوري : بس كذا .. داريه اخذت غلاتي الحماره ..

فارس : ههههههههههههههه تغارين ..

جوري : ايه اكيد مابي احد يآخذ غلاتي عندكم ..

قالتها على دخلت رائد : اعوذ بالله انتي بعيده وقريبه عجزنا نغير غلاتك ..

فهد : السلام عليكم ..

الكل : وعليكم السلام ..

سلموا وجلسوا ..

جوري : ايه خير تجي هذي وتآخذ غلاتي بارده مبرده ..

رائد : فديتها هذي غطت على الشعب ..

جوري : يع .. من زينها ..

فارس : تغارين اجل هاه . هههههههههههههههه ..

جوري : ايه ..

فارس : خلاص يكفي عندك واحد يحبك مو لازم كل الناس ..

جوري : لا ابيكم كلللللللللللللكم تحبوني اكثر من ريم ..

امل : طمااااااعه .. اقول تعشيتوا ..

رائد وفهد : الحمد لله ..

امل : وانت فارس ..

فارس : ايه الحمد لله .. ريان وينه ..

امل : مدري .. ماشفته ..

رائد : سيارته برى اكيد هو بالبيت ..

امل : يمكن ..

فهد : يلا جوري ..

فارس : بدري ..

فهد : والله فيني نوم ..

رائد : هههههههههههه لو تشوفه يبه .. قسم بالله تموت ضحك .. شوي وينام علي بالسياره بغيينا نصدم ..

فارس : ليه هو اللي يسوق ..

رائد : ايه ..

فهد : محد قالك لا تآخذ سيارتك .. بعدين الصراحه انا ما أأمن عليك .. تقعد تتهور وتسوي فيني حادث .. اموت بعدين ..

امل : بسم الله عليك .. فديتك .. ماعليك منه متهور ..

فهد : عشان كذا ماخليته يسوق .. مافرطت بنفسي انا ..

رائد : ولا انا مافرطت بإختي لا تروحين جوري نامي هنا اليوم ..

ابتسمت جوري " ودي " ..

فهد : ماعليك انت .. لقافه ..

الكل : هههههههههههههههه ..

وقف : يلا تصبحون على خير ..

الكل : وانت من اهل الخير ..

راحت جوري ولبست عبايتها وسلمت على اهلها وطلعت وراه ..

فارس : رائد ..

رائد : سم ..

فارس : ماتبي تتزوج ..

رائد ابتسم : ليه وش جاب الطاري ..

فارس : امل خذي ريم ونوميها ..

امل : قل قومي بكلم ولدي اقوم عادي ليه اللف والدوران ..

فارس : هههههههههههههههه فديتك تفهمينها على الطاير ..

امل تغمز له : عشرت عمر .. يلا تصبحون على خير ..

فارس : لاتنامين عني عاد ..

امل : ياتلحق يا ماتلحق .. انت ونصيبك ..

شالت بنتها ورقت معها فوق .. مرت على غرفة ريان ولقته نايم عى غير العاده ..

رائد : سم يبه ..

فارس : شرايك ما تتزوج ..

رائد : مو الحين ..

فارس : بس انا عندي لك عروس ..

رائد ابتسمم : مين ..؟..

فارس : واحد معانا بالشركه بيننا وبينه شراكه .. وعنده بنت .. شرايك نزوجك اياها ..

رائد : زواج مصلحه يعني .

فارس : مو كذا بس نبي يصير بيننا علاقه اقوى يعني ..

رائد : معليش يبه آسف .. دوروا غيري ..

فارس : ليه وش السبب ..

رائد : لاني مابي ..

فارس : لا اكيد فيه سبب .. ياخي تزوجها وخلصنا ..

رائد : يبه انا احب ولا ابي اتزوج غيرها ..

فارس غمز له : ايوااااا .. قل كذا من قبل ..

رائد : هههههههه ..

فارس : يلا منهي طيب ..

رائد : وحده ..

فارس : لاتقعد تسويلي فيها حركات يلا قل مين .

رائد : غيدا بنت عمتي مشاعل ..

فارس : غيدا غيدا ماغيرها ..

رائد : ايه ليه ماعجبتك ..

فارس : بالعكس .. بس متأكد انك تحبها ..

رائد ابتسم : ايه متأكد ..

فارس غمز له : من متى طيب ..

رائد : من فتره ..

فارس : يعني من كم .. شهر شهرين ..

رائد : من 8 شهور او 9 ..

فارس : لا لا .. توك تقول ..

رائد : ههههههههه ..

فارس : ماتبي نخطبها قبل لاتطير من يدك ..

رائد : مو الحين ..

فارس : متى يعني .. اذا خطبوها رحت قلت ابيها ..

رائد : لا ..

فارس : خلني اقول لامك ولا اكلم عمتك احسن لك ..

رائد : يبه مو الحين الله يعافيك انا بقولك ..

فارس : خلاص براحتك ..

قام فارس وراح ينام .. وراد طلع بالحوش ودق على غيدا ..

رائد : مرحبا قلبي .. نايمه ..

غيدا : لا مو ناميه .. شخبارك ..

رائد : الحمد لله .. غيدا ..

غيدا : هلا ..

رائد : ابوي بيخطب لي ..

غيدا اول ماسمعته جتها الصيحه " وانااا " : .............

رائد : الوووو .. غيداااا .. الووووو ..

غيدا : معاك ..

رائد : وين رحتي ..

غيدا : مارحت مكان معاك ..

رائد : طيب ..

غيدا : انت وش قلت لابوك ..

رائد ابتسم : ماقلت له شي وش بقول يعني ..

غيدا : يعني خلاص بتخطب ..

رائد : مدري يمكن يخطب لي وحده ابوها يشتغل معهم ..

غيدا : اهاااااا . رائد ..

رائد : سمي ..

غيدا : مع السلامه انا تعبانه بنام ..

رائد : غيدا حبيبتي فيك شي ..

غيدا : وفر هالكلمه للي بتآخذها ماله داعي تقولي اها ..

رائد : بس انا مابي غيرك ..

غيدا : مو توك تقول ان خالي بيخطب لك خلاص ..

رائد : انا قلت له اني مابي .. قلت له اني احب وحده ومابي غيرها ..

غيدا : من جد ولا تعلب علي ..

رائد : ههههههههههههه وربي اتكلم جد .. حبيبتي انتي محد يسواك ..

غيدا خنقتها العبره : خوفتنييييييييي .. بغيت اموت ..

رائد : ياحيااااااتي انتي .. فديت روحك والله ..

غيدا بدت تصيح : والله لو صار بذبح روحي .. ما اتحمل اشوفك مع غيري وربي ..

رائد : حبيبتي ليه تصيحن .. قلت لك مابي غيرك ..

غيدا : مابي خوفتني والله .. رائد تكفى لا تسوي فيني كذا مره ثانيه .. والله اموت ..

رائد : هههههههههه فديت قلبك انا .. خلاص والله آسف ..

غيدا : هههه خلاص سامحتك ..

رائد : فديت احلى قلب بالدنيا ..

سكر منها وراح دق على فهد على طول ..

! ??ٍ??? فبيتـ فهد ??????

كانوا جالسين بالصاله يطالعون فلم .. ولا واحد يكلم الثاني .. دق جوال فهد التفتت عليه جوري ..

فهد : هلا والله ..

رائد : اهليييييييييين ..

فهد : خير خير وش هالوناسه ..

رائد : هههههههههه فاتك قبل شوي .. صيحت غيدا ..

فهد : هههههههههه افااااااااا تهون عليك عاد .. ياقو قلبك يا شيخ .. ما اخبرك قاسي ..

رائد : هههههههههههههههههه انت بس لو تدري وش قلت لها ..

فهد : وش قلت لها ..

قال رائد وش صار ..

فهد : وصاحت ..

رائد : ايه ..

فهد : الله الله عالحب ..

رائد : فديتها يا فهد ..

فهد : بعد فديتها .. وش عنده ..

رائد : طول عمري افداها وقفت على الحين يعني ..

فهد : ههههههههههههههههههه خلاص لاتصيح انت الثاني بعد .. ايوه ومنهي اللي كانوا بيزوجونك ايها ..

رائد : مدري بنت واحد يشتغل معهم بالشركه ..

فهد : نفذت منها يعني ..

رائد : ايه الحمد لله .. لو ماقلت لابوي عن غيدا كان الحين متملكين ..

فهد : ههههههههههههههههههههه لا والله فديت عمي فارس متفهم ..

رائد : ايه ابوي وش مليحته .. يا حبيله ..

فهد : ههههههههههه ايواااااا .. كل هذا عشان مازوجك اياها وتفهم وضعك ..

رائد : شفت .. دنيا مصالح ..

فهد : هههههههههههههههههههههههه ..

رائد : جوري وينها ..

فهد : موجوده ..

رائد : اوكي يعني مانامت ..

فهد : لا .

رائد : اوكي اجل اخليك .. يلا فمان الله ..

فهد : هلا فمان الله .. هالله هالله بالحبيبه هاه ..

رائد : ههههههههههههه فضيحه ..

سكر منه وحط الجوال على جنب ورجع يكمل الفلم ..

التفتت عليه جوري : فهد ..

فهد ابتسم لها : سمي يا عيونه ..

جوري : من تكلم قبل شوي ..

فهد : اكلم رائد ..

جوري لفت عليها وجلست قباله : رائد ..

فهد : ايه ..

جوري : بسألك ..

فهد : سمي ياقلبي ..

جوري : رائد يحب ..

فهد ابتسم : ايه ..

جوري : مــــن جــــد ..

فهد : ايه وربي .. ليه مستغربه ..

جوري : مو مستغربه بس مصدومه ..

فهد : ههههههههههههههه .. لا ابشرك يحب ..

جوري : طيب انت تعرف مين ..

فهد : ايه اكيد ..

جوري : مين طيب ..

فهد : وحده انتي تعرفينها ..

جوري : اعرفها ..

فهد : ايه وتقرب لنا بعد ..

جوري : مييييييين ..

فهد : غيدا بنت عمتي مشاعل ..

جوري : غيــــدا .. قل والله ..

فهد : ههههههههههههههههههههه والله شفييييك ..

جوري : مدري .. بس مو مصدقه ..

فهد : لا حبيبتي صدقي .. لا وازيدك من الشعر بيت .. يكلمها بعد ..

جوري : قل قسم بالله .. يكلمها ..

فهد : ههههههههههههههههههههههه ياربيه ليه كذا تنصدمين ..

جوري : مدري بس مو متخيله رائد يحب .. ومين غيدا ..

فهد : صار وحبها وين المشكله ..

جوري : مافيه مشكله بس كذا .. من متى طيب ..

فهد : من زماااااااان ..

جوري : يؤ .. تصدق عمري ماشكيت بغيدا انها تكلم ولا تحب وحتى رائد ..

فهد : ايه رائد وغيدا ما ينشك فيهم اما فهد على طووووووول .. تروح الافكار لذاك الطريق ..

جوري : والله اللي شفته مو شوي ..

فهد : طيب وش شفتي ..

جوري : ولا شي قفل الموضوع لو سمحت ..

رجعت لفت على التلفزيون .. مسك فهد الريموت وسكره ..

فهد : جوري .. ابي اعرف انا وش سويت ووش اللي شفتيه .. لا تقعدين تسوين فيني كذا ..

جوري : وش سويت ..

فهد : يعني عاجبتك حالتنا كذا .. متزوجين بالاسم .. كل واحد مننا بغرفه .. حتى الكلمه يالله يالله تطلع منك .. بالحسره .. كلام حلو ماقد سمعته منك من اول ما تزوجنا .. وين كلامك لي ايام الملكه .. وين الحب اللي تقولنيه لي .. ولا بس حكي ..

جوري وقفت : انت راجع تصرفاتك .. وشف وش سويت يوم زواجنا .. بتعرف وش فيني ..

تركته وراحت الغرفه وسكرت الباب بقوه وجلست على الارض وقامت تصيح ..

فهد يتكلم بصوت عالي : تعالي ليه تتهربين كل ما بدينا نقاش .. ليه تخليني وتروحين .. ماعندك رد اكيد .. ولا انا ماسويت شي الحمد لله واثق من نفسي ..

جوري من ورى الباب : ماشاء الله البراءه راكبتك من ساسك لراسك ..

راح ووقف ورى الباب : جوري افتحي الباب خلينا نتفاهم ونحط حل لكل هالسالفه ......... جوري تكفين افتحي ....... جوري طلبتك ..

جوري : ماراح افتح خلاص رح .. ما ابي اتكلم ..

فهد : ياربيه طيب انا ابي اجلس معاك ابي اتكلم زي كل واحد ما يتكلم مع زوجته حرام عليك اللي تسوينه فيني تدرين اني احبك واموت فيك كل هذا ما يعنيلك شي .. لو سويت شي على قولتك حبي لك مايغفر لي ..؟.. جوري ليه كل اللي تسوينه .. يعني لو فيه شي اقعدي معاي ناقشيني قوليلي انت سويت كذا وكذا لو تهاوشيني عادي مايهمني بالعكس انبسط .. خلينا نتفاهم ونوصل لحل مو كذا .. يلا يا قلبي انتي افتحي ..

جوري : مابي افتح .. فيني نوم ..

فهد : ليه انتي عنيده .. ما اخبرك كذا ..

جوري : انت قلتها عينده خلاص يا اخي رح وخلني بحالي ..

فهد : آآآآهـ .. يعني مافيه امل تفتحين ..

جوري : سوري ..

فهد : اوكي براحتك .. بس صدقيني بنرجع نتكلم ..

وقف شوي عند الباب : تصبحين على خير ..

استناها ترد ولا ردت عليه .. راح لغرفته وترك الباب مفتوح ورمى نفسه على السرير .. جلس يتقلب لين الساعه 3 بعدين نام ..

? ? اليـــومـ .. الـليـ .. بعـــــدهـ .. ? ?

! ??ٍ??? فبيتـ ابراهيم ??????

كانت الخدامه تطق الباب على ولاء اللي عيت لا تقوم .. جا ابراهيم وخلا الخدامه تروح وصار هو اللي يطق الباب ..

ابراهيم : ولاااااااااء .. ولاااااااااء ..

فتحت الباب : سم .. يعني الواحد ما يعرف ينام بهالبيت .. وش ذا الحاله ياربي ..

ابراهيم : ههههههههههه يلا يلا قومي عشان المدرسه ..

ولاء : متى بففففتكككككك يا رب ..

ابراهيم : يلا اخر سنه .. شدي حيلك وتفتكين ..

ولاء : الله يعيني .. يلا ببدل وانزل .. لاتفطرون عني .. ولا بزعل وبرجع انام ..

ابراهيم : هههههههههههههههه يلا عجلي طيب ..

راح ابراهيم قوم بيان ونزل تحت .. ولاء دخلت غرفتها وبدلت ونزلت .. وكانت امها وابوها وبيان موجودين ..

ولاء : صباح الخيييييييييير ..

الكل : صباح النور ..

فوزيه : يعني لو مايطلع ابوك ماتقومين ..

ولاء : شفتي اني احب ابوي .. عشان كذا لازم هو يطلع ويصحيني ..

فوزيه : الا قولي تحبين تتعبينه ..

ولاء : لا والله حرام ..

ابراهيم : طيب يلا اجلسي افطري ..

ولاء : غريبه بيان قايمه هالوقت ..

بيان : ياشين اللقافه ..

ابراهيم : يالله صباح خير .. ولاء بسرعه انا بوديك ..

ولاء : ياربيه من قدي انا اليوم ابوي يقومني ويوديني .. وش صاير بالدنيا ..

فوزيه : هههههههههههه يلا بس ..

افطرت بسرعه وبعدها طلعت مع ابوها ووداها للمدرسه ..

ولاء : يبه قل للسواق يجييب لي من ستار بكس الساعه 9 ..

ابراهيم : بيان بتروح الجامعه ..

ولاء : طيب بعد ماترجع يجيبه ..

ابراهيم : ان شاء الله يلا انزلي ..

ولاء : ان شاء الله يلا مع السلامه ..

نزلت ودخل وابراهيم يطالعها ويسمي عليها ..

ابراهيم : بسم الله عليك .. الله يحفظك ..

اول ما دخلت المدرسه مسكتها اللي عندي الباب ..

المدرسه : وش هالغطا ..

ولاء : وشفيه بعد ..

المدرسه : وش مافيه شفاف ..

ولاء : احمدي ربك اللي غطيت ولا ترى ماعندي نيه ..

المدرسه : بس انتي كبيره ..

ولاء ابتسمت : ادري بثالثه ثالث علمي بعد ..

المدرسه : وش اسمك ..

ولاء : اسمي جواهر ..

المدرسه : جواهر ايش ..

ولاء : جواهر الـ.... ..

المدرسه : طيب يا جواهر يلا ادخلي ..

دخلت ولاء وفصخت عبايتها وجتها جواهر ودانه ..

دانه : هلا وغلا ..

ولاء : اسكتوا فيني ضحكه ..

جواهر : وش فيك ..

ولاء مسكتها وضمتها : آآآآآآآسفه يا جواهر والله ..

جواهر : بسم الله عليك وشو ..

ولاء : ههههههههههههههههه عطيت اسمك لهذي اللي واقفه ..

جواهر طقتها : حمااااااااااااره .. كلبه ..

دانه : ههههههههههههههههههههههههه كفو والله .. تعيشين وتآكلين غيرها ..

جواهر : طيب يالنذله اوريك ..

ولاء : ليه ماطلعتو فوق ..

جواهر : علينا رياضيات مالي خلق ..

ولاء : اففففففففف يقطع ام البثاره اللي فيها .. " تقلد المدرسه " القتوووع ( القطوع ) ..

دانه : هههههههههههههههههه اهم شي خشتك ..

ولاء : ههههههههههه هي لازم تتمصع اذا جت تقولها ..

جتهم المراقبه : يلا وش وقفكم يا ثالث ..

ولاء : بشتري مويه ..

المراقبه : يلا اشتري وانتم يلا على فصولكم ..

جواهر : انا بعد بشتري مويه ..

دانه : وانا بعد ..

المراقبه : جاكم العطش الحين يلا بسرعه اشوف ..

شروا البنات بعدين دخلو جوا وجلسوا يتمشون لين جتهم المساعده وهزاتهم ودخلوا الفصل ..

ولاء تفتح الباب بقوه : السلاااااام عليكم ..

البنات والمدرسه : وعليكم السلام .

المدرسه : فيه طريقه احسن من كذا ينفتح فيها الباب ..

ولاء : والله يا استاذه جايه متحمسه بلحق على الدرس ..

جواهر ودانه جتهم الضحكه ..

المدرسه : يلا طيب ادخلوا .

دخلوا وكل وحده جلست مكانها .. ولاء كانت بالاخير بالزاويه اللي قدام الباب .. وكانت جايبه مغاطات وتكتب اوراق وترميها على البنات .. وانواع الهبال ..

المدرسه : وبعدين معاكم ..

حصه : خلاص استاذه سوري ..

المدرسه : يلا .. من تحل المسأله .. ولاء قومي ..

ولاء : أ أ أ .. مو مستواي المساله ابي مسأله اصعب ..

البنات : ههههههههههههههههههه ..

المدرسه : وبعدين معاك يا ولاء لين متى يعني ..

ولاء : وش سويت يا استاذه .. اتكلم جد ترى .. ابي مسأله عليها الكلام .. مو هذي الله يهديك .. لو عطيتها ريمو بنت عمي حلتها ..

المدرسه ارتفع ضغطها : وبعديييييييييييين ..

ولاء ابتسمت : خلاص خلاص بحلها .. بس وين السؤال ..

المدرسه : وهذا وشو ..

ولاء : يووه ما شفته .. " بصوت واطي " فرح وش الجواب ..

نقلتها فرح الجواب ..

المدرسه : شكرا ..

ولاء : ماقلت لك ابي سؤال اصعب ..

المدرسه : خلاص المره الجايه ..

ولاء : لا خلاص تعبت وانا افكر ..

البنات : ههههههههههههههههههه ..

المدرسه : بنات خلاص ترى تعبتوني ..

جواهر : اسفين خلاص والله ..

! ??ٍ??? فبيتـ تهاني ??????

الساعه 7 كانت توها قايمه عشان مشعل وراه دوام ..

مشعل : صباح الفل ..

تهاني ابتسمت : صباح النور ..

مشعل : الله الله .. وش هالدلع ..

تهاني : يلا افطر وراك دوام ...

مشعل : وانتي طبعا بتنامين ..

تهاني : لا والله بلبس وبروح الجامعه ..

مشعل : خليني اوديك طيب ..

تهاني : بتتأخر ..

مشعل : عادي ابوي ماراح يقول شي .. يلا البسي وارجعي كملي فطورك ..

تهاني : اوكي يلا ..

قامت ولبست وتكشخت وجت له ..

مشعل يصفر : ياسلاااام .. وش هالحلاوه ..

تهاني : طول عمري حلوه ..

مشعل : هههههههههههههه مآخذه مقلب ..

تهاني : انت قلت اني حلوه ..

مشعل : بهذي صدقت .. بعدين تعالي كل هالكشخه للجامعه وانا مالي شي ..

تهاني : يكفيك انا ..

يتبع ,,,,

👇👇👇

تعديل المقال