رواية تحملت كثير يا قلبي -57
ريال وساعه نفس ولاء ونوره .. جوري وفهد عايشين عادي وطبيعي يوم مشكله وعشره عادي .. ابرار رجعت من السفر لان سعود مره تعب .. نايف وريان مره هجدوا بعد النسب الحلوه اللي جابوها بثاني .. نايف جاب (94,10) .. وريان جاب (91,34) .. الكل كان متوقع احلى من كذا بس بعد تعتبر مررررررررره حلوه على نحشاتهم .. المفروض يجيبون اقل من كذا بكثير .. طبعا جابوها ولا ماجابوها ماعطوهم شي .. سلطان صار مره هادي عقب حمد .. صار عاقل تفكيره تغير 081ْ وصار يشبه حمد بكل تصرفاته .. اما رغد كانت تصبح وتمسي على صور حمد واحيانا الا دائما تروح تنام عند لولو .. والجده عيت تطلع من البيت رغم اقناع عيالها لها .. ليلى حياتها مع منصور ماشيه وهي الحين حامل بالشهر السابع كان شكلها بالحمل مره مره حلو .. هيفا وبدر من مشكله لاكبر ومره يتراضون وعشره يتزاعلون واغلب الاحيان عشان سالفة شذى اللي مو راضيه تتركها .. ودايم ولاواحد منهم راضي يتنازل للثاني .. هيفا خطبوها كثيير بس مارضت لانها كانت تحصل تهديد من بدر انها لو وافقت بتشوف شي مو زين هي اصلا ماهمها تهديد بدر بس مو قادره توافق لانها تحبه .. وهو يدري بهالشي بس ساكت .. لاقالها تزوجي ولا قال بآخذك .. وهي ماتدري وش تسوي معاه .. يعني عايشه بين نارين .. ولاء بدت تحب وليد من سواليف هيفا فيه بس مابينت لأحد وكم مره تلاقت معاه ببيت عايشه يكون جاي يحط خواته وتهاني وهي تكون موجوده عند هيفا .. نوره شايله فكرت الحب من بالها مررررررره .. اما جواهر كان معها واحد بالكليه مره حلو ووسيم .. كانوا مايتعدون حدود النظرات يعني نظره منه ونظره منها بعدين كل واحد يروح وبقلبه شي للثاني .. ..
!??ٍ??? فبيتـ ليلى ??????
ليلى : قايله لك انا بطلع من البيت بس ماسمعت ..
منصور : وربي سمعت بس وين تبين اوديك ..
ليلى : ابي اطلع وبس .. اففف ..
منصور : ليلى حياتي لا تتأففين ..
ليلى : منصور بلا سخافه يلا ..
منصور : طيب لاتعصبين ..
ليلى : انت اللي تجيب لي العصبيه ببرودك ..
منصور : والله انا مو بارد .. انتي اللي من حملتي وانتي مو طايقه البيت ولا طايقتني .. كل شي سويته عشان ترتاحين بس مافيه امل .. مدري وش اسوي عشان ترضين ..
ليلى جلست على الكنب : اففففففف موقادره بطلع بطلع .. تعبانه ..
منصور : خلاص طيب يلا ..
لبست عبايتها وطلعت ركبت قبله وهو ركب وشغل السياره والمكيف ..
منصور : وين تبين نروح ..
ليلى : اي مكان ..
منصور : نمشي بس كذا ..
ليلى : ايه ..
منصور : طيب ..
حرك منصور السياره وصاروا تمشون بس بدون هدف ..
ليلى : افففففففف ريحة السياره مو حلوه .. افتح الشباك افتحه ..
فتح منصور الشباك وهو يضحك ..
ليلى : وش يضحكك الحين .
منصور : كل شي ريحته مو حلوه ..
ليلى : وش اسوي طيب ..
منصور : لاتسويين شي .. تبين تشربن شي ..
ليلى : ايه ابي عصير كيوي ..
منصور : ههههههههههههههههههههههههههههه ..
ليلى : ياربيييييييييييييييييييييييه ..
منصور : خلاص خلاص آسف .. الحين امر 50 فاكهه ..
ليلى : مابي منه ابي من ماما نوره ..
منصور : اذكر امك اسمها خلود واختك نوره ..
ليلى : لا تستخف دمك ..
منصور : هههههههههه خلاص طيب لاتهاوشين ..
مرو مطعم ماما نوره واخذ لها عصير واخذ له سفن اب ومشوا جلسوا يدورون لين الساعه 12 بالليل بعدين رجعوا البيت .. اول مادخلت ليلى البيت ..
ليلى : ياربييييييييييييييييييييييييييييييه ..
منصور : وشو بعد ..
ليلى : ابطلع ابطلع .. مابيي اجلس هنا .
منصور : شفيك على البيت يا بنت الحلال ..
ليلى : قلت لك طلعني يلا ..
منصور : ليلى حبيبتي انا تعبان بنام مافيني اسوق ..
ليلى : والله ما انام هنا ..
منصور : لا حوووووووووووووول .. يلا طيب ..
طلعوا مره ثانيه وراحوا فندق الشيراتون واخذوا لهم جناح ..
ليلى : ايه هنا المكان اللي يفتح النفس مو البيت ..
منصور : ممكن انام الحين ..
ليلى ابتسمت : ممكن . بس مو معاي نم على الكنبه مافيني .
منصور بإحباط : حرام عليك ..
ليلى : وش اسوي فيك مابيك تنام جنبي .. يلا رح خل يجيبون لك فرشه زياده .. تصبح على خير ..
دخلت الغرفه وسكرت الباب وقفلته .. منصور وقف يطالع الباب ..
منصور : مو منك من اللي بخليك تحملين مره ثانيه ..
راح وانسدح على الكنبه جلس شوي يكلم مشاري بعدين نام بدون غطى لانه كان مره تعبان ..
!??ٍ??? فبيتـ تهاني ??????
كانت نايمه وبنتها تصيح ..
مشعل يدز تهاني : تهاااااني .. تهـــآآآآآآآني ..
تهاني : هممممممم ..
مشعل : قومي شوفي بنتك صجتني مو عارف انام وراي دوام بكرى ..
تهاني : وانا وش اسوي مو بنتي بلحالي قم لها انت انا تعبانه ..
مشعل : حرام عليك تهاني قومي لها وراي قومه الصباح قومي ..
تهاني : ماراح اقوم ..
قام مشعل وشال البنت من سريرها وجلس يهزها لين نامت .. بعدين رجعها سريرها اول ماحطها بالسرير رجعت تصيح .. رجع شالها ونومها يوم حطها مره ثانيه بالسرير صاحت ..
مشعل : اففففففففففففف .. وش تبين خلاص بنام ..
تهاني : لاتحطها بسريرها نومها جنبك ..
مشعل : دام قايمه قوميلها لاتتعبيني ..
تهاني : انا خلقه تعبانه انت خلك معها بنام ..
مشعل : افففففففففف ..
جلس يهزها لين نامت بعدين حطها جنبه وضمها وباسها ..
مشعل : فديت بنوتتي انا ..
? ? اليـــومـ .. الـليـ .. بعـــــدهـ .. ? ?
.
.
!??ٍ??? فبيتـ فهد ??????
قامت جوري الصباح وقومت فهد بس عيا يقوم راحت وجابت مويه بارده بفنجال وكبتها على وجهه .. نقز من فراشه وهي صارت تضحك ..
فهد : تضحكين بعد ..
جوري : ههههههههههههههه شكلك يموت ضحك ..
فهد : قولي والله ..
جوري : ههههههههههههههه والله ياليتني مصورتك ..
فهد : بعااااااااد ..
جوري : وش اسوي فيك مارضيت تقوم ..
فهد : وعناد منب قايم وطز بالدوام ..
جوري : طيب طز بدوامك بس قم ودني الجامعه ..
فهد : ارجعي نامي مافيه جامعه ..
جوري : عندي محاظره الساعه 11 يلا قم ..
فهد : تونا الساعه 8 الحين ..
جوري : طيب قم ودني ..
فهد : قلت لك مو لازم تروحين يلا نامي اشوف ..
جوري : ماراح انام وراح تقوم توديني ..
فهد : تتحدين يعني ..
جوري : ايه ..
فهد : طيب ..
قام فهد وقفل باب الغرفه واخذ المفتاح وحطه معاه .. وشال جوري وسدحها على السرير وغطاها ..
فهد : اشوفك متحركه من مكانك تسمعين ..
جوري : فهد حرام عليك كم مره ماتخليني اروح الجامعه .. بيعطوني انذار ..
فهد : عادي خل يفصلونك بعد ..
جوري : ياسلام عليك ..
فهد : اي والله اتكلم جد .. وش تبين من الجامعه .
جوري : اففففففففففففففففففففففففف ..
فهد : لا تتأففين .. بنام ..
جوري : نم ..
فهد قام وباسها : يلا قلبي نامي فديت روحك ..
جوري : اففف طيب ..
فهد : وشو اف ..
جوري : ابي اروح الجامعه ..
فهد : ياربيه انتي مع وين تفهمين ..
جوري : من قالك اني افهم ..
فهد ابتسم : مادام ماتفهمين ليه تروحين الجامعه وتتعبين وتتعبيني معاك ..
جوري : فهاااااااااااااااااااااد ..
فهد : ههههههههههههههههههههههههههههههه .. نامي بس نامي بلا جامعه بلا عوار راس ..
!??ٍ??? فبيتـ بيان ??????
طلال : يلااااااااا ..
بيان : ماخلصت دقايق ..
راح لها طلال : بتأخر كذا .. ( قام يطالعها وصفر ) .. يااوووللللد عليك .. وش هالحلاوه من صباح رب العالمين ..
بيان : دايم حلوه .. مو اول مره ..
طلال قرب لها وقبصها مع خدها : قالوا لي مغروره ..
بيان بعدت عنه : ومن قالك اني مغروره ..
طلال : ماعليك من قالي المهم انهم قالولي يلا نمشي ..
بيان : تدري طلولي ..
طلال : سمي ياروح طلولك ..
بيان ابتسمت : ماودي اروح الجامعه طفشت ..
طلال : يلا عاد وش طفشتي .. وش بيجلسك بالبيت الحالك ..
بيان : عادي اجلس استناك ..
ابتسم لها : لا والله ..
بيان : هههههه ايه ..
طلال : يلا يلا بس امشي ..
راح طلال بيطلع من الغرفه وهي ماكانت تبي تروح ..
بيان مسكت بطنها : اي اي بطني يعورني ..
طلال : بسم الله عليك .. وش جاك ..
بيان تجلس على السرير : تعبانه تعبانه ..
طلال جالها وجلس جنبها : بلا دلع قومي ..
بيان : اقولك تعبانه تقوليي قومي ..
طلال : ياربيه بيون وربي متأخر لا تقعدين تسوين لي افلام ..
بيان : الله يسامحك الحين انا اسوي افلام .. اقولك بطني يعورني تقولي افلام .. خلاص خلاص انت رح دوامك واذا صار فيني شي .. الله يرحمني ..
طلال : بسم الله عليك .. وش هالفال .. قومي اوديك المستشفى طيب ..
بيان : لا لا ماحب المستشفيات ..
طلال غمز لها : متأكده انك تعبانه ..
بيان : ايه ..
طلال : ماظنتي والله .. قولي مابي اروح الجامعه وبس ..
بيان : لا لا تعبانه ..
طلال : بييوووون ..
بيان ابتسمت : ايه ماودي ..
طلال قرب لها وعضها مع كتفها : داري وربي ..
بيان : ههههههههههههههه آآي ..
طلال : يلا خلك هنا انا بطلع ..
قام وراح للباب .. قامت بيان وراه وراحت وقفت قدامه ..
بيان : لاتروح وتخليني ..
طلال : بيان قلبي الساعه الحين 9 لا خليتيني اروح الدوام ولا خليتيني اوديك ..
بيان : طيب لا تروح خلك اليوم مو لازم ..
طلال : بيونتي يلا خلك سنعه وخلينيي اروح ..
بيان بعدت عنه : ومن قالك اني مو سنعه ..
طلال ابتسم وعلى طول راح فتح الباب وطلع ودخل راسه : ايوه كذا اقدر اروح .. يلا باي فديتك ..
طلع طلال وهي واقفه تطالع الباب ..
بيان : واااااااااااي يجنن .. ( لفت وجهها ) هههههههههههههههه هين ..
راحت ودقت عليه ..
طلال : هلا عيوني ..
بيان : هلا فديييييييتك .. وين وصلت ..
طلال : توها مولعه الاشاره ليه تبين شي ..
بيان : امممممممممممم .. بروح بيت اهلي ..
طلال : روحي فديتك بس من بيوديك ..
بيان : بروح مع عبد الهادي سواقنا ..
طلال : اوكي حبيبتي ..
بيان : اوكي .. امممممممممم وين وصلت الحين ..
طلال : ليه ..
بيان : بس سؤال ..
طلال : بالدائري انا ..
بيان : ههههههههه طيب اقولك سر مره حلو ..
طلال : وشو ..
بيان : هههههههههههههههه نسيت مفتاح المكتب بالبيت ..
طلال : قـــــــــولي واللــــــــــــه ..
بيان : هههههههههههههههههههههه والله .. يلا يلا ارجع ..
طلال : خخخخخخخخ ماحزرتي .. فيه مفتاح سبير عند الفراش .. يلا فديتك مره ثانيه ..
بيان : يوووووووووووووووه قهر ..
طلال : هههههههههههههههه ..
!??ٍ??? فبيتـ سليمان ??????
كان سليمان يكلم خلود بالتلفون من المكتب ..
سليمان : قوميه اعوذ بالله .
خلود : ان شاء الله بس انت لاتعصب ..
سليمان : وشلون ما اعصب وولدك صاير مافيه اكسل منه .. لو ندري ان الزواج بيخليه كذا مازوجناه .. شوفي الساعه كم الحين وهو لين الحين ماشرف ..
خلود : ان شاء الله يا ابن الحلال بروح الحين اقومه ..
سكرت منه ودقت على قسم مشاري وردت لميا ..
لميا : نعم ..
خلود : صباح الخير ..
لميا : صباح النور والسرور .. هلا وغلا هلا يمه ..
خلود : هلا فيك يا بعدي .. مشاري مابعد قام ..
لميا : الا توه قايم دخل يتحمم ..
خلود : زين اذا طلع قوليله ابوك معصب ليه متأخر عن الدوام ..
لميا : ان شاء الله ..
سكرت من خلود ولفت وراها لقته واقف وراها بالفوطه بس .. استحت ونزلت راسها .. مشاري ابتسم وطنش ..
مشاري : مين ..
لميا : امي تقول ان ابوي دق يقول ليه متأخر .. وتقول انه معصب ..
مشاري : ليه كم الساعه الحين ..
لميا : الساعه 9 ..
مشاري : يؤ يؤ يؤ ..
راح غرفة الملابس ولقى ملابسه مجهزه وكل شي مطلع ومبخر ومحطوط .. لبس وطلع لقاها جالسه على السرير .. لميا تسمي خلود وسليمان ( امي وابوي )
مشاري : ماراح تروحين الجامعه ..
لميا : عند off اليوم ..
مشاري : ايه صح نسيت .. اوكي خلاص .. ماراح تنزلين تحت طيب ..
لميا : الا يلا جايه وراك ..
مشاري ابتسم : لا مو وراي قدامي اشوف ..
ابتسمت ونزلوا تحت مع بعض .. سلم على امه ..
خلود : اجلس افطر ..
مشاري : لا وين افطر متأخر امر اخذ لي اي شي بالطريق ولا اكل بالدوام ..
لميا : لو شي بسيط ..
مشاري : متأخر وربي ..
لميا : طيب استنى اجيب لك كوب كوفي ..
مشاري : اوكي ماشي بس بسرعه ..
راحت لميا تركض المطبخ ..
مشاري : يمه ليلى مادقت عليك ..
خلود : لا ليه ..
مشاري : مدري .. بس ما قالت بتجي تنام هنا ولا شي ..
خلود : لا .. ليه وش صاير ..
مشاري : الصراحه .. منصور يقول انها من حملت وهي نفسيتها زفت .. مو طايقه تجلس بالبيت يوم دقيت عليه امس الساعه وحده قال رايحين فندق نايمين هناك .. ماتبي البيت ..
خلود : اكيد متوحمه على بيتها عادي ..
مشاري : اي عادي .. يقول نفسيتها براس خشمها مو طايقه الرجال ..
جت لميا ومعها الكوب وعطته مشاري ..
خلود : ايه عادي تتوحم .. حامل لازم يراعيها ..
مشاري : والله اذا العيال بيخلون الزوجه تكره زوجها .. مانبيهم .. يلا باي ..
طلع مشاري وترك لميا جالسه تفكر ..
لميا " وش قصده مايبي عيال " ..
خلود : لميا .. لمياااا ..
لميا : سمي ..
خلود : شفيك ..
لميا ابتسمت : ولا شي يمه عادي ..
خلود : طيب .. ماتبين نطلع شوي ..
لميا : وين نروح ..
خلود : نروح السوق ..
لميا : عادي ماعندي مانع بس ماقلت لمشاري ..
خلود : بسيطه .. انا بقوم البس عبايتي وانتي دقي عليه وقوليله ..
قامت خلود .. ولميا اخذت التلفون ودقت على مشاري ..
مشاري : مرحبا ..
لميا : مراحب .. هلا ميشو ..
مشاري : هلا عيونه ..
لميا : امي بتطلع السوق عادي اروح معها ..
مشاري : ايه فديتك روحي ..
لميا : اوكي قلبي تبي شي ..
مشاري : سلامة قلبك ..
لميا : يلا اجل حبيبي اخليك ..
مشاري : اوكي ..
سكر منها ووقف عند الشركه ونزل راح ووقع .. يوم راح مكتبه لقى رائد جالس ..
مشاري : هلا هلا .. رؤدي عندي .. وش اللي صاير بالدنيا .. ليه مو مداوم ..
رائد : عمي ابراهيم ارسلني قال داوم اليوم هنا .. بعدين فهيد الغبي اليوم ماجا ..
مشاري : زين يعني ماراح اجلس الحالي هنا ..
رائد : ايه شفت .. ماشفت يوسف ..
مشاري : والله هالادمي يجي فتره وبعدين فجأه ينقطع ..
رائد : ماتزوج ..
مشاري : لا ..
رائد : الله يعينه .. يعني لا ام ولا ابو ولا اخو ولا اخت .. شلون عايش ..
مشاري : اذ شفت مصيبة غيرك تهون عليك مصيبتك ..
رائد : سكر الموضوع .. مانبي حزن ..
مشاري : الله يعين .. ( غمز له ) شلون الحبايب ..
رائد : واي فديت روحها تخقق ..
مشاري : ايوااا ايواااا .. ( يقلده ) ماعاشت اللي تجيب راس رائد بن فارس الـ..... تذكر هالكلام ..
رائد : ههههههههههههههه .. والله القلب ومايهوى ..
مشاري : اهم شي حب من اول نظره ..
رائد : فديت اول نظره .. وربي ادعي لماهر ليل ونهار ..
مشاري : ههههههههههههههههههههههههههههه .. وش دخله ..
رائد : تذكر اول الروايه قالي يبي شطه وقمت اجيب له ..
مشاري : ايه صح .. اول جمعه بالروايه لنا ببيتكم ..
رائد : ايوااااا .. من ذاك اليوم وهي مآكله عقلي ..
مشاري : ياحليلك والله تعرف تحب ..
رائد : قل والله .. ليه ماعندي قلب ..
مشاري : هههههههههههههههههه .. كنت اتوقع هالشي ..
رائد : تدري الشرهه مو عليك على اللي جالس معاك ..
قام رائد وطلع .. ومشاري يضحك عليه .. طلع جواله ودق على لميا ..
لميا : هــلا ..
مشاري : اهلين .. كيفك ..
لميا : هههههه تمام الحمد لله .. توك طالع من البيت ..
مشاري : وش اسوي اشتقت لك قلت خلني ادق اشوف شخبارها ..
لميا : فديت روحك والله ..
مشاري : ماطلعتوا ..
لميا : الا .. حنا الحين بالسوق ..
مشاري : طيب وش بتشترين لي ..
لميا : انت اطلب بس ومن عيوني ..
مشاري : ههههههههه امزح فديت روحك .. احـم .. يلا ارجع ادق علييك بعدين ..
لميا : اوكي حبيبي ..
سكر منها وقام : هلا والله ..
سليمان : قطعت عليك مكالمتك ..
مشاري : لا يبه عادي ..
سليمان : زين ..
جلس قدام مشاري وجلس يكلمه بموضوع .. سليمان كان يتكلم ومشاري وجهه يتلون الف لون واخر شي عصب ..
مشاري : يبه مايصير ..
سليمان : وليه مايصير ..
مشاري : تجوني فجأه تقولون تزوجها وخذها ومدري ايش .. بعدين تجون الحين تقولون طلقها عشان بينكم وبين ابوها مشاكل وفكيتوا الشراكه ومدري ايش .. انا مو لعبه ..
سليمان : مشاري ..
مشاري : معليش يبه .. بس طلاق ماراح اطلق .. انا ماتزوجت عشان اطلق ..
سليمان : لا بتطلق ..
مشاري : يبه .. عقب ماتعلقت بالبنت تبيني اطلقها عقب ماصار لنا سنه متزوجين تبيني اطلقها ليه ..
سليمان : سنه سنتين عشر سنوات .. وتعلقت فيها ماتعلقت فيها انا مايهمني .. البنت تطلقها يعني تطلقها سمعت ولا لاء .. وهذا اخر شي عندي ..
طلع سليمان من المكتب وصقع بالباب بقوه .. مشاري جلس بثقله على الكرسي ورجع راسه وتنهد تنهيده طوييييييله .. دخل عليه رائد ..
رائد : مع اني زعلان بس وش اسوي احبك ..... شفيك ..
مشاري بعصبيه رمى الاوراق اللي على المكتب : انا مو لعبه عندهم .. مو آله متى ما بيون يوقفونها وقفوها ومتى ما ييبون يمشونها مشوها .. انا بشر يا عالم بشر ..
رائد راح له ووقف عنده ومسكه : مشاري حبيبي هد اعصابك وش صاير ..
مشاري : ابوي الله يسامحه ..
رائد : شفيه ..
مشاري : جاني قبل شوي وقالي لازم تطلق لميا ..
رائد : تطلقــــها .. ليه وش سوت ..
مشاري : عشان فكوا الشراكه مع ابوها وصارت بينهم مشاكل .. وطبعا من الضحيه .. انا وهي ..
رائد : مايصير كذا .. مو على كيفهم ..
مشاري : المشكله ابوي شكله مصمم على الموضوع ..
رائد : رح له وحاول تتفاهم معاه ..
مشاري : ........... طيب ..
قام مشاري بيروح ومسكه رائد ..
رائد : ترى عماني مجتمعين ..
مشاري : احسن بعد ..
راح مشاري طق الباب ودخل ..
عبد العزيز : هلا ابوي تعال ..
مشاري : هلا عمي ..
راح مشاري وجلس على الكنبه جنب عمه فارس .. حط فارس يده على كتف مشاري .
فارس : شفيك ..
مشاري رفع راسه وجلس يطالع ابوه : إسأل ابوي ..
سليمان : وبعدين يعني ..
مشاري : يبه انا وش دخلني بينكم ليه غصب بتدخلوني انا وياها بالمشاكل اللي تصير بينكم ..
ابراهيم : الطلاق مو حل يا سليمان ..
سليمان : لا حل .. خلاص تزوجوا عشان بيننا شغل انفك الشغل لازم يطلقها ..
مشاري : بيه ..
سليمان : انا قلت اللي عندي وماعندي كلام ثاني ..
قام سليمان وطلع من المكتب .. مشاري نزل راسه ومسكه ..
مشاري : حرام عليه والله .. ليه يزوجني دامه بيخليني اطلقها .. ليه ماحط اسوء الاحتمالات قبل لا يفكر يزوجني .. ليه مافكر اني يمكن اتعلق فيها ويجي هو بسهوله يقولي طلقها ..
ابراهيم : الله يهديه ..
عبد العزيز : المشكله عنيد محد يقدر عليه ..
قام مشاري وطلع لحقه فارس ووقفه ..
فارس : وين ..
مشاري : بروح مكتبي ..
فارس : اوكي ..
تركه فارس ودخل عند اخوانه ومشاري راح المكتب لقى رائد جالس راح وجلس جنبه .
رائد : وش صار ..
مشاري : الله يعيني يا شيخ بس ..
رائد : لاتسوي كذا ان شاء الله كل شي بينحل ..
مشاري : اي ينحل واي خرابيط .. رائد انت ماتعرف ابوي اذا قال كلمه تمشي ..
رائد : ان شاء الله يلين .. بسألك ..
مشاري : وشو ..
رائد : زوجتك مو حامل .. يمكن اذا كانت حامل يتغير كل شي ..
مشاري : تصدق مدري ..
رائد : طيب إسألها ..
مشاري جلس يفكر وتذكر : لا لا مو حامل ..
رائد : وش دراك ..
مشاري : انا زوجها وادري .. مو حامل .. اففففففففففففف ..
رائد : الله يعينك ..
انتهى الدوام وكل واحد راح بيته ..
!??ٍ??? فبيتـ فارسـ ??????
رائد : بس وربي حرام .. لو شفت شكله وربي بترحمه ..
فارس : وش نقدر نسوي ابوه ..
رائد : يعني انا لو وافقت اني آخذها كان مطلقيني منها الحين ..
فارس : هههههههه احمد ربك ..
رائد : اشوى اني كنت احب ..
ريان : انقذتك بنت العمه ..
رائد : فديتها والله خل اروح اكلمها ..
امل : اركد وقت غدا الحين ..
فارس : الحمد لله والشكر على العقل ..
ريان : مابي احب انا ..
رائد : ليه ..
ريان : لين الحين ما انخلقت اللي تجيب راس ريان وتخليه يحبها ..
رائد : هههههههههههههه قلتها من قبلك ..
فارس : احــم احــم .. حتى انا ..
الكل : هههههههههههههههههههه ..
امل : توني ادري اني قويه .. وجبت راسك ..
فارس : شفتي حياتي محد خلاني احب غيرك ..
امل : ليه ناقص بعد تحب وحده غيري ..
فارس : ولوووو .. انتي متربعه هنا .. ( يأشر على قلبه ) ..
رائد : ايوا ايوا .. خلوني اتعلم وراي زواج انا ..
فارس : انت تعلم ديره .. مو حنا نعلمك ..
ريان : راحت علي انا .. وعلى ريوووم .. ريوم من بيحبك انتي يالشينه ..
ريم : ماما ..
فارس : مالت عليك بس ماما .. قولي بابا ..
ريم تضحك وهي مستحيه وتنزل راسها وتحطه بين يدينها : بــآبـــآ ..
فارس قام لها وشالها وجلس يبوسها : ياربي هالبنت بتهبل فيني .. بتموتني .. وش هالدلع ..
ريم : ههههههههه .. بابا ..
فارس : هههههههههههههه ياروح بابا انتي ..
رائد : ريومتي قولي رؤدي ..
ريم : دودي ..
رائد : يازين اللي يدلعوووووني ..
ريان : قولي ريان بسرعه ولا بالملعقه ..
ريم : نيان ..
الكل : هههههههههههههههه ..
ريان قام لها ووقف قدام ابوه وحط عينه بعين ريم ..
ريان : قولي ريوني ..
ريم بدلع ودافنه راسها بحضن ابوها : نوني ..
فارس : هههههههه يانااااااااااااس .. ريان ابعد لاتخوفها لا اشوتك ..
ريان : هههههههههههه طيب طيب ..
رائد : ههههههههه راح سوق جوري .. خلاص جت اللي اغلى منها ..
ريان : اسكت لاتسمعك ..
!??ٍ??? فبيتـ بيان ??????
كانت بيان توها مسكره من طلال وقال انه ماراح يجي الا متأخر .. كانت جالسه تفكر .. مره مره اشتاقت لفهد تبي تسمع صوته .. مع انها تزوجت بس مازالت تحب فهد .. اخذت الجوال ودقت عليه ..
فهد كان توه راجع من بنده دخل البيت وجوري كانت بالمطبخ .. دق عليه رقم غريب ورد ..
فهد : مرحبــا ..
بيان : الوو ..
فهد : هلا ..
بيان : فهد ..
فهد : ايه نعم فهد مين ..
بيان : انا بيان ..
فهد انصدم : بيان ..
جوري سمعت صوت فهد وطلعت بس وقفت عند الباب وشافته يكلم بس ماسمعته يوم قال اسم بيان .. طلع فهد من البيت ووقف بالحوش ..
فهد : بيان ليه داقه ..
بيان : عشان اقولك اني احبك ..
فهد : تعوذي من ابليس .. انتي انسانه متزوجه الحين .. وانا ما ارضى انك تخونين زوجك .. اللي يكون خال زوجتي .. وهو اعتقد ماقصر عنك بشي .. عشان تسوين اللي تسوينه الحين .
بيان : صحيح ماقصر عني بشي بس .. انا احبك انت .. احبك انت وبس ..
طلعت جوري ووقفت على الباب ..
فهد : حتى انا احبك ..
جوري يوم سمعته على طول دخلت وراحت غرفتها الاولى وقفلت الباب ..
فهد : احبك كنك اختي .. مو الحب اللي فبالك .. مابي اخرب حياتك يا بيان وانتي بعد لاتخربين علي حياتي .. الحمد لله عايش ومبسوط ..
بيان : بس ..
فهد : لا بس ولا شي .. فكري بالرجال اللي انتي ماخذته .. لاتخونينه يا بيان .. يلا فمان الله ..
سكرت منه وحطت الجوال .. اول مالفت لقت طلال واقف ويببتسم لها .. ابتسمت بإرتباك ..
بيان : متى جيت مو قلت بتتأخر ..
طلال : قلت بتأخر بس خلصت بدري وجيتك .. ليه فيها شي ..
بيان : لا مافيها شي .. تبي احط لك الغدا ..
طلال : لا .. من كنتي تكلمين ..
بيان : ماكنت اكلم احد ..
قرب لها طلال ومسكها مع يدها : بسرعه من كنتي تكلمين .. من اللي تقولين له احبك .. بيان سمعتك من اول ما رفعتي الجوال تكلمين ..
بيان : ماكنت اكلم احد ..
طلال بصراخ وضغط على يدها : اقولك من كنتي تكلمين ..
بيان صاحت ماقدرت تسوي شي ..
طلال : لاتصيحـــــــــيـــــــــن .. تكلمي ..
بيان : حرام عليك يدي تعورني ..
طلال : عمري ماتوقعتك تخونيني يا بيان .. هذا انا اللي حبيتك وعطيتك كل اللي تتمنينه ومو مقصر عليك بشي كذا تسوين معاي .. ( بصراخ ) كــــــــــــــــــذآ تســويــن يا متـــــــــــربـيــــــــــه يا محتـــــــــــــرمـــــــــــه ..
بيان : طلال ماسويت شي حرام عليك ماسويت شي ..
طلال ووجهه حمر مسكها ورماها على الكنبه ..
طلال بإنفعال وصراخ : لاتقولين ماسويت شي .. لا تكذبيييييييين .. قومي بسرعه شيلي اغراضك مابي اشوفك هنا بالبيت .. بسرعــــــــــه ..
بيان : طلال تكفى لا ..
طلال : قلــــــت لـــــك قـــوووومــــــي .. بسرعــــــــــــــــــــــــــــــه .. مابي ارجع البيت وانتي موجوده .. كل شي لك بالبيت تشيلينه مابي اي شي لك هنا ..
طلع طلال من البيت وتركها منهاره وتصيح .. قامت دقت على امها وقالت ارسلي السواق .. ارسلت فوزيه السواق .. شالت بيان شويه من اغراضها وراحت بيت اهلها .. اول مادخلت راحت لامها تصيح ..
فوزيه : بسم الله عليك وش فيك ..
بيان : طلال ..
فوزيه : وش فيه ..
بيان : تهاوش معاي وقالي مابيك بالبيت ..
فوزيه : ليه وش صاير ..
بيان : ................
نزلت ولاء على صوت صياح بيان ..
ولاء : شفيكم وش صاير ..
فوزيه : بيان متهاوشه مع رجلها ..
ولاء : ليه وش صاير بينهم ..
بيان : مالك شغل بلا لقافه لو سمحتي ..
ولاء : بالطقاااااااااااق ..
راحت ولاء ورقت غرفتها ورجعت تكلم هيفا ..
الجـ ـ ـ ـ ـ 26ـ ـ ـ ـ ـ ـزء
!??ٍ??? فبيتـ فهد ??????
اول ماسكر من بيان دخل البيت كان يذكر انه لمح جوري بالمطبخ راح المطبخ دورها مالقاها .. راح الغرفه دور مالقى .. دورها بالبيت كله مالقاها .. اخر شي راح لغرفتها القديمه لقاها مقفوله طق الباب فتحت له جوري وهي تصيح ..
جوري : نــــعـــــم ..
فهد : بسم الله عليك حبيبتي وش فيك .. وش صاير ..
جوري : مالك شغل ..
فهد : جوري وش فيك وش صاير ..
جوري بصراخ : قلت لك مالك شغل ..
قرب لها فهد ودزته ..
جوري : ابعد عني لاتقرب لي ..
فهد : ليه طيب فهميني وش فيك ..
جوري بإنفعال : اكـــرهــــك .. طلقني يا فهد طلقنـــــــــــــي ..
فهد انقلب وجهه وانصدم وتنح وكل علامات الدهشه والاستغراب على وجهه ..
فهد : اطلقـــك .. ليه وش سويت ..
جوري : لانك اكبر كذاب شفته بالدنيا كلها .. انا دقيت على سواق اهلي يجي يآخذني .. مابي اجلس معاك ولا دقيقه .. ولو سمحت ورقة طلاقي توصلني عند اهلي ..
دخلت جوري وسكرت الباب بوجهه .. جلس فهد يترجاها تفتح الباب ولاحياة لمن تنادي ماترد عليه .. بعد ربع ساعه طلعت من الغرفه وراحت غرفتهم .. وقفلت الباب .. طلعت شنطه وحطت فيها ملابسها وسكرتها وطلعت من الغرفه وهي تصيح لابسه عبايتها وشايله الشنطه .. فهد لحقها لين ركبت السياره يبي يفهم وش السالفه ماقدر .. سكرت الباب وقالت للسواق يمشي .. مشت السياره وفهد يطالعها ..
فهد : طيب بس افهم وش سويت عشان تسوي معاي كل هذا .. ليه ياربي دايم كذا تسوي تزعل وما ادري وش السبب .. ياربيه بس ..
!??ٍ??? فبيتـ فارسـ ??????
بعد الغدا جلسوا يسولفون بالصاله .. ريان طلع غرفته يذاكر .. شوي انطق الباب وراحت الخدامه تفتح بعدين دخلت معها شنطه ورقتها فوق .. بعدها دخلت جوري وراها ووجهها احمر من الصياح .. قامت لها امل بسرعه ..
امل : بسم الله عليك وش فيك ..
جوري : مابيه مابيه .. اكرهه مابي اعيش معاه ولا دقيقه ..
امل : وش صاير .. وش فيك ..
مسكتها امل وجلستها على الكنبه ..
جوري : مابيه الكذاب خلاص مابيه اكرهه ..
فارس : وش اللي صاير طيب ممكن نفهم ..
جوري : قلت لكم ما ابيه ..
فارس : طيب بفهم السالفه بس بعدين يصير خير ..
رائد : فهد سوى لك شي ..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك