رواية تحملت كثير يا قلبي -58

رواية تحملت كثير يا قلبي -58

جوري : مابيه الكذاب خلاص مابيه اكرهه ..

فارس : وش اللي صاير طيب ممكن نفهم ..

جوري : قلت لكم ما ابيه ..

فارس : طيب بفهم السالفه بس بعدين يصير خير ..

رائد : فهد سوى لك شي ..

جوري : ............... << تصيح ..

رائد عصب : تكــلمي ..

جوري : مابي اتكلم ..

قامت وراحت غرفتها ..

فارس : وش فيها ..

رائد : مدري ..

طلع جواله ودق على فهد ..

فهد : هلا ..

رائد : اهلين .. كيفك ..

فهد : مو زين .. بموت ..

رائد : بسم الله عليك .. وش صاير ..

فهد : يعني ماتدري ..

رائد : لا وربي ما ادري .. وش السالفه ..

فهد : ليه جوري لين الحين ماوصلت ..

رائد : الا جت .. بس وش السالفه ياخي .. داخله علينا تصيح وتقول ما ابيه ومدري ايش ..

فهد : ياربيه والله تعبت ..

رائد : طيب تقدر تجي البيت الحين نتفاهم ..

فهد : يلا مسافة الطريق ..

قفل من فهد : بيجي الحين ..

فارس : زين .. قومي حياتي شوفي بنتك ..

راحت امل لجوري بالغرفه اول شي عيت تفتح الباب بعدين فتحت لها دخلت امل وراحت ضمت جوري وجلست تهديها .. تحت كانوا جالسين وساكتين .. عشر دقايق الا فهد يطق الباب .. راح رائد وفتح له ودخله المجلس .. يوم دخل شاف عمه فارس جالس .. سلم عليه وجلس ..

فارس : ممكن افهم وش اللي صاير بينكم ..

فهد : وربي يا عمي اني حتى انا مو عارف وش السالفه ..

فارس : شلون يعني تجينا فجأه وتقول ما ابيه واكرهه .. مايصير لازم يكون صاير شي ..

فهد : والله ثم والله .. اني ما ادري .. قسم بالله مدري ..

رائد : خلاص مصدقينك ..

فهد : قالت لي رح جب اغراض من بنده .. طلعت اجيبه .. رجعت يوم دخلت البيت دورتها مالقيتها رحت لوحده من الغرف لقيتها مقفله طقيت الباب فتحت لي وهي معصبه وتصيح حاولت افهم وش فيها قامت تهاوش وتقول اكرهك وطلقني .. والله لو اعرف السبب كان قلت لكم .. بس وربي مدري وش السالفه حالي حالكم ..

رائد : يعني بس كذا ..

فهد : ايه .. اصلا مو اول مره تسويها .. دايم تزعل من كيفها .. ولما اسألها وش السالفه تقولي مالك شغل ..طيب ابي اعرف انا وش سويت عشان اصلح غلطتي بس مافيه امل تتكلم .. وربي يا عمي تعبت ..

فارس : خلاص هد بالك انا بروح افهم منها السالفه ..

? عــنـد .. جوري ?

امل : انتي سمعتيه ..

جوري تشاهق : والله سمعته .. ليه يكذب علي دامه يحب غيري .. يمه ما ابيه كذاب ..

امل : هدي اعصابك الحين نشوف ..

طق فارس الباب ودخل ..

فارس : هاه الحلوه لين الحيين تصيح وماندري وش فيها ..

جوري : يبه مابيه ..

فارس : مو فوضى هي .. لازم نعرف وش السالفه عشان نقدر نصلح الموضوع ..

جوري : مابي شي يتصلح .. مابيه خلوه يطلقني ..

رائد توه دخل : ليه تحسبين الزواج لعبه متى ما تبين تتطلقين تطلقتي ..

جوري : طيب مابيه مو غصب .. اصلا من زمان انا ما ابيه وانتم غصبتوني اني اخذه وانا ماقدرت اقول شي .. بس الحين اقولها لكم مابيه ماااااااابييييييييييييييه ..

فارس انصدم " غصبناها على فهد .. معقوله " : ليه ماقلتي من اول انك ماتبينه ليه الحين تجين تقولين اننا غصبناك ..

جوري : ماقدرت اقول شي .. شفتكم كلكم مبسوطين مابي اخرب فرحتكم ..

فارس : تخربين فرحتنا على حساب حياتك ..

جوري نزلت راسها ..

فارس : الله يهديك ..

طلع فارس برى ولحقته امل ..رائد جالس يطالع بجوري ..

رائد : حنا ماغصبناك انتي قلتي موافقه ..

جوري : ماقدرت اقول لا .. انت وابوي تبونه ..

رائد : ليه ماجيتي تقولين لي ..

جوري : ماقدرت ..

رائد : طيب الحين فهد جالس تحت .. ويقول بس ابي افهم السالفه واللي تبيه بيصير ..

جوري نزلت راسها : بس ..

رائد : تراك تزعلين ومو مايدري ليش ناقشيه طيب عطيه فرصه يدافع عن نفسه مو بس تزعلين .. قومي له تحت ..

طلع رائد وخلالها وراح غرفته .. نزلت جوري تحت للمجلس ولقته جالس ومنزل راسه وحاط يدينه عليه .. جلست تطالعه بعدين تقدمت ..

جوري : احـح ..

رفع راسه وقام : هلا ..

جوري : ........ نعم ..

فهد : ممكن افهم ليه زعلانه .. بس افهم ولك اللي تبينه ..

جوري : متأكد ان لي اللي ابيه ..

فهد : ان شاء الله مالك الا اللي يرضيك .. اهم شي ترتاحين ..

جوري : حتى لو كان اللي ابيه طلاقنا ..

فهد سكت ماكان يقدر يقول شي لانه اصلا ما يتخيل حياته دونها .. نزل راسه ..

فهد : بس ماظنتي فيه شي انا سويته يستحق هالعقاب .. انك تتركيني ..

جوري : ابي اعرف من كنت تكلم عقب ما رجعت ..

فهد تذكر يوم تكلمه بيان : هـه .. يعني سمعتيني وانا اكلم ..

جوري : ايه ..

فهد : جوري .. وكالعاده سمعتي اللي تبينه والباقي لا ..

جوري خنقتها العبره وتجمعت الدموع بيعيونها : سمعتك تقولها وانا بعد احبك ..

فهد : طيب تدرين وش السالفه انتي ولا بس كذا تحكمين اني احب وحده واكلمها ..

جوري : طيب ليه تقولها احبك وليه تكلمها اصلا .. مامليت عينك يعني .. ولا كل شي كان كذب ..

فهد : عمري ما كذبت عليك بمشاعري وكنت صادق معاك ولا راح اكذب بعد .. بس لما انتي تفهمين كل شي غلط وتزعلين من كيفك انا مو مسؤل .. واللي كنت اكلمها قالت لي انها تحبني وقلت لها اني بعد احبها كنها اختي .. مو ذاك الحب اللي تتوقعينه لا انتي ولاهي ..

جوري : طيب ليه تكلمها ليه ..

فهد : جوري انا ماكلمتها هي اللي دقت علي .. جعل يدي الكسر اذا كنت دقيت حتى على رقمها ..

جوري : .............. << تصيح ..

فهد : بخليك الحين عشان تهدين وتفكرين .. ولو جد تبين الطلاق انا مستعد .. لاني وبصراحه تعبت من العيشه اللي انا عايشها .. اربع وعشرين ساعه زعلانه على ايش على اشياء انتي تفهمينها من كيفك .. وبدون حتى ماتجين تقولين لي انت سويت كذا وكذا وكذا .. يعني بدون اي مقدمات تروح وتزعلين وانا اللي دايم لازم اجي واراضيك على شي انا ما ادري وشو .. راح اسوي اللي تبينه حتى لو كان الضحيه قلبي وسعادتي .. اهم شي انتي تنبسطين وتعيشين بسعاده .. وانا عادي مو مهم .. بدوس على قلبي عشانك ..

طلع فهد وتركها واقفه تصيح .. راحت جلست على الكنبه وصارت تصيح بقوه .. دخل عليها رائد ومسكها وضمها وجلس يهديها ..

رائد : خلاص حبيبتي .. لاتصيحين .. لاتسوين كذا بنفسك ..

جوري : ...................

!??ٍ??? فبيتـ سليمان ??????

دخل مشاري البيت على طول راح قسمه فوق .. دخل وسكر الباب ..

مشاري : لميا .. لميااا .. لمّووو .. هـه ويين راحت ..

طلع لقى نوره جالسه بالصاله ..

مشاري : مرحبا ..

نوره : مراحب ..

مشاري : نوير ماشفتي لميا ..

نوره : الحين زوجتك تضيع تناديني نوير ..

مشاري : منب رايق لك .. وينها ..

نوره : راحت ..

مشاري : لين الحين مارجعوا من السوق ..

نوره : الله المستعان راجعين من زمان ..

مشاري : اجل وين راحت ..

نوره : مدري .. جا ابوها واخذها ..

مشاري جلس على الكنبه : ابـــوهـــآ ... ياربيه طيب حنا وش دخلنا ..

نوره : وش السالفه وش فيك ..

مشاري : مافيني شي .. انطمي ..

قام مشاري ونزل تحت ..

مشاري : يماااااااه يمااااااااااااه ..

خلود : نعم نعم خير ..

مشاري : يمه وش الحاله اللي انا عايش فيها .. ليش من اول تقولين لي خذها وتزوجها .. يعني ما كان حاط بباله ان يوم من الايام بيفك الشراكه معاه ليه يخليني اخذ بنته .. ليه ..

خلود ماقدرت تتكلم لان كل كلامه صح .. بس سليمان قال كلمته ومايقدرون يسوون شي ..

مشاري : يمه تكفين قوليلي وش اسوي ..

خلود : اصبر ..

مشاري : اصبر لين متى يعني .. هذي البنت جا ابوها اخذها .. بسبب ايش عشان شركه وعشان فلوس .. ياربيه حياتي وحياتها مو مهمه عندكم .. ليه تسوون كذا ..

سليمان كان بمكتبه وسمع كل كلام مشاري قام وطلع ..

سليمان : ابوها جا واخذها بسلامتها .. بكرى تروح تطلقها ..

مشاري : لا يبه معليش .. هذي حياتي انا اللي عايش معها مو انتم ..

سليمان : مشـــــآري .. وش قلت لك انا ..

مشاري : يبه حرام عليك ..

سليمان : بلا كلام فاضي .. اللي قلت لك تسويه تسويه تسمع .. مابي اعيد كلامي ..

دخل سليمان مكتبه ومشاري طلع من البيت وخلود هي اللي انهبلت راحت ورى مشاري بس ماقدرت تلحقه .. نوره كانت واقفه بالدرج ماتدري وش تسوي ..

خلود : نوره امي دقي عليه ..

نوره : ان شاء الله ان شاء الله ..

راحت نوره دقت عليه بس مايرد على اخر دقه رد .

مشاري بصراخ : نــــــــعــــــــــــم ..

نوره : مشاري امي تبيك ..

مشاري : خلوني بحالي لو سمحتوا .. لا احد يدق ولا وربي لا اكسر الجوال ..

نوره : لا لا خلاص ..

سكر منها ورمى الجوال جنبه .. وقف قدام البيت عدل شكله ونزل .. طق الباب وفتح له بزر ..

مشاري : مرحبا ترّوكي ..

تركي : هلا مشاري .. انت ليه مزعل اختي مره ثانيه مانخليها تروح معاك ..

مشاري : ليه وش فيها ..

تركي : ابوي جابها من بيتكم وهي تصيح وقالها ماترجعين لبيتهم مره ثانيه ..

مشاري ابتسم له : طيب ممكن تناديها لي ..

تركي : طيب ادخل جوى ..

دخل مشاري وراح المجلس .. جلس شوي بعدين دخل عليه صالح ابو لميا .. مشاري على طول وقف ..

مشاري : هلا عمي ..

صالح : اهلين .. استريح ..

جلسو شوي يآخذون ويعطون ..

مشاري : بس ياعمي .....

صالح : لا بس ولا شي .. ابوك اللي اختار هالحل ..

مشاري : بس انا البنت ابيها .. مالنا شغل بمشاكلكم .. ليه تبون تدخلونا فيها بالغصب ..

صالح : هذا اللي صار ..

مشاري : يعني ..

صالح : يعني .. مثل ما دخلنا بالمعروف نطلع بالمعروف ..

مشاري : بس انا ماودي اطلق .. ماتزوجت عشان اطلق ..

صالح : هذا الكلام اللي عندي .. ماعندي غيره ..

مشاري : طيب لميا وش رايها ..

صالح : رايها من راي ابوها .. مالها راي ..

مشاري : بس هذي حياتها ..

صالح : انا ادرى بحياة بنتي ..

مشاري : عمي ....

صالح وقف : مشكور على الزياره ..

مشاري نزل راسه وقام .. طلع برى يوم جا بيروح سمع احد يناديه ..

لميا : مشاري ..

راح لها مشاري ووقف عندها ..

مشاري : ياعيون مشاري ..

لميا : لاتتركني ..

مشاري : بس ...

لميا وهي تصيح : والله اني احبك وابيك .. الله يعافيك لاتخليني .. مابي غيرك ما اقدر اعيش من دونك ..

مشاري مسك راسها بين يدينه : حتى انا ابيك .. صدقيني برجع اكلم ابوك وبكلم ابوي لين اقنعهم ..

قربها منه وضمها : حياتي اتي لا تصيحين فديت روحك ..

لميا : مابي غيرك ..

مشاري : ولا انا ..

بعدت عنه شوي : اوعدني انك ترجع تكلم ابوي .. قلهم اننا مالنا شغل بمشاكلهم ..

مشاري : اوعدك فديتك اوعدك ..

جاهم تركي : لميا ابوي يبيك ..

مشاري : خلاص حبيبتي .. روحي الحين .. برجع اكلمك ..

لميا : ان شاء الله ..

مشاري باسها بين عيونها : انتبهي لنفسك .. مع السلامه .. وانت تروكي .. انتبه لاختك لو صار فيها شي يا ويلك ..

تركي : قدها وقدود ..

مشاري قبصه مع خده : فديتك بطل .. يلا حياتي فمان الله ..

دخلت لميا مع تركي .. ومشاري طلع يوم ركب سيارته جابيشغلها انطقت دريشته طالعه وابتسم ونزل له ..

مشاري : هلااا ..

محمد : هلا والله .. وين ..

مشاري : والله ماشي ..

محمد : تفضل .. ماشفناك ..

مشاري : معليش الغالي ..

محمد : جايب لميا ..

مشاري ابتسم على جنب : لا جاي اشوفها ..

محمد : ليه وش فيها ..

مشاري : مافيها شي ..

محمد : ليه مو انت اللي جايبها ..

مشاري : لا .. ابوك اخذها من البيت وجيت اشوفها ..

محمد : وليه ماطلعت معاك طيب ..

مشاري بإبتسامه : هــه .. شكلها ماراح تطلع بعد ..

محمد : ليه وش صاير .. صاير بينكم شي ..

مشاري : لا والله مثل السمنه على العسل .. بس الله يهديهم .. الشيبان يدخلوننا بمشاكلهم غصب ..

محمد نزل راسه : قصدك عشان الشراكه اللي فكوها ..

مشاري : ايه .. ابوك طالب مني اني اطلق اختك ..

محمد رفع راسه وبصدمه : تــطــلــقــهــآ .. ليه .. وش دخلكم انتم ليه يهدمون حياتكم ..

مشاري : رح قل هالكلام لابوك وابوي .. انا حاولت اتفاهم معاهم .. ابوي ماعطاني وجه وابوك بطريقه محترمه طردني من البيت ..

محمد : لا ياشيخ ..

مشاري : ليش اتبلى .. هذا اللي صار ..

محمد : اوكي حبيبي .. اشوف الموضوع .. يلا مع السلامه ..

راح محمد بسرعه ودخل البيت .. ومشاري جلس يطالعه بعدين ركب السياره وراح .. بالطريق دق عليه فهد ..

فهد : مشاري ..

مشاري : هلا ..

فهد : وينك ..

مشاري : ضايع ..

فهد : شفيك بعد انت ..

مشاري : ولا شي ..

فهد : طيب ابي اشوفك الحين مره تعبان ..

مشاري : بسم الله عليك ..

فهد : وينك الحين امرك ولا تمرني ..

مشاري : لا انا بمرك .. وينك ببيتك ..

فهد : ايه ..

مشاري يتكلم مصري : يلا مسافة السكه ..

قفل من فهد وراح له بيته اخذه وطلعوا برى يتمشون ..

!??ٍ??? فبيتـ مشاعلـ ??????

كانت غيدا تكلم رائد ..

غيدا : طيب انتم خلوها تهدى شوي بعدين بتقول كل شي وبتهدى النفوس بينهم ..

رائد : الله يسمع منك .. ياربيه يا غيدا .. مابي اشوف اغلى اثنين يهدمون حياتهم قدامي وانامو قادر اسوي شي .. جوري بغيرتها وفهد بكرامته ..

غيدا : تغار عليه عشان تحبه .. لو ماتحبه كان ماغارت عليه ..

رائد : يعني انتي ماتحبيني ..

غيدا : ليه تقول كذا حرام عليك .. من قال ما احبك ..

رائد : لو تحبيني كان صرتي تغارين علي ..

غيدا : ههههههههههههههههههه ..

رائد ابتسم : جد والله ليه تضحكين ..

غيدا : ومن قالك ما اغار عليك ..

رائد : ماشفت شي ..

غيدا : انت بس لو تقرب منك وحده بذبحها واشرب من دمها .. بقطعها وآكلها بأسناني .. ومايهمني اروح فيها اعدام ..

رائد : هههههههههههههههههههههههههههههههههه .. فديييييييييييييييييييت اللي تحبني واحبها يا ناااااس .. فديت الشريره ..

غيدا : ايه بعد لا تشكك بحبي لك ولا وربي لا ازعل ..

رائد : لاعاد كله ولا زعل الغالين ..

غيدا : ايه ..

طق الباب ودخل بدر ..

بدر : امممممممم شكلك مشغوله .. اجي بعدين ..

غيدا : لحظه حبيبي .. تعال بدر تبي شي ..

بدر : لا خلاص فديتك .. اجي وقت ثاني ..

طلع وسكر الباب ..

رائد : وش فيه .؟.

غيدا : مدري والله .. بس شكله متضايق ..

رائد : اوكي حياتي اخليك .. روحي شوفيه وش فيه ..

غيدا : طيب بتنام .

رائد : ايه .. ليه اذا بتدقين ماراح انام بستناك ..

غيدا : لا حبيبي خلاص حتى انا بعد الجامعه مانمت .. انت ارتاح وانا بشوف بدر بعدين انام ..

رائد : اوكي قلبو .. يلا باي ..

سكرت غيدا وراحت لغرفة بدر طقت الباب وفتحته ودخلت راسها ..

غيدا بإبتسامتها الناعمه : ادخل ولا اقلب وجهي ..

بدر : هههههههه لا حبيبتي تعالي ..

دخلت وسكرت الباب وجلست قدامه : ممكن اعرف اخوي الغالي وش فيه ..

بدر ابتسم : مافيني شي ..

غيدا : اجيب لك مرايه تطالع وجهك .. بعدين تلعب على الشعب السعودي كله ولاكن ماتقدر تلعب علي ..

بدر : ههههههههههه فديت المستثناه من بد الشعب السعودي .. فديت اللي تفهمني ..

غيدا : يلا دامني افهمك قل كل اللي مضيق خلقك ..

بدر مايدري وش يقول : اممممممم كنت ابيك ترسميني ..

غيدا جلست تطالعه : مالت عليك يا شيخ ..

بدر ماقدر يمسك نفسه من الضحك على شكلها : هههههههههههههههههههههههههههههههه ..

غيدا : بدّووووور لا تضحك .. والله جد وش فيك ..

بدر : مافيني شي بس طفشااااااااان ..

غيدا : طيب وس يوسع صدرك واسويه ..

بدر : من جد ..

غيدا ابتسمت وميلة راسها : يب ..

بدر : فديتك انتي حياتي . دقي على هيفا بسمع صوتها من زمان عنها ..

غيدا : هههههههههههههههههههه .. طيب بس بشرط ..

بدر : لك اللي تبينه ..

غيدا : اممممممممم .. توديني اليوم السوق ..

بدر : من عيووووووووووووني ..

طلعت غيدا جوالها من مخبات بجامتها ودقت على هيفا وحطت السبيكر ..

هيفا : هلا والله وغلا .. يازين جوالي لا دقيتي علي .. يطلع له طعم ثاني ..

غيدا : ههههههههههههههههههههه .. هلا حبيييييييييبتيييييييييييييي ..

هيفا : ههههههه هلا قللللللللللبي ..

غيدا : شخبارك ..

هيفا : بخير الحمد لله .. انتي شخبارك شلونك من زمان عنك .. كم صار لنا ما اجتمعنا يالخايسه ..

غيدا : هههههههههههههه شوي شوي علي .. انا بخير الحمد لله .. وصار لنا اسبوع ماشفنا بعض .. اممممممم .. ماتبين تسألين على احد ثاني ..

هيفا : آه صح .. خالتوا كيفا ..

غيدا تطالع بدر وترفع له حواجبها : امي تمام . تسلم عليك .. وغيرها ماتبين تسألين عنه ..

هيفا : زوج خالتوا كيفو ..

غيدا : ههههههههههه .. تمام .. يحد الله ع النعمي . باقي ..

هيفا : مابي خلاص يكفي ..

غيدا : افااااااا .. باقي بدوري ما سألتي عنه ..

هيفا : وليه اسأل عنه ..

غيدا : افاااااااااا ..

هيفا : معليش بس اخوك سخيف ما اسأل عن احد سخيف انا ..

بدر : والله ما سخيف غيرك ..

هيفا : خير هي انت .. وش تبي ..

بدر : خير ان شاء الله تسبين على كيفك هو ..

هيفا : ايه على كيفي .. ومن تكون عشان ما يطولك السب عيوني ..

بدر : انا بدر يا هيفا بدر فيصل الـ..... .. لاتخليني اعلمك منهو بدر ..

هيفا : يا شيخ .. يمه خفت تصدق جالسه ارتجف من الخوف ..

غيدا : ههههههههههههههههههههه ..

بدر : صدقيني بتحسين بنفس الشعور اصبري علي بس ..

هيفا : هي انت خير حدك عاد ..

بدر : اقوووووول ترى منب رايق للبزران انا .. يلا تقلعي ..

هيفا : اولا انا مااكلمك اكلم غيدا . وبعدين خير حاشر نفسك وتكلمني .. غيدا اذا تبين تكلمين دقي علي اذا راح .. ماعندي استعداد اسمع صوته .. تحوم كبدي ..

قفلت هيفا وبدر ميت قهر .. وغيدا ميييييييييييييييته ضحك ..

بدر : مايضحك لو سمحتي .. ترضين تسبني وانتي جالسه تضحكين ..

غيدا : هههههههههههههههههههه وش اسوي والله تضحكون .. بس تدري ..

بدر وهو متنرفز على الاخر : وشو بعد ..

غيدا : والله انكم تحبون بعض ..

بدر ابتسم : وش دراك اني احبها وتحبني ..

غيدا : بدر جد .. اتكلم ..

بدر : حتى انا جد اتكلم ..

غيدا : قل والله .. تحبها .

بدر : اموت فيها بعد .. بس يبيلها تربيه شويه ..

غيدا : هههههههههههههه وهي تحبك ..

بدر : ههههههههههههه تموت فتراب رجليني ..

غيدا : لا لا مو مصدقه ..

بدر : روحي اسأليها ..

غيدا : عقب الهوشه اللي تو .. اخاف اسألها وتكفخني ..

بدر : هههههههههههههههه عادي اتوقع منها اي شي هالادميه انواع العربجه ..

غيدا : يا حبيلها والله ..

بدر : يا لبى قلبها اذا عصبت تصير اووووووووووكككككككككييييييييييي ..

غيدا ماتت ضحك على شكله ..

!??ٍ??? فبيتـ عايشهـ ??????

كانت هيفا جالسه واعصابها على نااااااااااااار ..

هيفا : طيب يا بدير انا اوريك .. ان ماخليتك تندم ما اكون هيفا .. طيب يالشين اوريك .. اففففففففففففففففففففف ..

دخل نايف : بسم الله عليك .. من تحاكين ..

هيفا : وش تبي انت ..

نايف : مابي شي .. ابي بطاريه للريموت ..

هيفا : ماعندي رح دور بدروج حقت الصاله ..

نايف : وش فيك انتي معصبه ..

هيفا : وانت وش دخلك .. يعني لازم انافخ عليك عشان تنقلع .. يلا اطلع برى اشوف مالي خلقك ..

نايف : طيب اف .. الشرهه على اللي يسألك وش فيك ..

طلع نايف من الغرفه وترك الباب مفتوح .. هيفا عصبت وقامت تسبه وتهاوش .. قامت بتسكر الباب سمعت صياح بزر وعرفت ان تهاني عندهم .. على طول نزلت ..

هيفا : هلاااااااااااااا ام جودي ..

تهاني : هلا فيك .. وينك فيك اسأل عنك قبل شوي ..

هيفا : وين يعني بغرفتي ..

عايشه : ايه اربع وعشرن ساعه معلقه بغرفتك ماكن عندك ام تجلسين معها لو لا الله ثم نايف كان مت من الطفش ..

هيفا : بسم الله عليك .. افاااااااااااااااا يا ام الدعله نايف .. مالك الا اللي يرضيك كلها كم اسبوع واقعد عله على قلبك ..

عايشه : ليش .

هيفا : خلاص الجامعه بتخلص وبنجلس ببيوتنا ..

عايشه : كم باقي ..

تهاني : باقي اسبوعين ..

هيفا : انا عندي امتحان يوم الاربعاء ..

تهاني : الله يعينك .. ذاكرتي ..

هيفا : خلصت كتاب باقي لي مذكرتين .. مره صعب الكتاب .. احس اني ماذاكرت .. لازم ارجع اراجعه ..

تهاني : الله يعينك ..

هيفا : آمين ..

عايشه : تهاني شيلي بنتك كسرت التحف ..

تهاني : لا ياماما لا .. حطيه حطيييييه ..

هيفا : ماتقول ماما بابا شي ..

تهاني : لا طرما .. لين الحين بس اددد واغغ وامممم وابببب ..

هيفا : هههههههههههههههههه طلاسم ..

تهاني شالت بنتها وضمتها وباستها : يازين المشعوذه يا حبيلها ..

هيفا : القرد بعيون امه غزال .. من وين تصير زينه ذي ..

تهاني : هي انتي ما اسمح لك ..

هيفا : لا تكفين بحتريك تسمحين لي اسبها .. من زينها .. اكبر ما فيها خدودها اعوذ بالله تقولين متفخينها بمنفاخ كفرات ..

تهاني طقتها مع رجلها : يا حيوااااانه قولي لا اله الا الله .. والله يا هيفا لو صار ببنتي شي ماتلومين الا عمرك .. قولي ماشاء الله ..

عايشه : وجع ان شاء الله تشاهدي على البنت ..

هيفا : ههههههههههههههههههههههههههههههههههههه .. من زييييييييييييييييييييييييييينها .. هاتيها هاتيها اتفل عليها لايصير فيها شي ابتلش ..

اخذت هيفا جود وحطتها بحضنها وجلست تتفل عليها وهي تغمض وهيفا ميته ضحك ..

هيفا : تفووو .. هههههههههههه .. تتتففففوووو .. هههههههههههههههههههههههههههههههههههههه .. شوفي شكلها .. بَطْرِيقَه ..

تهاني : هيفووووووووووه ..

هيفا : ماشاء الله تبارك الله .. بسم الله عليها .. اللهم لاحسد ..

تهاني ابتسمت : ايه كذا ..

هيفا : وش توكلينها انتي صايره دبا ..

تهاني : هيفااااااااااااااااااااااااااااااا ..

دق جوال تهاني وكان مشعل ..

تهاني : هلا ..

مشعل يقلدها : هلا .. وش هالنفسيه ..

تهاني : مشعل شف هيفا بس تجدع كلام على جود ..

مشعل : وش تقول ..

تهاني : كلام ماينقال ..

مشعل : وينها الحين عندك ..

تهاني : ايه ..

مشعل : عطني اياها ولا افتحي السبيكر ..

فتحت السبيكر : يلا تسمعك ..

مشعل : مرحبا هيفا ..

هيفا : هلا ولد العم .. مراحب ..

مشعل : كيفك ..

هيفا : نحمدو .. انت شخبارك ..

مشعل : مو زين ..

هيفا : افاااااااا .. اكيد كله من تهاني وبنتها .. اعوذ بالله هبلوا فيك .. بس لازم تحتسب الاجر ..

مشعل : ههههههههههه لا والله فديتهم .. منك انتي .. خلي بنتي بحالها لو سمحتي .. مو ناقص يصير فيها شي ..

هيفا : يعععععععععع عسى تقصد البَطْريقه جود ..

مشعل : لو سمحتي لا تسبينها .. اللهُ اعلم من البَطْريقه ..

هيفا : والله اني رششييييييييقه ..

مشعل : طيب صدقتك .. المهم .. بنتي لو سمحتي تشاهدي عليها وتفلي عليها لايصير فها شي ولا ياويلك يا هيفا لو عطست بس .. بتشوفين شي مو زين ..

هيفا : يمه خفت ..

مشعل : انا حذرتك .. تهاني ..

تهاني : سم .. ( سكرت السبيكر وقامت ) ..

اول ماراحت تهاني .. مسكت هيفا جود وقامت تعضضها وتبوسها ..

هيفا : فدييييييييتها فديتها فديتها فديتها .. تجننننننن ..

عايشه : توك تسبينها ..

هيفا : ههههههههههههه ابي اقهر تهاني ..

عايشه : الحمد لله والشكر ..

دق جوال هيفا وكان بدر .. قفلت بوجهه .. ورجع يدق وقفلت .. ورجع يدق ..

عايشه : ردي اعوذ بالله ..

هيفا : ماودي ازعاج ..

عايشه : هاتي انا ارد ..

هيفا : ماله داعي يمه ..

حطت جود بحضن امها وقامت طلعت غرفتها دخلت وقفلت الباب وردت ..

هيفا : خيييييييييير .. يعني ماعندك كرامه اسكر بوجهك ترجع تدق ..

بدر : هيفوه احترمي نفسك ترى مو رايق لك ..

هيفا : طيب ليه داق ..

بدر : بس كذا ابي اقولك شي ..

هيفا : خير بعد وش عندك ..

بدر : امممممممم .. يلا بعطيك احلى هديه ..

وقفل بوجهها ..

هيفا : حيوااااااااااااااااااااااااااااااااااااااااان ..

رجعت دقت عليه وقفل ودقت وقفل ودقت بعدين رد ..

بدر وفيه الضحكه : انتي ماعندك كرامه اقفل بوجهك ترجعين تدقين ..

هيفا : سخييييييييييييييييييييييف ..

بدر : هههههههههههههههههههههههههههههههههههههههه ..

هيفا : وش تبي ..

بدر : هيفا ..

هيفا : نعم ..

بدر : احبك .

هيفا ابتسمت : وبعدين ..

بدر : بس ..

هيفا تشققت : وانا بعد .. يلا عاد الحين تقلع ..

بدر : افاااااااا .. طيب ابي اكلمك شوي بس .. مشتاق لك وربي ..

هيفا : طيب انا عندي امتحان ولازم اذاكر ..

بدر : متى امتحانك .. يوم الاربعاء بلا سخافه لو سمحتي ..

هيفا : باقي لي مذكرتين ماذاكرتهم .. بذاكرهم واذا خلصت بدق عليك ..

بدر : مابي .. ياشيخه اعرفك نسّايه ..

هيفا : افاااااااا احد ينساك ..

بدر : ادري تحبيني وتموتين فيني وماتقدرين تنسيني ولاتعيشين دوني .. ادري ادري ..

هيفا : هههههههههههههههههههههههههههههه ياواااااااااااااثق ..

بدر : اكيد بوثق .. المهم قلبي ..

هيفا : هاه ..

بدر : هيفوه قولي لبيه .. بسرعـــه ..

هيفا : لاتزعق طيب ..

بدر : قلبي ..

هيفا : لبيه ..

بدر : يالبى قلبك .. متى بتخلصين مذاكره ..

هيفا : مدري .. قلت لك اذا خلصت بدق ..

بدر : اخاف تجيك الحاله وتدقين تهاوشين مو تسولفين ..

هيفا : ايييييييييييييييييييييييييييييه صح .. تراني زعلانه وربي .. خير تكلمني كذا يوم تدق علي غيدا .. بغيت اصيح ..

بدر : ههههههههههههههه ياغبيه عشان ماتشك .. << يصرف ..

هيفا : لا والله ..

بدر : ياحياتي انتي .. سوري ..

هيفا : حصل خير .. يلا عاد باي ..

بدر : اوكي عطيني بوسه .. بسرعه بسرعه ..

هيفا : انقلع بس هذا اللي ناقص ..

بدر : ههههههههههههههههههههه .. ياخي من وين جايبه هالعربجه .. خلي فيه شوي انوثه ..

هيفا : ماعندي هالخرابيط يلا يلا ..

بدر : طيب .. قولي احبك ..

هيفا : بدر .. وبعدين ..

بدر : ياربه بس ليه حظي كذا ..

هيفا : وش فيه حظك يا حظي ..

بدر : حظي طيحني بغرام وحده عربجيييييييييييييه ..

هيفا استحت مره : طيب يلا باي .. يا ابو حظ تعيس ..

بدر : ههههههههههههههه تدرين مع انه من جد تعيس بس احلى تعاسه تصدقين ..

هيفا : هههههههههههههههههههههههههه يلا باي .. عليك خرابيط مدري من وين تجيبها ..

بدر : هذ مو خرابيط لو سمحتي .. هذ يسمونها رومنسيه ..

هيفا : يععععععععع وش ذا الرومنسيه ..

بدر : وش دراك انتي .. خلك بالابل والغنم والدجاج اصرف لك ..

هيفا : لا عاد ..

بدر : هههههههههه .. يلا حبيبتي .. روحي ذاكري ..

هيفا : طيب .. انتبه لنفسك ياشيخ مالي خلق يضيق صدري ترى وراي امتحان ..

بدر : هههههههههههههههههههه ياشيخه شوي رومنسيه تكفييييييييييييين ..

هيفا : ما اعرف ما اعرف .. يلا يلا باي ..

سكرت منه وضحكت .. حطت الجوال جنبها وجلست تذاكر ..

!??ٍ??? فبيتـ شيخهـ ??????

جواهر : يع عزوزي يع .. كخ .. لولو شيلي اللي بفمه ..

لولو : ايه تلوث .. هاته بابا ..

جواهر : تتطنزين ..

لولو : لا حبيبتي والله بس اخذك على قد عقلك الطبي ..

جواهر : طيب يالولو تتطنزين ادري ..

لولو : لاحبيبتي ما اتطنز .. وين ابرار ليه ماجت اليوم ..

جواهر : اليوم سعود مره تعبان تقول مهب جايه ..

لولو : الله يشفه .. وش فيه ..

جواهر : مدري والله ..

لولو : الله يعينها ..

جت شيخه : بروح كارفور تروحون معاي ..

جواهر : انا وراي مذاكره ..

لولو : انا مالي خلق اطلع ..

شيخه : جوهر قومي جيبي عباية اختك ..

لولو : يمه مالي خلق اطلع تكفين ..

شيخه : لا بتطلعين .. اربع وعشرين ساعه جالسه بالبيت لاتشوفين العالم ولاتخلين العالم يشوفونك ..

لولو : مابي اشوف احد يمه تكفين ..

شيخه : يلا قومي اشوف ..

لولو : يمــه ..

شيخه : قلت لك قومي .. يلا يا لولو لا تتعبيني معاك .

لولو : يمه الله يخليك تكفين مابي اطلع خلوني بحالي الله يعافيكم ..

شيخه : يالولو يا عمري انتي اطلعي فكي عن روحك وربي موزين لك هاللي تسوينه بنفسك ..

لولو خنقتها العبره : مالي خلق ..

شيخه : بس اللي تسوينه ماراح يرجع اللي راح ..

لولو تملت عيونها دموع : الله يرحمه .. بروح ارتاح بغرفتي ..

قامت وشالت عبد العزيز وراحت غرفتها وقفلت الباب .. جلست تشوف ولدها وتذكرت حمد وجلست تصييييييييييح ..

لولو : اشتقتلك والله .. وينك عني تجي تشوفني من بعدك .. والله حياة بدونك مابيها .. وينك تشوف ولدك يكبر وانت مو جنبه .. آآآآآآآه يا حمد .. احس اني بعدك وحيده مالي اي قيمه ولا هدف بهالدنيا غير اربي ولدي .. الله يرحمك يا قلبي الله يرحمك ..

يتبع ,,,,

👇👇👇

تعديل المقال