بداية

رواية بلا رقيب -68

رواية بلا رقيب - غرام

رواية بلا رقيب -68

وفشلتي يعني اتصور هو يعرف اني أحبه بعدين اتزوج أخوه ..
بس هو تزوج وحده ثانيه ولاأهتم المفروض حتى أنا مأهتــــــم ولا راح أحتك فيه
وبسوي اللي قال عليه قيس حتى سلام ماراح ارده عليه وبتصرف كأني انسانه غريبه عليهم مو سارا بنت جيرانهم اللي يعرفونهااا
ماحسيت الا بيد على كتفي ..
طالعت بمنيره اللي ابتسمـت لي
منير :قيس طلع ويقول روحي معه بيوصلك لغرفتكـــــم ..
غطيت وجهي وطلعت شفت قيس على السلم ينتظرني طلعت وراه وقلبي يدق طبول
اكيد اللحين بيهزأني عشان الموقف اللي صار مع جابر ...
دخلنا مع باب بعدين سيب صغير فيها بابيين فتح واحد منهم قيس
وهو يقول
قيس :هذي الغرفه والباب الثاني الحمام
شلت غطوتي وانا اقول
سارا :والله موقف ماكنت متعمده يعني مجنونه اناا اسوي الحركه هذي ...
قيس :أي حركه وش تكلمين عنه أنتي قايله لأمي او منيره شي ..؟
لا وين راح باله هذا
سارا :لا اقصد الموقف مع جـ ..ابر
لف عنه وهو يقول
قيس :عارف مأبغى كلام بهالموضوع طلعلي ملابس بروح أتروش...
سارا :ليش ماتعرف انت تطلع لنفسك ملابس..
بس كان دخل الحمام ماسمعني ... ليش يعني يبغى اطلع له ملابسه مأذكر هو مره طلعلي ملابسي وش التحكم هذا ....
فتحت شنطته وعلقت ثيابه اللي تصفطت يعني ياسارا ارجع اكوي
ورتبت ملابسه الباقيه بالدروج
بعدين بديت ارتب ملابســــي
مادريت الا وهو داخل علي بالمنشفه اللي لافها على وسطه..
قيس :وين الملابس اللي قلت لك طلعيهااا
سارا :يوووه نسيت انشغلت ارتب الملابس ونسيت اللي قلته لي ...بعدين ايدي محروقه زين فيني رتبت لك أغراضك ..
تأفف وطلع له ملابسه بنفسه ...
لفيت عنه اطالع مع الدريشه ..شفت بيتنا ناظرت تحت وتفاجئت ياءالله معقوله هذا مطبخنااا
حسيت ودي اقفز واطيح بحوشنااا ماني مصدقه ... من مكاني هنا اقدر اشوف جزء كبير من المطبخ ...
لفيت على قيس أسأله ..
سارا :هذي من قبل غرفتك ...؟!
لف يشوف ويني ... وقرب مني بس ماطالع مع الدريشه وكانت الفنيله بيده بيلبسها
قيس :ايه من يومها غرفتي ليش ...؟!
سارا :لا ولاشـي ..بس اذكر مره قالت لي نوف ان غرفتك بالجهه الثانيه من البيت ...
لف عني وجلس يسوي شعره قدام المرايه
قيس :ونوف مسويه نفسها تعرف بكل شي ...بس وش عندك بتعرفين وين غرفتي ليكون مخططه تفجرين فيني ...
سارا :لا وش شايفني مجرمه بس كنت خايفه انت تطلع وتفجر فيني وللحين اذكر لما طلعت علينا بمسدسك ...
رش عليه عطر وسحب ثوبه يلبسه بدون مايرد علي ...
ايه كالعاده يتهرب من الماضي ..
قيس :لاتطولين هنا انزلي عند أمي ..
سارا :كيف انزل وأخوانك يمكن عندهااا ...
قيس:ماراح يكونون عندها بيطلعون معي ..
تأففت ونمت على السرير ..آآخ ليش قاسي كذا ...
ياربي مافيني اقابل العجوز ومنيره ياحبها للسوالف الجديه ابغى اروح لخواتي ..
الله يعيني اتحمل اليوم هذا لين يرضى علي الزفت ويسمحلي بكره اروح لخواتي اللحين خل ادق على ملاك بشوف وش أخبارهم اليوم ...
ملاك
دق التلفون كنت قريبه منه سحبت السماعه برجلي متعيجزه اقوم لين وصلتها وأخذتها بيدي ..
سارا :مرحبا توأمي ..
غريبه سارا تتصل هالوقت ...
ملاك :هلا يالدوبا غريبه داقه هالوقت
سارا:ايه بقولك اني اللحين خلاص بنسكن ببيت ام قيس وانا اللحين هناااك روحي للمطبخ بقولك شي
وقفلت بسرعه ... الحماره أنا اللي اشحن لها وتقفل بوجهي ..
رحت للمطبخ وانا ماني مستوعبه وش دخل المطبخ بالسالفه ....
لحضه اكيد قصدها دريشة المطبخ رحت ركض وطليت معها
شفت اول دريشة قدامي مفتوح ستارتها ووراه طيف مو واضح لأن الدنيا ظلام والنوراللي جاي من الغرفه خفيف ...
ناديت بصوت مو مره عالي ..
ملاك :سارا ..
ماردت الغبيه ..
ورجع تلفون البيت يرن رفعته
ملاك :هاه ليش ماتردين ..؟
سارا :خفت يجي قيس ويشوفني المهم اني شفتك يالله قفلي وانا بنزل تحت عشان قيس بكره بيسمحلي اجيبكم ...
وقبل ماقول شي قفلت ..
ملاك:موعقل عندها هالبنت قوطي فانتااا ..
وعد :اكشخ من هذي اللي عقلها قوطي فانتا..
ملاك :سوير من غيرهااا ..
وعد :وش العشاء..
ملاك:مأدري اسألي شوق انا وش دخلني..
وعد :لأن شوق تقول ملاك بتسوي عشاء..
ملاك :ياحبهم يطلعون علي أشاعات انا ماراح اسوي شي
وعد :اوووووف شكلنا مو متعشين اليوم ...
كنت انتظرها تطلع برجع اطل على سارا بس هالخبله حلت لها السوالف ...
ببدأ اهزائها عشان تطفش وتطلع
ملاك :انتي ليش غثيثه كذا بس لاصقه فيني وين ماروح حتى المطبخ تلحقيني له ...
فتحت عيونها عالأخير
وعد :انا ألحقك متى اصلاً اليوم كله ماجلست معك الله اعلم من اللي يحب يطلع أشاعاات ..اروح اتصل على ضحى اشوف ليش ماترد احسن ...
ملاك :اصلاً مافيه بطاقه ..
وعد :ههه خبرك عتيق وقديم واثري انا جايبه اليوم بطاقه على حساب اختي الجميله كتاب القواعد ياني احبها هالبنت بعد ضحى طبعاً ...
وجت بتطلع بس بعدين رجعت تسألني بكل غباء
وعد :ليش تقولين عن عقل سارا قوطي فانتا هي مو ساكنه معنااا ولا كل هذا حلم وهي ماتزوجت قيس ..
ملاك :انا بديت اصدق الأشاعه اللي طالعه عليك وانا عندك اعاقه فكريه ..
وعد :اهم شي عندي فكر حتى لو مصاب بالأعاقه المصيبه الناس اللي ماعندها فكر كلياً ... يالله باي بايات بروح ادوج بالبيت واذا صادفتيني سوي نفسك ماشفتيني ...
تنهدت يوم طلعت من عندي ياكثر حكيها هالبنت لو بيحسبون لها بتكون اكثر انسانه تحكي بالعالم ..
طرت لدريشه وللأسف كانت مقفله الله ياخذك ياوعدوووه ...
المصيبه لو علمتها بعد نص ساعه بيدري قيس من كثر ماهي تدوج وتقول السالفه لكل من قابلت ...
ياربي يالملل يعني خلاص مافي سارا بروح اقابل هند وشوق الله يعينــــــي ...
طلعت لهم بالصاله والأنسه هنــد متمدده بكل ماتملك من جسم وكل طرف من اطرافها تحته مخده ...
ملاك :قسم شكلك يجيب المرض .. يد وحده اللي مكسوه مو كل اطرافك ...
شوق :انتي جايه متحمسه للهوشه صح
ملاك :طبعاً وش دراك ..؟!
شوق :واضح قبل ماتأخذين اوكسجين علقتي على هند...
ملاك:انتي تصلحين دكتوره ..
شوق:وانتي تصلحين تروحين تسوين العشاء
ملاك :العشاء مره وحده ...
شوق :لامرتين ..
ملاك :هههه تعرفين تنكتين
شوق :وش بتسوين عشاء
ملاك: الأخت وعد متنكره
شوق:ياربي انتي كيف تحملين
ملاك :داخل حلبة مصارعه وش اللي اتحمل
شوق :يانتي غثيثه
ملاك :المهم متى تبغون العشاء ..
شوق :بعد الصلاة عشان البزارين ينامون...
هند :بزارين بعينك
شوق :اليمنى او اليسرى
ملاك :وربي خطيره يابنت من تركتي الجلسه الزايده بالمطبخ طالع دمك خفيف ..
شوق :والله من فضى البيت طلعت بكل اريحيه قبل المطبخ كان ملجأ لي من الهوشات والصراعات ...
ملاك :صادقه يأختاه .. وش رايك تسهرين معي نشوف فيلم
شوق :لاحبيبتي انا احب انام بكير
هند :انا اسهر معك
ملاك :لاتكفين مو ناقصه غثاء
هند:طيب شكراً
دق التلفون بس سبقتني عليه وعد كنت متوقعتها سارا ... بس استغربت يوم عطتني وعد التلفون وماأخذت مشوار سواليف معهااا ..
ملاك :الوو ..
ود :خلاص مات ..
حسيت قلبي طاح
ملاك :من اللي مات .. ليش تبكين
ود :عمي الوليد خلاص مات اليوم بنأخذ عزاه ..
ايش الوليد مات خلاص انتهى ...
لااآ .. مو ممكن ..كيف ...؟!
ماآات..
حطيت راس بين يدي بعد ماقفلت السماعه ...
ليش احس بوجع بقلبــــــي ..
ليش جسمي يرجف ...
ماراح ابكي عشانه ..
حطيت يديني على وجهي ماني مصدقه كيف ابكي عليه...هو كان يخدعني
ليش انا حتى اللحين مغفله ..؟!!!!
هو قالها بلسانه كنت ألعب عليك .. وش القلب الضعيف اللي عندي..
كان بيغتالني وانا ابكي عليه ...
أخطأت اني حبيته واخذت جزاي
وهو مات وبياخذ جزاه عني وعن الف وحده خدع غيــــري ..
خلاص انتهى الموضوع مات واتسكرت الصفحــــه..
وعد
ردت على وحده غبيه ماعندها أسلوب حتى ماتعرف تسلم طلبت ملاك وعطيت ملاك التلفون بعدين
رحت اشرب مويا رجعت لقيت ملاك تبكــــــي ..
انهبلت .. اكيد احد صار له شــي جلست أسألها وماترد علي
وعد:ملاك تكفين لاتهبلين فيني مين صار له شي
جت شوق وتفاجئت بملاك اللي تبكي
وجلست تسألني..
شوق:وش صار ليش تبكي
وعد :وحده دقت بالتلفون تبغاها بعدين جيت لقيتها تبكي
شوق :ملاك ليش تبكين ...
قامت ملاك بدون ماترد علينا وراحت لغرفتها لحقتها بس قفلت الباب بوجهي
اوووف وش صار ليش تبكي ...
رجعت تحت لقيت شوق تعلم هند باللي صار
...
شوق:اتوقع الموضوع يتعلق بخالتهاا لأن اللي دايم تكلمهااا البنت اللي تقرب لخالتها
وعد :ياءالله حرام ماتت
شوق :يمكن
هند :اهم شي مو احد منا صار له شي
وعد :يعني تونا طالعين من حادث بعد تبغين يصير لنا شــــي ...
غبيه هذي مأدري كيف تفكر ...اصلاً انا الغلطانه اللي جالسه معها لو مانوف نايمه وانا طفشانه ماجيت اجلس معهم اووووووف ياطفش ...
لا وماأقدر اشوف التلفزيون كويس بعين وحده ...
متى يجي بكره عشان اروح المستشفى يغيرونها بس بقول لهم يشيلونها خلاص مأبغاهاااا ...
رحت لغرفتنااا حاولت انام ماقدرت ..
شفت شنطة نوف بجلس اتفرج على كتبهااا ..
فتحت الشنطه وانا مدخله ايدي لقيت حاجه مثل القلم بس صغيره سحبتها وفتحت يدي ...
مستحيل سيجاره مع نوف ..
جلست افتش ولقيت وحده ثانيه ...
نوف تدخن .. او احد حطه بشنطتها مثل انا لجاء تفتيش كنت ارمي الأفلام اللي معي بشنط البنات ...
والله زمان ياهي مغامرات انا بطلت حركت الأفلام استغفرلله اخذ ذنب البنااات بس قبل كنت محتاجه
اللحين لااا ...
لوصدق تطلع نوف تدخن ياني بمسك عليها هالمسكه وهددها فيها ...
بتدخــــن وتمشي الموضوع لا لازم انا استفيد من الوضع ...
مشاعل
لم استطع النوم وكنت تواقه إليـــه ...
ماطلبه خلف ابعد عني أي رغبه لنــوم ..
هل صدق بماقاله من تبريراته ولايقصد خداعــي .. بالتأكيد لايقصد ذالك خلف لايعلم عن شيء بالتأكيد ..
ومقصده ليس الأنتقااام ابداً فبعد كل مامر فيه لين يفكر
بالأنتقام مني فقط لأني عطلت احدى زواجاته ...
لقد مر بظروف كثيره كفيله بأن تنسيه أي رغبه بالأنتقام هو حقاً يحبنــــي ..
ولايفكر بأي امر أخر سوى وجودي قــــربه ..
ولكن هل ذالك كافـــــي .. هل سيشفع لي حبي هل سيحميني منه عندما تنكشف الحقائق المخفــــيه
لأعلم سر ثقتي المفرطه ان جميع اسراري ستنكشف أمام خلف وكل ماصنعته بيداي سأدفع ثمنـــه ...
ولكنه ثقه لم تأتي من فراغ ..
اذا لم يكشفني مالك فستفعل سعـاد ..
أغمضت عيناي بعد ان اتخذت قرار سأذعن لخلف
ولكن سيكون ذالك سرنا لن يخبــــر أسرته
وربما يعطيني ذالك فرصه لأستولي كلياً على قلبه فلا يستطيع أي دخيل أن يفرقنا ..
ضحى
مأدري كم مره فتحت عيني فيها ورجعت اقفلها وأنااام بأمل اني اصحى والقى كل اللي صار حلــــــم ...
لين صحيت على هزه من ايده ...
عساف :ضحى اصحي لو تعبانه اخذك المستشفى ...
حطيت ايدي على عيوني عشان مايشوف دموعي اللي رجعت تنزل ...
مستشفى ايش ..؟؟!!!
عمر المستشفيات ماردت الروح
انا خلاص مت روحي انقتلــــت وهذي نهايتهــــا
تحملت هالروح كثير طعنات الا هالطعنه ماقدرت عليها...
انقلبت على جنبي وانا مو قادره امنع صوت بكائي ...
سمعته يقول
:ترى بصدق ان كل هالحزن عشاني ...
مادري كيف قدرت اجلس وانا اللي حسيت ان جسمي كل انشل وماعاد يقدر على الحركه ..
صرخت وأنا اقول
ضحى :أيه عشاااااااانك اجل عشاني ...ليش عساف ليـش ...؟!... كل ماارتحت طلعت لي مصيبه ...؟!
انتفضت يوم حاول يحضني
انا ماستاهل لاتعطـــــــف علي أنا كنت اتمنى لك الشر
وماتأنيت عن الدعاء عليك ...
عساف :وليش تحسينها مصيبه انا مأعني لك شــــي ...
ضحى :حررام عليك موناقصه انا مابغى اسمع عتاب انا مو قده ..
حسيته يحظني أكثـــــر .. ورد علي بألم ..
عساف :لاتبكيــــن ماراح اعاتبك على شي انتي مو مسئوله عنه اللي صار لي هذا قدري ..
مثل ماكان قدري أني ارجع لك بعد ماتركتك وأحبــــك واموت فيك ..
حاولت أبلع دموعي واتكلم ماقدرت ...
بس قدرت ابكي وابكي وانا احس بشي ينهار داخل قلبـــــــي ...
ضحى :ماني مصدقه تكفى قول انك تمزح علـــــــي ..
عساف
يتقطع قلبي عليها كل ماشوفها تبكي عشــــــاني بس مأقدر
اكشف لها الحقيقه وهي للحين ماقالت لي انها تبغانـــي ...
لازم تذوق شوي بس شوي من العذاب اللي سقتنياه ...
خلها تبكي شـوي تحس بالألم تحس بالقهر ويمكن كل اللي تحس فيه عشان نفسها
مو عشاني ...
عادي عندي اتبلى على نفسي بمرض الناس تشمئز من ذكـــــر اسمــه ..
مقابل انها تعترف لي أنها تبغاني استمر معها مثل مأبغـاهااا ...
عساف :ضحى هاديه تقدرين تسمعينــــــــي ؟!!!!
سمعتها تشهق وتبعد راسها عن صدري ..
بس ماتركتهااا ...
لاخليك انا ماصدقت تجين تدورين حناني أبعده عنك ..
لا ياقلبي مو هذا اللي اسعى له ..
عساف :تذكرين لما سافرت المره الأخيره ...
ماردت علي حسيت ماعندها قوه تـــــرد .. خفت عليهااا
خفت كذبتي تسبب لها أذى ...ووقتها ماراح ينفعني أي عذر....بس قويت قلبي وكملت ..
عساف :حصلي حادث بسيط وونقل لي دم ملـــوث ...ادري بتفكرين انه شي ثاني بس ولله
انه حادث ..
كنت بداخلي ادعي ربي يغفرلي على كذبي كل اللي أسويـــــــــه ..
مأدري وش الغباء اللي فيني هذي حياه مو لعبه احس اني طفل مو أنسان ناضج ...
بلعت ريقي وكملت
عساف :وانتي عارفه انك مالازم تخافين علــــــى نفسك ولاعلى حمـودي ...صح لامن قبل ولاحتى اللحيــن ..
كملت يوم مالقيت منها تجاوب ..
عساف :انا ابغـى ابقى قريب منكـــــم لكن ماراح اقدر بسبب الناااس مصير خبر مرضي بينتشر
والكل بيعرف وانا مأبغى هالشي يأذيكــــم عشان كذا ..
جاني صوتها تعبان يقاطع كلامي
ضحى :بتروح وتخلينا بعد ماوعدتني الف مره انك ماراح تتركني ..
حبســـــت انفاسي وانا سألها ..
عساف :تجون معي ..
رفعت راسها تطالعني بعيونها الذبلانه ..
ضحى :وين ...؟!
عساف :نسافر برى أي دوله بس نبعد هنا لأن ماراح نقدر نعيش هنا جميع ...
كنت احاول اضغط عليها بالكلام ماراح اعطيها فرصه تفكـــــر ...بستغل فترة ضعفها وكأني صدقت اني مريض وابغاها فعلاً تسافر معي
مو كأن المطلوب انها تأخذ القرار بدون ضغوط ثانيه طبعاً غير ضغط كذبه مرضي ...
ضحى :كيف وخواتي ...؟!
قمت عن السرير بعصبيه وانا احس انفعالي وصل حده
عساف :خواتك خواتك بكل شي خواتك ...؟!.. خواتك كبار مو محتاجين لك والوحده ورى الثانيه
يتزوجون وعندهــــم أخو.
نطقت اخر كلمة بغصه وهذي بعد كذبه ياضحى ياكم كذبت وضحيت عشانك بس متى تفهمـــــــين ...
بعت اخوي الميت عشانك ياليتك تفهمين وتحسين وتقدرين ...
كملت كلامي
عساف :وهو وصي عليهم انتي خلاص انتهت مهمتك اللحين جاء دور اسرتك الصغيره تهتمين فيها
بتبقين على أتصال بخـــواتك واكيد بننزل هنا انا بعد عندي اهل هناااا...
ضحى :خلاص عساف خلني افكر انا للحين ماني قادره استوعب انك مريض مو مهم سفر او غيـــــــره ...
اوجعني قلبي وانا اشوفها ترجع تبكي .. بس هالمره قررت انسحب على اني اواسيها خفت ابقى وافضح كل شي
بس عشان ماتبكي ...
ضحى
كان يتكلم كثير ويخطط ويشرح وانا ماني مستوعبه ياءالله معقوله حبه لي وصل لهالمرحله
مو مهم عنده نفسه كثر اهمية وجودي معه ...
مافكر ابد انه مريض وانها المفروض تكون نهاية العالم بالنسبه له
كل تفكيره اني مأتركه ...
ياءالله ياعساف كم قسيت عليك بذنب انت مأرتكبته ..
ضغطت وجهي بين يدي ابغى اوقف دموعي بس ماقدرت
ليه كنت اعاقب ابوي فيـــــك ..
من قبل مأخذك وهذي هي الفكر المستوطنه فيني .. انت الصوره الثانيه عن ابوي
بس انت الصوره الأبسط اللي اقدر اتواصل معهـــــاااا ...
هجر أبوي لنا ماعطاني الفرصه عشان اتواصل معه اعاقبه واشكي له هجرنااااا وأحاسبه عليه ..
بس انت كنت موجود وبعد الهجر رجعت عشان احاسبك ..
ومارحمتك ابد مارحمتــك عاقبتك وعاقبت ابوي وعاقبت امي فيك انت بس ..
ضحى :آآه خلاص بس ...
مابغى افكر اني ظلمتك مأبغى فكـــــــررر ..
قمت بسرعه لازم اقوله اني بسافر بروح معه لو يبغى للمريخ ..
حسيت بدوخه قويه اول ماوقفت رجعت تجلسني على السرير غمضت عيوني لين هدت ورجعت اوقف
مافيه شي بيعيقنـــــــي عنه ..
رجعت اقوم وانا احس بضعف كامل لجسمي احس رجولي اضعف من اني اوقف عليها ..
طلعت من الغرف وانا اتسند عليهاااا ... كنت امشي مع الممر وانا اسمع ضحك شدن معه..
سعاد
كانت أمي واصله حدها من العصبيه ومأذيتني معهـــــا ..
سعاد :طيب اللحين ممكن افهم وش ذنبي انا من كل هذا
باشا:انتي اللي دخلتي بنت الفقر بينا .. لو مأنتي ماكان خلف شافها ولاعـــــرفهااا
سعاد :لااه مو كانها بنت زوجك ...
باشا:بس انتي اللي لصقتيها فينااا وأخوك المهبـول على طول تعلق فيهــا ونسانااا ..
من طلع لاشغل لاوظيفه ولاأهل بس يلاحقهاااا ..كل مأتصلت ابغاه وينك مع مشاعل ..
لاوهاليومين صاير يطنش ومايرد علـــــــي ..حسبي الله عليهااا هي اللي فرقت بينا...
حسيت ان أمي بدت تقط خيط وخيط وش دخـــــل مشاعل تفرق بينهــم ...
صح أنها خبيثه وعقــــرب بس خلف بعد مو هين ..
ومو مره اللي بتفرق بينه وبيــــــن أهله ..
سعاد :ماتلاحظين انك مره متحامله عليهااا انا اتوقع ان خلف يغطي
على نفسه بمشاعل ولاهو عند سالفه ثانيه غيرها ومشاعل انا اعرفها
زين ماتقوى تلعب بخلف مثل مانتي متصوره ...
باشا :انا متحامله عليها هذي اللي فرقت بين الأخوان بس انتي وش دراك
خليك بس مع صاحباتك اللي بيضيعنك ...
فرقت بين الأخوان .. أي أخوان اللي تكلم عنهـــــم ..
امي للحين تعد مالك أخوناااا ... بس أنا ماني قادره افهم حتى اللحين ليش كان عمي مبارك مايبغى احد يعرف أن مالك ولده
يعني مافيه مبرر واضح ...
يالله انا ليش مشغله بالي مصيري بعـــرف ..
امم اللحين بكثر اتصالاتي بمشاعل بشوف اذا صدق هي سبب تغير خلف او لااا ..
دقيت عليها ماردت .. مره اثنين ثلاثه وبأوقات مختله وماترد علــــــي ..
اوكي ياميشو انتي اللي بديتــــي الحـرب ...
اصلاً انتي ماتستاهلي اخدع اخوي عشـــــانك لازم يعرفك على حقيقتك ليش أغطي عليك ...
سارا
صحيت قيس بسرعه ونزلت تحت كانت الساعه 9:30 يعني الحبيب بيتأخر على دوامه من تحت راســـــي ...
لا ليش من تحت راسي انا امس نايمه من الساعه سبعه مو ذنبــي أذا هو نومه ثقيل ..
كنت افكر بهالكلام وانا انزل السلم ...قابلت منيره بالصاله بتدخل على أمها ..
منيره :هلا صباح الخير
سارا :صباح النور .. خالتي صاحيه ..
منيره :لا والله تو افطرت ونامت .. تعالي معي للمقلط كنت انتظرك نفطرسوي ... ؟!
رحت معها وين ماقالت ..
منيره :وينك امس انتظرتك على العشاء مانزلتي ..
نزلت كاسة الحليب من ايدي ..ياربي وش اقولها هذي اللحين اني فضلت النوم على مقابلتك ...
سارا :آه امس قيس قال لاتنزلين .. تعرفين عشان اخوانك وانا نمت بدري ...
لاحظت اني جالسه اكذب بدم بارد ...
منيره :لاوالله ماله حق يقول كذا ..؟!
سارا :مأدري عنه اسأليه ..
كملنا فطور بعدين طلعت منيره وطولت وانا فتحت التلفزيون اووف فوق مافيه تلفزيون يعني بنحبس وملل بعد ...
وين راحت هذي تأخرت حسيت احد يدخل رفعت عيني بسرعه خفت احد من عيالهم بس طلع قيــس
وشكله تفاجأ فيني ...
قال بأبتسامه خبيثه
قيس :انتي هنااا
طالعته باستغراب وش عنده ..؟!
سارا :غريبه متأخر وتبستم
قيس :متأخر على ايش ..؟!
بهالحضه دخلت منيـــره ..
سارا :الدوام
رد وفيه ضحكــــه ..
قيس :اليوم الجمعه..
قلت بتلقائيه
سارا :ياحظك ...!!!
ولفيت اطالع بالتلفزيون ...
سكوت ثم ضحكــــت منيره ..
لفيت اشوفها كانت حاطه يدها على فمها وتضحك ودموعها نازله
طيب وش قلت يضحك لهدرجــــه ...
طالعت بقيس حسيته معـــــــصب ... عجيب ..
منيره:قيس اجلس وش فيك واقف اصبلك شااهي...
كانت عيني عليه وهو يجلس..
قيس:ايوه صبي ..بس لايكون سكره كثير..
منيره :لاماحطيت فيه سكر تركته برى اعرفكم ماتحبون السكر ..
ياربي.. واااااو.. يالناس الصحيـه ..مالت بس
والله انا اللي مالت وش في على بنت الناااس ..
ميشـو
كنت انظر لصورتي بالمرآءهـ بحبــــور .. أبدو رائعــه ..
كنت انتظر مكالمه من خلف قبل أن انزل لذهاب معه لقد وافقت على طلبه وأخبرني انا سنسافر معاً لمدة أسبوع
ويجب أن لايعلم أحد من عائلته او عائلتي بذالك ..
أخبرت أخواتي أن سأذهب للمبيت عند صديقه سافر أهلها وتركوها وحيـده
وبالتأكيـد لم أجد الكثير من الأهتمام فقد اعتادوا ذالك مني ...
سارعت للأجابه على هاتفي حينما رن كانت المكالمه من سعاد
لأعلم مالذي تريده هذه الخرقاء ..
لما لتدعني أعيش بسالم ...لم أحاول حتى الرد عليهااا ..
لقد تأخر هل أبادر انا بالأتصال عليه ..
كلا لن أفعـــل .. لما لأقضي الدقائق المتبقيه بمحادثة أخواتي بدل الجلوس
في توتر هنااا...
سعاد
طيب ياميشو كنت بعطيك فرصة أخيــــــره بس أنتي ماستغليتيهـا ...
بعد تردد أخذت جوالي وطلعت لجناحـــــه ..
أخاف منك ياخلف ... بس الأنتقام طعــــمه حلو ..
حسيت بأختنق وأنا امشي بجناحـــه .. معقوله اللي بسويـــــه ..
كذا بكل بساطه بروح وافضح كل شـي طيب لو قررت ميشو تنتقـــم ..
ماراح يكون قدامها فرصه لأن خلف ماعنده بالخيانه يمه ارحميني والشي هذا تعرفه ميشو اكثر مني
واستغلته من خلالــــــي ..
بس المره هذي غير بكون فيها انا الأستــــاذهـ مو التلميـذه ..
دقيت على غرفة خلف مالقيت رد .. أنا متأكده انه هنااا كنت تحت مع امي يوم قال انه مسافر وبيطلع يجهز نفسه ..
مامر ربع ساعه على طلعتي لغرفتي ومستحيل يكون خلالها جهز نفسه وطلع ..
حاولت افتح الباب انفتح معي يعني هو داخل ..
ماكان موجود بغرفة النوم ..
بس صوته يتكلم بالجوال من غرفة تبديل الملابس ..
ماعرفت وش أسوي ..أدخل او انتظر عند الباب
بس بالأخير تصرفت بتلقائيه دخلت وقفلت الباب وراي ..
كنت اسمعه يقول
:هذي نتيجة أختيارك وتحملها ..ماراح اخذك معي مكاان ..
سكت ثواني حسيت فيها قلبي توقف عن النبض
لأني توقعته خلص مكالمته وبيطلع ..
بس سمعته يكمـــــل ..
:انتي ضحيت كثير عشانها خلها هي شوي تضحــــــي ..
السالفه بعد فيها أنثى ..
الله يستــــــر .. أخاف يعصب لأني سمعت مكالمته ..
طيب هو بعد مايسمع كلامي بينفجر عصبيه
ماتفرق ..
ماحسيت انه خلص مكالمته انصدمت يوم طلع من الغرفه
وشكله هو بعد تفاجأ فينـــــي .. وفيه شي ثاني بعد لاحظته لأول مره
شعره اللي فيه شـــــيب ..
صدمه ... خلف ليه كم عمره عشان يطلع الشعر الأبيض براسه ..
توه صغيــــــر .. هذا من المصايب اللي تلاحقه
واللي أنا جايه عشان ازيدها ...
خلف :هاه سعاد وش عندك ...؟!
وقفت جامده مركزه على يده اللي تقفل أزرار اكمام ثوبه ...وماني قادره اتخذ قراري
انسحب اواكمل ...
رجع ينادينـــــي ...
خلف :سعادي خلصيني عندك شي تقولينه او تفضلي برى ...
هزيت راسي انفض فكرة التراجع منـــــــه ..
ليه ارحمه هو ياما قسى علي ومارحمنــــي
حتى لو أخوي الوحيـــد عمري ماحسيت اني اعني له شي مايذكرني الا اذا الموضوع فيه زواج او حرمه ..
عمره مافكر فينــــي ومأعتقد يعتبرني شي بالنسبه له ومتأكده اللحين لو بقول له الموضوع بدون أثبات
بيظربني وماراح يصدق على مشاعل حتى لو ماكان يحبها بس لأنها زوجته بيعتبرها أقرب مني انا حيا الله اخت ...
سعاد :أنا خايفه منــــك ..أوعدني قبل مأقولك ماتدخلني بالموضوع وماتمد يدك علي ...
شفت الغضب بعيونه وقال وهو يمشي لي
خلف :وش مسويه انطقــــــــــي ...
قلت بسرعه وانا اتراجع على ورى
سعاد :ماسويت شـي مشاعل هي اللي سوت ...
كرر الأسم وكأنه اول مره يسمعه
خلف :مشاآاعل
سعاد :ايه مشاعل هي اللي بقول عنهـــا بس قبل اوعدني ماتدخلني بالموضوع ولاتقول ليش قبل ماتكلمتــــي
لأني كنت خايفه منك ..بس اللحين بقول لأني حسيت حرام اكتم اللي أنا اعرفه ...أنت تعرف
ان مشاعل انسانه سيئه ..
بلعت ريقي وانا اشوف يكور يده معقول بيظربني قبل مأكمل كلامي حتى ...
سعاد :ومو أنا اللي اقول هالكلام سمعتها اللي تقول .. يمكن انت تدري عن شي بس فيها اشياء ثانيه ماتعرفهــــــــا ...
والأشياء الثانيه أكبر بكثير من اللي تعـــــرفه ...انا سمعتك لما قلت لأمي انك سألت عن مشاعل وتحريت وراها وواثق ان مالها علاقات بالشباب ...
وفعلاً هي مالها مثل هالعلاقات .. لأن علاقاتها من نوع ثانــــــي ... مشاعل مستغنية عن الشباب بالبنــــــات ...
وأذا مو مصدقني عندي الأدله .. واسألها عن صديقتها أو...
وبلعت الكلمة قبل مأقولها لأني شفت بعيونه ان لو نطقت الكلمه بيذبحنـــــي
سعاد :هدى .. ووو
ترددت مره واثنين وثلاثه قبل مأكمل
سعاد :ودليل اللي مستحيل مايتصدق الوشم اللي على ظهـــــرها ..والمقاطع اللي بالجوال هنـــاا..
كانت هذي اخر كلمة نطقتها قبل مأحس براسي يدور والقى نفسي طايحه على الأرض ...
سمعت قفلت الباب ..
ضحكت من بين دموعي
سعاد :الله يرحمك ياميشو ...


يتبع ,,,,

👇👇👇
تعليقات
    حجم الخط
    +
    16
    -
    تباعد السطور
    +
    2
    -