رواية بلا رقيب -82

رواية بلا رقيب -82

عليك ماتخلي شي ماتحطه عليه موكأنه اللي ماسك البيت مكانك وانت بس بالبر كأنك جربوووع ...

يوم شفته يطالعني بصدمه كملت بقهـــــررر بعد ماشرت على جابر

سارا :شف عيالك المهسترين ذولي مو قيس الرجال الوحيد بينهم ولاعشانه محترمك تطلع غضبك علييييه ...اصلاً مو انت اللي ربيت عيالك قيس هو اللي رباهـــــــم .. وانا بقول لقيس يرفع يده عن عيالك اللي مره ميت عليهم وانشوف تربيتك لهــــــم ..وبيتك اللي مره مبسوط فيه بنشتري فله احلى منه مليووووون مره وانثبر انت وعيالك بالخرابه هذي ...

ولفيت عنهم وطلعت الدرج ناس تجيب الجلطـــه ...

اول مادخلت رميت نفسي على سرير واتصلت على ملاك ....

ملاك :ليش تنافخيـــــن اكيد متهاوشه مع قيس ..؟!

سارا :اوووووووووووف لا تهاوشت مع عمي ....

سمعت ضحكت ملاك وبعدهااا تقول

ملاك :وربي انتي خبله وش تبغين بالشيبه تهاوشين معه

سارا:قهرني لو تشوفيني كيف يعامل قيس كأنه عامل عنده مو ولد ومنير النتفه مايحترمه ومايقوله شي

بس حاط على قيس يقهررررررني قيس وربي لو يعطيه الوجه الثاني بس خبل مسوي فيها محترررررم ...

ملاك :وانتي خبله احس خليه يقهر الوحش...

حسيت بقلبي يوجعني كيف كنت اقول عنه وحش وربي لاوحش ولاشـــــــي ...

قيس غير والله غير انسان بمعني الكلمه .....عنده طيبه بحياتي ماتوقعت اشوفها بأنسان غير يهتم بالكل وقلبه كبير

والكل يحترمه غصب لأنه رجال حقيقي مو عشان يخافون منه ...

توقعت لما قالت الطبيبه اني ماراح احمل بيطلقني او حتى يتزوج علي بس ماسوى أي شي خفت منه

وحتى مارجع يهددني بالكلام هذا مثل قبل

ولاحتى اجبرني اتعالج يوم رفضت العــــــلاج ..

سارا:وحش بعيــــــــــــنك قلت لك الف مره لاتقولين عنه كذا اكرررره الكلمه هذي ....

انا عارفه انها تمزح معي بس غصب عني انقهر مابغى اسمع هالكلمه لأنها تذكرني بذكريات شينــــــــه ...

ملاك :بسم الله علينا من متى الحـــــــب ..؟!

طبعاً مارديت عليها لأني تعودت على لهجتها هذي ...وتذكرت اللي متصله عشان اقوله لها

سارا:لا اله الا الله صدق انك ازعاج نسيتيني ليش متصله اسمعـــــي وش ابشرك فيــــــه خلاص ارتحنا من الشايب من جد تصوري فطس ..!!!

ضحكت على صرخت ملاك اللي مادري صدمه او فرحـــــه ...

مره الوقت علي بسرعه جلسنا نسولف طبعاً بعد ماخبرت ملاك خواتي بالحدث السعيد ورجعت تكمل معاي السوالف ...

كانت تخبرني عن زيارتهااا لخالتي اللي صارت بعد تردد كبير منهــــــاااا وطبعاً ماقدرت اروح معها لأن قيس رفض رفض تام النقاش بالموضوع ...مارضى ابد ان يكون لي أي علاقة بخالتي ....

ماتوقعت ابداً ان ملاك تفكر ترجع تتصل بخالتي لأن اللي صار بتجربتها مع وليد مره صعـــــــب

بس ملاك اثبتت لي انها قـويه ياليت اصير مثلهااا واتخلف من ضعفــــــــي ...

دايم تكررلي اني مو ضعيفه بس ينقصيني الثقه بنفسي ...بس انا اعرف نفــسي

ان اضعف من تصورهااا اضعف كثير ...

قيس

هذا دايم حاله مع ابوه اللي من يرجع للبيت كم اسبوع يبدأ يتنقده على كل شي ويقلل من قدره قدام اخوانه

هويعرف ليه يسوي كذا لأنه يحس بتقصير عارف غلطـــه ولرجع للبيت وشاف كيف ماله اهمية

يبدأ يتصرف هالتصرفات .....

ظرب بيده على الدريكسون ....ماعمره عده ولد له يعتبرهـ منافس نسى انه بيوم كان صغير وتربى على يده ...

وبعد موت كايد زاد هالموضــــوع ......لأنه يعتبره سبب موت كايد وبالبدايه سبب ادمااانه...

هو تعود على الوضع وتأقلم عليه وصابر بس عشـــــــان رضى رب العالميـــن ..مايبغى يعق أبوه

بس ان ينهااان قدام زوجته هذا امر كبير مايقدر يتحملـــــــــه ...

مايتصور أبداً وش تفكيرها داخل نفسها وهي تشــوفه صغير قدام ابوه

عمره ماحسب حساب أي احد ينهان قدامه بس زوجته غيررررر وخصوصاً سارا

اللي ماتعرف وش معنـــى أب وكيف لازم يكون خاضع له ...بتشوفه ضعف مو طاعه ...

وهو مايبغى يكون ضعيف بنظرهااااا ...!!!!

كان جواله يدق ومايرد عليه لأنه عارف من اللي متـــــــصل ...

رفعه يتاكد وفعلاً كان جابر ....رد عليه بس عشان يرتاح من أزعاجه ..

قيس :هلااا جابر ..!!!

تفاجأ باللي يقوله جابر واللي واضح عليه مبــــــــــسوط من اللي صـــــار ...

اجل سارا تطول لسانها على أبوه وهو جالس يتفرج ومبسوط مره ينقل الخبــر ....

قيس :وانت مبسوط حضرتك ..!!

جابر :هاه لا وش مبسوط بس اقول يعني ان وراك حرمه تسوى رجااال..انا لو زوجتي كذا بنبسط فيهاااا ...وابشرك ابوي رجع للبعارينه يعني الطريق سالك ...

قيس :واحد قالك انهاا بشارهـ لي اوووف قفل بس ولااتتصل فيني انا اذا بغيت ارجع برجع من نفسي ...

خلف

كنا على سفره وحده نتعشى ...طبعاً الشي هذا كان بأوامري

بعد مالاحظت ان مشاعل اكلها قليل جداً ابغاها تنجبر تأكل لجلست معناااا ...

حل ضعيف جداً بس ماقدامي غيـــــــره ...

الكبرياء شي متعـــــــب خصوصاً اذا كان فوق أحتمــــــالك ..

كانت عينه على طبق مشاعل المليان بالرز الأبيض ومغطى بكمية كبيره من الشطه الحاره

طبعاً اللي اكتشف ان وحم عندها لأنه متأكد انها كانت ماتحب الرز ...

تنهد ورفع ملعقته لفمه ....وهو يقول

خلف:مشاعل حياتي ليه ماتأكلين ..؟!!

حس بطنين براسه وش اللي قاله كيف اخطأ بالجمله اللي يكرررها كل يوم الف مره

على مسامع جود ليقهر فيها مشاعل كيف صار مكان جود مشاااعل

هوفعلاً يقولها قاصد مشاعل بس ليه قال اسمهااا ليه حسسها انه يفكر فيها ومهتـــــــم ...!!!

رفع عينه بسرعه لجود كانت تناظره بقهر ماقدر مايرفع عينه لها هي بعد

توقع أي شي الا دموعها توقع يلاقيها رافعه له عينها زرقاء بكل سخريه تطالعه وكأنها تقول كنت عارفه ...!!

رجع يأكل بسرعه وكانه ماقال ولاشــي

ماقدر يسوي غير كذا خلاص اصلاً فهمت وانتهى الموضوع

بس حتى لو حست انه مهتم للحظه فيها مستحيل يعترف لا بالكلام ولابالأفعال

يمكن زلته هذي رحمه لها بس غيــــــرها مستحيل تجيها منه ....

مشاعل

كنت احاول قدر الأمكان ان احتفظ بدموعي لنفسي لأريد ان يراها

لأنه لن يفهم ابداً كم كانت كلمته مؤلمه لي واخيراً كلمه تثبت لي

ان لديه القليل من الأهتمام بي لاأعلم كيف جاء اسمي على لسانه

ولكنه جاء ليثبت لي انه يهتم لأمــري ...

لقد غيـرتني الظروف الصعبه التي مريت بها ..حتى أصبحت اتمنى

الأهتمام من الأخرين ..

اصبحت هشه جداً سهلة الأنكســـار

صعــب بعد ان تكون قوي مسيطر ضعيف لاتقوى على شي

ومدرك لضعفك ولكن لاتستطيع إلا الأستسلام لــــــه ...

لم اكن استطيع مغادرة طاولة الطعام حتى ينهض خلف عنهاااا ...

في بداية الأمر كنت احاول انا اعانده لأني امتلك القليل من القوه ...

ولكني الآن لأستطيع سوى حماية نفسي منه بأن لا أخالف رغباته ...

اشعر بغثيان شديد احرك الملعقه بطبقي وكأن من خلال حركاتها اعد الثواني

لأصدق حينما اسمع صوت كرسيه يتحرك ..سينهض وسيكون بامكاني

الهروب إلى حصني ...

ولأصدق ان اصعد لفراشي لتغمرني الأحلام حيث انا اميرة خلف

الملباه طلباتهاااا المتوجه بحبه وعطفه وحنانه ...

هكذا استطيع تصبير نفســـــي حتى يعود لي خلفي ...

.

,

.

سارا

طول علي قيس وفضلت انام على أني انتظره وبالأخير اخذ منه تهزيئه بسبب اودون سبب ..

مادري كم مر من حطيت راسي عالمخده وجاني صوت قيس قريب من اذنـــــــي ..

قيس :سوسو نايمه ..؟!!

نايمه او مو نايمه ..نايمه او مو نايمه .... من صوته ناوي على هوشه ..نايمه احسن ..؟؟!!!

حسيته بيده على كتفي تقربني منه ...

قيس :تدرين كيف اعرفك لو صاحيه ..من كثر مانتي خايفه احس عندك عيون براسك من ورى ..

رفعت يدي لشعــري بطريقه غبيه ....وبعد ماسمعت ضحكـــــت قيس عرفت انه يتمصخر علـي ...

قيس :وريني وجهك ...

لفيت عليه بنرفزه وشعري انحاس وجاء على وجهي وخرته بعصبيه وسألته

سارا:اشعنــدك ..؟!!

نام على ظهره وحط يديه تحت راسه وقالي

قيس:ولاشي بس بســـــــولف ...

نرفزني لشيئين اولاً مصحيني من نعاسي عشان يقولي هالكلمتين ثانياً لانه نايم على السرير بملابسه اللي جاي فيها من برى ....

سارا:اوووووووف مقرف قسم تنكد على نومتي وجاي على السرير بملابسك المقرفه اللي كلها ريحة دخااان ....

قيس :اوف اوف وش عندك معصبه ...!!!

سارا:يعني ماتعرفني ماتحمل اشوفك بالمنظر هذا انقررررف ...

قيس:خبرتي خواتك ...؟!!

اوف ولاكأني اتكلم يحبه لتطنيــــــــش ...

سارا:لا انتظر اخذ منك أذن ...!!!

حسيته مره ماله خلق بس ماسك اعصـــــابه ..طلعت منه تنهيده طويله ..

قيس :سوسو ماغيرتي رايك للعلاج ...

مسكت راسي ماحب اسمع هالكلمه اكررررهاااااا

سارا:قلت لك لااا مابي ماتفهم مابي ....

عورتني يديه وهو يمسك فيها يدي حتى يشيلها من على اذني ...

قيس:حركات الاطفال هذي خليها عنك ولاتكلمت معك كلام كباررر تصرفي من هالمنطلق ...

سحبت نفسي عن الســـــــرير ...

سارا:حركاتي مو حركات اطفال واذا مو عاجبتك تصرفاااتي انت كلك مو عاجبنــــــي ...

مسحت دموعي اكرههاااا ليه تنزل اللحين ..

قيس :لو مو عاجبك ماوقفتي اليوم بوجه ابوي عشاني

لفيت ظهري له بسرعه كيف عرف اني تهاوشت مع ابوه ...!!!

عضيت شفايفي وش اقول ياربي ايه صح رجعت لفيت عليه

سارا:اصلاً انا كنت مقهوره من ابوك عشاان شي ثاني وكاانت هوشتكم فرصه لي عشان انتقم منه ...!!!

قهرني يوم ضحــــــك من قوة الضحكه احس السرير بيهتز معه ...

بعد ماشبع من الضحك وطلع كل اللي بنفسه

قيس :حتى اعذارك اعذار اطفال ...

وبكل وقاحه طلع من درج الكومدينا علبة سجاير واخذله سيجاره ...

سارا:احلف قل قسم والله ماتدخن هنــــــــاااا ..

ظربت رجلي بالأرض وان اشوفه يشعل سيجارته بدون مايهتم فينــــــــي ....

قيس

مر عليه يوم متعــــــب ...ومشاعره اليوم غريبه ماهو قادر يسيطر عليهاااا

مابين العصبيه والروقااااان ولأتفه الأسـباب ...

وتصرفات سارا وطفوليتهاااا تلعب بأعصــــــابه بطريقة مستحيل احد يتصــورهااا ولاحتى هي نفسهااا ...

كان يشفط من السيجاره اللي يروق اعصابه ....

قيس :تعــــالي مافيني حيل اقوم ...

من ملامحها اللي راقبها واضح انها ناوي على صياح ونياح

قيس:سارا ورب الكعبه مالي خلق صوت صياحك...

واشر على راسه

قيس:هذا مقفل ....

مانهى كلمته الا ودموعها مغرقه وجهااا

سارا:اصلاً انت كذا بكل شي تعاندي وتحب تقهرني ولاتحترمنـــــي كل شي تقوله لي انفذه ليش انت ماتحترمني

مع ان طلباااتي بسيطه وتقدر تنفذهاااا قلت لك اكرررررررررررره الدخااان اكررررررررررهه ...

ولفت بسرعه وطلعت من الغرفه ماوقفها الا عند الســــلم

سحبها مع يدها يدفهااا قدامها ...

قيس :خبله انتي وين طالعه بذا اللبــــــــس ....

جلس على الكنبه وجلسها معه ...

قيس :وش رايك نسوي اتفـــــــاق ..؟!!!

مالفت عليه ولاكأنه يتكلـــــم ..مسويه زعلانه ..!!!

قيس:انا اترك الدخان بـشرط ترضين تعالجيــــن ...

انقهـــــــر لأنه توقعهااا بتفكر بعقــــل وتقبل الأتفاق

سارا:روح زين عمرك ماتركت التدخين ...ولاااتدري ..

شافها تسرع لسرير تنط عليه وتروح لجهته تتربع فيها وتسحب علبة السجاير ..

سارا :انا بعد بدخــــــن ..

وقبل مايستوعب الحركه حطت بفمها سيجاره وولعتها ..

صرخ باعتراض وغضب

قيس :ياحيـــــــــــوانه ..

تحرك من مكانه بسرعه وبدون ماينتبه تعثر بالمفرش اللي جاي جزء منه عالأرض ..وطاح على الأرض .. سمع ضحكتها ...

سارا:ههههههههههههه تستاهل الله مايظرب بعصـــا ..

قام من الأرض وجلس على السرير وهو يفرك ركبته اللي اوجعته من الطيحه ..

قيس:نزليها من فمك ليجيك ظرب يساوي كل الظرب اللي اكلتيه بحياتك ...بعدين مليون مره قايلك الله مايظرب بعصا ماتجوز ...

كانت تطلع السيجاره وتدخل بفمها بدون ماتسحب منها أي نفس ..

سارا:طيب ليه معصب مو أول مره اشرب سيجاره ..

سألها بذهول

قيس:كنتي تدخـنين ..؟!!!

سارا:لاتطلع علي أشاعات فيه فرق بين مو اول مره وبين اني ادخن على طــول ... بس مره هي لماكنت صغيره ...

ولاتحاول تحاسبني على أمور كانت وانا جاهله ..

قيس:قبل كنت جاهله واللحين يالكبيـــــــره

سارا:مصدق انت ...شووووف

ورمت السيجاره على الأرض وداستهــا ...

وتفاجأ فيها تقول

سارا:وخلاص انا موافقه على الأتفــــــــاق ..واتحداك تقدر تبطل تدخين ...

واخيراً مابغت تعقـــــــل ...

قفز من الفرحه وشالها ودار فيها بالغرفه ..

مشاعل

كعادتي اصحو على شعري بالجوع ...لأعلم مالشهيه التي تنفتح في اخر الليل

بينما تفارقني طوال النهار ... دخلت المطبخ بعينين مغلقتين تقاومان النعاس ..

اخرجت من الثلاجه طبق مغلف لأعلم مايحتويه ربما شطائر وجدتها بارده تناولتها دون تسخين

لأني لأحتمل الأنتظار ......

لأعلم هل انا نائمه واتناول الطعام بالحلم أم في الحقيقة انا اتناول الطعام ...

تفاجئت بخلف يدخل علي .. شعرت بأني ارتكب جريمه وقبض علي متلبسه

لم استطع ان ارفع عيناي عنه ...رأيته يترنح وهو يسير بتجاهي

تسألت هل هو مريض ...وبسرعه فهمت الوضع انه مخمــــور ..

سكران ..!!!

شعرت برعب يتملكني اريد تحريك قدماي والهروب ولكن لم أستطيع ..

بقيت جامده مكاني حتى اصبح لايفصلـــــني عنه شيء

حينما مد يديه للأمساك بي حاولت الصراخ ولكن لم يخرج صوتي ..

حاولت مره وأخرى حتى خرج صوتي ضعيف ..ولكني اصريت عليه

كنت محبوسه في احضانه ..انه مخمور لايعي مايفعل ..

صرخت مره أخرى بصوت أعلى

وكأنه لم يكن يسمع كان يتحدث عن اشتياقه وحبه لي ...

بالتاكيد هو لايسمـــع انه مخمـــــور ...لايشعر بما يفعله

ربما يقتـــــلني او يقتل ابنـــــي ...

حاولت دفعه وابعاده عني ..

وبدأت بصياح عليه

مشاعل :ابتعد عني ستقتلنــيييي.. ابتعتد ستقتل الطفــــــل ...

لم استطع دفعه عني كانت يداي مقيدتان على صدره ...

بدأت بالبكاء بهســـــــتريا ....

خلف

رجعت من برى قبل الفجر بساعه ..

كالعاده اتعشى بالبيت عشان مشاعل وبعدها مأطيق اقابل جـود احس باختنـاق ماتمنى الا وحده وغير مابغى ...

دخلت بتعب واول مالفت انتباهي بالشقه الصغيره واللي تعمدت تكون بالشكل هذا عشان تكون مشاعل قريبه مني

وماتقدر تختفي عني..نور المطبخ والحركه البسيطه اللي جايه منه بس لهدوء الشقه كانت الحركه واضحه ...

عرفت انها مشاعل لأني لاحظت من فتره انها تقوم بأخر الليل تأكل يعني على رجعتي مثل هالوقت او قبله ..

عشان كذا طلبت من جود تسوي أكلت خفايفه وتجهزها لي بالثلاجه على أساس اني انا اللي احس بالجوع بالليل وأكلها وانا اقصد انها لمشاعل لأنها مستحيل بتطبخ او تجهز لنفسها شي بااخر الليل واصلاً مشاعل ماتعرف تطبخ ...

لقيت نفسي امشي للمطبخ ..بالعاده اطنش ... بس اللحين غصب احس اني ماقدر امنع نفسي

بدخل احضنهـــا بس حضن وبطلع هذا حلم دقايق وينتهــــي ..

وقفت على الباب وكانت جالسه على كرسي مقابل الباب ...بسرعه انتبهت لوجودي بس ماتحركت بقت جالسه وتطالع فيني...

حسيت نفسي امشي بدون تركيز ..وجاء الوضع تلقائي

سكران من شوقي لها بستغل الوضع بكون سكران بعينها ومرفوع عني القلـــــــم ...

تخبطت بمشيتي لين وصلتها ...كان بعينها فزعه ..غصب عنها تخاف مني لأني تعمدت اكون مرعب لها ..

مسكت يدها لين وقفت وحضنتهاااا ..

خلف :هلااا حياتي وينك مشتااااقلللللل للللك ..كل هذا تغلي ..ياروحي انتي وحشتيييـ ني ..

مادري كيف طلع الصوت معي كذا بس باذني ماكان صوتي طبيعي ...

كان كل شي ماشي مثل ماودي اكثــــــر ...ماثر على صياحه ولامحاولتها الضعيفه انها تبعدنـــي

لكن دخول جود اللي اكيد جت على صوت نرفزه وقلب كيـــــانه ...

جود :شتسوي أنت ..؟!

تمالكت نفسي قدر الأمكان وماصرخت عليها وش جابها ذي

مشاعل :انه مخمــــــور ارجووووك خلصينــــي منـه ..

مخمور ايه لازم اكمل الوضع وماكشف نفسي قدام مشـــــــــاعل ..

خلف :حبيبتـــــي من هذي..؟!

جود:من هذي نسيتني اللحين هاه ...

جت مسكتني من يدي تسحبني فكيت مشاعل اللي اختفت بنفس اللحظه من المطبخ ...

خلف :خير وش تبغين ؟؟!

جود :حقيررررر واطي..؟

تحاملت على نفسي وماعطيتها كف ..

خلف :انتي لايكون مصدقه اني مو صاحي انقلعي عن وجهي يااالله انا اصحى منك ..

تركت يدي وتراجعت على ورى بخوف ...

جود :تمثـــــــل ..!!

دفيتها عن طريقي وطلعت ...اوووووووف خربت علي الله ياخذ روحها ...

وقفت حيران مابين غرفتي وغرفة مشاعل ... المفروض اني للحين سكران مرفوع عني القـــلم ..

دخلت عليها ماكنت نفس نظرة الخوف بعينهااا ...

مشاعل :خلف ارجوك ابتعد عني انت لاتعي ماتفعلــــه ...

جلست جنبها على السرير ..

خلف :انا اعرف شي واحد انك حبيبتي ...

رجعت تبكي والله وصرنا حساسين يامشاعل ..

وين مشاعل القديمه وين الخبث والذكاء واستغلال الضــعف ..

خلف :هوش هوش ليش تبكين ماصرتي تحبيني ....؟!!

مشاعل :أحببببك أكثر من قبل ولكن لم تعد تحبني ...

ضميتها وانا اقول بصوتي اللي مو قادر اتحكـــــم فيه اكثر ..

خلف :انا لوبقبري ببقى احــــــــبك ..!!

آآآآآآآآه يامشاعل ياموتي وعذآآبـــــي

ليش حبيتك هالقد ..ليش صرتيلي أقرب من عروق قلبي ...

واهم من النفس اللي يبقيني عايـــــــش ...

ليه صارت الحياة بعيد عنك موت وتسمى حياة ..!!

عساف

اليوم انكمل سنه بعـاد عن بعــض ..

سنه بشهورها بأيامها بساعتها ماشفتها ولالمـحه ولاحتى سمعت صوتها ..

سنه يامقساها من سنـه اقدر اقول سنين مو سنه وحده

اتعس سنين حيـاتي

كنت احسب السنين اللي قضيتها معها بهواش اصعب سنين حياتي مادريت ان اللي اكثر عذاب انها ماتكون حتى موجوده

اتهاوش معاهـا ..

حتى صوتها احرمتنـي منـه ..

اتصبر عنها بشوفة ولدها ..لضميت محمد انسى نفسي لأني احس اني ضام جزء منها ..

صبرت نفسي ان بسنه ببدأ انساها

بس وش انسى

انسى روح تغللت وسط روحي

انسى قلــب مافرح بحبي الا وقتلته ..انسى اني السبب اللي هدم حبـي .. انسى ان انا اللي صدمتها بالحب انا اللي شافت مني اقسى خدعه ممكن تطلع من بشر

ماقدر انسى ولا اقدر اكمل حياتي مع الذكريات

انا انسان وماني انسان ..؟!!!

انسان حياته كم ساعات يوم اربعاء وبس ..

اذا شفت شدن ومحمد وبعدها ارجع للضياع ..

دق المنبه اللي شغلته يصحيني لصلاة العصر ومانمت حتى احتاجه يصحيني ...

بس لو مادق ماكان حسيت بالوقت وكنت بجلس ساعات ويمكن أيام على هالحال ...

بعد نص ساعــه وقفت قدام بيتهــم حطيت يدي على البوري دقايق وطلعت شدن وبيدها محمد اللي صار يمشي ...

نزلت من السياره وبسرعه شلته من على الأرض معي مستحيل اخليه يمشي على الأرض ...

بعد ماستقرينا بالسياره حمودي بحظني وشدن على الكرسي اللي جنبي ...سألتهم ..

عساف:وين تبغون نروح ..؟!

شدن :أي مكان بس مانطول لأن حمودي مريض

اول ماقالت مريض نزلت يدي المس جبينه مافيه حراره

عساف:مريض اش فيه

شدن :ماعرف ماما قالت كذا ...

رفعت الجوال بتصل عليها بس لقيتها سابقتني وتتصل

عساف:خير وش فيه محمد ؟!

ضحى :رجع العيال

عساف:ليش

ضحى :رجعهم وبــــــس ..

وقفلت الخط ..

صبر جميل والله المستعان ..

ضحى

كان الهاجس هذا مسيطر علي من اربع شهــــــور ...

مارتاح راسي من التفكير فيــــه ...

شي داخلي وغصب عني يقولي لازم ارجع لعســاف .....

رغم كل شي صار لازم ارجع ...

رغم اني كتبت نهايتنا بلساني ويدي لازم ارجعله ..

اتمنى اقدر افكر بشي ثاني ماقدرت كل تفكيري

اني ارجعله ....

رفض يطلقني بس مابدر منه أي شي يدل على انه يبغى يرجعنـــي ...

يوم افكر بيني وبين نفسـي انه ممكن يطلب مني ارجعله بعد اللي قلته له

اقول بيطيح من عيني بس عساف طول عمره شخصيته كذا ...

سويت معه اشياء كثيره وعداها لي ليش هالمره ....

صح اللي سويته يفوق الأحتمال بس كان معي حق ...

ويمكن رغم كل جزعي وقتهااا كنت ناويه ارجعله ...

يعني كانت فش خلق يمكن ويمكن درس له عشان مايكررها معي

صح كنت اردد له اني مستحيل ارجعله وحفظتها قبل لنفــسي ...

بس متأكده ان فيه شي داخلي ناوي يرجعني له ....

كل يوم يمر وهو ماطلب يرجعني يصيبني قلق غير طبيعي

لين سيطر على من اربع شهور هاجس اني انا اللي ارجعله

لأن عساف فعلاً المره هذي طلع رجااال

وصبر عشان ابدأ ان بالخطــوهـ الأولى .....

طول الوقت افكر وش بيكون موقفي لو رفضني اصلاً كيف بفاتحه بالموضوع

وخليتهااا لوقتهـــا ...

اليوم الصباح صحيت من النوم وقلت لنفسي اليوم لازم اتكلم معه ...!!!

انا من شهور ماتكلمت معاه بس اليوم قررت اكمله

قلت انتظر حتى يجي ياخذ شدن ومحمد ...واطلعله بدالهم واتفاهم معاه ...

كان الموضوع عادي انا دايم اتقدم لأي شي بكل سهوله

بس اليوم ولأول مره وقفت ماقدرت اطلع واركب معاه بكل سهوله واقول بتكلم معك

بدون احساس قلت لشدن تأخذ محمد وتطلع ...

واجلت المواجهه لرجعــوا حتى قلت لها تقوله مايتأخرون لأن محمد مريض

ومحمد بسم الله عليه مافيه شي بس عشان مافيني اصـبر كثير

لازم اتكلم ...

توقعت صبر يخوني بس مو بهالسرعه مالهم دقايق طالعين اتصلت عليه قلت له يرجع العيــال

واللحين واقفه انتظرهم ... المفروض انا اطلع اخذ منه العيال بس بطلب منه ينزلهم ...

عساف

بعد مانزلت شدن نزلت وانا شايل حمودي انفتح الباب قبل نوصله ...ماكنت بدخل بس شدن اللي دخلت بسرعه رجعت تناديني ...

شدن :ماما تقــول ادخل

لحد هنــا وبس وش اللي صـاير دخلت بدون تفكـــــــير ...

اول مادخلت وطاحت عيني عليه فكرت اني دخلت وماكنت متوقع بشوفها ..!!!

قبل ماستوعب وجودها قدامي لفت تعطيني ظهرها وهي تقول

ضحى :تفضل نتفاهم ...

هي قالت الجمله هذي او شي ثاني مادري بس غصب عني مشتني رجولي وراهااااا ....

دخلت المجلس بعدها

كان متكتفه واللحين انتبهت انها لابسه عباه وعلى كتوفها طرحه ...

ضحى :متى بتطلقني ...؟؟!!!!

مادري كيف تتكلم بكل برود معي ماكأنها اخر مره تقابلنا فيها ماسمعتني كلام ماينســى ...

كنت احاول امسك نظرة عيونها اللي تهرب فيها عني بكل مكــان ابغى عيونها تناظر عيني

بفهم وش شعورهاااا بعد كل اللي صار ...

كيف بكل سهوله جايه تواجهني ...

سحبت نفس طويل اهدي فيها انفاسي السريعه

عساف:ماراح اطلقك ..

مانطقت اخر حرف الا وهي تبادرني

ضحى :يعني ايش بترجعني ولا بتعلقنـــــــــي ...

كلمتها بترجعني ... حسيتها اعتراف منهااا بأني الطرف الأقوى

انا اللي اقدر ارجعهااااا وانا اللي اقدر اعلقهااااا ...

عساف:ضحى وش تبين ..؟!!!

لمحت عليها ارتباك قبل ماتلف وجها عني

ضحى :اول شي ابغاك تطلقني ثاني شي حبيت اخبرك اني ببيع البيت ..!!!

ضحى

كنت حاطه براسي لو رفض الطلاق اني اتكلم عن البيت وبيعه

لأن هذي اول فكره طلعت براسي عشان اقهره فيها بس مانفذتها

واللحين صارت ورقه رابحـــــه بيدي ..

عساف :تبغين اعرضه لك بمكتب عقاري للبيع ماعندي مانع ...

ماكان هذا اللي براسي ولاكنت اقصد كذا بس تبغى تتلاعب فيني ماعندي مانع اجاريك

ضحى :تسوي خيـــــر ..

وتعمدت اروح اخذ محمد منه لما شفته ناوي ينزله على الأرض ...

وحطيت عيني بعينه وانا اقول

ضحى :بكره تعال خذهم عن اذنك ..

وطلعت من المجلس قبل مايطلع ...

هذا اول الخيط والباقي كثير...

كان لازم اسوي كذا واكمل حياتي مع عســــــاف ..

الفكره هذي ترسخت عندي اكثر لما شفت مشاعل كيف رجعت

لخلف حتى بعد ماتسبب بموت ولدهااا ...

خلاص حنا بنات مبارك مانقدر نعيش بدون رجاال

يعني نرجع مثل قبـــــل بالحاجه والخوف ...

ولانعيش مع رجال لو انهم مايوصلون لطموحنااا

لكن على الأقل اسمهم رجاال قدام عين الناس ...

.

.

.

.

قيس

ندم كثير على حماسه لحمل سارا لأن اللي حصل مع وحامها

كرهه بالحمل وأيامه ..صارت انسانه غير شرسه لعينه عصبيه

وماتعرف شي اسمه مزح اختفت الأنسان المرجوجه صارت حساسه وتدور على الشر

والأقوى صارت ماتخاف منه ... وياليت ماكانت حامل عشان يقتص منها بس الأمور تكابلت عليه ولقى نفسـه بموقف ابد ماينحسد عليــه ..

اللحين جالس يتابع التلفزيون مادرى الا وعاصفه داخله عليه ..

سارا:وين الحليب اللي طلبت ..

قيس :اي حليب بعد انتي طلب واحد اللي طلبتي ألف طلب

حسها بتجي تقلع عيونه

قيس:لاتناظريني كذا احسنلك

سارا:وكيف تبغاني اناظرك تدري ان عندي نقص كالسيوم ومحتاجه اشرب حليب وانتي جالسه هنا تتابع تلفزيون وولاهمك ..

قيس :طيب الحليب ماراح يختفي من الدكاكين خليني اريح شوي واقوم اجيبه من رجعت من الدوم طلعت مرتين اجيب طلباتك ..

سارا:طلباتي ليش انا اللي اكل لحالي بذا البيت ترى طالبه اغراض عشان المطبخ مو عشاني وهذا اول شي اطلبه عشاني

بعدين مو حاله كل شوي طالعت لك مع الدرج ليش ماتجلس تحت ...أنت اصلاً متعمد تحط تلفزيون هنا عشان تعبني بالطلعه ..

مو كأن التلفزيون موجود هنا خصيصاً عشانها وبطلبها ..

وقف مقهور وتوجه لدولاب يغير ملابسه

قيس:صادقه فعلاً انا اللي حطت تلفزيون هنا لأني مره اموووت عليه واحس بتعب ولازم اشوف كل فيلم ينعرض ..

حس فيها وراه مباشره وحطت يدها على كتفه بمحاوله للفه لها

سارا:قصدك تتمصخر علي صح قولها بوجهي لتجلس تتخبى ورى الكلام ..

حبس انفاسه ليصرخ بوجهها وكمل لبسه بسرعه وطلع من الغرفه

هذا اقل موقف ممكن يحصل بينهم يومياً من خمس شهـور ..

والله يصبره على الكم شهر الباقيين ..

:قيس قيس خير وين رايح ..

نفخ بوجه جابر مع ان ماله شغل بس من الحره اللي فيه

قيس :رايح جهنــم

وقبل مايكمل طريقه رجع لجابر اللي للحين باهت من النفخه اللي جته

قيس :تدري انصحك تلغي زواجك وتستمع بالعزوبيه اكثر ..

وطلع قبل مايسمع رده ..

سارا

للاسف اكتشفت ان الانسان اللي متزوجته كتلة غباء .. وزياده يتهرب من مسئولياااته

بس هين والله اوريه ...

بكره يرميني انا وولد ويروح يتزوج وحده ثانيه بس مو على سارا بحفيه بفلسه ماراح اخلي معه ريال

يسمح له يفكر يتزوج علــــي ..

متوقع ان الزواج والعيال يجون بساطه.. ويقدر يتزوج ثنتين وثلاث بس مو اذا كانت سارا الأولـى ..

اتصلت على ملاك اللي احسها مو خلقي

سارا:خير وش فيك

ملاك :أووف وش مافيني من البزره هذي

سارا:مين نونو

ملاك :لانونو امها للجنه الورعه هذي وعيد

سارا:لاصاحبة الثروات مانقدر عليها

يتبع ,,,,

👇👇👇

تعديل المقال