رواية توصي شي انا بكره مسافر -17
ذاك الجسم أحسن من جسم فراس حتى وش بعد ....
أبو إياد عصب : باسل انقلع برى
باسل يسلم على راسه : ههههههه أحبك يالغالي
ليان مستحية : يبه الشور شورك
أبو إياد ابتسم : لو داري إن إياد و باسل بيخلونك توافقين كان جبتهم من الأول
ليان راحت فيها : خلاااااص يبه
أبو إياد يسلم على راسها : الله يوفقك يا بنتي
نرجع لبيت طلال .....
في غرفة طلال و سديم .....
طلال : اسمعيني هالعباة مرة ثانية ما أبغى أشوفك لا بستها فاهمة
سديم : وليه إن شاء الله
طلال متنرفز : قولي بالله وش تستر هالعبايه جسمك مخصر وعيونك كلها طالعة
سديم : إيوه طيب وش تبغاني ألبس
طلال : تلبسين عباية راس زيك زي أخواتي
سديم : و أنا غير عن خواتك
طلال : أنا مربي أخواتي على الستر و هالعبياة ما يعرفونها و إنتي هنا جايه تخربينهم
سديم عصبت : و دام تربيتي مو عاجبتك ليه تزوجتني من الأساس الناس تدور على البنات الأخلاق مو
طلال باستهزاء: عااااد ما دريت إن هذا لبسك
سديم : اسمعني إذا تربيتي مو عاجبتك رجعني بيت أهلي و راح ألقى رجال أحسن منك يصونني و يحترمني
طلال أعطاها كف : هالكلمة مرة ثانية ما أبي اسمعها فاهمة أنا عارف إنتي تبينها من الله و صوتك ما ترفعينه علي
سديم تبكي : اطلع برى و اتركني بحالي اطلع
طلال طلع وصك الباب وراه من غير ما يزيد أي كلمه ثانية " فكرة إن زوجته تكون لغيره ثارت أعصابه "
في المطبخ .....
طلال : باقي ما تعشيتوا
أم طلال : لا حبيبي نستناكم
مها : وينها سديم
طلال : بالغرفة فوق
أم طلال : وليه ما تنزل تتعشى
طلال : ما أدري عنها
مها : أنا بأروح أشوفها
في غرفة طلال و سديم .....
مها تدق الباب : .....
سديم تبكي : روح ما أبغى أشوفك
مها تفتح الباب : سديم حبيبتي ليه تبكين
سديم تبكي : مها اتركيني بحالي
مها تجلس جنبها على السرير : سدومه قلبي والله ما تسوى هالدموع
سديم تبكي : قوليله يرجعني بيت أهلي أنا ما أبغى أعيش معه
مها : تعوذي من إبليس و أذكري ربك
سديم : إذا تربيتي مو عاجبته ليش يتزوجني كان خلاني ببت أهلي أحسن
مها : الله يهديك يا طلال .. طيب ارفعي راسك و امسحي دموعك
مها : يالله سدومتي
سديم ترفع راسها : روحي مها تعشي ما عليك مني
مها تمسح على خدها : طلال ضربك
سديم رجعت تصيح : شفتي أخوك وتقولين تحملي أنا ولا مرة بحياتي أبوي أو أخواني مدوا إيدهم علي
مها : ما عليه حبيبتي أنا راح أقول لأمي و هي تتصرف معه يالله انزلي تعشي معنا
سديم : ما أبغى مالي نفس
مها : شوفي إذا ما تعشيتي معنا ما راح أتعشى
سديم : مها لا تغصبيني
مها : عشان خاطري طيب
سديم تمسح دموعها : دقيقة بس أغسل وجهي
في المطبخ .....
أم طلال : ها يمه قلتي لها تنزل
مها : إيه الحين جايه وبعدين حرام عليك يا طلال خاف ربك ما يصير تسوي فيها كذا ترضاها على خواتك
طلال : مها لا تدخلين نفسك بشي ما يخصك
مها : إنت لو تشوف حالتها تلوم نفسك
أم طلال : طلال بعد العشاء نتفاهم
سديم : السلام عليكم
الكل : وعليكم السلام
سديم : كان تعشيتوا يمه وشو له تستنوني
أم طلال : ما يهنا لي الأكل إلا لا شفت هالوجه قدامي
سديم بابتسامة : بعد قلبي يا يمه
أم طلال : يالله اجلسي تعشي
مها : سدومه تبين عصير و إلا لبن
سديم : لا عصير
طلال : مها صبي لي عصير
مها : طيب
سديم تعطيه كاسها : تفضل
طلال يبتسم لها : مشكورة
سديم بدون نفس : العفو
طلال : يمه
أم طلال : نعم
طلال : ملكة أخو سديم وولد عمها يوم الأربعاء
أم طلال : ما شاء الله الله يوفقهم
مها : أي واحد من أخوانك سدومه
سديم : عبد الله
مها : الله يوفقه .. وولد عمك من بياخذ
سديم : ليونه
مها مستانسه : آآهااا أجل خالد
سديم : ههههه إييه
مها : الله يوفقهم
سديم : عقبالك
مها : ما أفكر حاليا
سديم : إنتي خلصي الثانوية و راح آخذك لأخوي
مها بحيا : احرجتيني
طلال : و مين قال إني بأزوجها هاني
سديم : والله ما راح تلقى أحسن من أخوي يكفي حنيته و طيبة قلبه و صدقني راح يحافظ عليها
طلال : وش اللي يضمني
سديم باستهزاء : لا تخاف أبوي مربي أخواني على الاحترام و إنهم ما يمدون إيدهم على مرة لأن هذي
مو من الرجولة و اللي يمد إيده عندنا على مرة ما عاد يحلم فيها
طلال خاف : كيف يعني
سديم : يعني ما عاد ترجع له تجلس ببيت أهلها معززة مكرمة و تقدر تسأل هاني إذا ما إنت متأكد
مها : الله حقوق المرأة محفوظة
سديم : أكيييد هذا أهم شي عندنا
طلال : و إذا كان الغلط منها
سديم : حتى لو لأن الضرب مو حل للمشاكل بلعكس يزيدها
طلال : ..........
أم طلال : الحمد لله .. طلال لا خلصت الحقني على غرفتي
طلال : إن شاء الله يمه
مها : سدومه كلي
سديم تلعب بالشوكة : مالي نفس
طلال يقوم : الله يستر
مها : هههههه ما يعرف لك إلا أمي
طلال يلعب بشعر سديم : كله منك يالسوسة أمي ما ترضى فيك
سديم : أحسن خلك تتأدب
طلال يغمز لها : على قلبي زي العسل
سديم تكلم مها : أخوك هذا بياع كلام على باله بأرضى بكلمتين حلوة
طلال : ههههههه باي
مها : سديم
سديم تفكر : همممممم
مها : تحبينه
سديم تأشر على قلبها : هنا المشكلة .. مشكلتي أحبه خايفه أقول لأهلي على اللي سواه معي و يحرموني منه
مها : من جدك إنتي على بالي تمزحين
سديم : لا والله أتكلم من جد
مها : سديم ما عليه اصبري و هو راح يعرف قدرك صدقيني بس لا تخربين بيتك بإيدك
سديم : و أنا هذا اللي خايفه منه ليتني ما عرفت طلال و لا حبيته
مها بابتسامة : لا تكرهيني بالزواج
سديم بابتسامة : بالعكس الزواج حلو إذا كان فيه زوج يحبك و يخاف عليك
في غرفة أم طلال .....
أم طلال : طلال
طلال : سمي يمه
أم طلال : إلى متى يعني أشوفك تغلط و أسكت عليك
طلال : .......
أم طلال : خاف الله بهالمسكينة مو لأنها صغيرة و ما تعرف كثير بالحياة تمشيها على كيفك
طلال : بس يمه هـ.....
أم طلال قاطعته : لا بس و لا شي إنت غلطت و أسلوبك هذا مو حل للمشاكل إذا هي غلطت تفاهم معها بأسلوب حلو
تدري وش اللي فهمته من كلامها
طلال : وش فهمتي يمه
أم طلال : إنها تقدر تعلم أبوها و أخوانها على اللي تسويه فيها بس مشكلتها تحبك
طلال : عارف يمه
أم طلال : اسمعني إذا ما عدلت أسلوبك معها لا ني أمك و لا إنت ولدي
طلال يسلم على راسها : أهم شي رضاك يالغالية
أم طلال : ما راح أرضى عليك إلا لما أشوفك عدلت أسلوبك معها
طلال : أبشري من عيوني
أم طلال : و الشي الثاني من بكرة تروح و تكتب نص الشركة باسمها
طلال : من جدك يمه
أم طلال : إيه من جدي نص الشركة باسمها و نصيبي اللي بالشركة متنازلة عنه لسديم
طلال : ليه يمه وش اللي طرى عليك
أم طلال : لأنها تستاهل .. صدقني يا طلال ما راح تلقى مثلها فلا تضيعها من إيدك و الله إنها تسوى الحريم كلهم
طلال مستانس : خلاص إن شاء الله ما يصير خاطرك إلا طيب
أم طلال : مثل ما قلت لك ما راح أرضى لين ماتعدل أسلوبك معها
طلال يسلم على راسها : تصبحين على خير يالغلا
أم طلال : و إنت من أهله
في بيت عبد الله .....
عبد الله : وش فيه قلبي زعلان
حنان : بعد عني أشوف
عبد الله بابتسامة : أهون عليك
حنان الدموع في عينها : ملكتك يوم الأربعاء و تبغاني استانس
عبد الله يحضنها : يا قلبي إنتي والله لو أملك على عشرة من الحريم ما يتغير غلاك بقلبي
حنان : مجرد كلام إنت بس تتزوجها تنساني و تنسى اللي في بطني
عبدالله : حسام حبيبي عاجبك كلام ماما
حنان : بعد عني و خل حسام في حاله
عبدالله بحنيه : صدقيني يا قلبي فجر طيبه وراح تتفهم وضعي وراح تحبينها و تصيرون مثل الخوات
حنان : ما ظنيت
عبدالله يبوسها : يالله عاد فكيها وخلينا نستانس
ياسر يغمض عيونه : شكلي دخلت المكان الغلط
عبدالله : يلعن هالوجه ما تعرف توقت
ياسر : و أنا وش دراني إنك بتبوسها الحين
عبدالله يحذفه بالمخده : اقول انقلع عن وجهي
ياسر : هااه نوني وشو له زعلانه
حنان : مو زعلانه
ياسر : لا تخافين أنا أعرف عبدالله ما يقدر يستغني عنك دقيقه لأنك الهوى اللي يتنفسه
حنان بابتسامه : هذا إنتوا يالرجال وش عندكم غير اللعب بعقول الحريم
عبد الله : فديت الابتسامة و راعيتها لو داري إن ياسر بيخليك تبتسمين كان جبته من زمان
ياسر : شفت وشلون
عبدالله يبوسه : ياخي أحبك
ياسر : وخر والله ما أنت بصاحي لا يكون قلبت
عبدالله عارف إن ياسر يكره هالحركات : ههههههههه تعال أبوسك مرة ثاني طيب
ياسر : حشا شفاط مو بوس
حنان : ههههههههه
عبدالله : فديتك يا شيخة
نرجع لبيت طلال .....
في غرفة سديم و طلال .....
طلال يفتح الباب : سدومه نمتي
سديم : لاصاحيه وش عندك بعد ما كفاك اللي سويته
طلال يجلس جنبها : أنا آآآسف
سديم: بأي بنك أصرفها
طلال يمسح على خدها : يألمك
سديم : لا .. و بعد عني
طلال يأشر على قلبه : سدومه والله حرام عليك هذا يحبك
سديم : وش يفيد الحب دام ما فيه احترام
طلال : سديم أنا لا عصبت صدقيني ما أحس بنفسي
سديم : و أنا آكلها يعني
طلال يبوسها : صدقيني أنا آسف و أوعدك إن هذي آخر مرة أمد إيدي عليك
سديم بابتسامة : وعد
طلال : وعد .. بس لنا 3 أيام و بندخل بالرابع وللحين ماني حاس إني زوجك
سديم مستغربة : وليه طيب
طلال : إمممم لأن ... سدومه إنتي خليك ذكيه و أفهميها
سديم تفكر : لا طلال مو اليوم
طلال : وليش لا
سديم : بس مزاج
طلال : احلفي
سديم : طلال خلاص يوم ثاني
طلال بابتسامة : أوكيه براحتك
سديم : بكره توديني بيت أهلي
طلال : ليه
سديم : عشان أسلم عليهم
طلال : أبشري من عيوني
سديم مستانسة : تسلم عيونك
اليوم الثاني .....
في فندق انتركنتننتال .....
سحر : يبه
أبو خالد : هلا حبيبتي
سحر : لميس كلمتني وقالت تعالوا عندنا
أبو خالد : ليه
سحر : سدومه وغلا بيجونهم
أبو خالد : طيب فجورة تبي السوق
سحر : إيه نبي نروح للسوق و بعد ما نخلص نمر عليهم
أبو خالد : إذا كذا ما فيه مشكلة قولوا لخالد يوصلكم
سحر تصارخ : فجر يالله جهزي نفسك
أبو خالد : بشويش ترى باقي أبغى أذني و بعدين سمعتي اللي بالفندق كلهم
سحر تحضنه : أحبك يا أحلى أب بالدنيا
أبو خالد لمعت عيونه : تدرين سحورتي
سحر وباقي حاضنته : سم يبه
أبو خالد : ماني مزوجك بأخليك عندي
سحر بابتسامة : وليه
أبو خالد : لأني ماني متخيل البيت من دونك إنتي بالذات
سحر : هههههه يا بعد قلبي يا يبه تدري أحلى شي تسويه لأني أصلا ما أبي أتزوج
أبو خالد يسلم على راسها : إنتي شمعة البيت
سحر بابتسامة : يبه بيكبر راسي ترى
سمر تتخصر : ما شاء الله ما شاء الله واثقه من نفسك كثير
سحر تفك أبوها و تتخصر مثلها : ليه وش عندك بعد
سمر : إنتي تعرفين من زمان إن هالمكان لي لوحدي و بس ما أحد يشاركني فيه
سحر باستغراب : أي مكان
سمر ترمش بعيونها : حضن بابا
أبو خالد : هههههههه ههههههههه
سحر : إلا إنتي اللي واثقة من نفسك أقول طيري مناك قالت أييييش هالمكان لوحدي
سمر : مو عاجبك كلامي
سحر : لا مو عاجبني
سمر ترفع حاجب : مو لازم
أبو خالد : تدرون
سمر : I can't
سحر : سمرووووه ردي زين .. سم يبه
أبو خالد : سم الله عدوك هالمكان ولا لوحدة فيكم
سمر فتحت عيونها : لا والله أجل لمين
أبو خالد بابتسامة : لأمكم
سحر : هههههههه
سمر تأشر بإيدها و تمشي : ما عندك سالفة مغبر
أبو خالد : ههههههه
سحر : يبه ليه ما تهاوشها
أبو خالد : هههه وليييه أهاوشها
سحر : يبه عيب ترد عليك كذا
أبو خالد : هالبنت تدرين بمين تذكرني
سحر : ميييين ؟؟؟
أبو خالد : تذكرني فيك كنتي مثلها و أخس و ألعن
سحر تقلد سمر و تأشر بإيدها و تمشي : ما عندك سالفة مغبرررر
أبو خالد جلس على الكنب : هههههههههه هههههههه
أم خالد تنشف شعرها : ههههههه سلمان وش اللي يضحك
أبو خالد : نعيما حبيبتي
أم خالد : الله ينعم عليك
أبو خالد : وهو في غير بناتك الله يصلحهم
أم خالد بابتسامة : أكيد سحر و سمر
أبو خالد : هههههه إيه
أم خالد : وين راحوا
أبو خالد : راحوا لجناحهم
أم خالد : بيروحون للسوق
أبو خالد : يقولون بيروحون و لا خلصوا بيمرون بيت عمهم عبد الرحمن
أم خالد : خلهم يستانسون
أبو خالد : على قولتك .. يالله إنتي جهزي نفسك و ألبسي عباتك و خلينا نطلع
أم خالد : وين نروح
أبو خالد : نروح نتمشى و نمر للسوق تاخذين لك فستان لملكة خالد و فجورة
أم خالد بابتسامة : إن شاء الله
في بيت طلال .....
عبدالله : ماما
سديم : نعم يا قلبي
عبدالله : وين بنروح
سديم : بنروح عند جده وخالة لميس و خالوا هاني وعبدالله
عبدالله مستانس : أنا أحبهم
سديم : وهم بعد يحبونك
طلال يرجع شعره على ورى : أيش الحلاوة هذي طالعة قمر
سديم بابتسامة : جد
طلال يغمز : ما يبغى لها كلام
سديم : ههههههه
طلال يمسك قلبه : آآآآه
سديم خافت عليه : بسم الله عليك وش فيك
طلال بألم: قلبي سديم
سديم نزلت دموعها : طلال إذا تعبان مو لازم نروح
طلال : هههههههه يحبك
سديم بزعل : سخييييف
طلال يمسح دموعها : يا بعد قلبي وشو له الدموع
سديم : وخر عني
طلال : ما دريت إنك تحبيني لهالدرجة
سديم ترفع حاجب : مو لازم
طلال يبوسها : والله أنا اللي أحبك و أموت فيك
عبد الله : بابا بث عييب
طلال : يعني إنت ما بتخليني استانس مع أمك دقيقتين
عبدالله : لااااا
سديم تاخذ عبايتها : ههههههه يالله مشينا
كانت سديم لابسه تنوره قصيرة إلى الركبة لونها جملي وعليها حزام بني وبلوزه جبنيز لونها أبيض
تحت بالصالة .....
سديم : هااااه يمه ما تجين معي إنتي و مها
أم طلال : لا حبيبتي
سديم : والله أمي بتفرح فيك
أم طلال : خليها مرة ثانية
سديم تسلم على راسها : يالله مع السلامة
أم طلال : في أمان الكريم
سديم : مهاوي تبين أجيب لك شي معي
مها : إممممم خليني أفكر
سديم : هههههه يالله عاد أعطيتك وجه باقي تفكرين
مها : مري السوبر ماركت و جيبي شي نسهر عليه
سديم : من عيوني
مها : تسلم عيونك يالله روحي لطلال بيعصب تراه ما يحب الانتظار
سديم : ما يقدر
مها بابتسامة : أووووه يالثقة أجل أعطيتيه درس
سديم : هههههه أعجبك .. سي يو
في سيارة طلال .....
طلال : سدومتي الله يهديك ساعة
سديم : معليش طلولي بس كنت أشوف مها وش تبغى أغراض
طلال : هههههه طول بعرض و تقولين طلولي
سديم بابتسامة : كيفي أدلع زوجي
طلال يحرك السيارة : آآآآآه منكم يالحريم
سديم : هههههههه
طلال : إخوانك بالبيت
سديم : هاني إيه موجود يستناك
طلال : و فراس بيجي
سديم : إيه أكيد
في بيت أبو فراس .....
أبو فراس : يالله إنك تحييهم
طلال + سديم : الله يحييك
سديم تحضن أبوها : وحشتني يالغالي
أبو فراس بحنان : توحشك العافية حبيبتي كيفك عساك مرتاحة
سديم تناظر بطلال : الحمد لله
هاني بفرحة : يا هلا و غلا أنا أقول وراه البيت منور
سديم تحضنه و تبكي : يا حياتي يا هاني اشتقت لك كثير واشتقت لحضنك
هاني بهمس : ليه ما يكفيك حضن طلال هههههه
سديم بابتسامة : سخييييف
هاني : ههههه طيب فكيني خل أسلم على الرجال
طلال : لا خلها عاجبها الوضع
سديم تفكه : تدري الشرهة مو عليك على اللي يحبك
هاني : بعد قلبي .. يالله تحيي أبو عبد الله
طلال يسلم عليه : الله يحييك كيفك عساك بخير
هاني : بيني و بينك و الله توني صرت بخير بشوفتها
طلال يرفع حاجب : مو كأنك تماديت تراها صارت لي وحدي
هاني : احلف لو إني داري إني بانحرم منها بسببك ما زوجتها لك
طلال : ههههههههه أقول استريح .. ومن قال بآخذ منك الإذن دام عمي أبو فراس راضي
أبو فراس بابتسامة : ما راح أحصل لبنتي مثلك والله إنك رجال من ظهر رجال
طلال : تسلم
هاني : يبه الله يهداك ناقصين إحنا ترفع راسه علينا هو خلقه من غير شي و شايف نفسه
طلال يرمش : يحق لي
هاني : يلعن شكلك وش هالحركة
طلال : هههههههه حركة أختك سديم لا صارت واثقة سبلت بعيونها
هاني : هههههههه ما أنت بصاحي
عند الحريم في الصالة .....
الجدة : يالله إنك تحيي بنتي و الله تو ما نور البيت
سديم : تسلمين يالغلا منور بوجودكم.. كيفكم يمه عساكم بخير
أم فراس : بخير حبيبتي أهم شي إنتي مرتاحة
سديم : إيه الحمد لله
الجده : الله الله بزوجك و أنا أمك خليك كل شي بالنسبة له لا بغاك الأم لا بغاك الزوجة لا بغاك الأخت لا تخلينه يحتاج لأحد غيرك
تزيني له و لا تخلينه يمل منك لا شفتيه تعبان اجلسي بجنبه و احضنيه و امسحي على راسه و قولي وش متعبك
يا بعد أهلي لا شفتيه متضايق راضيه و ونسيه ولا جا وقت النو...
سديم قاطعتها باحراج : بس جدتي و اللي يسلم عمرك
الكل : ههههههههه
لميس : هههههههه جدتي تعطي بالفم المليان ما عليها من أحد أحمدي ربك ما أحد من أخواني موجود
سديم : هههههه الحمد لله .. تسلمين يالغلا والله إنك عندي بالدنيا و نصايحك هذي كنز
الجدة : أبد و أنا أمك متى ما بغيتي تسألين جدتك عندك
سديم : هههههه ما يحتاج
أم فراس : صوت و صورة هههههههه
سديم باحراج : يممممممممه
الكل : ههههههههه
غلا : سلااااااام يا حلوين
الكل : و عليكم السلام
غلا تسلم على عمتها : كيفك يا عمه عساك بخير
أم فراس : بخير حبيبتي
الجده : يا هلا بزوجة الغالي
غلا تبوس راسها : كيفك يا جده
الجده : بخير حبيبتي حياك
سديم تحضنها : يا هلا و غلا
غلا : هلا فيك يا عسل وحشتيني
سديم : و إنتي أكثر
لميس : هلا بالعروس
غلا تبوسها : هههههه هلا فيك قلبي
أم فراس : تفضلي حياك
الجده : وينه فراس
غلا : يسلم على الرجال و يجي
سديم : بيجون بنات عمي سلمان
لميس : إيه بيمرون على السوق أول و بعدين يجون
سديم : و ليونه
لميس : شوي و تجي
سديم تلعب بشعر غلا : مسافرين أجل .. غلا وش هذا
غلا ترجع شعرها : الله ياخذك اسكتي لا تفشليني
سديم باحراج : هههههه غبيه ما صدقتي على الله
غلا : على تبن
الجده : وشو عليه تتساسرون
غلا بصوت واطي : هااه سديم وش يفكنا
سديم بصوت واطي : ههههه ما عليك
الجده : هااه وشو له صرختي سديم
سديم : لا عادي جدتي يتهيأ لك
الجده تغني: على مين تلعبها على مين يا ابن الناس
الكل : هههههههه
لميس : أكشخ صبوحة
الجدة : يا زينك و إنتي ساكته
سديم : أقول غلو
غلا : لا تكفين وش يفكني منهم .. بعدين استحي على وجهك
سديم : ههههههههه
أم فراس : خلاص وشو له تحرجونها
الجده : يالله سدومه قولي و لك اللي تبين
سديم استانست : اللي أبي
الجده : اللي تبين إنتي بس قولي
سديم : توصين طلال علي
الجده : إحراج يا بنيتي
سديم : لا إحراج ولا شي أبيه يعرف إن وراي ناس تحبني
الجده : من عيوني ما طلبتي بس قولي
سديم بخبث : أشوف عمايل
غلا تقرصها : وجع امسكي لسانك
سديم : آآه الله ياخذك هههههه أشوف عمايل فراس فيها
الكل : ههههههههه
الجده انبسطت : والله كفو ولدي رجال
غلا دوروا لها ما تلقونها من الحيا : الله ياخذك
الجدة : صار
غلا : وشو اللي صار
الجده : اللي خبري خبرك " يا حليلهم هالعجايز أبد ما فيه تفاهم "
غلا باحراج : إيه
الجدة : كللللللوش
سديم تسكر فمها : جده الله يهداك فشلتينا
الجده : وخري كتمتيني و إنتي يا سديم
سديم : جده إنتي تعرفيني ما أحب هالسوالف تراني غير عن غلا فصكي السالفة
غلا تحذفها بالمخدة : كلي تبن وش شايفتني مشفوحة على أخوك
سديم : هذا الظاهر
أم فراس : عاد يمه ما يحتاج تعرفين بنتي هي بديرة و السوالف هذي بديرة
الجده : وش هالخرابيط أجل وشو له متزوجها
سديم : احلفي و الله إنك تحفة يا جدة وش دخل ذا بذا
لميس : هههههههه شفتي الحين وش فايدة الأفلام المصرية
سديم : وعععع الله يحوم كبدك أنا و يالله أقوله طلولي تبيني أسوي هالكلام الفاضي
الجده انصدمت : سعاادووه إنتي علمتي بنتك و إلا تركتيها على عماها
أم فراس : هههههه لا يمه علمتها بس وش أسوي عنيده
الجده : يعني ما صار
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك