رواية توصي شي انا بكره مسافر -18
سديم : هذا الظاهر
أم فراس : عاد يمه ما يحتاج تعرفين بنتي هي بديرة و السوالف هذي بديرة
الجده : وش هالخرابيط أجل وشو له متزوجها
سديم : احلفي و الله إنك تحفة يا جدة وش دخل ذا بذا
لميس : هههههههه شفتي الحين وش فايدة الأفلام المصرية
سديم : وعععع الله يحوم كبدك أنا و يالله أقوله طلولي تبيني أسوي هالكلام الفاضي
الجده انصدمت : سعاادووه إنتي علمتي بنتك و إلا تركتيها على عماها
أم فراس : هههههه لا يمه علمتها بس وش أسوي عنيده
الجده : يعني ما صار
سديم تقطع أمل جدتها : لا ما صار و لا راح يصير
الجده : لا والله كملت
غلا : لا تخافين جدتي طلال بيصبر أسبوع أسبوعين بالكثير و بعدين مو على كيفها
سديم : أقول روحي مناك أنا وش مجلسني معكم
غلا : ههههههه انقلب السحر على الساحر
فراس : السلام عليكم
سديم : أششش اقطعوا السالفة
الجدة : يا هلا و غلا بولدي هلا بالغالي
فراس يسلم على راسها : هلا فيك كيفك يمه عساك بخير
الجده : بخير ربي يسلمك و يحفظك
فراس يسلم على راس أمه : كيفك يالغلا وحشتيني
أم فراس : توحشك العافية حبيبي إنت كيفك عساك مرتاح
فراس : أحد جنبه هالملاك و ما يرتاح
غلا بحيا : بعد قلبي
أم فراس : الله يسعدكم
سديم : اثقلي يا بنت ما انتي بصاحية
فراس يحضن سديم : وحشتيني يا قلبي
سديم بابتسامة : توحشك العافية حبيبي
فراس بحنان يجلسها جنبه : علميني عساك مرتاحة مع طلال
سديم : الحمد لله
فراس :علميني إذا مزعلك بشي لأخليه يندم
سديم : الله يهداك فراس و أنا وين بأحصل مثله يكفيني حنانه
فراس يمسح على شعرها : الله يوفقك يالغلا ويسعدك دنيا و آخرة
سديم بابتسامة : آآآآميييين
فراس يبوس لميس : عقبالك حبيبتي
لميس : باقي العمر قدامي
لميس : إلا وينه عبود
فراس : مع هاني
لميس : روح جيبه
سديم : أنا بأروح أودي القهوة و أجيبه معي
في المجلس .....
طلال : هااه هاني كيف الشغل عساه تمام تراني معتمد عليك
هاني : لا تخاف الشغل ماشي تمام
أبو فراس : ترى يا ولدي إنتبه الشركة يبغى لها عمل بدقة
هاني : أكيد ما يحتاج
سديم + فراس : السلام عليكم
الكل : و عليكم السلام
هاني يشيل الصينية : عنك
سديم بابتسامة : ارتاح حبيبي
طلال : إلا وينه عبدالله
فراس : مستلم اليوم
طلال : الله يعينه العسكرية مو بسهله كرف
أبو فراس : و الله ياما قلت له وش تبي بالتعب اشتغل معنا بالشركة ما رضى
طلال : خله على راحته تلقاه مرتاح
أبو فراس : الله يوفقه
سديم : عبودي ماما روح للصالة خاله لميس و جده يبغونك
عبدالله مستانس : طيب
أبو فراس : سديم
سديم : سم يبه
أبو فراس : سم الله عدوك حبيبتي قبلوك بالجامعة
سديم : إيه يبه خلاص و إن شاء الله بأداوم
أبو فراس : زين الله يوفقك و غلا معك
سديم : إيه أكيد
فراس : أنا اقترحت على غلا تأجل ترم
سديم : لا عاد وشو له تأجل
طلال : و هو صادق حتى أنا ما أبيك تداومين هالترم
سديم : لا والله
طلال : إيه لاحقه الجامعة ما هي بطايرة
سديم : و لا طلال ما هو بطاير إذا على حقوقك لا تخاف بأقوم بها و زود بعد
هاني : ههههههههه
طلال : هااه فراس إنت وش رايك
فراس : والله رايي من رايك بعدين أنا أبغى استانس مع زوجتي
سديم : بالطقاق إنت و زوجتك الهبله عساها ما داومت
هاني : طيب أنا أشوف إن كلام سديم صح تدرس الحين قبل لا تتورط و تكبر المسؤولية من زوج لحمل لأولاد والله صعبة
طلال + فراس : يا زينك و إنت ساكت
هاني : ههههههه يبه قلت شي غلط
أبو فراس : لا كلامك سليم 100 % بس هم بعد القرار يرجع لطلال و فراس زوجاتهم وهم بكيفهم
سديم : يبببببه الله يهداك بغيتك عون صرت فرعون
أبو فراس : هههههههه تعالي أشاورك
سديم تقرب من أبوها : هممممم
أبو فراس بهمس : بالدلع و الكلمة الحلوة واللي خبري خبرك عاد حركاتكم يالبنات تلينين راسه و تخلينه يوافق
سديم باحراج : يبببببه طلعت من جدتي و طحت فيك
أبو فراس : هههههههه
الكل فهم القصد : ههههههههه
سديم : مالت عليكم بعدين وشو له تضحكون و إنتوا ما تدرون وش السالفة
فراس : هههههه لا أكيد ما ضحكت إلا و أنا أعرف السالفة
سديم : يمه منكم بتجننوني
طلال : بعد قلبي يالله عاد بسكم ضحك على حبيبتي
فراس + هاني : هووووووووووه
سديم باحراج : إذا كان الكلام من فضة فالسكوت من ذهب يعني يا زينك و إنت ساكت
الكل : هههههههههههه
سديم طنشتهم : مالت عليكم أروح عند أمي أحسن
الكل : ههههههههه
فراس : زوجتك هذي تحفة
هاني : أمرها عجيب
طلال : هههههه والله إنها كوم وبنات الناس كلها كوم ثاني
أبو فراس : الله يخليكم لبعض بس الله الله يا طلال فيها تراها أعز أولادي و ما أرضى فيها و زعلي من زعلها و إنت عارف
إني ما زوجتها لك ولا وافقت إلا لأنك كفو و رجال
طلال : تسلم يا عمي و الله إنها بعيوني
هاني يحذفه بالمنديل : بس عاد تراك مصختها ما غير تتغزل
طلال : ههههههه حلالي
يوم ملكة ( عبد الله و فجر ) ( خالد و ليان )
سديم : مها الله يهديك بسك دموع
مها : و أنا وش أسوي مو بإيدي
سديم : دقيقة بس خل أضبط الكحل .. يالله شوفي كيف ساح
مها : اصبريشوي خلي عيوني تبرد أحسها نار
سديم : و الله حالتك حالة وش بتسويين بيوم زواجك
طلال : سلاااام
سديم + مها : و عليكم السلام
طلال : هاااه خلصتوا
سديم : باقي أسوي المكياج لمها
طلال بابتسامة : أيش الحلاوة هذي طالعة تهبلين
سديم مستانسة : جد
طلال : ما يبغى لها كلام و إلا وش رايك مهاوي
مها : ما شاء الله عليها مرتك بتغطي علينا كلنا
سديم : هههههه يالله عاد ترى بيكبر راسي
طلال : يحق لك يا قلبي
سديم بحيا : بس عاد خلاص
طلال : طالعي بالله يا مها حياها ما يذبح
مها : ههههههه مو بس حياها هي كلها على بعضها تذبح
طلال : اسمعيني مو على كيفك اليوم مستلمك مستلمك
سديم تشهق : طلاااااال استح على وجهك
طلال يناظر بمها : وش رايك مها
مها : أعذرني يا خوي على اللي بأقوله بس ترى لا خليت هالحلا يروح اليوم من إيدك فإنت صراحة غبي و المعذرة
طلال : هههههههه أفا عليك بس
سديم : قليلين أدب جد وش هالكلام
طلال + مها : ههههههههه
طلال يحضن سديم و يبوسها بهمس : سدومتي تراني زوجك
سديم شوي و تصيح : طلال عيب و الله ما يصير قدام أختك
مها : هههههه خلاص طلول ارحمها جد والله ما يصير بعدين تراني استحي
سديم عصبت : لا والله في هذي ما صدقتي
طلال : هههههههه وك وك لقطي وجهك
مها : كملي كملي الكحل خل أروح ألبس
طلال : أنا بأدخل أتروش ملابسي جاهزة
سديم : إيه جاهزة
طلال يبوسها : تسلمين يا أحلى و أجمل و أغلى إنسانة بحياتي
سديم تنرفزت : طلال خلاص عاد وش قلت أنا ما تفهم كلمة بعدين
طلال : ههههههه وش أسوي مو ذنبي ذنب هذا " يأشر على قلبه "
سديم : روح تروش أزين
طلال يرمي بوسة في الهوا : ههههه أحبببببك
كانت سديم لابسه فستان سكري فيه كريستالات ذهبية سواريه و ناعم أبرز أنوثتها أما مها كان فستانها ليموني ضيق
من عند الصدر بعدين جاي كلوش و طالعة بنوتة صغيرة فيه
في بيت عبدالله .....
حنان تمسح دموعها : خلاص عبدالله روح لا تتأخر
عبدالله بحزن : وشلون يا قلبي تبيني أروح و إنتي بهالحالة
ياسر : يالله عاد حنو فكيها .. اليوم عبدالله تعال نام ببيتك
عبدالله بابتسامة : إن شاء الله
حنان بابتسامة : شوف ما راح أرضى إلا إذا نمت عندي اليوم
عبدالله : من عيوني ما طلبتي يالغلا .. يالله توصيني على شي
حنان : سلامتك ربي يحفظك
عبدالله يسلم على راسها : ياسر تراها أمانه إنتبه لها
ياسر : ما يحتاج توصي
عبدالله : يالله في أمان الله
حنان : عبدالله لحظه
عبدالله : هلا
حنان بابتسامة : تعال أعطرك
عبدالله : بعد قلبي عسى الله لا يحرمني منك
حنان : و لا منك حبيبي
ياسر : بس عاد تراكم مصختوها ارفقوا بحالي تراني عزابي
عبدالله + حنان : ههههههههه
( كانت الملكة عائلية خلوها ببيت أبو إياد ) والله عاد إنتوا عارفيني أنا من البداية قلت لكم ما أحب أوصف أبد يعني كل وحده
تحط وصف معين ببالها و تختار كل شي لأني و الله مالي خلق " هههههه زولة بيضاء " إممممم خلوني أقول لكم
صديقتي العزيزة و توأم روحي ( ميشو ) اللي جالسة تتحفني بأفكارها و تساعدني بالرواية تسلم عليكم كثير السلام و تقول لكم
مو معناته إني خلف الكواليس ما تمدحوني مع بسمة ترى أزعل بعدين << تصدقون ما تنعطى وجه ههههه بعد
قلبي فديتها .. يالله نرجع نكمل بس بالأول ناخذ فاصل .....
استراحة .....
حين ترتشف فنجان قهوة تذكر أن الصدق في القول منجااة ..
^_^ الجزء التاسع ^_^
والله ما أنسى صاحب ما نساني لو طالت الغيبة و ضاعت نواحيه .. يبقى معي ما بين قلبي و عيني و النفس
من بد المخاليق تغليه .. و انشد عن أحواله بعاصف سنيني و ارتاح لا زانت و طابت لياليه ..
عند خالد و ليان .....
خالد : طيب ليونه ناظريني
ليان : ......
خالد : بالله عليك هذا عصير .. ميين اللي مسويه
ليان رفعت راسها : وش فيه
خالد : ذوقيه طيب و تعرفين
ليان خافت : خالد عادي طعمه ما فيه شي
خالد : هههههه بعد قلبي وشو له خايفه أمزح معك بس كنت حاب أشوفك
ليان : سخيييف " حست إنها أغبى إنسانة بالدنيا "
خالد : تدرين أنا من يوم ما شفتك بالمطبخ ما قدرت أنساك صرت أتخيلك بكل وقت
ليان : .......
خالد : تخيلي لدرجة إني من كثر ما أهوجس بك ناديت واحد من زملائي باسمك بالغلط
ليان : ههههههه ما أنت بصاحي
خالد : فديت الضحكة يا شيخة
ليان : بس خالد تراني استحي
خالد : يا زين اسمي من فمك .. تدرين أحمد ربي إنه حطك بطريقي
ليان ترفع حاجب : أجل إنت اللي قايل لإياد
خالد باستغراب : على أيش
ليان : تسوي روحك ما تعرف
خالد : يالله عاد ليونه والله ما أدري وش تتكلمين عنه
ليان : إنت قايل له إنك شفتني بالمطبخ
خالد : لا والله أصلا ما جبت طاري لأحد
ليان مستغربة : أجل مين قال له
خالد : ما يهمني هالكلام قد ما يهمني إنك معي
ليان : خالد خف علي
خالد يبوسها : يا حياتي مو بإيدي
باسل : يا للهول يا ترى يا أخي هل قمنا بالدخول إلى المكان الخطأ
إياد : لا أدري لكن ربما
باسل : إنتظر إنتظر دعني أتحقق من الأمر
خالد يحذفه بالمنديل : يلعن هالوجه تستخفون بدمكم
باسل : إياد مو كأنه غلط علينا
إياد : إلا غلط و نص
باسل : أقول يا أبو الشباب أعطيناك وجه زيادة عن اللزوم يالله عطنا مقفاك
خالد : إنتوا الحين ما عندكم شغلة إلا إحنا حرام عليكم حتى 10 دقايق ما جلست
إياد : حبيبي كلها شهر و تتزوجون
ليان تقوم : عن إذنك
خالد يسحب يدها : على وين يالغلا
ليان بحيا : خلاص خالد
خالد : ودعتك الله
باسل يبوسه :يالله إنك تحيي النسيب
خالد يدفه : أقول روح مناك الحين صرت نسيب
إياد : ههههههه الله لا يذوقنا عذابكم
خالد : إنت حب و بعدين قولي وش بيصير
باسل بحزن : ما انصحك يا خوي الحب نار لا تقرب منه
إياد : لا أجل خلني بعيد
خالد : قوموا نروح للشباب .. إلا عبدالله وينه
إياد بخبث : عند فجورة
خالد يفكر : هذا وجهي إذا خليته يستانس
باسل : حرام عليك خلهم
خالد : لا والله حاله من حالي
عند عبدالله و فجر .....
عبدالله : تدرين فجر
فجر بحيا : هلا
عبدالله بابتسامة : أحس إني أسعد إنسان بالدنيا لأن حلمي تحقق و ربي جمعني فيك
فجر مبتسمة : .........
عبدالله : ربي يقدرني و أسعدك يالغلا
فجر : مشكور عبدالله
عبدالله يمسح على شعرها : تدرين فجر من يوم كان عمري 15 و أنا أحبك و ما عندي طاري غيرك
وبعد ما صرت رجال و توظفت حلفت إنك تكونين لي و ما ياخذك أحد غيري تدرين ليه ؟؟
فجر بحيا : لا
عبدالله بابتسامة : لأنك سحرتيني بجمالك بعفويتك بطيبة قلبك بكل شي فيك ولو بأمدحك من اليوم لا بكرة ما خلصت
بس أبغاك تسامحيني
فجر مستغربة : على أيش أسامحك عبدالله ليه تقول كذا
عبدالله يبوس راسها : صدقيني غلاك بقلبي كبير و حبك أكبر و ربي شاهد علي
فجر خافت : عبدالله فيك شي
عبدالله بحنان : لا تشيلين ببالك حبيبتي .. أعطيني جوالك
فجر تعطيه : تفضل
عبدالله سجل رقمه بجوالها ودق على جواله : هذا رقمي سجلته بجوالك
فجر بابتسامة : أوكية بس أيش سميته عشان أعرف
عبدالله بابتسامة :" حياتي " .. لا تقولين واثق من نفسك بس جد أبغاك تحبيني مثل ما أنا أحبك
فجر بحيا : عبدالله
عبدالله : يا عيون عبدالله
فجر : إنت عارف إني بأبتعد عن أهلي يعني إذا بغيـ....
عبدالله بحنان : عارف وش بتقولين .. من عيوني هذي قبل هذي متى ما اشتقتي لأهلك وودك
تروحين لهم وديتك
فجر : مشكور عبدالله ماني عارفة أيش أقولك
عبدالله : إنتي تستاهلين يالغلا .. يالله فجوره أشوفك على خير و انتبهي على نفسك
فجر : إن شاء الله
عبدالله يسلم عليها : مع السلامة حبيبتي
فجر : مع السلامة
خالد : سلااام
عبدالله : هههههه خلاص ما يحتاج تجي شوفني طالع
خالد : آآآآآه يالقهر و أنا اللي جاي بأنكد عليك مثل ما نكدوا علي عيال عمك
عبدالله : ههههههه تستاهل المثل يقول يا بخت من زار و خفف و إنت سنترت عند الحبيبة
خالد : حسبي الله عليهم .. هااه يالنسيب وش رايك بأختي حلوة صح
عبدالله بابتسامة : حلوة قليلة بحقها الله يحفظها و يخليها لي
خالد : ههههههه أكشخ فجورة من قدك زوجك يمدحك
فجر بحيا : عن إذنكم
عبدالله : إذنك معك
<< عارفة بتقولون عبدالله خاين و كذاب بس لا تسبقون الأحداث تراه طيب و بتشوفونه مع الأيام
عند البنات .....
سديم : كللللللللوش .. هاااه كيفكم يا عرايس
فجر بابتسامة : أخوك يجنن عليه أسلوب يذبح
سديم : ههههههه بعد قلبي عبدالله تراااه أحن واحد فينا
فجر : الله لا يحرمني منه
غلا : شوف شوف مين يتكلم
سحر : مسكينة تبي تطلع اللي بقلبها لأني عارفتها حياها الزايد ما خلاها ترد على كلامه الحلو
لميس : ليه وش تبينها تكون مثلك
البنات: هههههههه
غلا : و إنتي ليونه كيف خالد
سديم : يعني وش شفتي فيه
مها : دامه أخو فجر ما يحتاج
ليان ترفع حاجب : تذكرين سديموه يوم أسألك عن طلال وش قلتي
سديم : هههههه لا ذكريني أنا ما أذكر وش تعشيت عشان أتذكر يوم الملكة أصلا كنت غبية و ما استغليتها
لميس ترمي نفسها على السرير تقلدها : أنا ما عاشرته عشان أقولك بس تقدرين تقولين طيب
الكل : ههههههههه
سحر : سديم جوالك يدق
سديم : ميين ؟؟
سحر : طلال .. مالت عليك بدل ما تكتبين حبيبي . شمعة حياتي . نور عيني كاتبه طلال وحاطه نغمة نوكيا
سديم تسحب الجوال : مو شغلك .. هلا طلال
غلا : ما فيه أمل
لميس : الله يعينك يا طلال على ما ابتلاك
ليان : آآآآآآآآآمييييين
فجر : ههههههه اسكتوا خلوها تكلم
سحر : والله لو طلال زوجي لأحطه بعيوني و ما أدري وش أسوي أحد يشوف هالجمال قدامه و يعافه
مها : ههههههه حرام عليكم والله سديم طيبة
سديم : إنتوا ما تسكتون خلوني اسمع إيه طلال والله ما أسمع من هالبنقالة اللي عندي
البنات عصبوا : نعمممممممممم
طلال : هههههههههه جاك الموت يا تارك الصلاة
سديم : من جدي يرفعون الضغط
طلال : المهم قلبي .. يالله تجهزوا بنمشي
سديم : ليه طلال باقي بدري
طلال : حبيبتي والله إني تعبان و ما عاد أشوف الطريق
سديم : سلامتك من التعب .. يالله دقيقتين بس
سحر بصوت عالي : أوووووه لالا فيه تطورات
لميس : إيه الحمد لله في أمل
طلال : هههههههه بنت عمك فديتها حاسه فيني
سديم : احلف
طلال : هههههه والله
سديم تصك السماعة بوجهه : الحين خلها تنفعك
غلا : ليه سكرتي بوجهه
سديم تقلده : بنت عمك هذي فديتها حاسه فيني
البنات : هههههههههه
سحر : شفتي وشلون
سديم : يالله مهاوي طلال يستنانا
ليان : ردي على جوالك
سديم : أحسن خليه يتأدب
مها : هههههه أوكيه بنات مع السلامة
البنات : مع السلامة
سديم : يالله باي .. فجر وسحر قبل ما تسافرون زوروني
فجر : إن شاء الله
تحت بالصالة .....
أم فراس : وين رايحة يمه
سديم : خلاص يالغلا طلال يستنانا برى يقول تعبان .
أم فراس : سلامته ما يشوف شر
سديم : يالله يمه مشينا
أم طلال تدف الكرسي : يالله حبيبتي
سديم : عنك .. أنا بأدف الكرسي
أم إياد : والله يا سديم صار لك أمين من قدك
سديم بابتسامة : عسى الله يحفظهم لي و لا يحرمني منهم ثنتينهم
أم فراس + أم طلال : آآآآآآآمييين
أم طلال + سديم + مها : مع السلامة
الكل : مع السلامة
سديم :و مبروك على فجر يا عمتي و عقبال سحر تزوجينها و تفتكين
سحر : لا والله احلفي
الكل : ههههههههه
أم خالد : دامك ما تبين الزواج أبزوجك غصبا عنك
أم إياد : هههههههه وين بتروحين عاد
سحر : أجل جيبوا لي واحد زي طلال
سديم : سحرووووه عيونك زايغة
غلا : هههههه انتبهي على زوجك منها تراها خطافة رجال
سحر تشد شعرها : أنا خطافة رجال ياللي ما تستحييييين
غلا : ههههههه الله ياخذك فكي شعري
سديم : فجر من الحين أقول تعاليني بلحالك و يا ويلك لو أشوف خشتها معك
فجر : هههههههه
سحر تكش عليها : مالت عليك من زينك إنتي و رجلك
سديم : هههههههه أجل تعالي .. يالله مع السلامة
الكل : مع السلامة
سديم : وينه عبدالله
مها : مع أبوه
لميس : بعد قلبي اليوم ما شفته ليه ما دخل
سمر : سديم .. عمو طلال يقول يالله
سديم : يالله هذا أنا طالعة .. عبودي مع أبوه
سمر : وععععع هذاك الدلوع أصلا أنا ما أدري إنتي وشلون متحملته
سديم : وشلون ما اتحمله هذا ولدي و بعدين وش مسوي لك فديته
سمر : مالت عليه مره ثانيه لا تجيبينه
مها : ههههههه ترى ما أرضى عليه
سديم : بأزوجك له
أم طلال : هههههه خلاص أجل سمر وش زينها بناخذها لولدنا عبدالله
أم خالد : والله و النعم فيكم
سمر : والله لو خلصوا الرجال كلهم ومابقى غيره ما تزوجته
الكل : هههههههههه
فجر : عيب سموره
سحر : و تقولون ليه تسوين فيها كذا يا ناس هذي يبيلها ذبح
مها : طالعة عليك ملسونه هههههه
سحر : حرام عليك
مها : كلمة الحق تنقال
سديم : مها تأخرنا وينها جيجي
جيجي : هنا مدام
سديم : يالله مشينا
في سيارة طلال .....
أم طلال +سديم + مها : السلام عليكم
طلال : و عليكم السلام
أم طلال : كيفك يمه
طلال بابتسامة : تمام الحمد لله يالغلا ..سديم وراك سكرتي السماعة بوجهي
سديم : أحسن
طلال : ههههههه كل هذا غيره علي
سديم : واثق من نفسك
مها : لا يغرك كذابه أنا شايفتها شوي و تذبح سحر
طلال : آهاااااه أجل اسمها سحر و الله حلو سحر و طلال .. طلال و سحر راكبه صح
سديم تقرصه : سووووق و إنت ساكت
طلال : آآآه .. ههههههههه الله ياخذإبليسك .. وش رايك يا عبودي بماما
عبدالله : أحسن تستاهل ليه ما تسمع كلام ماما
سديم تحضنه : فديت حبيب ماما
طلال : أفااااا عبود و بابا وين راح
عبدالله : موجود
مها : ههههههه من يوم ما جت سديم طاح كرتك
طلال : و أنا أشهد
أم طلال : عاد كلش ولا سديم .. والله لو تدور بحريم الدنيا كلها ما تحصل مثلها
طلال : ميين قدك يا بنت عبدالرحمن
سديم : عندك شك
طلال بابتسامة : أبد
سديم : خلاص طلال احنا اتفقنا
طلال : على أيش
سديم : نبي نخطب لعبود سمر
طلال : ههههههه فديتها عليها لسان
سديم : هههههههه ملسونة بنت عمي تقول لها كلمة ترد عليك بعشرة
عبدالله : وعععع أنا ما أحبها البقرة الثورة
الكل : هههههههه
أم طلال : هههههه الحال من بعضه يا ولدي
عبدالله : تقول لي روح يالبزر لحضن أمك
سديم : ههههههه ما عليك منها حبيبي أصلا مقهورة منك
عبدالله : غبيه
طلال : تدرون وش قالت أول ما شافتني
سديم تحمست : وش قالت
طلال : وقفت تأشر علي بأصبعها و تقول هذا إنت طلال اللي يتكلمون عنه .. أختي سحروه ما كذبت تطيح الطير من السما
الكل : هههههههه
أم طلال : ههههههه فديتها
مها : هي و سحر ملسونات عكس أختهم فجر هاديه
سديم : هيين يا سحروووه
طلال : ههههههه شفتي وشلون زوجك يهبل و إنتي مو معطيته وجه
سديم : خالتي قولي له
أم طلال : خلاص طلال اسكت عنها
طلال : كم الساعة
مها تناظر بجوالها : تسع و نص
طلال : أجل باقي بدري
أم طلال : ليه وش عندك
طلال : نبي نمر الواجهة البحرية
سديم : مو تقول فيك نوم و تعبان
طلال : طار النوم
سديم : ما يصير طلال إحنا لابسين فساتين وشلون ناخذ راحتنا
طلال : كل وحدة تربط فستانها تحت العباية .. هااه عبودي تبي البحر
عبدالله فرح : إيييه بابا
طلال : من عيوني الثنتين
عبدالله : بابا أنا أحبك
طلال : إيه الحين صرت تحبني .. وقت المصالح أنا و أمك بكل وقت
عبدالله : ههههه بابا
طلال يبوسه : فديت الضحكة يا شيخ
على البحر .....
مها : الله الجو جنان
طلال : ايه البرد على الأبواب جيجي خذي عبدالله و روحي لعبيه بالملاهي
جيجي : طيب
مها : طلال أبي أنزل من الحين اقضي للمدرسة ما بقى غير أسبوع
طلال : ابشري من عيوني بكره إن شاء الله ننزل
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك