رواية توصي شي انا بكره مسافر -19
عبدالله : ههههه بابا
طلال يبوسه : فديت الضحكة يا شيخ
على البحر .....
مها : الله الجو جنان
طلال : ايه البرد على الأبواب جيجي خذي عبدالله و روحي لعبيه بالملاهي
جيجي : طيب
مها : طلال أبي أنزل من الحين اقضي للمدرسة ما بقى غير أسبوع
طلال : ابشري من عيوني بكره إن شاء الله ننزل
مها : تسلم عيونك .. سديم
سديم : هممممم
مها : في أيش سرحانة
سديم : أفكر بالجامعة
طلال : ما فيه هالترم
سديم : لا طلال تكفى
طلال : مرة لا تحاولين
أم طلال : خلها على راحتها طلال
سديم : أصلا أنا شارطة عليك بالعقد إني أكمل دراستي
طلال : و أنا ما قلت لا بس أجلي هالترم
سديم : بس أنا ما أبي أأجل .. ما أعرف أيش راح يصير لي من ظروف
طلال : و إنتي ليه متحمسة للجامعة
سديم : طلال إنت عارف إني جايبة نسبة عالية و أنا ما درست وتعبت عشان أجلس بالبيت
طلال : أفكر
سديم : خذ راحتك
طلال يحط راسه بحضن أمه : يمه العبي بشعري
مها : هههههه يبي يرجع لأيام الطفولة
طلال : لييييه حاسدتني على هالحضن عساني ما انحرم منه
أم طلال تمسح على راسه : الله يحفظك لنا يالغالي
سديم : يمه
أم طلال : نعم حبيبتي
سديم بابتسامة : كيف كان طلال و هو صغير
طلال : لا يمه طلبتك لا تفضحيني
سديم : ما عليك منه يمه قولي
أم طلال : كان شقي بالمرة بس حنون علي و على خواته
مها : إيه جد من ناحية حنون حنون عسى الله لا يحرمنا من حنانه
طلال مبتسم : فديتك
أم طلال : مره طلال و البنات كانوا يلعبون بالحديقة مطارده وطلال راعي المقالب وش سوى
سديم : وش سوى ؟؟
مها : هههههه إيه تذكرت وقتها كان عمري يمكن 6 سنوات
أم طلال : هو كان عارف إن البنات بيدخلون للبيت يتخبون و هو عاد يتعب من المطارده راح أخذ صابون الفيري
وكبه عند الباب و حط عليه مويه و طلع
طلال : ههههههه يممممه
سديم :ههههههه طيب و بعدين
أم طلال : و جلسوا يتطاردون برى و هو يستناهم متى يدخلون و ما دروا إلا بأبوهم يصارخ الله لا يبارك فيكم من عيال
مين كب المويه عند الباب
سديم : ههههههه عمي زحلق
أم طلال : هههههه إيه الله يرحمه و جلس يهزأ فيهم ذاك اليوم عاد البنات حساسات بسرعة يبكون و هو و لا همه أبوه يهاوشه و هو يضحك
سديم : ههههههه
مها : هههههه والله ياما سوى من مقالب و بهذلنا
أم طلال : لما كنا نروح المجمعات ما يخلي بنات الناس في حالهم
سديم تناظر فيه : طلاااااال
طلال : ههههههه لا يروح فكرك بعيد
أم طلال : ههههه لا يا بنتي تراااه مو راعي بنات لا تخافين بس كان يعبي قلم الرصاص كلوريكس و أي وحده
يشوفها لابسه عباية كتف يرش عليها
سديم : الله ياخذ ابليسك وش هالحركة
طلال : أحسن يستاهلون
سديم : هذي دقة
طلال : اللبيب بالإشارة يفهم
سديم بابتسامة : خلاص دام هالشي يرضيك و يخليك مبسوط بأغير العباية
طلال : بعد قلبي
مها : لا والله ما خلصنا
طلال + سديم : هههههههه
طلال : وش رايكم نمشي عند البحر
أم طلال : روح إنت وسديم
طلال : وليه ما تروحون معنا
مها : أنا والله مالي نفس رجولي توجعني
أم طلال : روح تمشى إنت و مرتك محنا بمربوطين فيكم
طلال : وش دعوة يمه
أم طلال : سديم خذي رجلك وروحوا
سديم : ههههههه يالله وناسه بأصير القائد يالله طلال امش وراي
طلال : احلفي
مها : هههههههه يلعن أم الرواقه يا شيخة روحي بس
سديم تغمز : أعجبك
طلال يحط إيده على قلبه : يلعن عيونك يا شيخة عذاب لا عاد تغمزين
سديم بابتسامة : طلولي بسك عاااد
طلال : يمه بالله وش رايك تتدلع و تسبل بعيونها و تبيني أسكت
أم طلال : هههههه لا تسكت بس عاااد خف عليها
طلال : لا يمه أنا قايل من الصباح اليوم مستلم مستلم
مها تغمز : تعجبني
سديم تقرصه : اسكت
طلال : آآآه الله ياخذ ابليسك ههههههه
سديم بزعل : أحسن
أم طلال : وشو له يمه تزعلها ليه تستلم و إنت ما عندك دوام بكرة حتى بأيام إجازتك تداوم " مسكينه بعد قلبي ما تدري وش السالفة "
طلال : ههههههههه بعد قلبي يمه وشو دوامه
سديم تسحبه : امش راح الوقت
طلال ماسك بيد سديم و يمشون على الممشى .....
طلال : هههههه حبيبتي وراك معصبة
سديم : بالله عليك إنت ما تستحي تقول هالكلام قدام أمي و مها ياخي عيب حس فيني و الله انحرج
طلال ينرفزها : عادي قلبي ترى هذا اللي أقوله كلام عادي بلاك ما دريتي
سديم عصبت : يمممممه الحقيني أنا وش اللي طيحني فيك
طلال بابتسامة : حبي لك يالغلا
سديم نزلت عيونها : جد
طلال : تشكين بكلامي و الله إنك بكفة و حريم الدنيا بكفة
سديم بحيا : تدري طلال
طلال : هممممم
سديم : ما كنت أتخيل إني يوم من الأيام راح أحـ...
طلال يناظر فيها : راح أيش
سديم : لا ولا شي
طلال بحنان : لا طلبتك قوليها ليه تستحين مني أنا زوجك و حبيبك
سديم بحيا : ما كنت أتخيل بيوم من الأيام إني راح أحبك
طلال يشد على إيدها : و الله أنا اللي أحبك و أموت فيك .. سامحيني يالغلا عارف إني ساعات أصير عصبي و ما أنطاق
بس إعرفي إنه مو من قلبي و إذا زعلتك بيوم حقك علي و أنا آآسف
سديم : تتوقع لو إني ما كنت أعرف طيبة قلبك راح أكمل حياتي معك صدقني يا طلال ما تعودت إن أحد يهاوشني
أو يعصب علي كانت كلمتي مسموعة ببيت أهلي أي شي أبيه يجي لا حدي من أبوي من أمي
و من أخواني و ما أنكر إني زعلت لما شفتك عصبت علي و هاوشتني بس مشكلة هذا " تأشر على قلبها "
الله ياخذه يحبك و لا زعلت منك أرجع أسامح و أنسى اللي صار
طلال : بعد قلبي و يلوموني فيك .. حياتي
سديم : سم
طلال : سم الله عدوك يالغلا بس أطلب طلب و ما ترديني
سديم : لو تبي عيوني أعطيك
طلال : ما عندي شك أبيك تغنين لي
سديم : الحين
طلال : إيه الحين الجو حلو
سديم : طيب وش رايك نجلس على الرمل عند البحر
طلال : أوكيه تعالي نجلس
سديم تجلس : يا خوفي يجي هذا سرطان البحر
طلال : ههههههه تخيلي عاد يقرصك وما أشوفك إلا طايره بوسط البحر
سديم بابتسامة : تتطنز
طلال : هههههه أفاااا ما عاش من يتطنز عليك يا قلبي
سديم تحط راسها على كتف طلال : طيب اسمع هذي إهداء لك
طلال بابتسامة : سمعيني تحمست
سديم : أنا من حقي أغير حولك العالم كثير كلهم يبغون قربك لكن أدري قدري في قلبك كبير
أنا من حقي أغير حولك العالم كثير كلهم يبغون قربك لكن أدري قدري في قلبك كبير
ولو تدور الكون كله ما بتلقى مثل طيبي حتى كلمة يا " حبيبي " مني غير
ولو تدور الكون كله ما بتلقى مثل طيبي حتى كلمة يا " حبيبي " مني غير
مثل ما صار بحياتك لا ولا عمره بيصير لا ولا عمره بيصير
سديم + طلال : لو تباعدك الظروف أنا غيرك غيرك أنا ما أشوف حبي لك لا ما يتغير و لما قلبي موت يحبك أكثر إني أتصبر
لو تباعدك الظروف أنا غيرك غيرك أنا ما أشوف حبي لك لا ما يتغير و لما قلبي موت يحبك أكثر إني أتصبر
سديم : ولو تدور الكون كله ما بتلقى مثل طيبي حتى كلمة يا " حبيبي " مني غير
مثل ما صار بحياتك لا ولا عمره بيصير لا ولا عمره بيصير
أنا من حقي أغير حولك العالم كثير كلهم يبغون قربك لكن أدري قدري في قلبك كبير
سديم : ما حد يعوض مكاني أنا و إحساسي و إحساسي و زماني كلي لعيونك أسير لأني جنحانك حبيبي
كيف من غيري تطير
طلال : ما حد يعوض مكاني أنا و إحساسي و إحساسي و زماني كلي لعيونك أسير لأني جنحانك حبيبي
كيف من غيري تطير
سديم : أنا من حقي أغير حولك العالم كثير كلهم يبغون قربك لكن أدري قدري في قلبك كبير
طلال : صوتك عذاب.. تدرين سديم
سديم : هلا
طلال : من يوم ما عرفتك و أنا ما أتخيل حياتي بدونك إنتي كل شي بالنسبة لي إنتي الهوا اللي أتنفسه
إنتي حلمي اللي حلمته و ما تحقق إلا قريب إنتي قلبي اللي أعيش فيه ولا توقف أموت
سديم : بعيد الشر عنك لا تقول هالكلام
طلال يبوس إيدها : الله لا يحرمني منك قولي آميين
سديم استحت : آآآآمييين .. يالله ما ودك نرجع أكيد تأخرنا على أمي و مها و الحين عبودي يبي ينام
طلال يقومها : يالله مشينا
مشت الأيام و مافيه أي شي يذكر عصافير الحب " طلال . سديم " .. " فراس . غلا " عايشين بالعسل و كل واحد يموت بالثاني
فراس و غلا قضوا شهر العسل بماليزيا واستانسوا فيها أما العوائل الباقية ما استجد أي شي عندهم ..
بعد شهر من الأحداث اللي صارت و تحديدا بيوم زواج عبدالله و فجر .. خالد و ليان
أم فراس تبخر عبدالله : عسى عيني ما تبكيك ربي يحفظك لي يالغالي
عبدالله يبوس إيد أمه : الله لا يحرمني من حنانك يا تاج راسي
هاني : إيه من قدك معرس .. إنت لك الدلال و إحنا يا غافلين لكم الله
لميس : والله مشكله وين العدل يا أم فراس
أم فراس : ربي يشهد على غلاتكم كلكم بس عاد هو معرس نبي ندلعه شوي
هاني : أجل حتى أنا بأعرس ماني بناقص عن فراس و عبدالله
الجده جايه عندهم : لا أبد كامل و الكامل الله
هاني يصفر : أوووه أموووت عليك يا صبوحه يلعن أم الكشخة يا شيخة
الجده تضربه بالعصا : استح على وجهك يا ولد
أم فراس + عبدالله + هاني + لميس : ههههههههههههههههه
هاني : لحظه لحظه صبوحه لا يكون ماني مالي عينك تراني رجال ولا هو بناقصني لا يد ولا رجل
خلاص أنا ناوي قريب إن شاء الله
الجده : لا والله مسيكينه هذي اللي بتطيح فيك أمها داعيه عليها
هاني : إلا داعيه لها و إنتي صادقه
الجده : والله هذا زينة الشباب كلهم " تأشر على عبدالله " عسى ربي يحفظه
عبدالله : تسلمين يالغلا
لميس : طيب جده وش رايك بفستاني
الجده : اقري على نفسك يمه من العين و الحسد بسم الله عليك تهبلين من بكره يا سعاد بتشوفين
الخطاب عند باب بيتكم وقولي صباح ما قالت
أم فراس : لا لموسه باقي صغيره ما أقدر على فراقها
لميس : أفا عليك يمه ومن قال إني بأروح و أخليك أصلا أنا مقاطعة الزواج نهائيا تدرون ليه
الجده : الله لا يبلانا و ليه إن شاء الله
لميس : لأنه منتج دينماركي هههههههه
الجده : سعاد عيالك فيهم شي مو بصاحين لا هي و لا أخوها هاني
أم فراس تلبس عبايتها : ههههههههه فديتهم
أبو فراس نازل من الدرج : هاااه خلصتوا
أم فراس : إيه
أبو فراس : والله وجا اليوم اللي أفرح فيك يا عبدالله
عبدالله : الله يحفظك يالغالي
أبو فراس : يالله مشينا إلا فراس ما كلم
هاني : إلا قال بيسبقنا على القصر
أبو فراس : حلو و أختك سديم و زوجها
هاني : حتى سديم قالت بس تخلص من المشغل و تجي للقصر
أبو فراس : أجل توكلنا على الله
في القصر
المطربه : أبوك في الجنة تذكرت توي .. حاول تذكرني و بأحاول أذكرك و إن ما ذكرتك وش تبيني أسوي دقيقة أصبر عيد
لفتة تكبرك أبوك في الجنة تذكرت توي ..
حاول تذكرني و بأحاول أذكرك و إن ما ذكرتك وش تبيني أسوي دقيقة أصبر عيد لفتة تكبرك أبوك في الجنة تذكرت توي
هذا أنت ياللي كنت لا جيت أبادلك باللي يحلى لك علي التقوي بعد أيش لنت وجاي تبغاني أعذرك ما عاد
جو أقسى ولا لين جوي ...
لميس ترقص مع سديم : تدرين اللي يشوفنا يحسبنا توأم
سديم تبتسم : ههههههه مررره
سحر تصفر لهم : أيوه يا ناس أموت على الأزرق
سديم تأشر لها : ههههههه تعالي ارقصي
سحر تسحب غلا : يالله غلو إحنا إخوان المعاريس
غلا ترقص : فشلتنا الله يفشلها
سديم : هههههه تعجبيني
سحر : أقول طيري و فليها
لميس : سدومه ارقصي بشويش
سديم : ليه
لميس تغمز : أخاف تكونين حامل
سديم استحت : لا ما فيه شي
ساره : الحمد لله و الشكر مرة أخونا مي بصاحية
مها : بسم الله عليها رقصها جنان
ساره : هي و بنات عمها رايحات فيها
أم طلال : والله وش زينهم بس سحر شوي مرجوجه
مها : ههههههه مرررره .. سحرررر
سحر تأشر : هلا مهاوي
مها تبتسم : هههههه فديتها
سحر تجي عند مها : قومي ارقصي معنا
مها : لا والله استحي
سحر : أقول قومي يالله
مها : أوكيه
سحر : تقومين ساره
ساره : ليه وش شايفتني مرجوجه زيك
سحر : مالت عليك قولي إنك ما تعرفين ترقصين و خايفه من الإحراجات يالله مهاوي
أم طلال : هههههههه تستاهلين ساره لا تحطين دوبك بدوبها لسانها طويل
سارة : ماهي بصاحية
كانوا سديم و لميس لا بسين زي بعض فستان أزرق نيلي شيفون طايح .. من عند الصدر من جهة اليسار مكسر
أما من جهة اليمين جاي سادة و من تحت الصدر كرستال فضي و طالعين كأنهم توأم
غلا كانت لابسه فستان سكري تل و مشجر بورد فوشي و من ورى فيونكه فوشيه
سحر كانت لابسه فستان أخضر من غير أكمام و كرستال جاي حول الرقبه و من تحت الصدر لونه ذهبي
مها لابسه فستان أسود ساتان مخصر على الجسم ومن الكتف اليمين نازل ورد فوشي بشكل دائري إلى
نهاية الصدر
على أحد الطاولات .....
أم ريان : هذولا البنتين اللي لابسين زي بعض شكلهم توأم
ريم : لا مو توأم في وحدة أكبر من الثانية بسنة
أم ريان : وش دراك
ريم : راكان يقول .. هذولا بنات أبو فراس
رنا : اللي شعرها قصير هذي متزوجة
رهف : إيوه صح سمعتهم يقولون هذي الكبيرة سديم متزوجة طلال صاحب شركة .....
أم ريان : ما شاء الله
ريناد : هه بنات بطره والله إنهم شي
أم ريان : قولي الحمد لله يا بنتي
ريناد : الحمد لله
ريم : راكان والله يمدحهم يقول و النعم فيهم ناس طيبين لا يغرك مركزهم و فلوسهم
جنى : يووووه يا رغد بسك عاد أذيتيني
أم ريان : وراك يا بنتي عصبتي شوي شوي عليها
جنى : إلا يا عمتي ما غير تحوس بالطاولة
أم ريان : تعالي رغودة حبيبتي جنبي
رغد : دده .. دده
أم ريان : ههههههه يا بعد قلب جده تعالي
جنى : الله يهديها صدق إنها وحده بس عن عشره الله يحفظها
رنا : هههههه يالله شدو حيلكم إنتي و ريان وجيبوا واحد ثاني
جنى : لا أستغفر الله بايعة عمري أنا رغوده و يالله متحملتها تبيني أجيب واحد ثاني عشان تلقيني
بمستشفى المجانين
رهف : هههههههه بعد قلبي
ريناد : إنتي جيبي و إحنا نربي
جنى : لا الله يحفظها لا كبرت و دخلت المدرسه أفكر أجيب الثاني
ريم : أحسن لك و ريان عادي ما يقول شي حتى هو تلقينه متجنن منها
راح أعرفكم على هذي العايلة بس في وقت ثاني لأن راح يكون لها دور بالرواية
في غرفة العرايس .....
سديم تجلس على الكرسي : آآآه تعبت
لميس تمد لها عصير : خذي اشربي
سديم : فديتك جا بوقته
غلا تعدل فستان ليان : بسم الله عليك طالعة تهبلين
ليان : والله إني خايفة
فجر : ههههه من خلود والله وش زينه يهبل
ليان : احلفي
سحر : لا تخافين عاد أخوي خالد مره حنون يبكي من دموعك
غلا : ههههههه شفتي والله مين قدك
لميس بخبث : أما عبود فيه من النذالة الله لا يوريكم لا حطك براسه وين بتروحين
ليان تزيد : ما أحد يعرفه كثري لا شفتيه تقولين يا لبى قلبه على هالرزانه ولا جلستي معه قلتي أعوذ بالله
فجر خافت : لا تقولون بنات مستحيل عبدالله يكون كذا
غلا : وليه ما يكون ترااااه مصيبة ياما تحت السواهي دواهي
سديم : ههههههه حرام عليكم ما عليك منهم فجورة كذابات و الله إن عبدالله أحسن أخواني يكفيك حنانه و طيبة قلبه
و الأهم إنه هادي و ما يعصب
فجر بحيا : بعد قلبي ما عندي شك
سحر : أووووووه حركات وينك يا عبدالله
سديم تقوم : يالله فجوره بنزفك إنتي أول
فجر : وليه ما تكون ليان
لميس : ياليل مطولك بنعيد سالفة سديم و غلا بيوم زواجهم
سديم + غلا : هههههههههه
فجر تقوم : يالله بسم الله
سديم تعدل فستانها : تهبلين فديتك الله يعينك يا عبدالله
فجر تضربها بخفة : بسك عاد ترى حدي متوترة
سديم : هههههه بعد قلبي
انزفت فجر على أغنية أكثر لأصالة أما ليان فكانت زفتها لو أعيش سنين أليسا و كانت كل وحدة أحلى من
الثانية و الكل يتكلم فيهم
على الكوشة .....
المطربة : إهداء للعرايس من بنت عمهم سديم
سديم تغني : عسى الله ما يجيب عتاب .. و لا بعد و هجر و غياب .. عسانا ما نتفارق يوم .. عسى دايم نكون أحباب
من الدنيا وش المطلوب .. سوى راحة فكر و قلوب .. وخل في هوااه تذوب و هو مثلك في حبك ذاب .. عسى تسلم
و تبقى لي .. فرح دنياي يالغالي .. بقربك يا هنيا لي تهنيت و زماني طاب ..
سحر تبوس خد سديم : فديتك و فديت لسانك اللي يقطر عسل .. أحلى صوت والله
سديم : ههههههه بعد قلبي والله بس عاد مو قدام الناس
سحر : وش أسوي طيب غصب عني هذا " تأشر على قلبها " يحبك
سديم : هههههه بسك عاد طالعي وشلون تطالع فينا الناس
سحر ولا هي بمهتمة تكلم الناس : عااادي حبايبي وراكم تطالعون فيني كذا هذي حبيبتي و بنت عمي
الكل : هههههههه
سديم نزلت راسها من الحيا : سحووووره
أم خالد تغطي وجهها : الله لا يفضحنا
أم فراس : هههههههه بعد قلبي
أم إياد : هههههه أما بنتك يا أماني تحفة
أم خالد بابتسامة : الله يهديها
رهف : ههههههه مرجوجة
رنا : هههه يا حليلها والله
ريناد : العقل زينة .. يختي خلي حبك لبنت عمك بينك و بينها
ريم : والله ما ألومها شكل سديم حبوبة مرة
أم راكان : ما شاء الله عليهم كل وحدة أحلى من الثانية
رنا : ذيك اللي لابسة عدسات زرقاء كأنها تركية ما تشبه لهم كثير
ريم : هذي شكلها زوجة فراس الكبير
رهف : سديم مرة حلوة تاخذ العقل
ريناد : إيه ما شاء الله
جنى : كلهم ماخذين من بعض
ريم : إيه شكلهم بس سديم أخذت من برى العايلة
بعد ما طلعوا العرايس .....
أبو خالد : هاااه يا عبدالله لا أوصيك ببنتي تراها غالية
عبدالله يطالع فيها : والله إنها بعيوني يا عمي لا تخاف عليها
أبو خالد يحضن بنته : مع السلامة حبيبتي
فجر تبكي : يبه راح أشتاق لكم كثيير
أبو خالد يغمز لها : إذا عندك القمر مالك و مال النجوم
فجر : مالي غناة عنكم يالغالي
خالد : و أنا مالي لمه
فجر تحضنه و تبكي : خالد راح توحشني كثير .. انتبه لأمي ولأبوي .. و سحر و سمر لا تخليهم يتهاوشون
خالد : لا توصين يالغلا .. يالله حبيبتي في أمان الله
فجر : مع السلامة
و نفس الحال عند ليان .....
ليان تبكي : يبه ما أبي أسافر
أبو إياد : يا حبيبتي وشو له الصياح و بعدين مو من بعد الرياض كلها أربع ساعات و إنتي عندي
ليان : يبه قوله هونت خلاص
إياد : هههههه وش دعوة يالغلا نلعب إحنا و بعدين لا تخافين ما راح تكونين لوحدك بتسكنين مع عمي سلمان
باسل : وخر بس تبيني أعطيها ضربة على راسها تخليها تعقل مو هذا خالد اللي جننتينا به
ليان بحيا : يا خف دمك يا خوي
باسل يحضنها : بعد قلبي والله الله يوفقك إن شاء الله و متى ما بغيتينا دقة تلفون و إحنا عندك
إياد : ما ودك تسلمين علي
ليان تحضنه : راح توحشني كثير إنت و باسل
إياد : و إنتي بعد
أم إياد تسلم عليها : يالله عاد بسك صياح طالعي وجهك كيف صار بتخوفين الرجال منك
ليان : ههههههه يممممه
أم إياد بحنان : الله لا يحرمني من هالضحكة انتبهي على نفسك يالغلا
ليان : إن شاء الله .. وينها غلا
أم إياد : تعالي سلمي عليها جوه بالغرفة الثانية
ليان تروح لها : غلا حبيبتي
غلا جالسة على الكرسي تصيح : ليان ليه تجين كان رحتي لازم تعذبيني
ليان تحضنها و تبكي : راح افقدك كثييير يا غلاي
غلا تبكي : و أنا بعد إنتي يا ليان كل شي بالنسبة لي
أم إياد : يالله عاد تراكم مصختوها
غلا تمسح دموعها : يالله حبيبتي تلقين خالد مل من الانتظار
ليان تبوسها بخدها : هههههه خليه وشو له مستعجل
غلا : ههههه بلاك ما دريتي
ليان : مع السلامة .. غلو لا تنسيني
غلا : أنسى عمري ولا أنساك
كان يوم محزن بالنسبة للعرايس لأن كل وحدة بتبتعد عن أهلها أما العرسان وش عليهم عايشين بالعسل
في سيارة طلال .....
طلال : هااه كيف الزواج ؟
مها : وااو بصراحة كان مرة روعة
طلال بابتسامة : أحلى من زواجي أنا و سدومة
مها : والله كلها حلوة
أم طلال : ماشاء الله جا ناس كثير
مها : إيه والله القاعة كانت مرة زحمة
طلال : وراها حبيبتي ساكتة
سديم : .............
مها : سديم إنتي نايمة
سديم بصوت واطي : مها أحس إني باستفرغ
مها : بسم الله عليك وش جاك
طلال خاف : سديم وش فيك
سديم بتعب : ما فيني شي طلال انتبه للطريق
أم طلال : عساه فيني ولا فيك حبيبتي
سديم : بسم الله عليك يمه لا تقولين هالكلام أنا ما فيني إلا العافية
أم طلال : طلال و أنا أمك ودها للمستشفى
سديم : لا يمه بأروح البيت و أصير بخير
طلال : لا .. لازم أوديك عشان أتطمن عليك
سديم بتعب : طلال إذا تحبني ودني للبيت والله مالي خلق للمستشفى
طلال : بس بكرة بأوديك
سديم : إن شاء الله
مها : عبود حبيبي وخر عن ماما
سديم : لا خليه
في الفندق عند عبدالله و فجر ...
عبد الله : نعيما حبيبتي
فجر بحيا : الله ينعم عليك
عبدالله : يالله تعالي تعشي
فجر : مالي نفس للأكل
عبدالله : إذا ما أكلتي معي ماني بماكل
فجر بابتسامة : شوي بس
عبدالله : اهم شي تاكلين معي
عند خالد و ليان .....
خالد : وشو له تبكين يالغلا
ليان تبكي : أبي أهلي
خالد : أفا و تتركين حبيبك خالد
ليان تبكي : ..............
خالد يمسح دموعها : بس حبيبتي والله قطعتي قلبي عليك
ليان بابتسامة : كذاااب ما تقطع قلبك
خالد : ههههههههه فديتك يا شيخة
ليان تمسح دموعها : لييه تضحك علي
خالد يبوسها : أحببك
ليان بحيا : خااااالد
خالد : يا عيون خالد
ليان : اطلع برى
خالد : هههههه أفاا تطردين زوجك
ليان : خاااالد أبي أغير ملابسي
خالد : خذي راحتك يا قلبي لا خلصتي تعالي
ليان : إن شاء الله بس اطلع
خالد : هههههه أحبك
في بيت طلال .....
طلال : هااه حبيبتي كيفك الحين أحسن
سديم بتعب : إيه الحمد لله
طلال : عسااه فيني ولا فيك يالغلا
سديم : بعيد الشر عنك حبيبي لا تقول هالكلام
طلال بابتسامة : أجل المرض يخليك تقولين كلااام حلو
سديم مستغربة : ليه وش قلت
طلال : يا زين حبيبي من فمك
سديم : طلاااااااااااااال
طلال : يا روح طلال و قلبه
سديم : اسكت
طلال : هههههههه طيب
سديم : ودي أبدل ملابسي بس ما فيني حيل أحس إني دايخة
طلال : و أنا وين رحت
سديم : إنت أيش
طلال : أساعدك عشان تبدلين ملابسك
سديم : منت بصاحي روح ناد لي مها تساعدني
طلال : يا سلاااام مها عادي و انا زوجك لا
سديم : طلال مانت بصاحي عقلك فيه شي
طلال : لا والله ما فيه شي هههههههه فديتك
سديم : طيب يالله خل مها تجي
طلال : لا حبيبتي اسمحي لي مها ما يجوز تشوفك
سديم : عادي مو بنت مثلي
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك