رواية شوفوا الزمن كيف قاسي مخلي راسه براسي -19
ريما:مااامااا إجازة
عبد العزيز:مو تخبصي نومك يعني لو ايجازة
(ريما طلت وهي تتأفف وياريت نامت هع جلست ع الكومبيوتر بالخفيه من امها )
عبد العزيز:ايوا (بمعنى يلا تكلمي..لانها من اول تلمحلو تبغا تتكلم معاه)
ام فيصل:اخبار تينا..؟
عبد العزيز:الحمد الله وتسلم عليكِ
ام فيصل:الله يسلمها ويسلمك..إلا انت قلت باخدها هند كنت ابغا اقول شي بس الوقت مو مناسب كان..ع العموم ولو شافت ترف..تينا هناك او عرفت انها زوجتك ايش موقفك
عبد العزيز:عادي بفهمها واصلاً خلاص تينا شهرها يعني حنروح بتكون ان شاء الله ولـدت وحتقعد في المستشفى وبعدين عند امها
ام فيصل:هي عندها اخوات؟
عبد العزيز:لا بس امها وابوها..وامها إلي عارفه انها متزوجه مسيار..وابوها كبير في السن ومو عارف بالحكاية
ام فيصل:اهااااا..وترف فين حتعيشها بالهنـد..؟
عبد العزيز:نفس الشقة إللي مستأجرها لدراسة هوا اصلاً كلو ترم يعني 4 شهور وراجعين جده
ام فيصل:وتيـنا بعدها..؟
عبد العزيز:لمن تتعلق فيه ترف بقولها الحكاية وبفهمها وان شاء الله ماتعآرض
ام فيصل:آآه انا مو مطمنه في الحكاية دي..وبذات إنو ابوك إلين دحين مو عارف إنك متزوج بوحده هنديه
عبد العزيز:انا قلتلو قبل سنتين لمن كنت ادرس إني ابا اتزوج من الهنـد وهوا رفض وقال ماتاخد إلا سعوديه..يعني الموضوع محيكون صععب للغايه
ام فيصل:الله يوفقـك..وان شاء الله ابوك يرضـى عليك
عبد العزيز:آميييين ...
_______________
ببيت ابو باسم - جناح سامي
صحيت ريناد وهي مدووخه مره شافت الغرفة وكل مالها تفتح عيونها اكثر مو مستوعبه هيا فين وغرفة مين هادي..؟!..على طول قامت من السرير(كانت لابسه ملابسها)..وجريت للباب وحاولت تفكر لكن مقفـل..انهارت ع الارض تبكـي على بالها سامي حبسها..لأنو اخر تتذكرو كانت معاه يتفرجو سوا..ومن بين دموعها طالعت الغرفة اول مره تشوفها وباين انها شبابيـه..ورجعت لجنب الباب مابيدها إلا تزعق مو عارفه هي ويــن..حست بشي عند رجولها نزلت لقت المفتاح مرمي ع الارض..على طول اخدتو وفتح الباب..ولقت نفسها بجناح سامي خرجت ع المجلس للمطبخ تبا تشرف مويا مره عطشـت بعد البكا..شافت خالها ابو باسم (إللي هوا ابو سامي ونيهاد ونوره)
ابو باسم:صبآح الخير ..كيفك يابنتي؟
ريناد بإرتباك:اا..الحمد الله..اخبارك ياخالي؟
ابو باسم:الحمد الله بخير..صحيتي بدري اشوف..؟
ريناد ماعرفت ايش ترد وابتسمت
ابو باسم:بما إنك صحيتي روحي بدلي لبسك وتعالي افطري معانا برا في الحديقة وجات نورة بنت خالك
ريناد:اهاا..الحمد الله على سلامتها
ابو باسم:الله يسلمك يآرب..يلا انا طالع الحديقة نستنآآكي (وخرج من المطبخ )
ريناد شربت المويا وراحت الغرفة وهي حاسه نفسها مدوخه..ماكانت تبغا تروح بس عيب تحرج خالها ع الاقل تقعـد لو شويا بس .. (لبست بنطلون جينز وبلوزه بنفسجيه ورتبت شعرها وتعطرت ونزلت تحت عندهـم)
ابو باسم:هادي بنت عمتك ريناد..اخت ياسر
لفت نوره وجهها وانصدمـــت انها ريناد إللي التقتها بالمزرعة مره وسو عليهـم الحركه هيا ورازان بإرتباك واضح قامت وسلمت عليها
ريناد طبعا ماكانت مصدومه لانها عارفتها:الحمد الله ع السلامه
نوره:الله يسلمك..وكيفك انتي؟
ريناد:الحمد الله تماام (جلست شويا ع الفطور معاهـم وبعدها دخل سامي البيت)
سامي:سلام
الكل:وعليكم السلام
سلم على ابوه وراح لنوره وحضنها:وينك يادوبه وحششتني..والحمد الله ع السلامة..نورت جده
نوره مبتسمه:الله يسلمك..ومنووره بأهلها
وبعدين سلم على ريناد يد طبعا وفـ قلبه"كويس والله سريع صحيت البنت":كيفك..؟
ريناد بإرتباك منه.لانها بدأت تيجيها الشكوك الكبيره منه..:تمام (وبعدها جلس معاهم وفطر وشويا قامت ريناد وتعذرت انها مصدعـه..كان سامي يطالع فيها ويبتسم..و زادتت شكوكها بنفسها وفيه ..!...)
طلعت ريناد تجر رجولها ومو مصدقه إللي تفكر فيه"معقوله سامي يكون..............!.. لا مستحيل هوا ابن خالي كيف يسويها فيا انا.!!!":............ ( إلين ماوصلت غرفة بشاير وحطت راسها ونامت على طوول)
:
:
:
مرت الايآم سريعــة وجا يـوم سفـر الاء لـ السعودية ..
الاء وهي مرتبكه وتدور في شنطتها الصغيره على جوالها"ماني مصـدقه اليوم رح ارجع جده"طالعت ببطنها وتنهـدت تنهيــده طالعه من قللللب:.......
رناد بحزن:والله رح توحشيني كتييير يالاء
الاء ابتسمت:وانتي اكتــر حيآتي
رناد:اول مااحلص دراستي واتزوج رح اجي جده ازورك ان شاء الله
الاء:صح انتي مخطوبه..؟
رناد:اه..والزواج اول مااخلص الجامعه
الاء:اهاا..موفقــه يآآرب (سلمت عليها وحضنتها بحرارة..من جد تعودوا على بعض وكانو اكتر من اخوات وقت حمل الاء وتعبهاآ..)
رناد:توصلي بالسلامة يآآآرب
الاء:الله يسلمك..يلا مع السلامه
(رناد ودعتها لين جنب الباب وراحت الاء للمطار ..طبعا مها كان حجزها بعد اسبوع من حجز الاء..والاء ماكلمت ولا أحــد انها راجعه اليوم..هما كانو داريين انو دا الاسبوع بس مو عارفيين اشمن يوم فيه...وبعد مااأقلعت الطيـآآرة وسآعآت إلا وصلت جـدة طبعا دقت ع السواق حقهم وقالتلو يجي مع الخدامه عشان يشيلو الشنط...وبعدين وصلو البيت ع الساعه 4 العصر وقت خروج ابوها تاني للشركه..دخل الحارس الشنط جنب الباب إلا بفتحة ابوها الباب..)
ابو ريهام وهوا مو مصدق إنو بنتو هنا..وطبعا لسه مايعـرف بحملها ..!..:الاااااااااء..ياهلا والله يالقمـر
الاء اول ماشافت ابوها حضنتو وهـي كل شويا تبلع ريقها وعيونها مدمعه لو عـرف:هلا ابويا كيييفك ايش اخبآرك..؟
ابو ريهام:الحمد الله تمآآم بشوفتـك..وايش اأخبآرك انتِ واخبآر الدرآسـه إن شاء الله كلو تمآم..
الاء:الحمد الله على كل حال
ابو ريهام حس ببنتو انو في شي مغيرها وقال:هييا تعالي ندخـل عند امك بالمجلس (طبعا الاء كانت لابسه عبايه ومو باينه مره بطنها..)
ابو ريهام:فسخي العبايه..(هنا الاء توورطت كانت لابسه بنطلون بس وسيع شويا وبلوزة صفرا..)
الاء بلعت ريقها وسكتت (هنا جات ام ريهام بعد لمن سمعت صوت ابو ريهام رجع تاني وهوا إلي كان خآرج الشركه)
ام ريهام وهي مو مصقه بنتها جريت وحضنتها بقووة:وحشتييييني يابنتي
الاء طبعا موقفهـآ جداً صعب..فرحآآنه لشوفت امهـآ وخآآآآآآآآيفه لمن يعرفو انها حامل وقريب تدخل الشهــر التامن قالت بصوت خفيف:آآآه (لانو امها لمن حضنتها ضغطت على بطنها..ماحس بالصوت إلا ابوها )
ام ريهام:بشويش يانهلة ألمتي البنت
ام ريهام بخوف:ايش
الاء وهي مررررتبــكة واااضح عليها:آ..آآه..لا عادي
ام ريهام مارتاح قلبها وقعدتها بالكنب:فسخي العبايه
الاء"خلاص ياالاء استحمـلي..مصيرك تنكشفـي ويعرفو إنـك حآمـل.." فسخت العباية بشووويش (ابوها كان قاعد ع الكنبه إللي جنبها وامها واقفه..بعد لمن فسخت)
ام ريهام:هاتي اعلقها
الاء:لا خلاص مافي داعي (قام ابوها يزهـم ريهام بنتو عشان تيجي..)
ام ريهام سالت العباية وحطتها في المعلاق وكانت مديه الاء ظهرها وماشفت بطنها لسه..)
ام ريهام وهي تلف من عند المعلاق:ايوا وكيف كانـت دراسـ........(سكتت بصدمه وهي تشوف بطن الاء الكبرانه مرره بذات انها كآنت نحيفه)
الاء وهي قاعده وعيونها ع الارض ومدمعـة بس باقي ترمش ينزلو جيش من الدموع"اكيد شافت بطني..يااااربي استــر":....
ام ريهام ومو مصدقــه:الاء
الاء وعيونها ع الارض وسآآكته:..........
ام ريهام بعصبيه:الاااااء طالعيني...!!
الاء طالعتها ولمن شافـت ام ريهام انها مدمعـه تأكـددت شكوكها بعدم استيعـآب:الاء انتِ حآمـل..؟!؟!؟!؟
هنا نزل ابو ريهام وهوا يقول: ريهام تاخد شاور ونازله..بس ماقلتلها انو الاء جات..(طالع فيهـم بصدمه طبعا مع كلامو ماسمع ايش قالت ام ريهام بس انها الاء وقفت وهوا جا من الجنب يعني باااينة بطنها مررا انها حامل وبالشهـور الاخيره بــيدّوها..)
الاء بصوت يلا ينسـمـع(وبالذات انو ابوها جا بوقت مررا غلط عل الاقل كانت تقـدر تفهـم امها وبعدين ابوها بس كذا مررا تخبصت وماعرفت ايش تقول..!):ؤمي..ابويا افهمووني
ابوها وهوا وجهه احمرر من العصبيه جا عندها واداها كـــــــف طيحها تبكي دم..وبقمة العصبيه:هاذي آخـر تربيــتي لكِ هاذي آخر الثقة إللي اعطيناكي ياها..هاذي هييييا..ايش ذحين الناس بيقولو عننا..راحت بنتهـم تدرس ولا تصيـع وكمان رجعت وهيا حآآآآمل...!!!!!(بعصبيتوو كلها اداها كف ثاني وخرج من البيت سريييييع ومو مصـدق إللي سوته الاء وإللي سواه هوا فيهاا مو مصـدق نفسه اكثر..!..)
اما الاء حالتها مايعلــم فيها إلااااا الله تبكي بكاا وتشاهق ومو قادرة تتكلم كلمة وحـده غير البكاا إللي ملا البيت
وكل هاذا وام ريهام جالسه ع الارض وتبكـــي بكا على بنــتـهآآ.صحيح كانت حاسه إنو في الحكآيـة إن..لانها واثقة ببـنتـها ماتسوي كـذا..!!
(طبعا هاذا كله ريهام كانت نازله من الدرج ساعتها وسمعت آخر كلآم ابوها وانصدمــت صدمـة عمرها وهي لسه مادخلت المجلس عندهـم وبذات لمن سمعـت صوت الكـف وبكا امها وابوها وصوت صراخ ابوها العآآلي..دخلت اول ماطلع ابوها ودف الباب بقووووة من العصبيه)
ريهـآم وهي تطالع فيهم ومو مصـدقه عينها..اول مره تشوف امها واختها بذي الحاله..اجل كيف كان وجهه ابوها ساعتها..بلعت ريقها ومهـي عارفه تروح عند مين امها إللي تبكي في الارض ولا الاء إللي طايحه ع الكنـب وتشآآهق ووجهه زرق من كثر البكا وبعد 3 دقايق دوخت..
ريهام كانت واقـفـه وتطالع فيهم ودموعها على خدها من إللي صار فيهـم لمن سمعت شهقات الاء وقفت على طول طالعت فيها ولقتها مغمى عليها..راحت عليها هي وام ريهام إللي يبكوو
ريهام لمن شافت وجهها كيف صار من الكفين إللي اخذتهـم من ابوها زاد بكآها وحضنت امها:ؤمـي ابويا كذا سوا بالاء
ام ريهام وهي تبكي:إن لله وإن إليه راجعون..حسبي الله ونعـم الوكيـل بأبوكي شوه البنت وماخلاها تفهـمنـآ حبه حبه..
ريهام وهي تبلع ريقها راحت تجيب من المطبخ مويا ورجعت ورشت على وجهه الاء لمن بدأت تحرك راسها وتهذي بكلمات مو مفهمومه
ريهام حـضنتها:الاء انتي بخييير..؟
الاء تطالع فيهـم وهيا مو مصـدقه إللي صار معاها قبل شويا..بصوت مخنووووق:ابا اطلع غرفتي (على طول ساعدوها ام ريهام وريهام بذات انها كانت مدووخه مره وكمان حامل يعني حالتها من جد كاآآنت ××××...!..)
طلعت غرفتها على طول راحت سريرها وتبكي تبكي لين مانامت بحضن امها..بصوت خفيف:افتحي المكيف ( ريهام قامت وفتحت المكيف وقفلت الستآرة وطالعت بأختها ورحمتها بقلللب وتطلعت لغرفتها تبكي على إللي صآر لأختهـآآ..وتفكـر بالاعذار إللي ممكن تـقولها الاء لهـم..وكيف موقف ابوها بعدين لمن يـرجع من الشركه..او حتى ممكن مايرجع عشان مايشوف بنته إللي جابتلوه العـآر..!......)
______________
إلا هنا قد انتهــى البارت الـ 26..
قـرآءة ممـتعـة وان شاء الله يعجبـكم..
تعليقآآآآآآآآآآآآآآتكم للبارت الج"ــــآي..
|||..الشوق ذبحني..|||
تذكير بالبارت السابق..:
...بـعـد 4 شهـور من الاحداث السابقة...
...ياسر خلص دراستو ورجع السعوديه...
...ريناد راحت تنام عند بيت خيالانها عشان امها رايحه زواج وهيا بالبيت لوحدها...
...ساره ملكـة على يوسف...
...ملك بتتزوج بعـد اسبوع لـ أنـور اخو مها...
...نـورة اخت سامي ونيهاد وباسم جات جده ومابتطـول...
...عبد الرحمن ناوي يخطـب مها وقال لفيصل كل إللي مخططلو ...
...ترف وافقت على عبد العزيز والملكه بعد 3 ايام وزواجهـم مع زواج فيصل وريهام بعـد شهـر ...
...سامي كان بـ .......... ريناد بس كانت عندها عـذرها ومنعـه...
...الاء رجعــت السعودية وبالتحديد جده وامها وابوها عرفـوا بحملـهآ والبيت صار مقلووب من إلـى ...
...........
البـآآرت الـ السابع والعشريـن / 27:
...
بشركـة ابو ريهام
من اول مادخل وراح مكتبو وهوا عاقد حواجبو والافكـآر تجيبو وتوديه.."حرآآم الثـقـة إللي اعطيتك ياها يالاء..من جد ماتستآهليها ×××....إلخ"
في البيـت في الوضـع ماتغيير الاء نايمة وامها معاها وريهام بغرفتها..بعـد مدة صحيت الاء من النـوم وراحت تتوضاأ وتصلي بما إنو راحت عليها صلاة المغرب..بعد لمن خلصت لقت امهـآ جالسة في الكنب
الاء حست بخوف بس عادي تعرف امها طيبه ومايمكن تسوي فيها شي:اهلين ؤمي
ام ريهام بجديه:اسمعي الاء..ابغاكِ تحكيني كل شي صآآآر بالتفصيـل وانتِ برا..
الاء بلعت ريقها وتكلمت:آأإمممممم..شوفي ؤمي انا مارحت إلا عشان ادرس..واصلا قبل لأروح هناك انا اغتـ........
ام ريهام تنحـت بصدمـه:إييييش...؟!؟!
الاء والدموع بعيونها:ايوا.. ولمن رحت مليزيا بدأت اعراض الحمل وعرفت إني حامل
ام ريهام:وفين..........؟
الاء"ياربي ساعدني..مستحيل اقلها كل الحكاية..!.":بايام المزرعـة إللي قبل لاأسافر مليزيا..حتى عشان كدا سافرت بدون ماأودع احد تقريبًا
ام ريهام:ومين ابو الولد..؟
الاء"يااارب ساعدنـي..والله مابا اكـذب بس ماقدر اقلها ماااقدر..":مـدري ايش اسمو
ام ريهام:كيف ماتعرفي..؟
الاء(قالت ترقـع):ماعرف اسمو بس شكلو
ام ريهام:ماكملتي طيب فين بأيام المزرعة انتِ وين خرجتي..؟
الاء"استغفــر الله بس..بألف حكاية من راسي شكلي":مره خرجنا انا و ريناد قريب من المزرعة وبعدين هيا راحت الحمام الله يكرمك وانا جلست الوحدي لمن جا الرجال و......
ام ريهام:يعني ريناد عارفه بكل شي..؟!
الاء:إيوا ..فسرتلها سبب البكا حقي كلو ذاك اليوم
ام ريهام وهي زعلانة على حالة بنتها:وليش ماتتكلمي من يومها..؟
الاء:مـآقـدرت
ام ريهام تنهـدت تنهيـده طالعة من قلبـهآ:وابوكـي..؟
الاء:ايش؟
ام ريهام:ابوكي غضبان عليكِ ..لازم تحكيه الحكاية..
الاء بدأت تبكي:طيب انا ايش ذنبي لو .............
ام ريهام:خلاص انتِ فهمي ابوكـي بكل إللي صار
الاء:ان شاء الله
ام ريهام:يلا تعالي نروح عند ريهام من اول كل وحده بغرفة
الاء حضنت امها:من جد وحشتوووني
ام ريهام ابتسمت:وانتِ اكتـر ياقلبي..إلا صح في احد عارف إنك جيتي..؟
الاء:لاء
ام ريهام:يلا تعالي نـقـلهـم
الاء:ؤمي بس..(وسكتت)
ام ريهام:مصيرهـم بيعرفوا وهما اهلـك كمان..
الاء اقتنعـت:ؤك يلا ننزل نـدق (خرجوا من غرفة الاء وراحو لعند ريهام لقوها نامت نزلو المجلس ودقـوا على بيت ابو عبد الرحمن)
ام ريهام:صـــح
الاء بإستغراب:إيش
ام ريهام:ساره ملكت قبل اسبوع لاتنسي تباركيلها
الاء:أماااااا..حركتااات سوسو
ام ريهام:يلا ماردو؟
الاء: السلام عليكم
ردت ام عبد الرحمن:وعليكم السلام (ماعرفت صوتها بالبداية)..
الاء:كيفكم أخبآركم..؟
ام عبد الرحمن:الحمد الله بخيـر ..آآه مين معايا؟
الاء ضحكت:انا الاااااء
ام عبد الرحمن بفرح:الاء رجعتـــي..؟؟!
الاء:ايوا اليوم
ام عبد الرحمن:الحمد الله ع السسلآمة ياعمري..نورت جده
الاء:الله يسلمك يآرب..ومنوره بأهلها..ومبرووك على ساره
ام عبد الرحمن:الله يبارك فيكِ حياتي وعقبآآلك
الاء حزت الكلمة في خاطرها بس كملت:ايوا ووين سوسو وحشتني..
ام عبد الرحمن: لحظه اناديلك ياها
الاء:طيب (شويا إلا وساره جات)
ساره بزعاق:الاااااااااااااااء يامرجوجه جيتي ولا تتكلمي
الاء:هههههههه اعملكم سبرايس..والله وحششتيني..اخبآآرك
ساره:وانتِ اكتـــر..تمااام وانتِ كيف الدراسه وكيف مليزيا
الاء: تسلم عليكِ هع..ومبروؤوؤوؤوك توني اعرف انك ملكتي..والله فرحتلك..والله يتمم على خير
ساره:الله يسلمك ويسلمها هووع..والله يبارك فيكِ ياحياتي..وعقبآآلك ان شاء الله..
الاء:هههههه يقللع ام الفلسعة إللي فينا ..إلا وين ريناد ( الاء ماتعرف عن ريناد واسرتها)
ساره توترت:ببيتها..
الاء:ببيتها.!!!!
ساره:ايوا منك عارفه خلاص راحت تعيش عند امها
الاء فرحتلها من قلب:أمااااااااااا..طيب اسمعـي رقمها زي ماهوا
ساره:يب يب
الاء:ؤوكـ هيا نشوفك على خير
ساره:ؤك سلآلآم (وقفلو ودقت الاء على جوال ريناد)
______________
ببيت ام ياسر
ريناد كانت تكلم ريما تيلفون وجوالها جنبها لمن نورت الشاشه ق جوالها ورقم الاء على طول قالت لريما:هييي اسمعي بعدين اكلمك هيا سلام (وقفلت من ريما وردت على الجوال)
ريناد:هلآ والله بالقاطعــه
الاء:هلا فيييك زود
ريناد:الااااااء مو قلتي بتيجي الاسبوع هادا..متى يالا؟
الاء:انا عندك ياخبله
ريناد نطـت:كدااااااااااااااابه
الاء:والله وصلت اليوم العصر
ريناد:وااااااااااااااااااااااااااااااااااااااااااا ااو
الاء:ههههههههههه سلآمات
ريناد ضحكت:الله يسلمك..صح الحمد الله ع السلامة
الاء:الله يسلمك ويسمنك
ريناد:هههههههه دعوة حلوة منك
الاء بغرور:انا اي شي مني حلوو
ريناد:ؤوهوووو رجعنا زي اول
الاء:هههههههههههههه استهبل معاك
ريناد:ايوا وآخـر الاخبآآر..تعآآآآآآآآآآلي
الاء:ها جيت
ريناد:هي هي ..طيب في عبقري جنبك هع هع
الاء ضحكت من قلب:ههههههه يب يب
ريناد:يووه طيب شوووفي بكره انتِ محجوزه عندي
الاء:لا ايش قالولك سياره قال محجوزه قال
ريناد:ههههههههههه من جد اليوم بخليكِ تسترحي بما إنك وصلتي تعبانه من السفـر وبكره عنــدي وبزهـم ريما كمان ترا
الاء:هيييي لا تعزمي احد ممكن ماقـدر اجي
ريناد:إلا ان شاء الله تقـدري
الاء:يلا اشـوف..إلا فين بيتكم؟
ريناد:آإمممممم ماعرف اوصف قولي لامك تعرفوا
الاء:اهااا ؤوكـِ
ريناد:هيا دحين اسيبك تكملي اتصالاتك
الاء:والله وسرنا نعرف نتكلم
ريناد بضحك:اسـري بس
الاء:هههههههههه سلآم (وقفلت ودقت على ريما ونفس الحكاية لمن انتـشر الخبر في العيله إنو الاء رجعت من السفـر )
قامت ريناد عند غرفة امها:مااااااااااامااااااااا (دقت ودخلت بدون ماتنتظر جواب ..وكان جوا ياسر مع امو يتكلمو)
ريناد نسيت ياسر:عااارفه اآخر خبر
ام ياسر:ايش
ريناد:الااااااء رجعت من السفـر
ياسر دق قلـبـو بقووة يعني رجعت وهيا حامل..!:......
ام ياسر: مين الاء
ريناد:ماااما الاء اخت ريهام
ام ياسر:آآه إلا كانت تدرس برا
ريناد:يب يب يب..جات اليوم بالعـصر
ام ياسر:اهاا الحمد الله على سلامتها
ريناد وهي تخرج ومو منتبها لياسر مع الفرحه:الله يسلمك يآرب (وطلعت غرفتها)
___________
ببيت ابو ريهام- ع الساعه 11 الليل رجع ابو ريهام والاء كانت بغرفتها
ام ريهام طلعت غرفة الاء:اسمعـي ابوك جا بس لا تفتحـي الموضوع اليوم اجليها لبكره..مزاجو مرره مقفل
الاء:طيب..يلا تصبحي على خير
ام ريهام:وانتِ من اهله (وخرجت من غرفت بنتها)
_____________
بشركة سلطان - سلطان وياسر وهما خارجين
ياسر:ماقلتلك
سلطان:إيش؟
ياسر:الاء رجعـت اليوم
سلطان بصدمه:إيــــش...؟!
ياسر:شايف كيف..سمعت من اختي..بس غريبه ماجابت سيرة عن حمل ولا شي
سلطان:وايش بـتسـوي..البنت راحت في داهيـه
ياسر وهوا سرحان:فكرت اخطبها
سلطان بتناحه:من جـــد..!!
ياسر:ايوا..استر عليها على قولتهـم..وبعدين بصرآحـه البنت هاذي داخله مزآآآجي وبقوة
سلطان يغمز:يعني حاط عينك عليها
ياسر:من زمآآن بس لسه كنت متردد..اما دحين رجعت وامها وابوها عارفين بحملها..بس الله يستـر لآيكـون قالتلهم الحكاية تمام
سلطان:مـآأعتقـد..مو قلت انها عارفه انـك اخو صحبتها الروح بروح ريناد..فـ مستحيل تشوه سمعـتك عند امها وابوها
ياسر:آأإمممممم ممكن..انا بفآتـح ؤمي بالموضوع
سلطان:ولو رفـضت عشنها حامل
ياسر:عادي بقلها إنو إللي في بطنها ولدي..وساعتها هيا إللي بتقول روح اخطبها واستر عليها
سلطان:اهااا..يلا الله يكون بعونك
ياسر:آمين...
_________
في اليــوم الثآنــي من رجعـة الاء
ببيت ابو ريهام - بالبلكونه ع الفطـور
ابو ريهام:وين ريهام..؟
ام ريهام:شويا وجايه (توقعت بيسأل عن الاء كمان بس استغربت لمن كمل فطورو..دقايق ونزلت الاء مبتسمه..شافت ابوها اختفـت الابتسامه منها)
الاء بإرتباك:السلام عليكم
ام ريهام وابو ريهام بدون مايطالع فيها:وعليكم السلام
الاء سلمت على امها وجات بتسلم على ابوها بس انـصـدمت لمن وقـف وخرج من البلكونـه جلست ع الكرسي بدون نفس والدمعه بخدها.:ؤمي ليش ابويا يسوي كـذا فيني..والله حرام..خليه يفهـم الحكاية اول..مـآقدر على صدوده ليا
ام ريهام:لا إن شاء الله مابتـطول الحاله يابنتي..ويلا افطـري (شويا نزلت ريهام)
ريهام:سلآم
الكل:وعليكم السلام
ريهام وهيا تجلس:كيف الحآل..؟
ام ريهام:الحمد الله..سلمتي على ابوكي؟
ريهام:لا مامداني شفتو خارج سريع من البيت
ام ريهام:اهاااا
ريهام تطالع في الاء:ليه في شي حصل..؟!
ام ريهام:لا ولاشي
ريهام فطرت وهيا ساكته وبعدين تذكـرت شي:ؤمي
ام ريهام:ايوا
ريهام:اليوم جاي فيصل
ام ريهام:الله يحييه
ريهام:لالا جاي عشان نحدد يوم الزواج
الاء رفعـت راسها:ايـش..؟!
ريهام ابتسمت:اشبك..منتـى عارفه انو زواجنا قريب
الاء بفرح:والله..!
ريهام:ايواا
الاء:مبروؤوووك والله
ريهام:الله يبارك فيكِ ياقلبي..وعقبآلك (قالتها بدون استيعاب لاختها..)
الاء سكتت بحزن وريهام حست على نفسها وندمت على كلمتها
ام ريهام:ايوا خلاص فيصل يجي و الاء رايحه عند ريناد وانا بجلس شويا معاكم وبروح عند عمتكم آمال عندها عزيمة حريم
ريهام:اهاا..ماشاء الله محد قاعد بالبيت يعني
الاء وهي قايمه حست بألم ببطنها وقفت فجأه..امها واختها حسو فيها وخافو
ام ريهام وهي تقعدها ع الكرسي:الاء ايش فيكِ..؟
الاء:لا ولا شي بس ألم بسيط
ريهام:مـتـأكـدة
الاء:ايوا
ام ريهام:لو انتِ تعبانه مافي داعي تروحي عند ريناد
الاء ضحكت بقلبها"والله لا يذبحـوني ريناد وريما":لالا مافي شي لا تخافو
ام ريهام:الحمد الله (وطلعت معاها امها للغرفة وجلسو يتكلمو بالحمل والاشياء دي.....)
ريهام وهي مبتسمـه:والله ماني مستوعبه لين دحين إللي يصير فـ أختـي الصغيره..!..وااو وشكلي حصير خاله عن قريب (تذكرت)إلا صح..هيا بالشهـر الكم اقالت (وعلى طول طلعت غرفة الاء وفتحت الباب وشافت امها تتكلم والاء وجهها احـمـر ..ماقدرت تمسك نفسها من الضحك..من زمان ماشافت اختها مستحيه لدي الدرجه)
ريهام:ههههههههههههه
الاء طالعت فيها وهي مكشره:سلآمات
ريهام:الله يسلمك ياحياتي..بس جا ببالي سؤال ماسألتك ياه
الاء:إللي هوا..؟
ريهام:انتِ بالشهـر الكـم..؟
ام ريهام طالعت بـ الاء..واستغربت من نفسها ماسألتها هاذا السؤال..
الاء:آأمممممم شويا وادخل التامن
ريهام:وآآآآو يعني باقي شهر تقريبًا واصير خاله..والله فلللله..هييييييييي صح
الاء ضحكت من رجة اختها (مع العلم زمان كان العكس بالرجه):ايوا
ريهام:بنت ولا ولـد..؟
الاء بدون اهتمام:مدري
ام ريهام وريهام بصدمه:أيش..؟!!!
ريهام:من جدك انتِ ماتدري..؟!
الاء:ايوا مره الدكتورة كانت بتقلي بس انا قلتلها مابا اأعرف
ام ريهام:طيب يتعبك البيبي مرره ولا يعني
الاء:مو مره
ام ريهام ابتسمت:يعني ولـد..لانو البنت مرره تتعـب في الحمل
ريهام:هههههههه ياحليلك ياؤمي..اجل تعبتي فينا مرره
ام ريهام:يوووه ذكريات قبل 18 سنه وانا حامل في الاء
الاء ضحكت:وكيف تعبتك
ام ريهام:مررره.زعلى الاقل ريهام كانت هاديه
ريهام بغرور:انا من يومي هاديه كح كح
الاء:بــآآآين هع
ام ريهام طالعت بالساعه لقتها شويا ويأذن الظـهـر:يلا يابنات شويا وبيـأذن بروح آخدلي غفـوة صغيره
الاء وريهام:نوم العوآآفـي
ام ريهام تطالع بالاء:ولسه ماخلص كلآمي معاكِ (وضحكت وطلعت..والاء مره استحت وكمان مع ريهام مره كمـلت)
ريهام تغمـز:ايــــش بسرعه قوللي
الاء:لمن تحملي ان شاء الله تقولك ؤمي
ريهام مكشره:مآآلت ..
الاء:علييكِ..اقوول يلا هوينا دحين
ريهام وهي تقوم معصبه:والله انتِ الاء مرره تعصبي ..دحين مالك يوم جايه ولا حتـى تكلمنا..من جد الشرهه مو عليكِ الشرهه على إللي جاي يسأل عن احوالك..
الاء وهي تغنـي:ابحكيـلك عن احوالي..وابيك تشوفلي صرفـه..خيآلك دايم في بالي..واحس بشي ماعرفه
ريهام:اروح ابركلي (وخرجت من غرفة اختها وهيا تظـحـك على هبالهم..)
______________
ببيت ام ياسر - بعد صلآة الظهـر بـفـترة..
ياسر:ؤمي
ام ياسر وهي تتفرج:ايوا
ياسر:ابا افاتحك بموضوع
ام ياسر:طيب دقايق بس اسبقني للغرفة
ياسر قام:طيب (شويا وجات ام ياسر..)
ام ياسر:ايوا
ياسر:أخبار..علوم
ام ياسر قعدت:لا وراك شي
ياسر:آأإمممم بصراحه اشيآآء
ام ياسر:قول طيب
ياسر بعد سكوت:قررت اتزوج
ام ياسر بفرح:من جد..؟!
ياسر:ايوا
ام ياسر:ابشر بعزك من اليوم بدورلك على بنت الحلآل
ياسر بسرعه:لالالا
ام ياسر بإستغراب:ايش في..؟
ياسر:انا ابغا وحـده في بالي
ام ياسر:ماشاااااء الله
ياسر بضحك:يعني لاتدوري ولا شي..والبنت ماشفتيهـآ بس سمعـتي عنها..
ام ياسر بإستغراب:مين؟
ياسر:الاء بنت عمر
ام ياسر:ماعرفتها
ياسر:ياؤمي هاذي إللي اختها ريهام
ام ياسر:اهاااااااااا..إللي رجعت امس
ياسر:إيييييوا هيا
ام ياسر:آأإممممم والله انا يا ياسر ماعرفها بس ان شاء الله لو شفتها ونسأل عنهم كمان ونشوف
ياسر:تسألي عنـهم ..!!..مافي داعي ياؤمي يعرفونا ونعرفهـم
ام ياسر:بس برضوو....
ياسر بسرعه:لالا مافي داعي..انتِ شوفي البنت ولو عجبتـك قوليلي..(ودعا من قلب)وإن شاء الله تعجبـك يآرب..
ام ياسر:لا وراك شي انتـه
ياسر:ههههههههههه ولآلآشي ..هيا سلآم انا خآرج وان شاء الله ارجـع ع العشاء لانو ورايا مشاوير..(راح جنب الباب إلا وريناد داخله ابتسملها وخرج..)
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك