رواية شوفوا الزمن كيف قاسي مخلي راسه براسي -20
ياسر:ياؤمي هاذي إللي اختها ريهام
ام ياسر:اهاااااااااا..إللي رجعت امس
ياسر:إيييييوا هيا
ام ياسر:آأإممممم والله انا يا ياسر ماعرفها بس ان شاء الله لو شفتها ونسأل عنهم كمان ونشوف
ياسر:تسألي عنـهم ..!!..مافي داعي ياؤمي يعرفونا ونعرفهـم
ام ياسر:بس برضوو....
ياسر بسرعه:لالا مافي داعي..انتِ شوفي البنت ولو عجبتـك قوليلي..(ودعا من قلب)وإن شاء الله تعجبـك يآرب..
ام ياسر:لا وراك شي انتـه
ياسر:ههههههههههه ولآلآشي ..هيا سلآم انا خآرج وان شاء الله ارجـع ع العشاء لانو ورايا مشاوير..(راح جنب الباب إلا وريناد داخله ابتسملها وخرج..)
ريناد:ؤمــي
ام ياسر:ايوا
ريناد:نسيت اقلك ترا بيجو عندي صحباتي المغرب
ام ياسر:مين؟
ريناد:الاء وريما
ام ياسر:الاء إللي جات امس؟
ريناد:يب يب ابا اشوفها وحششتني
ام ياسر"كويس عشان انا كمان اشوفها":الله يحييـهم..
ريناد:تسلميلي ياأحلى أم..هيا سي يآآ بروح غرفتي
ام ياسر:الله معاكِ (وخرجت ريناد..)
____________
ببيت ابو فيصل ع الغـداء الساعه 3 قريب العـصر
ام فيصل:إيوا عارفين الاء رجعت من السفـر
ابو فيصل:الحمد الله على سلامتها والله..متى رجعت؟
ام فيصل:امس ع العصـر
ابو فيصل بإستغراب:اهااا..غريبه حسيت امس ابو ريهام متضايق ومو على بعضـوا
ام فيصل:الله اعـلـم..ريما متى رايحه لعند ريناد؟
ريما:مدري ع المـغرب
ام فيصل:خلاص خلي فيصل يوصلك
فيصل:يووه بيتهـم بعيد ياؤمي وبعدين انا بورح عند ريهام
ريما:وعلى فكره الاء كمان بتيجي معايا
ام فيصل:خلاص خد ريما معاك لين بيت عمك وبعدين شيلو الاء معاكم لـ بيت ريناد
فيصل"يقلللع أم المشـوره هادي..صرت سواق على آخر زماني..":إن شاء الله
وعبد العزيز ياكل وفااطس ضحك بقلبو من شكل فيصل المقهوور
____________
ع المغـرب ببيت ابو ريهام ..
الاء وهيا تضحـك:والله عييب
ريهام:اسري بس
الاء:ههههههههههه حركاات والله صرنا نغير
ريهام:الاء لو ماتنقلعي ياويلك (قالت بدلع مع ضحك)بتأخري خطيبي
الاء وهي تلبس الطرحه:هههههههههه طيب طيب ..سلآم..وبقولوا ترا ريهام ترسلك بوسه
ريهام عـصــبت:هييييييييي الاء قسسم كــــف..
الاء مو ماسكه نفسها من الضحك:احــلى شي فالحيـآة لمن نطفش وحده متزوجـه..(وخرجت من بيتهـم وهي تضحك لسه على اختها قريب من السياره..)
الاء:السلام عليكم
ريما نزلت وسلمت عليها وحـضنتها:وحشتيني يادوبه
الاء:وانتِ اكتر ياروحي
ريما:اهوؤ الرومانسيه بدأت..ههههههههه
الاء غمزت:لسه ماشفتي شي
ريما:يقلآلآع..طيب يلا ندخل ترا فيصل بيذبحني
الاء:ؤوك (ودخلو السياره..)
الاء:السلام عليكم
فيصل:وعليكم السلام والرحمه..
الاء:كيف الحآل
فيصل:الحمد الله وكيفك انتِ..والحمد الله ع السلامة..
الاء:الله يسلمك..انا تمام الحمد الله
فيصل:دوم
الاء ضحكت:تدوم ايامك
ريما:ترا بنوصل وانتو لسه بتسلمو
فيصل:خلاص سكتنا (وكملو لين وصلو بيت ريناد شوف الزعيق والصراخ والسلام الحـآآر...)
يتبع
الاء وهيا تتنقل من حضن لا حضن:هيييي بشويش عليا
ريناد وريما:إييييييييوا صح
الاء عرفت انهـم دحين بيفتحو المناقشات حقـتهم فقالت:قبل لاتبدأو نطلع غرفتك ريناد
ريناد:آأمممم ؤوك..بس ؤمي تبا تسلم عليكِ
الاء بإحراج مسكت يد ريناد:امك عارفه إني...
ريناد بإبتسامه:لآ
الاء عصبت:ماشاااء الله ودحين ايش بتقول عني..طيب اسمعي اول مااروح تفهميـها الحكايه
ريناد وهما يطلعو الدرج:طيب طيب
ريما وتهمس لـ الاء:ماتحسيها تصريفه
الاء:هههههههه إلا والله (دخلو غرفة ريناد وراحت ريناد تزهم امها..جات ام ياسر وانـصدمت اول مادخلت لمن شافت إنو الاء حامل..بس مابينت لاأحـد)
ام ياسر:السلام عليكم (قامت ريما تسلم وبعدين الاء)
ام ياسر:الحمد الله ع السلامه
الاء بإبتسامه:الله يسلمك يآرب
ام ياسر:نورت جده
الاء:منووره بأهلها والله .. (جلست معاهـم شويا وفكرها مو معاها ابـد..كيف ابنها يبغا وحده حامل ومو متزوجه وباين عليها بالشهور الاخيره..!..لمن خرجت ام ياسر قامو ريناد وريما وسحبو الاء للسرير وتربعو..)
ريما وريناد:يلا بسم الله
الاء وهيا تضحك:سلآلآمات
ريما:نبغا من طقطق لـ السلام عليكم
الاء:والله حآآله..وبعدين انتو تعرفو كول شي كنت اكلمكم كل يوم مسن
ريناد:لا نبغا لمن رجعـتي
الاء:اهااا.. طيب ..(وجلست تحكيهـم ايش صارلها وهما مصدوومين..!..)
ريما:واااو
ريناد:أماا الحكايه واااو .. و البكش هاذا شششي
ريما:هههههه غيرتي مجرا كول شي
الاء:مستحيل اقلها بالحقيقة
ريناد وريما قبل لايسألو ليش جا صوت رجال من تحت:ريناااااااااد
ريناد وقفت وراحت للباب:لحظه لاتقولي شي
الاء"ياربي الصوت يشبـه صوت ياسر..ههههه مرا بس إيش إللي بيجيو عندهم..وبعدين اصلا اغلب اصوات الشباب تتشابه..بس مين..؟!":هههههههه طيب تيت (سكتو ولمن جات ريناد قالت ريما)
ريما:ايش يبى ياسر..؟
الاء"!!!!!!!" بصدمه:يااااسر مين..!
ريما وريناد راااح عن بالهـم إنو الاء لسه مو عارفه إرتبكو وسكتو
الاء تطالع فيهم بصدمــه"يعني صح صوت ياسر إللي سمعتو..!":اتكلمووو..قولو ايش صار..؟؟؟
ريما بدون ماتطالع بعين الاء:ياسر يصير اخو ريناد
الاء صدمـــــــــــــــــــه ..دقايق الكل سااااكت..والاء تبكي بقلبها بس ماسكه نفسها..
الاء:صح الكلآم ياريناد؟
ريناد هزت راسها بمعنى ايوا
الاء تنهـدت تنهيـده طالعه من قلب..تكت ع السرير:يلا اشوف حكوو (وجلست ريناد تحكي لـ الاء كل شي صار من اول ماعرفت إنو اخوها إلين دحين..واكيد كان بين فترات حش وضحك)
ريما:وتوتا توتا خلصت الحتوتا..
الاء:وآآآآآآآآآآآو..والله مررره ماتخيلت هههههههه (نزلت دموعها مع ضحك)..حكايتك غريييبه رنوود..
ريناد:إيش تحسبي
ريما:ؤهوو دحين تفتش
ريناد + الاء:هههههههههههههههه ( شويات وجات ام ياسر تزهـمـهم ينزلوا يتعـشو..)
ريما وريناد ينزلو وهما يضحكوو على الاء
الاء:هيييي خلآص وربي طفشتوني
ريما:ههههه والله شكلك ههههههه
الاء:اسكتي خلاص
ريناد:مرره تروحي نحيفه تجي وبطنك اكبر من جسمك هههههههه
الاء:قولي ماشاء الله بس
ريما تضحك:مـتأأكده مو توأم
الاء:لأ مو توأم
ريناد:صح بنت ولا ولد
الاء:مدري..قلت للدكتوره ماتقولي
ريما وريناد:أما انتِ
الاء:هههههه مابا اأعرف
ريناد:يلا خلاص اتفضـلو ع العشاء (رجعت تضحك)..الاء لو ماكفاكي صحن قولي عادي ترا
ريما:ههههههههه ايوا والله لاتستحي
الاء مكشره:مع نفسسك انتِ وهيا (كملو السهـره وبعدين كل وحده رجعت لبيتها واخدتها نووم..وطبعا ريناد حكت امها على الاء بس ماجابت ياسر في الموضوع ابــد..)
________
ببيت ابو ريهام - غرفة ريهام
ريهام تفكـر..." آآه بس والله شهـر من دحين مرره قليل عشان اجهز لزواجي..وكمان الايام بتمشي هوا..يلا خليها على الله.." (ونامت وهيا تفكـر بزواجها...)
__________
في بيت ام ياسر - جناح ياسر ..كان دوبو جاي من برا..دخلت أمو وسلم عليها وجلست
ام ياسر بعد هدوء:شفت الاء إللي تبغاها
ياسر انصدم بس مابين:فين..؟!
ام ياسر:كانت عندنا قبل لاترجـع
ياسر"أماااا..!..":من جد
ام ياسر:إيـوا..
ياسر:وايش رايك فيها؟
ام ياسر طالعت فيه بجديه:انت عارف إنها حامل..ومن شخص مجهول
ياسر:إيوا
ام ياسر بصدمه:وتبغاها
ياسر:إيوا..ومصـر عليها
ام ياسر:يا ابني البنت بالشهـور الاخيره من حملها..يعني مايمديكم تتزوجو إلا ولدت..!
ياسر:عشان كدا انا فاتحتك بالموضوع..اباها قبل لا تولد
ام ياسر بحزن على ابنها:شوف ياسر..الاء بتشوف نصيبها..وانت بدورلك وحده بنت
ياسر بسرعه:لآلآلآلآ..انا ابغاااهااا هي وبس
ام ياسر"عجيب ومصـر عليها..!":البنت حآآآمـــل..!
ياسر:طيب ايش يعني
ام ياسر عصبت:كيف ايش يعني..ترضى يجيك ولد ومو انته ابوه...؟
ياسر:طيب ولو قلتلك إنو انا ابــوه..؟!
ام ياسر انصـــدمــت صدمـــة قوووويه وبذهول:إيش..؟!!!!!
ياسر:.........
ام ياسر:ياسر انت تسوي كـذا..؟!
ياسر:معليش والله تبـت بعدها بس هيا لحظة غضـب فيها..
ام ياسر وهي تقوم وماسكه اعصابها:اجل بكره تروح وتخطبها من ابوها وتستر عليها ..إللي سويتو مو قليل..! (وخرجت وهيا معصصبه منه)
ياسر ضحك"والله تمام نجحت الخطه..خليني ابشر سلطن.."(دق عليه وجلسو يثرثرو ويخططو لين قفلو وكل واحد بأحلآمو نام..)
_______________
مــر اسبـوع ع الوضــع..وابو ريهام لسه يـصـد الاء بشكل كبير..والعايله كلهم عرفو بحمل الاء ورحموها..وطبعا السبب كان إنها مغـ...... ومن شخص مجهـول..!..) ع المغرب ببيت ابو ريهام
ابو ريهام وهوا خارج:قولي لبنتك إنو في عريس جاها..والشوفه بكره (وخرج وهوا مو متقبل الشي إللي يسويه..كان نفسو يعاقبها ويرفض..بس رحمها بعدها..)
ام ريهام وقفت مصدومه"الاء جالها عريس..!!!!":.............. (طلعت غرفة بنتها وشافتها ع اللاب..)
ام ريهام بجديه:الاء
الاء لفت:هلا
ام ريهام:ابا اكلمك بموضوع
الاء قفلت اللاب:تفـضـلي..
ام ريهام بعد سكوت:انـخطبتي
الاء بصدمه:كيف..؟!
ام ريهام:ابوكِ يقول جالك عريس..والشوفه بكره..بمعنى انو موافق..
الاء:الشوفه بكرره..!!..
ام ريهام:انتبـهي ترفضـي اي شي ترا ابوكِ ذي الايام مو على بعضـوو..يعني وافقـي وارتاحي..ودام ابوكِ وافق..يعني الرجال ماشاء الله عليه..
الاء بتفكير:مين طيب..؟
ام ريهام:ماقال..إن شاء الله اليوم لمن يرجع آخـد التفاصيل واقلك
الاء:آأممممم طيب وعارف إني حامل
ام ريهام:اكيد ابوكِ بيكون قاله..
الاء بسرح:اهاااااااا (خرجت ام ريهام وراحت غرفة بنتها ريهام..)
ريهام وهي تحووس بالغرفه:اهلين ؤمي
ام ريهام:هلا..إيش عامله إنتِ بالغرفه صارت ملوخيه
ريهام:ههههههه لا بـدور حلق بلبسو بكره بزواج قلبوو ملوكه..لزوم اجهـز من دحين
ام ريهام:إييوا ماشاء الله قـدو بكره..؟!
ريهام وهي تدور:يب يب..الايام تمشي سريـــع
ام ريهام:آها..طيب باركي لأختك..انخطبت
ريهام تنحت ووقفت عن التدوير:من جـــد..؟!!
ام ريهام بإبتسامه:ايوا
ريهام:حركااااااااااااااات..مين؟
ام ريهام:ماعرف
ريهام بإستغراب:كيف ماتعرفي..؟!
ام ريهام:إللي اعرفو إنو الشوفه بكره..هادا إللي قاله ابوكِ
ريهام:بكرررره..!!!
ام ريهـام:ايوا..
ريهام سكتت بصدمه وكملت التفتيش حقها بالغرفه.. (خرجت ام ريهام من غرفت بنتها..وراحت الصاله ولمن رجع زوجهـآ اخدت من التفاصيل بروآآق...)
___________
بيت ابو ياسر - ياسر ..مررره سرحآآن..له اسبوع من يوم ماخطبها..وراح مرتين..المره الاولـى ابوها رفـض..رحتـو في المره التانيه وقال ان شاء الله..!..وإلين دحين مافي رد من قبل 3 ايام..!..والله حاله..يلا نـصـبر ايش ورانا.."
__________
ببيت ابو عبد الرحمن - جناح ساره
طبعا الوضـع عندها غيــر هيا ويوسف تعودو على بعـض تقريبًا..وصار يجي عندهم كل فتره وفتره يشوف ساره..أما سلطان آخر رساله ارسلها ياها ايام لمن خطبها يوسف..يعني بالبداية..ودحين ماصار يرسل شي..وهيا علا بالها نسيها..
ساره تكـلم عبد الرحمن بالغرفة:إيوا ومتى بتروح تخطبها..؟
عبد الرحمن: آأإمممم بعد 3 أو 4 ايام كدا
ساره:اهااا..يلا مبروك مقدمًا
عبد الرحمن:ههههههه الله يبارك فيكِ (دق جوال ساره..روحي يتصل..)
ساره:يلا لو سمحت ابا اكلم شخص غآلي عليا
عبد الرحمن:ياعييييني..قولي الاسم طيب
ساره:طيب المره الجايه..هيا الباب يقولك تعال
عبد الرحمن:مقبوووله منكِ والله (وخرج من الغرفه وساره ردت على يوسف)
ساره:اهلين
يوسف:هلا بحيآتي..أخبارك..؟
ساره:تمآم..وانت كيفك؟
يوسف:تمام دامك تمام..وحشتيني
ساره بدلع:مايوحـشـك غالي
يوسف:يااربي طيب قولي وانت اكـتـر..ايش التغلي هاذا
ساره:هههههههه المره الجايه
يوسف:ياااذي المره الجايه طيب نشـوف..
ساره:ايوا اخبآرك انت..كيف الاهل عندك..؟
يوسف:تمآم ..وترا ؤمـي تسلم عليكِ
ساره:الله يسلمك ويسلمها.. (وجلـسو يتكلـموؤ ...)
____________
اليـــوم إللي بعــدو ..
ببيت ابو ياسر
ريناد:والله ماني مصدقه
ياسر:لا صــدقي ياؤمـي ..
ريناد:ههههههه على فـكره طالع كششخه
ياسر بوثوق:بدون ماتقولي..بس يلا عيونك الاحـلى
ريناد:فشششه ..(جات ام ياسر تكلمت شويا وبعدين راحو لبيت ابو ريهام...استقبلوهـم احسن استقبال وابو ريهام دخل ياسر مجلس الرجال..وام ياسر سلمت على البنات وجلست مع ام ريهام..وريناد جات إنبراشات عند الاء..)
الاء: ايش الزياره الحلوة هادي
ريناد بإستـغراب"لايكـون مو عارفه..!":ههههههه عيونك الاحــلى..بس من زمان ماشفناكم (دخلت ام ريهام وقالت لبنـتها تنـزل وتروح مجلس الرجال...)
الاء:أماا دحين الشوفه..؟
ام ريهام:ايوا هوا تحـت
الاء:إلا ماقلتيلي مييين...؟
ام ريهام:خلاص ادخلي وتعرفي
الاء بقلة صبـر:طيب (الاء كانت لابسه فستان طويل حق حمل لونو خربزي وشعرها كيرلي طالعه خطيييييره...دخلت طبعا ماشالت شي بس عيونها ع الارض لمن رفعـت عيونها انــصدمــت وهيا تشوف ياسر..!)
الاء"ياربي انا احــلــم شكلي..ياسر ياسر نفسوو جا وخطبنــي..؟!":........(ابو ريهام يطالع فيها بمعنى سلمي..)
الاء من الصدمه نسيت..وبإرتباك:آآه..السلام عليكم
ابو ريهام وياسر:وعليكم السلام .. (سلمـت عليهـم كـأن الوضـع عادي..وشويا وخرج ابو ريهام عشان يتكلمو براحتهم...)
ياسر:أخبآرك..؟
الاء وهي تحاول ماتطالع فيه:آأمممم تمام..
ياسر:وكيف البيبي..؟
الاء"والله وجهـو قووي":الحمد الله
ياسر:بالشهـر الكم دحين؟
الاء:بالتامن
ياسر:ماشاء الله.. (شويات ودخلو ام ريهام وام ياسر تكلمو شويا..وبعدها خرج ياسر من بيتـهم..)
ريناد وهي تدخل طايره:هاااا كيييييييف
الاء نفسها تشنقهـا بس اشرتلها بالغرفه فوق (طلعو لـ غرفة الاء وبدأ النقاش)
الاء:رييييييييييناد ياغبغب ليش ماتقوولي
ريناد:والله فكرتك عارفه واستغربت لمن قولتيلي ايش الزياره الحلوه..وبعدين سكـت وخليتها سبرايس
الاء:ياسلام انتِ من جهه وأمي من جهه ..ولا احــد يتكلم
ريناد تغمز:بس ايش رايك بأخويـآ..يهبببل صح
الاء بضحك:تصدقي إني ماشفتو تمام
ريناد:من جد..!!..والله طولتي انا قلت كحــلت عيونها البنت
الاء:ههههههه مين قال..والله حتى عيوني ماجات فـ عينه إلا اول مادخلت من الصدمه..والله فشلتووني قدام ابويا ومع سرحاني نسيت اسلـم ..
ريناد:ههههههههههههه أما كــده ..
الاء:والله لمن حسيت بنظرات ابويا استوعـبت..
ريناد:هههههههههه والله حاله
الاء بتفكيـر:ريناد بسألك سؤال
ريناد:اسالي
الاء:ايش إللي خلا ياسر يخطبني
ريناد:مدري..انا ماعرفت إلا وامي تقول ياسر خطب ..وبعدين لمن اخدت التفاصيل مين ..عرفت انو انتِ
الاء:طيب ؤمـك...؟
ريناد:آآه..ترا عرفت الحكايه مني بس قلتلها شخص مجهـول
الاء:طيب هيا موافقه عليا..يعني ماكانت متضايقه او اي شي
ريناد:لأ..كانت فرحانه لولدها اشبك انتِ
الاء:مــتأأكده
ريناد:هييي يعني بخرشلك من راسي..والله
الاء:مني مطمنـه..
ريناد:سيبيكي من دي الهرجه..إيوا ايش قلـتو..؟
الاء:ههههههههه يادي اللقافه...(وقالتلها ايش صار وبعدين دخلو الامهات)
ريناد بتكشيره:بسسسس
الاء:ايوا بس ايش تبغي كمان
ريناد:الاء اديني جوالك شويا
الاء ادتها وهي مسرحه..لفلفت ع الاسماء عند الاء وشافت اسم سارق انوثتك..مره انصدمت وشافت الرقم طلع نفس رقم اخوها ياسر
ريناد وهي تقلب الجوال:الاء ايش سارق انوثتك..؟!
الاء استوعبت انها ماغيرت الاسم بإرتباك:هااآه
ريناد:اقوول مين سارق
الاء اخدت الجوال وغيرت الاسم لـ ياسر:اخوكي ياعبط
ريناد:وإيش الاسم الرهيب هادا
الاء:هوا سمى نفسو كـدا
ريناد:عجيب والله .. (وجـلـسو ساكتين فترة وبعدين جلسو يتكلمو..ع العشاء طلعت ام ياسر عندهم..)
ام ياسر:السلام عليكم
ريناد + الاء:وعليكم السلام
ام ياسر:يلا ريناد دحين بنروح..اخوك تحت
ريناد ضحكت وغمزت لـ الاء وراحت:هيا سلآم يامرت اخويا
الاء:هههههههه مهبوله (وسلمو على ام ريهام ورجعو بيتـهم..ع الساعه 10 راحت الاء غرفة ريهام )
ريهام وهيا مشغوله:اهلين
الاء صفرت:إيش الحلآوة هادي..ماقـدر اأنا
ريهام:هههههههههه عيونك الاحـلـى ياقلبي..(بعدين جلست تطالع بأختها..)
الاء وهيا تضحك:خير مضيعه شي فيني..؟
ريهام:لا بس والله احس الحمل محليـكِ..ومع الفستان دا ششي
الاء وجهها حمر:.........
ريهام بتطفشها:وااااو بس فين ياسر..والله فاتوو نص عمرو ع الوجه الطماطم دا
الاء:هييييييي..وبعدين تعالي انتِ كنتي تعرفي إنو ياسر..؟
ريهام:افكوورس
الاء:واااو ومحد يتكلم..ترا دخلت وانا مو عارفه مين
ريهام:هههههههه أما..وايش صار
الاء:عادي ماصار شي
ريهام وهي تغـمز:وكيف شكلو..يقولو خوقـآأق من جد..؟
الاء:ههههههههه مين قال
ريهام:لا من جد..ترا انا ولا مره شفتو بس سمعت عنه وإنو مره يجنن
الاء:خلآص إيوا
ريهام:ياعيييييييييني
الاء وهي تقوم من إحراجات اختها:اقول حلو لون الفستان عليكي..وباركيلي لـ ملك ومها كثيييير واعتـذريلهم بدالي(وخرجت من الغرفه وراحت غرفتها)
ريهام وهي تضحك على حال اختها:هههههههه والله البنت هادي تحـفـه..(ريهام كانت لابسه فستان ابيض هادي بس مرره حلو عليها وعامله تسريحه في شعرها رهييبه.. بعد مده راحت ريهام زواج اغلى صحبه عندها)
في الـزواج .. - في غرفة العروسه ملـك
ريهام:والله ملك طااالعه قمـر ماشاء الله عليكِ
ملك:تسلمي ياقلبـي..كمان انتِ طالعه تجنني..حصنتي نفسك
ريهام:ايوا من البيت ..مـآأصـدق إنك بتتزوجي وبتسافري اليوم ومابشوفك إلا بعـد سنين
ملك:والله حـتى انا مو مصـدقه نفسي..لو شفتي الحاله امس في البيت ؤمي تبكي وانا ابكي معاها بدال ماأهديها
ريهام:آآه بس الله يعينها ع الوحــده..صح اخوكِ جاء..؟
ملك:يب اليوم الصبآح..
ريهام:اهاا يعني نيهاد موجوده تحت بالقاعه
ملك:إيوا...
ريهام:صح..الاء تسلم عليكِ وتباركلك
ملك:الله يسلمهـآ والله وحشتني..كيفها دحين مع الحمل..؟
ريهام:يلا الحمد الله..إللي عارفه
ملك:إيش
ريهام:انخطبــت
ملك بفرح:من جد....؟؟
ريهام:إيوا..بس لسه مالبسها..يعني بيلبسها ؤمي قالت بالاسبوع دا
ملك:اهااا..والله فرحتلها قلبـي..باركيلها..والله يتمم على خير
ريهام:إن شاء الله (شويا جات مها ..سلمت ريهام عليها وقعدو شويا مع بعض ..)
مها:والله قهـر..الزواج ناقصـو اختـك..
ريهام:ههههه يلا المره الجاية ان شاء الله بزواجك
مها ابتسمت وهنا دق جوالها:عن اذنكم بنات
ملك وريهام:إذنك معك ..(وخرجت تكلم اخوها شويا ورجعـت..)
مها:ترا اخويا جاي عشان يتصورو
ريهام قامت:ؤوكـ (باست ملك على خدها وهمستلها موفقه وخرجت مع مها لتحت..جا أنـور وسلم عليها وباركلها وتصـورو..وانـزفــوا على خيــر ..وفي نهايـة الزواج بعد لمن روحوا الناس جا الوقت الحاسم إللي ملك مره ماتبغاها..وهوا إنو تسافر بعيد عن اهلها وصحباتها..ودعـــتــهم بحرآره وهي تبكي ...)
ريهام تهديها:خلاص ملوك لاتقلبيها حزن..افرحي اليوم عرسك
ملك والدموع تزيد وتزيـد:والله ماقدر ابعـد عن جده
ريهام:هيا كلها كم سنه وترجعـي تعيش هنا ان شاء الله ..
ملك بتنهيـده:آآه كلو منـه..(طبعا بدي اللحظه كانت مها تودع اخوها الوحيـد...)
ريهام:خلاص ملوك إللي صار صار..ودحين رايحـتـلو يعني خليكِ طبيعيه ..
ملك وهيا تحضنها:ؤوكـ والله مايشجعـني إلا كلآمك ونصايحـك..وعقبآآلك يآرب..وسآمحيــني كثير عشان مابحـضـر زواجك..تعرفي الظروف
ريهام:هههههه والله مسامحتك ياقلبـي خلاص (شافت ساعتها)..هيا روحي لزوجك ترا لنا نص ساعه شكلو طفش من كثر مايستـنى (وغمزتلها)
ملك:هههههههه دووبه ..هيا مع السلآلآمـه ..(وخرجـت طبعا امها ودعتها من امس كثيير الوداع وكمان في الزواج ودعتها وبكيو اكثر أما صحباتها فكانـو يهدوها وهما حزنانين عليها...)
___________
رجعت ريهام البيت وهيا شعورها مختلط بالفرح والحزن..فرحانه لزواجها وزعلانه لفراقها..بس خلاص ايش تسوي الظروف مو بيدها..
ريهام وهي تدق باب غرفة الاء,بهمس:بنت
الاء:ادخلي
ريهام:ؤوف صاحيـه
الاء:ماجالي النوم..(شافتها بالعبايه..)دوبك رجعتي.؟
ريهام:يب دحين..بس كلو البيت كلو نايم
الاء:اآأمممم شكلو ومابقي إلا انا وانتِ
ريهام:طيب انا كمان بروح اغير لبسي وانام
الاء:لآلآلآلآ..لحظه فيكي نوم انتِ..؟
ريهام:آأإمممم مو مره...ليش..؟
الاء:طيب روحي بدلي وتعالي حكيني كيف الزواج
ريهام:رآآيقـه انتِ..بكره بكره (وخرجت لغرفتها)
الاء:يوؤ اشبها دي..(طلعت جوالها ودقت على مها صحبتها..)
مها:هلا والله بالقاطعه
الاء:افااا انا قاطعه..طيب اخبآرك اول..ومبروك على اخوكي
مها:هههههههه..تمام..والله يبارك فيكِ وهادي رابع مره تباركِ
الاء:زيادة الخير الخيرين..المهم اسمعي كيف الزوااج..ووينك انتِ
مها:انا دحين بالسياره راجعه البيت..والزواج كان حلوو بس ناقصـو انتِ..وكتيـر صحباتنا يسلموؤ عليكِ
الاء:اهاا..الله يسلمهــم يآرب..طيب فينك انتِ دحين قريب البيت
مها وهيا تطالع الشباك:إيوا قريب
الاء:طيب اول ماتوصلي وتغيري وووإلخ ..بس قبل لاتنامي دقي عليا
مها بتلميح:طيب ..وحتى انا في كلآم كثيير اباكي تحكيني ياه
الاء فهمت تلميحها:ههههههههه إن شاء الله..يلا سي يآ (وقفـلوو وبعـد نص ساعه دقت مها وجلسـو يتحكــو لين طلعت الشمس وهما سهرانين..)
____________
طبعا قبل دا كلـو كان في عرسان جدد.. بالفنـدق ..
ملك ماكانت زعلآنه على أنـور داك الشي..يعني متقبلتـو تقريبًا
أنــور:ماشاء الله اليوم طالعه بتجـنـني
ملك بحيا:عيونك الاحــلى ..
انور:ؤوك..يلا اتعـشـي عشان ننام
ملك سكتت ووجهها طماطم وانـور عاجبو شكلها وهيا مستحيه..بعد لمن خلصـو العشاء دخلـوا غرفة النوم و....................> تعرفو دوبهم متزوجين *_^ )
____________
اليــوم إللي بعـدوا
طبعا كان هاذا الاسبوع ايجازة في المدارس..ريما صحيت اول وحده بالبيت غسلت وجهها واتوضت وصلت ونزلت تحت شافت البيت هـــآآدي رجعت وقررت تدق على ريناد تشوف إذا صاحيه ولا لا..بس سمعت صوت من غرفة فيصل)
ريما"غريبه فيصل صحي بدري للشغل..!":..........(راحت عند غرفتـو بس ماسمعـت إلا كلمة ؤوك سلآم حياتي..اتوقعتها ريهام فـ ابتسمت وراحت غرفتها..)
ريما"ؤوف رنوود ردي..":.....
ريناد وصوتها كلو نوم:الوو
ريما:هلا والله
ريناد:ريما يقلع فيسك ترا ايجازة..إيش إلي مصحيكِ
ريما:يووه ريناد يلا قوومي يكفي نوم شوفي الساعه 7 الصباح
ريناد:تصبحي على خير (وقفلت منها وكملت نومها...)
ريما:ههههههههه اشبها دي..(دقت على صحبه عندها بالمدرسه تعرفها تصحى بدري وطبعا ردت وجلسو يثرثرو لين الساعه 8 وربع خرج فيصل من غرفتوو ونزل يفطر)
فيصل وهوا يشوف ريما تتكلم وتضحك استغرب طالع في ساعتو استغرب اكثـر ايش إللي مصحيها وإجازة وكمان ع التلفـون غرييبه..!..بعـد لمن قفلت ريما من صحبتها راحت البلكونه إللي كانت مفتوحه ع المجلس والجو روعــه..:صبآح الخير
فيصل:صباح النور..غريبه صاحيه
ريما:كح كح .. تعرف مابا اخبـص نومي على اسبوع ..
فيصل:ؤوهووو طيب بس يافلسفه افطري.. (جلـسـو يفطرو شويا وبعدين صحـي عبد العزيز وكان مرووووق على الآخر..)
عبد العزيز وهوا يجلس:صباح الفل والورد والياسمين
ريما وفيصل:يقلااع ؤم الروقان
عبد العزيز:ههههههههه شايفين كيف
ريما:لا وكمان كاشخ..ايش عندك
عبد العزيز:إلا انتِ ايش عندك صاحيه بدري
فيصل:رايح مكان..؟
عبد العزيز:يب يب
ريما:فين؟
عبد العزيز:مايمدحو اللقافه ترا
ريما:بلا هبل قوول
عبد العزيز:ههههههه خلاص طيب..بروح اتمـشى مع خطيبتي
فيصل وريما:اهاااااااا
ريما وهيا تطالع بـ فيصل:اتعلم من اخوك
عبد العزيز ماقدر يمسك نفسو:ههههههههههههههههههههههههه عجبتني منك ريوم..والله نفس لهجه أمي
فيصل مكشر:طيب طيب
ريما:لا من جد..ولا مره سمعتك تقول بروح اخرج زوجتي..هادا وانتو مملكين على بعض
فيصل:دحين انتِ ايش حارق رزك؟؟
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك