رواية شوفوا الزمن كيف قاسي مخلي راسه براسي -27
الاء:لييه ايش سويتي
ريهام:مع نفسك ماني قايله
الاء:ريهااااااام
ريهام:نوب نوب..
الاء يأست منها:طيب وبعدين..كيف صحيتوو
ريهام:هههههه ايش كيف صحتوو دي عادي..وبعدين رحنا نسلم على ؤمي وابويا وبعدين رحنا بيت عمي جلسنا شويتين وسلمنا ورحنا المطار
الاء:يووؤ تصـدقي ؤمي وابويا قدآآمـه
ريهام:وه ماتستحـي
الاء:ههههههه من جد من زماان ماشوفتهـم..وآخـر مره كلمتها أممم قبل 5 ايام كدا
ريهام:منجد قليلة ادب..دقـي عليهم والله عيـب..
الاء:وانتِ متى دقيتي آخر مره..؟
ريهام:آأه يوم السبت
الاء تضربها:تقهررري..يعني 5 ايام زيي
ريهام:هههههههه أماا
الاء:والله وتتفلسفي كمان..خلاص اليوم خميس بكره الجمعـه دقي وانا كمان
ريهام وهيا تضحك:ؤوكِ طيب..
ساره:هييي انتوو (لفو ريهام والاء..)
ساره:ازعجتووونا.اهدأوو شويات
الاء:هههههه طيب طيب بنسكت ...
________________
الـيـوم زواج ساره ويوسـف ..
في القاعـه البنات كولهم عند ساره
ساره:هههههههههه
الاء:امسحي دموعك والله بيحسبوكي تبكي بعدين
ساره:هههه خلاص اسكتو طيب ناوين عليا انتوو
ريهام تضحك:تسسستآهلي خليني اطفي غليلي منك في يوم زواجي
ساره:ههههههههه والله خلاص هيا بنات بطني توجعني من الضـحـك
ريناد:وقسسم إنـك انهبلـتي
ريما:على معلوماتي وحده يوم زواجها تكون هاديه وتستحي اما دي فاسختها وتحش وتنكت
ساره:وه قوولو ماشاء الله ..شكلكم بتدوني عيـن
البنات:ماشاء الله تبارك الله
ريهام:باين على عمتـك حبووبه
ساره:يب حتى اخوات يوسف..(جات هناء بس محد يناديها على اسمها كلهم يقولوها هنو..)
ساره:جبنا سيرة الأط جالنا ينط
هنو:وه تحشوو فيا هاه
البنات:هههههههههههه
ساره:البنات يبو يتعرفو عليكِ
هنو:اهـآآ حتى انا نفسي اتعرف عليكم..(وجلست ساره تعرفهم على بعض..)
ساره:آأممممم وبس
ريناد:طب عرفينا عليها
ساره:هههههه ؤبس نسيت..هادي هنو عمرها 19..اخت يوسف الصغيره وعنده اخت متزوجـه..اسمها هاله
الاء:واااي ياحليلها قدي
هنو:هههههههه بس انتِ متزوجـه انا مخطوبه
الاء:اهاا الف الف مبرووك
هنو:الله يبارك فيكي ياقلبي..(اتذكرت..)..يوؤ ترا انا جايه هنا اقولك شويا ويوسف بيجي بس شكلي قعدت اثرثر معاكم
ريهام:هههههه الله يرجـك..(وطلعوو كولهم وجا يوسـف ..)
يوسف:السلام عليكم
ساره:وعليكم السلام
يوسف باس خدها:كيفك ياحياتي..؟
ساره:تمام..وانت اخبارك
يوسف:تماام بشووفتك..الف مبرووك
ساره ويلا صوتها ينسمع:الله يبارك فيك..(بعدين جات المصوره وقعدو يتصـورو..)
ع الزفــــه ..تمت على خير انزفـوو وقطعو الكيكه وبعدين استقرو في الكوشـه..اخدو كم صورة عائلية وبعدين جو اهل يوسف وسلمو عليه وباركوله...
_____________
عـنـد الرجال ..
عبد الرحمن يكلم جوال:افاا والله ماهقيتها منك ماتيجي
سلطان: بزواجك ان شاء الله
عبد الرحمن:هيا سلطون بلا هبل.تعال حتى لو شويا اجلس معانا
سلطان بعـد تفكير:اسمع انا اصلاً جاي اجيب اختي..وبمر على قاعة الرجال
عبد الرحمن:كمااان..يعني جايب اختك وماتبغى تيجي عندنا
سلطان:هههههههه طيب يلا نشووفك
عبد الرحمن:سلام..(وقفلوو..)
سلطان طالع بساعتوو:الساعه 3 تخرجي
العنود:سلطططن بلا نذاله..
سلطان:ايش في نذاله انتِ التانيه
العنود:مره قليل ودحين الساعه وحده
سلطان:عادي اهـم شي تشوفي ساره على قولتك
العنود:ؤؤف..وليه اخرتنـي كلو منك..كان من اول رحت..دحين دقت بشاير تقولي انزفوو وخلاص..
سلطان:طيب عادي
العنود وهيا تفتح الباب:يااابرودك ياشيـخ..
سلطان:هههههه سلام..والساعه 3 لا اكثــر
العنود:طيب طيب ..(ودخلت القاعه..)
عند البنات
الاء:هههههههه احس يوسف لو سمع صوت ساره كويس
ريما:بااين عليها بتدلع عليه وبتتكلم بصوت واطي..ونحنا خرمتلنا اذانينا بصوتها
ريهام:ههههههههههه حراام عليكي
ريناد جات هيا وبشاير:والله انتو ماتسيبو الحش حقكم
ريما:انتوو فين كنتو..؟
بشاير:بالحمامات الله يكرمك
ريما:اهـآآ
بشاير شافت العنود وراحتلها:هلا والله
العنود حضنتها:اهليييين ..كيفك والله لك وحششه يادوبه
بشاير:تماام وانتِ كيفك ايش اخبارك
العنود:تماام التمام..(ودتها عند البنات وسلمت عليهم وقعدت معاهم..)
العنود:ماشاء الله سوسو طالعه وحده تاااانيه
ريهام:يب كولنا قولنا كـدا
العنود:بس ماشاء الله قــمـــر..الله يصبر زوجها
ريهام:هههههههههههه دا ونحنا بنات قولنا كدا..اجل الشباب مانلومهم
العنود:بقووة
ريهام:إلا صح مبرووك ع الخطوبه..والله راحت على بالي
العنود:لآلا عادي..الله يبارك فيكي حياتي ..(بعــد لمن خرج يـوسف..فسخو الطرح وراحو عنـد ساره في الكوشه..)
العنوود:ياهلا وغلا
ساره:وااااي اهلا وسهلللا
العنود:اخباارك ياقلبي
ساره:تماام الحمد الله وانتي كيفك وحشتيني
العنود:وانتِ اكـتــر..سوري والله تأخرت ومالحقت اشوفك فوق
ساره:يلا معليش..
العنـود:كلو من سلطان الله يهديه بس
ساره على طول اتـذكرت سطان حق زمان وابتسمت
بشاير:طاالعه خطيييره يابنت
ساره:عيوونك الاخطـــر
الاء:متى حياخدك
ساره:والله مدري..اصلاً انا حدي خاايفه من دا الشي..عوايدهم مو زينا..يعني إللين مايروحو الناس نروح..هما لأ..ممكن في اي وقت تيجي عمتي ام يوسف وتقلي يلا
الاء:واااااااو من جد شي يخووف زي كـدا..
ساره:مرررره
الاء:إلا فين رايحين
ساره تستهبل:كازاخستان
الاء:ياششيخه هههههههه والله حااله..هيا فين
ساره:سويسرا
الاء:وااي ياحليلك عاد لااوصيك تصووري
ساره:هههههه طيب
الاء:وكم قاعدين
ساره:اسبوع حق الايجازة في شغله
الاء:اهـآآآ ..(شافو ام يوسف جايه..)
ساره بإربتاك وتطالع بالاء إللي تضحك:ششكلهااااا
الاء:هههههه إلا مو شكلها وبس اكيـد دامها شاقة الابتسامه كـدا
ساره:هيي اسكتي ان شاء الله مو دحين(جات ام يوسف)
ام يوسف:اهلين بنات
ساره والاء:اهلين
ام يوسـف فيها ضحك:هيا سوسو ماودك تروحي مع يوسف
ساره قمــة الخوف:آآه..عمتي مو بدري
ام يوسف تطالع في الساعه:ههههه والله حاسه فيكي..بس شويا وبتيجي 3 الليل..ومتى يمديكم عاد تناموو..وراكم ليلة طويله (وغمزت)
الاء ماقدرت تمسك نفسها بعد شويا منهم وجلست تضحك وتطالع في ساره
ام يوسف:هاه ايش قلتي شكلك مو ناويه بالمرره
ساره:آأااا..عمتي بليز قوليله كمان شوياا
ام يوسف:آأمممم طيب بكلمه وبقولك (وراحت..رجعت الاء وهيا تضحك..)
الاء:هاه ايش صار..؟
ساره مسكت يد الاء:وقسم اني ميته رعـب
الاء:طيب قولي ايش رايحه دحين..؟
ساره:لا..راحت عمتي تكلم يوسـف وبتردلي..قلتها كمان شويا بجلس مالي ساعتين
الاء مبتسمه بخبث:الله يكون بعونك
ساره تبا ترد بس جاأو ضيوف وسلمو عليها وباركولها وبعده جات ام يوسف
ام يوسـف:يقول طيب إلين 3 ونص كفايه
ساره لاشعورياً:وواي فديييييييته
ام يوسـف ضحكت وراحت
الاء:ههههههه الله يرجك ماتقدر تمسكي نفسك إلين ماتروح
ساره:ياشيخه عادي..
___________
عند الرجـال
عبد الرحمن:هييا دحين..والله بدري يارجال
سلطان:خلاااص اصلا وعدت اختي الساعه 3 تطلع..
عبد الرحمن:والله إنك تقهـر..
سلطان ابتسم وبعدين قال:إلا تعال ..فين فيصل ماينشاف من بعـد ماتزوج
عبد الرحمن:والله جاء اول وبعديـن تعـب مره وروح..
سلطان:يووه قهر ماشفته..طيب لو شفته اي يوم سلملي عليه
عبد الرحمن:ان شاء الله يوصـل..
سلطان:هيا سلام (وقبل لايروح طالع بيوسف نظـرة حقققد وخـرج..عدا على اختو العنود)
_________
بالسـيـارة سلطان هااادي او بالأصـح مقهووور على ساره..
العنود:ايوا كيف الزواج عندكم..؟
سلطان:.......
العنود:هيي اتكلم انا
سلطان انتبه:هاه
العنود:اقول كيف الزواج عندكم
سلطان:حلو..وانتِ كيف انبـسطـي..؟
العنـود:ايوا مرره فلله عندنا
سلطان:كيف طلعت العروسه
العنود:وحـده تاااانيه سوسو ياقلبي عليها بس تجننن ماشاء الله
سلطـان"ااه ياساره عذبتيني معاكِ":اهـآآآ..
___________
في القاعـه ع الساعه 3 ونص ودعـت ساره امها واهلها واهـم شي البنات
الاء بخبث:لا اووووصـيــــك
ساره:ههههه روحي انقلعي
الاء:ههههههههه مقبوله عروستنا
ساره حضنتها:هيا نشووفك على خيرات
الاء:ان شاء الله..(وراحت مع يـوسـف للفنـدق..والباقيين من الضيوف كملوو سهرتهم وبعدين رووحوو..)
____________
بالفـنــدق عند ساره ويوسف..بعـد ماتعشـوو
يوسف مسك يدها:هيا ننام
ساره قامت معاه وقلبها يدق بقوووة
يوسف وهوا مافي غير شعره بينه وساره,بخبث:بقوولك شي بس لاتـنـصدمي
ساره استغربت مع خوفها:ايش
يوسـف:انا حـق بنااااااات
ساره تنحــت بصدمــه راح كل خوفهاا بكلمته,حاولت تبعـد بس لامفـر من يوسف
ساره وهيا تبكي:يووسف حرام علييك تسوي فيني كذا والله حراام
يوسف ضحك:اشبك ياقلبي كدا..بس اقـلـك يعني احسن مما تعرفي لوحدك وتنجرحـي وحركات البنات..
ساره وهيا تبكي بحرقه على حضهاا:وليش اتزوجتني دامك حق بنات
يوسـف:آأمممم تقدري تقولي تسكيت للأهـل..
ساره وهيا تبعـد منه وترتجف خوف:وانا ايش ذنــبي..
يوسف:ذنبك انك زوووجتي و..................................=(
ـــــــــــــــــــــــــــــــ
إلا هنا قد انتهــى البارت الـ 31..
قـرآءة ممـتعـة وان شاء الله يعجبـكم..
|||..الشوق ذبحني..|||
تذكير بالبارت السابق..:
... ترف عرفت انها بنت عبد العزيز...
...عبد الرحمن عقد قرانه على مها ...
...عبد العزيز طلق ترف...
...فيصل قابل رازان حبيبتو في مليزيا ...
...بعـد اسبوعين من الاحدااث ...
...رازان سوت سحر لـ فيصل وحالتوو كل مالها تسوء مع ريهام ...
...ريهام شافت رازان في عزومة بشاير ...
...ام فيصل انتهبت لـ تغيير ولدها كثيير ...
....البنات اتفقوو وراحو عند ساره سبرايس ...
...زواج سساره ويوسف المأساوي...
...........
البـآآرت الـ ثاني والثلاثين / 32:
ببيت ابو فيصل - بعد لمن رجعوو من الزواج ريهام وام فيصل وريناد ...
ام فيصل:تصبحو على خير
ريهام وريناد:وانتِ من اهله ..(وكل واحد دخل غرفته..)
ريهام دخلت الغرفه استغربت فيصل مو موجود:معقووله لسه ماروح..؟! (فسخت عبايتها واخدت جوالها ودقت عليه..اداها بزي..!..)
ريهام:انا تديني بزي يافيصل..طيب اصلا الشرهه مو عليك الشرهه عليا انا إللي خايفه وداقه عليك ..مااالت ..(دخلت الحمام واخدت شاور ولبست ونامت..)
_____________
اليــوم إللي بعدوو - بالفندق..
يوسف فتح الباب:اهلك اعتقد سلمتي عليهم امس..يعني مايتحتاج..
ساره مشيت وهيا مقهووره وساكته ...(وبعدين راحو بيت اهـل يوسف..وقف يوسف السياره وبعدين دخلو مع بعض..)
ساره"ياخوفي انصدم منهم زيما انصدمت بيوسف":......
يوسف:السلام عليكم
ماكان في الصاله غير امه:وعليكم السلام..ياهلا
راح يوسف وسلم عليها وبعدين ساره
ساره:كيفك ياعمتي
ام يوسف:الحمد الله تمام..وانتِ ايش اخبارك..؟
ساره:تمام الله يسلمك...(وبعدين يوسف طلع عند اخته هنو..وبعد ربع ساعه نزلو هوا وياها..)
هنو من الدرج:هلآلا هلا هلا تو مانـور البيت
ساره ابتسمت:منور بوجودكـم ..(وبعـد سلام وكلام ودعوهـم..)
يوسف:سلميلي ع الوالد لو رجـع..وعلى هاله
ام يوسف:يووصـل..مع السلامه ..(وراحوو المطـآر..)
فـ السسيآرة
يوسف:اشبك ساكته..
ساره"مافيا افتح نقاشات معاه":ايش اقول
يوسف:عادي اتكلمي..زيما كنتي تكلميني ع الجوال
ساره ببروود:داك أول
يوسف:والان ايش تغيرر..
ساره"ولآلآهمه يقهرر..":......
يوسف ابتسم:لا يكوون عشان اعترفتلك حق امـس
ساره معصبه وسااكته
يوسف بضحكه:والله انتوو يالبنات دلــع..انا بصراحه رجال صريــح..مايعجبني اخبي شي..بذات انو انتي الان زوجتي..يعني احسن مما تعرفي لوحدك انا قولتلك..وعشان ماتزعجيني لو تأخرت عليكي
ساره"حقيييير واحد":لا عااادي..
يوسف:ايش يعني ماحتزعلي لو ماجيتك بيوم
ساره:بالعكس بنبسط
يوسف انقهر من برودها:اهااا..كويس بردتي قلبي..(وكملوو الطريق ساكتين وساره بقلبها بس تسب فيه..)
_______________
ع السـآعـة 10 الصبآآح صحيت ريهام بس برضو مالقت فيصل
ريهام:مارجـع من امس..؟!؟!؟ (راحت الصاله شافته قاعد يتفرج...)
ريهام:اهلين
فيصل بدون مايطالع فيها:هلا
ريهام:فين كنت امس..؟
فيصل:لا والله..ؤمي وابويا ماسألوني دا السؤال تيجي انتي
ريهام:عادي انا زوجـتك..
فيصل:برضوو ماتدخـلي فـخصوصياتي
ريهام:مابدخـل..بس انا دقيت عليك واديتني بزي
فيصل:لا ياشيخه..اصلاً متى دقيتي
ريهام:بعد لمن رجعت من الزواج
فيصل:لا مادقيتي
ريهام معصبه منو:شووف جوالك طيب
فيصل طلع جواله وبعدين شاف اسمها.."هههههههه اما رازان ادتك بزي..برضوو احسن..":.....
ريهام:شووفت
فيصل اخد مفتاحه وجنب الباب:كم مره اقلك انتي مالك دخـل فياا (وطلع وسابها)
ريهام رمت نفسها ع الكنب:مع نفســك..يعني مرره مهتمتلك انت ووجهـك..ؤوف اكرهــك (بعـد تفكير جات ببالها فكره نستها من اول..)
______________
بالهـند - عند ترف
ترف رايحه جايه ومعاها ميار:يوو كل مالها ترتفع حرارتها..(قعدت واخدت الجوال من الطاوله ودقت على عبد العزيز إللي بعـد رنتين رد..)
عبد العزيز"اكيد مو داقه إللا لو بنتي فيها شي":ميار فيها شي..؟!
ترف:عبد العزيز حرارتها مرررررره مرتفـعه
عبد العزيز بحيره:انا ماقدر اطلع الان..خوديها انتي ع المستشفى
ترف:لآلآ ماعرف لدي الشغلات
عبد العزيز:طيب حاولي تخففيها..انا نص ساعه وطالع..دحين مرره ماقدر
ترف:طيب سلام..(وقفلت وجلست تحط لميار كمادات مويا بارده..وهيا شكلها مرره تعبان ووجها شويا ويزرق)
بعـد نص ساعه جا عبد العزيز واخد ميار ع المستشفى مع ترف إللي خايفه عليها مررره ..ولمن تأخر الدكتور
ترف:يااربي مافيها شي..يارب سآلمـه
عبد العزيز:آمين..(بعـد فترة خرج الدكتور ووجهو مايبشر بالخير..بعـد الترجمه)
الدكتور:للأسف البنت توقف قلبها..والبقية في حيآآتكم ..
ترف طبعا مو فاهمه شي بس فسرتها صح من ملامح عبد العزيز بعـد لمن راح
ترف وهيا دموعها نزلت:عبد العزيز ايش فييها....؟؟؟؟
عبد العزيز وهوا ماسك راسه:ماتت
ترف صرخت:ايييش...(وجلست تبكي..صحيح مو بنتها ولا لها علاقه فيها ..بس هيا إللي كانت تهتـم فيها طول الايام وعبد العزيز بالجامعه..لدرجة انها تبكي اكثر من عبد العزيز إلي بس نزل دمعتين عليها..)
عبد العزيز بحزن:يلا نـرجع البيت
ترف حضنتو لا شعورياً:الله يكون بعوونك على فقدها
عبد العزيز مو مصدق"ترف حاضنتني معججزة..":آمين..(بعد ثواني استوعبت وبعدت عنه وهيا تمسح دموعها..)
ترف"استغفر الله منك ياترف..دحين هوا طليقك وتحضنيه..الله عليكي":معليش نسيت
عبد العزيز:عاادي..هيا نرجـع ..(ومشيت وراه وبعدها كل واحد راح شقتوو..)
_______________
ببيت ام ياسر- في غرفة ام ياسر..كلهم مجتمعين هناك معاد ياسر في الشغل
ريناد:لالا طفشنا من ابها..ابا اروح الباحه
الاء:لا دا ولا دا
ريناد:ؤمل فين..؟
الاء:الطايف
ريناد:لالا الباحه احـلى
الاء:لاااا مدة طويله بنخنق بالسياره لو كدا
ريناد:لا ياشيخه اجل الطايف كم ساعه..
الاء:3 ساعات اما الباحه كتيره 6
ريناد:بلآ خرش 5 ساعات تقريباً
الاء:ايوا عمتي انتي ايش رايك ووين نروح..؟
ام ياسر بضحك:إللي موافقين عليه نروحو
ريناد:خلاص الباحه
الاء بتقهرها:ماافي..انا بقول لـ ياسر الطايف وبيوافق
ريناد:ؤوف نذذله
الاء:هههههه احسن..والله مااحب اقعـد في السياره مدة طويله
ريناد:طيب بروح اصحي عمعم
الاء:ياااويلك
ريناد:هههههههه استهبل..هيا نطلع البلكونه حر هنا
الاء:لا هناك الجو الحلو
ريناد سحبتها:اقول امشي بس هنآآك
الا قامت وهيا تضحك لأنه باين في كلام تبغا تقوله..لمن جلسو في البلكونه
الاء:ايوا ايش عندك
ريناد:اباكي تحكيني عن داك اليـوم
الاء:إشمن يوم..؟
ريناد:هييي لولاش لا تسوي غبيه
الاء:هههههه اه عررفت..والله مع زاتك
ريناد:يلآلآ بليز
الاء:لا تحـآآولي..إلا صح انتي خارجه اليوم مو..؟
ريناد بدون نفس:ايوا بس لا تغيري الهرجه..
الاء:هههههه وين..؟
ريناد:آأمممم عند صاحب سلمان
الاء:وايش وداكي انتي هناك
ريناد:سلمان يبغا احد يروح معاه..وعشان صاحبو عندو اخت بقدي
الاء:اهااا..على فكره نفسي اشوف سلمان الان..ماشفتو غير مره وحده ديك الايآآم حق المزرعه
ريناد ضحكت:وااااو تتذكري..والله كانت مغامره خطنططر
الاء:هههههه بقووة
ريناد:طيب بيأدن المغرب وبيجي مع السواق وشوفيه
الاء:ؤووكِ..إلا ايش اسم اخت صاحب سلمان
ريناد:والله مدري
الاء:هههههه فشله تروحي وماتعرفي اسمها
ريناد:ههههه عادي (اذن وراحو يصلوو وبعدين جاء سلمان ودخل يسلم على ام ياسر والاء..)
الاء:وااااو كبررر
ريناد:ههههه زيما هوا بس اللهم اول سنه تالت دحين رابع
الاء نادتو وبعدين جاء
سلمان:هلا
الاء:اتذكرتني..؟
ريناد:هههههه مرره حلووة..اقول بس انا بطلع البس عبايتي (وراحت غرفتها..)
سلمان:زوجة ياسر
الاء:ههههه ادري..بس ماقد شوفتني مره
سلمان:آآأمممم ماعرف..بس شكلك مو غريب
الاء بضحكه:انا إللي شفتني في المزرعه
سلمان فتح عيونه:انتي إللي كنتي مع ريناد وريماا..؟
الاء:ايووااا..وماشاء الله تعرف ريوم
سلمان:هههههه ايوا زمان تيجي هنا عند ريناد وانا كنت اجي والاقيها
الاء:اهااا
سلمان:والله اتغيرتي
الاء بإستهبال:للأحلى اكيد
سلمان:ههههههههه..(نزلت ريناد..)
ريناد:يلالا لولاش سي يآآ وبوسيلي عمعم لو صحي
سلمان:يووه حتى انا ابغا اشوفوه
ريناد:ههههه احسن نايم..لو رجعنا تعال عندنا
سلمان:طيب هع
الاء:بتطوولو هناك..؟
ريناد بإستهبال وهيا تقفل باب السياره:مدري..بس لاتستنيني ع العشاء
الاء:مررررره ..(بعـد لمن راحوو ربع ساعه و جاء ياسر..)
ياسر:سلام
ام ياسر + الاء:وعليكم السلام..(بعد لمن سلم عليهم..)
ام ياسر:عارف آخر الاخبار
ياسر:؟؟
ام ياسر:قوليلو يالاء
الاء:آأمممم نبا نسافر بدي الاجازة
ياسر ضحك:حركاات حركتاات..وين تبوو تروحو..؟
الاء:مكان مو بعيد..الطايف
ياسر:أمااا يعني بالسياره
ام ياسر:ايوا
ياسر:اهااا..والله غالي والطلب رخيـص..بكلم سلطن يديني اجازة واوديكم
ام ياسر:ومعانا سلمان
ياسر:اهاا حيآه والله وحشني
ام ياسر:جاا قبل شويا وراح مع ريناد
ياسر:وين..؟
ام ياسر:عند صاحبه
ياسر:وريناد ايش دخلها...؟
ام ياسر:عند اخته
ياسر:اهاااا..إلا بس سلمان
ام ياسر مافهمت كويس:ايش
ياسر:يعني مو اختو معانا
ام ياسر:لآلآلآ بس لحالو
ياسر:اهـآأإ طيب..إلا متى تبغو تروحو..؟
ام ياسر والاء:بكره
ياسر قام:طيب بكلم سلطان وبجي..(وراح برا ودق عليه وبعد حوارات..)
ياسر:انا مادقيت عليك نهرج..بس بقولك ابغا اجازة كدا كم يوم
سلطان:هههه وانا اقول مو داق إللا عندك مصلحه طيب ليه..؟
ياسر:ههههههه اكيد..عشان بسافر
سلطان يستهبل بصوت بنت:وه وه وفين بتروح عني انت عارف اني ماقدر على فرقاك
ياسر:هههههههه الله يرج ابليسك..انت اليوم مرره مسططل
سلطان:بقووة هع..إلا فين رايح؟
ياسر:الطايف مع الاهل
سلطان:اهـآأإ..ؤووكِ بس متى
ياسر:بكره
سلطان:اهاا تروح وتيجي بالسلامه..
ياسر:آمين........
________________
عند سلمان وريناد دخلو البيت وكان معاهم صاحب سلمان سعيد
سعيد:هيا نلعب
سلمان:طيب (وسابو ريناد وراحو..)
ريناد"ؤف ايش ذي النذااله جد بزرآآن..بس فين اخت سعيد سابوني وراحوو مالت عليهم..":...........
......وهوا يفتح الباب:رينآآآآآد
ريناد"بسم الله دا صوت رجال يناديني ..؟!!!":....!!
......:ياريناااد
ريناد"اشبو دا..شكلو من جد يقصدني":......(خرجت من الغرفه بهدوء وشافت الرجال وقاف وشكلو يستنى احد)
ريناد بصوت واطي:نعم..؟
محمد رفع راسه"مين هاذي..؟!":.........(وطلع الدرج بسرعه..)
ريناد:"عمى يناديني ولمن رديت يصفني ويروح من جد قلة ذووق":......(ورجعت المجلس إللي كانت جالسه فيه وهيا مقهووره..طبعا كانت لسه لابسه العبايه وحاطه الطرحه بإهمال..بعدربع ساعه انفتح الباب ودخلت بنت حلوة)
...:السلام عليكم
ريناد:وعليكم السلام
.....:انتي اخت سلمان
ريناد:ايوا
.....:يووه سوري اتأخرت عليكِ
ريناد:لا عاادي..اهلين..(وسلمو على بعض..)
......:انا اسمي ريناد سنه ثالث متوسط
ريناد فتحت عيونها"يعني هيااا إللي كان يناديها..واااااااو فششششله وانا رحتلو استغفر الله عليااا..":آآه ..وانا كمان ريناد وسنه ثالث متووسط(ريناد اخت سلمان - رينااد اخت سعيد >عشان تفرقو بالالف هع)
رينااد:اهااا زي بعض ههههههه..طيب حيآآكي فوق..مايعجبني اقعـد هنا
ريناد:ؤوكِ..(وطلعوو هيا وياها غرفة رينااد وجلسوو يتكلمو مع بعض..واغلب الكلام تقريبا رسمي..بس فالنهاية انبسطو مع بعـض..)
________________
بيت مها
مها:اورنج ولا تفاح
رانيا:لا دا ولا دا
مها:اجل ايش..؟
رانيا:اقوول انتِ مره مسويتني ضيفه..اجلسي اجلسي بس
مها قعدت:ههههههه..ايش عندك..؟
رانيا:اباكـي تحكيني عن ملكتك روحت بدري يومتها وانتِ ماحكيتيني ايش صار لمن دخل وكدااا
مها:دحين جايه عندي عشان احكيكي
رانيا:وجع..وجاية اونسك كمان
مها:ههههههه طيب بمزح..آأمممم خليني ازكر
رانيا:ازكري ياجدتي (بعـد فترة)
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك