رواية شوفوا الزمن كيف قاسي مخلي راسه براسي -28
بيت مها
مها:اورنج ولا تفاح
رانيا:لا دا ولا دا
مها:اجل ايش..؟
رانيا:اقوول انتِ مره مسويتني ضيفه..اجلسي اجلسي بس
مها قعدت:ههههههه..ايش عندك..؟
رانيا:اباكـي تحكيني عن ملكتك روحت بدري يومتها وانتِ ماحكيتيني ايش صار لمن دخل وكدااا
مها:دحين جايه عندي عشان احكيكي
رانيا:وجع..وجاية اونسك كمان
مها:ههههههه طيب بمزح..آأمممم خليني ازكر
رانيا:ازكري ياجدتي (بعـد فترة)
مها:ايوا يلا
رانيا:لا كملي بلاهي عليكي
مها:هههههه لا خلاص ازكرت كول شي..المهم انتي روحتي بدري ع الساعه 9 عشان سفركم
رانيا:إللي بعدوو
مها فاطسه ضحك:طيب طيب..آأمممم لمن روحتي جلست معايا لولاش اغلب الوقت وكانت تيجي اخته شويا..وبعدين جاء وجلس في الصالون وبعدها انا دخلت هههههه والله كنت مستحيه مرره..المهم قعدت وجلست معانا امو في البداية وبعدين لبسني وزي كدا وطلعت
رانيا متحمسه:كملي
مها:وبسس جلسنا نتكلم واخد رقمي..وانا تقدري تقولي صوتي يلا ينسمع واجاباتي مختصرره حتى حسيتو شويا وبينفجر ضحك مني
رانيا:ههههههه الله عليكِ من وين طلع دا كل الخجل بلاه
مها:هههههههه والله مدري..وآأمممم بس ماطولنا وبعدين طلع وانا دخلت عند الحريم إللي يزغرطوو ومادري ايش..
رانيا:كيف كان فستانك
مها:ياششيخه إللي يسمعك يقول ماشوفتيني
رانيا:هههههه طيب نسيته عيديه
مها:يوه نساايه..طيب كان لونه بني عريان وشعري مفتوح وبسس
رانيا:ااهاااا..ايوا اتذكرتك
مها:هههههه هبله
رانيا:عارفه إني بنام اليوم عندك
مها اتذكرت:لآلآ روحي
رانيا:وجججع بدال ماتقولي حيآكي البيت بيتك تنوريه
مها:ههههههه مولت..بس
رانيا غمزت:بس ايش..؟
مها:دووبه..اليـوم الصبآح دق عليا وقلي بيدق علياا وبيكلمني مره ولهان عليا
رانيا:هههههههههههه اموؤوؤوت انا
مها:والمشكله انتِ مووجودة ماقدر اخد راحتي
رانيا:لا لو كـدا ارووح
مها:هههههه استهبل اقعـدي مو قلتيلي اهلك سافرو
رانيا:ايوا
مها:اجل بتروحي تقعدي مع مين
رانيا:اصلا ماني رايحه بس كلام
مها:ههههههههه من جد تقهري
رانيا:المهم ترا حمسستيني يلا متى بيدق
مها:ايش دراني انا..اصلا حتى لو دق بروح الغرفه وبقفل
رانيا:هههههآأإي بتكلمي قدآآمي ياقلبي
مها:مرره متهيأأه لو كدا
رانيا:طيب هوا متى دايم يدق اي وقت
مها:آأمممم ع الوحده زي كداا
رانيا:اهاا يعني بعد ساعتين..وكم تقعدوو
مها بنص عين:شهالقااافه
رانيا ضربتها بالمخده:خلاص مابا اعرف..اصلا اليوم بشوف بنفسي هع هع لاااا وكمااان ولهآآآن عليكي ههههههههه
مها:وربي إنــك...(ماكملت لانو دق جوالها..)
رانيا قربت منها:مين
مها:هههههه مو هوا ياهبله
رانيا:على باالي..اصلا شوفي دحين بدري 11 هـآأع
مها:قومي بس نتفرج الفيلم
رانيا:يلا..(شغلت الفيلم إللي رانيا جابتو معاها وجلسو يتفرجو..)
ببيت ابو فيصل - عند ريهام
ريهام: ؤووف متى يرجـع..ماابغا ادق عليه يديني بزي..ولا اني ناقصه اتهزأ..خليه يرجع بكيفه ..(وجلست في الغرفه التانيه تستنآآه يجي..وع الساعه وحده جاء)
ريهام"بدري":......
فيصل:هلا
ريهام"اوووريك يافيصل":......(وطنشته وماردت..)
فيصل:دووم مو يوم..(وراح ودخل غرفة النوم)
ريهام"عممممى في شكلك":.........(بعد فترة قامت ودخلت الغرفه تاخد جوالها..لقته يكلم ع السرير..)
ريهام لا شعورياً:ماغيرها
فيصل:هيا اكلمك بعدين..(وقفل وطالع فيها..)..ايش قلتي..؟
ريهام:سلآمتك بس كمل عادي
فيصل عصب وقام:ايووا انا اكلمها عندك ششي..اعلا مابخيلك اركبيه..واصلا من اليوم ورايـح انا مالي علاقه فيكي خآآلص
ريهام عصبت معاه:تريحــني وربي
فيصل معصصب اداها كــف ومسك راسه على طوول
ريهام"اناااا تضربني يافيصل...؟!!!!...بس مارح اسكتلك..":..........
فيصل بتعب:انتي طاالق ..(وبعدها طاح ع السرير من قوة الصدآع..)
ريهام استوعبت الكلمة إللي قالها بس مانزلت ولا دمعه من عينها وعلى طول راحتلو:فيصل فيصل
فيصل مغمى عليه:...............
ريهام شافت بالمرايه:يووه مكان الكف احمرر..يلا ان شاء الله محد يركز..(ونزلت تحت وصحت ريما عشان تصحي امها وابوها..بعد دقايق العايله كلها عند فيصل..)
ام فيصل:ايش صاار..؟
ريهام:مادري قالي..(ماقدرت تتكلم)..كدا طاح فجأه وهوا ماسك راسه
ابو فيصل:يلا نوديه المستشفى..(وبعدين رفعوه وودوه المستشفى بسرعه..بعــد ساعه خرج الدكتور وبعدها راح ابو فيصل معاه وسمحلهم يدخلوو عند فيصل..)
دخلت ريهام وام فيصل وريما..وبعدين جاء ابو ريهام وخرجو ريهام وريما..وقالها الموضوع إللي قاله الدكتور عن فيصل
فيصل وهوا يفتح عيونه:أآمممم ررا......
ام فيصل قاطعته:الحمد الله ع السلامه ياولدي
فيصل بتثاقل:الله يسلمك
ابو فيصل:الحمد الله ع السلامه (واشر لـ ام فيصل وفهمت..وجلست تمسح عليه وتقرأ قران..)
فيصل يهز راسه ومنزززعج مرررره..وابوه مراقب الحاله..وام فيصل تكمل قرايه
فيصل وهوا حاط يدو على اذنو:خلاااااااااص وقفي
ابو فيصل طالع في ام فيصل بأسا وبكيت
ابو فيصل بحزن:امشي نطلع مو هنا..(بعـد لمن خرجوو من الغرفه..)
ريما شافت امها تبكي:ؤمي ايش فيه فيصل..؟!!
ام فيصل تبكي وماردت:......
ابو فيصل:لآلآ مافيه شي خطير..(ماتطمنت ريما بس راحت عند ريهام..)
ابو فيصل:خلاص اهدأي..ان شاء الله خير..من بكره اول مايخرج نوديه عند شيخ يفك عنه السحـر
ام فيصل بحزن:الله لا يساامح إللي سوى فيه كذا..يارب..(وبعدين روحو كولهم لأنه مافي زياره إللا بكره..)
__________________
ببيت ابو عبد الرحمن
ام عبد الرحمن:والله البيت مو حلو بدون ساره
ابو عبد الرحمن:صدقتي
عبد الرحمن:إلا هيا متى راجعـه..؟!
ام عبد الرحمن:بعد اسبوع
عبد الرحمن:اهــآأإ..طيب تصبحو على خير
امه وابوه:وانت من اهله..(وطلع غرفتـه..)
عبد الرحمن"آأمممم والله من جد وحشتني بنت الايه":........(اخد جواله ودق عليها..)
__________________
ببيت مها
رانيا:وه واخييييرا دق
مها:ايش رايك تكلميه انتي بدالي
رانيا:هههههه لالا عيب
مها:مالت عليكِ..(وقامت عناد في رانيا ودخلت الغرفه وقفلت المفتاح وردت..)
رانيا بصوت واطي جنب الباب:اورريكي يامهوها.. والله لا اجلس جنب الباب..(ومن جد قعدت جنب الباب وجلست تسمع..)
عبد الرحمن:هلا وغلا بروحي..أخبآآآرك..؟
مها:الحمد الله تمام ..وكيفك انت..؟
عبد الرحمن:تمآآم دامك تماام
مها:دوومـآأت ..
عبد الرحمن:تدوم ايامك....(وبعـد كلام طويل).ايوا ايش عامله
مها:ولاشي
عبد الرحمن:هههههه طيب باجي بيتكم
مها:أمااا عاد..مره لأ
عبد الرحمن:لييه ماتبغيني يعني..
مها:بالعكس حيآآك..بس عندي بنت عمي
عبد الرحمن:اهاآأ..طيب لمن تنام
مها:بتنام معايا
عبد الرحمن يستهبل:انحرااف
مها:هييييي لا تفسر غلط
عبد الرحمن:ههههههه امزح..طيب ياقلبي والله ولهآآآن عليكي وابغا اشووفك جيبيلي حل
مها"الله يرجك يارانيا هع ..جيتي بوقت غلـط":مافي حـل
عبد الرحمن:طيب ايش اسوي مشتآآآآقلك
مها بصوت واطي:مي توو
عبد الرحمن:وااااو ياقلبي فدييييتك
مها راحت وطـي:عبد الرحمن غيير الهرجه
عبد الرحمن:هههههه طيب..عارف استحيتي
مها:ههههههه
عبد الرحمن:فديت الضحكه وراعيتها..
مها:عبد الرحمن ترا من جد استحيت
عبد الرحمن:هههههه طيب طيب..يعني ادخل بالموضوع طوالي
مها:أآممممم ايوا
عبد الرحمن:بس كنت بكلمك بموضوع الزواج
مها"جالي إللي اخس منو":.......
عبد الرحمن:اشبك ردي
مها:ايوا معاك
عبد الرحمن بخبث:ههههه باين...والله شكلك رحتي بعالم آآخر
مها:والله انت إللي عليك تفكيرااات
عبد الرحمن:خطيييره زيي
مها:مررره
عبد الرحمن:هههههه طيب ايش قلتي..كم تحتاجي وقت لـ تجهيزك
مها:والله ماعرف
عبد الرحمن:طيب ايش رايك شهرين
مها:وااااو ماكأنو قليييل
عبد الرحمن:ههههه لا مره مو قليل..ساره اختي شهر قالها..يعني انا رحمتك
مها:بصرآآحه مره قليل
عبد الرحمن:ع العموم انتي احسن منها..ها ايش قلتي..؟
مها بعد تفكير:آأممممم طيب..بس بكلم اخويا كمان..عشان لازم يحظر
عبد الرحمن:ايوا لازم تقوليله عشان يجي..ولا مايصير الزواج بدونه(ودق الباااب بقووة حق غرفة مها)
عبد الرحمن بضحكه:قومي شوفي بنت عمتك ايش صرلها
مها:هههههههه طيب..(وراحت وفكت الباب..)
رانيا:كسرتيلي ظهري من القعدة جنب الباب
مها بصوت واطي:احسن محد قالك تتسمعي..(وقعدت ع السرير ورجعت تكلم عبد الرحمن..ورانيا جلست جنبها وفاطسه ضحك على شكل مها..)
عبد الرحمن:ايوا صح وتختاري يووم كويس
مها:كيف كويس..؟
عبد الرحمن ضحك بخبث:يعني يكون اليومين إللي قبلو مخلصه الدورة منك
مها"يوؤ احراجااات":.........
عبد الرحمن:اكيد استحيتي
مها ووجها احمرر:اجل تتكلم بدي المواضيع وماتباني استحي
عبد الرحمن:ههههههه طيب أهـم شي وصلت المعلومه
مها:ايوا خلاص يلا غيير الهرجه
عبد الرحمن:يافديت إللي يستحوو
مها طالعت بالساعه:يوؤ الساعه دحين 4 الفجر
عبد الرحمن:ايش دي التصريفه المحترمه
مها:هههههههه وربي مو تصريفه بس بنت عمي تبا تنام
عبد الرحمن:طيب تنام اشلك فيها
مها:لا بننام مع بعض
عبد الرحمن بتنهيدة:ااااااااه ياقلبي
مها بخوف:ايش فيك..؟!
عبد الرحمن بخبـث:ياليتـني بنت عمك
مها استوعبت قصده ووجها قوس قزح:سي يآ ..(وقفلت وهيا ميته خجل..)
رانيا:ههههههههههههههههههه بلاااااه امااااااانه ايش قالك
مها:ناقصتك انتي التانيه
رانيا:الله يخليييك مهوها قوليلي ايش اخر كلمة قالها
مها:مالك دخل
رانيا:مهوووها يلآلآلآ
مها بصوت يلا ينسمع:قال ياليتني بنت عمك
رانيا فطسست ضحك:حق بننام مع بعض هااه ههههههههههههه
مها ضربتها بالمخده:روحي انقلعي نامي
رانيا فاطسه ضحك وتستهبل:مابنام مع بعض
مها:لأأ..روحي الغرفه التانيه سريع
قامت رانيا ولسه تضحك وقبل لا تقفل الباب سمعت صوت مسج من جوال مها ودخلت:ايش كتـب
مها:انتي لسه مارحتي..
رانيا راحت جنبها:يلا افتحي المسج
مها:مابا ابعدي شويا
رانيا:لآلآ قداامي
مها المفضول ذبحها وفتحتو وجنبها رانيا
[ هههههههههه ماتوقعتك لدي الدرجه تستحي ..بس بصرآآحه يجذبني حيآآكِ كثيرررر..هيا تصبحي على خير دامك بتنامي..]
رانيا:ياهوؤوؤوؤو يجذبوو حيآآك هههههههههه
مها قفللت الرساله:يلا روحي غرفتك بنام
رانيا قامت وارسلتلها بوسه ع الهوا وخرجت..
_______________
اليـــوم إللي بعــده
ببيت ابو فيصل - جناح فيصل..طبعا طلع من المستشفى ورجـع البيت واهله كلهم عنده..
ابو فيصل يكلم زوجته بهمس:خلاص اليوم ان شاء الله
ام فيصل:بتقله انه...؟
ابو فيصل:ايوا..(وطلعو برا يتناقشو..)
ريما:انا بروح اشرب مويا..(وراحت للمطبخ)
فيصل:انتي ايش إللي قعدك معايا..ماكفاك الكف إللي اخذتيه امس..وزيادة ذا كله طلقتك
ريهام كان يتكلم ويجرحها بكل كلمه يقولها بس ساكته:مو عشانك انا صابره عشان عمتي بس وكمان تعبان
فيصل:وآآضح..ولو تبغي راحتي تراها في فراقك
ريهام قامت بكرامتها وطلعت"انا لازم اقول لـ عمتي انو طلقني امس..":.......(خرجت من جناحهم وراحت المجلس لقت ام فيصل وابوه يتكلمو..وبعدين قام ابو فيصل وطلع فوق عند فيصل..)
ريهام:عمتي
ام فيصل:ايوا
ريهام:ابا اعترفلك بشي
ام فيصل:خوفتيني ايش في..؟؟
ريهام:امس فيصل طلقني
ام فيصل بصدمه:ايييش..؟!!
ريهام:ايواا..
ام فيصل كانت بتقولها بس كملت ريهام
ريهام:بس انا عليا الدوره يعني مايـصح الطلاق
ام فيصل اتنهـدت:ايوا يابنتي..وكمان اتمنى ماضايقك فيصل بالايام إللي راحت
ريهام"ضايقني وبسس..":......
ام فيصل:ياريهام فيصل مسحوور
ريهام تنحت بصدممه:هآآه...؟!!!!
ام فيصل:فيصل مسحور..وان شاء الله اليوم عمك المغرب بيوديه عند شيخ
ريهام دوبها تستوعـب ودمعت على حآآلو يعني كل الكلام إللي قالو والتصرفات لها ماكان بعقلوو:الله يكون بعونه
ام فيصل:آمين ....(بعـد مدة نزل ابو فيصل وقبل لا يخرج...)
ام فيصل:قلتلو انه مسحور
ابو فيصل:لأ..يلا مع السلامه انا المغرب جآي
ام فيصل + ريهام:مع السلامه ..(وطلع وبعدين طلعو عند ريما وجلسو عندها..)
عــنــد فيصل..
فيصل وهوا يقوم من السرير:طيب باي حيآتي..شويا وجايك..(اخد شاور ولبس ونزل..وطبعا مافي احد شافه بالبيت انه خرج..)
________________
ببيت رازان مع نوره ..
رازان ميـته فررح:ماني مصدقه يانوروو
نوره:هههههه الف الف مبروووك
رازان:السحر جاب فايده
نوره:من ججد..بس متى بتفكيه..؟
رازان:آأمممم اليوم بيتزوجني يعني قريب بفكه لإني مااستحمل شكله يتعذب كدا
نوره:اهـآأإ..طيب متى جاي
رازان:الان بالطريق
نوره:ااها....(بعـد ربع ساعه جاء فيصل وكتبو كتابهـم واتزوجوو رسمي..)
فيصل:الف الف مبرووك ياقلبي
رازان:يبارك بعمرك حياتي
نوره:تتهنوو ان شاء الله..(وبعـدها راحو الفندق لانو زواج طوالي وكان برايهاا طبعا و................)
_____________
ببيت ابو فيصل - بالمجلس
ابو فيصل:وين اختفاا..؟؟؟
ريهام وام فيصل:مادري
ابو فيصل دق على جواله مقفل:استغفر الله..(وجلسوو يستنه ساعتين..وبعدين اعتذر لـ شيخ إنو بيوم ثاني...)
ابو فيصل وام فيصل طلعو ينامو..وبقيت ريهام..
ريهام:يووه مره مو وقتـك يافيصل..(طلعت عند ريما إللي عرفت بالحكاية وحزنت مره على اخوها..)
ريما:مافي خبر عنو..؟
ريهام:لأ..وجواله مقفل
ريما:طيب هوا متى بيرجـع عادةً
ريهام:تبغي الصراحه..الايـآم الاخيره مره يطوول يعني للفجر يجي
ريما:وااااو..الله يهديه بس
ريهام:آمين..
____________
بـ سويسرا - عند ساره ويوسف
يوسف:سوسو ياقلبي لاتكوني معقـده كدا
ساره:بلاهي..يعني دوبك تكلم بنت قداآمي وماتبغاني انقهرر
يوسف:افااا كلو ولا قهـرك يالغلا
ساره بحزن:يوسف انا من جد حبيتك..بس انت مره ماقدرت حبي لـك
يوسف:وه الرأفـه..ؤوكِ ايش تبغيني اعمل..؟
ساره:تبـطل
يوسف:آأمممم دا الشي راجعلك
ساره:ايش دخلني انا..؟؟
يوسف:يعني ممكن بـ شطآرتك ابطل..
ساره تنهدت:مرره لأ
يوسف:ههههه تفاألو
ساره غيرت الهرجه:طيب اليوم فين حنروح..؟
يوسف:براحتـك اي مكان يخطر على بالك قوليلي ياه..
ساره:آأممممم......
____________
اليــوم إللي بعـده -بييت ابو فيصل في سيارة فيصل
فيصل:هيا اشبك مابتدخلي..؟
رازان بتوتر:خايفه
فيصل:من مين ..؟
رازان:آأمممم ريهام
فيصل:ريهام وطلقتها..وورقة طلاقها بتيجيها اي يوم..ايش بقي
رازان اقتنعت:طيب يلا..(نزلو من السيارة ودخلوو وكان في الصاله ام فيصل وابو فيصل ع الفطوور..)
فيصل:سلام
ابو فيصل وامه بإستغراب من البنت إللي معاه:وعليكم السلام..
فيصل:كيفكم
ابو فيصل وامه:الحمدالله بخير
ام فيصل وهيا تطالع برازان:ماعرفتناا..؟
فيصل:اهاا..هادي رازان.. زوجـتي..!!!
................
ـــــــــــــــــــــــــــــــ
إلا هنا قد انتهــى البارت الـ 32..
قـرآءة ممـتعـة وان شاء الله يعجبـكم..
|||..الشوق ذبحني..|||
تذكير بالبارت السابق..:
... بنت عبد العزيز (ميار) توفـت !...
...عائلة ياسر بيروحو الطآيف...
...ريناد راحت مع اخوها الصغير (سلمان) عند صآحبو واتعرفت على اخته إلي زي اسمها =)...
...فيصل طلق ريهام..واهله عرفو انه مسحوؤور...
...فيصل إتزوج رازان في نفس اليوم إللي كان ابوه بيوديه عند الشيخ...واليـوم إإلي بعـده وداها بيته..!!!
...........
البـآآرت الـ ثآلث والثلاثين / 33:
ام فيصل وهيا تطالع برازان:ماعرفتناا..؟
فيصل:اهاا..هادي رازان.. زوجـتي..!!!
ابو فيصل وقف مصدوووووم:..........!؟!!
ام فيصل صرخت وبعدها اغمى عليها..
ابو فيصل وهوا يرش مويا عليها:رووى..رووووى..(ام فيصل)
وبعدين تقدم فيصل وساعده يرفعوها ع الكنب..وبعدها لمن ماشافو فايده وماقامت..
ابو فيصل:انا حوديها ع المستشفى..انت(وطالع برازان بإحتقار..) روح قول لزوجتك الاولى عن فعلتك ..(وطلع مع ام فيصل إللي ساعدتها الخدامه في المشيه..)
رازان:يعني زوجتك لسه ماطلقتها..؟؟
فيصل بصدآع:إلا بس محد عارف..وماوصلتلها الورقه
رازان:اهـآآآ..
فيصل:انا بروح اكلم اختي وبجي
رازان:طيب ..(وطلع عند اختوو..ورازان جلست في الصاله..ثواني ونزلت ريهام )
ريهام:عمتيي..(شافت رازان قاعده واستغربت..)
ريهام راحت لها"غريبه ايش جابها هنا مو عند اختها..؟":اهلين
رازان بغرور:هلا فيك..
ريهام"ايش بها دي تتكلم من طرف خشمها وججع":أخبآآرك..؟
رازان:تماام
ريهام قعدت ع الكنب"ماالت ولا كلفت على نفسها تقول وانتي كيفك جد قلة ذوؤوق":آأمممم فين عمتي؟؟
رازان تلعب بشعرها وبدون ماتطالع فيها:بالمستشفى...
ريهام"عمتي بالمسـتشفى ايش فيها..؟؟؟!":لـ....>تبغا تتكلم بس قاطعها فيصل
فيصل:هيا رازان نروح
ريهام تنحت بعدم استيعآب:على وين
فيصل مسك يد رازان:لـ بيتناآ
ريهام:وبأي صفه..؟
فيصل وهوا يقفل الباب:زوجتي..(وسابها بصدمتها وطلع مع رازان..)
_____________
ببيت ام ياسر- لمن رجعوو سلمان وريناد وحكت الاء ايش صارلها
الاء:هههههههه يافششلتك وانتي زي الهبله رايحه
ريناد فآآطسه ضحك:وانا ايش دراني انو يقصد اخته..والله حاله
الاء:أهـم شي عدا على خير
ريناد:على قوولتك ..(جات ام ياسر..)
ام ياسر:يلا بنات روحو ناآمو بكره ورانا سفر
ريناد:يووه صح..ؤوكي تصبحو على خير..(وبعدها الكل رآح..وسلمان نام عنـدهم..)
______________
بيت ابو فيصل - ابو فيصل وريهام وريما عند ام فيصل قاعدين
ريهام:الحمد الله على سلامتك عمتي
ام فيصل بتعب:الله يسلمك..وين فيصل
ابو فيصل:جا في المستفى بس كنتي مخدره وبعدين راح
ام فيصل:اهاا..ريهام اكيد شفتي زوجته الجديده..يابنتي الله يحفظك سامحيه
ريهام بدون اهتمام:لآلآ عادي ياعمتي بالعآفية عليه..بس ماصدمني غير انو زوجتو اعرفهاا
ريما بهمس لريهام:ومين زوجته الجديده الله ياخدها..؟
ريهام بهمس:رازان إللي شفناها عند بشاير
ريما شهقت:اخت ريناد..؟!؟!؟!؟!؟
ريهام:اييوا..ؤس امك تعبانه ياخبله
ريما منصدممه:طيب وريناد تعرف
ريهام:مادري
ريما قامت:بروح اقولها..(وطلعت برا الغرفه ودقت على ريناد وماردت وجلست تدق وتدق..)
ابو فيصل:مين هيا زوجته؟؟
ريهام:آأمممم اخت ريناد من الاب
ابو فيصل انصدم وسكت...
_______________
اليـوم إللي بعـده - بالسيآرة عند ياسر
ريناد:ؤف ظهـري انكسسر
الاء جنبها:اجل تبغي الباحه هاا
ريناد:هههههه لآلآ غيرت راأيي..(طالعت بعمر)..ملآك وهوا نايم ماشاء الله
ياسر:اكيد طآلع لأمو فدييتها
الاء:كح كح
ريناد تضربها على ظهرها:صحه صحه خخخخخ
الاء:هههههه على ألبـك
سلمان:يسور
ياسر:هلا
سلمان:كم بنقعد هنآك..؟
ياسر:يومين
سلمان:اهاا
______________
ببيت ابو فيصل - ع العـصـر جاء فيصل البيت
ريما:هلا
فيصل:اهلين فيكي..وين ؤمي..؟
ريما:فوق
فيصل:لحآلها ولا عندها احـد..؟
ريما:لا عندها رهوم
فيصل:ؤوففففف..(وطلع الجناح فوق..دق الباب ودخل)
فيصل:سلام
امو وريهام:وعليكم السلام
فيصل سلم على أمو وواضح انها زعلانه منه
فيصل طالع بريهام:اتفضلي برا
ريهام"اصلا من قبل لاتقول انا بطلع":.......(وقامت وخرجت من الغرفه..)
ام فيصل:ايش ذا التعامل يافيصل
فيصل:اجل كيف اعاملها
ام فيصل:هي زووجتك
فيصل:لا مو زوجتي طلقتها..
ام فيصل:ان لله وإن إليه راجعون..طيب لحظه
فيصل:خدي راحـتك..(اخدت الجوال من الكمدينو ودقت على ابو فيصل وقالتلو يجي...)
ام فيصل:دحين ابوك جآي
فيصل:ايش حقه..؟
ام فيصل:بيجي وتشوف..إلا صح..انت امس وين نمت..؟؟
فيصل:بفندق
ام فيصل:ايش..؟!!
فيصل:ايوا عبال مانلاقيلنا بيت
ام فيصل:وليه البيت رح تسكن هنا
فيصل:مافي مكان
ام فيصل:في جنآآحك لكم..وجناح فهـد الله يرحمه رح افتحو لك ولريهام
فيصل:ريهاام طلقتهاااا
ام فيصل:لا...(ماكملت لأنو ابو فيصل جاء)
ابو فيصل:السلام عليكم..(بعـد السلام والكلام)
ابو فيصل:فيصل تعال معاي
فيصل استغرب:وين..؟
ابو فيصل:بقولك بالسياره
فيصل قام:طيب يلا ..(وطلعوو وركب سيارة ابوه وراح معاه بنص الطريق رن جوال ابو فيصل الشيخ وكلمه وهوا حزنان عليه وعلى ولده فيصل)
فيصل:ايش فيك..؟
ابو فيصل:واحد من اصحابي اخوه مات اليوم الله يرحمه..خلاص رح نرجع البيت
فيصل مو فاهم ابوه على ايش ناوي:طيب..(رجعوو البيت وتفاجأت ام فيصل)
ام فيصل:ايش حصل.؟؟؟
ابو فيصل بدون مايسمع فيصل:الشيخ دق عليا واعتذر اليوم اخوه في الدمام مات لازم يروح يعزي
ام فيصل:اهااا..الله يرحمه يارب..ومتى قالك..؟
ابو فيصل:بعد بكره الموعـد..هيا انا طالع
ام فيصل:مع السلامه..(ورجع ابو فيصل الشركه وبعدها بقليل خرج فيصل شغله برضو..)
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك