رواية شغب في مدارس الرس -7
ندى- احسن ياخبله خلي سمعتك طيبه...بعدين اذا اللي ما يسمع اغاني مو ملتزم ...وشو الملتزم....
مها- الملتزم اللي يصوم كل اثنين وخميس...ما يترك النوافل....ينهى عن المنكر....وانا اشوف منكرات انكرهن بقلبي ولا اقدر انكرهن لا بلساني ولا بيدي .....
ندى- اها......
مها- تركتي الاغاني!!
ندى- تقريبا.....صرت اقلل...
مها- تكفين تركيهن....
...................................
............................
مها – امي قالت لي ارجع بدري...صعبه اطول اكثر من كذا ...
ندى- بس شوي ..ماشبعنا منك
مها- بكره المدرسه ان شاء الله اشوفك
ندى اخذت نفس وقالت- خلاص...براحتك...
مها تلبس عبايتها ...وقالت- اشوفك على خير...وخوذي لي طريق
ندى- تعالي...
مشت وراها وهي تلف الطرحه...
ندى – لحظه مها....ابو اسرار جالس بالصاله مع ابوي....بقولهم...
وقفت تنتظر....
سمعت صوته وهو يقول لندى- عادي عادي قولي لها تنزل ...انا اعمى .
حست لن االعبره خنقتها....
امتلت عيونها بدموع....رجعت لها ندى وقالت- يالله تعالي........
مشت وراها الى ما طلعت ...
كان احمد بالسياره .....يطالع فيها بس ماكانت تدري ان بالسياره احد......
وهي تمشي...مسحت دموعها اللي ماسكتهن ...
احمد- تصيح !!...اكيد هي تصيح والا بس كذا ......لا لا شكلها تصيح......وش فيها...عسى مافيهاا شيء.....
راحت لبيتهم ........
احمد بقلق- ليش تصيح!!...اكيد انها ماجت الا عشان تقول لندى شيء.......ايـــه نسحب الكلام من ندى ....نزل وسكر الباب ...وهو يطالع فيها ...الى ما ابعدت .......
دخل البيت
قال- السلااام عليكم....
الجميع- وعليكم السلام....
جلس وكانت ندى قدامه....كان يطالعها ويشوفها تفكر بعمق واضح انها متضايقه ....
احمد- ندو ...وش فيك ....
ندى طالعت فيه وقالت- سلامتك...
فيصل- وش فيها؟؟؟
ندى- ولا شيء...
أبوها- أكيد انها تبي خويتها تجلس عندها وراحت البنت ......
ندى ابتسمت وقالت – اصلا مافيني شيء...
سامي- ما فيها الا العافيه...وين فايزة .
فايزة تكلم بالجوال بخوف- لحظه ...لا لا...أنا ما قصدي....تكفـــ....
-أنا ما ابي منك الا شيء واحد....لا تكسحيني مثل ذاك اليوم....
فايزة- ياغيدا وش فيك انتي.....تدرين اني ما احبك.
غيداء- طيب صداقه بس صداقه ....
فايزة اخذت نفس وقالت- اصلا من وين جبتي رقمي؟؟
غيدا- ماعلينا من هذا ....انا علي ان بكره لااازم اسولف معك...
فايزه- فترة الاستراحه بس ...وبعدها ...لا تطلبين شيء....
غيداء بضيق- طيب خلاص....اوامر ثانيه يا عسل....
فايزة- ولا شيء ...مع السلامه
سكرت وهي ما تدري من وين جتها كل هالقوه ....بس انها ردت عليها....
فايزة – نشوف وش عندها بكره ....
......................
دخلت البيت ودموعها ما جفت .....
مرت من عندهم ولا كلمتهم ولا سلمت ...
مراام- فيه شيء اسمه السلام عليكم.....
حاتم التفت لها وهو يطالعها مو طبيعيه ..أكيد فيه شيء مضيق خلقها ...اخته ويعرفها...دايم ضحكتها على وجهها ......
امها- وش فيها....
حاتم- كيفها كيفها.....غيري القناه
امه- لا وش تغير...وش زين هالمسلسل
حاتم- يمه من متى طحتي بالمسلسلات .....
مرام- كيفها وش عليك منها....
امه- وش اسوي ....لاصرت فاضيه اقابله...
حاتم- تراه حرام
مرام- من متى تعرف الحرام والحلال انت وخشتك...ايه جيد بالنذاله....
امه- بس ما اتابع حرام...بدايه وبس....
حاتم-خخخخخخخخخخخخخخخخخخخخ اجل حتى انتي ...آفآآآآآ وش تقرين يمه؟؟
امه-ههههههه بلاوي الحريم وانا امك...
مرام ابعدت عيونها عن حاتم باحراج...
حاتم- حطي بدايه بدال هالمسلسلات ...نشوف سوالف البنات والحريم....
مرام- يا سامج....
قامت ورمت الريموت عليه .......
حاتم-ههههههههههههاي اخذت اللي ابي....
...........................
...........................
مها ....نزلت عبايتها ...وجلست تفكر بفيصل....فعلا اعمى ....ليش تحس اذا شافته ان قلبها ينبض بقوة ...هي متأكده إنها ماتحبه ....
مها ودموعها بعيونها وقالت- طيب ليش اصيح عشانه...أنا ما احبـــه ...ما أحبـــه ....
دخلت مرام بسرعه وقالت- يوووه من اخوتس هذا ...ما ينعـــ......
سكتت وهي تطالع فيها مصدومه ....
مها مسحت دموعها بسرعه وقالت- ما تعرفين تطقين الباب....
مرام- مهاوي.....شو بنا....
مها- ولا شيء......اطلعي ...أنا مانمت ...ابي انام ...ما نمت الظهر ...
مرام- لا جد ميمو شوبنا؟؟؟
مها- يابنت الناس والعالم مافيني شيء فارقي...
اتسطحت وغطت نفسها بالبطانيه وقالت- اطلعي وطفي النور وسكري الباب....
مرام تفكر وقالت- طيب...
طلعت وسكرت النور والباب .....
......................................
فايزة- تتوقعينه عادي.....
ندى- انتي ما سويتي غلط...البنت بتجلس تسولف معك شوي ...يعدين كلها ربع ساعه وتفتكين منها....
فايزة- فيه بنت قالت لي....يمكن اقدر اعدلها....
ندى- هي اكبر منك وشلون تعدلينها ....
فايزة- ما ادري........
ندى- المهم ماعليك ...لا تصيرين خوافه ....اصلا هي عادي بنت مثلك...
فايزة- نشوف بكره ....
ندى- بروح اشوف العشاء....قبل شوي امي تصلحه ....وفيصل مو معجبه الوضضع ان امي تطبخ
فايزة – ياهالفيصل...طفشنا ترااه
ندى- بروح....
طلعت ...مرت منعند احمد وكان بالصاله جالس وماسك الجوال ....قال- ندى تدى ...
طالعته وهي تمشي وتكمل مشيها- وات؟؟؟
احمد- تعالي....ابيك بسالفه ....
ندى قربت منه وجلست جنبه وقالت- وش عندك...مو بالعاده...
احمد- وش فيك انتي ...اليوم مو معجبتني ؟؟؟
ندى- مافيني الا العافيه
احمد- الا من جت البنت وانتي مو على بعضك...
ندى- سالفه تخص البنت ..وش دخلك...
احمد- لا بس لاني شفتها تصيح وهي طالعه
ندى طيرت عيونها وقالت- تصيح......مها تصيح؟؟؟جدك انت؟؟؟
احمد- ما ادري....بس اشوفها تمسح عيونها...تبين اساعدك بمشكلتها....
ندى نطت وقالت- فيصل...
احمد- قلت انا مو فيصل...
ندى التفتت له وقالت- وانا وش ابي بمساعدتك...بعد قلبي فصولي...
تركته وراحت ....
احمد- يامال الوجع ....انا اللي ابعرف السالفه ....مو فيصل....ليتني سكت ..
......................
فيصل- وليش ندمانه.....بالعكس....احسن نفعتيها....اكيد هي بنفسها ما تبي ناس ما يبونها...
ندى- بس ما توقعت انها بتصيح....
فيصل- يوه ...وش يصيحها؟؟
ندى- احمد يقول شفتها وهي تمسح عيونها...يعني صاحت ...
فيصل- لا ما اتوقع انها تصيح
ندى- فيصل....يشينك عاد.....وش اسوي...
فيصل- اسئليها بكره ...قولي انتي صحتي عشان البنات ....بعدين انت تخيلي نفسك مكانها...بتصيحين على بنات ما يبنك....
ندى تفكر- آآآآآ لا
فيصل- خلاص انتهينا...
.....................
حاتم فتح الباب بشويش ...كانت الغرفه باااارده ....طالع بالمكيف كان مشغل....اتجه لريموت وطفاه وقال- مها ...قومي العشاء ......
التفتت له وقالت وهي تصنع ان فيها نوم- أيـــش ...عشاء هالحزه ؟؟؟
حاتم- ايه ...قومي...بعدين تراك ماتعرفين تمثلين...
صدت عنه وقالت- اقول ...ممكن تطلع بكمل نومتي ...
حاتم ابتسم وقال- ومن متى نومك خفيف من اول ما تسمعين اسمك تنطين ؟؟؟
مها نست ان هاذي فيها وقالت- ما نمت غفيت بس....
حاتم- ايه ايه ماشاء الله عليك....
مها- يووه ياشينك اطلع بنام....
شغل الانوار وقال – عينك بعيني....
تغطت بالغطاء ....صعد على السرير وهو يسحب الغطاء عنها....
وهي تصارخ ....
حاتم- مسويه قويــــــه ...
مها- اتحداك تسحبه....
سحبه بقوة ....تركته فجأة.......و.........طررررررررررررررخ من فوق السرير ...قامت وهي تضحك.....هربت برا وقالت- قوي هاااااااه...
قام وهو متكسر.......
حاتم- مافيها شيء الدبه وانا متعني وقايم عن العشاء عشانها .....
.......................................
جلست وقالت- سلاااام...
الجميع وعليكم السلام....
جاء من وراها وضربها مع راسها بخفيف وقال- الخبل اللي يتعنى عشانك ...
مها ابتسمت وقالت- ثانكس خيوو....
سكتوا وهم ياكلون ......
ابوهم- الا عمكم ....بينقل لبريده ....
مها قلبها يرقص من الوناسه ...طارق بينقلع .....
مرام طالعت مها وابتسمت ....
امه- افا ليش؟؟
ابوهم – يقولون كل اشغاله ببريده ...بس طارق اللي يدرس...وطارق كيفه ...مو مجلسهم وهم كل شيء لهم هناك....بعدين البيت اجار.....يعني بريده اجار واريح ...
امهم- الله يوفقهم.....
حاتم- وطارق وين بيروح؟؟
ابوه- وين بيروح يعني......قسم مجلس الرجال كله له ...
مها..كح كح كح ......ايـــــــــــــــــــــــــــــــــش........ يبه ....
مرام- عندنا!!!
حاتم- يعني هنا؟؟
ابوهم- ايه ..عيب عليكم هذا ولد عمكم ...بعدين ...خميس وجمعه يروح لأهله ...
حاتم- اها...
مها مصدوومه – شــ شــ شــ شووو....يبه انت ..انت تكلم جد؟؟؟
ابوها طالعها بنظره ...
بلعت لسانها من الخوف ....
امهم- هذا ولد عمكم ..عيب عليكم انكم ماتبونه....
مرام- انا عندي عادي....بس مها ....
فارس- الحمد لله....انا بروح انام....
حاتم- نعل ابوك بليس....انت ماتشبع نوم...دب البندا ما يسوي اللي تسويه ....
فارس-كيفي وش دخلك....
امه – انت وش جايك على خوانك اليوم...
حاتم- نشاط زائد...
طالع مها كانت مصدومه وتطالع الارض....
حاتم- كولي كولي....مو حاصل لك غيره ....
مها صرخت وقالت- لااااااااااااا ...
وقفت وقالت- الحمد لله
ابوها- ما يمديك اكلتي لقمتين ...
مها- ما ابي ما ابي...
حاتم يضحك ويقول- دلع ....يقولون ان مها تسوي رجيم ....متعقده من السمنه ...
مرام-هههههههههههههههههههههههههههههههههههه ...
امها- كولي ما عليك منهم ....
مها- لا انسدت نفسي..
وراحت ...
حاتم- تستاهل...عن حركتها البايخه ....
.....................
الصبح......
وتحديدا بالفسحه او بالاستراحه ......
مها وندى يتمشن بالساحه وهن يسولفن ....
وصديقاتهن السابقات ...يطالعن فيهن منصدمات ....ولا اهتمن لهن ...
رغد- هه ...والله ما توقعتها من ندى ....
ايمان- انا كنت ملاحظه ان ندى من اول ماشافت مها وهي تبيها......
فيروز لا جينا للحق ...مها اللي يشوفها يرتاح لها
رغد- وووع ماعندك ذوق
فيروز- قلت ارتاح لها.....
ايمان- مها حلوه
رغد بعصبيه- اووووه يا انا ما اطيقها....لا تجلسن تمدحنها قدامي....
ايمان- الحق ينقال....
رغد بتهديد – ايمــــان ....ما احب هالاسلوب...
ايمان ما طالعت فيها .....ولا اهتمت ...
.............
مها- ما راح تحسين فيني...تخيلي طاارق بيسكن بالبيت عندنا....
ندى-خخخخخخخخخخ شكله هو اللي مقنع اهله بالروحه
مها- ما ادري بس انا اكرهه ليش ما ادري....اصلا غزلنجي ....استغفر الله ...انا خايفه على حاتم يصير مثله...عشان كذا ما ابي اتكلم عليه ....
ندى- اجل لا تغتابينه .......نروح لمبنى المتوسط؟؟
مها- لا تكفين بلا هالمخالفات.....بعدين اذا كنا طفشانات بيحدنا الطفش على الروحه ...فخلي التعهد على شيء زين.....
ندى-هع هع شي زين؟؟
..........................
فايزة – خلاص اشوفكن بعد ربع ساعه....
مريم- رووحي الله معك.....جاء ناصر...
التفتت فايزة وهي حاسه بخوف....بس تسوي نفسها قويه ....
غيدا- صباح الخير...
مريم وعبير- اهلين....
فايزة- صباح النور....
غيدا- عن ذنكن شوي...بغيت فايزة...
مريم وعبير طيرن عيونهن ......وهزن راسهن بايه
هو مو انهن منصدمات انها بتروح معها ...فايزه قالت لهن....انصدمن من الاسلوب .....
..............................
جلسن على الكرسي...
فايزة- امري...وش بغيتي؟؟
غيددا اخذت نفس وقالت- تبينا ندخل بالموضوع على طول؟؟
فايزة- ياليت
غيدا- لهدرجه ماتبين تجلسين معي لربع ساعه بس...
فايزة بهدوء- غيداء....تدرين ان هذا يضرك ويضرني...
طالعتها وقالت- يضرك ليش؟؟؟
كان اهتمام غيدا ان فايزة مايضرها شيء....
فايزة- انتي مقتنعه باللي تسوينه؟؟
غيدا – وش سويت؟؟
فايزة- انك تغيرين من شكلك....
غيداء عصبتت بس سكتت ...
فايزة- والله يا غيدا الناس يطالعونك بنظره مو حلوه....ليش تخلين الناس تشوفك كذا ....خلي نظرتهم لك حلوه...
غيداء تطالع بالارض ولا تكلمت ....
فايزة- لا تقولين انها تجرحني او انها تسبني....بالعكس انا ابي مصلحتك....لو ما الناس ينادونك ناصر....يمكن اصير صديقتك.....تدرين انك تتشبهين بالرجال.....
غيداء- بس اشوف الناس تهابني....
فايزة- مو كذا الناس تهابك.....انا الحمد لله لي هيبه وانا بنت....افرض احترام البنات لي...اذا احترمتي اللي قدامك ...هو بيحترمك....انتي اخذه فكره غلط عن الهيبه ....
غيدا- بس...تدرين فايزة....بقولك شيء.....بس تكفين لا يطلع لأحد....
فايزة- في بير...
غيداء- انا اتمنى ارجع مثل اول....واترك البنات اللي انا معهن...هن السبب....
فايزة- قصدك صديقات؟؟
غيداء- ايه ماراح القى.....ما عندي امل ان القى صديقات
فايزة- انتي بأول ثانوي ....وانا بثالث متوسط....كلها كم شهر واصير في مبناكم...
غيدا تطالع بتعجب....
فايزة- غيري من شكلك وارجعي للبنت الناعمه ...انا ما اقول غيريه مره وحده...يعني تجين بكره وانتي حاطه روج وكحل و و و ......بكره لا تجعدين....شوي شوي...عشان البنات مايلاحظن التغير بسرعه....ويصير تغير مفاجئ...
وصديقاتك خلي علاقتك معهن سطحيه .....ويحلها الف حلال.....انتي فكري....المتشبهات بالرجال وش عقابهن....اللعنه.....وش بعد رحمة الله يا غيدا...
طالعت بالارض.....وانصدمت فايزة منها.....ناااصر يصيح....غيدا تمسح دموعها....
((كلنا كذا ...نطالع الجانب الاسود بالشخص...وننسى الجانب الابيض منه....اي شخص صاحب اعمال سيئه ...لابد له اعمال صالحه.....))
فايزة ما قدرت تكلم.....ابعدت نظرها وهي تطالع بالبنات....تشوفهن يطالعون فيهن...
فايزة- لا تصيحين....لا تخلين الناس يشوفونك وانتي تصيحين.....
غيدا- وش اسوي طيب....ليش بالبيت ما احد قالي من اول ما غيرت نفسي لا ياغيدا....ابوي بعض الاحيان يضحك علي ويناديني ناصر.....
فايزة نصدمت ....
غيداء- وامي لو قلت بقص شعري بوي قالت احسن ...يليق لحركاتك الدفشه....اخواني اذا تهاوشت معهم يخافون مني ويقولون هذي ولد لا احد يقربها....
فايزة- بس اذا غيرتي نفسك بشويش ...بيلقونك البنت والاخت اللي مافيه احسن منها...ما اكذب عليك انا اتضارب مع اخوي...اتهاوش معه....بس شيء طبيعي اني ما اقدر ادافع عن نفسي اذا جاب قوته....
ابتسمت غيدا وطالعتها وقالت- يعني انتي يا النعومه تتضاربين؟؟
فايزة ابتسمت وقالت- ايه....
دررررررررررررررررن
غيداء- لاااااااا
فايزة- الايام الجايه اكثر ان شاء الله...
غيدا بفرحه-جد....يعني عادي تجلسين معي...
فايزة- اذا لاحظت انك متغيره....وعلاقتنا صداقه وبس....
غيدا خفت ابتسامتها وقالت- طيب...
فايزه وقفت وقالت- فكري بكلامي زين....ادري ان ورى هالشخصيه بنت مافيه احسن منها....يالله سي يو..
كانت بتروح.... غيدا- فايزة .....جزاك الله خير....ريحتيني...
فايزة – بالخدمه.....
وراحت ......
غيدا كلام فايزة براسها يدووووور......
.............................
على الغداء كانوا مجتمعين حتى ابوهم .....
حاتم- هاه ما شفت متى بيجي طارق؟؟
مها طالعت فيه وهي منقهره تدري انه بس وده يقهرها ....
ابوهم- الاسبوع الجاي
مها ضاق صدرها .....اذا جابوا سيره لطاري هذا او تذكرته ...يضيق صدرها تحس ان الوسيعه تضيق عليها
مرام- حياه الله .....
امهم- عاد حاتم مو اذا جاء تطلع وتتركه....يصير معك وين ما تروح...
حاتم- لا افا عليك ...ما اتركه ...
مها- الحمد لله .....
امها- انت وش فيتس ؟؟؟
مها- مافيني شيء
فارس- احسن توفر...
وقفت وراحت تغسل .....
حاتم استغرب ...يدري انها تكرهه بس لهدرجه ما تبيه .....قام وقال – الحمد لله ........
...................
دخلت الغرفه وسكرت الباب .......
مها – اوووووف ياشينه هو وخشته ...اكيد مستانس انه بيجي عندنا.......الله يصبرني بس.....
طق طق ودخل .......
مها- ليش ما تتغدا
حاتم- الحمد لله ...خير ان شاء الله ....وش فيك؟؟
مها- ولا شيء
حاتم- علي هااااه
مها- طارق ليش يجي ...انا ما ارتاح له ابد
حاتم- وش ماترتاحين له هههههههههه هذا ولد عمك...ونسيت اقول ...ذاك اليوم ...يوم كنا بالبر ...قال ابوي ترى مها لك
مها طيرت عيونها وقالت- والله لو يقوله ابوي ....ان يشوف من مها شيء ثاني
حاتم- لو بيقوله ...مايرجع عن كلمته....
مها- بس يدري اني ما اطيقه......انت وش رايك فيه ؟؟
حاتم جلس جنبها وهو يفكر ويقول- تبين الصراحه....مايعجبني .....
مها- ليش؟؟
حاتم- الولد صايع .....
مها- اهااا
حاتم- اخبار فيافي
مها انفجرت ضحك وقالت- انت لا فكر ان البنت تحبك ...ما تحبك...
حاتم تحطم وقال ولا تهتم لي؟؟
مها- لا
حاتم – الله ياخذ بليسك وانا تحت هالشمس انتظركن .....
مها- ادري انه مو حنان .....بس ودك تكشخ ....حاتم
حاتم- هلا....
اتسطح على سريرها
مها – تخيل من اول ماجيت وندى كانت معي وعرفتني على بنات تمشي معهن...وامس قالت انهن يقولن ما يبنك...
حاتم يطالع لها بتعجب وقال- لا تروحين لهن ابد....حتى ندى ماتبيك....
مها- لا ندى تركتهن عشاني...
حاتم- تعجبني ....احسن....
مها- ندى حبوبه.....
ولق ولق ولق لق ...وتسولف عليه .....
مها- ويم دخلنا على الاستاذه ...لقـــــــيــ........أووه قوووووم رح لغرفتك....لا تنام عندي...
كان نااايم...
مها- ياربي وين اانام انا ..؟
طلعت من الغرفه ونزلت لصاله واتسطحت على الكنب ....
؟...........
فايزه كانت جالسه ومعها كاس شاهي اخضر ...وتفكـــــــــــر
فيصل متسطح على الكنب وكأنه نايم ....
فايزة اخذت نفس عميق ..وطلعته بضيق
قال بصوت هادي- فيافي....
فايزة طالعته وقالت- ما نمت؟؟
قال- لا ...وش مضيق خلقك...؟
فايزة- سلامتك....
فيصل – اعتبريني ندى...احس انه ضايق خلقك بقوة ...
فايزة- مافيني شيء
فيصل جلس بسرعه وهو يمسك راسه ....وانفاسه تتسارع ...
فايزة تطالع فيه مستغرفه......
فيصل- راسي.........آآآآآآآآآه.....
فايزة وقفت وقالت- فيصل وش فيك....فيصل.......احمد........يمــــــــــــــه... يبــــه...
فيصل طاح مغمى عليه ........
............................
العصر ...
امها- قومي صلي....
مها بصوت كله نوم- دقيقه بس
امها- قومي ...تعوذي من بليس
مها- اعوذ بالله من الشيطان ....
جلست بملل وهي تتحرك يمين ويسار....ودها ترجع تنام ...
امها- الصلاه
مها وقفت بملل ....واتجهت للحمام ...ووضت ...دخلت غرفتها صلت وطلعت ....وهي متجهه للمطبخ....درررررررررررررررن دررررررررررن
مها- جااايه
مرام- انا انا....
ركضت مها عشان تسبق مرام ...ورفعت السماعه بسرعه وقالت- الووو مها تتكلم
صوت واضح اللي يصيح....- السلام عليكم
مها بتعجب- وعليكم....ندى؟؟
ندى- أي..
مها- سلامتك ياقلبي شو بنا؟؟
ندى- ما راح اجي بكره....حبيت اخبرك بس...
مها- ندو وش فيك....
ندى- مافيني شيء...
مها- لا وش مافيك شيء...
مرام- وش فيها...؟؟
مها- مالك دخل...ندى الله يخليك وش فيك؟؟؟
ندى شهقت بقوة وقالت- فيــ فيصل.......
مها بلعت ريقها بخوف وقالت- و ..وش فيه ؟؟
ندى- ما ادري...دخلوه المستشفى ....يقول احمد...دخل غيبوبه
مها طيرت عيونها ...قلبها بدا ينبض بقوة ....دموعها اجتمعت بعيونها
ندى- مــ مع السلامه ...
سكرت .......
مها للحين حاطه السماعه على اذنها ....وثابته على حركه وحده....
مرام تطالع فيها بتعجب وقالت- وش فيك؟؟
مها نزلت السماعه ....و مرت من جنبها ولا كلمتها...
مرام- الحمد لله والشكر
دخلت المطبخ وجلست على الكرسي ....و ...و....
حطت راسها على الطاوله وهي تشاهق بقوووة....
...........................
حمد يركض من عند الدرج يختصر الدرج وينط ثلاث درجات ...مر من عند اخته ....
قالت- شو بنا....وش فيك؟؟؟
ما رد عليها وهو يركض......
طلع ......
حمد بقلبه- الله يستر الله يستر....الله يحفظه...
ركب السياره ...وعلى طوول على المستشفى .......
..............................
ابو سامي دخل المستشفى وهو يقول – وش فيه ....
احمد- كل خير...ارتاح انت....لا تشيل هم...
أبوه- وش اللي ارتاح....وش فيه....وش صار له
احمد- الله يخليك يبه .....اهدأ انا افهمك...
ابوه- قل وش صار بخوك....
كان معصب ومو بواعي بنفسه ....
احمد- ما يفيد جلستنا مشينا....
ابوه- ما اطلع الا وانا عارف وش صاير له....
احمد سكت ...يدري ان ابوه بينصدم .....
ابوه- والله ان تكلم...سألتك بالله ياولدي.....وش فيه فيصل...
احمد- د....دخـــل غيبوبه .....
انصدم ابوه....رجليه ماقدرت تشيله .....حس انه يتمايل مو موازن جسمه.....
احمد اسنده وجلسه على الكرسي....
ابوه نزل راسه وقال- ولدي....ولدي الغالي......
نزلت دموعه
احمد – اذكر الله ...هو بغيبوبه ....احمد ربك وادعي ان الله يشفيه....
ابوه- الله يشفيه
قال بضيق- طيـب ليـــــــش ...طاح ...وش منه طاح....
احمد- يايبه الله يخليك لنا بس ...لا تسوي بنفسك كذا ...
..........................
حمد دخل على ابوه بالغرفه وقلبه ينبض بقوة
الدكتور والممرضين طلعوه برا وهو يقول – بدخل....تكفون بس شوي .....دقيقه ...
الممرض- اسف....ما نسمح....انتظر شوي بس
الدكتور طلع وقال- امنعوا الزياره 24 ساعه
حمد بسرعه وبخوف- أنا ..انا ولده...تكفى بشوفه....
الدكتور يطالع فيه وقال- تعال معي....
راحوا للمكتب....حمد ما جلس وهو واقف وخااايف ....
الدكتور- ابوك له مزرعه صح ؟؟
حمد – ايه...
الدكتور – وفيها بير.....
حمد عيونه امتلت دموع وقال- ايه....
الدكتور- ادعي ان الله يشفيه
حمد- طيب وش فيه.....
الدكتور- طاح بالبير.....الكسوور مره خطيره...ز
حمد انصدم .....
الدكتور- ادعي له.....
حمد بصدمه- طــ..طيــب ...ويــ..وين الكسور....
الدكتور اخذ نفس بضيق- بالعامود الفقري .....واليدين ....وفخذ ....ونزيف بالراس....
والحمد لله وقفنا النزيف.....
حمد جلس على الكرسي وشهق وهو يصيح....
الدكتور- اذكر الله ....
حمد بصوت متقطع- لا إلـــه الا..الا الله......
الدكتور- بنسمح لك بالزياره...بس خمس دقايق.....
حمد مسح دموعه وقال- حاضر...
قام وهو حاس بان فيه شيء على صدره ......
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك