رواية تمنيت العمى بعيوني ولا اشوفك مع غيري -10
تنرفزت
محمد بصدمه : الله واكبر
شوي اال قطع كلامهم ابو فهد وام فهد ..
ام فهد تبكي : وين بنتي !
فهد : يمه لاتبكين بنتك بخير
ابو فهد : وش صار
محمد ماسك دموعه : العنود تعبانه شوي
ابو فهد : أي وش فيها
ام فهد : بنتي وش بلاها ؟
محمد : الله يخليكم آهدوآ بيطلع الدكتور واسلوه
عشر دقايق وطلع الدكتور .
ابو فهد : وش فيها يادكتور
الدكتور عبدالله : مافيها ااالا كل خير
ابو فهد : انا اوبووها
الدكتور عبدالله : ماعرفنا وش فيها باقي تحاليل واشياء
ابو فهد : ليش ذا كله ؟
الدكتور عبدالله : جسمها مخدوووش كله ورحراتها مرتفعه بس هي ماصارت تحس فيها عشان كذا طاحت عليكم
ابو فهد بصدمه : طيب ممكن اشوفها
الدكتور عبدالله : لا لا تونا عطينها مهدآ لانها فجاء تثور مثل البركان وفجاء ترجع عاديه فـ خليها نايمه الحين ولا اقول روحوآ البيت
ام فهد حالها حال : يارب رحمتك يارب وش صاب بنتي
محمد بدموع بس ماسك نفسه : ياعمه من بعد عرس سعود ورهف بجي اخذك انتي والعنود لشيخ
ام فهد : ليش !
محمد بدموع وكانه طفل : صارت تجرح جسمها وهي ماتدري لان يوم سالها الدكتور قالت مدري
ابو فهد : ايش ؟
فهد : يبه الي سمعته
محمد مسك نفسه : اتفقنا
ام فهد يالله تتكلم : انشاء الله
كلهم اقعدوآ عند العدو بس من الفجر بدو يحضرون لزوآج رهف الا محمد قاعد عندها وخايف وش مصيره معاها وفجاء رن جواله ورد بصوت واطي : الو
المتصل : هلا
محمد : مارحتوآ للحين للمشغل
ساره بضيق : شكلي مابروح
محمد برفزه : تروحين غصبن عليك
ساره : ياخوي وانت والعنود وش بتسوون
محمد بحززن: ماعليك احنا بخير والعنود نايمه الحين
ساره تبكي : لك الله مادري وش صار ليش تغير العنود
محمد : خلآص اهدي ماعليش هي تعبانه وراح ترجع مثل اوول
ساره تبكي : سمعت امس تقول اذا بقت على ع الحاله بتخليك تطلقها
محمد نزف قلبه : ساره شفتي لو ان اليوم اخر يوم بعمري مابطلقها وزواجنا بيتم بوقته
ساره تبكي : ياخوي ماعاد لي خاطر حتى اروح زواج رهف ودي أي عندك
محمد يهون عليها : خلاص تعالي الحين مع عمي طلال ويرجعك للمشغل بعدين
ساره : مدري عن عمي من امس يقولون ماله حس ابدن
محمد تذكر انه زعله : يووووه زعلته امس ششكله اخذ بخاطره
ساره : لا مااتوقع يزعل منكم ياعيال اخوه الا ااذا كا شي قوي
محمد يلعب بيدي العنود : ماعلينا منه
ساره : خلاص بجي بعدين بس اهم شي انتبه لها
محمد : ابششري بس دخيلك شوفي وضع امي وش قصدها من الي قالته
ساره بضيق : خلاص ابشر بحاول اششوف
محمد : يلا فمان الله
- العنود وش بيصير فيها ؟
- ام محمد بتخلي محمد يطلق العنود لجل مرضها المفاجاء ؟؟
- طلال وش بيسوي مع العنود بيفك السحر ؟
- العنود بتوافق تروح مع امها ومحمد لشيخ ؟
- تركي ورامي ومشاعل ليش صاروآ مختفين وماصارو يدخلو ياحدآثنا ؟
- وش بيصير بعرس سعود ورهف ؟
- الجده صارت مختفيه شوي تهقون ناويه على شي ؟
- تتوقعون تموت العنود ؟
البارت 14
نبدآآآآآآآآآآآآآآآآآآآآآآآآآآآ ,,
خميس الساعه 9 بالمشغل رهف تبكي وتكلم جوال : سعود افهمني هذي اختي
سعود بحنان : هذا حكمه الله ياقلبي
رهف تبكي كانها طفله : ابيها توقف معي وتحضر عرسي
سعود بدلع : يعني ما اكفي انا
رهف بكت زياده ..
سعود : يو يو ليش هالبكي
رهف من بين شهقاتها : ياعومري يالع ن و د كانت تو ص يني عليك
الكوافيره : مدام رهف الساعه 9 وباقي مابدينا والوالده اطلبت نجهزك 5 المغرب وماعند وقت
رهف بعدت شوي الجوال : انتي ماتفهمين قلت لك شوي
الكوافيره راحت تتحلطم
سعود ع الجوال : رهوف
رهف ارجعت له : لبيه
سعود بخقه : هاه
رهف بضحك : ههههههههههههههههههههههههههه
سعود بحنان : اخيرن ضحكتي بعدين يلا بسكر
رهف بخوف : ليش !
سعود : خلاص قلبي بكون معاك بعد شوي بس لازم تخلصي يكفي تاخير
رهف بدموع : ابشر
سعود : قلبي ما احب دموعك
رهف تبكي : سعود فمان الله
سكرت رهف وطاحت بحضن مشاعل تبكي لان وجود العنود بهالحظه يعني لها الشي الكبير وخاصه لدى التوم..
بالمستشفى ..
محمد والعنود وفهد ..
العنود فتحت عيونها بتعب : وين امي
فز محمد : بتجي
فهد قرب منها : يالعنود اليوم زواج اختك رهف
محمد خز فهد بعيونه يعني ليش قلت .
العنود بدموع بس مانزلتها : ما اقدر احضر انا تعبانه تكفون ابعدوا عني اخاف آآذيكم
محمد بحنان العاشق : والله لو تذبحيني مارحت
العنود تبكي : انا وش جاني انا وش فيني ليش صرت كذا
فهد بضيق : العين حق يالعنود ..
العنود تلف وجههآ الجهه الثانية وهي تبكي : محمد ممكن طلب
محمد بحنان : والله لو تطلبين عيوني عطيتك
العنود فجا وبدون سابق انذار : انتوا مين ؟
فهد بخوف : ارجعت لها الحاله يارب رحمتك
محمد راح ينادي الدكتور وعطوها مهدآ بالحيل وافقت وبالغصب و نامت ...
الساعه 12 ..
تركي بهبال : مبروك يالوح
سعود بوناسه : الله يبارك فيك
رامي بعبط : عقبالك تروك
تركي : كل تبن
سعود باقي يتزين تحت رحمت الحلاق : استحوا ع خششكم انا صغيركم واعرست قبلكم
رامي : والله لو ما تحكمات جدتك ماتشم ريحه العرس
سعود : خخخ اهم شي ابعرس
شوي الا دخل عمر عندهم بالفندق وبنفس هالفندق فية حلاق رجالي ..
عمر كاشخ : سلام على العريس
تركي : سود الله وجهك
سعود يصفر : اتعب يا انا
تركي : مهبول انت جاي كذا ؟
عمر يناظر رامي : مو اهبل رامي
رامي متسدح ضحك : ابد توم كروز
تركي : اليوم عرس ولد عمك وجاي بجينز وسبايكي
عمر بهبال : وي وي اكلتني
سعود باقي له المسات الاخيره : اتحدك تحضر كذا
عمر : كان ذبحني ابوي
رامي : شحادك تلبس كذا
تركي : الاخ يستاهبل
عمر بغرور : وانت الصادق جاي اكشخ لسعودي
سعود يسلك لعمر : ياروح سعودك انت
تركي متنرفز : خلف الله على ام جابتكم
رامي : اقول خلهم يوسعون صدورهم بعد شوي بيدخل قفص الزوجية سعود
عمر يكلم البناني الي يزين سعود : متى تخلص ؟
البناني : عشر دئيآآ
عمر : سعودي فيني ردحه
سعود : اي اصبر عشر دئيا و نرقص سوا
تركي : صك راسي بروح انام فوق
عمر يستهبل : ترآ بيتكم موب فوق
رامي : شوف الدلخ بيروح يحجز جناح و بينام
سعود يناظر نفسه : يا ارض احفظي ماعليك
تركي : هههههههه دلوع امه
دخل عليهم طلال مبتسم ولا همته العنود مرميه بالمستشفى : شعندهم جايين هنا ولا يعزمون نتزين معاهم
رامي بعبط : المحل خاصه للمعاريس
عمر بضيق : عقبال محمد والعنود
طلال ضاق من طاري محمد جنب اسم العنود : اي وينه محمد ؟
تركي بضيق : قاعد مع زوجته بالمستشفى الله يعينه
طلال كره محمد : اي الله يعينه
وقف سعود وهو متنرفز من كلام طلال وحركاته وكانه موب عمهم : شباب انتوا خلصوا وانا بروح مشوار وبجي
عمر : اجي معاك ؟
سعود بهدوء : لا خلك كود الشياب يحتاجون شي
طلال : لاتطول لازم نروح القصر بدري
سعود طنش طلال : يلا شباب دعواتكم باي
...
بالمشغل ..
ام فهد : رهف اختاري مكياج ناعم تطلعين دلع
رهف بضيق : الي تشوفينه يمه
ساره : رهوف اليوم يومك وش هالضيق انبسطي وفرفشي شوي
مشاعل تستهبل : ماعليكم منها تدلع بس
ربى محتاره : شرايك اسيح شعري ولا اسوي شانيل
ساره بضحك : كلن على همه سرآ وانا على همي سريت
رهف بحماس : لاسيحي شعرك احلى
ربى تغمز لرهف : شوكرن ع المساعده
ام محمد جاية وتحمسه : وراكم كذا حتى عروستنا مابدت ؟
رهف : الحين ولايهمك
بدوآ يشتغلون فيهم وخاصه ام العروسه وام العريس كانوا اختيارهم لا الوانهم ابداع ...
عند الرجال ربكه ...
ابو فهد : شلون الحين يابو محمد نبي محمد يحضر وبيض وجهنا النسيب
ابو محمد : ابشر الحين ادق عليه
عمر بضيق خاطر : لاتحاولون محمد مسكر جواله ومستحيل يترك زوجته ويجي
ابو تركي : وش فيكم انتوا خلوا الولد مع زوجته اتركوه بحاله هو رجال و يعرف وش تصرفاته
بهالوقت كلن محيوس العروسه تتجهز الرجال بالصاله الشباب يتجهزون بس المعرس وينه ؟ ..
سعود راح المستشفى ..
سعود يدق باب الغرفه : محمد
محمد بوجه تعبان : وش جابك !
سعود بضيق : كيف تبيني اعرس وخويي ولدم عمي مو معي
محمد يناظر شكله : شكلي ما يآهل اني اروح
سعود : شخبارها ؟
محمد بضيق : كل يوم تسوء حالتهآ
سعود : انشاء الله ربك بيفرجها بس كنت بسالك انت متهاوش مع طلال ؟
محمد : لا ليش ؟
سعود ببعبط : والله مدري الرجال لاسمع اسمك احسه حاقد عليك
محمد مستغرب : لاتحط ببالك
سعود بحزن : ماودك تحضر عرسي
محمد يلف وجه : كيف تبيني اترك العنود
سعود با ابتسامه : براحتك
محمد بعبط ويحاول يغير الساق: شجابك مفروض انك مرتز بالقصر
سعود يغمز : وانا اقدر ما اشوفك قبل ادخل قفص الزوجيه
محمد با ابتسامه باهته : الله يرجك اركد لاتشوفك زوجتك كذا كان تهون
سعود ببخبث : يا عيون كان تخق زود ماهيب خاقه
محمد جا بيرد بس رن جوال سعود : الو
المتصل : وينك فيه ياقليل الخاتمه
سعود : امي العنود الله يهديك انا بخلص مشوار وبجي
الجده تنافخ : شف قل لمحمد يفتح جواله
سعود : محمد وانا وش علي منه
محمد يا اشر لسعود انو انا مو عندك .
الجده متنرفزه : سمعت انه موب جاي لعرسك
سعود : امي العنود محمد معذور زوجته تعبانه وماراح يخليها
الجده : يمال الصلاح ورآ اهلها كلهم فيذا و هو مرتز باالمستشفى
سعود : بكيفه
الجده : شف ان ما جا لا اقلب المستشفى فوق تحت اي انا بيجون
اهلي وبيجون هوماير ابيهم يشوفون محمد وانا خبرت ابوه بذا الحكي وهو يعرفني وش بسوي
سعود بضيق : ابشري ابشري
الجده سكرت السماعه بوجه سعود ..
سعود : يالله رحمتك
محمد بخوف : وش تبي فيني ؟
سعود بضيق : تبيك تحضر العرس وان ماحضرت تقول بتصير علوم لان بيجون ناس وتبي تكشخ فيك
محمد : لو تنطبق الارض ماجيت وتركت العنود
سعود : اخاف ماتخليك تتزوجها
محمد متشتت : يارب ارحمني ليش قاعد يصير معي كذا
سعود بتفكير : انت اقعد لين الساعه 9 بعدين تعال وشوي وروح
محمد : شورتك وهداية الله
سعود يضم محمد : فمان الله انا رايح
محمد : مبروك الله يوفقك
سعود ياا اشر من بعيد باي ..
الساعه 6 المغرب ..
كلهم بالقصر ..
ام فهد تضم رهف : مبروك يابنيتي
رهف بدلع : الله يبارك فيك
مشاعل تصفر : يا ارض احفظي ماعليك اختي قمر
رهف تضحك : ماعليك زود يالعبده
مشاعل : كملي جميلك لازم تسبين
ساره بربكه : مشاعل عدلي فستاني احسه بينشق
ربى تضحك : اوما ينقطع بتصيرين نكتت العايله
ساره : كلي تبن
ام محمد : هاه شفيكم
ساره : الحقيني فستاني مدري شفيه
ام محمد تحاول تعدله : هذاهو زان .
ام فهد : ام محمد تعالي ننزل تحت نشيك على القاعه
ام محمد : يلا سرينا
مشاعل محتاره : بنات البس ولا بدري
ساره : لاحبيبتي البسي الحين الوقت يعاندنا
مشاعل تطلع فستانها : ثواني وجاية
.... بعد ربع ساعه كانت اشكالهم
مشاعل ..
فستان ذهبي ماسك ع جسمها والفتحه لفخذها وظهرها مفتوح سبعه وفيه شبكت العنكبوت وشعرها مسوية فيه تسريحه الستين ومكياجها فاقع ابين جمال عيونها اطلعت فتنه وخاصه انها تاخذ من العنود كثير
ساره ..
فستان احمر صارخ بدون اكمام ماسك بصدرها وطويل ومن ورآ رجلها اليسار مفتوح اطلعت جرح وشعرها فاكته ومكياجها ناعم عكس فستانها
ربى ..
فستان فوشي ناعم مره
ام فهد (ام العروسه)..
فستان كحولي امطلع لها هيبه وباين من لبسها وحكيها وتسريحتها انها بنت عز بس برضوا الحزن ما اخذ اثر لجل بنتها العنود
ام تركي (ام العريس) ..
فستان فضي فخم بمعنى الكلمه وبرضوا مكياجها وتسريحتها روعه وخاصه انها مره ذوق ...
ام محمد ..
فستان اسود ناعم محليها على بساطتها ..
رهف (العروسه) ..
فستان ابيض خيال ماسك على صدرها ومنطقت البطن شفاف ومن تحت ذيل طويل يحكي قصه حبها لسعود وتسريحتها متداخله ببعض ومكياجها صاطع بس بسيط مره ..
الساعه 9 بقاعه النسآء..
مشاعل قاعده : ساره بليز مافيني روحي اطلبي اغنية محمد رابح صقر منتهى الرقى مشتهية ارقص عليها
ساره : من عيوني
ربى : مشاعل
مشاعل متضايقه من الكعب : هاه
ربى : يمال الحمى في حرمه ماهيب شايله عينها عنك
مشاعل : بكيفها ياختي
ربى : لعنبوك انتي دلخه
مشاعل : وخري برقص
ربى : خلك دلوعه الحرمه شكلها خاقه يمكن تخطبك
مشاعل قامت ترقص ع منتى الرقى وطنشت ربى ...
الحريم الي تآ اشر بفلانه والي تحش بفلانه والي تبي تزوج ذي لولدها ..
بنفس هالحظه عند الرجال الساعه 9 ..
دخل محمد القاعه وقلبه يحترق على العنود .. سلم وراح عند المعرس ..
محمد با ابتسامه تذبح : مبروك يالمعرس
سعود بوناسه : الله يبارك فيك وعقبالك
محمد تذكر العنود وحزن : اي انشآالله
تركي : اوخص محمد فيذا
محمد : ماتشوف القاعه منوره
رامي بعبط : ياشين الواثقين
تركي يتمسخر : شباب جدتي تبي تزوجنا واحد واحد
محمد تذكر : على طاري جدتك وينها ؟
عمر يضحك : تخيلوا جدتي لابسه فستان وحاطه مكياج وفاكه شعرها
سعود يستهبل : والله ولا صباح الشحروره
طاح عمر ضحك : ههههه الله يرجك
ابو محمد بجدية : محمد
محمد لف لا ابوه : سم !
ابو محمد : كيف العنود
محمد بكذب : ماعليك تتحسن
طلال داخل عرض : سعود متى الزفه ؟
ابو فهد : محد بيدخل
طلال : ماعلي بدخل
ابو فهد : طلال
طلال بربكه : خلاص ابشر
محمد بجديه مايله لخوف : اسمحوا لي ابرجع لزوجتي
ابو فهد بصرامه : لا
محمد بصدمه : ليش !
ابو فهد : قلت مافية انا وخلصنا
محمد تنرفز :يبه عن اذنك
طلع محمد من القاعه بكبره بعيد عنهم راح للبحر وقعد يفضفض له ع راحته كره عمره لان يوم وصل للعنود تتعب وقرر مايتركها ابد و ناوي يوديها لشيخ وماراح يهتم لكلام احد هي زوجته وبكيفه وبعد هالحكي بينه وبين نفسه كلم صديقه نايف طلع من القهر لين ارتاح وبعد رجع لبيتهم هلكان من التعب
الساعه 1 حان وقت الزفه ..
انزفت رهف على انغام ماجده الرومي ..
(طلي بالابيض طلي يازهره نسان طلي ياحلوه وهلي ....)
الكل انصدم رهف طالعه موطن للجمال ومع ابتسامتها العذبه صارت تذبح ..
مالكم بالطويله مدام سعود مادخل ماصارت بالزفه احداث زي اي عرس ..
الساعه 3 الفجر ..
ام فهد تلبس رهف عبايتها ورهف تبكي ومشاعل منهاره من الصياح .
ام فهد : رهف انتبهي لعمرك ولرجلك
رهف تمسك دموعه : انشآءالله
مشاعل تضم رهف : احبببببك رهوفه استانسي ولاتبكين وكلنا نحبك
ساره تصفر : لاتبكين قلبي
ربى : يالتبن من يقعد معي لاتروحين
رهف بدموع : لاتخافين برجع قريب
ام تركي بحنان : رهف رجلك ينتظرك
ويوم اطلعت رهف سلمت ع ابوها وطاحت بحضنه الدافي وفهد يضمها و يهديها وعمامها يسمون عليها اما مروان عيا يفكها و يهاوش سعود ..........
رهف راحت مع سعود وطول الوقت بالسياره كاتمه صوت شهقاتها وبالفندق هدت شوي وسعود حب انها تاخذ راحتها وتبدل واستاذن وطلع ..
اما رهف توهقت جت بتفصخ الفستان بس من ورآ فصوص كريستال وماتقدر ابد تفتحه فقامت تبكي وتدعي ع ساره ومشاعل لانهم اختاروا يكون كريستال مو سحاب عادي ومن كثر البكي نامت مكانها ويوم رجع سعود انصدم بشكلها بيبي نايمه وكان باين انها كانت تصيح قرب منها وحست رهف وصحت ..
رهف بربكه : جيت
سعود بحنان : اسف ازعجتك بس ليش مابدلتي
رهف بخوف : هاه
سعود بحنان : ليش مابدلتي !
رهف بكت : ما اقدر افتح الكريستال
سعود بوناسه : افتحه لك
رهف بربكه ويادوب تحكي : تس و ي في ني خير
فتح لها اول واحد وبدآ يطلع ظهره ولا قاوم ودخلوآ جوهم -> الباقي مشفر = )
ساره وربى ارجعوا مع مشاعل عشان لايخلونها لحالها و ناموا عندها ..
رامي وتركي تحت ضغط امهم عجبوها بنات بالعرس ..
عمر فقد صديقه و ولد عمه بس فال حياته و اهم شو وناسته
محمد كان مقرر ياخذ العنود لشيخ بس ماطلعوها المستشفى لان باقي فتره علاجها ..
ابو فهد انشغل بمشروع امه الي افتحته بجده وتعبان مره ..
ابو محمد وابو تركي مضغوطين من تشرطات الجده بالشركه وخاصه قروض الاموال ..
الجده كان لها دور كبير بعرس رهف وسعود وكانت متكبره حتى ع اهلها الي جوا من برآ لجل يحضرون هالزواج وكانت تشوف الناس من حولها نملات و مايستاهلون وجودها عندهم ..
رهف وسعود سافروا شهر عسل ومستانسين مع بعض ..
- العنود ليش فجاء تغييير وفجاء ترجع طبيعيه ؟؟
- رهف ووسعود وش بيصير فيهم !!
- ام تركي بتزوج رامي وتركي ؟؟
- مشاعل وش بتسوي لحالها بالبيت ؟؟
- الجده صارت بالششركه اكثر شي قعدتها تتوقعون تخسسر ؟؟
- العنود بتتزوج محمد ؟؟
- ام محمد بتوافق على زواجه بعد مامرضت العنود ؟
- طلال بيفك السحر ؟ ولا بيخليه ؟
- ساره وش مصيرها ؟
البارت 15
ر آسبوع ..
آحدآث هالاسبوع ..
اطلعت العنود من المستشفى وصارت من آردآ لا آردآ ..
رهف وسعود ..
بآول اسبوع من زواجهم مره مستانسين بس باقي رهف عقدت الخجل مسببه آزمه لسعود من رهف ولحد الحين مسافرين ومارجعوآ ..
رآمي وتركي ..
مضغوطين من آمهم لجل العرس وهم ياعومري عليهم ماغير يدعون على سعود لجل انه فتح باب الزواج ..
ام محمد (متسلطه جديده غير الجده) ..
لاهامها ولد ولا هامها آخوت ام فهد مصره طلاق العنود من محمد ومحمد رافض هالفكره وآبو محمد منشغل عنهم بسبب شركات الجده الي خلدها لها الجد نايف الله يرحمه ..
محمد ..
نهآية العاشق المتآلم حلم حياته ويمكن كما قيل آمنيته ينتهي آمامه كل يهرب من كلام امه الي يجرح بالقلب ولا يلقى غير ساره وربى يدعمونة لمسانده العنود اكثر ..
مشاعل ..
اسبوع كآئيب مر عليها لا رهف ولاالعنود حتى بنات خالتها انقلوا لشرقيه كره بهم لجل انهم ماعطوا رهف لبدر ..
فهد ..
من شغله للمستشفى ومن البيت لشغل و هذي حالته وماغير يوآسي مشاعل ..
عمر ..
موسع صدره ولا هامه احد على قولته الي بيقعد ورآ هموم الدنيا محدن عاش بضحكته --> اساس متى افرقتك معك ياسيد عمر ..
العنود ..
تعبانه هلكانه متعذبه بشي مالها ذنب فيه واكبر عذاب لها محمد لاشافته تعبان مع تعباها اكرهت نفسها واكرهت هالمستشفى وقررت تروح مع محمد الشيخ ..
طلال ..
مختفي تعبان ومتآلم لدرجة انه ينزف احيان ، اشك ان هذا دعوات المظلم
الجده (كبيرتهم وكبيرت الظلم)..
رآح الحيآ كل يوم صبح تلبس افخم لجلابية وعباية مطرزه من هالوان ولاكانها بنت العشرين تتآمر على موظفين الشركه وتظلمهم وكان الرحمه ليست موجوده (حسبي الله و نعم الوكيل)..
....
ويوم الاربعآء ببيت آبو فهد ..
مشاعل طايره من الفرحه : يالعبده نورتي
العنود بتعب يذبح : ههههههههههههههه ماعليك زود
ام فهد بدموع : الله حي هالضحكه
فهد : هاه يا ام فهد ان ماسكتي رجعت العنود ..
ام فهد برعبه : والله ماتاخذون بنتي مني
ابو فهد نازل من الدرج : وهو احد يقدر ياخذ بنت حمد وراسي يشم الهوآ
مشاعل بهبل : شوكرن بابي
ابو فهد : محد كلمك يالمزيونة
مشاعل بعبط : ياخي كمل جميلك
العنود : يبه اشتقت لك
ابو فهد : تشتاق لك العافيه
مشاعل بلقافه : نودي وانا !
فهد : ميش بلا لقافه اهجدي وانتي بلا دلع قومي البسي وتدلعي رجلك بيجي
ام فهد بغرور : حفيدة النايف ماتدلع لانها اساس الدلع
مشاعل : وانا اششهد
ابو فهد : قومي يامشاعل مع اختك تتجهز لرجلها
مشاعل بعبط : يبه شرايك البسها
العنود بهبال : موب شينة ترآ
مشاعل بعبط : لا تخليني اهون اساعدك
فهد بهبال : اتحداك
العنود : مثل ما قال اخوك
مشاعل وقفت : ياربيه يمه يبه شوفوا عيالكم والله لو بغوآ عيوني عطيتهم اهم شي منحرم من هالمه
فهد يصفر : اول مره اسمع مشاعل تحكي دورر
مشاعل : والله اني احكي بس محد يقدر
العنود : قومي ابي اتجهز
مشاعل : يلا
راحت العنود ومشاعل واقعدوا يضحكون على هبال هالمشاعل ..
بنفس هالحظه محمد يتجهز كانها عرسه اليوم وفرحان بيطير بس نكدت علية امه ..
ام محمد بقل صبر : لاتفرح كثير انا مابي اضيع اولدي مع وحده تعبانة
محمد بحزن : ذي بنت عمي وزوجتي و قلبي -> يضرب ع قلبه
ام محمد بنرفزه : افرح بها واتسلى يومين مصيرك تتركها
ساره بصرامه : يمه اتركي محمد بحاله هو يحب زوجته ولو تركها انا الي بذبحه
ام محمد : انتي اسكتي هذي مو مقام اخوك ذي تعبانه
محمد بضيق : يا يمه
ساره بنزفزه : هو اساس يطولها ذي حفيده الرالي والنايف
محمد تركهم وراح لموعده مع زوجته بس كلام امه بالصميم ..
الساعه 8 ونص يوم الاربعا وصل محمد وتقهوى وقعد مع فهد لين ما حس ان العنود ماراح تطلع لانه مل من الانتظار وفجا وبدون سابق انذار اطلع فهد وادخلت العنود بفستان فوشي قصير باين التعب
ع وجهها وشعرها طايح وماهيب حاطه غير كحل بس وآخ ياريحه عطرها ارماني ذبح محمد
، بهالحظه محمد ماغير يرد بقلبه (يازين ظلمك ياجده) لان هي الي قالت ابيهم لبعض ..
العنود با ابتسامه : مرحبا
محمد بوناسه : مراحب
العنود ساكته ..
محمد : عسى منحرم من هالوجه
العنود نزلت راسها واجلست
محمد : كيفها زوجتي الحين -> تعمد يقول زوجتي
العنود بتعب : بخيرات ربي
محمد ريحه العطر عذبته : يالله ياقلبي مابي اطول واتعبك
العنود برعب : بتروح !
محمد يبي يقعد بس خاف يتهور العنود كانت جذابه لدرجه تذبح : اي بروح مايصير توك طالعه الحين من المستشفى
العنود : بترجع تزورني ؟
محمد ركع لعندها : كل يوم بعد
العنود با ابتسامه : اخاف تمل مني
محمد بهدوء ذبح العنود : لو مليت منك اعتبرين جسم ميت مافية روح
العنود اكتفت با ابتسامه ..
قبل يطلع محمد باس العنود بخدها لدرجه انفاس العنود حركات شي بداخل محمد وطلع ركض خاف يتهور و يخسر العنود ..
من بوكره الهنوف جت لصديقت عمرها تشوفها لان لو غيرها مازارتها بس لان الصداقه تمشي بعروقها وقضت احلى يوم مع العنود ..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك