رواية تمنيت العمى بعيوني ولا اشوفك مع غيري -1
رواية ما قد تمنيت العمى في عيوني إلا لجل ما أشوفك مع الغير
الكاتبه : яόoό7 5ḃŁħ
السسسسلام عليكم
مرحبـــآآ ..
الرواية سعودية ونص الرواية واقعيه والنص الثاني من المخيلة
لكــــــــــــــــــــم..
(ماقد تمنيت العمى في عيوني الا لجل ما اشوفك مع الغير) للكاتبه روح خبله
بسم الله الرحمن الرحيم.
آحنا ثلات بنات مصرقعات ان بغيتوآ وهاجدآت وقت الحاجه نسمع بالمغامرآت والهبال الي ما يوقف والتعب ماله وجود عندنا آبد وكنا نسمع بالحب حبينا وعفسنا الدنيا وكان كل شي يصير صدفه وبالاخير شكيت اننا خوات توم بس غير متشابه واهم شي عشنا على الصدف ومابي آحرق عليك القصه بس الرواية واقعية سعودية بس غيرت الاسما ولا الشخصيات حقيقية نبدآ ..
"البدآيه"
رهف - مشاعل - العنود
من بكره ترآ بغيب طفشت وانا اروح المدرسه بريح بعدين اجازه العيد قربت ..
مشاعل : عنود نعنبو خيرك مامليتي غياب ؟
رهف : خبله انتي نبي نفلها بالعيد بعدين بكره موآدنا حلوه وانا بغيتي ماحضرنا الحصص بس لاتخلين آمي تنكد علينا
العنود : زين آكلتوني بس بشرط !
مشاعل : وش عندها قروية هانم
العنود : انسه مشاكل لاتخليني احطك براسي واغيب آفففففففففففف
رهف : وش شرطك اخلصي
العنود : بعد المدرسه تخلوني اروح باسكن روبنز >< بس
مشاعل : كان آذبحتنا آمك
العنود : وش عرفها هي ؟
رهف آعجبتها الفكره : عادي نروح كم عنود عندنا والحين قود نايت يا حلوين .
مشاعل : كذا حليتوها يقال يعني
لعنود: موعاجبك غيبي
مشاعل : لابرروح ومانيب غايبه ونشوف اخرتها
رهف : خــلآلآص النوم النوم
عاد كلن راح نام ومن بكره وما ادرك ما بكره ..
جينا متاخرين للمدرسه يالله على صراخ آبله سميره العنز
آبله سميره : ورآك تاخرتوا عذركم ؟
مشاعل تغمز لخواتها وافهموا قصدها .
ردت مشاعل بهبال واضح : يعني ليش تاخرنا بالله عليك
ابله سميره : ليش !! --? ياحليها منسجمه
العنود : ابله الصراحه رهف ضيعت عطرها وقعدنا ندور عليها وانا قعدت افرش اسناني لجل اطلع اخقق
الابله : بالله
مشاعل: ابله يعني ليش تاخرنا راحت علينا نووومه وش ذا السؤال تراك فاقعتن مرارتي فيه ? شانت االخلاق
ابله سميره : طيب روحوآ وبعدين نتفاهم
عاد واحنا بأ احد اسياب مدرستنا الي تخقق والعكس صحيح رهف انفجرت ضحك : ياحليلها عجوز قريح هذي كلمتها روحوا وبعدين نتكلم ههه
مشاعل : ودي افقع خشمه مدري ليه ؟
العنود : تتفلسف على غير سنع
رهف : بنات من علينا
مشاعل : ياليييييييل كيمياء لآلآع
عنود : آشش انتي وياها ندخل الفصل .
طق طق ~> دقت رهف
الابله ادخلو .
المهم دخلنا وانا ناويه اقلب الحصه ضحك وخاصه كيميا حومت كبد وبــ القوآيل .
المهم مشاعل ورهف جالسين ومندمجات مع سالتفهم والجهه الثانيه ضحك تحت الطاوله والجهه الي هناك نايمات والله اشكال تنرحم وربي المهم طلعت من جيبي صرصور لعبه حق آخوي الصغير ورميت بوسط الفصل عاد خبرك البنات من ذبابه ماتموا خوف ورعب فـ كيف صرصور .
فجاء الفصل قلب حلبت مصارعه كلنا طلعنا برى وانواع الضحك والابله تدخلنا ومافي امل صرصور بالفصل يعني رعب ابدي للبنات واهم شي راحت الحصه خخخخ ..
مالكم بالطويله مرت 6 ساعات وجاء وقت الطلعه للبيت وعاد الحين جاء دور مشاعل ورهف ينفذون وعدهم وفعلا ودوني باسكن روبنز وبرسد لكم احداث ماجرئ ..
كومار اصبر ثواني نجيب للعنود اسكريم وبنجي .
كومار : حاضر ماما
المهم نزلنا عاد اشكالنا غلط بالسياره جبنا عباياتنا الكتف معنا لانو مستحيل ننزل بعباية السكول
(مدرسه لغير الناطقين بالقرويه العربيه).
لبسنا وكشخنا ونزلنا وبالمحل شله شباب وش آقول وش احكي الصراحه شكيت انهم سعوديين من حلآهم خقق وربي المهم بحكم انو عنود جايبتنا هنا قامت تتشرط ع الهندي قدام هالمزايين ..
العنود بدلع : لو سمحت ميلك شيك شوكولا .
من قالت العنود كذا قال واحد من الشله الي يخققون ورآء خلهم آثنين ..
العنود قالت واحد واخلص علينا
عاد الهندي عبد يؤمر نفذ كلام العنود وخلص طلبها وفجا نطت رهف مع انو ما كان عند فلوس تحاسب بس كانت حاسه انو في احد بيحاسب عنها طلعت عيونها الي تخلي العاقل مجنون ومسكت بطرف الطرحه
وقالت : تو ميلك شيك فراوله وتوفي
نط واحد بلا شعور وبدون سابق انذار لان الانظار كانت على العنود
وقال : الحساب علي وهنا ارتاحت رهف لانها مطفره اصلا واقعدت مع مشاعل وعنود وفجا مشاعل جاها شي من الرجه قالت رهف شوفي ذاك حلو مو ؟ ..
هنا رهف جارته لانها عرفت وراها شي و
قالت : ايه والله مير ولا توم كروز واضحكت ضحكه رجت المحل ..
وقامت مع خواتها لطلبهم لانه جهز وفجا قال واحد خلي عنك الحساب علي قالت : العنود وش قلت ماسمعت
قال : الحساب علي ردت رهف ضف وجهك مع اخوياك ازين لك قال : لها مقبوله منك يا عسل فجا مشاعل افتحت علبت الميك وعطتها العنود وكبته على هالولد تخيلو شكل هالمزيون يخرب ما اخفي عنكم انه من ورآ قلبي بس يستاهل انا العنود ما العب .. وبعدين طلعنا من المحل وخلينا الشباب بصدمه مع العلم كانوا يقدرون يسبحونا بكل علب الايس كريم بس منصديم هالنعومه فجا ننقلب لهم بشي ثاني ينرحمون وربي ..
بالسياره ..
كومار وربي والي خلقني اذا قلت لماما سفرتك من يومك .
كومار : ماما مشاعل آم انت كلمني قبل عشر دقايق وقول انت في باسكن .
رهف آشهقت : ياتبن يا حمار ياغبي .
عاد آخذ مننا نصيبه من الهواش واحلفنا با اسرع وقت نسفره لاتقولون وشلون دبرته عند رهف .
رجعنا البيت واخذ نصيبنا من هواش امي واحرمتنا من الطلعه اسبوع وعاد بختصر لكم بعد اسبوعين من الي صار باليل اذكر يوم الخميس كلهم نايمين عاد انا ومشاعل لعبنا بشكل رهف لان امي تحبها اكثر منا لانها ماتعاند سوينا بشكلها كانو واحد اغتصبها عشان نحطها بالسواق طبعا مانسينا يوم علم علينا المهم قطعنا اطرف ملابسها وخربنا شكلها كانو فعلا جد وحطين بعيونها مرطب للعيون حار لجل تصيح من قو حرارته هالمرطب عاد مالكم بالطويله سلمنا على اختنا ودعينا لها بالتوفيق في هالمهمه وراحت غرفة الماما وهي تبكي وتنوح من الرعب آمي افتحت الغرفه مرعوبه وقالت رهف وش في شكلك ؟ .. رهف من بين شهقاتها : ماما كنت تحت اشرب مويه وشافني كومار التبن وآخذني غصب وصار الي صار .
آمي : وش تقولين انتي !
رهف : ماما راح شبابي انا انقضى علي بس لك علي يمين ما لمسني ماخليتها بس بهذلني .
امي : اصبري اقوم ابوك هالسواق ماله قعده عندنا .
عاد امي صحت ابوي وقالت له و ورته رهف وشكلها الي من جد يوحي بالاغتصاب انجن نزل تحت وبالصدفه الي ولا احلى طلع ياخذ شاور يعني بيتنظف عشان محد يكشفه عاد اقولكم ابوي عطاه قسمه من البقوس والضرب الي حدد مصيره بالعناية المركز وبعد اسبوعين الظاهر انة صحى كومار و عاد خبركم شرطتنا بهالامور تحكم جلد وتغريب وطرد برى البلد المهم ..
رجع ابوي البيت وهو يشوف رهف تبكي تحسره ع شباب بنته يضيع بيد هندي اناني بس الي يضحك ان رهف كانت تشوف فيلم التايتنك و بكت ع فراق روميو لحبيبته ولاهي طاقه خبر لبوها ومشاعل والعنود طاقينها نومه من بعد ضحك ورقص طعم الانتصار واكيد رهف كانت اولهم .
بعد هالاحداث بشهر كامل جاء العيد واحنا بدون سواق يعني قعده بالبيت شقول لكم آبوي بالشغل واخوي فهد مع آخوياه آخواني الصغار يلعبون ومافي احد يمشينا فجا وبدون سابق انذار ..
يمه وش رآيك نتصل ع خالتي ونزوح الملاهي وبعدها نتشعى ونسهر ببيتنا
آمي: مشاعل تصدقين والله موب شينه بس قولي لخواتك وانا بتصل بخالتك .
مشاعل : من عيوني يا ام فهد
مشاعل قالت لخواتها وتم التخطيط لها الاجازه الي جت بوقتها .
عاد تجمعنا نخطط بس في شي مهم ترى احنا مقطوعين من عمامي خبركم مشاكل ورث من الحكي يعني بنقابل بهالعيد خوالي بس نعمه آهم شي نستهبل على عيال خوالي .
لكم الاحداث بالتفصيل الممل ..
آول ايام العيد (الاضحى)..
....................................
اذا شفت في تقبل لروايه بكملهــآآ ولا بضف عفششي وياقلب لاتحزن
لكم تكملت الروايه واذا ششفت في انسجام منكم كملتها للااخير ..
لكم الاحداث بالتفصيل الممل ..
آول ايام العيد (الاضحى)..
عاد خبركم لازم نشوف خوالي وذبايح وهيك وناس وعيديات يعني فرصه للوناسه عاد او موقف صار لرهف اختي ..
( رهف )
كنت نازله من درج خالي فهد الي مسمين اخوي عليه من ثرآهـ المهم كان الوقت ليل
وكنا مواصلين خبركم وناسه العيد لدرجه نمنا واحنا قاعدين هبال من قلب عاد انا زلابه كنت جوعانه قلت انزل دون جلال
لانو الوقت ليل يعني ما اظن بالوقت ذا احد صاحي عاد نزلت وبالمطبخ اخذت توست وببسي
وقعدت ع الطاوله اكل وشكلي ينحرم شعري طايح بااهمال وبجامتي كحليه حرير وعيون على جاذبيتها
من بقايا الكحل وفجا دخل ولد تقريبا اذا ماخاب ظني عمره 20 او 22 المهم انا تصلبت مكاني خفت وش منزلني بدون
جلال ببيت خوالي استاهل المهم قمت بطلع بس هالوح كان بوسط الباب بس سكتت وقعدت اناظر فيه آكتشفت عيونه
مثل الريم بنت خالي يالله اكيد ذا اخوها عاد انا طفشت
وقلت : مطول عند الباب ابي اطلع
رد علي وقال : طيب يلا اطلعي
ما صدقت راح وطلعت فوق بس الغريب حسيت بشعور الم بقلبي
الله يكفيني شره لا لا ليكون حبيته والله وطردت هالفكار و نمت ولا طقيت خبر شافني او لا اهم شي اكلت ..
اليوم الثاني (ثاني ايام العيد) ..
على الساعه 8 اليل تجهزنا لجل نروح الملاهي انا ورهف ومشاعل وبنات خالي ندى وفهده و الريم
قبل آقولك احداث الملاهي الي محد يصدقه بعرفكم على شخصيات البنات ..
(ندى16)
شخصيه هاديه وحساسه بس ما تكمل مغامرات دونها .
(شكلها)
ناعمه لا ابعد حد عيونها صغار كانها بيبي وسمرآ شعرها لنص ظهرها .
(فهده 18)
شخصيتها قويه عنيده وآول من ويبدا بالتهور ومايهمها وش يصير حتى ولو يحترق بيتهم .
(شكلها)
شعرها تحت كتفها عيونها فنجاين كبار وبيضا مشاءالله عليها ماخذ قوه حدت الملامح هي ومشاعل من جدتهم نوره .
(الريم17)
دلوعه واذا تكلمت هزت الي قدامها طبق الاصل من العنود واذا اطلبت شي يتنفذ بااسرع وقت متهوره صح بس تفكر قبل تتهور عكس خواتها .
(شكلها)
شعرها طويل بس قاصته طاووس مخليها غجريه على زود دلعها هي اصلها بيضآ بس سوت تسمير طلع عليها شي ولا اروع .
نرجع لا آحداث اليوم الثاني رحنا للملاهي قعدنا ع طاوله مع آمي وخالتي والبزارين الصغار عاد ضبطنا لثماتنا ودعسنا ع الالعاب لعبنا لعب لين آنهدينا وباقي 6 بطايق على عددنا والساعه 12 جوعانين مره شوي
تكلمت فهده: بنات وش رايكم نلعب آخر لعبه دامها على عددنا وبعدها نروح كنتاكي ميته جوع .
العنود : خلاص مثل ماتبي فهيده
فهده : فهيده بعينك آسمي فهده لاتغلطين لا آهفك بهالشنطه
رهف : آسكتوا فضحتونا
العنود : آقول لايكثر وش رايك نروح قطار الموت .
الريم : يلا وناسه
مشاعل : بنات قطار الموت عنده زحمه والله عصافير بطني تقررق
ندى : ترآني من الصبح ساكته لكم يا دروج آمشوا نصف طابور لقطار الموت بسرعه ولا اسمع وحده تتكلم .
الريم : ندى يالله سكنهم بمسكنم .
رهف ماتت ضحك ومشاعل غطت وجهها والعنود كملت ضحك الريم حطت رجلها من تهديد ندى وفهده تصارخ لانو جا دور الشباب يعني بيطلونا ساعه ننتظر .
فجاء وبدون سابق آنذار العنود قالت : بنات شوفوا
مشاعل : لا مستحيل وش هالصدفه !
فهده : وش فيكم وش تحكون عنه .
رهف : يالبى بس الخقق
ندى : وجع وش السالفه
العنود : السالفه آنه الشباب الي شفناهم في باسكن روبنز الي انا كبيت عليهم الميلك شيك هذاهم هنا
الريم : طيب واذا صار هم وش لنا دخل ؟
رهف : الي ماتعرفونه ان عنود ومشاعل ما بيتركون هالشباب بحالهم .
ندى : وش قصدك ؟
العنود : يعني شوفوا وش بسوي
مشاعل : ودي اركب جنبهم قطار الموت وش رايك يالعنود كم رقمك ؟
العنود : 55
مشاعل : خلاص نصبر لدور المتزوجين ونركب معاهم
ندى : ميشيل افرضي انهم بيركبون الحين ؟
العنود اسبقت مشاعل بالرد : ياحلوه انا برسل هالولد الصغير لمهم يقول لهم .
فهده : يامتهورات طيب ابي انقي لي واحد اركب معه ؟
رهف : على تبن انا ابي ذاك ابو الشماغ فديتها
الريم : دايم السالفه كذا ابي ابو الكاب
العنود : بس بس خلوني ارسل الولد .
ارسلت الولد وقال لهم في بنات بيركبون معاكم في دوره المتزوجين عاد خبركم شباب وافقوا ع طول .
اركبوا دورهم واجلست العنود مع الي كبت عليه الميلك (محمد) ورهف اركبت مع (خالد) وفهده مع (وآئل) ومشاعل مع (سعود) وندى والريم برى ماسكين اغراض البنات .
العنود : هاي
محمد وهو مشبه ع البنت : هايات
العنود : جاهز بنطلق هالحين ؟
محمد تاكد لان العنود ماتفسخ اسواره بيده تحبها مره وهو شافها بيده من قبل : افا عليك جاهز وجاهز
بالكرسي الي ورا رهف وخالد يسولفون ورهف خاقه لدرجه فسخة الثمه لجل يخق خالد وفعلا انصدم الي قدامه ملاك مو بنت وفجا مشاعل وسعود يتهاوشون وفهده تصارخ والعبه مابدت مهبل وربي ووائل متعجز من فهده تصارخوالبعه مابدات ---->يقال حماس .
1
2
3
آبتدت العبه (قطار الموت)
العنود يوم اوصلوا فوق قالت : اخبار الميلك شيك معاك عساه اعجبك ؟
محمد : افا عليك اعجبني وبس .
العنود اضحكت لدرجه خلت محمد يفك لثمتها حتى الناس
الي تحت ع بالهم زوجته لانهم ادخلوا بدور المتزوجين بس العنود وقفت اكيد : وش تعمل انت ؟
محمد : الله واكبر انتي بشر ولا ؟
العنود بتهور مصطنع : آقول محمد
محمد خاق : سمي
العنود افتحت الموية الي بيده وكبته عليه .
محمد بغى يرد بس اطلق القطار واول الصرخات من العنود و فهده و مشاعل وبعدها وهم فوق صار يمشي القطار ببطى خافت العنود وامسكت يد محمد لين آوصلوا ولما وقفت العبه محمد قال : ماودك تفكين ايدي
العنود انصدمت كيف انا امسك ايده : اها سوري
محمد : يازين بصماتك ميلك ومويه والحين ايدي .
العنود طنشت كلامه وقالت : قوم فشلتنا موب انت رجلي وقف هنا لا احد يشوفني بعدل لثمتي بعد ماحضرتك فكيتها .
محمد : اتخيلك زوجتي والله ما اطلعك برى البيت
العنود وهي محتاسه مع الطرحه : ليش ؟
محمد : بلاك قمر
خلصت العنود : وقالت ابعد روح دور قمرك بعيد انا العنود ما العب وخر بس بطلع
محمد تركها وقلبه ينادي العنود العنود العنود العنود العنود .
بعدها وش آقول لكم عبايات مخصره نص شعورنا طالعه العيون كحله لحد الخدود وجذابات زودن على قوه ملامحنا
كانت محاولات شباب الرياض واحنا بنص الملاهي لمغازلتنا بس عيوني كانت معلقه على محمد
ماكنت خايفه آحس اني اعرفه والشباب يقطون كلام كنت احس بدفى نظرات محمد احسها تحميني اكثر
من انها تآذيني بس لو قلتوا لي صدفه تجمعنا مرتين طيب والاحساس الي احسه آخ بس
لو كان لي عيال عم كان حبيت لي واحدن لي مو احب واحد شفته صدفه واعلق نفسي
فيه وانا ادري موب لي ماكنت ادري احاسيس متضاربه داخلي بس ما خفت نظرات محمد آمان
لين وصلني عند آمي وخالتي ..
آمي : هلا بنات ماطفشتوا يلا ع البيت آخوانك بينامون علينا .
العنود بينها وبين نفسها يالله يايمه بلاك ماتدري بحال بنتك : انشاءالله يلا سرينا
خالتي(موضي): اجل يلا قوموا
فهده : يمه اصبروا ابي اكل
خالتي(موضي) : فهيده وجع بالبيت شوفي اخوانك ناموا
ندى : خلاص فهود يلا
فهده : يالييييييييييييييييييل ليييل
طلعنا بالسياره وعم الهدوء السياره مادري ماعمر احد هزني بس نظرات محمد ما قدرت اتحكم بنفسي يالله عسى خير .
بآ اخر السياره رهف شكت بعمره كيف تحب طيب وذاك الي شافته في مطبخ خالهم بدر حب الطفوله بس هي حبت خالد
.. رهف ماعرفت تحدد شعور وطنشت ولا كن صار شي وآما فهده مو طاقه خبر تاكل ولا هي مفكره
آما مشاعل خافت خواتها سرحنات وحبت تقاطعهم لانها دارية بالهم مع شله هالشباب
وقالت : يمه وش رايك نرجع بيتنا ؟
العنود : أية بجد
خالتي(موضي) : افا يا صبايا عفتوا خالتكم
رهف : والله موب كذا بس كافي نكلف عليكم .
الريم : رهيف احد شكى لك
ندى : رهف اقرب جدار
فهده : اسكتوا نعنبو خيركم لا اهفكم بالزبيرية عطيناكم وجه اخر زمان فهده
تاخذ برايكم وانتي يا خالتي هقوتي مابتردين فهده بن راشد لا اطلبتك تقعدين
مشاعل : احلفي بس لا الفعك برضاعه عمر والله وصار لك لسان اهجدي لا اهجدك
آمي : لا يا بنات بنام عند خالتكم وبكره خير
رهف : الي ودك يمه
فجاء قالت العنود : ندية يا وجع لا تهزين
(العنود منسدحه ع رجول ندى وندى تهز رجلها وبكذا راس العنود رج)
ندى : وشو ؟ ~> فاهيه
فهده : من يهز ابي ارقص
مشاعل : اية ترقصين وانتي مع الخيل ياشقرا
فهده : كيفي والله
ندى تافففففففف وردت عليها
العنود : رجلك لاتهزين راسي وجع
ندى : اففففف ع بالي عندك سالفه .
جات بترد العنود بس اسبقته خالتي : وصلنا انزلوا
عاد نزلنا بالبيت كلنا بغرفه فهده ..
العنود : بدي آنام
الريم : آتعب ع البناني
العنود : جد ابي انام اقلبوا وجيهكم
مشاعل : وانا بعد
فهده : براحتكم احنا بنروح نشوف لنا فلم
ندى : اذا حبيتو تعالوا
مشاعل : اوكي فارقوا
بعد ماراحوا البنات العنود مسوية نايمه ..
مشاعل : عنوده
العنود : هاه
مشاعل : هاه شاينة الاخلاق علي
العنود حبت تختصر الموضوع : مشاعل وش عندك انتي تبين تحاكين صح؟
مشاعل : مشكلتنا توم غير متشابه ولا كان فكرت انك تقرين افكاري
العنود خزت مشاعل بعيونها يعني اخلصي بالحكي .
مشاعل : بقول وش مغيرك من ركبتي مع راعي باسكن روبنز
العنود : بيض
(معنى كلمه بيض عند البنات يعني<اهم شي> خخ)
مشاعل : بيض بعينك قومي نستانس مع البنات يلا
العنود : قدام
آنزلوا تحت وشافوا البنات معلقين بالدرآيش استغربوا .
العنود : سود الله وجيهكم
مشاعل تصورهم ومحدن داري ابد وميته ضحك .
فهده : ياختي تعالي ناظري قسم ولا شله باسكن روبنز
ندى : اخوي بدر عازم اخوياه بالمجلس الي برى
رهف شافت واحد عرفته بس ماعطته بال ---> آآهـ يابدر
مشاعل : ريم ضفي بشوف
العنود اقعدت : قزوا عني
ندى : غريبه
العنود : لا مو غريبه بس ذولا اخويا بدر يعني قرويين مثله .
فهده : على تبن كلش ولا اخوي
العنود : هاو وانا وش قلت يا بقره
الريم : يا مال الماحي اسكتوا بكلم .
رهف : مين ؟
ندى : كلمي بيسكتون
الريم : شكوتي لله ذولا يخلون احد يحكي بس مناقر .
فهده والعنود : سكتنا
الريم : بما اننا مجتمعين لازم نسوي شي
ندى : مثل !
الريم : نكلم بدر يجي يطلب لنا خبركم بنات احنا وصوت المراه عوره
رهف : هاو وش وراك ! اطلبي بيدك
الريم : ياخبله هو بيجي وانا بقز صديقه خقققققققققه عشان يمدحني عنده يقول اني موادبه مره ومااكلم اخر اليول فهمتي
الريم غمزت لهم وكلمه جوال :الو ..
كيفك ..
ادري مشغول بس ابيك بشغله
.. تكفى بدور حبيبي ..
اوكي انتظرك .
. يالبى بس ..
باي
الريم : يا لببببببببببببببببببببببببى العرب
ندى : مالت عليك بس
بعد ربع ساعه جا عند الباب بدر افتحت له الباب فهده : ارحبو اخوي الشين
بدر : خليت الزين لك شينتهم
وفجا تضحك رهف ضحكه ع كلام بدر وقالت لبنات لانهم يطالعون لها: سوري بس طلعه لا ارديا
طبعا سمعها بدر لان بيتهم صدى من كبره وفز قلبه لانو ضحكت
رهف تذبح بس رد عليه : رهف رخي صوتك عندي شباب
رهف ببرود : واذا صار عندك انا وش دخلني !
بدر طنشها لانو مايبي يتهور ويدفنها بالحيا : المهم الريم امري
الريم : بدوري آطلب لنا
بدر انصدم وبينه وبين عمره قال لا فيهم خير بنات هالجيال يستحون انهم يكلمون آشوا بس : طيب هات طلبتكم
فهده : صحنين كبار ورق عنب وصحن مقبلات وصحن مشاوي وثلاثه ببسي وثلاثه سفن اب
بدر : بتعشين حاره انتي بعدين من وين لكم فلوس !
ندى : بدوري الريم معاها فكنا عاد .
بدر : آوكي
طلب وخلص بس في وحده ماكانت معاهم ع قد ماهي تعبانه ومنهده من الملاهي ونعسانه الا انها مستعده ترد ع بدر وتربيه طبعا ذا تفكيرها وبعد ماطلع بدر قالت بنات : نشغل الا ستريوا
فهده : قسم كانك دارية فيني زيران ابي اطلعهم
ندى : معصي
الريم : كان يجيك بدر بالعجرا
رهف : الله واكبر كانكم تخافونه منه
ندى : الووقت تاخر
رهف بدلع الطفوله: تكسرون بخاطري
فهده : ومن قال بنكسره تعالي نروح الملحق نستنزل هناك
رهف : صدق
فهده : ايه والي فيها خير تلحقنا
العنود : ضفي مع كشتك
راحوا ع بال ما تبدل رهف ملابسه كانت ناوية على بدر البست فستان اسود ضيق يقال عشان تعرف ترقص وتعلم فهده الرقص .
بالملحق وهو شبه قريب من مجلس الرجال يعني ينسمع الصوت ..
فهده : رهوف وش تبين من آغنية
رهف كانت تفكر با اغنية عشان تهز بدر لانها قبل كانت تموت فيه تقريبا هو الي مربيها كان يدلعها ويجيب
لها كل الي تبي بس يوم اكبروا انقلبت الاية والسبب
ليومكم مجهول : آممم هيفا وهبي عندك
فهده : اية بس اي اغنية
رهف : مش ئادره استنى
فهده : طيب بحطها بس كيف ارقص انا
رهف : فشلتينا طقيتي 18 وماتعرفين ترقصين
فهده : مانتب فالحه الا بالكلام علميني طيب
رهف : ابشري
اشتغلت الاغنيه وبدت رهف تهز وكانة قاعده تعرض جسمها لا احد كانت جذابه
لدرجه غريبه مره فستان اسود ضيق وعيون سودآ وشعر منسدل وخصر يتحرك لوحده .
خلونا نرجع لمجلس الشباب بدر سمع صوت الاغاني انطق انفجر واستاذن من اخوياه وراح
للملحق وياليت ما راح فتح الباب ومحد حاس رهف ترقص وكانها فنانة استعراضية وكانت ع لحن الا اغيية وتقلد هيفآء وهبي
و كل حركاتها وبدر يطلع منجذب وخاصه الاغنيه كانت ع الجرح
(مش ئادره استنى يوم كمان ارجع باه متشوئه حبيبي حلم عمري لحظه لقاك)
بدر قال بنفسه صح انا حبيتها بس انا الي ربيته شلون معقوله تحبني رهف ؟ طيب يوم شفتها بالمطبخ كانت بارده معي ..
حاول يرجع طبيعي ودخل عليهم طبعا رهف ما تكشف علية بس باعتها لعيون الي اسرها ..
طفا المسجل وقال : وين تفكرون نفسكم فية ترانا الساعه 2 الفجر فشلوتنا
رهف بتصنع التعصيب : آنت شلون تسمح لنفسك تدخل علي كذا
بدر : وآنتي شلون تسمحين لنفسك تترقصين اخر اليول
رهف : احترم نفسك واطلع بالله الحين ترضاها لفهده يشوفها اخوي (واضربت الارض برجلها من دلعها)
بدر : طبعا لا
رهف : تهون اذا كانت على اخوي بس بالله اذا جاء احد يخطبني ودرا ان حضرتك شايفني بيعافني رجاء اطلع وخل عندك ذوق
بدر هزه كلمها وتجمد وفجا قرب منها لدرجه ما صار يفصل بينهم شي وقال : لا تحطين راسك براسي يا بابا
(وهو يكلمها كان يشوفها تهتز من الخوف بس رهف ما تخف ولا تهتم وش الحكمه من خوفها الحين ؟)
آما فهده كانت تناظر ومنصدفه عاجزه تحكي الي قدرت له ضمت رهف وبعدها طلع بدر ودق الجرس شاف المطعم وحاسب وحط الاكل عند الباب ورجع لا اخوياه
شافت ندى الاكل وصاروا ياكلون وجت فهده تاكل معاهم ورهف بحجت انها تبدل عشان ما احد يشوف دموعها بدلت ونامت .
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك