بداية

رواية كل يوم لك حال جديد يوم قريب ويوم بعيد -14

رواية كل يوم لك حال جديد يوم قريب ويوم بعيد - غرام

رواية كل يوم لك حال جديد يوم قريب ويوم بعيد -14

وضحى بالم بترك الجو يصفى لك ,,,,ببعد عن وجهك علشان تاْخذ راحتك؟
تركي أي ...
نواف وبس...
تركي فيك شي منت خالي؟
نواف بارتباك ولاشي...
تركي ابتسم صار بينكم شي امس؟
نواف بانكار لاطبعا؟؟؟بخق عليها انا ها الفلبينية وانا مدري؟
تركي مو مصدقك؟
نواف انا بس اخاف من الايام اللي بتجيني ياتركي...
تركي من شنو بالضبط؟
نواف من ان ياسمين تكون نسخة مطابقة لريم؟
تركي فيني اقولك اني مااسمح لك تقارن بنت خالتي بها الانسانة اللي ماتربت؟
نواف تركي انا مو قصدي وانت عارف....
تركي الا خالتي ام مشعل تراها مربية عيالها صح؟صدق مارباهم ابو بس هي ماقصرت...
نواف بتنهيدة تركي افهمني انا صورة ريم ماتغيب عن بالي ومحسستني ان كل البنات اللي بالعالم بيكونون مثلها....ولامثل امي؟
تركي غلط,,,ماهو صحيح,,,
تنهد نواف وماقال شي وثلاث صور مرت في باله وماهو قادر يقرر أي شي,,,

مشاعل اشششششش بنات هذا فواز داق؟
نوف صحيح ذكرونا نقولكم عن الاخ الرومنسي بعدين؟
نورة يعني لو مادق ماكنتوا بتقولون؟
مشاعل والله كانت ياسمين شاغلة فكرنا وماصار وقت نتكلم؟
ياسمين وهي تناظر بمشاعل اقول بلامااشغل بالك وردي عليه؟
مشاعل بتردد ارد شااقول؟
نوف هاذي اللي بتجلطني!!ياعالم تراها تموت فيه وتبيه ...
مشاعل أي....بس اذا رديت عليه بالتلفون ماادري شااقول له؟
نورة اتركيه هو يتكلم وانتي ردي وبس...
مشاعل بعد تردد الو..
فواز هلا وغلا,,,,
مشاعل هلا فيك...رفعت راسها وكانوا البنات يطالعونها ويضحكون وهي ماسكة نفسها لانها يابتضحك يابتبكي,,,
فواز صباح الانوار..
مشاعل لسه بدري؟
فواز هههه كانها مو عاجبتك؟
مشاعل شوف كم الساعة اللحين؟
فواز من زمان صحيتي؟
مشاعل طبعا..
فواز مدري ليش حسيت انك بتكونين تعبانة من حفلة البارح وماراح تقومين بدري...
مشاعل ..........
فواز تغذيتي؟
مشاعل لالسه..
فواز اجي اتغذى معك...
*****
لاتنسون تتركون تعليقاتكم الكريمة


****
***
**
*

مرحبا فيكم يالغلا...
شلونكم..عساكم بخير...وحشتوني موووت احس من زمان عنكم,,,,
المهم لانطول ونعرض بعطيكم البارت وقراْة ممتعة,,,

البارت السابع والثلاثين ,,,,

فواز ها...اجي اتغذى معك؟
مشاعل انا مو بالبيت...في بيت جدي؟
فواز ياذا الليل....انتي ماتاكلين وجبة في بيتكم ابداّّلايكون ام تركي بس ماتطبخ؟؟
مشاعل ههههههه
فواز مابغينا نسمع ها الضحكة الحلوة,,,لو درينا من زمان قلنا لك ها الكلمة...
مشاعل .........
فواز ها...بتسكتين من جديد؟؟؟
مشاعل
فواز عندي احساس اني بتعب معك كثير يالغلا على الخجل اللي ملازمك؟
مشاعل أي بس انا مو خجولة؟
ناظروا البنات في بعض وهم كل عيونهم تقول طبعا ولافيك ذرة من الخجل بعد!!
فواز أي بس اللي انا شايفه شي ثاني....
مشاعل ..........
فواز كلمت ابوك امس...
مشاعل ابوي؟؟ماقال لي!!!وش كنت تبي منه؟

على سفرة الغذى في بيت ابو تركي,,,,
ابو تركي البارحة فواز كلمني...
تركي وش عنده؟
ابو تركي اعتذر عن تاْخيره في تحديد يوم للملكة ويقول كانت عنده صفقة وانشغل وبلغ عمته انه بيرد بعد كم يوم بس هي الظاهر مابلغت عمك سالم...
عبدالله صار خير؟
تركي ومتى ناوي يملكون..
ابو تركي على نهاية الشهر...يعني بعد اسبوعين من اليوم..
ام تركي الله يقدم اللي فيه الخير ان شاءالله وعقبالكم انتوا بعد ابي افرح فيكم..
تركي بضيق وين البنات ماهم هنا؟
ام تركي رايحين بيت جدك بيتغذون هناك؟
عبدالله وهذولا مايعرفون يقعدون في البيت على وجبة ابدا!!!يابيت خالتي يابيت جدي؟
تركي خلهم يتونسون وش ضارك انتّّ وفي داخله يقول هذا ثقل نوف لازم تحرمني من شوفتها كل يوم والثاني,,,
ابو تركي بعد ماتخلص سالفة مشاعل بغيتكم بسالفة انت واخوك؟
عبدالله خير يبى...
ابو تركي كل شي بوقته حلو
ام تركي صاير شي انا مااعرفه يابو تركي؟.

على سفرة الغذى في بيت الجد,,,
خالد أي وبعد شصار؟
ناظروا مشاعل وياسمين ونورة في بعض وهم مو فاهمين سؤاله؟
مشاعل انت يااخ...وش تساْل عنه؟
خالد اقول أي كملوا السالفة اللي تتهامسون انتي وياها؟على بالكم ماادري وش تسولفون فيه؟
نورة بتحدي يالله اذا انت شاطر قول لنا وش نسولف فيه؟
خالد بغمز ياسمينوا وش سويتي البارحة مع نواف؟
طالعوا البنات في بعض وبعدها ضحكوا بقوة...
خالد وهو يضحك شفتوا اني ادري؟
ياسمين ماشاءالله عليك...اتاريك انت بعد جاي بيتنا تتغذى اليوم علشان تعرف علومي ياويلي منك يالمغثة؟
نورة ومشاعل ههههههههه
ياسمين الا وين الحبايب اليوم مالهم صوت؟
مشعل اللي توه داخل وفي يده شنطة صغيرة خليت حيلهم بينهم ..جدك يعطي جدتك دروس في الدين ...
خالد ههههه الله ياخذك انت..ذابح امي وابو ي من تصرفاتك؟
مشعل اقول اذا متشفق عليهم خذهم عندك يسكنون مانبيهم هني معنا؟
خالد والله الود ودي اخذتهم بس هم مارضوا يقعدون عندي ولاحتى امك رضت تجي معهم...
مشعل أي صدقناك بعد؟
نورة ليش انت عندك شك؟
مشعل وهو يأشر على خالد يبى لايغرك خالك هذا...هذا يخاف على مرته مايبي امه وابوه يضايقوها بكلمة وهم بعد نحيسين مايبون يتركون البيت لنا ويطلعون عليهم بخل مدري من وين جاي...
خالد اقول اعقل عن امي وابو ي احسن لك؟
ياسمين اقول يااخوي ياتاج راسي ياشقيقي العزيز..
مشعل سّمي يالغلا...
ياسمين وش عندك مجهز الشنطة؟على وين ان شاءالله؟

في المطبخ ,,,
كانت وضحى جالسة على طاولة الطعام وبيدها كاس ماي تشرب منه بشويش...ودخلت لها ام مشعل,,,
ام مشعل وهي تجلس قبالها انا ماقلت لك نطريني قلت لك تفضلي سمي...
وضحى ببتسامة تسلمي ياام مشعل...بس انا ترى جاية علشان لاتزعلين ولاانا فعلا مو مشتهية أي شي...حاسة اني مثقلة من البارحة؟
ام مشعل بحنان ماعليه يمه اذا في مجال تضغطين على نفسك وتاكلين علشان لاتضلين كذا وتتعبين انتي مو بروحك اللحين..
وضحى صدقيني يابنت عمي وقت مااحس نفسي مشتهية باكل لاتحاتيني,,,
كانت كلمات خالد ترن في اذنها بقوة وكانه جالس يقولها لها اللحين واكتفت بانها تتنهد وتمسك نفسها لاتبكي,,,,
ام مشعل وضحى...فيك شي يابنيتي؟
وضحى انتظر فرج الله احس اني تعبت حييل,,
ام مشعل وين يايمه لسه المشوار توه بادي...الله يسهل عليك يايمه ويعطيك الذرية الصالحة ان شاءالله..
وضحى الله يسمع منك يابنت عمي,,,

العصر في بيت بو تركي...
ام تركي تو مانور البيت والله...
سعد ومشعل حطوا شناطهم وجلسوا...
سعد النور نورك يالغالية..
مشعل اوووف انا مقدر اقول مثل ها الحكي.؟
سعد قايل لك بعلمك يالعربجي يمكن تحتاجه بيوم من الايام بس انت ماتطيع!!!شوف هذا انت احتجته...
نوف هههههه وربي تحفة مو طبيعين...
مشاعل تعال انت سعيدان مو عندكم سايق ليش بعد ماخليته يجيبك وتعبتنا ورحنا مريناك؟
سعد خفت على مشعل منكم بصراحة....
وبالاخص من نوف؟
في ها اللحظة كان تركي نازل من على الدرج وطبعا مالقط الا اسم الحبيبية قال وهو مقبل عليهم وش فيها نوف؟
مشعل بقهر الناس تسلم بالاول؟
نوف وهي تناظره صادوك؟
تركي وهو شبه محتقر سعد امي شايفها الصباح ومتغذي معهم وها الثنتين دايم يطلعون ومايقولون فمالهم سلام...باقي انت وولد خالتك.....يعني مو واجب لكم السلام؟
مشاعل ههههههههه
ام تركي وهي تضحك لاعاد ياتركي الا سعد ومشعل فديتهم انا اخر العنقود احبهم وماارضى عليهم؟
سعد سمعت خالتي تحبنا وماترضى علينا لان احنا اخر العنقود حق العنب...
نوف وانت الصادق جاكم احمد اللحين وشوي شوي بيسحب منكم البساط.....اي ودحومي بعد ولد حصة ماخذ له مكان بالقلب لاتنسونه بس خالتي تجاريكم يالشيبان,,,
دخلت حصة بولدها في ها اللحظات,,,,
وبدون أي سلام...قالت وهي تغلي وشوي وتصارخ على نوف وانتي بتناظرين بولدي وبللي يحبونه بعد!!!مو كفاية مسوية روحك مسكينة ومجمعة عليك الانظار كلها؟
سكتت نوف ذيك اللحظة..
وتركي شبت فيه نيرانه وهو يشوف نظرة الانكسار اللي بنوف واللي ماحبت تبين ها الشي اصلا وقالت وهي تناظر بمشعل وسعد اللي سكتوا يالله كملوا وناستكم ...هلا حصة شلونك؟
سعد شوف بيت اللذينا ترى عندهم اكشنات في البيت؟
مشعل لو ندري من زمان جينا؟؟؟
كانت ام تركي تناظر بحصة بنظرات قوية معناها انك ماتستحين بس حصة جلست ومااهتمت ولاحتى فكرت تناظر بتركي اللي ثاير ة براكينه منها ومشاعل اللي التزمت الصمت وماقالت شي,,,
سعد خالتي وين الضيفة لنا؟
نوف قامت انا بجيبها..
راحت المطبخ وكاءنها تتهرب من نظرات الكل...الزعلانة والمتشفقة عليها واللي حاقدة عليها وماتدري ليش؟

على كورنيش الدمام,,,
عبدالله شفيك؟
خالد ولاشي..
عبدالله مو صحيح...
خالد ليه عاد؟
عبدالله مبين عليك الضيق فلاتحاول تخفيه؟
خالد مدري...بس احس اني بنيت حاجز بيني وبينها بلي قلته اليوم؟
عبدالله يعني مايسرت الموضوع البارحة وتهاوشتوا..
خالد غمض عيونه وقال هي سوته طبيعي بس انا كان في بالي اعاند واقسي قلبي عليها...
عبدالله طب ليه؟
خالد مدري....
عبدالله انت ليش كذا؟
خالد خلاص عبدالله انا من الظهر وانا مو على بعضي حاس اني مو على بعضي ابدا!!ياليتني مشيت معها الامور طبيعي يوم جتني الصباح ولاقلت اللي قلته لها؟
عبدالله خالد مرتك حامل وبها الفترة تكون حساسة بزيادة يعني يمكن اللي قلته لها زعلها وكدر خاطرها..
خالد بتاْنيب ضمير اوووف لاتقول ياعبدالله...
عبدالله امشي روح لها وراضيها؟
خالد لا..
عبدالله ليه بعد؟
خالد مدري ماابي اشوفها احس اني ثقيل دم ونحيس ليه سويت سالفة من العدم وهي ماقالت شي ولاسوت شي....
عبدالله زين انك حسيت على عمرك..
خالد المفروض اني اوقف معها وانا ادري ان امها ماتستاهل كلمة ام مو اروح ازيدها....كلنا نحتاج ام توقف جنبنا بكل الاوقات ووضحى كانت فرحانة بحملها وكانت تبي تشوف ردة فعل امها اللي المفروض تفرح لها مو تكسر فرحتها؟
عبدالله وانت شبتسوي اللحين بتتركها زعلانة بالبيت وانت هنا؟يبى مدامك عرفت انك الغلطان روح اعتذر منها بعد عندك وقت؟
خالد مو قبل مااذبح امها وافتك منها مرة وحدة وادري ان انا ووضحى ماراح نتهاوش من جديد؟

في بيت الجد,,,,
ام مشعل هلا وغلا بنواف وولده...شلونك؟
نواف الحمد الله..انتوا شلونكم....احمد قوم سلم على الماما ام مشعل؟
احمد مد يده وسلم...
ام مشعل اخذته بحضنها وهي تبوس فيه وهو مو طايقها هلا بحمود الصغير....شلونك يبى..
احمد ابي اروح عند امي ريم علشان اصير زين؟
نواف توه بيتكلم بس سبقته ياسمين اللي كانت توها داخلة طيب يمكن تنبسط معنا هنا وتغير رايك ماتبي تروح هناك؟
احمد باعتراض لاماراح انبسط؟
ياسمين تقربت وجلست جنب امها واحمد وصارت قبال نواف اللي مافكرت تسلم عليه طيب خلنا نسوي اتفاق ...انك تقعد عدنا كم يوم وبعدها اذا خلصت المدة وماارتحت هنا تروح عند امك؟
ام مشعل ها...شقلت؟
احمد سكت وماقال شي...
ام مشعل تكلم ياسمين وين الشاي ماجبتيه؟
ياسمين بلااهتمام ماسويت مااعرف....
ام مشعل طيب مسكي احمد بروح اجيبه انا!!!
عطت احمد ياسمين اللي خلته يجلس جنبها وقامت وبعد ماطلعت من الغرفة...
نواف ماتعرفين تسلمين؟
ياسمين تصدق مااخذت بالي اني ماسلمت عليك؟
نواف وهو يناظر في بنطلونها الضيق وقال بعصبية يعني لابسته عناد !!!قايل لك مااحبه ولاانتي ماتسمعين الكلام؟
ياسمين حطت رجل على الثاني وقالت بلااهتمام زين انك قلت لي تصدق ماعاد بدولابي أي ثياب كلهم وزعتهم وتركت البناطلين علشان خاطرك؟
نواف تقعدين بالبنطلون كذا طول اليوم؟
ياسمين وهي تناظره وكانها تدور شي من اللي صار البارحة ليه انت متوقع اني بسوي عرض ازياء بالبيت وكل شوي بلبس شي؟
نواف وهو يناظر في بنطلونها الجينز الضيق ومو ملاحظة ان لاصق بجسمك حييل,,,يعني بالعربي ضيق!!
ياسمين وهي بعدها تناظره لامااحس....عادي....
نواف بشدة قومي بدليه؟
ياسمين بعناد مو قايمة؟
نواف اقول ياسمين وش رايك نتزوج نهاية ها الاسبوع؟؟؟
ياسمين وقلبها يدق بقوة لالالا حرام لسه باقي وقت مابعد لبست لك البناطلين اللي بالدولاب كلهم انتظر شوي؟
قالتها وقامت بتمشي ويد نواف مسكتها بسرعة ياسمين بهمس وهي تناظر فيه مباشرة ولدك هنا اعقل يانواف؟

كانت واقفة بالمطبخ وماهي عارفة وش تسوي...
هل لازم تطلع لهم برى وتكمل ولاتروح غرفتها؟
اكيد ان الجو متوتر اللحين هاذي مافيها شك لان خالتي قاعدة وتركي قاعد وانا متاْكدة مليون بالمية انهم مو ساكتين عنها,,,
والله تعبت ياحصة والله.....
ليه تعامليني كذا بس!!!
هذا كله تجهزين لنا ضيفة تليق بمقامنا الكريم؟
لفت نوف ولقت سعد واقف عند الباب وابتسمت له وقالت بمرح وهي تحاول تبلع غصتها وانت مفكر مقامك قليل وانتم جايين تسووا لنا اكشن؟
سعد بلهجة امر وراي يابت؟
شالت الصينية ومشت وراه ووصلوا للصالة ودق قلبها وهي تشوف نظرات تركي صوب المطبخ وكانها تنتظر طلعتها باي لحظة والجو هادي وحصة لافة وجهها للجهة الثانية يعني شكلها ولعت بينهم شوي بعد ماقامت,,,,
حطت الصينية على الطاول وسعد جلس جنب مشعل...
مشعل وهو حاط رجل فوق الثانية ماابي شي ماابي ..لاتتعبين نفسك يابنت الناس...قايل لكم ماابي شي خلاص لااحد يغصبني!!
مشاعل وهي تضحك مع امها يبى خلاص لاتجبر نفسك على شي ماتبيه؟
مشعل مد يده للصحن اللي فيه شوكلاتات بس علشان لاتزعلين ياخالتي بشيل هذولا وفتح شنطته وحط فيه الجالكسي والبونتي اللي بالصحن...
نوف شوف الدعلة عطني واحد بشرب معه شاي؟
سعد مو لازم تشربين شاي...شفتي حلها بسيط؟
مشاعل شكلنا بنعيش جو رايق؟
نوف هاذي بداية الروقان مابيخلي لنا مشيعل شي ناكله؟
سعد بزعل شفتي ياخالتي...مايبون يخلونه ناكل على راحتنا؟
ام تركي لاحبيبي سوي اللي تبيه محد قايل لك شي ولاعليك من احد بعد؟
مشعل يعني عادي اعض هذا الولد..ومسك ولد حصة وعضه...
حصة بصراخ غبي انت !!!بتحط دوبك ودوب ولدي؟؟؟
واخذت ولدها وراحت فوق...
مشعل زين سويت فيه فيني حرة عليها انا هاذي حصيص؟؟؟
نوف بهمس وهي تضحك احسن زين سويت فيه لو بعد يمديك تعض امه؟؟
ام تركي ضحكت وهي اللي كانت خايفة ان نوف تكون زعلت؟
مشعل كم تعطيني لو اسويها؟
نوف وهي تشرب شاي اللي تبيه!!
مشاعل ترى يسووها ذولا عادي ماعندهم أي مشكلة؟
سعد وش رايكم نقوم نسوي اكشن وحركات ونراكض ونصارخ ونصير مثل المجانين...
مشاعل أي تمام علشان بعد مانخلص نجوع ونطلب لنا من ا لمطعم...
مشعل خوش والله.....يالله نبتدي...
سعد شال الملزمة اللي كانت جنبه وقال وهو يوقف يالله نبتدي باسم الله..
نوف شالت الشاي اللي عندها وهي مختلعة وتصارخ لالالا سعد تكفى الا ملزمتي خلها بعيدة؟
مشعل 123 اكشن..مشى سعد ونوف وراه تترجاه...
سعد لالالالا لازم تراكضين وراي ونكسر لنا شي بالطريق...
نوف وهي رافعة شوي من عبايتها من تحت مااقدر اراكض بالعباية..
مشعل شيليها لاتخلينها حجة؟
نوف وهي تناظر بتركي تركي هنا...شلون اشيلها يالعاقل؟
مشعل تركي اطلع برى؟؟نبي ناْخذ راحتنا؟
****
ابي تعليقاتكم على ها البارت وتوقعاتكم للي جاي بالطريق,,,


****
***
**
*
منوريني حبايب قلبي والف شكر لكم يالغلا على متابعتكم وتشجيعكم واسمحوا لي على كل تقصير يبدر مني,,,

البارت الثامن والثلاثين ,,,


ياسمين بنرفزة نواف فك يدي؟
نواف واذا قلت لك مو فاكها وش بتسوين؟؟؟؟
ياسمين لا بتفكها طبعا لان ولدك يناظرنا,,,,
نواف بلامبالاة مايهمني,,,,
ياسمين انت من يهمك من العالم!!!!
نواف بثقة محد,,,,
ياسمين طب فك يدي....
نواف مو قبل ماتروحين تبدلين اللي عليك,,,قالها وهو يوزع نظراته عليها وشبه ياكلها بعيونه..
ياسمين مافاتتها طبعا نظراته قالت ببراْة وخبث طيب فك يدي علشان اروح ابدله!!
انتبه نواف بها اللحظات انها تناظر نظراته لها وقطع عليهم الصمت احمد,,
احمد ابي اروح الحمام؟
لفوا له اثنينهم ونواف فك يدها وقالت لااحمد تعال...
مشى احمد ورى ياسمين اللي طلعت من المجلس وابوه كان مولع بذيك اللحظات ويتوعد فيه؟؟؟

تركي بنرفزة سمعني بالله ماسمعت؟؟؟
سعد يااخي نبي نراكض ونستهبل؟
تركي ومن منعك تراكض وتستهبل وانا موجود؟
مشعل انت مو مشكلتي بس مشكلتها هي؟
تركي حط رجل فوق الثانية وقال والله عاد كيفي ماابيها تستهبل معك!!
ام تركي بهمس لمشاعل اللي تناظرهم وهي ميتى ضحك مدام تركي روق شوي انا بركب لااختك التعبانة بشوفها,,,,
انسحبت ام تركي لفوق بهدوء وانتبهت لها نوف بس,,,
سعد ول ول ول...سمعتي ياخالتي ولدك مايحبني!!
مشاعل ههههه امي راحت بماْمورية وبترجع...يالله كملوا خلنا نتونس,,,
تركي الا اقول انت وياه رازين اليوم اقمصة ومكشخين والشعر كله جل وحركات..عسى ماشر؟ماعندنا بنات للعرس تستعرضون لهم؟
مشعل مسوي منكسر ونوف ومشاعل يضحكون عليه افا..وتردونا بعد!!!
تركي انتوا اساسا من يبيكم على الجنون اللي انتوا فيه؟
سعد ناظر بنوف نظرات ترجي علشان يكسر خاطرها...
نوف ياقلبي عليك انا...خلاص وافقت يالله نمشي بلاعرس بلامهر بلا شقة ...
سعد بنتصار شفت المزاييين يتنازلون عن كل احلامهم اذا شافوني؟
مشعل خلاص سعيدان نويف يومين لك ويومين لي خبرك بعد اللحين مشاعلوا راحت منا ومراموه انا وياها مانتواطن..
سعد خلاص صار؟
تركي بعصبية نويف بعيونك جعلك العمى,,,بنت عمي اسمها نوف,,,,وبعدين وش يومين انت ويومين انا!!!
نوف ببرود وانت ليش متضايق بالله!!!انا وراضية بلعبتنا ماتقولي ليش انت حارق دمك على ها البزارين!!!
سكت تركي وسعد ومشعل ابتسموا ابتسامة انتصار,,
مشاعل تدرون شلون علشان ناخذ راحتنا وتشيل نوف عبايتها خل نطلع الحوش هناك بناخذ راحتنا,,,
مشعل والله وجبتيها ياقمر...
نوف لحظة بس ملزمة الجامعة تطلع من السباق واللعبة بكبرها لو سمحت اخ سعد؟
سعد لالالالا لاتحاولين تبيها ابذلي اقصى مجهود علشان ترضيني!!
تركي بروحه كان قلبه يدق بسرعة وهو مو معهم...نوف بتشيل عبايتها بعد لحظات,,,,ياه,,,صار لي زمان يانوف ماشفتك بدوون عباية؟؟ياترى تغير شكلك وشعرك وكل شي فيك !!!
تركي هاذي فرصة انك تشوف نوف بدون ماتحس لك لازم تستغلها عدل وماتفوتها؟؟

لؤلؤة وش فيه صوتك؟
وضحى ولاشي بس شكلي باخذ برد؟
لؤلؤة يوم انك بتطلعين من بيت عمي وبتردين شقتك وخالد بيطلع كان مريتيني قعدتي معي اسليك وتسليني,,
وضحى مدري حسيت نفسي بنام وبريح قلت خلاص ارد الشقة علطول,,,,الا على فكرة نواف وولده وينهم عنك؟
لؤلؤة نواف اخذ احمد ووداه بيت عمي من العصر ولسه ماردوا؟
وضحى أي قالت لي ام مشعل انها تبيه..طيب كان رحتي معه بيت عمي...
لؤلؤة مدري قلت يمكن اني احرج ياسمين بروحتي...يعني يمكن تبي تقعد مع نواف بروحها ولاماتبي تقعد معه اصلا...فوجودي بيكون عايق لها....
وضحى اها....
لؤلؤة شكلك مسطلة على الاخر...يبى روحي ريحي ولاصحصحتي عطيني خبر؟
وضحى يالله سلام...
سكرت من لؤلؤة ومسحت دمعتين طاحوا منها وهي تشوف صورة خالد المعلقة قبالها....
ياربي منك ياخالد...حياتنا مع بعض صارت حييل صعبة وكل ماقلت انها انفتحت وهدينا واستقرينا نرجع من جديد لحال ووضع اصعب من اللي فات!!لمتى بس ياخالد لمتى؟؟؟
كانت حاطة يدها على بطنها وهي مغمضة عيونها علشان تداري باقي دموعها لاتطيح ومن طرى في بالها وليد اللي دوم يسولف عنه خالد ويتخيله يعطي حياتهم معاني اكثر واكثر حست بالنار تشب فيها ورفعت سماعة التلفون تدق لخالد وتتفاهم معه علشان اللي جاي على الاقل؟

نواف اقول خالتي وين الحمام ؟
ام مشعل على يدك اليمين..
نواف وقف بقوم اشوف احمد اكيد متعب ياسمين بعناده اعرفه؟
ام مشعل خله عنك هي بتتفاهم معه...لازم تتعود انها تتفاهم معه من اللحين؟
نواف ماعليه بس هو عنيد بزيادة ومايمشي سيدة الا بطلعة الروح(مدري لمنو طالع يااخ نواف هههه)
طلع نواف من المجلس وكانت ياسمين راكعة عند مستوى احمد ترتب له لبسه,,,وهم يسولفون وماانتبهوا لنواف اللي كان جاي لهم..
ياسمين انت تبي اذا كبرت تصير شنو؟
احمد ابي اصير ....مدري..محد سئلني؟
ياسمين بشوية همس انت بس لاتصير مثل ابوك وبتكون بخير...
جاها صوت نواف القوي من وراها وش فيه ابوه علشان مايصير مثل ابوه؟
جمدت يدها على احمد ولفت تناظره ببراْة وماتكلمت,,,
نواف باصرار وش اللي مو عاجبك باابوه انسة ياسمين بالله؟
ياسمين لفت لااحمد وقالت بدون ماتناظر بنواف انا ماقلت شي...
نواف وش معنى كلامك اجل؟
ياسمين ولاشي..
احمد بتتهاوشون؟
ياسمين مين قال؟
احمد قبل شوي بعد تهاوشتوا؟؟
ياسمين لااحنا مانتهاوش احنا نتفاهم بس!!!
احمد وليش تتفاهمين انتي والبابا؟
ياسمين علشان لمى اجي بيتكم اكون عارفة هو وش يبي وهو يكون عارف انا وش ابي؟
احمد وليش بتجين بيتنا!!!ماما ريم بترجع معنا البيت مانبيك؟؟

عند مدخل البحرين...
عبدالله بالله عليك هذا العقل عندك؟
خالد اووووف عبدالله لاتسوي لي سالفة؟
عبدالله لعن بودارك تقول مرتي زعلانة وانا غلطت عليها وبروح اراضيها تاْخذ بعضك وتجي البحرين؟؟ماتقولي كيف ذي تجي بالله!!
خالد بلامبالاة مرتي واحبها وادري اني زعلتها...بس مو كل يوم بتنفس براحتي...يبى هي يوم اللي زعلانة فيه خلني اخذ راحتي وبعدها ترجع الامور طبيعي بيني وبينها لامن شاف ولامن درى؟؟؟
عبدالله اسمح لي ياخالد...ترى بنت عمك صدق ماتستاهل اللي انت تسويه فيها ومعها كل الحق اذا زعلت منك؟؟
خالد وهو مغمض عيونه لاتضيق خلقنا انت بعد خل نتونس شوي بعيدا عن كل شي؟
عبدالله ظل يناظره وهو ساكت..
خالد بدون مبالاة وبعدين انا مو تاركها للابد يعني يوم بشوف حياتي بدونها كيف تصير؟
عبدالله بالله؟؟؟طيب واذا عرفت وش بتقول لها؟
خالد من وين بتعرف؟انت بتقول لها؟
عبدالله وليه مااقول لها؟
خالد ههههه روح قول لها اذا عندك الشجاعة الكافية انك تقول لها؟انا اليوم حاط في بالي اعيش بمزاجي وماحد له شي عندي؟
عبدالله تصدق ياخالد ولاتزعل مني...مو وضحى اللي تعبانة نفسيا من طاري امها لان اللي تمر فيه اذا شافت امها شي طبيعي اهمال ام لبنتها بيعطي ها التاءثير عليها بس اللي فعلا مريض هو انت!!معقولة تجرحها وتزعلها وتعترف بغلطك وبنفس الوقت تكابر وتعاند وتروح تخونها مع غيرها بدل ماتعتذر لها؟؟صدق انا مو فاهمك ياخالد؟

ام تركي الا على فكرة يابو تركي ماقلت لي وش الموضوع اللي تبي العيال فيه؟
ابو تركي وليه مستعجلة كذا تبين تعرفينه؟
ام تركي لاني حاسة بشي..
ابو تركي .........
ام تركي وخايفة يصدق احساسي ويكون الموضوع هو...
ابو تركي وش اللي تحسين فيه يابنت الناس؟
ام تركي نوف صح؟
ابو تركي .........
ام تركي صح؟
ابو تركي أي....
ام تركي الله يشهد اني احبها واموت فيها واعدها مثل بنتي وماارضى احد يغلط عليها بس اني اخير عيالي فيها لاوالف لا يابو تركي؟
ابو تركي شنو يعني لاوالف لا؟
ام تركي انت بتجبر نوف توافق كذا يابو تركي حتى لو مالها خاطر في واحد من عيالك؟بتستحي منك وبتوافق؟
ابو تركي وانا مابكون متطمن على بنت اخوي الا مع واحد من عيالي لاني ادري انهم بيحطونها في عيونهم؟
ام تركي اترك السالفة اللحين وشوف عيالك وش يبون..ولاتجيب طاريها واذا واحد منهم يبيها بيقول لنا,,,بس انك تخيرهم لايارجال انا ماانصحك ابدا...خليها معززة ويطلبونها بلسانهم مو تنعرض عليهم....

ام سعد نورة...
نورة هلا يمه...سواها سعيدان وراح بيت خالتي؟
ام سعد أي راح..وش تبين منه؟
نورة ولاشي بس صاير البيت ملل...
ام سعد نورة...بكرة غذانا في بيت خالتك ام فارس؟
نورة بصوت مسموع اووووف..
ام سعد ووجع ان شاءالله وش لها ها التاْفف بعد؟
نورة يمه....وش اسوي اروح هناك..مافي احد اقعد معه؟الا اذا بتقعديني مع روان البزر؟
ام سعد بتقعدين معي انا وخالتك ام فارس...

يتبع ,,,

👇👇👇
تعليقات
    حجم الخط
    +
    16
    -
    تباعد السطور
    +
    2
    -