رواية كل يوم لك حال جديد يوم قريب ويوم بعيد -15
نورة هلا يمه...سواها سعيدان وراح بيت خالتي؟
ام سعد أي راح..وش تبين منه؟
نورة ولاشي بس صاير البيت ملل...
ام سعد نورة...بكرة غذانا في بيت خالتك ام فارس؟
نورة بصوت مسموع اووووف..
ام سعد ووجع ان شاءالله وش لها ها التاْفف بعد؟
نورة يمه....وش اسوي اروح هناك..مافي احد اقعد معه؟الا اذا بتقعديني مع روان البزر؟
ام سعد بتقعدين معي انا وخالتك ام فارس...
نورة وليه ان شاءالله معزومين هناك؟
ام سعد وليه ماتبين تروحين هناك ان شاءالله؟
نورة بروح خلاص ماقلت شي...
ام سعد انتي ناسية ان فارس ماباقي شي على جيته....
نورة ....
ام سعد اشوف سكتي وماقلتي شي؟
نورة بعصبية يمه فارس يبيني ولا بس علشان امه اختارت وابوه وافق بياخذني؟انتوا شلون ترضونها لي عاد؟
ام سعد وش اللي نرضاها لك؟؟؟فارس الف وحدة تتمناه؟
نورة بعصبية اكبر يروح ياخذ وحدة من ها الالف ويريحني منه ومن طاريه اللي يوجع القلب؟؟؟انا ابي افهم واحد ماتدرون عن حياته أي شي كيف بترموني عليه ها الرمية وانتوا ماتعرفونه؟
كان واقف بالمجلس والمكان غارق بظلامه تقرب من النافذة اللي تطل على الحوش وهو يسمع اصواتهم تقترب من هنا...رفع طرف الستارة وفتح شوية من النافذة وهو يحس ان انفاسه بتخنقه من كثر ماهي سريعة ومتلاحقة,,,,
كانت واقفة مع سعد ومشعل ومشاعل اللي راكضين كلهم ورى بعض وكانهم مجانين وكل شوي واحد يوقف ياخذ له نفس ويرجع يكمل لعبهم ..
هاذي نوف ياقلبي....
وش اللي صار فيها وخلاها تصير كذا ومن متى؟؟؟
ياانها حلوت كثير وانا ماادري فيها...
كانت لابسة بنطلون اسود وبلوزة فوشية ربع كم ومرجعة شعرها كله لورى ..
اول مرة يشوفها بدون عباية من صارت تتحجب عنه يعني من فوق اربع خمس سنين...
ياه مدة طويلة راحت ماشفتك فيها يانوف....ضعفتي كثير عن اول وحلويتي بعيوني اكثر,,,,
انا صدق اشوفك بالعباية اجمل شي تشوفه عيني...بس اللحين صورتك انرسمت بقلبي وماهي قادرة تطلع منه ..نزل عيونه بها اللحظات في الارض وهو يستعرض شكلها في ذاكرته ويشوف الصورة ثبتت ولالسه قبل لايكسر النافذة لانه ماراح يشوفها من جديد في نفس اللحظة اللي نوف ارفعت راسها وانتبهت ان في احد ورى نافذة المجلس اللي كانت قبال المكان اللي هي واقفة فيه مباشرة؟؟؟؟
نواف بشوية عصبية لاتطري اسم امك قدامي مرة ثانية لااذبحك انت وياها سامعني!!!
رفعت نظرها وناظرته بعيون محتارة ماتدري ليش!!!هل نظراتها له ذيك اللحظات كانت غيرة من طاري ريم اللي احمد يقول انها بترد البيت ولاشي ثاني؟
نواف يالله انقلع داخل اشوف....
مشى احمد وهو ماسك نفسه لايبكي....ومبين عليه انه بينفجر باي لحظة....
تنفست بقوة بعد مامشى وقالت له بشوية عصبية نواف...ريم بترجع مرة ثانية؟
نواف اسكتي انتي الثانية تسمعين لي كلام بزارين وتصدقينه؟
ياسمين باصرار بس هاذي مو اول مرة يقول ها الحكي..قاله قبل؟
نواف هي طبعا حاشية براسه ها الافكار قبل لاتعطيني اياه..على بالها انه اذا ظل يزن على راسي بردها...
ياسمين بحسرة واضحة في صوتها متاْكد!!ولاهي لعبة بتلعبها معي وب...
مامداها تكمل كلمتها ألا نواف كان واقف قبالها وماسك كتفها بقوة والشرر يطير من عيونه على كثر عصبيته انا اذا قلت ها السيرة مو صحيحة تصدقيني وغصبا عنك؟؟؟
ظلت ساكتة وهي حاسة انها واقعة بموقف محرج ماهي قادرة تطلع منه...وظلوا ساكتين شوي لحد ماقطع الصمت نواف اللي قال باصرار وش فيه ابوه ان شاءالله مو عاجبك وماتبين يصير مثله؟
ياسمين تقربت منه وهمست في اذنه ماابي من ابوه ثنين بدنيتي لااتعب معهم!!!!
قالتها ومشت بسرعة وبدون ماتعطيه مجال يعلق بحرف واحد وظل هو يردد كلمتها بنفسه وهو حاط لها الف تفسير وتفسير؟؟؟
جلس على اول كنبة صادفته وهو بعده بالظلام ومافكر يشغل أي اضاءة من حوله....
طلع جواله يكلم وهو صوت تنهيداته طالعة لبرى من كثر ماهي عالية؟؟؟
رد عليه نواف اللي كان على الخط الثاني...
وتوه قايل الو الا نوف دخلت المجلس وقلبها محسسها ان تركي اللي مو جود بالمجلس وماخاب ظنها يوم سمعت صوته اول ماصارت جنب الباب اللي مفتوح بس ماتدري ليش وقفت تسمع مكالمته قبل لاتدخل تغسل شراعه لانه كان واقف يشوفها بدون علمها...وفتحت عيونها على وسعها ووقف قلبها يوم سمعت تركي يكلم ويقول خلاص يانواف انا مو قادر اتحمل اكثر,,,حب نوف معذبني حييل...مااقدر اخبي اكثر لازم اصارحها بشعوري....تكفى قولي شسوي وشقول لها علشان تدري اني غرقان فيها؟؟؟
مماأعتقد ان البارت قصير انا احسه كان طويل مرة(ههههه)المهم لاتنسون تتركون وراكم تعليقكم على اللي جاي من احداث واللي راح بعد!
****
***
**
*
مع كل تعليق وكلمة تشجيع تصدر منكم احس اني مقصرة معكم حييييل بس ان شاءءءالله البارت الجاي بيكون لكم
شي خيالي ومتائْكدة انه بيعجبكم مرة لان فيه اكشنات وحركات يحبها قلبكم وحتى بارت اليوم مايخلى بس بكرة اكثر وهذا وعد انه يكون طويل وفي النهاية بتكتبون لي قصريه شوية تمللنا واحنا نقراْهههه
عموما الف شكر لكم يالغلا وخلونا نشوف بارت اليوم,,,
البارت التاسع والثلاثين ,,,
وقفت مكانها مصدومة من اللي سمعته منه,,,
يعني هي عارفة ان هيبة تركي وجبروته تتلاشى قدامها وان لها معاملة خاصة عنده...بس رجحت ها الشي لانه يتشفق عليها وعلى يتمها,,,بس انه يكون يحبها فهاذي مصيبة ماتدري شلون نزلت على راسها ولاشلون تتعامل معاها؟؟؟؟
ماقدرت توقف دقيقة زيادة..ركبت غرفتها بسرعة وقفلت الباب وهي تتفس وراه بقوة كبيرة...
صدمة عمرها ماتوقعتها ابدا من تركي!!
يحبها؟من متى؟وليه؟هي تحب عبدالله مو تركي؟
لازم اليوم تقول لعبدالله بسرعة عن حبها علشان توقف عند حل...
خل يموت حب تركي بقلبه بس لايموت حبي لعبدالله..
انا خسرت امي وابوي واهلي ابي عبدالله وحبه ماابي اخسره يارب,,,
سعد وينها هاذي راحت وماردت.. ماتت اللهم ياكافي؟
مشاعل ههههههه
مشعل هي قالت بتشوف شي وبترد؟
سعد اخاف بس مسكونة بنت عمك وتجيها حالات..
مشاعل هي بيني وبينكم تجيها حالات اذا كانت حصة موجودة بالبيت؟
مشعل افا....وانا مشعل حصيص هاذي يبيلها نستخدم معها الاسلوب اللي نستخدمه مع جدي وجدتي...
مشاعل تراها اختي وماارضى عليها بعد...
سعد أي بس انا احب نوف اكثر من حصيص اللي ماتعطي وجه...الحمد متزوجة لي وزير المالية وانا ماادري؟
مشعل على الاقل نوف اذا طلعنا معكم ماتقصر علينا بس هي بخيلة موووت ريال مايطلع منها...اذكر مرة كنا بفينيسيا مول وعطتني عشرة اشتري اسكريم الحبيبات الصغير هذا لولدها وهو بستة ريال يوم جبته لولدها علطول قالت لي وين الاربعة اللي بقوا يامشعل؟
سعد ول ول ول على ها البخل؟
مشاعل هههههه ياربي تدرون حاسة بعيش ايام حلوة معكم...
مشعل مسوي جدي صارحيني وانا ولد خالتك انتي تبين فواز ولانروح نخليه يغير رايه؟
سعد أي ترى بعدك بالبر يامشاعل لاتجبرين نفسك اذا ماتبينه؟
مشاعل اووووف....ماشاءاللله وش بتسون بعد؟
سعد بنفخة كل اللي مايخطر على بالك... ترى احنا كل شي الا الزواج بالغصب ماعندنا بنات يتزوجون بالغصب؟
مشاعل في بالها أي والله عاد مانطقتوا الا انت وياه نورة بتاخذ فارس غصب وياسمين اخذت نواف غصب!!!
هاذي المرة الرابعة اللي تشيل سماعة التلفون فيها تبي تدق عليه علشان تعتذر منه وترجع المياه لمجاريها بس جواله مقفل...
كله منك ياوضحى,,,كان اعتذرتي منه قبل لاتنزلين من السيارة..
اللحين وش يفيدك بالله انك تقعدين تحاتينه وماتدرين وش صاير له؟؟
معقولة صاير له شي لاسمح الله!!!!
لاهو خالد كذا اذا تزاعلنا يقفل جواله علشان لايسمع صوتي...
لاتلعبين على نفسك ياوضحى هو ما...
اووووف ياربي والله تعبت.... ماتسوى ياخالد والله ماتسوى انا حتى ماقلت لك أي شي وانت اللي بديت السالفة وقمت تلعب باعصابي وتغثني بكلامك اللي مثل السم وانا متحملة وساكتة..واخر شي انت تزعل مني!!!
حرام ارجع اذا مو علشاني علشان اللي في بطني,,,,علشان وليد,,,
ظلت حابسة نفسها بغرفتها طول الوقت مع علمها ان نواف من زمان مشى..
شي غريب انتابها اليوم ماتدري هو شنو بالضبط؟
اسم ريم وطاريها قلب لها كيانها؟؟؟
ريم ونواف...ياترى ليش تطلقوا؟؟؟
محد يدري عن ها السالفة؟معقولة بيقولي بيوم من الايام ليه هو طلقها؟؟وهل معقول انه يردها بيوم من الايام ولو علشان ولده؟؟
لالا ماشكله كان متضايق من طاريها بجد مو بس علشان انا واقفة ويبي ينهي السالفة؟؟
طب ليه انا قلت له انه متعبني...اللحين بيفكرني احبه واموت فيه ومو قادرة على...
ياسمين علامك انتي...هو بدا السالفة وانتي جاريتيه وش فيك.....
ياترى بيجي بكرة بعد..؟
يعني ممكن يتحجج بولده وشنو يبي ويمر؟
لا ماابي اشوفه خلاص انا صرت اخاف منه ومن شوفته....
مشاعل وينك انتي؟
كانت نوف بعالم ثاني وماهي مع مشاعل اصلا,,,
مشاعل بمرح مابتكملين معنا وناسة,,,
نوف بضيق بلى سبقوني انتوا انا بس حاسة اني متضايقة شوي..
مشاعل بهمس حصة؟
ماتدري ليش دمعت عيونها وماقوت تقول شي....وكل اللي قدرت تقوله مشاعل روحي لهم واذا رقت بجيكم علطول...
مشاعل حطت يدها على كتف نوف قومي اللحين..وش قلنا قبل لاحصه ولاغيرها لازم يهمونك بللي يقولونه...هي اختي صحيح بس انتي اعز عندي منها وانتي عارفة ها الشي يانوف؟
نوف بدت تدمع عيونا صدق وقالت ببحة حصة مالها شغل يامشاعل...انا بس صار لي موقف بعدين بقولك عنه وضايقني شوي...روحي كملي معهم بجيكم بعد شوي صدقيني,,,
مشاعل اكيد...
نوف أي....
مشاعل بمرح ترى لايفوتونك قاعدين يحققون معي اذا كنت ابي فواز ولا لا يقولون ماعندهم بنات تنجبر على العرس؟
نوف بمرارة يكونوا مايعرفون ياسمين ونورة يعني ولايقربون لهم؟
مشاعل وهي تضحك هذا اللي كنت اقوله...المهم ياقلبي لاتفوتين على نفسك متعة ماتنعاش كل يوم بها البيت؟
نوف بشرود امممم
ظلوا طول الجسر ساكتين وعبدالله بين فترة والثانية يرجع يناظر بخالد....
خالد بضيق علامك انت ليه تناظرني كذا!!!
عبدالله بهدوء ولاشي....
خالد باصرار وشوية عصبية بلى في شي
عبدالله كنت اساْل نفسي أي استقبال بتستقبلك اياه وضحى ...
خالد تنرفز وسكت....
عبدالله معقولة ان الحياة تمشينا كذا اذاتهاوشنا مع بعض وتخلينا نمشي بالطريق الغلط حتى واحنا اللي ..
خالد ممكن ماتكمل كلامك؟
عبدالله بتنهيدة خالد اللي سويته غلط؟انت خالي وصاحبي وكل شي....بس بعد انا ماارضى انك تعبث بحياتك وهي مستقرة وكل امورك تمام....
خالد ..
عبدالله اللحين فهمت انت ليش تتجنب طلعاتنا مع تركي ونواف لانك ماتبيه يدري عن سوالفك من ورى اخته..
خالد بحدة عبدالله.....ماصارت...قلبت لي حتى الجو اللي روقت فيه قبل شوي؟كانها صارت ماتسوى عليّ!!
عبدالله لابس حبيت اذكرك ان الشي اللي سويته مو بس غلط الا حرام بعد؟
اخذته رجله لعندهم..مايدري أي احساسه تملكه وجابه هنا...هل لانه متوقع يشوفها من جديد بدون عباية؟
ولانه يبي يشوف عيونها ويقولها عن اللي بخاطره....
تنهد بقوة قبل لايدخل عليهم في الغرفة اللي بالقبو...
كان الباب مفتوح ماهو مسكر....
وصوت ضحك مشاعل بس رايح لبيت الجيران..تبسم قبل لايدخل...مشاعل بتفارقنا ماندري متى..وبتغيب عنا ضحكتها الحلوة ومقالبها اللي توقف شعر راسنا في معظم الاحيان...شي توه يفكر فيه...ياترى كيف بتكون حياتنا والبيت كله بعد غيابك يامشاعل؟؟؟
سؤال ماطرى له يساله نفسه قبل الا اللحين وهو يسمع صوت ضحكها وهي ميتة على سوالف مشعل وسعد ...
تحمح ودخل...مايدري ليش بس يمكن علشان يعطيها فرصة ترتب شكلها وتعدل شيلتها على راسها بس استغرب يوم لفت له مشاعل وقالت له ادخل ماكو احد..
ويوم دخل الغرفة ومالقاها جالسة انقبض قلبه مايدري ليش؟؟
سعد تفضل البيت بيتك؟
تركي ماعرف شيسوي هو جاي يشوفها هي مو هم ومايدري شلون نطق لسانه وسئل عنها
تركي وين نوف؟
مشعل حصيص مزعلتها؟
مشاعل انا ماقلت لكم كذا!!!
تركي بعصبية وش قايلة لها حصة ها التعبانة بعد!!
سعد يعني ماتدري عن اختك وعن لسانها؟؟خسارة طلعت كان شفنا الفلم اللي بيصير؟
مشعل بحسرة ماقلتوا لي انها طلعت؟؟انا قايل حصة علشان اشوف وش بيسوي فيها ابو الترك..بس مدامها طلعت فااحنا ماندري عن نوف ولاشفيها زين كذا!!راح علينا الاكشن؟
كانت امها بالمطبخ وجدها وجدتها صوت صراخهم واصل للجيران..وهي تقول بنفسها يقولون مشعل اللي ياْذيهم والله حرام عليهم مشعل ماهو هنا اليوم بعد متى اْذاهم وليه اصواتهم عالية!!!
تنهدت وهي تشوف احمد يشاهد بالتلفزيون..
لاشعوريا جلست جنبه وشالت الريموت وغيرت المحطة..
احمد بانزعاج انا اشاهد ماتشوفيني!!
ياسمين بلامبالاة وانا ماابي توم وجيري ماهو غصب؟
احمد امك خلتني اشاهد....اذا ماتبين روحي...
ياسمين بعناد البيت بيتي ماهو بيتك علشان تتحكم فيني وتكلمني كذا..هذا اولا ثانيا انا اكبر منك كلمني عدل؟
احمد غبية...
ماتدري ليش قامت بنرفزة وضربته على يده وفتح هو اذاعته بالبكي..
ياسمين بانفعال صدق ولد ابوك نفس الاسلوب وال..
ام مشعل شفيه يبكي؟
احمد راح لاام مشعل هاذي الغبية ضربتني؟
ام مشعل بلؤم عيب يااحمد مايقولون ها الكلمة ماهي زينة؟
احمد بس هي صدق ضربتني؟
ام مشعل وانتي وينك ياصباح الخير كم مرة سئل عنك نواف وماعرفت شقوله؟ياحافظ بس سلام وتمشين هو جاي لك انتي ولاجاي لي انا ماتقولين لي!!!
ياسمين .......
ام مشعل وبعدين تعالي ليش ضاربته ماتقولين لي هذا امانة عندنا؟
لاني مااقوى على ابوه وبطلع حرتي كلها في ولده...ها الشي اللي تمنت تقوله بس ماقالت وقالت بنرفزة لانه كلامه تافه وشو يقولي غبية؟؟
ام مشعل ياسمين يمه ..بالهداوة علشان يحبك ويتقبلك مو من بدايتها تضربينه ترى عمره ماراح يحبك...
ياسمين وهي تمسح دموعها وتمشي من قدام امها ولاابيه يحبني زين...وانتي بعد لاتحبيني ظلي حبيه هو احسن لك؟
ماتدري ليش قالت ها الكلمة ولاليش دمعت عيونها كل اللي عرفته انها وصلت لااول درجة ومسكتها يد امها ولفتها عليها وكانت غرقانة ببكيهاواخذتها امها بحضنها بحنان..
ام مشعل ياسمين يمه...انا لايمكن احب احد بالعالم كثر مااحبك انتي واخوك مشعل ...صدقيني مااراح احب احد غير عيالكم اللي اتمنى اشوفهم واشيلهم قبل لاتفارق عيني ها الدنيا...كل الناس والعالم مايوصلون لمستواكم عندي وانتي عارفة ها الشي؟
ياسمين وبكيها زاد يمه....انا ماابي اتزوج ابي اظل معك هنا ومع مشعل حتى جدي وجدتي ونكدهم احبه وماابيه افارقه لبيت ثاني...يمه تكفين ماابي انحرم منك ومن حبك لي!!!
دخل الشقة وهو غامره احساس كبير بالذنب؟؟؟
صباح الخير ياضميري الغايب توك اللحين تحس ان اللي سويته غلط!!!
مايدري ليش اللحين حس بالضيق والتعب وانه اسوا انسان بالعالم...
هل لانه دخل مكان ماليته ريحتها؟ولالان لمساتها موجودة بكل ركن فيه ولانها كانت مجهزة له العشى على الطاولة وحتى الشموع مشغلة ولابسة له قميص النوم الوردي اللي يحبه؟ولالانه شايفها وهي ماسكة الجوال بيدها وغافية عينها والظاهر انها تعبت من كثر ماتتصل فيه وهو مقفل الجوال لايسمع صوتها ويحس بغلطه!!!
اخذ بعضه ودخل الحمام وفتح الدوش وقام يبكي ضميره اللي باعه بلحظات وترك هنا قلب خايف عليه ويبي رضاه!!
ياربي سامحني ولاتخليني اعيدها مرة ثانية ....
انا مدري كيف طعت شياطيني ورحت عنها وتركتها هنا بروحها...
انا اسف ياوضحى اسف..صدقيني ماتنعاد يابنت عمي ...يااغلى مافي دنيتي واحب انسانة الى قلبي....
مابغت نوف تسمع صوت الباب يتسكر ويدخل منه عبدالله ..ماشاءالله ياعبدالله هذا كله سهر والله تعبت وانا انتظرك صارت الساعة فوق الثنتين؟؟؟
مسحت باقي دموعها وحاولت تكون طبيعية ووقفت تناديه لانه كان بيركب غرفته..
نوف بصوت مبحوح من كثر مابكت بينها وبين نفسها عبدالله..
لف لها وهو بعده متضايق من خالد هلا...
نوف كنت منتظرتك لو ماعندك مانع..بغيت اسولف معك شوي..
عبدالله خير ان شاءالله ...
نوف تفضل ليش واقف...
يوم قعدوا سئلها عبدالله غريبة ماهي معك ونيستك؟
نوف لانامت...
عبدالله تصدقين انا بعد بغيتك بسالفة..
دق قلبها بقوة....
عبدالله قولي شعندك؟
نوف لا..انت بالاول انا سالفتي ماهي بااهمية سالفتك...
كانت في بالها تبيه يتكلم علشان يبدي هو وتكون العلاقة جدية اكثر بما ان هو اللي بيطلب منهابس تفاجاءت فيه وهو يهمس بصوت واطي
عبدالله ابي منك خدمة؟
نوف عيوني لك...انت امرني..
عبدالله تسلمين يانوف بس والله ماراح انساها لك ابدا..
نوف لاعادي احنا مابينا شي.....
عبدالله ابيك تتعرفين على وحدة؟
نوف بصدمة ها...
عبدالله بجدية عبير بنت جيرانا...بنت الفالح....انا احبها يانوف وودي ارتبط فيها..ومن زمان واحنا متفقين وقلت ماعندي غيرك يخدمني ويتعرف عليها علشان وقت الخطبة تكون جاية من طرفك يعني انتي تعرضينها على الاهل..عرفتي؟
أي عرفت انت بعد ياعبدالله..نوف كانت تحت تاءثير صدمة شلت لسانها وماخلتها حتى ترمش بعيونها؟؟؟
مو معقول ابدا مو معقول...وش ذا اللي تقوله ياعبدالله؟؟؟
انت انهيت حياتي بكلمتك هاذي؟؟؟
كان جالس بروحه في غرفته اللي بتتوجها بعد كم يوم ياسمين وبتكون فيها.....معقول تكون فيها ملكة يانواف؟لو بتكون جارية تحت رحمتك؟؟؟
هي بتقرر ولاانت؟؟؟
معقولة ياسمين بتكون مثل ريم؟؟؟
تنهد بقوة وهو يطرد صورة ريم من باله ويركز على صورة ياسمين...
اليوم كان فيها شي غريب...يعني فوق عنادها على سالفة البنطلون الاان عيونها كانت تقول اشياء ثانية بعد...
كلامها لااحمد انه مايشبهني؟واني متعبها؟وش تفسيره بالله؟
وفي شنو انا متعبها اصلا!!
معقولة علشان عنادي لها ولافي شي ثاني هي تفكر فيه؟
معقولة علشان البارحة يوم تكون بحضني حست اني ممكن اميل لها وان مشاعري بيوم من الايام كانت هي متغلغلة فيها؟
تنهد بقوة ومسك جواله ودق عليها ...هو صدق مو داري وش يقول لها ولاعن شنو يسالها بس اذا سمع صوتها اكيد بيعرف شيقول؟
ردت عليه بعد الرنة الخامسة بصوت نايم..
ياسمين نواف..في شي...
انتبه للساعة انها ثلاث وربع وتندم انه دق وهو ماشاف الوقت قبل؟
نواف بارتباك ها..لا..بس...
ياسمين بعدها النوم في عيونها شنو؟
نواف يعني احمد نام؟
ياسمين أي..من زمان.؟
نواف ماتعبكم؟
ياسمين لا..
نواف يعني هو عنيد في معظم الاوقات ومزاجه صعب فخفت انه يكون متعبك للحين وقلت اتطمن....
اخذ صوته شوية ثقة لان سالفة انه يسال عن احمد جت بصالحه في نظره ابو ومتصل يسال عن ولده بس يوم سمع صوت ياسمين اللي دوخه من كثر ماهو ناعس ونايم وهي تقوله وبعدين يانواف ادخل في موضوعك مباشرة..انت عارف ان احمد من زمان نام ولو على قولتك تبي تتصل تسال عنه كان اتصلت من خمس ساعات مو توك؟قول شعندك وخلصني؟وش اللي تبي تعرفه؟
انصدم وماعرف شيقول...اصلا ماقدر حتى يتنفس شلون عرفت انه يبي يعرف منها ولاانها تقوله شي وماهو متصل عن ولده..حس نفسه محرج وزاد احراجه سؤالها تبي تعرف انت ليش متعبني صح؟
حس انه غرق بعالم ثاني وغمض عيونه وصوتها الدايخ في باله وهي تعيد ها الجملة مرة ثانية,,,,
نزلت القبو ودخلت الغرفة اللي فيه وقفلتها عليها وقامت تبكي بحرقة....
احلامها كلها انهارت...اليوم هذا كان اسؤا يوم بحياتها ومر عليها..
عبدالله ويحب عبير بنت الجيران!!!اخر شي توقعته منه؟؟؟وتركي يحبها وها الشي اللي ماهي قادرة تركز فيه...حست نفسها تختنق ومو قادرة تتكلم...تبي تسولف مع أي احد خارج نطاق ها البيت ويسمعها..
دقت على نورة بااصابع مرتجفة وهي عارفة انها بتكون نايمة لان الساعة فوق الثلاث اللحين بس شي بداخلها كان بينفجر لو مادقت...
بعد الرنة الرابعة جاها صوت نورة النايم الو...
نوف وهي تبكي نورة لحقيني..
نورة بفزع نوف...علامك وش صاير؟
نوف وهي تبكي نورة انا اسفة اني صحيتك بها الوقت بس انا محتاجتك ابيك تسمعيني..
نورة بخوف نوف قولي انا اسمعك وش اللي صاير لك؟
نوف انا تعبانة ...قالتها وغرقت ببكي طويل وحار...
نورة باسى شفيك...سعود قايل لك شي ؟ماتدري ليش جاها احساس ان سعود بالسالفة يمكن لان نوف دايم تتعب بعد كل لقاء فيه؟
نوف ياليته سعود يانورة ياليته...
نورة اجل شصاير؟
نوف قلبي يانورة قلبي...قلبي اللي مو قادرة عليه.....اه يانورة اه..
نورة بروقان قلبك يعني السالفة فيها حب وخرابيط؟؟اعترفي بسرعة منو؟
نوف وزاد بكيها شااعترفلك بس يانورة اعترفلك انه راح خلاص وماعاد لي فيه امل..
نورة ليه عاد؟؟؟منو هذا اللي تحبينه يانوف..
نوف بهمس عبدالله..
نورة ولد خالتي....
نوف أي......
نورة وين المشكلة ؟
نوف بمرارة انه يحب عبير بنت الجيران ويبيني اتعرف عليها علشان اسهل له موضوع الخطبة والارتباط فيها؟
نورة
نوف ........
نورة وهو يدري عن حبك؟
نوف لا...كنت ناوية اقوله بعد اللي سمعته اليوم بس ماعاد ينفع خلاص..مو انا اللي بجي اقوله علشان اخر علاقته في وحدة تمناها وتمنته يانورة...
نورة وانتي وش سمعتي؟
نوف بمرارة اكبر المصيبة الاكبر....تركي يحبني؟
عاد ماهو قصير ابدا وانتظر تعليقكم عليه واشوفكم على خير بكرة مع البارت الخاص واللي بيكون طويل ههههه
****
***
**
*
لالالالالا انا زعلانة منكم صراحة معقولة ذاك كان احلى بارت قريتوه؟؟؟
كانه نوع من التحطيم!!ههههه
بس انا اتوقع ان هذا احلى منه....
ومشكورين حبايب قلبي على مشاركتكم ومتابعتكم...
البارت الأربعين ,,,
نورة يمكن انها خيرة يانوف؟
نوف وبكيها زاد الا فجيعة يانورة فجيعة...صدمتين بيوم واحد ذبحوني...
نورة امممممممم بس صدقيني يمكن خيرة انك تعرفين الموضوعين بيوم واحد...
نوف انا مو قادرة افكر بشي يانورة حاسة نفسي مسجونة وخوفي من انه يشوفني احد ابكي ويسالني صاير اعظم علي من السالفة كلها...
نورة طبعا انتي ماقلتي لعبدالله؟
نوف بانهيار طبعا لا...وينسى اني اقوله بعد...
مو انا اللي اعرف بحبه لاانسانة ثانية ويبي يرتبط فيها واقوم افرق بينهم يانورة مو انا؟
نورة بالنسبة لي لو يعرضون الاثنين بختار تركي بدون مجاملة؟
نوف ماهي سالفة اختيار...القلب عشق عبدالله من زمان يانورة شسوي فيه بس شسوي؟شلون افهمه ان عبدالله خلاص ماعاد لي رجا فيه؟
نورة وتركي قلتيله شي بعد ماسمعتي كلامه؟
نوف لا..ولاناوية اقوله بعد...مدري كيف بتواجه معه بعد ها الكلام...مافكرت فيها من قبل اصلا....طول عمره معي غير بس كنت ارجحها انه متشفق على يتمي ويعتبرني مثل مشاعل بس انه يحبني....
نورة غريبة ماكان يبين عليه...يعني ولاموقف دل على انه يحبك كل الامور اللي يسويها بصالحك ماهي كفاية؟
نوف بهدوء الا سالفة العباية ؟
نورة باستنكار العباية؟أي عباية بعد!!!
نوف بقولك... بس قبل اوعديني مشاعل ماتدري عن السالفة اصلا!!!
نورة ليه؟
نوف بتنهيدة ماابيها تغلط وتقول لعبدالله علشان تسعدني لانها لحظتها بتدمرني لو عرضت عليه حبي؟؟وبها الوقت اللي طلب فيه الزواج بالذات!!!
بعد ماطلع من الحمام صلى له ركعتين وحس انه هداْ شوي عن حالة الغضب والاستنفار اللي بداخله..
طلع الصالة وجلس قبالها ...
ظل يتاْملها وهو بحالة هدوء شديد وتاءنيب ضمير ...
ياترى هل هاذي الانسانة اللي راقدة قبالك بها الهدوء تستاهل منك خيانتك ياخالد وتعاملك بها الطريقة معها؟
هاذي بنت عمك وزوجتك وحبيبتك وام ولدك اللي جاي بالطريق؟؟؟
ولدي وليد.....ياربي انا شسويت لو فرضت ان وضحى درت عن السالفة وش كانت سوت في نفسها وفي وليد؟؟؟؟
تنهد بعمق وهو بحالة ضيق مايدري كيف رجعت له بشكل اكبر واقوى؟؟؟
انا احبك ياوضحى صدقيني..انا عارف انك ماسويتي شي بس الشيطان شاطر زين لي الغلط ونحاك على جنب عن عيوني علشان مااتراجع عنه...بس صدقيني وحياتك كانت الاولى والاخيرة وماحترجع من جديد مهما كان بينا؟؟؟
بنظل احلى عيلة انا وانتي ووليد...
صدقيني ابيك بس تصدقيني...
كان وده بذيك اللحظات يقوم يعدل نومتها بدل ماهي غافية على قعدتها بس خاف انه يحركها وتصحى من نومها ..تنهد وتركها...وفي باله يقول خايف تصحى من نومها ومو خايف تعرف انك خنتها بلحظة طيش وتهور؟؟؟؟
الصباح في بيت ابو تركي...
سعد وهو ماسك صحن الكبدة وياكل منه ماابي ياخالتي قلت لك ماابي لاتغصبين عليّ!!
تركي بدون نفس طيب اترك الصحن؟؟؟
مشاعل ههههه رحت فيها ياسعيدان؟
مرام وين ابوي؟
مشعل طلع من الصبح يقول عنده اجتماع ومابيرد قبل العصر؟
مرام انا ماسئلتك ساْلت امي؟قالتها بنرفزة..
تركي انتي ماتعرفين تتكلمين عدل ابدا!!!
مشعل هذا دفاع عني شكله؟
سعد والله ماعرفنا لك ياتريك اللحين انت تحبنا ولاتكرهنا؟
ام تركي بذمتك يايمه هذا سؤال ؟؟يعني معقول مايحبكم؟
مشعل لعلمك خالتي ترى في هذا البيت محد يحبنا غيرك وغير عمي ابو تركي الله يطول عمره وغير مشاعل القمر ونوف الشمس وعبيد الورد وبس؟
مرام ومن ظل غيري وغير تركي؟
مشعل بثقة الاهم...
مشاعل مين..ولو اني متوقعة الاجابة بتكون اغبى من السؤال؟
مشعل مسوي انه حزين حبيبة القلب سينيثيا شغالتكم....
ام تركي هههه عسى بس ماصارخت عليك...قولي وانا اعلمك فيها...
سعد اذا السالفة تعلمينا فيها ترى ياخالتي احنا مانحب نفتن بس هي ماقصرت فينا؟
ام تركي بصوت عالي ياسينيثيا...سينيثيا.,..
مرام يمه وانتي بتصدقينهم بعد!!
سعد قبل لاتتكلم خالته انتي سكتي بس سكتي؟؟؟تنصرينها هي الغريبة على عيال خالتك...
مشاعل والله انتوا عيال قرية مو عيال خالة...
طاري حبيبة القلب غير تركي وتفكيره وقال بعد صمت وهو يكلم مشاعل وينها نوف؟
ام تركي أي صدق وينها؟
مشاعل مدري قالت بتنزل ومانزلت؟
مشعل هي شفيها من امس قالت بترجع ومارجعت لايكون متضايقة منا بس؟
سعد لاحشى ماهي متضايقة منا بس مدري يمكن حصيص غلطت عليها؟
ام تركي حصة قايلة لها شي يامشاعل؟
مشاعل مدري ماقالت لي اصلا انا نمت قبلها ومادريت شفيها؟
مشعل وقف دلني بس على غرفتها وانا انزلها لك؟
مرام ياشين اللقافة؟
تركي بعصبية انتي وبعدين معك؟
ماتستحين انتي!!
سعد قولها تقوم ياتركي ترى والله ياولد خالتي مانتحمل وبعدين اللحين بنزل نوف وبنكمل وناسة واذا كل كلمتين نطت علينا مابنعرف نتكلم؟
تركي انت روح نزل بنت عمي وبلا هذرة فاضية؟
مشعل وسعد مدوا اياديهم لتركي وبنزلها ببلاش يعني مد يدك...
تركي ناظرهم ومايدري ليش حط يده في جيبه وطلع لهم كل واحد كم ريال ..وطلعوا فوق بسرعة البرق..
لف للطاولة لقى امه وخواته يناظرونه تدارك نفسه وقال بنرفزة ترى انا متحملهم علشانك ياام تركي وبس!!
مايدري ليش قال ها الكلمة بس كل اللي عرفه انه مستعد يسوي أي شي علشان يشوفها جالسة بينهم من جديد,,,
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك