بداية

رواية كل يوم لك حال جديد يوم قريب ويوم بعيد -16

رواية كل يوم لك حال جديد يوم قريب ويوم بعيد - غرام

رواية كل يوم لك حال جديد يوم قريب ويوم بعيد -16

مرام ياشين اللقافة؟
تركي بعصبية انتي وبعدين معك؟
ماتستحين انتي!!
سعد قولها تقوم ياتركي ترى والله ياولد خالتي مانتحمل وبعدين اللحين بنزل نوف وبنكمل وناسة واذا كل كلمتين نطت علينا مابنعرف نتكلم؟
تركي انت روح نزل بنت عمي وبلا هذرة فاضية؟
مشعل وسعد مدوا اياديهم لتركي وبنزلها ببلاش يعني مد يدك...
تركي ناظرهم ومايدري ليش حط يده في جيبه وطلع لهم كل واحد كم ريال ..وطلعوا فوق بسرعة البرق..
لف للطاولة لقى امه وخواته يناظرونه تدارك نفسه وقال بنرفزة ترى انا متحملهم علشانك ياام تركي وبس!!
مايدري ليش قال ها الكلمة بس كل اللي عرفه انه مستعد يسوي أي شي علشان يشوفها جالسة بينهم من جديد,,,

في بيت الجد بو خالد..
نزلت ياسمين من غرفتها وكانوا جدها وجدتها جالسين ومعهم احمد والسفرة مفروشة اكيد امها بالمطبخ تجهز لهم الفطور,,,
تنهدت وهي تناظر بااحمد وتتخيل ابوه..ومكالمته البارحة؟أي بارح انتي بعد الساعة ثلاث الفجر...صدق انه عيار يقول ابي اتطمن على ولدي نام ولالا؟؟
زين يانواف زين...انا لك صدقني وبطلع الشيب في شعرك من بدري وبتشوف!!!
سلمت وجلست معهم.....
الجدة وانتي سالفتك بس رقاد واكل وطلعة ماعندك شغل يابنت العالم؟
ياسمين اصبحنا واصبح الملك لله....
الجد قومي ضربي جدتك بعد!!!
احمد ببراةْ انتي تضربين حتى جدك وجدتك بعد!!!
ياسمين وهي تناظره انا اضرب كل الناس اللي ماتسمع كلامي؟؟؟
الجدة ان شاءالله ضاربة ولد الناس؟
ام مشعل اللي توها داخلة صحيتي يمه؟
الجد صحت ليش ماصحت!!!تبي تهاوشنا انا وجدتها من صبح الله؟
ام مشعل وهي تناظر ياسمين بنظرات معناتها اجلسي افطري ولاتقومين لو شصار خلاص تعودتي عليهم..
ابتسمت وهي تقول لاامها أي معك حق تعودت...بس تصدقين ياالغالية بيوحشني ها الجو في البيت اللي بروحه؟
الجد بسم الله الرحمن الرحيم انتي من كلمك اصلا!!
ياسمين محد اكلم نفسي ياجدي زين؟
الجدة انت لازم تقول لنواف لايقول عمي غشني وعطاني وحدة مجنونة؟
ام مشعل يمه شها الكلام؟
الجد وهي الصادقة امك لازم نقول لنواف انها مجنونة وتكلم نفسها لايتخرع اذا شافها تحكي مع نفسها؟
ياسمين وهي تضحك اجل كلمه بسرعة ياجدي واللي يعافيك يمكن مكالمتك تسوي خبر؟؟

فتحت عيونها بهدوء وهي حاسة بفوضى حوالينها..وانتبهت ان خالد قاعد يعفس بالمكان وتحت الكنب وكانه يدورعن شي ...
وضحى برقة وتعب بنفس الوقت خالد...
وقف قلبه يوم سمع صوتها وحس انه مايبي يشوفها خاف يناظر فيها وتدري انه غلطان!!
وقف مكانه وقالت وهي تعتدل بقعدتها صباح النور حبيبي...
خالد بدون مايلف عليها هلا..هلا..صباح الورد...
وضحى بروقان مدام انه كلمها قامت وباسته على خده وهو بعده عاطيها ضهرها..
وضحى تبي شي حبيبي تدور شي؟ولاقاعد تتعود على المكان بعد مايجي وليد كيف بيكون؟
خالد وهو يتجنب يناظر في عيونها جالس ادور محفظتي وجوالي مدري وينهم...
وضحى بتاْنيب خفيف خالد...تاْخرت البارحة تعبت وانا انتظرك..عسى بس تعشيت بعد ماجيت...
خالد بشرود ها.....اي....
وضحى طيب اجلس حبيبي على مااجهز لك فطورك عطني خمس دقايق بصلي وبجهزه وعلى ماتفطر بدورهم لك..طيب,,

كانت قاعدة على فراشها وهمومها مالية وجهها ماهي قادرة تبكي لايجي احد ويسالها شفيك وتحتاس ماتدري شتقول له؟
حست ان الدنيا كلها تدور فيها...ليه الدنيا كذا غريبة...
تحب واللي تحبه مايبيها واللي يحبها هي ماتبيه!!
قالت لها نورة ان تركي مافيه أي عيوب والاحسن انها تتقرب منه وتكسب وده علشان تتناسى عبدالله بما ان ماصار بينهم أي كلام ولاهو درى عن حبها..وهي مقتنعة بها الشي بس القلب هو اللي يختار الناس اللي يحبهم مو بكيف الواحد لان لو كان بكيف الواحد كانت اختارت تركي بدون منازع لانه مامنه ثنين بنظر الكل مو بس بنظرها بس القلب ووجع القلب اه منهم,,,
جاها اعصار قوي عند الباب ورفعت راسها الا سعد ومشعل داخلين بدون أي تفاهم...
مشعل انتي ليه قاعدة بروحك؟
سعد اعترفي بسرعة منو مزعلك؟
مشعل هذا اللي تبي تستهبل معنا ماشفنا وجهها غير خمس دقايق؟
سعد خلاص زعلنا وبنروح بيوتنا؟
مشعل اخاف بس زعلتي من قعدتنا هنا وتبينا من صدق نطلع؟
نوف تبسمت لهم رغم الالم اللي فيها خمسة اسئلة على أي واحد فيهم اجاوب بالضبط؟
سعد جرها من يد ومشعل من اليد الثانية وقومها من السرير وهي قريب تتكسر من سحبتهم لها...
مشعل يالله مافي كلام على السفرة يااختي؟
سعد الناس اول يفطرون ويشبعون وبعدين يزعلون انتي ماشفتي جدي وجدتي؟
مشعل اعقل ناس جدي وجدتي ياكلون الوجبة وبعدها يتهاوشون صيري مثلهم ياحظي!!!
نوف وهي تضحك ياعالم ياناس خلوني بمشي بروحي كسرتوا يديني!!!
كانوا وصلوا لباب الغرفة اللي مفتوح اصلا من دخلتهم...
مشعل بنات ماتجون الا بالعين الحمرة؟
سعد واحنا مانتفاهم صراحة نحب نسوي الشي حار بحار...
طلعوا من الغرفة وكان تركي راكب يبدل علشان يروح دوامه وهي كانت ببجامتها وبدون عباية لانهم سحبوها وهو عيونه على غرفتها اصلا وشافها ودق قلبه بقوة ..
نوف بدخل البس عبايتي ياعيال قرية؟
سعد عبدالله طلع على مااعتقد وتركي وكاهو راكب يبدل ويروح شغله وشافك خلاص بعد لمين تلبسين العباية؟
وقف قلبها من كلمة تركي كاهو شافك خلاص ورفعت عيونها وشافته قبالها ويناظر فيها ونزلت راسها بسرعة وجت بتدخل غرفتها وتركي كلمها اللحين انا ولد عمك واللي عايش معك من صغرك ومربيك تلبسين عني عباية وتتحجبين وها العلل تقعدين معهم عادي كيف تجي ذي بالله!!!
نوف بقهر منه لانه وقف يناظرها وتقرب من غرفتها لانها دخلت بسرعة ورى باب الغرفة لانهم اصغر مني وانت اكبر مني!!
تركي وش ها الاجابة اللي ماتقنع احد ابدا!!!
مشعل مو هاذي الحقيقة...
تركي وش تقصد؟هي قايلة لكم شي؟
وقف قلب نوف لان هذولا يجيبون العيد ومايشيلون هم أي كلمة تطلع منهم...
سعد بثقة لانكم ممكن تتزوجون بيوم من الايام فمالاززم تكشف لك اللحين؟؟؟؟؟؟؟؟؟
وقف قلب الاثنين مع بعض ونوف حمدت ربها ان تركي مايشوفها اللحين ولايشوف شكلها كيف قلب مع ها الكلمة اما هو فحس انه دقات قلبه تتسارع بعد ماسمع ها الكلمة ومشى لغرفته بسرعة بدون أي تعليق!!!!

ام سعد شوفي انا بروح بيت خالتك ام فارس من اللحين وانتي تصلين الظهر وتجين ماابي اتصل فيك من جديد واقولك ليه ماجيتي سامعتني!!!
نورة بملل وهي شاردة بموضوع نوف طيب...
ام سعد تبين شي..
نورة يمه وين ابوي؟
ام سعد راح الكويت....عندهم اجتماع هناك؟
نورة وليه ماقال لي انه بيروح علشان اروح معه؟
ام سعد يمه هو رايح مع قروب الشركة كلهم وين ياْخذك معه بس؟لاصارالويكند الجاي ياْخذك وياخذنا كلنا ونروح؟
نورة بملل وسعد مو هنا ..اوووف بقعد بروحي يعني؟
ام سعد قومي روحي معي من اللحين؟
نورة باستنكار اروح اللحين؟وين اقعد ومع منو؟
ام سعد معي ومع خالتك ولامحنا من مستواك؟
نورة شوي وتقولين لي قعدي مع روان البزر ولامع محمد ماعندك مانع انتي!!!
ام سعد اقول لايكثر بس يانوير..
نورة يمه ماقلتيلي ليه هي عازمتنا اليوم انا وانتي بس؟
ام سعد وهي قايمة ليش هي اول مرة تعزمنا فيها خالتك ام فارس علشان تستغربين؟
نورة لا....
ام سعد خلاص اجل......
نورة يمه...
ام سعد هلا يمه....
نورة بخجل يعني...فارس....يصير...
ام سعد ببتسامة شفيه فارس يمه؟
نورة ها...لاخلاص ولاشي...
ام سعد ابتسمت لها ومشت وحمدت ربها انها ماقالت لاامها انها تبي تكلم فارس بالتلفون؟؟؟

لؤلؤة تصدق عاد تعودت على وجود احمد ها الكم يوم اللي قضاهم معنا حاسة اليوم بشي متغير في حياتي؟
نواف ارتاحي منه شوي؟
لؤلؤة حرام عليك...هو ماهو متعب بس لانه ماعاش معنا اكيد مابيتقبلنا بيوم وليلة؟
نواف .......
لؤلؤة فيك شي...
نواف لا....
لؤلؤة متى قررتوا العرس ؟
نواف امس ماجلست معنا قامت؟
لؤلؤة بغمز خبري انت قلت بتحدد وماعليك منها الا صار رايها مهم اشوف؟
نواف بارتباك ها...لا مو رايها المهم بس كنت ابيها تسمع بنفس الوقت؟
لؤلؤة بتمتمة امممممم مو مصدقتك؟
نواف ناظرها وهي تضحك وقال بلامبالاة ماتهميني لو ماصدقتيني!!
ضحكت لؤلؤة على شكله وهو سوى روحه لامبالي...بعدها قال بجدية شرايك نطلع نتغذى برى اليوم؟
لؤلؤة والمناسبة؟
نواف ولاشي...
لؤلؤة .......
نواف وناخذ معنا ياسمين واحمد؟
لؤلؤة وهي تضحك أي قول كذا ياسمين بالسالفة؟طيب انا وولدك وين بترمينا ان شاءالله؟
نواف وهو يضحك بااول زبالة تصادفنا!!!
لؤلؤة شهقت وهي تضحك زين لكن بوريك؟على اول زبالة ها,,,طيب اذا شفنا ياسمين بعلمك فيها علشان تدري ان الله حق؟وتعرف ترميني على اول زبالة تصادفك؟

دق جوال مشاعل وكان فواز اللي متصل....وتسحبت منهم بهدوء...حست انها مشتاقة تسمع صوته من زمان مادق لها صار له اكثر من اربع ايام...
ردت بهدوء وهي تسكر وراها باب المجلس هلا...
فواز وغلا ...ياروح فواز؟
مشاعل .
فواز بمرح يو ضربنا على الوتر الحساس اسفين والله مانعيدها عمتي مشاعل خلاص لاتسكتين طلعت بالغلط هاذي...
مشاعل وهي تلعب بشعرها ومروقة كيفك..
فواز تصدقيني اذا قلت لك اشتقت لصوتك؟
مشاعل أي....
فواز صدق؟؟
مشاعل غير الموضوع.....انا كنت اساْل عن اخبارك عامتنا مو بس عن اشتياقك لي!!!
فواز اه يامشاعل اه...ليه احس ان الوقت صاير يمشي بطيء..
مشاعل بدلع بالعكس انا احس ها الاسبوع بسرعة مر وبيمر...
فواز قال لك عمي عن موعد الملكة؟
مشاعل أي...
فواز وعسى ماعندك اعتراض عليه؟
مشاعل ليه اذا اعترضت بتغير اليوم؟
فواز طبعا كل شي الا رايك....
مشاعل شكرا...
فواز على وشو؟
مشاعل على اهتمامك...
فواز مشاعل....وحشتيني....ادري بتسكتين اللحين بس صدق وحشتيني ابي اشوفك؟
مشاعل ....
فواز قولي لي تعال....
مشاعل بدلع مقدر؟
فواز بانكسار ليه عاد؟؟
مشاعل بنفس الدلع عيال خالتي هنا وقاعدين نستهبل مع بعض مقدر افوت لحظة من هبالهم عليّ
فواز بغيرة ياسلاااام !!وكم اعمارهم ذولا عيال خالتك؟
مشاعل بالجامعة؟
فواز من صدقك انتي؟
مشاعل ضحكت له برقة وقال لها افواز بسرعة احبك...وحست ان قلبها بيوقف,,,,,

وضحى خلاص حبيبي انت اجلس ارتاح وانا بدورهم عنك؟
خالد لالالاارتاحي لاتتعبين نفسك عليهم مايسووون..
وضحى طيب وين اخر مكان انت رحت له؟
خالد امس انا مارحت غير......بيت اهلي؟
وضحى سئلتهم اذا شافوهم؟
خالد اكيد ماهم هناك لاني بعد ماطلعت وجبتك هنا دقيت على عبدالله وطلعت معه؟
وضحى طيب دق لعبدالله يمكن صاروا عنده؟
خالد دقيت له قال لي انه توه راد من مغسلة السيارت ومغسل سيارته ومافيها أي شي..لو كانوا بسيارته بينوا!!!
وضحى .........
خالد خلاص لاتشغلين بالك انا مااقاعد ادورهم اذا بشوفهم بشوفهم...
وضحى خالد....
خالد خير...
وضحى ليه ماتبي تناظرني وتحط عينك بعيني!!!
خالد يتهيا لك؟عادي مافي أي شي؟
وضحى متاْكد....؟
خالد طبعا متاْكد.....

فواز وبعد..خلصنا من ذيك السالفة خلاص لاتسكتين علينا؟
مشاعل وانت شلونك بعد!!
فواز اساْل عنك....
مشاعل سئلت عنك العافية؟
فواز قال لك عمي؟
مشاعل أي...
فواز وعسى بس مناسبك الموعد؟
مشاعل ليه اذا ماناسبني شبتسوي؟
فواز نغيره علشانك..مو يقولون لااجل عين تكرم مدينة؟
مشاعل شكرا...
فواز على شنو؟
مشاعل على انك مهتم فيني...
فواز لازم اهتم فيك مو زوجتي وحبيبتي وام عيالي!!
مشاعل ........
فواز يو شكلنا رحنا بعيد؟
مشاعل خلاص انا بسكر...
فواز لالالا خلاص منتي زوجتي ولاانتي حبيبتي ولاانتي ام عيالي واصلا انا مااحبك اكرهك بس ظلي سولفي معي!!
مشاعل ياسلاااام وش يجبرني بالله اسولف معك وانت تكرهني ماتحبني!!!
فواز يابنت الناس احترنا معك لاالحب يعجبك ولاالكره يعجبك وش تبين انتي!!!
مشاعل ابي اروح لعيال خالتي...
فواز مافي....وبعدين ماقلتيلي كم اعمارهم ذولا اللي ماخذينك مني اليوم؟
مشاعل بااول متوسط؟
فواز تتحجبين عنهم؟
مشاعل طبعا لا...
فواز لامايصير كذا...اذا صرتي عندي حتى عبدالله وتركي بتتحجبين عنهم؟
مشاعل هههه محد قال لي انك داعية اسلامي!!!شوي وتقول تحجبي عن ابوك وجدك وعمامك؟
فواز يبى شسوي اغار عليك انا ماابي احد يشوفك غيري؟
مشاعل معناته صار لازم اسكر...
فواز لايبى خلاص التوبة مااغار عليك ولاابقول لك كلام حلو زين؟انا ابي افهم وش له ماتحبين احد يقولك كلام حلو؟
مشاعل بهمس اذا شفتك وجها لوجه بقولك ليه...واللحين يالله باي بكلمك بوقت ثاني,,,

ام مشعل بهمس نواف بيجي ياخذك بعدين تطلعون تتغذون انتي وولده..
ياسمين ماابي..
ام مشعل وش اللي ماتبينه؟
ياسمين يمه ماابي اروح معه أي مكان....
ام مشعل وشلون بالله بتتكلمون وتتفاهمون وانتوا ماتقعدون مع بعض ومن تشوفينه جاي سلمتي وركبتي غرفتك؟
ياسمين مو لازم نتفاهم مع بعض؟
ام مشعل أي وبكرة اذا حدد موعد العرس بكيفه دقي لي بوز وقولي ماشاورني ...امس كم انتظرك ترجعين من طلعتي من المجلس ,,,يعني هو كان جاي يقعد معك لو معي!!!
ياسمين يمه مااحب اسمع صوته ولااحبه زين؟
ام مشعل بصرامة ياسمين!!!
سكتت ياسمين يوم شافت امها معصبة,,,,
الجدة شقايلة لاامك ومزعلتها ياحظي!!!
ام مشعل يمه ماقالت شي؟
الجد هذا جزاء امك تبي تفهم بنتك وتعقلها وتربيها تقومين تصارخين عليها وتنصرين بنتك اللي لسانها وش طوله؟
ام مشعل وهي تشيل الصحون اللحين انا صارخت يبى!!!انت سمعتني اصارخ؟؟
الجدة أي صارختي حتى قلبي بغى يوقف بس لاني ام ومايطيعني قلبي اقول شي..ولاانتوا دايم تخبون عني!
ام مشعل مافيها شي يمه سئلتني عن شي وانا جاوبتها,,,
اقول احمد قوم يبى تحمم علشان البابا بيجي ياخذك انت وخالتك تطلعون تتغذون؟
احمد لف لياسمين خالتي يعني انتي!!
ياسمين وهي قايمة أي انا..الا اذا كان عندك مانع؟
احمد انتي ماتحبيني صح؟
ياسمين وهي تمشي عنه صراحة للحين مافكرت وقررت هل احبك ولامايحتاج؟يبيلي وقت على مااحدد؟

عبدالله اقول مساءالخير ولاصباح النور؟
سعد ياثقل دمك ياعبيد؟
مشعل انا صاير مااطيقك؟
عبدالله وهو يجلس جنب نوف اللي تنهدت بدون ماينتبه لها احد شدعوة ياحافظ وش مسوي انا!!!
مشعل ولاشي بس من الله ماحبيتك؟
سعد ساعات احسك ماتقرب لنا؟
مشعل صحيح مو اذا شافك احد من الناس الرزة الكشخة اللي واصلين وسئلك وش تصير لي تقوله انك تعرفني ولاانك ولد خالتي؟
سعد قوله بس انك ميت تبي تشوف مشعل على الطبيعة وماهي حاصلة لك؟
مشعل قوم بس ياسعيد خلنا نشوف لنا شي نتسلى فيه..نويف ورانا يابنت؟
قاموا وجت بتقوم وراهم وكلمها عبدالله..
عبدالله نوف..
نوف بهدوء نعم..
عبدالله نسيت اساْلك عن سالفتك اللي كنتي بتتكلمين فيها البارحة؟
نوف بغصة وانكسار خلاص انسى السالفة انتهت وماعاد ينفع فيها الحكي؟
عبدالله اوووف...بسرعة ماشاءالله....
نوف وهي مغمضة عيونها أي.....ماكانت مستلزمة ذاك الوقت الطويل كله؟
عبدالله طيب وموضوعي اللي كلمتك فيه؟
حست بالانكسار بقلبها بس ماقدرت تسكت وماترد عليه وهو صوته فرحان ومروق قالت وهي مغمضة عيونها لايفضحونها دموعها شفيه؟
عبدالله بلهفة متى تبين تسوينه؟
نوف بنفس الغصة متى مابغيت؟
عبدالله انا اقول خير البر عاجله؟
نوف بمرارة ان شاءالله....على امرك.....
قامت من مكانها وناداها بس ماقدرت تلف له لانها فعلا كانت تبكي بها اللحظات بس بصمت شديد..
عبدالله نوف فيك شي...احد مضايقك ولامزعلك بشي؟
نوف بانكسار وهي تمشي لا..سلامتك؟

بعد صلاة الظهر كانت نورة طالعة من بيتهم ورايحة لبيت ام فارس اللي كان قبال بيتهم مباشرة,,
وكان محمد واقف جنب بيتهم وبس شافها جاية طيران لبابهم وفتحه وتسند عليه على جنبه ...
واول مادخلت سلم عليها ووقفت بعيد عنه تسولف معه...
هي كانت على الجنب الثاني للباب وهو ساده بطوله,,,
محمد هلا وغلا بنوير شلونك؟
نورة بعصبية نوير بعينك انا اسمي نورة؟
محمد هههه اوووف اشوف زعلتي؟
نورة لاسلامتك مروقة على الاخر؟
محمد وش فيك يابنت الناس؟
نورة محمد لاتوجعني الدنيا حر اخلص وش تبي؟
محمد افا...اللحين محمد اللي صاير لك سايق ويوديك ويجيبك وين مابغيتي اذا تعطلتي كذا تكلمينه؟
نورة البس عباية وشيلة واوقف بها الشمس ثواني بعدها تعال حاسبني؟
محمد ومنو قال لك البسي بالله؟
نورة بلا تفلسف الله يهديك...اقول وين قاعدين بالمجلس ولاالصالة؟
محمد لابالصالة...
منورة في احد ولااترك نقابي؟
محمد يمكن فارس...
نورة ماتجوز انت عن سوالفك؟
محمد هههههه وشقايل انا!!!ترى فارس....
نورة مشت وقالت بشوية حدة خلاص سكر سيرة فارس واللي يعافيك؟
وقف قلب فارس اللي كان واقف ورى محمد ..
محمد وهو يناظر بفارس ليه؟
تنهدت وظلت واقفة مكانهاوقالت محمد...تصدق انت الشخص الوحيد اللي ماتكلمت معه بها السالفة وخفت تفهمني غلط؟
اللحين صدق وقف قلب فارس وحس ان في شي بالسالفة ولكز محمد بذراعه علشان يكمل سوالف معها عنه...
محمد أي سالفة؟
نورة بتنهيدة السالفة اللي تدبسنا فيها انا وفارس؟
محمد مافهمت؟
نورة الزواج اللي انفرض عليّ وعليه؟
محمد مافهمت..
نورة وهي تمشي عنه ولابتفهم بعد يامحمد...محد بيفهنا انا وهو ابدا!!!
قالتها ودخلت وتركت قلب فارس مولع نار وحايس بعمره مو داري وش يقول ولاهو قاوي حتى يتحرك من مكانه!!!!

نواف كان قاعد بالسيارة بعد ماسلم على جده وجدته وام مشعل واقنعهم يجون معهم بس ام مشعل عيت وقالت بتقعد عندهم لانهم لازم ياخذون دواهم وينامون....
طلعوا لؤلؤة وياسمين واحمد كان معه بالسيارة...
ياسمين بهمس للؤلؤة اقول..روحي ركبي انتي قدام مع اخوك؟
لؤلؤة ببتسامة لاوالله حلفت انتي تركبين معه؟
ياسمين بلا نذالة وروحي جلسي جنبه انا ماابي؟
لؤلؤة وانا شبعت من كثر ماجلست جنبه صار دورك اللحين؟
فتح نواف نافذته وكلمهم.. علامكم؟وش صاير ليه ماتركببون؟
لؤلؤة نتشاور منهي تجلس جنبك؟
قالتها وياسمين بسرعة مسكت الباب اللي ورى نواف علشان تفتحه وتجلس بس قال لها تعالي قدام..
ظلت يدها على الباب وجمدت مكانها...
نواف سمعتيني!!تعالي قدام...
لؤلؤة راحت تدخل من الباب الثاني...
نواف اكلمك انا!!
ياسمين انتبهت ان لؤلؤة فتحت الباب الثاني وقالت له على بالي انك تكلم لؤلؤة؟
قال لها لا اكلمك انتي!!
قالت له بهمس لاني ماشفتك قمت فتحت لي الباب؟
نواف بنفس الهمس هذا اللي قاصر بعد!!!
فتحت الباب اللي جنبه وجلست..وظل يناظرها..
لؤلؤة خلصنا خلاص يالله امشي...
نواف وهو يكلم ياسمين وهو يناظرها اصلا بذمتك هذا غطاء اللي انتي حاطته على وجهك؟
ياسمين انت شتشوف؟
نواف اشوف ان كل شي واضح ومبين مثل ضوء الشمس وانه مو مغطي شي؟
ياسمين ويعني؟
نواف يعني لو تشيلينه يكون ابرك!!ماهو مسوي شي ترى؟
فتحت ياسمين وجهها بهدوء وهو بغت تطلع عيونه من العصبية وقال بنرفزة شوف بعد!!!ماتستحين انتي تروحين تفتحين وجهك؟
ياسمين بهدوء وبراءة انت قلت لي افتحي وجهك؟
نواف انا قلتها علشان تحسين ان غطاك مايمشي حاله وتغيرينا...ذكريني بعد مانطلع من المطعم اخذ لك واحد ثاني هذا ماينفع؟
لؤلؤة بملل مسرحي مو قبل ماتغذونا ترى متنا جوع انا واحمد...صح حمود؟
احمد بابا نواف لاتكلمها وتصارخ عليها ترى هي تضرب اللي مايمسع كلامها؟
نواف وهو يناظرها ليه هي ضربتك؟
وقف قلبها ولفت للجهة الثانية ياترى اذا دريت يانواف اني ضربت ولدك ووش بتسوي؟
احمد حتى جدها وجدتها تضربهم؟
لؤلؤة وهي تضحك الى ثواني كنت بقول ان مشعل مخوفك يااحمد بس مدام السالفة فيها عمي ومرته غيرنا راينا خلاص هههههه

في سيارة سعود اللي كان جاي يشوف اخته واخذها فرصة ان عمه ماهو هنا ولاتركي وطلع معها علشان يتكلمون براحتهم...
سعود شلونك..
نوف بخير....غريبة جايني؟
سعود كبرتي يانوف؟
نوف بضحكة مرة من زمان مو توي؟
سعود نوف خليني اكون صريح معك.....يعني انتي كنتي صغيرة وحلالك كان على جنب من الورث...اللحين انتي كبرتي ماشاءالله؟
نوف أي والمطلوب؟
سعود انا قلت بما انك بنت وماتفهمين بالدنيا تسوين لي توكيل وانا اسير لك امورك؟
حست بالغصة بس ماعرفت شتسوي ولاشتقول..
سعود ها شقلتي..
نوف وهي كاتمة دموعها سعود انا متضايقة ومهمومة ابي احد يسمعني!!!
سعود انتي شقلتي اللحين على سالفة التوكيل؟
تنهدت بقوة اكبر وحست ان مافي أي امل منه وقالت له بنرفزة متى تبيه؟
سعود بكرة...
نوف خلاص بكرة...
سعود معناته اشوفك بالمحكمة.....واذا ماقدرتي تروحين دقي لي امرك...عموما بيكون بينا الو على الموضوع هذا....
نوف بضيق سعود ردني بيت عمي...
سعود أي ليش لا...هذا بيت عمي ووصلنا له يالغالية تفضلي انزلي!!!

في مطعم لفانا بالدمام....
لؤلؤة انا خلاص اخترت......
احمد الشاطى مول قريب من هنا بنروح نلعب؟
لؤلؤة أي حبيبي بنخلص الاكل وبعدها باخذك وبنروح انا وياك لان البابا مشغول وبعد مايخلص من اشغاله بيجينا طيب..
مسكت ياسمين المنيو تقلب فيه بلامبالاة بللي قاعد يناظرها...وهي قلبها يدق معقولة نواف قايل لها تروح هي واحمد؟اذا كذا معناته بتظل معه بروحها..ياترى هل بيردها البيت ولالا؟
واحمد بها اللحظة قال يبي الحمام..
لؤلؤة يالله قوم....
ياسمين ماعندهم اندومي؟
لؤلؤة وهي طالعة ههههه لامااعتقد..
قالتها وطلعت مع احمد ..
نواف متعودين شرق اسيا على ها الاندومي ياكلونه بكل وقت مايقدرون يفارقونه؟
سكرت المنيو بحدة ورمته على الطاولة وظلت تناظره بغضب...
ورغم ان قلبه كان واقع تحت رجلينه من زعلها بس سوى روحه عادي مرة,,,,شيسوي بعد والله ان عيونها ضيقة مثلهم,,,
ياسمين بحدة ابي اروح بيتنا؟
نواف قعدي وعقلي!!!
مسكت شنطتها ووقفت...
ومسك يدها بسرعة..
نواف قلت لك اجلسي واعقلي..
ياسمين بعصبية ماابي اجلس وعزيمتك ماابيها زين؟
نواف بتهديد قعدي لاتخليني اسوي شي ماعمرك شفتيه بحياتك؟
شالت يدها عنه بالقوة وقعدت على كرسيها واحمد ولؤلؤة دخلوا...
لؤلؤة بمرح ها..وصل طلبنا ولالسه؟
نواف وهو يناظر بياسمين اللي كانوا دموعها بينزلون مابعد اختارت ياسمين؟
لؤلؤة اوووف....ليه عاد؟
ياسمين بحدة لاني مو جوعانة وماابي اكل؟

دخلت البيت وهي متمنية مايكون احد موجود بالصالة....
وفعلا ماكانت غير ام تركي هناك...
سلمت ومشت بسرعة..
ام تركي ها نوف رديتي!!
نوف بغصة أي...
قالتها وكانت بتركب بس صوت ام تركي وقفها مكانها..
ام تركي نوف فيك شي يابنيتي!
حضن حنون..هذا اللي كانت تتمناه نوف بها اللحظات وربها استجاب لها وكاهي خالتها ام تركي قبالها..
ام تركي بخوف علامك...
كانت نوف تمسح باقي دموعها ...ويوم قالت لها ام تركي ها الكلمة انفجرت بالبكي...
اخذتها ام تركي بحضنها وهي تسمي عليها..
ام تركي نوف حبيبتي قولي شصاير شفيك؟
نوف وهي بحضن ام تركي وحاسة ان كل البراكين اللي فيها تفجرت,,,ظلت تبكي وتشاهق....
هي كانت محتاجة تبكي كذا بالقوة من امس من صدمتها بتركي وعبدالله بس ماقدرت لانها ماتبي تشوف احد ويسالها وماتدري وش تقوله بس جية سعود لها والموضوع اللي فتحه فجروا فيها كل شي..
نوف بصراخ وبكي وانفعال فكرته جاي يسال عني ياخالتي؟؟اتاريه يبي مني توكيل علشان الورث وبس!!!
ليه ياخالتي ليه؟؟وش سويت انا له علشان يتعامل معي كذا بس!!!
ام تركي اهدي ..اهدي يانوف...انتي شقلتي له ؟
نوف وهي تمسح دموعها الوعد بكرة بالمحكمة..
تنهدت ام تركي وضمتها لصدرها من جديد...

في شقة خالد...
وضحى حطت قدامه صينية عليها فنجانين قهوة..
خالد ليه سويتي؟
وضحى لاني حاستك متضايق..وتبي تروق اعصابك؟
خالد وهو يشرب قهوته ماكان له داعي!!
وضحى خالد لاتضايق حالك..
خالد بلامبالاة وابتسامة زايفة لاتخافين مافي المحفظة فلوس محرزة بس عادة فيني مو زينة امشي وارمي بالاغراض ومدري وين احطهم وبعدين اقعد ادورهم؟
وضحى مو هذا اللي كنت بقوله؟

يتبع ,,,,

👇👇👇
تعليقات
    حجم الخط
    +
    16
    -
    تباعد السطور
    +
    2
    -