رواية بعد فرقاك بهوى غيرك وانساك -17
ومشطت شعرها ورفعته كله على فووق...ولبست بنطلون جينز مخصر على جسمهاا وبلوزه نص كم لونهاا برتقالي عاديه ونزلت من الغرفه وهي ميته جوع من امس مااكلت شي...راحت للمطبخ ولقت في الميكرويف بيتزا في صحن..عرفت انه عبدالله ترك لها عشاا..بس هي مستحيل تاكل من حسابه وهي متهاوشه معاه..سكرت الميكرويف وسوت لها ساندويش بالجبنه وكاسة حليب وقعدت بالصاله تتفرج ع التلفزيون وتآآكل...
:::::::::::::::::::::::::::::::::::::::::::::::::: :::::::::
قعدوو كلهم ع الفطوور...
ام فيصل:ريناد دقيتي على اختك ؟
ريناد مرتبكه:هاه يمه لاء مادقيت...
ام فيصل:أي لاتدقين عليها الا اليوم العصر..
ريناد:أي أي ادري...<<<مرتبكه لأنها عارفه ان مها منهااره الحين بالصيآآح>>>....
ابوفيصل دق على عبدالله وقاله اليوم يجون يتغدون عندهم...
::::::::::::::::::::::::::::::::::::::::::::::::::
الساعه 12 ونص ظهرآآ...
عبدالله توه صاحي من بعد ماسكر الجوال وحطه ع الكوميدينه..ووقف واتروش ولبس برمودا جينز وبلوزه نص كم لونها اسود وكاب اسود وطلع برا الغرفه وقال:قومي تجهزي..
مها أول ماشافته كشرت ولفت وجهها عنه:وش اقوم اسوي؟
عبدالله:قومي تجهزي الحين بنروح عند اهلك ابوك متصل علي وحالف نتغدا عندهم...
مها وقف والفرحه بانت ع وجهها:صدق بنروح لهم؟
عبدالله فرح انه سار نقاش بينه وبينها من دون هواش:أي صدق..
راحت ورشت عطر ولبست عبايتهاا ونزلت معاه للسياره واتوجهوو لبيت ابوفيصل...
انتهــــــى الـبـــــــــــآآآآآآآررررررررررت
..
**الجــزــزء الرآآبع والــع ـــشرووون**
مشاري زار الطبيب....وبعد ماسووله فحص واشااعاات..
قال:هاه بشر يادكتور؟؟وش سبب هالصداع؟
الدكتور حمد(سعودي-35 سنه):والله ياأخ مشاري احنا شفناا نتيجة التحاليل والأشااعه وطلعت نتايج التحليل انك..انك..."وسكت"..
مشاري بتوتر:قول يادكتور اني ايش؟
الدكتور نزل راسه بأسف:انك مصآآب بمرض سرطآآن الدم...
مصآآب بمرض سرطآآن الدم...
مصآآب بمرض سرطآآن الدم...<<ترددت هالكلمه في بال مشاري وهو انصدم مره من كلمة الدكتوور......
مشاري بــصــدمــه:شنوو؟..........سرطان؟.......كيف؟<<<
الدكتور تنهد:تأكد لنا انك مصاب في هالمرض قبل كم شهر ..
مشاري:طيب وش سببه يادكتور؟؟
الدكتور:هالمرض كان في جسمك من قريب ومع الأشهر زاد..وعشان كذا انت تحس بصداع كل فتره....
مشاري:يعني شلوون؟
الدكتور:مدري وش اقولك والله....بس هالمرض ماله علآآج..
مشاري:طيب حتى لو سافرت لخارج السعوديه مافي علاج؟
الدكتور بأسف:شوف المستشفى الي هناا نفس المستشفى الي برا يعني ماراح تستفيد منهم شي...لأن لو له علاج كان وفرنااه بهالمستشفى....
مشاري:انا مستعد ادفع المبلغ الي تبونه بس عالجوني من هالمرض بأسرع وقت يادكتور ارجووك..
الدكتور:انت وش تقول؟الأعمار بيد الله..
مشاري:ونعم بالله...بس وش قصدك اقعد كذا انتظر الين مايقضي علي هالمرض الخطير...انا لسه بعز شبابي يادكتور..
الدكتور حزن عليه:الله يطول عمرك انشاءلله بس مابيدناا غير نعطيك ابر كيمااويه تهدي من الصدااع وأعراض هالمرض...
مشاري نزل راسه بحزن:مشكور يادكتوور..."وطلع برا المستشفى"
وهو بسيارته ويفكر"وش اقول لأهلي الحين...امي .. ابوي...اخواني الصغار...وملاك........وسلطان!!..وشلون اقولهم اني مصآب بمرض سرطان الدم....اففففف والله صعبه ياربي وشلون اقولهم............أحسن شي بسكت وماراح اقولهم الين ماأشوف لنفسي حل"...وشغل السياره وكله حزن ومشى فيها لبيت عمه ابوسلطان...
فتح له سلطان:هلاا والله بولد عمي بأخووي مشاري..
مشاري بصوت خافت:هلاا بك...
سلطان لاحظه:وش فيك؟
مشاري بحزن في داخله:يعني ماتقولي تفضل..
سلطان:تفضل حيآآكــ"وفتح له الباب بوسعه"البيت بيتك ياميشوو..
طالعه مشاري بنص عين...
سلطان:خخخخ خلااص مشااري مو ميشو وربي نسيت..
مشاري:لاء عادي اصلن انا ماأزعل منك ياأحلى ولد عم وأغلى أخ بهالدنيآآ كلهاا...وأوفى صدييق بهالحيآآهــ....
سلطان باستغراب:وش ورى هالمدح؟
مشاري:ولاشي بس حبيت اقولك هالكلاام لأنك فعلآآ اكثر من اخوي ياسلطاان...
وقعدوو على كرسيين قدام المسبح...
سلطان يحس راس مشاري:مصخن انت؟ولا شارب شي؟
مشاري:لاء مافيني شي...يعني حرام الواحد يطلع الي في قلبه ويقوله...
سلطان استغرب من طريقة كلاامه:لاء مو حرام بس انت فيك شي انا اعرفك؟
مشاري:قلتلك مافيني شي والله........وش اخباار حبيبتي؟
سلطان بمزح:اشووفك تموون يامشاري...لاتنسى انها اختي..
مشاري نزل راسه....سلطان ضرب راس مشاري بخفه:ههههه اشوفك زعلت يامشاري ترا امزح معاك ومابيننا هالكلاام..
مشاري:طيب طيب خلصني وش اخباارهاا عساهاا بخير؟
سلطان:أي بخيير وتسلم عليك بعد...
مشاري نط من مكانه:الله يسلمها ياارب فدييييييتهاا ينآآس..
سلطان:ههههه صدقت انت...بس هي بخير بس ماتسلم عليك..
قعد مشاري ع الكرسي وبيأس:اصلن ادري انها ماتسلم علي وولاتحبني بس انا اوهمت نفسي بهالشي وتعلقت فيهاا..
سلطان:مشاااااري بلاا سخاافه زايده تراها الا بنت والبنات ماينعطن وجه زيااده ... انساها يااخي..
مشاري:ياليت اقدر انسااهاا ياليت...
سلطان رحمه:الله يعينك ياخوي على مابتلااك.....
مشاري:أي والله..
سلطان:صدق العشق بلوى..
مشاري:ههههه ساير حكيم..
سلطان:اكييد حكيم لهالدرجه طايح من عينك اناا..
مشاري:لاء حشى محشووم ياسلطاان..
سلطان:احم احم ادري اني محشووم...
دفه مشاري ع المسبح:عن الغروور عآآآد...
سلطان وهو وسط المويه طلع من المسبح ودف مشاري ع المسبح ونط ورااه وقعدو يلحقون بعض بالمسبح..............
:::::::::::::::::::::::::::::::::::::::::::::::::: :::::::::
"في فلة خالد الصغيره الي بلندن"...
"السآآعه 5 ونص العصر بتوقيت لندن"
أول مادخلت شوق من أول باب للفله شافت الورود منثوره ع الأرض وع المسبح وعلى كل حوش الفله الصغيير..استغربت وقالت:خــالــد...انااااااا جيييييت...
وكملت مشي ووصلت لباب الفله الداخلي الفخم الكبيير...وفتحته بايدهاا بخفه ودخلت وسط صالات الفله وقفت وقالت:خاالد وينك انا جيت..."ولاحظت الصالات مزينه بورود وهدايآآآ"...
وفجأه وهي تمشي بالصاله سمعت صرااخ:هيييييييييي هيييييييييييي هييييييييييييي هووووووووووووووووووووه هييييييي..."وصوت صفقت اياادي"..
التفتت لمصدر الصووت وشافت خالد واقف بنص الصاله وراها وماسك ورده حمرآآ بيده وعلى وجهه ابتساامه...
والخدم حقه والطبآآخ والسواق كلهم اعطا كل واحد ورده حمرا ووقفهم جنب بعض زي الصف وكل مبتسميين..
شوق تفاجأت وقالت:بس اليوم مو عيدميلادي؟
خالد قرب منهاا بخطواات هاديه وقال:لاء ياقلبي هذا مو عيدميلاد..
شوق وزاد استغرابها:اجل شنو!؟
خالد قعد على ركبته وبايده لوح الورده قدام شوق وقال:شوق............تــقـــبـــلـــيـــنـــي زوج لكي....واوعدك اسعدك طوول العمر.....
شوق انصدمت صدمه قويه وكأن احد كاب عليها موي باارده وثلج .. وبنفس الوقت كأن احد اعطاها كف حاار...تحس احاسيسهاا من جواا متلخبطه ..ولاشعوريآآآ نزلت دموعهاا على خدهاا...خالد حط الورده ع الكنب ووقف وأشر للخدم والسواق والطباخ انهم يروحو خلااص...وكلهم حطو الورود ع الطاوله وكل واحد راح لشغله..
خالد قرب منها وقال وهو يرفع وجهها بايده بخفه:وش فيك ياقلبي تبكي؟اذا ماتبيني ياشوق عادي قولي ترا ماراح ازعل ... راح اروح و........
قاطعته شوق وهي تمسح دموعها وناظرته:لالالا مو كذا ياخالد بس انت فاجأتني وانا انصدمت بصراحه...
خالد قرب منهاا زياده وسار مايفصل بينهم الا خطوه وحده بس...وبااس خدهاا بقووه...وشوق قربه موترهاا وكيف يبوسها كماان غااصت من الحيآآآ..
خالد:وافقي ياشوق ارجوك وافقي ..
شوق:مو بهالسرعه ياخالد هالقرار راح يترتب عليه حيااتي كلهاا وانت مااعطيتني مجال افكر اوعدك راح افكر واردلك خبر..
خالد وهو يناظرهاا:بس انا مااعاد فيني صبر ودي اتزوجك اليوم قبل باكر...وبعدين بعد اسبوع راح ينتهي شغلي هنا وراح ارجع للسعوديه...ويمكن ماعاد اجي لندن..عشان كذا ابي ارجع وانتي معاي وعلى ذمتي.......
شوق برجاا:بترجع للسعوديه؟خالد ارجوك خلك هناا خلك معاي انا مااقدر اعيش دونك...اناا ماأقدر اعيش لحظه دونك...
خالد بهمس:وحتى انا مااقدر اعيش دونك ولا ثانيه....صدقيني ياشوق اذا وافقتي راح نعيش احلى حيآآه انا وانتي..
شوق قاطعته:طيب واهلك؟وامي واخوي؟
خالد بتفكير:اذا على اهلي ماعليك انا راح ادبر كل شي..
شوق:وشلون؟
خالد:لكل حادث حديث ياشوق وهم اكيد اذا شافوك راح يحبوك مثل مااحبيتك اناا..
شوق بخجل وهي تغير السالفه:طيب وامي واخوي الصغير؟وشلون اخليهم هناا؟
خالد:انتي شوفي امك واذا تم كل شي ساعتهاا بندبر لهم حل..
شوق:طيب...
خالد:ماتبي نتعشى انا مره جووعاان؟
شوق:هههه طيب"وقعدو ع الطاوله الي فيها كرسيين وبوسط الطاوله شمووع حمرآآ من تنسيق خالد وسار الجو رومنسي بينهم"..
شوق بدلع:خلوودي..
خالد خق:عنوووني...
شوق بحيآآ:تسلم عنوونك .. ابسألك انت سويت كل هذاا عشاني؟<<قصدهاا زينة البيت والحوش والطاوله عشانهاا>>..
خالد:أي عشانك ياعمري...شوفي ياشوق انتي لو تطلبين روحي اعطيك ايااهاا...
شوق:تسلم...
خالد:الله يسلمك"ومد الشوكه الي فيها لقمه لفم شوق"
خالد:هذي مني هديه.."ضحكت شوق وفتحت فمهاا واكلت اللقمه من ايده"...
:::::::::::::::::::::::::::::::::::::::::::::::
"عند العرسآآآآآآآآآآآآآآآآآآآآن...الساعه 10 ونص الصبح"..
صحت والتفتت جنبهاا وشافت عبدالله نايم فزت بسرعه وراحت تروشت وصلت الفجر الي فاتهاا..ولبست بنطلون جينز ماسك ع جسمها الحلوو وبلوزه نص كم لونها اورنج .. ورفعت شعرهاا كله على فووق بربطه فيها فيونكه صغيره اورنج...ولبست صندلها الأورنج الناعم وطلعت كيوووووووت..ورشت عطر عليهاا وطالعت شكلها بالمرايآآ برضآآ...ولمن جات بتطلع من الغرفه..سمعت صوت عبدالله:صبآآح الخيير...
مها:اافففففففففف"وطلعت برا الغرفه"..
هز راسه على حالهم عرسان ومتهاوشين...وقام تروش ولبس برمودا جينز وبلوزه سودا نص كم وكاب اسود....وقبل لايطلع من الغرفه طالع من عين الباب الصغيره وشاف مها تفطر...
قال في باله"ياحليلهاا جوعانه وتكآآبر""...وطلع من الغرفه وقعد جنبهاا...مها نقزت للكنبه الثانيه...وهو وراها وراهاا قام وقعد جنبها ع الكنبه الثانيه...مها:وبعدين معااك؟
عبدالله:كيفي زوجتي وأناا حر اسوي الي اسويه..
مها:لااء مو كيفك انا مو لعبه بايدك..
عبدالله:مها احترمي نفسك وامسكي لسانك انا ماابي ازعلك بأول ايام زواجناا...
مها بسخريه:أي هو باقي شي...<<<تذكرت لمن ضربها امس...
عبدالله:تستااهلين انتي الي جبتيه لنفسك...
مها:لاء والله...تدري لو قلت لأبوي انك طقيتني امس كان الحين يردني لبيت اهلي ويخليك برووحك هناا..
عبدالله انقهر من كلامها بس يبي يقهرهاا اصطنع البرود وقال بهدوء:احسسن اصلن انا ابي الفكه منك اليوم قبل باكر..
مها انقهرت وحست انهاا ودهاا تذبحه بهاللحظه وقالت ببرود عكس الناار الي في داخلهاا:حتى انا ابي الفكه منك...."وقطعت لها تفاحه وقعدت تاكلهاا وهي تتفرج ع التلفزيون"..
وعبدالله يتفرج بملل..بعدين وقف وراح ناحية الباب..
مها لاحظته:وين بتروح؟
عبدالله التفت لها:مالك شغل فيني اروح مكان ماأروح فااهمه..
مها بانكسار:بس انا اخااف اقعد هنا لحالي..
عبدالله بقسوه:مافي شي يخوف وانا مو ناقصني دلع بناات...كلها كم ساعه وبرجع ..."وطلع برا الفندق لأنه لو قعد ثانيه كمان راح يضعف قدامهاا لأن ريحة عطرهاا لاتقآآوم ونعومتها ورقتها تذبح..وعبدالله مايبي يضعف قدامها لو وش ماسار"...
وفي السياره رن جواله طالع الشاشه لقاه رقم غريب...رد:الوو..
شهد تبكي:صح انك تزوجت مهاا ياعبدالله؟
عبدالله:ياليل ابولمبه .. انتي وبعدين معاك؟أي صح تزوجتها وانا عايش معااهاا احسن عيشه<<<أي بااين<<قال كذا عشان شهد تنسااه ...
شهد منهاره:وانا ؟ وانا ياعبدالله؟
عبدالله بانفعال:مالي شغل فيك يله عااد فكينا ولاعاد تتصلي على هالرقم اصلن انا غيرت رقمي وانتي من وين اخذتيه؟
شهد:اخذته من رامي..
عبدالله:هيّن يارامي اوريك..
شهد:لالالا هو ماله شغل انا قلتله يعطيني رقمك الجديد وهو مايدري بلي بيننا...
عبدالله مايدري ليه حس بالغيره:لااااء وتدافعين عنه بعد؟
شهد:مايخصك ياالخااين وياا...ويا......<<<ومن هالسب..
عبدالله:يله يله مع السلامه ولاعاد تدقين على ارقامي ياعديمة الكرآمه"وقفل في وجهها وقفل الجوال كله وحذفه ع الكرسي جنبه"...
عبدالله مهماا كآآبر وأوهم نفسه انه كره شهد هو في الوااقع وفي داخله مستحييل يكرهها لأنهاا حبه الأول وشلون ينسى الأيام الي كانت بينهم..وشلون ينسى لحظاات السعاده الي كان يعيشها مع شهد...وشلون ينسى ماضيه وذكرياته كلها معااهاا...بس هو حقد عليها من بعد الي ساار .. لأنها غثته كل يوم تدق عليه...
:::::::::::::::::::::::::::::::::::::::::::::
اما هي دقت من جوال فجر على رقم عبدالله لأن جوالها مع اخوهاا ومانعهاا منه...جا غسان وشافهاا توهاا قفلت السماعه جن جنونه وقال:من كنتي تكلمين؟
شهد وكلها خووف:هااه...كنت اكلم...اكلم فجر...
غسان طالع فجر شافها واقفه جنبها:لاء اقصد بالتلفون كنتي تكلمين مين؟
شهد بكيت من الخووف من نظرات الغضب الي في عيوونه..
قرب منها وشدها من شعرها وضربها كفين على وجهها.. وقال:ماكفااك الي سويتيه فينا...ماكفاااك انك فضحتيناا..بعد تبين تفضحينا مره ثانيه ياا..............
فجر واقفه مصدومه وتحاول تهدي غسان:اتركها حرام عليك ذبحتهاا خلاص..
غسان طالع فجر:انتي ولاكلمه انا داري مامن وراك الا البلاوي لكن بعلم اخوك على موبايلك ذا الي تعطينه شهدووه تكلم شباب فيه وبخليه يمنعك منه اورييك..
فجر كرهته من بعد كلامه هذا:احترم نفسك ولاتغلط علي ياعديم الأحسااس....واعلى مافي خيلك اركبه لأن اخوي ماراح يسمع لك ولكلامك يالحقير اهلي واثقين فيني....يله باي ياشهد"وطلعت برا بيتهم..وراحت ع بيتهاا ع رجولهاا لأن بيتهم قدام بيت شهد"....
غسان رجع التفت لشهد وكل نظرات الغضب في عيونه ويصرخ:يعني الى الآآن ماتبين تعترفين من هالواطي الي سوا فيك كذا؟؟؟"وصرخ بصوت هز البيت هز""مــــــيــــــــــــــن؟؟
شهد ماتبي تقول انه عبدالله راح يذبحها عبدالله قبل لايذبحهاا اخووهاا...قالت:مدري مدري...
غسان قرب منها وبعصبيه:يعني تبي تفهميني انه غصب عنك الي سار...!؟
شهد هزت راسها بالأيجااب..
غسان بتنااقض:لااااء مو غصب عنك انا متأكد انه برضآآك يآآ.....<<كلمه مشفره هع>>لكن اوريك ياشهدووه والله لأذبحك بايدي انتي والي كان معااك"وطلع برا الغرفه تارك شهد تبكي""...
:::::::::::::::::::::::::::::::::::::::::::::::::: :::::::::::::::::::
"فجر راحت لبيتهم وهي تبكي من القهر ماقدرت تحبس دمووعهاا لأن الظاهر غسان سار يشك بكل البناات من بعد الي سوته اخته"
فجر"وشلون طاوعه قلبه وقال عني كذا..انا كنت احبك ياغسان بس بعد كلاامك هذا صدقني راح انسآآك...وانسآآك للأبد"..
ودخلت بيتهم وهي مولللللعه من العصبيه...الجرح من الحبيب جرح قووي.......قابلهاا اخوهاا وكان بيطلع من البيت...
سعود:من وين رجعتي!؟
فجر ببرود: جيت من عند شهد...
سعود بعصبيه:انا كم مره قلتلك لاتكلميها ولاتروحي معاها ولاتقعدي حتى معااهاا.....انسيهاا.. انسي انه عندك بنت خاله اسمها شهد فااااااااااااااااااااهمه!؟
فجر بانفعال:وشلون انساهاا وشلوون وهي توأم روحي واختي وحبيبتي وكل شي بدنيتي وشلون انساها علمني؟ياخوي انت ماتقدر تفرق بيني وبينها ولايفرق بيننا الا المووت...."وامتلت عيونها دموع وكملت وقالت""هي صح غلطت وغلطه كبيره بعد لكن هي تاابت لربها سبحانه وتعالى"انه يغفر الذنوب جميعآآ"ووعدت ربها ونفسهاا انها ماراح ترجع للغلط...بس انت لاازم تعرف ياسعود انها مظلوومه بس انتم ماعطيتووهاا فرصه تتكلم أو تدافع عن نفسها على طول عذبتوهاا وحبستوهاا واخوهاا طايح فيها ضرب ليل ونهاار...حرآآم عليكم والله حرآآم"وطلعت غرفتها تبكي""...
سعود وقف يطالع الفرآآغ مصدوم من كلاام اخته...بس قال ماراح يعكّر مزاجه على هالموضوع وطلع برا البيت وراح مع صاحبه..
"وفي المقهى هو وصاحبه كانو قاعدين..الساعه 10 ونص الليل"
عـزام:هلا والله سعود كيفك؟
سعود بابتسامه باهته:هلاا بك والحمدالله ع كل حاال"وقعد قدامه ع الكرسي"...
عزام:سعود صح الي سمعته عن بنت خالتك؟
سعود اختفت ابتسامته:وش سمعت بعد؟
عزام بعفويه:انها غلطت مع وااحد وفضحتكم واخوهاا ماله وجه يقابل أحد حتى اصحابه تخلوو عنه...
سعود يدعي على شهد بداخله هي الي فضحتهم عند اصحابهم وعند النااس كلهم...
وقال:لاء مو صحيح هالكلام...وبعدين انت مين الي قالك؟
عزام:سيرتهاا سارت على كل لسان...الا هي وشلون تجرأت وسوت كذا؟؟
سعود تنرفز:اناا وش دراني عنهاا..."وقف""وبعدين ترى ماأسمحلك تتكلم عن بنت خالتي كذاا.....صدق كلاام الناس مايخلص...
عزام:اقعد ياشيخ وش فيك عصبت خلاص سكتناا...
سعود بعنااد:لاء مو قاعد معاك ثانيه زياده...سلاام"وطلع برا المقهى وهو معصب.."
ولمن قعد بالسياره وهو يسوق دق على غسان وهو معصب..
غسان:هلاا سعود..
سعود بعصبيه:غسان انا مو قادر احط عيني بعين النااس وكل ماقابلت احد ماعندهم سيره الا اختك ... ياأخي اذبحهاا وفكنا من فضيحتهاا....وربي ماسرت اطلع من البيت حتى اصحابي قامو يعايروني يقولون بنت خالتك وفضيحة بنت خالتك...
غسان:سعود انت هدي اعصابك الحين وخلينا نتفااهم ومو ذنبي اذا اختي ابوي دلعها زياده وجابت هالفضيحه لناا...حتى انا ماقمت اطلع الشارع الا للضرورهـ...وامشي وانا راسي واصل الأرض..وبعدين لو سمحت ياسعود قول لأختك اذا جات مره ثانيه عندناا لاتجيب جوالها معاها لأني شفت شهدوه الزفت تكلم من جوالهاا وانا مابيها تكلم احد ابد..فااهم ياسعود...
سعود:اختي انا منعتهاا اصلن تروح لأختك او تكلمهاا حتى...
غسان زفر بقوه على حاالهم الي مايسر لاصديق ولاعدو.......
سعود:مع احترامي لك ياغسان ولكن الي سوته اختك مو قليل...
غسان:تبي شي ياسعود انا الحين مشغول؟
سعود:لاء سلامتك....
غسان:سلاام"وسكر منه وراح حط حرته في شهد المسكينه وطقهاا طق مبررررررررررررح".....
:::::::::::::::::::::::::::::::::::::::::::::::
"الساعه 12 ونص الليل"
مشاري رجع لبيته...ودخل الصاله...
مشاري:السلاام عليكم...
الكل:وعليكم السلآآم...
ام مشاري:ليه تأخرت يامشاري ؟
مشاري:يمه كنت سهران عند سلطاان...
راحت جنى ومسكت طرف بلوزة مشاري بخفه وقالت:ليه بلوزتت مبلله؟<<ليه بلوزتك مبلله>>...
مشاري سحب اخته الصغيره لحضنه وقال:تعالي انتي من زمان مالعبت معااك...
ابومشاري:مشاري ليه بلوزتك مبلله وكلك موويه؟؟
مشاري وهو يضحك وفوق فخذه قاعده جنى:هههه أي يبى انا سبحت مع سلطان ببيتهم...
ابومشاري:اهاا طيب اطلع غير ملابسك لايجيك برد وتمرض...
مشاري:طيب الحين بطلع...
ملاك:اقول يبى بكرا ابي اطلع السوق قول للسواق لاينشغل بشي لأن ابيه يوديني السووق...
ابومشاري:والله ياملاك السواق بكرا مشغول مع الشركه يبونه يجيب لهم اغرااض ناقصه الشركه<<<شركته هو واخوانه>>..
ملاك:اووووووف...
مشاري:ملوكه ولاتزعلي خلاص انا بوديك تجهزي بكرا ع المغرب..
ملاك باستغراب:غريبه وش جاك ياخوي تغيرت كذا وسرت طيب؟
مشاري:هههه انا من يومي طيب بس انتي مايثمر فيك معروف...وولاتغيرت ولاشي بس قلت بودي اختي الحلوه السوق..
ملاك قامت وضمته:الله يخليك لي ياأحلى اخ بهالدنيآآآ...
مشاري من قلب:آمـــــــــــــــيـــــــــــــــــن....
وطلعت ملاك لغرفتها وهي فرحانه ان في احد بيوديها السووق....اما ام مشاري وابومشاري ابتسمو لمنظرهم وهم لأول مره مو متهاوشين....
مشاري وهو يناظر الدرج بعد ماطلعت ملاك ويقول في باله"ابي احقق لكم كل امنيااتكم قبل لاأروح منكم...وابي افرحكم قد ماأقدر...عشان بعد موتي تذكروني بالخيير ياأحلى عاائله بهالدنيا""وخنقته العبره وهو يتذكر كلام الدكتور عن المرض الي صابه ووقف وقال:تصبحون ع خير انا بطلع ارتااح...
ام مشاري:تعشيت؟
مشاري:لاء والله سلطان قالي اقعد للعشا بس ماقعدت....أنا بطلع ارتاح واذا سار العشا جاهز صحيني يمه زين؟
ام مشاري بحنان:زين يمه اطلع ارتااح.."وطلع مشاري"....
:::::::::::::::::::::::::::::::::::::::::::::::::: :::::::
"في الــفــنــدق...الساعه 3 ونص الليل"...
رجع عبدالله ودخل لجنااحهم وكان رآآيق لأنه سهر مع اصحاابه سهره صبااحي وفلّهاا معاهم بس مو بالأسترآآحه....سهروو ع الشاطي...ورامي كان معااهم طبعآآ السهره بدون رامي ماتسوى...
دخل وسكر الباب بالمفتااح والقى نظره ع الصاله المفتوحه الي قداام الباب على طوول...ولقى مهاا مسدوحه ع الكنب وباين انها نعست ونامت بدون لاتحس...ومايله على جنبهاا وشعرها كله ع الجنب....قرب عبدالله منها مره ونزل لمستواها وقعد على ركبه وطالعهاا شوي وكأنه يبي يكحل عيونه بهالجماال ولو وهي نايمه ع الأقل لأنها لمن تصحى تسير مشاكل بينهم...وقال بهمس:مهاا ..
بس ماشاف رد قرب منها مره وريحة عطرهاا تجذبه غصب عنه ولمن حس انه راح يضعف ابعد بسرعه عنهاا وقال:مهاااااااا
مها فزت من نومهاا وتعدلت بقعدتهاا وناظرته:هااا وش تبي؟
عبدالله:قومي ناامي بالغرفه هناا برد عليك...
مها بدون أي كلمه راحت للغرفه ونامت .. لأن كانت نعساانه ومافيها حيل تتهاوش...وعبدالله قعد ع الكنب واتصل في خدمة الفندق وطلب منهم عشاا له وتعشى وراح نام جنبهاا بس ع الجهه الثاانيه من السرير كالعااده....
:::::::::::::::::::::::::::::::::::::::::::::::::: :::::
ابوفيصل:ياأم فيصل جهزي غدا سنع بكراا عشان بدق على عبدالله وبقوله يجي يتغدى عندناا هو ومهاا...
ام فيصل بفرحه:زين ياأبوفيصل وهذا هو الكلام الصح ولا بنتي ماشفتهاا خمس اياام ولا حتى كلمتها بالتلفوون..!!
ابوفيصل:ههههه خلااص بكرا بتشوفينها انشاءلله...
:::::::::::::::::::::::::::::::::::::::::::::::::: ::::::
تحيااتي
^أمــيــرة الــشــووق^
**الجزء الخامس والعشرون**
"الظهر"..
مها وعبدالله تجهزوو وراحو لبيت ابوفيصل..
وهم بالسياره..
عبدالله:شوفي بعد الغداا بسااعه بالظبط تكوني جاهزه عشان بنرجع للفندق...
مها باعتراض:وشو ساعه لاء والله انا بقعد عندهم طول اليوم وبتعشى عندهم بعد ..
عبدالله طالعهاا:اعتقد اني قلت كلاامي وبس مابي اسمع أي اعترااض فااهمه...ولاتزودينهاا عشان لاأحرمك من شوفتهم مره..
مها سكتت وطالعت الطريق والنار تغلي بداخلها هي فرحت انها بتروح لأهلهاا لكن فرحتهاا ماكملت لأنها بتقعد معاهم بس ساعتين أو يمكن أقل...
"في بيت ابوفيصل"
كانت ام فيصل فرحاانه وبخرت البيت بالبخور ولبست دراعه سنعه وريناد بعد وسديم حتى تكشخو كلهم .. وفيصل ومشعل وابوفيصل كانو ينتظرونهم بالحووش...
طق الجرس رنرن رننننننننننن...
فتح فيصل وعلى وجهه ابتسامه:هلاا والله بالعرساان"وسلم عليهم"
مها:وشلونك وش اخباارك
فيصل:تمام والله انتي شخباارك وش مسويه مع حياتك الجديده
مها بخجل:والله تمآآم..."وسلمت على ابوهاا ومشعل ودخلت للفله"
فيصل:هلاا والله بالنسيب..
عبدالله:هلاابك..
ابوفيصل بعد ماسلم عليه:تو مانور البيت والله تفضل حيااك...
دخل عبدالله وهو يقول:منور بأهله تسلم والله"وقعدو بمجلس الرجال لأن ريناد بالصاله مايصلح تقعد مع عبدالله وكذا""...
"بالصاله الداخليه"..
ام فيصل:كيفك يابنتي ووش مسويه مع زوجك
مها بدون نفس:الحمدالله على كل حاال...
ريناد:وحشششششتييييييينيييييييييييي...
مها:وانتي اكثرررر والله اشتقت لسوالفي معااك آخر الليل قبل لاننام...
ام فيصل لاحظتهاا:مها يابنتي وش فيك متغيره كذاا جسمك ضعفاان مره ..
مها تغير السالفه:أي انا اسوي رجيم يمه..
ام فيصل:نعنبو دارك انتي بدون رجيم ونحييفه وبعد تسوين رجيم؟
مها تصررف:ههههه أي يمه انا ابي احافظ على رشااقتي...<<ماتبي تقول لأمهاا انها ماتاكل هي وعبدالله مع بعض...وانهم من اول يوم متهااوشين...
ريناد تدق مها وبهمس ماسمعه غيرهاا:الا قولي نحفتي من كثر ماتتهاوشين مع عبدالله ولا؟
مها بنفس الهمس لأختهاا:دووم تفهميني ياأختي..
وبعد الغداا...مها لبست عباتهاا وقعدت ع الكنب..
ام فيصل:وين وين رايحه بدري اقعدوو تعشو عندناا..
مها:مره ثانيه انشاءلله يمه احنا تعبانين وبنروح نرتآآح الحين..
:::::::::::::::::::::::::::::::::::::::::::::::::: ::::::::
عند الرجاال...
وقف عبدالله وقال:يله ياعمي اشووفكم ع خيير..
فيصل وقف معاه:وين وين بدري اقعدوو لسه ماسولفناا!؟
عبدالله:مره ثانيه انشاءلله..
ابوفيصل:عبدالله اقعدو تعشوو عندناا..
عبدالله بابتسامه:انشاءلله ياعمي مره ثانيه..
ابوفيصل خلاه ع راحته:ع راحتك ياولدي..
وطلع برا للحوش ودق على مها:انا عند الباب يله انزلي..
مها:اوووووف طـــــــــــيـــــــــــــب...
وسلمت على امهاا وحضنت رينااد وهي ماتبي تروح من عندهم بس ما باليد حيله..وقالت:اشوفكم مره ثانيه انشاءلله..
ونادت سديم الي متخبيه ورى امهاا ومستحيه:سدوومه قلبي تعالي بسلم عليك..
سديم راحت لهاا وضمتها مها وقالت:ياقلبوو ع الي يستحوون..."وباستهاا"
سديم:مها وين بتلووحي؟<<بتروحي>>
ام فيصل:بتروح مع زوجهاا...
سديم ببرائه:تيف يعني<<كيف يعني>>؟؟
الكل:هههههههههههه...
ريناد:سدومه لمن تكبري راح تفهمي ايش يعني..
سديم:تـــيـــب...
وتضمها مها مره ثانيه:يمه خليها تجي معااي بلييز...
ام فيصل:لااء وش تجي معاك روحي يمه مع زوجك الله معك...
مها طالعتهم آخر نظره وبعدهاا نزلت للحوش:بآآآآآي...
"وراحت لقت عبدالله بالسياره ينتظرهآآ"...
عبدالله:ليه تأخرتي؟
مها:كنت أسلم على اهلي...
عبدالله:هذا كله سلآآم الي يسمعك يقول بتهاجرين من الدماام...
مها تنرفزت:خلااص ماصارت هذا كله الصراخ عشاني تأخرت ثواني بس ويكفي انك ماخليتني اقعد معاهم زي النااس...
عبدالله:مها لاتخليني احلف ماتشوفيهم عمرك كله ولاتكلمينهم حتى..
مها زفرت:اووووووووووووووووووووووووووف..
عبدالله:لأء وتأفف بعد..."ووصلوو للفندق"..
:::::::::::::::::::::::::::::::::::::::::::::::::: :::
ابومحمد:ياأم محمد جهزي العشاا السنع اليوم بيزورني ابوسامي..
ام محمد:ابوسامي شريكك بالشركه؟
ابومحمد:أي..
ام محمد:زين ولايهمك بسوي العشا الي يعجبك بس ماقلتلي وش هالزياره المفاجأه؟يعني وش المناسبه؟
ابومحمد:ولاشي بس الرجال دوم يعزمني عنده وانا استحيت مااعزمه وعزمته وبس..
:::::::::::::::::::::::::::::::::::::::::::::::::: ::::::::
"الساعه 10 ونص الليل"
فيصل:يـــــمـــــه...
ام فيصل التفتت له:هلاا وش بغيت؟
فيصل:يمه ليه ساعه اكلمك ع الموضوع وتقولين لي وش بغيت؟
ام فيصل نسيت السالفه:أي موضوع؟
فيصل:انه تكلمين ابوي وتقولين له يكلم اعمامي ونروح انا والشباب للبحرين...بليييييييز يمه بلييييييز ترا حنا بأجازهـ وهذي أول مره بالأجازه مانساافر...
ام فيصل:وانت ليه ماتكلمه؟
فيصل:مدري يمه احس منك احسن ..
ام فيصل:خلااص بكراا بكلمه وأشووف..
فيصل بعناد:لالا يمه الحين كلميه..
ام فيصل:الحين هو بمكتبه مشغوول خلااص يافيصل قلتلك بكرا بكلمه لاتقعد تقرقر عند رااسي ترا صدعت لي راسي...
فيصل وقف وباس راسها:مشكووره ياأمي الغااليه...يله عن اذنك بطلع اكلم هاني وباقي الشباب وابشرهم..
ام فيصل تناديه وهو رايح:لسه مابعد وافق ابوك ..؟
فيصل بغمزه قبل يطلع:ادري اذا كلمتيه بيوافق مايرفض لحبيبته طلب"وطلع بسرعه قبل امه تحذف عليه شي"..
وام فيصل استحت:هههههه ياحليلك يافيصل...
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك