رواية بعد فرقاك بهوى غيرك وانساك -1
رواية حسبت إني بعد فرقاك راح أهوى غصب وانساك
الكاتبه : ^اميرة الشوق^
منتديات غرام | أقلام لا تتوقف عن الإبداع
..السلام عليكم للجميع..
(مقدمهـ..)
بصراحه هذي أول مره اسوي روايهـ واتمنى انها تحصل على دعمكم واعجابكم..وياليت الي بينقلها انه يكتب اسمي عليها(^أميرة الشوق^)..روايتي اسمها..رواية(حسبت اني بعد فرقآآكــ..راح اهوى غصب وانسآآكــ..لقيت الحب مع غيركــ..أمل من أولهـ مقتوول)
...................
*الجزء الأول*
<>بعرفكم عن العوائل<>
الجد ناصر..الجده منيره(يسكنون بالدمام ويملكون شركه فيها..من اغنى عوائل الدمام..يعيشون بأفخم القصور)
مساعد ولدهم الكبير الي هو (ابو محمد)..+زوجته مريم..
محمد:اكبر اولادهم..عمره 24 سنه..ابيض وعيونه بني..طويل شوي وجسمه مرتب..حبوووب حييل ويحب الشغل..محترم مرره..
عبدالله:22 سنه..وسييييم وجسمه معضل على خفيف..ابيض وملامحه خقاااق..بس صاااايع وعنييد..
خالد:20 سنه..كوول وكيووت مره..يحب الموضه وملامحه مرتبه واسمر شوي..عيونه عسلي وشعره سبايكي..وعنده سكسوكه..وشعره قصير ناعم مرتب..يعني خقاااااااااق..
مرام:18 سنه..ثانويه عامه..بيضه وشعرها بني نااعم لحد كتفها..وملامحها صغيره ومرتبه..وجسمها يهببل..نعوومه ودلوووعه..وجسمها مره نحيييل(نحيفه)
ساره:17 سنه..فلله وحبووبه..ثانويه عامه..سمرا شوي..وملامحها مرتبه..جسمها انحف من مرام شوي..وطولها طول مرام..شعرها بووي قصير ومدرج اسود كثيف وناعم..وهي ومرام كأنهم توأم..
________________________________
(عائلة ابو سلطان)
عبدالرحمن+منى..
سلطان:20 سنه..حلو وجسمه حلو ودايم بالثوب المخصر..شعره لحد كتفه ناعم..ويشجع النصر خخخخخ
لينا:18 سنه..شعرها لحد كتفها أسود كثيف ونااعم..وعيونها ذبلانه وبيضه وجسمها خقااااق..هاديه وحبووبه..
ديما:11 سنه..حلوه واكبر همومها الشياكه والاناقه..هع هع..شعرها طوييل..
_______________________________
(عائلة ابوفيصل)
عبداللطيف+باسمه..
ريناد:23 سنه .. حلوه وبيضه وشعرها ناعم..حبووبه وهاديه وتحب الرسم..
فيصل:20 سنه..حلوو حلوو حلوو..يخقق ويهبببل..جسمه روووووعه وشعره لحد كتفه بني ناعم وكثيف وجاي على وجهه بطريقه خياليه..وشيااااكه وكوول..هو احلى واحد بالعائله..والبنات يتهاوشو عليه ....
مها:17 سنه..ثانويه عامه..حلوه سمرا شوي وشعرها لحد خصرها نااعم وكثيف..وجسمها يهببل..
مشعل:12 سنه حلو وحبوب وهادي..
سديم:4 سنين..بيضه وخدودها حمرا وشعرها لحد ظهرها اسود ناعم كثيف..تهبببل وكل من شافها قال ماشاءلله..
______________________________
(عائلة ابو نايف)
راشد+اميره..
نايف:20 سنه..طويل شوي وجسمه حلو..فلله ودمه خفيف ومايحب الموضه ..
جود:19 سنه..قمر بمعنى الكلمه..حلوووووه..طويله شوي..وجسمها كأنها عارضة ازياء..بيضه وشعرها لحد ظهرها كيرلي وكثيف أسود..وشياااكه..
__________________________
(عائلة ابو مشاري)
عبدالعزيز+حصه..
مشاري:20 سنه..حلو وكوول وجسمه خيااال..شعره يجنن
ملاك:19 سنه..حلوه وشعرها(ايمو)ناعم كثيف..جسمها يجنن..
نواف:12 سنه..حلو يدرس ابتدائي..دايم مع مشعل ولد عمه
جنى:4 سنين..بيضه وحلوه..وضحكتها تجنن..
___________________________
)الدمام..الاربعاء..الساعه 1 الظهر)
(بيت ابو محمد)
رجعو خالد وعبدالله ومرام وساره من مدراسهم..وكل واحد اتوجه لغرفته يتروش ويلبس طبعا..
نزلو مرام وساره يتراكضون عالدرج..ودخلو للمطبخ الفخم الي موجود فيه امهم..
ساره:هاااااااااااي مذر..
التفتت ام محمد عليهم وحطت الملعقه عالدولاب..وابتسمت:رجعتو؟؟؟؟
مرام تستهبل..طالعت وراها:لاء لسه باقي شوي..
ام محمد قربت منهم وضحكت:هههه..حلوه باقي شوي..يلا اطلعو قولو لاخوانكم الغدا جاهز..
ساره:يما محمد وابوي مارجعو من الشركه؟؟؟
ام محمد:لاء..بعد ساعه انشاءلله بيرجعو..
قربت مرام من امها وابتسمت:يمااااااا عطيني بوووسه..
باستها ام محمد..قربت ساره ومدت بوزها شبرين:وانا بعد..
باستها ام محمد وبعدها طالعتهم:ماتلاحظو اني عطيتكم وجه زيااده..يلا اشوف اطلعو نادو اخوانكم..
طلعو ساره ومرام من المطبخ وهم يضحكو..وطلعو للدور الي فوق..
____________________________
(الساعه 5 العصر..ببيت ابو نايف)
جود ونايف جالسين بالصاله الي بالدور الي فوق..وامهم وابوهم نايمين..
قامت جود من الكنبه وراحت جلست جنب نايف الي كان يلعب بجواله ومو عاطيها وجه..
جود بابتسامه:نااااااايف حبيبي..
نايف من دون مايطالعها:خلصي قولي شعندك؟؟؟
جود طالعته وسكتت..
نايف نزل عيونه عن الجوال وطالعها..وضحك:أي ادري ماتقولين لي هالكلام الا وراك داهيه..
جود ابتسمت من جديد:الموووهيم..اليوم اجازه صح؟؟
نايف:طيب..
جود بتودد:طيب وديني السوووق..
نايف:احلفي؟؟
جود:الله يخليك والله مليت من البيت..
نايف:اليوم بنروح بيت جدي..الكل مجتمع هناك..
جود تطالع ساعتها:لسه بدري الحين الساعه 5 المغرب..العاده نروحلهم الساعه 7 أو 8 المسا..الله يخليك وديني السوووووق..
نايف اقتنع شوي:طيب وش تبين من السووق؟؟؟
جود تفكر:ممم..ابغا اشتري فستان..
نايف تنهد:ياجود انا مو فاضي اليوم..بروح انا ومشاري مشوار..
جود:اففففففف..الله يخليك والله مابطول..
نايف وقف واتنهد:عنييييييده..انا بالسياره انتظرك معاك خمس دقايق ان مانزلتي بروح واخليك ترا..
طلعت جود ركض لغرفتها تلبس عبايتها..ونزلت بعد ثواني وراحو السوق..
________________________
))..نفس الوقت ببيت ابو فيصل..((
مها تكلم تلفوون:ههههه الله يقطعك ياساره..عليك قصص تووحفه..
ساره ضحكت:هههه..اقووول اليوم بتروحون بيت جدي.؟؟
مها:شووووووور..انتو؟؟
ساره:اكييييييد..طيب متى بتروحون لهم؟؟
مها:مدري..امي تقول الساعه 6 يعني بعد ساعه..
ساره بحماس:اها حتى احنا..والله يامها ياعندي سوالييييف ماتتفووت..
مها فرحت:والله!!حتى انا عندي قصص لليل..
ساره:اشوفك هناك..
مها:بااااااااااااااايوو..
ساره:بااااااااااااايوو..
____________________________
)..ف احد افخم مجمعات الدمام..الساعه 6 المغرب..(
جود ونايف يتمشون بالمجمع..وجود كل شوي تدخل محل وتنزل من دون ماتشتري شي..نايف زهق:اقوول مشاري ينتظرني بالكووفي وانتي ماشتريتي شي للحين...
جود:والله الموديل الي ادوره مالقيته..
..طالع نايف على يمينه وشاف محل فساتين فخم..سحب جود من ايدها ودخلو المحل..وكان كله فساتين بناتيه ناعمه وفخمه..جود موعاجبها شي:لاء لاء مو حلوه الموديلات..
طالعها نايف شوي..وسحبها من ايدها لداخل المحل..وسحب فستان لونه بنفسجي ناعم وحلوو وقصير..وقال:ها شرايك بهذا؟؟والله بيطلع عليك خقاااااق..
جود مو عاجبها:لاء لاء مو حلوو..مو مثل الي ابي..
حط نايف الفستان بالكيس..وراح للمحاسب وجود تلحقه:لاء نايف مو زيين..
نايف حاسب عالفستان:موب كيفك..طفشتيني من اليوم وانتي تدورين بالمجمع ومو عاجبك العجب..
جود تتحرطم وهي تمشي وراه للسياره..
_________________________
)..الساعه 7 ونص المسا..ببيت الجد ناصر..(
بالقصر الفخم..كل العائلة اجتمعت..الرجال والشباب بمجلس الرجال مع الجد..والحريم والبنات والبزران بمجلس الحريم..
والفوضى تعم القصر..سواليف وضحك وكل قصص الاسبوع يقولونها بهاليوم..خخخخخ..
)..عند الحريم..(
كانو الحريم جالسين بركن من المجلس الفخم ويسولفون واغلب سوالفهم عن الرجال والجيران..والحريم الي تطلقو والطبخ ومن هالسوالف..
اما البنات..بما فيهم(مرام+ساره+لينا+جود+مها+ملاك+ريناد)
جود طالعت يمين يسار تتاكد ان الحريم مشغولين بالسوالف..ورجعت طالعت بالبنات وقربت منهم وقالت بهمس:وربي اليوم لمن رحت المجمع مع نايف..شفت ولد خقااق..يهبببببببببببل..
مرام بحماس:واااااااي امانه كيف شكله..؟؟؟؟
البنات متحمسين مع السالفه ويطالعون جود باهتمام..الا ريناد ماهتمت بهالسالفه..
جود بهيام تتذكر شكله:طويل شوي..اسمر و..وعنده سكسوكه تجنن..وجسمه خقااق..هذا غير النظاره الشمسيه والدخان الي بأيده..وربي يجننننن..
مها وساره طاحو عالكنب باستهبال..
البنات:هههههههههههه..
ريناد:سلامات..خقن البنات لاتكملي ياجود..
ضحكت جود:والله انا الي خقييت..من شفته نسيت الفستان والموديل...
البنات فقعو ضحك..
(ف نفس القصر..عند الرجال..)
السوالف ماخذتهم يمين يسار..وكل سوالف الرجال عن الاسهم والشركه والتجاره..اما الشباب الحلوويين..
نايف مسك راسه بتمثيل:احس بصدااع..
فيصل ضربه على كتفه بالخفيف:حاس فيك..سوالف ابوي واعمامي تصدع كلها عن الشركه ومدري شنوو..
ضحك نايف:ههه..لاء مو من كذا..حاس بصداع يذبح..
خالد غمز لنايف بمزح:خويتك تهاوشت معاك؟؟؟؟؟
نايف طالع خالد بغبااء:ها؟؟؟
خالد فقع ضحك:هههه..يعني صح كلامي..
نايف توه يستوعب..رما على خالد المخده الي جنبه:وججع..اصلن مين قال اني راعي هالسوالف..
مشاري:عليييييييييييييييينا..
نايف توهق..وطالعهم بحقد..اما الشباب سطحو ضحك..
قطع ضحكهم صوت ابو سلطان:سلطان..ياسلطان..
سلطان وقف وراح ناحية ابوه:يس دادي..
الجد عصب على سلطان:وش يس دادي وش هالكلام..قول سم يايبا..
سلطان فيه الضحكه:اوك سوري..سم يبا..
الجد:شووف..يقولي اوك وسوري وشوري..اقولك تكلم زي الرجال..
سلطان ماقدر يمسك ضحكه..ضحك وبعدين طالع ابوه:هلا يبا..
ابو سلطان الي وقف ضحك:اقوول روح قول للحريم يسوو قهوه..
سلطان:اوكـــ(تذكر جده)..هاه..لاء قصدي ط..طيب..
وراح برا المجلس متوجه للحريم..هنا الشباب سطحو ضحك..
وصل لعند الحريم وكان لابس ثوب اصفر مخصر على جسمه..وحاط الشماغ على كتفه وشكله يجنن..
وقبل لايدخل الصاله:احم احم..
لفو البنات طرحهم..الا لينا طبعا لانه اخوه وعرفته من صوته..
ام محمد:ادخل ادخل..
دخل سلطان بمشيته الرزه..وسكت الكل من دخل سلطان..واتوجه لجدته وسلم عليها باحترام..وسلم على زوجات اعمامه باحترام..وقال:سوو قهوه يقولو الرجال..
ام مشاري وقفت:بروح اقول للخدامه تسوي قهوه..
رجع سلطان بخطواته على ورا والتفت للزاويه الي قاعدين فيها البنات..وطالعهم وحده وحده بس مابين هالشي..
وانتبه على نفسه:ا..انا بروح المطبخ..
طلعت جود المرايا الصغيره من شنطتها وطالعت بوجهها شوي:يوووووه الكحل حقي خرب..(وقفت)بروح اظبطه..
وراحت برا الصاله..
سوت الخدامه القهوه وشال سلطان الصينيه الي فيها القهوه والفناجيل..متوجه لبرا المطبخ الفخم..جود نسيت ان سلطان بالمطبخ..راحت ناحية المطبخ بتشرب مويه...جات جود بتدخل المطبخ الا سلطان ينزل من المطبخ وبايده الصينيه..صفق بجود وطاحت الصينيه بالارض واتكسرت نص الفناجيل..وانسكبت شوي القهوه على ملابس جود الي كانت لابسه
سلطان تفشل .. اما جود وجهها حممر..وطالعت لبسها الي مسكوب عليه قهوه:آآآآآآآي حاااااااره القهوه..
سلطان وطى للارض بيشيل القهوه..بس طالع بجود من تحت لفوق ووقف:ا..اا..اووووبس والله ماشفتك سوري سوري..
جود مو مستوعبه:ها..لاء عادي..
مرر سلطان ايده على شعره بحرج:عسى ماتعورتي؟؟
جود طالعته:لاء عادي ماسار شي..
ترك سلطان القهوه..مسك طرف بلوزته..ومسح القهوه الي بتنورة جود..
جود تفشلت..ترك سلطان القهوه وراح ركض لمجلس الرجال..وهو متفششل ..اما جود اتصنمت مكانها"والله فشللللللللللللله.."
_________________________
(خلونا نلقي نظره عالبزوره شوي)
بنفس القصر..بس بغرفة الاطفال الي بالدور الي فوق..
غرفه ملونه تملأها الرسومات الي عالجدار والالعاب الكثيره الموجوده بالغرفه..هذي الغرفه الجد سواها لاطفال العائله..وفيها سوني وكمبيوتر مكتبي وتلفزيون..والعاب كثيره منثوره بالغرفه..كانو قاعديين فيها(مشعل+نواف+سديم+جنى+ديما)
جنى وسديم يلعبو بالالعاب المنثوره بالارض..اما ديما ونواف ومشعل يلعبو سوني..(بلايستيشن)
مشعل متحمس ويلف يد السوني يمين يسار..
ديما بخقه:لاتحاول ماراح تفوز علي..
مشعل بثقه:بتشوووفين..
نواف زهق وهو ينتظرهم يخلصون هاللعبه:ترا زهقت وانا انتظركم..يلا واحد يفوز ويريحني..
____________________________
وعالساعه 12 حطو العشا والكل تعشى..وجلسو يتقهوون ويسولفو شوي..وبعدها الكل راح لبيته..
_____________________________
ها شرايكم بهالبارت؟؟
ترا هذي البدايه..والجايات اكثر..
بس ابي منكم الدعم الي يخليني اكمل هالروايه..وابشرو بالبارت الي بعده..أتمنى تكملوو معآآي للآآخر..صدقووني ماراح تندموو...
:تحياتي:
^أميرة الشوق^
**الجزء الثاني**
))..الخميس..الساعه 9 المسا..((
الحريم والرجال ببيت الجد..اما الشباب والبنات اتفقوا نهم يروحو لمجمع أو مطعم يتمشون فيه بما ان اليوم خميس..
واتوزعو بالسيارات..
سيارة محمد..(ريناد+ساره)
سيارة خالد..(عبدالله)
سيارة فيصل(مرام+لينا+مها)
سيارة سلطان(نايف+جود+ملاك+مشاري)
____________________________
واتوجهو لمجمع(المارينا موول)بالدمام..
هذا هو شكله<<
ووقفو السيارات الاربعه..ونزلو كلهم ودخلو المجمع..
الشباب كلهم لابسين ثياب مخصره تجنن عليهم..اما البنات عبايات طبعا بس كل وحده معاها شنطه ومرتبات..
خالد وفيصل الوحيدين الي لابسين بناطيل جينز وتيشيرتات..<<طبعا لانهم كووووول..
وأشكالهم تجنن وهم داخلين المجمع كلهم..
وأول شي اتوجهو للدور الاخير..الي هو دور الالعاب والمطاعم..
اخذولهم طاوله وجلسو..وبعد شوي قامو وطلبولهم آكل ورجعو جلسو..
وقف سلطان:انا رايح اشتريلي من ماكدونالدز..
جود وقفت:ا..انا بعد ابي من ماكدونالدز..
نايف:اعطي سلطان يجيبلك معاه..
سلطان:انا بجيب طلب خالد ومشاري..
جود حست انها احرجته:لاء خلاص انا بجيبلي..
نايف:طيب روحي مع سلطان..مايسير تروحين لحالك..
جود ودها تعارض بس مافي غير هالحل:ط..طيب..
وراحت هي وسلطان يمشون جنب بعض..متوجهين لــ((mackdonaldsوهم بالطريق .. وجه سلطان لجود نظره سريعه..طالعته جود وشال عينه عنها وطالع بالمطاعم ومسوي بريء خخخخ....
جود حست بنظراته وقامت تطالعه من فوق لتحت وتشوف الثوب المخصر الي عليه..والكاب الاسود الي على راسه..والنظاره الشمسيه..حست انها تمشي جنب قمر..واتذكرت موقف امس..وطلعت منها ضحكه خفيفه...
سلطان طالعها باستغراب:عساها دوم هالضحكه..بس ليش؟؟
جود حمر وجهها:ههه..لاء بس تذكرت شي...
طالعها سلطان بخبث:هههه حتى انا تذكرت موقف امس لمن صقعت فيك..ههههه شكلنا كان توووحفه..
جود تفشششششششلت"يافشلتيييييييييي..هذا لسه يذكر"
سلطان حس انه احرجها..التفت على مطعم ماكدونالدز:هذا هو ماكدوونالدز..
جود تمشي قدام ومو منتبهه لسلطان..سلطان يناديها:جوود..جود وين رايحه تعالي هنا..
جود تكمل مشي لمطعم كودو ولاهيه باللوحات .. لحقها سلطان ركض..سحبها من ايدها وخلاها مقابلته:وين رايحه؟؟هناك المطعم..
جود طالعت بايدها الي ظاغط عليها سلطان ويسحبها لماكدونالدز..جود:ا..ايدي تعورني..
تركها سلطان وهو متفشل من الحركه..ووصلو لماكدونالدز بسلاااااااااااام..
______________________________
(بنفس المجمع..بس بمكان ثاني)
خالد وفيصل بستار بكس...
الهدوء يطغى على ستاربكس..كان تقريبا فاضي مافيه غير خالد وفيصل والعمال..بينما هم في يسولفون..دخلت بنت لستاربكس..وراحت عند الطلب وكانت تكلم الباكستاني العامل انجليزي وتطلب كوفي..فيصل يسولف لخالد ومو شايف البنت..اما خالد طارت عيونه وهو يطالعها وطالع عبايتها الملونه بجمييع الالوان..ويطالعها من فوق لتحت..
فيصل متحمس بالسالفه:هههه قلت له ياهاني لاتسوي كذا حتى لاتجرب .. بس هو عنييد..شوف وش النتيجه..هههه
خالد مو معاه ابد..وقف..فيصل:سلامات وين رايح..؟؟؟؟؟
خالد يطالع البنت:شوف وراك بس..وربي قممممر..
التفت فيصل وطالعها بقرف:ماخلت لون ماحطته بالعبايه الله يقطع ابليسها..
خالد:مو حلوه بس؟؟؟؟
فيصل يكابر:الحين هذي حلوه!!؟؟؟!!وربي انك مو صاحي..
خالد وخر الكرسي وجاي بيروح للبنت..فيصل ضحك:يامجنوون يامراهق امشي..وين رايح؟؟؟؟
خالد:بروح ارقمها تهببببل..
فيصل وقف ومسك خالد:اقول اوقف ياولد..وربي بتلم عليك الامن وبتفضحك ياغبي..
خالد مو حاس بعمره:عادي عادي..(وراح متوجه للبنت)
اما فيصل وقف مكانه يراقب الوضع..
قرب خالد من البنت الي باين عليها صايعه..وقف جنبها..
البنت بعدت شوي على ورا وهي تستنى الكوفي..
رجع خالد على ورا وسار جنبها تماما..البنت حست بحركاته:نعم اخوووي..بغيت شي..
خالد طالعها:ه..ها؟؟أي بغيت..
البنت بخقه:تــــفـــضـــل..
خالد بغباء:ا..اا..ابي الرقم لو سمحتي..
اعطا العامل الكوفي للبنت..
البنت تستهبل:والله!!؟؟بغيت أيش ماسمعت..؟؟
قرب خالد راسه من اذنها:الررررقم..الرقم..
رمت البنت القهوه عليه:هذا احسن من الرقم..(وطلعت من المحل)
خالد وقف مصدووم..والعمال يضحكو عليه..قرب فيصل من خالد وهو فاطس ضحك..:تستاهل قلت لك بتفضحك..
خالد عصب وهو يطالع ملابسه الي توصخت:بنت الكلب..
فيصل سحبه برا المحل وهو يضحك ومو قادر يتكلم:ام..امششش..امشي ههههه..امشي بس بنطلعلهم..هههههههههههه
خالد:اضحك اضحك ماوراك مصيبه صايره..
________________________________
(..ببيت الجد..الساعه 11 ونص المسا..)
طالعت ام سلطان ساعتها بقلق..وبعدها طالعت بالحريم:اقوول .. اولادنا تاخرو..
ام محمد مسكت جوالها:أي والله بدق عليهم..
دقت على محمد الي كان بالسياره فاتح الاغاني باعلى صوت ومو سامع الجوال ابد..
ودقت على خالد الي كان جواله مشغول ويكلم فيه صاحبه..
دقت على مرام الي بسيارة فيصل جالسه ومنسجمه مع الاف ام..ردت بدلع:هلا مااااااااااماااااااااااا..
وطى فيصل صوت الاف ام..
ام محمد:وينكم انتو الحين؟؟؟؟
مرام:اممم..بالسياره..
ام محمد:واختك وين؟؟؟؟
مرام:ساره مع محمد..
ام محمد:وانتي مع مين؟؟؟؟؟
مرام:فيصل..
التفت فيصل:هلاااا..
مرام وخرت الجوال عنها:مااكلمك اكلم ماما..
فيصل رجع يسوق..ام محمد:ومتى بترجعون البيت؟؟؟
مرام زهقت:ياماما ياحبيبتي..احنا الحين راجعين للبيت بغيتي شي؟؟؟
ام محمد:أي بغيت..قولي لفيصل لايسرع بالسياره...
مرام:اوك باي(سكرت الجوال)..فيصل..فيييييصل..فيييييييييييييييييييييصل. .
فيصل طالعها:هاه.؟؟؟
مرام:ليش ماترد لمن اناديك؟؟؟؟؟؟؟؟
فيصل:احسبك تكلمي امك خخخخخخخخ..
لينا تطالع فيصل وهو يضحك وغمازاته باينه.."يادلبووو..شوفو الضحكه بس..يناااااااااااسوووو"
ووصل الكل لبيت الجده بعد ماقضو ساعات حلوه بالمجمع..الكل تمتع بهاليووووم..والبعض خق..والبعض استانس لبعض المواقف..
_____________________________
هاني(صاحب فيصل)دخل البيت..وهو زهقااان..رما الشماغ والجوال والمفاتيح عالكنبه..وانسدح عالكنبه بتعب..طالع ساعته لقاها 1 الليل..مسك جواله"اتصل على فيصل..لاء لاء تلقونه نايم..اما فيصل ينام الحين؟؟؟..خويي صايع اعرفه يحب السهر..خلني اتصل عليه من زمان عنه"
رد فيصل ببرود:هلا..
هاني:هلا فيصل..شخبارك؟؟؟
فيصل استانس:هااااااني؟؟!!؟؟
هاني يستهبل:لاء ظله..اي هاني..
فيصل:خخخخ..والله من زمان عنك..انا تمام..انت كيفك يالقاطع؟؟؟
هاني فتح عيونه الثنتين:انا قاطع؟؟؟!!والله انت الي ماعاد تسأل ولا شي..مدري مع مين طول هالفتره اعترف....
فيصل ضحك:المهم/انت وين الحين؟؟؟؟؟؟؟؟؟؟؟؟
هاني:بالبيت يعني وين بكون..ماعندي مكان اروحله..لفيت الشوارع كلها..
فيصل ماسك الضحكه:سألتك سؤال واحد..ليش تجاوبني كل هالاجوبه الي مالها داعي..
هاني:خخخخخخخ..اخلص وش بغيت؟؟؟؟؟
فيصل بخقه:يعني لازم لمن اتصل عليك اكون ابغا شي..
هاني:شووف..ترا فيني النوم..اخلص يلا قوول بلا ملل..
فيصل:اففففف..طيب حزر وين رحت اليوم؟؟؟؟
هاني:ستاربكس ماغيره..اعرفك كل يوم وانت قاط خشتك فيه..
فيصل مسوي مظلوم:حرام عليك..ظلمتني..صح رحت ستاربكس بس مو الي عالشارع..
هاني يستهبل:امااااااا رحت الي عالبحر؟؟لا لاء مااصدق..
فيصل:تستهبل؟؟
هاني:انت الي تستهبل..مو عالشارع يعني وين مثلا..؟؟
فيصل:وربي انك غبي..قصدي يعني وسط مجمع..
هاني يفكر ايش المجمعات الي يحبها فيصل:اهااااااااا..المارينا مووووووول..
فيصل يصفق:ممتاااااااااااااااز..
هاني:حسستني اني اولى ابتدائي..
فيصل:وانت حسستني اني اكلم بقره..ماتستوعب بسرعه ..
هاني مسوي زعلان:خلاص زعلت..اجل انا بقره.. يلا بااي
فيصل يضحك:امزح امزح..
______________________________
((الساعه 3 نص الفجر ببيت ابو محمد))
ساره ومرام ينتظرو فلم..والفلم بعد نص ساعه بيبدا..
وقفت مرام:يووووووووووه..
ساره:سلامااااااات؟؟؟
مرام:نسيت البوب كورن الي سويته...
ساره تضحك:يويلك من ماما..انزلي بسرعه لاينحرق الميكروويف..
مرام خافت..راحت ركض متوجهه للدرج..اما ساره قعدت تضحك..شوي وبدأ الفلم..فزت ساره من الكنب وراحت ركض لعند الدرج تصرخ:مراااااام..الفلم بدأ..
مرام سمعت ساره..ومن الخوف ان بداية الفلم تفوتها..فتحت باب الميكروويف ونزلت الصحن وهو ساخن..انحرقت ايدها وقامت تصرخ:آآآآآآآآي ايدي..آآآآآآآآآآآيي..اهئ اهئ..
ساره اخترعت تركت الفلم ونزلت ركض للدرج متوجهه للمطبخ..وشافت مرام واقفه على الطاوله وماسكه ايدها الي سارت حمرا..ساره فيها الضحكه:بسم الله شصار؟؟؟؟
مرام عصبت منها:تضحكين ها؟؟تعالي شوفي ايدي..آآآآي حممراااا...(تصيح)
ساره:اششش..مرام خلاص لاتصيحين الحين امي بتقوم من النوم..
مرام تصيح:آآآآآآي ياساره ايدي توجعني..
ساره:اشش..انا بشوف خالد او عبدالله اذا مو نايم يودوك المستشفى بس لاتصرخي..
مرام تتحمل الالم:ط..طيب بسرعه اطلعي..
طلعت ساره ركض لفوق وبعد خمس دقايق نزلت:نايمين كلهم..
مرام تبكي بصوت عالي:آآآآآآي ايدي حمرا..آآآآآآآآآآآآآآي ياماما..
ساره توهقت:اشش..مرام خلاص بتصل على احد يجي يوديك..
مرام سكتت..طالعت بايدها ورجعت تصيح:ياماااااااامي..
سحبتها ساره للصاله الي تحت..واتصلت على سلطان لقت جواله مغلق..اتصلت على فيصل:الووو فيصل الحق..
فيصل بقلق:خير شصاير..؟؟
ساره بقلق:انت وين الحين؟؟؟
فيصل:توني طالع من عند هاني..ليش؟؟؟
ساره تطالع مرام:مدري مرام ايدها انحرقت وتصيح..
ارتسم على وجه فيصل الخوف:ط..طيب وين اخوانك؟؟
ساره:كلهم نايمين..
فيصل غير طريقه لبيت عمه:طيب يلا خليها تنزل انا بوديها المستشفى..
ساره:لحاااااااااالها؟؟
فيصل:أي لحالها..ليش باكلها انا؟؟
ساره:مو كذا..مـــ...
قاطعها فيصل:انا عند الباب(سكر الخط)
ساره طالعت مرام:يلا انزلي ياست..
مرام وقفت:مين الي جا؟؟؟
ساره:فيصل..بيوديك المستشفى..
مرام تمسح دموعها خافت:ها؟؟لاء خلاص ماله داعي المستشفى الحين بيخف..
رن رن رن ..راحت ساره فتحت الباب..ودخل فيصل للصاله الفخمه الي قدام باب االقصر..وقعد يتلفت:وينها؟؟
ساره:مين مرام؟؟
فيصل:ساره بلا غباء..اي مرام اجل مين؟؟؟بعدين انتي كيف تقابليني كذا؟؟؟
ساره الي كانت لابسه روب النوم انتبهت لعمرها:ها.؟؟أي صح..بس مو وقت هالفلسفه..تعال اسحب مرام مو راضيه تروح...
فيصل زهق:اففففف(واتوجه هو وساره للصاله الي فيها مرام)
فيصل ارتبك لمن شافها لابسه بيجاما وشعرها على وجهها وتصيح..نزل راسه فيصل:م..مم..مرام قومي معاي..
مرام تطالع ايدها الي انتفخت:لاء خلاص ماله داعي..
فيصل طالع ايدها وقرب:اووووووبس..وش ذا ؟؟ قومي اشوف.. شوفي ايدك شلون منفوخه وحمررا..
مرام توجعها ايدها بس منحرجه:لاء ماله داعي اقولك..
فيصل:بتقومين ولا شلوون؟؟؟؟
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك