رواية بعد فرقاك بهوى غيرك وانساك -16
ودلوعته والي ماعمره قصر عليها بشيء حتى لو هو على قد حاله اذا بغت شي يتسلف ويجيبه لها عشان لاتحس بنقص او تتضايق في يوم من الأيام والحين هي تسود وجهه قدام الناس وتسوي هالمصيبه...
غسان:يــــــــــــــــــــــبــــــــــــــى"وراح له ودق ع الأسعاف وجو ونقلوه ع المستشفى"...
غسان:ياربي وش هالبلاوي الي تتحذف علينا حسبي الله فيك ياشهد..
ام غسان تبكي بحرقه .. وقفت وقالت لشهد بانفعال:حسآآفه تربتي فيك ياشهد خاب ظني فيك وهذي عمايلك من وراي..عمري ماتوقعتك كذاا .."وكملت باستهزاء"يامحترمه..
شهد كل كلمه من امها تطعن فيها زيادهـ...حست ودها تموت اليوم قبل بكراا ولا تسمع هالكلام من امها..
وصلو عائلة ابو سعود للمستشفى...وسعود قابل غسان بالممر وسلم عليه وشاف وجهه مايسر:سلامات وش فيها اختك؟؟وليه وجهك عابس كذا؟
غسان مو عارف وش يقوول له متفشل من اخته"الله يفشلها"وقال وهو منزل راسه السالفه كلها لسعود...
سعود انصدم:شهد تسوي كذا؟؟مستحيييييل!!
غسان:خلاص ياسعود الي فيني كافيني وانت قاعد تزيد علي..انا مو مصدق للحين...كانت في نظري اكثر بنت مؤدبه في هالكون..
سعود سكت....
"بالغرفه"
ام سعود:شلوووووون؟
ام غسان تضم اختها:الي سمعتيه بس خلي هالكلام في سرك لاتقولي لأحد مو ناقصين فضايح..
ام سعود انصدمت ماتوقعت كل هذا يطلع من شهد:لاء تطمني ماراح اعلم احد ابد..."وطالعت شهد"حسافه تربية اختي فيك يالحقيرهـ...
شهد تبكي:كفاايه خلااص والله مالي ذنب والله اهئئئئئ..
فجر حاضنتهاا:خلاص اسكتوو الي فيها كافيها هي..
ام غسان عصبت:وش الي فيها كافيها وش نسوي الحين بهالبلوه الي حطتنا فيهاا وش نقول للناس وابوهاا انجلط لمن درى..
ام سعود كل شوي تنصدم:انجلط؟
ام غسان تبكي:أي جاته جلطه لمن درى بعماايل بنته السودآآء
غسان وسعود راحو للدكتور يسألونه عن حالة ابوغسان..
الدكتور:حالته خطيره جدآآ واحنا راح نسوي الي نقدر عليه..
غسان بترجي:تكفى يادكتور لاتترك ابوي حاول بكل الطرق تخليه يرجع مثل قبل واحسن..
الدكتور بابتسامه يطمنه:ولايهمك راح نسوي كل الي نقدر عليه..
غسان:ماتقصر والله"وطلع هو وسعود من غرفة الدكتور"..
وقابلوو ابوسعود جاي ناحيتهم:هاا بشر وش قال الدكتور؟
غسان منزل راسه مو قادر يحط عينه بعين احد حتى عمه متفشل منه بعد مادرى بلي سوته اخته:يقول حالته خطيرهـ...
ابوسعود يهز راسه:لاحول ولاقوة الا بالله...
:::::::::::::::::::::::::::::::::::::::::::::::::: ::::::
عبدالله نزل مع الدرج..
ام محمد:عبدالله يقولك ابوك اليوم ع العصر بتروحون تختارون اثاث لبيتك لاتنسى ..
عبدالله انسدت نفسه:اوووووووووووف ..
ام محمد:وش فيه تأفف انشاءلله..
عبدالله:لأني مو رايح قولي لأبوي يروح هو ومحمد ويشترون الي يبون انا يطلعوني من هالموضوع..
ام محمد بعصبيه:وشلون يطلعونك من هالموضوع انت ماتستحي تقول لأبوك يروح يختار اثاث بيتك المفروض انت تروح معاه واحمد ربك ان ابوك يجري وراك يبي يكمل لك بيتك..
عبدالله وقف وبدأ يعصب:اووووه زين زين بروح خلااص "وطلع برا البيت"....
ام محمد تنهدت:الله يهديه هالولد....
ونزل محمد وباس راسها وقعد جنبها:أي ولد؟
ام محمد:من غيره اخوك العاصي عبدالله..
محمد:ليه وش سوا بعد؟
ام محمد:تخيل يقول انت وابوك تروحون تختارون له اثاث بيته وهو مايبي يروح..
محمد:موب كيفه ابوي بيجره جر...
ام محمد تنهدت...محمد:يمه ماعليك منه لاتضيقين صدرك عشانه يالغاليه....
ام محمد ابتسمت لمحمد الي عمره مازعلها بشي:يشهد الله مو مريحني غيرك يامحمد..
محمد:تسلمين يالغاليه والله يخليك لنا ومايحرمنا منك ..."وسكت شوي بعدين كمل"بس بغيت اقولك شي يمه...
ام محمد:آمر..
محمد:مايامر عليك ظالم بس بغيت اقولك ابي اعجل خطبتي من ريناد بنت عمي..
ام محمد ابتسمت:وهذي الساعه المباركه بس خليها بعد مانخلص من عبدالله وحوسته..
محمد وقف:اووك مو مشكله......يله عن اذنك انا بروح..
ام محمد:وين بتروح؟
محمد:بروح عند واحد من الربع وبرجع ع العشاا..
ام محمد:زين .."وطلع محمد"..
"على فكره الشباب رجعو من المزرعه من قبل ساعتين طبعآآ بعد ماستاانسوو فيهاا حييييييييييل وكل واحد راح لبيته"...
/////////////////////////////////////////////////
توقعااتكم//وش مصير شهد بعد مادرو اهلها؟
راح يسير شي بالبارت الجاي..وش تتوقعون؟
تحياتي لكم:^أمــيــرة الـشـووق^
**الـجـزء الـثـآآنـي والع ــشرون**
بعد مارجعو للبيت...غسان وهو بقمة العصبيه مسكها من شعرهاا وسحبهاا لغرفتهاا ورماها ع ارض الغرفه بقوه وقال:من هاليووم ماعاد في طلعه من هالغرفه"واخذ جوالها ولاب تووبها"وماعادك شايفه جهازك عمرك كله لأن الدلع ماجاب نتيجه معاك يالخايسه..
وطلع برا الغرفه وسكر الباب وراه بقووهـ...شهد قعدت تداري دموعهاا وتضرب نفسها:كله منك ياعبدالله كله منك حسبي الله عليك اهئئئئئئئئئ.....
:::::::::::::::::::::::::::::::::::::::::::::::::: ::::::::
سعود:فجر تعالي ابيك شوي..
فجر قامت معاه وطلعو لغرفة سعود..سعود سكر الباب ووقف قدامها وهو يقول بهدوء:فجر ماابي اشوفك مع شهد ولاتتكلمين معاها ابد...
فجر مصدومه:انت وش تقول؟....شهد بنت خالتي واختي وكل شي بالنسبه لي.......وشلون تبي تحرمني منها؟
سعود بقسوه وعلى صوته:ولو انها بنت خالتك قلتلك ماعاد ابيك معاها ولاتكلمينها ابد احسنلك يافجر..
فجر نزلت دموعها:انت ماتقدر تحرمني منهاا ماتقدر...
سعود يمسك اعصابه:لاتخليني اعصب عليك يافجر..امسحي رقمها من جوالك وماعاد تروحين لهاا انا مو ناقص فضايح زيادهـ"وطلعت فجر برا غرفته وراحت لغرفتها وهي منهاره"...
سعود تنهد ومسك راسه بعد ماطلعت فجر"صدقيني يافجر كل هذا لصالحك ماابيك تخربين مثلهاا"...
::::::::::::::::::::::::::::::::::::::::::::::::::
<>لـنـدن<>
خالد:شوق اليوم انا عازمك عندي تعالي اووك...
شوق بدلع وتمسك خصل شعرهاا:وش المنااسبه؟
خالد بهيماان:مايصلح يعني اعزم حبيبتي ع العشاا اليوم؟لاء وبعد انا الي طابخ العشاا..
شوق:ههههه ليه انت تعرف تطبخ؟
خالد:مااعرف بس بحاول لعيونك بتعلم الطبخ ياعيووني..
شوق ذابت على رومنسيته:دام انت الي طابخه خلاص بجيك ابي اذووق الأكل من ايدك..
خالد يضمها:يابعد قلبي انتي والله..."استحت شوق"....
:::::::::::::::::::::::::::::::::::::::::::::::::: ::
نرووح لبيت ابومشاري..
ملاك:يااربيييييه طفش..
مشاري:عجيب!!امس كنتي مع البنات مسرع طفشتي..
ملاك:هذا اسمه امس..وبعدين انت شعليك مني وانت بعد كنت مع الشباب بالمزرعه...
مشاري:هين ياملاكوو تحطين راسك براسي هاا وانا الي قلت حرام طفشانه الحين بوديها السوق تستاانس..
ملاك قامت وقعدت جنبه:انا آسفه يااقلبي انت امانه قوم وديني..
مشاري:اولآآ انا مو زوجك تقولين لي ياقلبي وثانيآآ انتي شلون صدقتي؟
ملاك ماستوعبت:يعني تكذب علي..
مشاري يهز راسه بالأيجااب...ملاك رمت عليه مخذه:آيا الكذااب..
مشاري يرد لها المخده وهو يضحك...
ام مشاري:نفسي يوم اشوفكم بدون هوااش انت وياهاا...
مشاري وقف:خلاص كاني بطلع من البيت عشان ترتاحوون..
ملاك:أي احسن اطلع...
مشاري وقف عند الباب وحس بدوار براسه ومسك راسه ووقف شوي بعدين جا بيطلع من الصاله...
ام مشاري بخوف:مشاري يمه وش فيك وش يعورك؟
مشاري:هاه لاء لاتخافي يمه كله صداع الحين بيروح.."وطلع برا البيت"....
:::::::::::::::::::::::::::::::::::::::::::::::::: ::::::::
لينا:صدق يمه اليوم بنروح بيت جدتي.؟؟
ام سلطان:أي صدق...
لينا في نفسها تقول"انشاءلله اشوف فيصل لو دقيقه بس والله زمان عنه وحششني فديته ينآآس"...
سلطان:لينااااااااااااااااااااا..
لينا صحت من أفكاارهاا:هاه وش تبي؟
سلطان:ساعه اناديكي...المهم تعالي ابيك شوي"وطلعو لغرفة سلطان"...
سلطان وهو يسكّر الباب:أبسألك أمس جود ماسألت عن اخباري؟
لينا مو فاهمه شي:وليه بتسأل عنك يعني؟اخوها انت ولاخطيبها ولـ..
سلطان يقاطعها:لنووو عاد لاتطولينها وهي قصيرهـ انا سألتك جاوبيني على قد السؤال..
لينا:لاء ..
سلطان:يعني ماقالت لك وش اخبار سلطان وكذا؟
لينا:لاء..
سلطان منصدم:مستحييييل انتي اكييد تكذبين علي..
لينا:لالا والله مااكذب ماجابت طاريك..
سلطان تنهد:اهاا طيب خلاص يلا انقلعي براا لو سمحتي..
لينا:طيب انت ليه تسأل عنهاا ممكن اعرف؟
سلطان:لاء..
لينا:وشو لاء؟
سلطان:مو ممكن تعرفين هذي خصوصيات يلا تقلعي براا..
"طلعت لينا برا غرفته"...
::::::::::::::::::::::::::::::::::::::::::::::::
<>في فلة خــآآلــد<>
خالد وشوق يتاابعون فلم يموت ضحك...والفلم انجليزي طبعآآ..
شوق:ههههههههههههه..
خالد يطالعها وميت ع الضحكه:عساهاا دووم هالضحكه يارب..
شوق استحت وسكتت...
خالد:شوق تراني جوعان
شوق:طيب وش اسويلك؟
خالد:قومي يله نطبخ..
شوق تعرف تطبخ:طيب يله "وراحو للمطبخ"..
خالد يلف المريله حق الطبخ على خصر شوق:هذي لازم تلبسينها عشان مايتوسخ لبسك لمن تطبخي..
شوق منحرجه ومحمر وجهها:أي أي صح لازم..
وهو بعد لبس مريله وبدأوو طبخ..
وكانوو بيطبخون بيتزاا بالخضاار..
خالد ماسك الصاج ووسطه البصل المقطع وكذاا وقاعد يقلبه ع الناار...وتركه ع النار وراح يم شوق..
شوق قاعده تسوي العجينه باصابعها الرقيقه..وخالد واقف جنبهاا..
خالد:كيف تسوينها هذي؟
شوق وهي تعجن بنعومه:كذا"وتقلب العجينه بايدهاا"..
خالد يقول بنفسه"ليتني عجينه"..
شوق:وكذاا..."وخالد مو معاها ابد"..
شوق:مو كأن في ريحة حريق..؟
خالد:حريق!!يووووه أي صح نسيت الكشنه.."وراح له بسرعه وسكر النار عليه"..
وشوق ميته ضحك:هههههه حرقت الكشنه ياشيف خالد..
:::::::::::::::::::::::::::::::::::::::::
بندر:والله فيصل وعيال عمه مره فلله..
هاني:أي والله انك صاادق..
بندر:صراحه امس مره استانست معاهم...
هاني:أي والله حتى اناا...
بندر:وش هالأجابات المختصره؟
هاني:وش تبيني اقول يعني؟
بندر:قول أي شي ترا حدي طفشان..
هاني:وانا مثلك..
بندر:قوم نطلع أي مكان؟
هاني وقف ووقف معاه بندر:يله"وراحوو لمجمع ورقمولهم كم بنت"<<<<<لآآبد من حركااتهم الشباب ذي مايبطلوهاا....
:::::::::::::::::::::::::::::::::::::::::
مرت شهرين وثلااث اساابيع ع خيير...وبعد اسبوع زواج مها وعبدالله...
ريناد:مهاا ..
مها:هلاا..
ريناد:دريتي ان زواجك بعد اسبوع..
مها تضايقت:أي ..
ريناد:وكيف نفسيتك؟
مها:في الحضيض...وبعدين وش دخل النفسيه في الزواج؟
ريناد:لازم تكوني مستعده نفسيآآ لأنك راح تنتقلي لمرحله جديده وتكوني عرووسه ثم أم ثم..........
قاطعتها مها:خلااص والي يرحم والديك اسكتي انا بروحي ابي انسى...
ريناد سكتت وخلتها ع راحتها وقالت في بالها"مصيرهاا تتراضى مع عبدالله"...
:::::::::::::::::::::::::::::::::::::::::::::::::: :
شهد شافت أهلهاا كلهم نايمين طلعت من غرفتها واخذت جوالها من غرفة غسان بدون لايحس وهو نايم وراحت لغرفتهاا...ودقت ع عبدالله:الوو..
عبدالله"افففففف متى بنفتك يعني":انتي وبعدين معااك يعني..
شهد:عبدالله اهلي درو..
عبدالله ارتبك بس حاول مايبين لها:واذا؟
شهد ببكا:اقولك بيذبحوني..
عبدالله:تستاهلين....
شهد بقهر:لكن ماراح انذبح وانظلم لحالي بهالبلوه؟
عبدالله:وش قصدك يعني؟
شهد:يعني بقولهم انو انت الي حطيتني بهالمصيبه..
عبدالله عصب:اذا فتحتي فمك بكلمه عني قدام اهلك ياشهد لاتلومي الا نفسك وبعدين انا ماضربتك على ايدك وقلتلك تعالي للشقه معاي انتي الي جيتي بنفسك...تحملي الي جاكي..
شهد بضعف:بس انا وثقت فييك...
عبدالله:مشكلتك والله.....وانسي هالرقم ولاعاد تدقين عليه فاهمه..وانسي انك عرفتي بيوم واحد اسمه عبدالله لأن زواجي بعد اسبوع....
شهد بدموع:الله لايوفقك ياعبدالله...."قفل الخط في وجهها"..
وشهد بسرعه قفلت الجوال وردته لغرفة اخوها قبل يصحى ويدري انها اخذت الجوال ويطقهاا...هي دقت على عبدالله على أمل انه يصلح غلطته ويجي يتزوجها قبل اهلها يذبحونها..بس يأست من بعد اتصاله هذا....
:::::::::::::::::::::::::::::::::::::::::::::::::: :::
اما عنده هو زفر بقوهـ ولبس ثوبه وراح لأقرب شركة اتصالات وغير رقمه...
:::::::::::::::::::::::::::::::::::::::::::
جود:زواااااج مها بعد اسبوووووووووووع؟<<مصدومه..
نايف:أي ليه انتي ماتدرين؟
جود:لااء...وشلون اشتري فستان الحين مايمداني ياربي شسوي؟؟
نايف رحمها:قومي معاي للسوق وأشتري الفستان الي يعجبك..
وقفت جود وابتسمت لأخوهاا الي تموت فيه:الله لايحرمني منك ياأحلى أخ بهالدنيآآ..
نايف وهو طالع:لاتتأخري..
ونزلت وراحو للسوق.....
:::::::::::::::::::::::::::::::::::::::::::
"يووم الزواج"..
مها كانت حالتها مو احسن من يوم الملكه كله بكآآ وصيآآح بس هي وافقت على عبدالله بس عشان خاطر ابوها الي مايبي يتفشل قدام اخووهـ...
ريناد دخلت عليها الغرفه وكانت الساعه 11 الصبح..
ريناد تكلم نفسها:مافي امل تسكت هالبنت"لأن مها كانت تبكي"..
ريناد قابلت امها بالدرج وهي نازله:يمه روحي سكتي بنتك مايصير يوم زواجهاا وتبكي كذاا...حاولي فيها يمه انا تعبت منها..
طلعت ام فيصل لغرفة مهاا ودخلت:مها يمه ليه تصيحين"وراحت ضمتها"
مها طالعت امها بنظرات حقد بهاليوم حقدت ع الكل....حتى الي مالهم ذنب حقدت على كل العاائله تحس ولا احد منهم اهتم لرأيها ورفضها لعبدالله ووقف في وجه هالزواج ووقف معاها..
قالت:ابي اقعد لحالي ممكن.."وابعدت عن امها"...
ام فيصل حز بخاطرها حركت مهـا:والله مايهون علي اشوفك تبكين يامهاا..
مها:وهان عليك اتزوج واحد ماابيه..؟؟
....سكتت ام فيصل....
مها بصراخ:هاا؟تكلمي يايمه تكلمي؟
ام فيصل:انتي تعرفين يايمه اني قـ..
مها بانفعال تقاطعهـا:الي اعرفه انكم تكرهووني تكرهووني وزوجتوني من واحد انا مااحبه وماابيه ماابيييييييييييييييييه..
ام فيصل:الله يهديك يمه وليه ماتبيه؟
مها:كذا كــيـــفـــي ماابيه...
ام فيصل:اذا كنتي ماتحبين عبدالله صدقيني الحب بعد الزواج يابنتي...
مهـا بس تبكي وتشهق.."طلعت ام فيصل من الغرفه وكلهـا يأس في ان مهـا تهدى"...
ونزلت لفيصل الي توه كان بيروح للحلاق:فـيـصـل..
فيصل التفت لأمه:هلا يمه..
ام فيصل:اطلع كلم اختك حاول معاهاا ..
فيصل:ليه وش فيها؟
ام فيصل:مدري بس تصيح من الصبح ومو راضيه تسكت..
طلع لفيصل لغرفة مهاا...
مها:وش تبوون مني بعد وش تبوون؟<<<منهآآرهـ..
فيصل سكر الباب وراه وقعد جنبها على طرف السرير:وش فيك ياقلبي ليه تصيحين المفروض تستانسين اليوم يوم عرسك يامها..
مها طالعته وعلى وجهها دموع:وتحسبني مستانسه ولابستانس وانا بعيش مع عبدالله النحس...
عصب فيصل وشلون تتكلم كذا عن ولد عمها وزوجهاا قام ومسك دقنها بطرف اصابعه بقوه وطالع بوجهها:والله لوماتسكتين يامها لاأطقك طرااق على وجهك يسكتك...
مها تشااهق من البكآآ:وش تبي مني؟اتركني..اتررررركني..
فيصل بعصبيه:لاعااد اسمعك تتكلمين عليه كذا فاهمه..
مها بطبعها عنيده وراسهـآ يابس:واذا تكلمت وش بتسوي يعني؟
فيصل تركها ويحاول يمسك اعصابه قد مايقدر:ساعتها بتشوفين وش بسوي...وانا ماابي اطقك واعصب عليك في يوم عرسك"وطلع من الغرفه"...
ومها قالت بعد ماطلع:هو بقى شي...
::::::::::::::::::::::::::::::::::::::::::::::::
عبدالله كانت حالته ماتقل عن حالة مها بس بدون صيااح...قلبه يصيح من داخل مايبي يترك ايام العزوبيه والوناسه ويعيش مع وحده تكرهه مو عارف وشلون بيعيش معاها اصلن وهي ماتطيقه وهو يدري بهالشيء عشان كذا كان موللع من القهر والألم اليوم...
ساره شافته قاعد بالصاله وطبعآآ سكسوكته وسوالفه مرتبه ومعطيته جاذبيه اكثر..قربت ساره وقعدت جنبه ودمعت عيونها:مبرووك مقدمآآ...
عبدالله يجامل وتنهد:الله يبارك فيك يارب عقباالك..
ساره:الله لايقووله...
عبدالله يضحك من ورا حزنه:ههههه وليه؟
ساره:ماابي اتزوج كيفي..
عبدالله:ههههههههههه..
ساره عيونها مليانه دموع ضمت اخوهاا:بالأول خالد راح وسافر والحين انت وبعدك بكم شهر محمد بيتزوج .. رحتو من هالبيت واحد ورا الثاني....
عبدالله حس ان اخته بتبكي ضمها:لاء ياقلبي مين قال اني بترككم حتى لو تزوجت بزوركم دووم...
ساره:أي بس لاتنسى تجيب مها معااك..
عبدالله تنهد من قلب بحرارهـ وسكت..
ساره حست في اخوها:عبدالله وش فيك متضايق؟
عبدالله يكابر:لالا مافيني شي بالعكس انا مستانس...
ساره بتردد:عبدالله انت تبي مهاا؟
عبدالله طالعها ونزل راسه:أي ابيها بس هي ماتبيني...
ساره:ومن قال ماتبيك الف بنت تمنااك...واذا كانت صدق ماتبيك بس تعيشوو مع بعض راح تفهمك وتشوف طيبة قلبك وبتستانس معاك وبتقول ساره قالت.....
عبدالله:انشاءلله...
:::::::::::::::::::::::::::::::::::::::::
"فـــــي قــــآآعــــة الأفـــــرآآآآآآآآآآح"
الي سيتم فيها زواج عبدالله ومهاا...
انــتــهــى الـــبــــآآآرت...
^اميرة الشووق^
**الــجــزــزــزء الــثـآآآلـث والع ـــشـرون**
"فـــــي قــــآآعــــة الأفـــــرآآآآآآآآآآح"
الي سيتم فيها زواج عبدالله ومهاا...
كاانت فخمه بمعنى الكلمه .. <<<طبعآآ لأنه عرس ولد ابومحمد وبنت ابوفيصل...
وكااانت القاعه يطغى عليها اللونين السـكـري والبيج...والكوشه كان فيها كرسيين مزينيين بتل بيج ومن اطرافه سكري لونه..اما الي فووق الطاولات الي بيقعدو عليها المدعوويين كانت من افخم الشوكولاتات ومن اروع محلات الفطاير...وشوي شوي بدأو يتجمعو النآآس...
"بغرفة العرووسه"..
مهاا دموعها نشفت من كثر مانزلتهاا امس وفي يوم الملكه..بس هذا مايعني انها كانت فرحانه بهاليوم الي كل بنت تحلم فيه والمفروض تكون فرحانه..كانت من داخلهاا احاسيس كثيره متدااخله في بعضهاا...
خووف+حزن+حقد+كره....وكل شي .. كانت قاعده وهي لابسه الفستان المنفووش الأبيض وكان فستانها رووعه فيه فيونكات صغيره لونها سكري من اطراف الفستان...وعيونها متصنمه ع الأرض وتحس بحزن شديد في داخلهاا....من هاليوم راح تبدأ حياة جديدهـ..وياليتها فرحانه لهالشي..بالعكس كان كلها حزن...من هاليوم راح تبدأ حيااة جديده مع انسان هي ماتحبه...
دخلت ام فيصل الغرفه وهي كاشخه راحت سلمت على مها وعيونها دمعت:مبروك مقدمآآ يامها والله مو مصدقه اني شايفتك عروسه ..
مها وجهها كان جامد حيل مافيه أي تعبير..طالعت امها وولاتكلمت ولاكلمه...
ريناد دخلت وهي طالعه قمر اليوم وحضنت اختها:مبروك يامهااوي والله وكبرتي وسرتي عروس...
مها حولت نظرهاا لريناد اختهاا ووجهها جامد مثل ماهو مافيه أي تعبير...
وبعدهم دخلوو ام محمد وبناتها وكل وحده كااشخه وطالعه احلى من الثانيه...وسلمو ع مهاا..
ام محمد:مبروك عليك يامرة ولدي ..
مها طالعت ام محمد ونفس الشي ماردت..
مرام:مبروك ياقلبي"وضمتهاا"..
مهاا سااكته وكأنها صنم مو خوف ولا حيآآ لاء..عدم استيعااب انها خلاص بتعيش مع عبدالله...
ساره:مبروك يامرة اخوي"وابتسمت لمها الي ماتحرك لها ساكن"..
ام محمد همست لأم فيصل:وش فيها مها اسم الله عليها ماتتكلم؟
ام فيصل ترقع:ههه لاء هي بس مستحيه تعرفين بنات وحركاتهم..
ام فيصل:أي ياحليلهاا...
وجو بنات عمها الباقيين وسلموو عليهاا وباركولها وكلهم كاشخين..
ومر اليووم سريع ورقصو البنات وبعد الرقص راحو يتنقلون من طاوله لطاوله كأنهم فراشات ويسلموو ع الحريم الي يعرفووهم..
وجاا وقت الزفه..وكانت الزفه من ذوق ريناد هي اختارت الأغاني لأن مها مثل ماتعرفون ماسوت ولا شي ... اشترت لها ملابس بس..وبالقوه بعد سحبتها امها سحب للسوق...
وطفت الأنواار وسكتوو كل الي في القاعهـ الا صفـقـات البنات تعلوو كل مالهاا..والأضوااء وأنظار الناس كلها موجهه للمكان الي بيطلعون منه عبدالله ومهاا...الي كان فوق وينزلون مع الدرج..
مها لمحت عبدالله جا ناحيتهاا وكان يطالعها منبهر من جمالهاا ومن نعومتهاا وجسمهاا الرشيق وطولها الحلو وشعرها الي رافعينه كله بفيونكات صغيره ومكياجها النعوم كانت طالعه ملااك...بس للأسف كانت حتى مو مبتسمه...قرب عبدالله منها ومسك ايدهاا وحس ايدها بارده زي الثلج...ضغط على ايدها بايده يهديها لكن صدمته بحركه منهاا سحبت ايدها من ايده..وهو رجع مسكهاا مره ثانيه عناد فيها..وهي استسلمت عشان لايشكون الناس بشي..هي بس تبي هاليوم يعدي على خيير وبعدهاا بتوريه الويل...
ويمشون بالممر المخصص لهم المفروش ببساط احمر..ومها ماسكه المسكه الي هي ورود منوعه وحلوه..ووصلوو للكرسيين الي بيقعدو عليه وعلى اغاني هااديه وشعر حق زفه رووعهــ...
وقعدو ع الكرسيين...عبدالله طالعها وقال بابتسامه:مبروك..
مها طالعته وبدون نفس:الله يبارك فيك..
وجو سلمو عليهم امها وريناد واختها الصغيره سديم وبنات عمامها كلهم...وبعد شوي دخلو ابوفيصل وفيصل ومشعل وابومحمد ومحمد وسوو العرضه بالسيووف...مها ابتسمت لمنظرهم بس في داخلهاا الآآف الأحزآآن...
ومحمد طلع بعد العرضه لأنه مايصلح يشوف مهاا هي مرة اخوه الحين...اما فيصل وابوه وابومحمد ومشعل وسلمو عليها وباركولهاا..
ابوفيصل بفرحه:مبروك يامهاا ...
مها وعيونها تلمع وتحاول ماتناظر ابوها لأنها بتبكي:الله يبارك فيك يبى...
وبارك لعبدالله....ريناد شافت محمد وهو يسويا لعرضه معاهم وشكله كان يهبل مسوي سكسووكه وشماغ احمر وثوبه الأبيض الي يلمع وكان فرحان ومسوي العرضه بأتقان...
ريناد تقول في داخلها"يويل حاالك ياريناد وربي يهبل محمد ينااسوو عليه...."
ورقصوو البنات وباركو لمهاا..وبعد العشااا..راحو المعازيم..الا اهل العريس واهل العروسه كالعادهـ...
ابوفيصل:لااوصيك ياعبدالله على بنتي مها تراها غاليه عندي..
عبدالله يطالع مها نظرات مافهمتها وقال:مها في عيوني ياعمي...
مها في بالها وهي تناظره"عمت عيونك انشاءلله"...
وضمت ريناد وهي تبكي:رينااد مابي اروح ماابي اروح معاهـ ابي ارجع معكم البيت...اهئئئئ..
ريناد وهي حاضنتها ودموعها نزلت غصب عنها:مها وش كلام الاطفال هذا وش الي ماتبين تروحين معاه هذا زوجك..
مها ضمت امهاا وتصييح وبعدين ضمت فيصل .. وبعده ضمت مشعل اخوها الصغير وسديم اختهاا الصغيره وابوهاا..
وبعدهاا راحت مع عبدالله للفندق...
"في احد افخم فنادق الدمام...الساعه 2ونص ليلآآ"..
فتح عبدالله باب الجناح الي بيقعدون فيه مدهـ..ودخل ووراه مهاا..
مها على طول راحت للغرفه وسكرت الباب وقعدت تبكي ..
عبدالله سكر باب الجناح ودخل قعد ع الكنبه بعد مافصخ المشلح<<الوشاح الأسود الي يلبسونه بعض الرجال فوق الثوب يوم عرسهم>>...وحطه ع الكنب الي جنبه...
وفتح ازارير ثوبه لأنه يحس انه مخنووق...
وتنهد وسند راسه على وراا وغمض عيونه وهو يسمع صووت بكآآ مهاا من الغرفه الثانيه...مو عارف وش يسوي خايف يروح يهديهاا تنهار زيادهـ...وقف وفتح التلفزيوون ورجع قعد ع الكنبه ويحس بطفش...ومسك الريمووت وقعد يقلب بالقنواات..وكل شوي صوت صياح مهاا يعلى زيادهـ..مو قادر يسمع شي من التلفزيوون...وقف وهو معصب بس حاول يمسك نفسه مايصلح يطق البنت في اول يوم زواجهم...طفى التلفزيوون وراح متوجه لغرفة النوم الي فيها مهاا وطق الباب 10 مراات ولافتحت له..
قال بهدوء:مهاا افتحي لاتخاافي مو مسوي لك شي بس أبعرف ليه تبكين الحين؟
"مها من داخل الغرفه"..
سكتت شوي ومسحت دمووعها .. تبي تسمع هو وش يقول..
عبدالله من عند الباب:مهاا ياقلبي افتحي مايصلح الي تسوينه بنفسك .. مهاا افتحي والله مو مسوي لك شي لاتخاافي"وبدأ يعصب"افــــتـــحـــي...
مهاا وقفت واتوجهت للباب وهي تمسح دموعهاا..تبي تشوف آخرتهاا معآآهــ....وفتحت الباب ووقفت وراهـ..
عبدالله دخل وهو معصب...ولف الباب ولقاها وراه...قال بحناان وهو يناظرهاا:امسحي دموعك ياقلبي ليه تبكين؟..."ومد إيدهـ يبي يسمح دموعها"...
صدته مهاا ودزت ايده وقالت بدموع:يعني ماتدري ليه انا ابكي؟ابكي لأني ماابيك..تفهم وش معنى ماابيك...اهئئئ
عبدالله بعد كلامها ذا عصب:عاد انا الي ابيك...ابكي للفجر مايهمني...."وطلع برا الغرفه وسكر الباب بقوه وراح للصاله"..
مها سكرت الباب بالمفتاح بعد ماطلع..وراحت للدولاب واخذت بيجاما حرير عباره عن بنطلون حرير لونه بنكي وبلوزه اكمامها طويله بازارير حرير ولونها رمادي ومرسوم عليها دبدوب كبير لونه بنكي..وحطتها ع السرير..ودخلت للحمام الله يعزكم واخذت شاور دافي ومسحت المكيااج من وجهها وفكت تسريحتهاا..ونزلت من الحمام<الله يكرمكم>ونشفت شعرهاا الطويل والنااعم وخلته طايح على ظهرهاا...ولبست البيجاماا..وانسدحت ع السرير تحاول تنام...ماقدرت...اخذت جوالهاا وحاولت تفتحه لكن مو راضي يفتح لأنه مافيه شااحن والشاحن حق جوالها في شنطتها وشنطتها في الصاله وهي ماتبي تروح للصاله...حذفت الجوال ع الكوميدينه وناامت....
عبدالله دق على خدمة الفندق وطلب عشاا له هو ومهاا..
وبعد نص ساعه وصل طلبه واخذه من عند الباب وحاسب العامل الي جابه وسكر الباب وحط اكياس العشاا ع الطاوله .. وراح لغرفة النووم طق الباب مافي رد .. رجع للصاله ودق على خدمة الفندق وطلب منهم نسخه من مفتاح غرفة النوم حق جنااحه...وطلعوه له...راح لغرفة النوم وفتح الباب بالمفتاح الي بايده...ودخل للغرفه وشافهاا مسدوحه ع السرير كأنهاا ملآآك صغير...ببيجامتها الحرير البنكي وشعرهاا الناعم الي طايح على اكتافهاا وظهرهاا وهي نايمه على جنبهاا..وخصل من شعرهاا طايحه ع وجهها...قرب منها وهز كتوفهاا بخفه:مهاا مهاا قومي..
هي تحركت ع الجنب الثاني وقالت وهي نايمه:هممم .. ريناد وش تبين اتركيني بنام..
عبدالله كاتم ضحكته وهو يقول في باله"الظاهر انها لسه مااستوعبت انها متزوجه الحين...ياحليلها"..
وهزهاا:قومي انا عبدالله مو ريناد...
مها فزت والخوف متملكهاا وهي تناظره وشعرهاا ع وجهها:هاه وش تبي مني؟وكيف دخلت هناا؟
عبدالله طنش أسئلتها:قومي العشاا جاهز اكيد انك جوعانه..
مها وهي مكشره:لاء مو جوعانه... ابي انام..
عبدالله قال في باله"اكيد هي الحين معصبه بس بتركها يومين لين تهدى"وطلع برا الغرفه وراح للصاله وقسم نص العشا في صحن وحطه في المطبخ لهاا اذا صحيت..وهو رجع يتعشى ويتفرج ع التلفزيون...
::::::::::::::::::::::::::::::::::::::::::::::::::
ساره تدق على ريناد:ريناد دقيتي على مها؟
ريناد:لااء ماابي ازعجهم في أول يوم زواجهم خليها بكرا بدق عليهاا...
ساره:اهاا..
ريناد:ليه تسألي؟
ساره:لأنه انا ادق عليها بس جوالها مغلق..
ريناد ضحكت:ههه اكيد بيكوون مغلق...
ساره فهمت عليها:هههه يلا باايوو...
ريناد:باي"وقفلت منها"...
::::::::::::::::::::::::::::::::::::::::
في صباح يوم جديد....
"في الفندق"..
عبدالله بعد ماسهر الين الساعه 5 الفجر قام وناام جنب مها ع السرير وهي ماحست فيه...
فتحت عيونها وناظرت شباك الغرفه وشافت اشعة الشمس متسلسله منه..رفعت ايدها وناظرت الساعه الي بايدهاا وشافتهاا 10:30 التفتت على جنبها الثاني وفتحت عيونها الثنتين وهي تقول في نفسها"وشلون نام جنبي هذا؟...ياربييييييييييه"..وقامت من السرير بسرعه وراحت غسلت وجهها ومشطت شعرها ورفعته كله على فووق...ولبست بنطلون جينز مخصر على جسمهاا وبلوزه نص كم لونهاا برتقالي عاديه ونزلت من الغرفه وهي ميته جوع من امس مااكلت شي...راحت للمطبخ ولقت في الميكرويف بيتزا في صحن..عرفت انه عبدالله ترك لها عشاا..بس هي مستحيل تاكل من حسابه وهي متهاوشه معاه..سكرت الميكرويف وسوت لها ساندويش بالجبنه وكاسة حليب وقعدت بالصاله تتفرج ع التلفزيون وتآآكل...
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك