بداية

رواية كل يوم لك حال جديد يوم قريب ويوم بعيد -18

رواية كل يوم لك حال جديد يوم قريب ويوم بعيد - غرام

رواية كل يوم لك حال جديد يوم قريب ويوم بعيد -18

ابيها تظل مبسوطة ومرتاحة وماتسوي بنفسها ولابوليد أي شي,,,
كان يغمض عيونه بين الفترة والثانية وهو يتذكر مواقفهم الخاصة مع بعض,,,همسها,,,كلمة حبيبي,,,كلمة ماراح نفترق لاني اموت فيك واموت اذا بعدت عني,,,
كل ها الشي كان متعبه حيييل,,,
ماقدر يتحمل اكثر قام مرة وحدة وراح ركب سيارته ورجع الشقة,,,
صحيح ان اللي صار حط بينها وبينه حاجز بس مالازم يوقف مكتوف خل يعتذر من اللحين لين تفكر ترضى بس لازم تعرف انه نادم ومتحسف,,,,
فتح باب الشقة وهو حاس بالخجل من نفسه وبالانكسار لانه مو قاوي يحط عيونه بعيونها بس لازم يحاول ,,,,
جاه شعور كئيب يوم دخل والانوار كلها مطفية وانقبض قلبه....
فتح انوار الصالة وكانت مثل حالها من الصبح ماتغير فيها أي شي,,,,
لاشعوريا راح لغرفة النوم وفتح النور.....وقف مكانه عند الباب وهو يشوف ثياب نومها مرمية عند الدولاب....
ويوم لف لقى صورة زواجهم مكسورة,,,
غمض عيونه بقوة وهو حاس بمرارة الشي اللي جايه....طلعته كانت غلط لان وضحى طلعت من الشقة وكاهي السالفة تصعبت عليه,,,,,,

افترقت عن لؤلؤة اللي كانت تبي تتسوق شوي وهي مالها خلق شي...
كان تفكيرها بنواف وطلاقه شاغلها بجهة وبجهة ثانية ذابحها الجوع لانها حتى مافطرت زين الصبح من جدها وجدتها؟؟؟
راحت عند باسكن وطلبت لها ايسكريم وراحت عند الطاولات وجلست وقامت تاْكل فيه بهدوء,,,,
نواف من وراها أي هذا شاطرة تاكلين منه...الاكل اللي طلبته لك بالمطعم مالمستي منه شي؟
قالها وجلس قبالها...
ياسمين منو قال لك اجلس معي بنفس الطاولة؟
نواف قرب وجهه منها خير ماسمعت!!!
لفت عنه وماقالت شي....
وسحب الايسكريم من جنبها وقالت باعتراض انا جوعانة؟
نواف بلامبالاة منو قال لك لاتاْكلين يوم طلبت لك بالمطعم؟ولاشاطرة بس تاكلين هذا!!!
ياسمين بعصبية كيفي اكل اللي ابيه؟
سكت عنها وماقال شي وظلت هي تناظره وهو ياكل ايسكريمها وهو عيونه بعيونها,,,
كانت تشوف شي غريب فيه شنو ماتدري ولاهي قادرة تفسره..
قاطعها صوته القوي واللي كان حنون بالنسبة لكل مرة يتكلم فيها اخذ لك شي تاكلينه؟
ياسمين بعناد لو كنت ابي شريت لي وماانتظرتك؟؟؟
نواف مو تقولين جوعانة؟
ياسمين ...ابي ارجع البيت؟
نواف برواق بعد ماخلص من الايسكريم ليه؟
ياسمين بعصبية لاني نعست وابي انام مانمت البارحة زين؟
نواف وهو يبتسم أي بس صوتك ماداخ مثل البارحة؟

بروحها كانت شابة فيها نيران مو طبيعية واستئذنت بسرعة وراحت بيتهم,,
ياربي وش ها الورطة اللي انتي فيها يانورة؟
فارس رجع......
ليش رجع بها السرعة وبدون مقدمات ومحد فكر يعطيني خبر؟؟؟
معقولة هذا هو فارس اللي يبون يزوجوني اياه!!!
طيب ليش محد كان ناوي يعرفني عليه؟
معقول هو طلب ها الشي؟
وليش كان جاي يسولف بالمجلس مع الحريم؟؟؟
معقول جاي يسولف معي ويشوفني؟؟؟
وليه امي قالت له محمد ماقالت له فارس؟؟
وليش سئلني اذا كنت احب فارس ولامااحبه؟؟؟
وقف قلبها وارتعشت اطرافها يوم تذكرت شكل فارس وهو واقف قبالها ويسئلها ها السؤال؟؟؟؟

فواز كان قاعد بمكتبه وجالس يسولف مع خالته بالتلفون,,,, ودخل عمه راشد ووراه السكرتير اللي كان منحرج من دخلة راشد بدون استئذان واشر له فواز يطلع انه عادي راشد ماهو غريب...
فواز وهو على التلفون أي خالتي......مدري....بس انا ابي اخذ لها هدية حلوة ها مو تفشلوني مع حبيبة قلبي...
التقت نظرات راشد وفواز بها اللحظة....
وكمل فواز كلامه وماكاْنه يشوف راشد أي أي....مدري بس انا قلت اعطيها اياها..قبل الملكة......انتي وش رايك؟لاعاد كل شي الا مشاعلي انا ماارضى عليها ياخالتي......خلاص بس توصلين لشي حلو عطيني خبر,,,,,مع السلامة...
فواز هلا
راشد كان سرحان وماانتبه له....
فواز بقوة خلت راشد يرفع راسه قلنا هلا.....
راشد اهلين...
فواز سرحان عسى ماشر؟
راشد بدون مقدمات انت تحبها يافواز؟
فواز منهي؟
راشد مشاعل...اللي انت خاطبها؟
فواز بجدية وانت مالك؟
راشد لابس اشوفك متحمس مرة لها....
فواز طبيعي واحد بيتحمس اذا قربت ملكته ولاانا غلطان؟
راشد ...
فواز بجدية اكبر راشد في شي......احس ان زيارتك لي ها الايام وراها شي؟
راشد بهدوء انا اقول خطوبتك مالازم تكمل يافواز؟؟؟

نوف بضيق والله اني ماتمنيت الامور توصل للدرجة هاذي!!!
سعد احسن تستاهل حصيص علشان تدري ان الله حق؟؟
مشاعل بهدوء شوفي نوف...صحيح حصة اختي الكبيرة وماارضى عليها بس بعد انها كل ماشافتك رمت عليك كلمة وكلمتين يسمون البدن لاهاذي ابدا انا ماارضاها!!
مشعل مسوي جاد وعلى حد علمي ماهي بالمرة الاولى..
نوف بنفس الضيق أي بس هي كذا بتكرهني اكثر...
سعد بالناقص....
نوف ...احس اني منحرجة؟
مشاعل وش سالفتك انتي مع سعود امي تقول بتروحون المحكمة بكرة؟
نوف تنهدت....
مشعل بدون زعل بدون زعل انا خمسة مااحبهم بالعايلة..جدي وجدتي وحصيص ومراموه....وسعود اخوك يانوف...يالله انه يعيشني لذاك اليوم اللي اشوفهم فيه مقهورين وميتين من الغيظ؟
مشاعل هههههههههه انت عجيب بصراحة؟
اقول نوف بس خلي عنك النكد وضحكي لان الدقايق اللي فيها سعد ومشعل ببيتنا محسوبة علينا!!!
سعد أي وهي الصادقة احنا مو كل يوم بنقدر نترك اشغالنا وبنجي ننام عندكم؟
ابتسمت لهم نوف...ومشعل قام يصافر...
سعد وش رايك يانوف اوريك بعد شوي بحصيص واطلع لها قرون؟

دخلت البيت وهي حاسة بشي غريب ,,,
دخلتها ها البيت اكثر من تسع سنين,,,يوم يشتري لهم نواف البيت اللي هم عايشينه وينتقلون هناك...وبعدها خلاص ماطبوه مرة ثانية ولاشافوا...
هذا البيت اللي كانت امهم قبل لاتتزوج تبيهم يكتبونه لها باسمها بس عمهم ابو خالد مارضى وقال لهم خلوه لكم بينفعكم مع الزمن,,,
هم صحيح مااجروه وظل مسكر بس كلمتك كانت صح ياعمي هذا انا احتجت اني اجيه واطلع من بيت ولدك اللي ماعاد لي أي قيمة فيه,,,

اشوفكم عى خير يوم السبت...


****
***
**
*


مرحبا فيكم يالغلا....
الف شكر على متابعتكم ..دايم منوريني...
*********

البارت الثالث والاربعين ,,,


قامت بتمشي عن الطاولة اللي كانوا قاعدين فيها ومسكتها يده بالقوة وقال لها بحدة خير ان شاءالله على وين؟
ياسمين بهدوء على جهنم الحمرة؟
نواف بتروحينها بس مو اللحين...
ياسمين تبي شي؟
نواف انا اللي اساْل ها السؤال مو انتي؟
ياسمين طيب اسئله بسرعة لو سمحت؟
نواف خير؟؟ماسمعت سمعيني؟
ياسمين بنرفزة انت وش تبي مني؟
نواف انا زوجك يابابا ولاانتي ناسية؟
ياسمين بتاْفف لامانسيت بس ابي اقوم امشي بالمول شوي؟
قام نواف وهو بعده ماسك يدها قمنا نتمشى يالله؟
ياسمين رجعت قعدت وهو يناظرها...
ياسمين غيرت رايي ماابي امشي ابي اقعد؟
كانت يده بعدها ماسكة يدها ورفعها بالقوة من يدها ووقفت وهي تناظر فيه وقال بحدة انا مو مجنون مثلك وبسوي حركاتك السخيفة ساعة قايم وساعة قاعدة؟قومي امشي قدامي بس!!
ياسمين بالم حاولت تخفيه ماابي امشي مو غصب؟
نواف انتي اصلا غلطان اللي ياخذ ويعطي معك بالحكي...قايل انا ماتمشين الا بالعيون الحمرة وبالغصب؟
ياسمين اووووووووووووف زين...
نواف قولي اللي تبينه ماتهميني؟
غير وضعية يده وحط يدها في يده ومشاها معه...
ياسمين وين ولدك ؟
نواف مات وارتحنا منه انتي وش له تسئلين؟
ياسمين .....
نواف في شي؟
ياسمين لا...
نواف لاقولي اذا في شي ...اطربينا؟
ياسمين ابي ارد بيتنا؟
نواف غيرت رايي لاتطربينا...ظلي ساكتة ابرك من ها الموال اللي تعيدين وتزيدين فيه؟

خالد وين مدام وضحى؟
الشغالة مافي موجود؟
خالد شنو يعني مافي موجود؟
الشغالة مايجي اليوم؟
خالد بتردد شلون يعني مايجي؟
الشغالة مافي احد...
خالد طيب وين بابا نواف ومدام لؤلؤة؟
الشغالة يطلع يتغذى برى اليوم...
شرد خالد بافكاره لبعيد....معقولة تكون قايلة لهم يمرونها ياخذونها بطريقهم؟؟؟
أي بس الساعة اللحين كم....اي غذى هذا؟؟؟؟
ياترى دقت عليهم ولا شنو بالضبط؟
وضحى حرام عليك خليني ارتاح ياعمري...بالي مشغول عليك؟
رفع جواله ودق لعبدالله اول ماطلع من بيتهم..
عبدالله هلا خالد...
خالد بزعل ماهي هنا في بيت اهلها؟
عبدالله يمكن هي قايلة لهم يقولون لك انها ماهي هنا؟
خالد لا..هم اصلا طالعين من الضهر يتغذون برى؟
عبدالله طيب يمكن مروها واخذوها معهم,,,,

مشعل هاذي حصيص جاية يالله نطلع عيونها؟
نوف بترجي لا تكفون انا ماابيها تزيد بينا....
سعد روحي قعدي بعيد واللي يعافيك اذا مانخليها تمشي وتقول أي زي السودانينين مانطلع احنا عيال قرية...
مشاعل اخاف يجينا احنا يوم ونروح فيها معكم؟
مشعل انتي ياام فواز حسابك بعدين..
مشاعل بخوف يعني جايني الدور؟
سعد طبعا...
جلست حصة وهي عيونها نيران شابة بنوف اللي كانت قبالها....
وعم السكون المكان....
كانت نوف بتكلمها بس مشاعل همست لها بكلمات توعيد انها ماتقول شي لان حصة الغلطانة وهي اللي لازم تبدي الكلام....
قاموا مشعل وسعد وجلسوا واحد جنب حصة عن اليمين وواحد بالشمال وبتدت عندهم المسيرة,,,,
سعد بصوت عالي اقول يازول...
مشعل بصوت اعلى أي...
سعد يازول..
مشعل أي..
سعد يازول..
مشعل أي..
كانت حصة تتلفت ناحيتهم بقهر وهي ودها تكفخهم ونوف ومشاعل ماسكين اعمارهم لايموتون ضحك عليهم,,,,
حصة بقهر عقلوا انت معه؟
مشعل أي
حصة بنرفزة بلا جنون؟
سعد قلب مصري انتي بتكلميني يااختي؟
حصة الشره على اللي عاطيكم وجه ولاانتوا مو بكفو؟
مشعل ها حصيص..بدينا.
حصة اسمي حصة ياقليل الادب؟
سعد يقلدها سمعت اسمها حصة ياقليل الادب وابوها كان بيطردها من البيت لانها مو قليلة ادب؟
حصة خير...عيد اللي قلته؟
مشعل رفع راسه وشاف ام تركي بتجي لهم وقام يبكي....
سعد أي خطة هاذي ماقلت لي عنها؟
مشعل وهو يتباكى قول انها طقتني وطردتني من البيت؟
حصة الحمدلله والشكر....
رفع مشعل صوته بالبكي وسعد وقف وعطى الباب ظهره كانه مايشوف خالته ووقف قبال حصة وهو ياْنبها يابنت العالم حرام عليك وش مسوي لك مشعل علشان تحطين حرتك فيه!!
مشعل وهو يتباكى والله ماسويت شي؟
سعد قوم نروح بيتنا يامشعل قوم...
مشعل انا ماقلت لها شي صدقني وانا اخوك؟
سعد ياحصة حرام عليك مو كل شي يقهرك ويضايقك؟انا ابي افهم وش ضايقك مشعل فيه بس!!
ام تركي مشعل وش فيك تبكي يمه؟
مشعل سوى روحه يمسح دموعه ولاشي خالتي...
سعد بلى...قول لها ان بنتها طقتك ليه خايف؟
مشعل مو خايف بس ماابي مشاكل؟
ام تركي بصراخ حصة ووجع ان شاءالله شغلتك بس تجين البيت وتقلبينه فوق تحت لنا!!بذمتك وش مسوي لك مشعل ماتقولين لي!!!هذا مسكين قبل لاتجين يقول بياخذ ولدك ويطلع معه تقومين تطقين...بس صبري بعلم ابوك؟.
مشعل مسوي يترجاها لاخالتي تكفين لاتقولين له بعدين يطردها صدق وتكرهني وتسويلي سحر..وامرض بعدين؟

ابو تركي شفيك؟
كان تركي واقف قبال النافذة وهو سرحان ويوم كلمه ابوه لف له وماتكلم....
ابو تركي في شي ياتركي؟
تركي بزفرة طويلة نوف وحصة؟
تركي شاغلتني علاقتهم ببعض؟
ابو تركي بتنهيدة وانا اكثر يابوك...بس ماني عارف شسوي؟
تركي بشرود ليه تكره بنت عمها ها الكثر عاد؟رغم ان نوف مسالمة وماعمرها ضرت احد؟
ابو تركي امك تقول يمكن انها غيرانة منها...
تركي أي بس بنتك تدور المشاكل دوارة يايبى...ولازم توقفها عند حدها...
ابو تركي وانا مو قادر اسوي شي ....حصة بنتي الكبيرة...ونوف بنتي وبذمتي ياتركي....
تركي قالت لك امي؟
ابو تركي عن سوادة وجه سعود؟
تركي أي....
ابو تركي وانت شقولتك ياتركي...
تركي هذا حلالها يايبى واحنا مالنا شغل بللي بتسويه فيه...بتظل بينا ومعزتها مابتتغير؟
ابو تركي كفو ياولدي ياتركي كفو.....
تركي بتردد يبى......نوف....انا...
ابو تركي ببتسامة شنو يبى.....في شي...
تركي ها....لا بعدين بقولك.....

كانت واقفة بغرفتها القديمة والمتواضعة جدا....
البيت يبيله شغل كثير علشان تقدر تعيش فيه...بس ماعليه شوي شوي ياوضحى وبتقدرين....
وقفت قبال المرايا وهي تتنهد بقوة,,,
فتحت شعرها وظلت تتاْمل بوجهها وجسمها...
ياترى كيف شكلها ياخالد اللي خذتك مني!!!
اطول ولااقصر؟ابيض ولااسمر؟؟
انحف ولااسمن؟اجمل مني ولاجمالها اقل مني؟؟؟
كم مرة خنتني معها ياخالد ومع غيرها؟ولاهي بس اللي موجودة بحياتك ومافيه غيرها؟
طيب انا كيف ماحسيت على شي؟ليه دايم كنت تجيني وانت محترق بنارك واصدقك؟
دمعت عيونها وجلست على الارض وهي تحس بخنقة الجو من حوالينها...
كيف قدرت تعيش معي ياخالد وانت تخوني برى الشقة كيف؟
أي ضمير كان يعيش فيك ياولد عمي!!!!
حطت يدها على بطنها وهي تكلم اللي قاعد يكبر بداخلها ومعذبها لان ابوه صار شي كريه بحياتها...
تبي تطلع للدنيا ياولدي؟ليه؟منو قال لك ان الدنيا حلوة وانك بترتاح فيها بس!!
بتعيش ايام سودة وبتقول ياليتك ياايمه ماجبتيني!!وظلمتيني بها الدنيا؟؟؟

ياسمين سؤال عارض ممكن ترد عليه؟
نواف شنو؟
ياسمين وبتجاوبني؟
نواف بفكر.....
ياسمين معناته مو سائلة؟
نواف ليه؟
ياسمين لاني ابي اجابة صريحة وماابي تسكت عني وماترد....
نواف في شي مهم تبين تعرفينه؟
ياسمين اشياء مو شي واحد؟
نواف وهو بعده ماسك يدها ويمشي معها شنو؟
ياسمين اول شي ليش ماسك يدي يعني تتوقع اني بضيع؟
نواف وهو يناظر فيها بنظرات مافهمتها ولاقدرت تفسرها وثاني شي؟
ياسمين دورت راسي وابي ارتاح...قاعدين ندور بدون هدف؟
نواف بسخرية هاذي عاد ماتتصدق انتوا ياحبكم للاسواق والدوارة فيها !!!اللحين صايرة تدورين بدون هدف؟
ياسمين حبنا للاسواق اذا دخلنا المحلات مو بس ندور كذا من برى؟
نواف وبعد وش الاشياء اللي تبين تعرفينها؟
ياسمين يكون ذابح نفسك يعني وقاعد تجاوبني؟
نواف يالله قولي؟
ياسمين بتردد ليه طلقت زوجتك؟
رمى عليها نظرة سكتتها وظلوا ساكتين ثواني وبعدها قال وهو يلف بعيونه بعيد عنها اللحين وش ها المجمع التعبان اللي مافيه محل للعبي؟
ياسمين ها.....
نواف اذا مفكرة اني نسيت اشتريلك شيلة جديدة فاانتي غلطانة؟

على التلفون...
نوف انتي متاْكدة يانورة انه فارس؟
نورة طبعا هو....
نوف طيب يمكن يكون خاله ولاعمه ويشبه محمد...
نورة وبياخذ راحته كذا بالبيت وبالسوالف مع امي؟؟؟لالالامستحيل هذا فارس...بس اللي بيجنني شي واحد ليه ماقالوا انه رد من دبي؟وليه امي بالذات قالت له تعال يامحمد وصوته مايشبه محمد بشي؟
نوف غريب......مدري شقولك؟
نورة احس اني قاعدة اتراجف يانوف....
نوف ليه...وش حسيتي فيه؟
نورة مدري...بس ارجح ها الشعور على انه خوف؟
نوف يوم سئلك اذا كنتي تحبين فارس ولالا كانت بلهجته سخرية وشماتة؟
نورة بدفاع لاابدا!!ماحسيت بلهجته شي غير انه......مدري بس شي خوفني بنظراته وبلهجته...مااعرف كيف اوصفه لك؟
نوف نورة...اليوم صار بيني وبين تركي وحصة موقف سخيف....
نورة يو ...حصيصي اكيد فهمت السالفة على كيفها....
نوف تنهدت مااقدر اناظر بعيونه,,,احس اني قاعدة اظلمه....احس ان قدري اكبر من أي شي بالعالم عنده...
نورة بخبث وش بعد مكتوب بعيون تريك اللي طلع مخبي وراه سالفة؟
نوف تنهدت مدري شقولك...بس اليوم كان مستعد يروح يتذابح مع سعود علشاني...قال لي ...كل شي ولايشوف دموعي يانورة.....
احسه غرقان ...وانا....وانا مو عارفة شسوي؟
نورة عارفة...اخوه مرحلة والمفروض انها تكون انتهت,,,وبعدين انتي احمدي ربك ان محد يدري عن حبك لعبدالله حتى هو نفسه علشان تقدرين تفتحين قلبك لتركي وتعيشون بحب مدامه يحبك ويبي سعادتك يانوف...
نوف عارفة ها الشي...وعارفة ان تركي مستعد يذبح امه وابوه علشاني وماعندي أي شك فيها...بس القلب اللي يختار الناس اللي يحبهم يانورة مو احنا...مقدر اخلي قلبي ينسى عبدالله بليلة ويوم ويحب تركي...افهميني؟
نورة بس انتي عارفة ان عبدالله بيرتبط بغيرك؟
نوف ادري...بس بعد لازم اعطي نفس وقت انساه .....

اخر الليل كانت ياسمين جالسة على فراشها وتفكيرها كله باللي كانت معه اليوم.....
وقطع عليها تفكيرها صوت جوالها....
كان نواف اللي متصل وابتسمت يوم شافته وردت عليه بسرعة وقالت له نام خلاص لاتشغل بالك تراه مايسهر في بيتنا ومايتدلع علينا؟
نواف بذهول ها...منهو هذا؟
ياسمين بخبث احمد...انت مو داق تسال عنه اذا كان نايم ولالا؟
نواف بارتباك ها...اي....ماْذاكم؟
ياسمين وهي كاتمة ضحكتها لا.....
نواف ..
ياسمين في شي...
نواف ها....
ياسمين بهمس شكلك انت بعد تبي تنام...روح نام تصبح على خير؟
نواف لاانا مافيني النوم؟
ياسمين امممم...وش تبي؟
نواف اقول ياسمين...وش كنتي تبين تعرفين بعد اليوم وماسئلتيني؟
ياسمين وهي تناظر بالشيلة اللي اشتراها وهي حاطتها بحضنها أي بس انت ماتجاوبني على اسئلتي؟
نواف قولي....
ياسمين سئلتك اليوم وماجاوبتني؟
نواف باي خصوص...
ياسمين طلاقك؟
نواف بعصبية هذا الموضوع مالك شغل فيه ولاتسئلين عنه بعد؟
ياسمين بهمس بس انا زوجتك اللحين ويهمني اعرف يانواف...
نواف بصرامة قلنا خلاص لاتفتحين ها السيرة..عندك سؤال غيره سئلي ماعندك بلاش تهذرين هذرة فاضية؟
ياسمين بزعل خلاص ماعندي تصبح على خير؟
نواف زعلت!!ماعندها شي غير الزعل؟انتي ماتعرفين غيره؟
ياسمين ومن قال اني زعلت عاد؟؟؟
نواف بخبث يالله اجل سولفي؟
ياسمين وش تبي اقول يعني!
نواف مثلا....متى بنحدد موعد الزواج؟

يوم ثاني الصباح بالمحكمة...
كانت نوف تعتبر هاذي اخر لحظات وداعية بينها وبين سعود اللي كان يناظرها من وقعت وطلعت....
ابو تركي نوف يبى...انتي..
قاطعته نوف خلاص عمي...انا هذا الشي هو اللي بيريحني صدقني؟
ابو تركي بس يانوف....
نوف انا بخلي تركي يوصلني,,,,,,,عمي...انا احبك كثير واعتمد عليك بكل شي ومعتبرتك ابو مو عم...
ابو تركي نوف...انتي بنتي وانتي عارفة ها الشي...
مشت عنه وصارت قرب سعود وانسحب عمها بس ظل تركي واقف بعيد ينتظرها...
سعود انتي..
رفت راسها وناظرته مع السلامة ياسعود...ياخوي...ياسندي....لابغيت شي تعرف مكاني....ماراح اتصل فيك ولااساْل عنك....لاني مقدر اذل نفسي اكثر خلاص؟؟؟
قالت ها الكلمتين ومشت ومشى وراها تركي....
كانوا قاعدين بالسيارة بهدوء....
نوف تركي...
تركي هلا...
نوف فينا نروح البحر...
تركي البحر..البحر....حاضر؟
تنهدت وسندت راسها على الكرسي وغمضت عيونها....
وصلوا البحر ونزلوا يمشون...
كان يمشي معها وهو ساكت وهي ساكتة...
نوف قول شي؟
تركي شي مثل شنو؟
نوف مدري أي شي؟
تركي فاجاْتيني بللي سويتيه...مثل مافاجاْتي غيري؟
نوف بغصة لاني عطيت عمي التوكيل وماعطيته سعود؟
تركي يمكن,,,,
نوف تنهدت بقوة اصلا كان من زمان لازم اسوي ها الشي مو انتظر يجي سعود ويطلبه؟
بس تتوقع سعود يسوي شي؟
تركي على أي اساس يسوي....مايقدر...انتي سويتي التوكيل لاابو ي برضاك...
نوف بيني وبينك كنت بسوي التوكيل لك انت!!!بس خفت تنفهم السالفة غلط....وقلت عمي فيه الخير والبركة....
تركي نوف.....
نوف عطلتك عن دوامك اليوم؟
تركي لاانا متفرغ لك؟
نوف وعيونها تدمع انا تعبانة ياتركي....وادري انك دايم جنبي وحبيت اقولك شكرا؟
تركي بتاْثر سعود..مضايقك؟قال لك شي قبل لاتطلعين وضيق خلقك؟
نوف وهي تمسح دموعها لا
تركي اجل حصة.بعلمك فيها..
نوف لا......لاحصة ولاسعود...انا تعبانة من شي ثاني ياتركي...انا انجرحت وبحياتي ماتحيرت وانحطيت بموقف مثل كذا!!
تركي بهمس وش اللي صاير يانوف قولي لي!!!
نوف ولاشي...بس صدقني وجودك معي هنا مخفف عني....تركي....انت تبي تقول شي؟

ام سعد وش فيك قالبة الخلقة؟
نورة بتردد يمه .انتي ماقلتي لي؟
ام سعد عن شنو؟
دخل سعد يمه بسرعة بسرعة تعالي..
ام سعد عسى ماشر....
سعد ماشر بس تعالي ابي اوريك شي بغرفتي؟
قامت ام سعد مع سعد ونورة تشتم فيه لانها كانت بتسئلها عن فارس....
دق التلفون بها اللحظات وشالته نورة..
نورة الو..نعم....
فارس مرحبا....
نورة نعم..
فارس قلنا مرحبا...
نورة خير...منو معي!!
فارس برواق شلونك نورة؟
نورة .
فارس قولي طيبة الحمدلله ولاصعبة عليك؟
نورة بحدة منومعي!!
فارس ماراح اقولك الا اذا..
نورة بحدة خير.....
فارس وش فيك انتي تشبين بسرعة...كبريت؟
نورة منو معي!!
فارس لازم تعرفينه؟
نورة بنفاذ صبر ياتقولي منو انت يابسكر التلفون بوجهك سامعني!!
فارس يعني واحد يدري انك نورة اكيد عارفك ولاانا غلطان؟
ماتدري ليش مرت في بالها صورة فارس اللي كانت واقفة قباله امس ودق قلبها وسكتت مرة وحدة؟
فارس وين رحتي؟لايكون بس سويتيها وسكرتي السماعة بوجهي؟؟

نواف خالد عندنا..
خالد اللي كان قاعد بالصالة ليه حرام اتغذى في بيت عمي؟
نواف يبى ماقلنا شي علامك؟
خالد لابس شكلك ماتبيني؟
نواف يبى حياك الله بكل وقت والبيت بيتك زين كذا ولابعد؟
خالد لاخلاص رضيت...شلونكم؟
نواف عايشين ...انت واختي شلونكم؟
خالد احنا بعد عايشين الحمدلله...
نواف شخبار اختي عسى الحمل مو متعبها؟
دق قلب خالد بقوة ليه مايدري طيبة الحمدلله..
نواف ليه ماجت معك تتغذى هنا؟
خالد وقلبه بين رجلينه ها.....هي...
نواف أي قول كذا مرتك معزومة عند صاحبتها وانت ماعرفت وين تروح وجيتنا هنا وانا اقول وش جايبه واختي مو معه؟زين لكن ياخويلد مو لنا الزيارة بس لان مرتك راميتك؟
مايدري ليش خالد قلبه وقف لحظتها وحس ان وضحى والجنين بخطر وانه هو المسؤل عن ها الشي؟وين بتكونين ياوضحى اذا منتي هنا؟وش اللي صاير لك ياقلبي؟

يالله عاد همتكم بالتوقعات اللي بتصير؟


****
***
**
*


مرحبتين فيكم يالغلا...
وياهلا وسهلا بللي انضموا الف شكر لكلامكم الغالي,,,,

البارت الرابع والاربعين ,,,,


كانت تمشي وتركي جنبها يمشي بهدوء شديد,,,,
ومافي غير هبات هواء تروح وتجي,,,,
تركي قطع الصمت نوف...
مالفت عليه بس قالت نعم..
تركي سعود...شكله تضايق؟ويمكن يفكر ان ابوي هو اللي اقنعك تكتبين له التوكيل؟
نوف بتنهيدة حارة ماعاد يهمني؟يفكر بللي يفكر فيه؟انا ياما فكرت ناحيته بنية زينة ودايم كان يخذلني!!يااخي حتى عياله حارمني منهم ومايخليني اشوفهم؟ماعندي استعداد ارضي أي احد على حساب راحتي ياتركي خلاص....كل شي تغير فيني وماعدت انا نفسي قبل...ابي اتغير وابي يتغير كل شي فيني....

يتبع ,,,,

👇👇👇
تعليقات
    حجم الخط
    +
    16
    -
    تباعد السطور
    +
    2
    -