رواية كل يوم لك حال جديد يوم قريب ويوم بعيد -19
البارت الرابع والاربعين ,,,,
كانت تمشي وتركي جنبها يمشي بهدوء شديد,,,,
ومافي غير هبات هواء تروح وتجي,,,,
تركي قطع الصمت نوف...
مالفت عليه بس قالت نعم..
تركي سعود...شكله تضايق؟ويمكن يفكر ان ابوي هو اللي اقنعك تكتبين له التوكيل؟
نوف بتنهيدة حارة ماعاد يهمني؟يفكر بللي يفكر فيه؟انا ياما فكرت ناحيته بنية زينة ودايم كان يخذلني!!يااخي حتى عياله حارمني منهم ومايخليني اشوفهم؟ماعندي استعداد ارضي أي احد على حساب راحتي ياتركي خلاص....كل شي تغير فيني وماعدت انا نفسي قبل...ابي اتغير وابي يتغير كل شي فيني....
تركي وبترتاحين اذا تغيرتي؟
نوف
تركي احس ان في شي مضايقك بقوة ها اليومين ...اذا ودك تتكلمين انا اسمعك؟
نوف مقدر.؟
تركي باعتراض ليه ؟؟؟ماتثقين فيني!!!
نوف لاطبعا مو هنا المشكلة.....بس انت مالازم تعرف....
تركي بحذر وش تقصدين؟
نوف سالفة بنات مايفهمون فيها الرجال؟؟هذا اللي كنت بقوله اسفة اذا فهمتها انت بوضع ولاشكل ثاني؟
تنهد بارتياح اممممم ...بنات ياكثر سوالفكم!!!
نوف كانت تناظره وهي تحس انها قاعدة تتقطع من داخل ومحد حاس فيها لاتركي ولاغيره.....
تركي تحبين نتغذى بمطعم وتغيرين جو...
نوف لامعليش انا مو مشتهية شي...خليها ليوم ثاني وتكون معنا مشاعل؟
تركي علشان يخترب جونا؟
نوف وهي تناظر بعيونه ليه!!!اي جو اللي بتخربه مشاعل؟
كانت تناظره وهي تنتظره يقولها احبك ولاابيك ولااي شي من اللي هي قاعدة تقراه بعيونه بس ماتكلم قال لها وهو يخفي كلامه ماتعرفين مشاعل كل شي عندها ضحك ووناسة؟
نوف أي....واحد مايبي يضحك ويتونس ياتركي؟
تركي بتنهيدة مو دايما في اشياء جدية لازم تنعرف بجو هادي ورايق بدل الضحك,,,لانهم مايتناسبون؟
فارس الو...
نورة .........
فارس نورة انتي لسه معي!!
نورة انت بغيت منو اخوي؟
فارس بيت الحربي.....ابي نورة؟
نورة .........
فارس نورة شفيك؟اعرفك انا واعرف اهلك...على بالك اني قاعد اتلاعب يعني!
نورة بصرامة منو انت!!
فارس سؤال حلو بس فيني مااجاوب عليه...
نورة شوف اذا ماراح تقول انت منو لاتلومني اذا سكرت التلفون بوجهك؟
فارس بقولك بس .....بعد شويات...اللحين مو وقته؟
نورة خير؟
فارس ...
نورة ..
فارس ممكن اعرف ليه امس قلتي لمحمد عن انك انتي وفارس مغصوبين على العرس وان الموضوع هذا مو بكيفكم؟
نورة دق قلبها بس قالت بطبيعة مشوشة لان الخوف غلب عليها هذا يعني انك فارس؟
فارس .........
نورة الحمدلله على سلامتك.....
فارس بهمس نورة...
نورة اسفة مضطرة اسكر....
فارس لا...انتظري......اي فارس...انا فارس؟
طاح قلبها بين رجلينها رسمي.....هذا اعتراف ومافيها أي نقاش.....
حست ان لسانها انربط وماعرفت شتقول؟
فارس فيني اللحين اعرف ليه قلتي كذا!!!!!
مشاعل ياربي حايسة احس ماباقي غير يومين...كنها صارت السالفة جد؟
ام تركي ليه ان شاءالله كنتي تفكرين انها لعبة؟
مرام مابغوا يروحون المغثة بيوتهم؟
مشاعل حرام عليك...
ام تركي ووجعتين انتي؟؟؟شسالفتك على عيال خالتك؟
مرام صراحة لايطاقوا ابدا!!!
مشاعل يمه....فواز ليلة الملكة بيجلس ولابيمشي؟
ام تركي لا بيجلس معك اكيد......
مشاعل محتارة وش البس؟
ام تركي الثوب الذهبي حلو.....بس قصير شوي....وش عندك بديل...
مشاعل اللي وريتك اياهم.....
ام تركي امممم طيب لبسي الزيتي....
مشاعل مدري احس.....اووووف
ام تركي ماعليه انتي ملخبطة شوي وتحسين كل شي مضايقك...بس ركدي وحاولي تكونين طبيعية...يمه هاذي بس ملكة مو عرس!!!
مرام خلاص عاد لازم تصيرين عاقلة وتتركين حركات سعيدان وعليان عنك شوي؟
مشاعل ياربي مدري انا كيف بتعامل معاه...احس اول يومين بصير عاقلة وبعدها بقلب مجنونة ..
ام تركي عقلي بس عقلي قالت ترجع مجنونة؟وش تبينه يقول عنك؟متزوج بزر ولاوحدة عقلها طاير؟
مشاعل والله عاد هذا اللي عندي محد جبره ياخذني؟
شمة سعود شفيك؟
سعود .......
شمة انت من جيت الصبح من المحكمة وانت مو على بعضك؟
سعود ..........
شمة سعود كلمني شصاير؟
بنرفزة رمى قدامها اوراق كثيرة وقال بعصبية سوت توكيل لعمي؟شفتي الكلبة شلون ذلتني!!
شمة بدون تصديق يعني الحلال راح علينا!!!
سعود الى البارح وهي يوم اكلمها قالت لي انها بتروح الصباح مع تركي وماكان بصوتها شي يدل على ان التوكيل لعمي مو لي!!!
شمة وانت سكت لها؟
سعود صدمتني ماعرفت شسوي ولاشنو اقول؟
شمة والحل؟
سعود مدري عقلي واقف اللحين مو قادر افكر باي شي...بس يصير خير يانويف والله لااسحب منك الحلال؟
شمة طيب قول لها انك محتاج وتبي تتسلف منها واذا صار عندك ترد لها؟
سعود بسويها بس مو اللحين بخلي لي شوية وقت تمضي على ها السالفة؟بس انا ابي شي يضمن لي كل الحلال مو شوية بس؟
شمة نزوجها؟
ناظرها وسكت...
شمة بثقة نزوجها اخوي سالم.....وش قلت؟كذا نضمن ان التوكيل يروح لااخوي وناخذه منه؟
تسند على باب المستشفى وتنهد بقوة....
هذا خامس مستشفى يجيه من بعد ماطلع من بيت عمه وماشافها وراح الصباح بيت اهله وبعد ماشافها حتى خواته مر عليهم اليوم يسلم عليهم يمكن يشوف لها اثر ولايجيبون لها طاري..بس مافي أي فايدة...
حتى المستشفى مافي مريضة باسمها ولاحتى حادث صار باسم مشابه لها؟؟؟
وين رحتي ياوضحى؟؟
والله مو عارف اتصرف ولا اسوي أي شي؟
النوم مجافيني بعدك ومن غيابك؟
دق على عبدالله وهو يمسح دموعه ها....وصلت لااي مستشفى؟....
طيب وماقالوا لك شي.....عبدالله انا خايف ماهي بالمستشفى ولاهي عند احد من خواتي ولافي بيتهم؟وين بتروح؟مستحيل تكون عند وحدة من صاحباتها انا اعرفها ماتحب تدخلهم بحياتها الشخصية ابدا!!!! وش اسوي اللحين......عقلي واقف عن التفكير.....عجزت وانا ادق لها وارسل ماهي اضية ترد على اتصالاتي ولارسايلي!!.وانا شينطرني عاد لملكة مشاعل ياعبدالله والله ماعاد فيني صبر؟
ياسمين اسفرت وانورت يالغلا...
مشعل حط رجل فوق الثانية منور البيت بوجودك وبوجود امي اذا غبت انا!!
الجدة عشتوا...البيت بيتنا وينور بوجودكم....
مشعل عدنا والعود احمد مع عيلة فايف ستار؟
الجدة شنو يعني؟
مشعل سلامتك يالغلا...اقول جدتي فصلتي لك فستان لملكة مشاعل؟
الجدة شنو؟
مشعل قولي لجدي ابي اخذ لي فستان من المصمم اللبناني...
ياسمين ههههه....لاوانت الصادق من لازار...
الجدة والله عاد انا شارية لي قطعة تبرق من بعيد وفصلتها عند خياطنا محي الدين وصايرة تلالي من بعيد...حتى مشاعل بتتحسر اذا شافت ثوبي وبتتمنى هي اللي لابسته؟
ياسمين كاتمة ضحكتها حرام جدتي لاتحسرينها....
مشعل يقولون العقل نعمة؟
الجدة وش يقولون؟
مشعل الثقل صنعة؟
دخل احمد ووقف عند الباب...
مشعل هذا شسالفته نظرات من بعيد لبعيد؟
ياسمين وهي تناظر بااحمد يخاف مني!!!اذا انا جالسة بمكان مايتقرب منه؟
مشعل تعجبيني وانتي اختي.....اقول حميدان تدل البقالة؟
احمد لا.....
مشعل البس جزمتك بوديك البقالة ادليك اياها علشان بعدين اذا بغيت منك شي تروح تشتري لي.....
احمد ناظر بياسمين اروح...
ياسمين وكذا الناس تستاْذن؟
احمد تقرب منها خالتي ياسمين اروح؟
ياسمين روح...بس لاتعاند اخوي؟
مشعل من صدقك انتي ياخذ اذن منك؟
احمد أي البابا قال لي اذا بطلع أي مكان اقول اول لخالتي ياسمين..
الجدة قول لها ماما مو خالتي؟
ياسمين لاانا خالته ليه بعد يقولي ماما؟
الجدة علشان يحبك؟
ياسمين ماابيه يحبني؟
مشعل مو قدامه تتكلمون ياحظي انتي وياها؟اقول احمد عندك فلوس؟
احمد لا......
مشعل وشلون نروح البقالة ان شاءالله مفكر جدتي بتعطينا؟
احمد اقول لاام مشعل تعطيني.....
مشعل روح قول لها نبي خمسين ريال بنروح البقالة؟
ياسمين وش ها النصب يامشيعل؟وش بتشترون؟
مشعل بنحسبك لاتخافين...يالله روح يالوح ليش واقف؟
مشى احمد وراح لجدتهم وقال لها ام مشعل عطيني فلوس بروح البقالة؟
الجدة انا ماعندي ماعندي فلوس؟من وين لي!!!
مشعل ياحظي مو هاذي ام مشعل؟؟؟وي شكلي ها اليومين بعتكف عليك يااحمد علشان اعلمك الاساسايات وبعدها تصير صبي عندي؟
بشقة خالد......
عبدالله طيب والحل؟
خالد كان يناظر بالارض وملامح الزعل والضيق مو مفارقته.....
عبدالله المشكلة انك ماتقدر تقول انها طلعت من الشقة لانك بتجيب لنفسك وجع راس وسين وجيم؟
خالد ..
عبدالله على وين راحت وليه وانت شمسوي؟
خالد عبدالله...
عبدالله طيب انت ماتدري هي لو فكرت بضيق وين ممكن تكون غير عن ها الاماكن اللي رحتها؟
خالد قلت لك عقلي مو قادر يفكر بشي؟
عبدالله ......والله مشكلة بس مع هذا كل ها الحيرة والخوف اللي انت فيها تستاهلها؟
خالد
عبدالله .....
خالد .....
عبدالله اشتقت لها؟
خالد وهو يدمع حييل ياعبدالله...اشتقت لكلامها ولدلعها ولحنانها ولزعلها...لكل شي فيها ياعبدالله...هذا بس ثلاثة ايام غايبتهم عني وانا مو قادر انام ولاارتاح؟وش ناوية تسوي فيني لو تغيب اكثر؟
عبدالله انت بعد ماقصرت ياخالد...يعني تصور انها هي خانتك وش كنت بتسوي؟
خالد عبدالله انا قررت اتزوج؟
عبدالله بصدمة شنو؟
خالد تنهد بقوة لو قلت لها اني متزوج من زمان ومن قبل مااخذها بتكون السالفة اهون عليها من اني خنتها اكيد؟
عبدالله خالد لاتصلح الغلط بغلط اكبر منه ياخالي واللي عافيك؟انت خلك تدري بالاول هي وينها فيه؟طيبة ولاتعبانة؟بعدين قرر كيف تعتذر لها وشنو تقول؟
نواف اشوف ماكلمتيني تستاْذنين بكرة علشان روحة الجامعة؟
ياسمين في بالها وش ها الحجة بس!!!!
ياسمين بثقة عشان مو رايحة بكرة....
نواف امممممم....تمام..تعودين نفسك يعني انك ماتروحين من اللحين,,,حركة حلوة خطيتيها؟
ياسمين بنفس الثقة لاغلطان مو كذا السالفة...بس بكرة الصباح بنروح السوق....مشاعل بتاخذ لها كم شغلة ولاانت ناسي ان ملكتها بعد بكرة؟
نواف والله حلو...مطنشة لي الجامعة علشان السوق وفوق هذا مافي اذن مسبق؟يعني تدخلين وتطلعين بكيفك حضرة جنابك؟
ياسمين كانت بتنفعل وتصارخ وتقول انها مو ماخذة منه اذن بس غيرت رايها باخر ثانية وقالت بهدوء انا كنت بقولك بس ماتوقعتك تستقبل مكالمات ها الوقت...مدري تعودت على مكالماتك بعد الساعة ثنتين ونص الليل؟
نواف ...يعني كنتي بتدقين؟
ياسمين أي طبعا...وانا اقوى اطلع بدون شورك؟
نواف خليك كذا....مو يوم وبعدها تقلبين الموجة؟
ياسمين وهي بتموت قهر ان شاءالله...
نواف شلون احمد.....
ياسمين ماشي.....طول وقته اليوم مع مشعل اللحين رايحين البقالة واللحين رايحين يلعبون كورة...
نواف عزات الله راح فيها مدامه جلس مع مشيعل باشا؟
ياسمين بانفعال وش تقصد؟
نواف يبى ماقصدت شي؟المهم ذكريني بكرة اعطيك بطاقته...ترى انا عطيتها امك قبل يومين ورجعتها مارضت تاخذها وانا اعرفه طلباته كثيرة........
ياسمين .........
نواف وين رحتي؟
ياسمين موجودة.......اسمعك وش تقول؟
نواف ووين بتروحون بكرة ان شاءالله من صبح الله؟
ياسمين بنرفزة ياولد الناس مابنطلع الا على تسع ونص؟وين صبح الله؟
نواف شكلي بغير رايي ومابتروحين؟
ياسمين .....
نواف وين بتروحون؟
ياسمين في بالها لو اقولك اكيد بتكون موجود ماادري على مشاعل هي بتحدد.....
الليل في بيت ابو تركي...
كانوا عبدالله وتركي ومشاعل ومرام جالسين وابو تركي وام تركي ركبوا غرفتهم...
مشاعل الليلة غير بالنسبة لي!!
تركي وش اللي غير فيها؟
مشاعل بمرح اني ابي اودع ايام الهبال..
عبدالله خليك هبلة ولاخايفة من فواز اذا ظليتي هبلة على طول؟
تركي وانت تصدق عاد ان مشاعل تقدر تتغير من الجنون اللي هي عايشة فيه؟اساسا هي ماتعيش بدون مقالبها وضحكتها...يعني بتلاقيها يومين مؤدبة وبعدين بترجع مثل ماكانت واسؤا بعد؟
نوف اللي كانت جاية ومعها صينية فيها بيبسي وشيبسات وشوكلاتات ..قعدت جنب مشاعل وقالت وهذا لزوميات وداع هبالك؟
مشاعل يامي...يامي...ابي بيبسي ومارس..
نوف رمت عليها المارس زين فكيتيني منه لاني مااحبه؟
عبدالله وهاذي اخبل منها؟ليه جايبته مدام ماتحبينه؟
نوف تنهدت وماناظرت في عبدالله بس سئلت تركي اذا يبي شي..
تركي حاليا لا...خلينا بس نشوف مسرحية مشاعل من بعيد؟
مشاعل يالله عاد لاتقلبوني طماشة؟
مرام انتي قالبة ومنتهية؟انا بروح انام تصبحون على خير؟
نوف عندك منوبولي مرام؟
مرام مدري عنها وين؟
مشاعل يالله بنت ولد مو مشكلة؟
عبدالله ابي سنكرس...وميرندا فراولة؟
مشاعل سنكرس ها...ميرندا فراولة مافي الا حق نوفوا...
نوف مدته خذه عليك بالعافية..
تركي وانتي وش بتشربين؟
رفعت عيونها له ولاحظت انه قاعد يلاحظ كل انفعالاتها فحاولت تكون طبيعية....
نوف اشرب بيبسي ماعندي مشكلة..
تركي انتوا مو بصاحين بيبسي اخر الليل؟
مشاعل هاذي حلاوتها..........
نوف اللي يدري وش كان حلم مشاعل بنعطيه اللي يبي؟
عبدالله لاتقول دكتورة مايناسبها؟
مشاعل ههههه لاوين احنا وانت وين؟
تركي ان شاءالله عارضة ازياءعلشان اذبحها؟
نوف بكل تواضع طقاقة..
مشاعل ههههه لاتناظروني كذا بس والله كان حلم من احلامي اكون طقاقة...مدري احس وناسة جو رايق وطقيقة ورقص وفل واستهبال....ياي ذكرتيني باايام الونس يانويف الله يهداك بس؟
نوف بعدنا لاحقين قومي نتونس بغرفتنا ونرقص براحتنا؟
مشاعل أي والله وانتي الصادقة...قومي نفلها....
وقفت نوف ومسكت يد مشاعل وجوا بيمشون...
تركي باعتراض وين على الله؟
مشاعل بنروح نخليها ونعليها وناسة...
عبدالله وليه مقعدينا معكم ووداع ايام الهبال ومدري شلون؟
مشاعل غيرنا راينا...
عبدالله قام وشال جواله معه غلطان اللي يقعد معكم..
نوف وهي تشوفه يلعب بجواله روح كلم حبيبة القلب ابرك من مقابل وجهينا؟
كانت بتقولها بغيرة بس ماحبت تفضح روحها ومشاعرها..
بعد مامشى عبدالله....
تركي انتي ماتستحين؟وش حبيبة قلبه بعد!!
نوف وانت ماتاخذ امور الحياة ببساطة ومرح كل شي جدي عندك؟
مشاعل يالله انا ابي ارقص خلاص مقدر اتحمل لاتنسوا اني ببيوم الملكة مابقدر ارقص معكم...
تركي وانا منو يقعد معي!!روحي انتي ارقصي واتركي نوف تسولف معي!!!
مشاعل وقالوا لك مجنونة ارقص بروحي؟
تركي طيب ارقصوا هنا؟
نوف بحدة جنيت انت!!
تركي معناته مافي تقومون؟قلتوا بتسهرون معي!!!
مشاعل خذ سماعة التلفون ودق على أي رقم سوي روحك غلطان واشبك مع أي بنت ترد عليك؟
اليوم الثاني الصباح....
نواف هلا وغلا براعية ها الصوت...
وضحى شلونك اخوي وشلون ياسمين..
نواف عايشين...نسال عنك انتي والبيبي..كيفكم...
وضحى بخير...
نواف امس ضيعتي خالد...
وضحى ها...شلون؟
نواف يوم تطلعين تتغذين مع صاحبتك؟مادرى وين يروح جا تغذى معي!!
وضحى أي...امس.....
نواف عسى مو تعبانة مع الحمل؟
وضحى لا الحمدلله ....
نواف حاس صوتك مو طبيعي فيك شي؟
وضحى لا بس صاير تنفسي شوي سريع ...
نواف وين تتابعين ..باي مستشفى؟
وضحى لحد اللحين ماقررت باي مستشفى اكمل؟
نواف خالد امس يقول بالتداوي؟
وضحى رحت مرتين بس ماقلت اني بكمل.....المهم ودي اسئلك عن شي؟
نواف خير...في شي...
وضحى تذكر سالفة الوظيفة اللي عرضتها عليّ قبل كم شهر يانواف؟
نواف واللي رفضتيها؟شفيها؟
وضحى لسه ساري العرض ولاخلاص راحت؟
نواف بجدية وضحى ناقصك شي؟تبين شي؟
وضحى لا ياخوي صدقني؟
نواف وليه تبين الوظيفة اللحين؟
وضحى تنهدت وقالت ابي اكسر الجو اللي عندي....صايرة ايام الحمل طويلة وثقيلة...قلت لو لسه موجودة ولي نصيب فيها بتغير شوي من روتيني!!
قالتها وهي تمسح دموعها اصلا!!!
نواف انتي اذا تبينها انا بكلم واحد اعرفه وتقدرين تستلمينها علطول؟
وضحى عساني ماخلا منك يالغالي....متى بتكلمه؟
نواف وقت اللي تبين انتي تستلمينها....
وضحى معناته كلمه اليوم؟
نواف انتي متاْكدة ماراح تعيقك وتتعبك؟.تراها دوامين ياوضحى؟
وضحى وهذا المطلوب...
نواف أي بس خالد ماتجي اربع ونص الا وهو بالبيت....يعني انتي ماراح تجين الا بالليل ...على الثمان ونص...
وضحى مرتبين امورنا يانواف لاتخاف....بس انا فعلا محتاجتها ها اليومين...حاسة اني قاعدة اختنق مع تقدم الحمل....
بفينيسيا مول.....
مشاعل مسوية روحها تبكي بصوت عالي ياعالم ياناس باقي على الملكة يوم واحد بس!!!بطني عورني صدق!!!
نورة اقول ميشو حبيبتي بلاش تقلبين شي ماابي اقوله من حديقة الحيوانات خليك انثى ناعمة وناعمة حييل بعد...خل اطباعك تتناسب مع شكلك ؟؟
مشاعل شهقت نوير...اي واحد من الحيوانات تقصدين؟
ياسمين اوووووف بنبتدي اللحين؟
نوف وهي تضحك لا هذا الجزء الثاني...تكملة البارحة....استهبلت البنت بشكل مو طبيعي امس فاقت النماذج البشرية اللي موجودة معكم في بيوتكم؟
نورة هههههه هي اصلا تؤام لهم بس مدري كيف صاروا كل واحد في بيت؟
ياسمين لو خليت لخربت؟
نوف غريبة نواف ماعارض جيتك؟
ياسمين وش دعوة هو رضى اجي عاد!!!عادي بعد شوي تلاقينه بوجهنا؟
نورة وكيف جيتي وهو مارضى؟
ياسمين طلعت روحي وانا اقنع اقنع ...يتراواللي اخر شي نمت عليه بالتلفون...ساعة يقولي احد يترك الجامعة علشان سوق؟وساعة يقولي السوق العصر ولاالليل ماهي بطايرة وساعة يقولي مامعكم احد كيف تروحون؟يعني هو بالمختصر يبي يوصل الى اني ااْجل الجية هنا لين يطلع هو من دوامه علشان يصير عسكر ويوقف معي بكل محل ويلازمني مثل ظلي؟
مشوا البنات شوي وبعدها لفوا لمشاعل اللي كانت تناظر بواجهات المحلات..
نوف اقول مشاعل..
مشاعل هلا وغلا,,,
نورة انتي قايلة لفواز انك بتطلعين السوق ولابعد طلعتي بدون اذن؟
ناظروا البنات في بعض وضحكوا وهي لسه تناظر بالمحلات
مشاعل بلى قلت له....اني جاية هنا الصباح يوم يدق لي ..على اساس بيشوفني دخلت المحاضرة ولالسه؟
ياسمين مايدري الرجال انك امتياز ومحاضراتك ماشية بالمضبوط؟
مشاعل ههههههه قلت له انا اخذ محاضرتي اليوم بفينيسيا مول...قال مشاءالله جامعتكم متطورة حدها؟اول مرة اشوف جامعات يعطون محاضرات بمجمعات ووناسة؟
نورة أي وهو ماصدق خبر وترك الشركة والهيبة والحلال وجانا هنا يركض يقابلك؟
وقفت مشاعل ولفت لهم لقتهم يناظروا في بعض ويتغامزون..
مشاعل ش السالفة؟
نوف لاتلتفتين يمين مانبيك تشوفين يمين؟
مشاعل يعني غصب شوفي يمين....ياربي هذا فواز؟
كان واقف معهم على نفس الخط اللي هم ماشيين فيه بس هو يمين وهم شمال ووقف قلبها...
نورة مشينا يالله.....
ياسمين أي والله بنروح ناخذ لنا ايسكريم .....صحيح ذكروني قبل لااطلع اخذ لمشيعل موصيني يبي ستة من هذا الاسكريم الميني...
نوف انا اموت فيه ها الاسكريم...احب الفانيلا والشوكلاته...
ياسمين وهم يمشون باسكن وبس!!!
وقفت نوف ووقفت معها ياسمين اللي كانت وراها شفيك؟
لفت لها نوف وهي تناظر قدام ورفعت ياسمين راسها ولقت نواف وتركي جالسين بوحدة من الطاولات وتركي رفع عيونه وشافهم واكيد عرف نوف,,
نورة انا باخذ لي من كرسبي كريم...احد يبي شي....
نوف لا..
ياسمين ياويلي...خلاص انسدت النفسية؟
مشت نورة لعند كرسبي كريم علشان تاخذ وهي تمشي انتبهت ان في شخص يمشي مثل ظلها ..ضحكت في بالها وهي تتخيل نوف وياسمين ومشاعل ونواف وتركي وفواز وهل هي مصادفة انهم كلهم متجمعين هنا!!!ولو كان فارس هنا وش راح يصير؟
وقف قلبها من الطاري وتلفتت حولها بسرعة كانها تبي توهم نفسها بالعكس بس عيونها ماكذبتها...هذا فارس اللي يمشي جنبها مثل ظلها؟ياترى هل جيته لهنا مصادفة ولا مقصودة
ها الله ها الله بالتعليقات
****
***
**
*
البارت الخامس والاربعين ,,,,,,,,,
دق قلب نورة بذيك اللحظة بقوة وحست ان الدم نشف بعروقها؟
صدفة مو معقولة ابدا!!!!!
ياترى هو قاصد يجي ها المكان اليوم ولا........؟؟؟؟؟؟؟
سوت روحها ماتشوفه ومشت تطلب لها قهوة بدون أي اهتمام للي قاعد يمشي وراها مثل ظلها بس من بعيد لبعيد,,,,,,
طلبت لها قهوة ووقفت تنتظرها...
فارس بهمس نورة لو سمحتي..
رفعت راسها له بحدة وقالت خير...
فارس ابي اتكلم معك؟
نورة انت منو؟
فارس ابتسم لها انا فارس...
نورة بعناد وانا مااعرف احد بها الاسم؟وبعدين لو سمحت انا مااحب احد يوقفني بوسط السوق مين ماكان ويقولي تعالي نسولف؟
فارس تعجبيني والله....بس ترى انا ماخذ اذن من خالتي ام سعد؟
نورة وانا وش يضمني انك تعرف ان امس اسمها كذا!!!يمكن طلع معك صدفة ولاسمعتني اقوله خوب انت ماشي مثل ظلي!!!
فارس زادت ابتسامته وقال بعد تعجبيني في هاذي....بس صدقيني انا قايل لها ابي اشوفك واكلمك واذا منتي متاْكدة كلميها وسئليها؟
نورة ماابي اكلم احد...ولو سمحت اخ فارس بعد عني ماابي احد يشوفني واقفة معك هنا وولد خالتي هنا وماابيه يفهم الموضوع غلط...
فارس أدري انها مو حلوة اني اوقفك بنص السوق واكلمك...موقفي غلط وانا اعترف لك فيه..بس ممكن فعلا نتكلم مع بعض..يعني انتي قلتي شي وحاب اخذ واعطي معك فيه واوضح لك الغامض..
نورة مسكت قهوتها وقالت بلامبالاة ماعندي شي غامض بحياتي كلها كتاب مفتوح....وبعدين انا ماقلت لك شي..توني اشوفك...
كانت تنقي لها صندل من هنا وتشيل واحد من هنا وقلبها مع اللي برى وتارك شركته وجاي يشوفها....
حست بنشوة غريبة تسري فيها....ليش قاعدة تشوف فواز غير عن اللي يقولون لها عنه؟
وين الهيبة والمركز؟ليه ماتشوف فيه غير العاشق اللي يسرق نظرات من حبيبته كل ماسمحت له الفرصة وعرف هي وينها فيه؟
ياترى بتكون ايامنا كلها حب وجنون ولا...
فواز بهمس أي....
رفعت راسها وتفاْجات من وجوده جنبها...
ارتبكت وبعدت عنه شوي وقالت وش اللي ...اي...
فواز هاذي اجابة السؤال اللي قاعد يخطر في بالك بها اللحظات؟
ماتدري ليش طلعة منها شهقة وهي تناظره بذهول وابتسم لها...
مشاعل فواز...انا كنت بس...
فواز بابتسامة وانا اقولك أي...كل شي بحياتنا بيكون حلو مدامك انتي معي!!
فواز شال الصندل اللي في يدها تبينه؟
مشاعل لفت للجهة الثانية وقالت لا...
تركه مكانه ومشى جنبها صحيح نسيت اقولك هلا...
ابتسمت له وقالت بهمس على فكرة ذكرني مرة ثانية مااقولك ويني فيه ولاوين بروح؟
فواز وهو يضحك اصلا مايمديك ولاناسية ان بكرة ملكتنا!!
مشاعل طيب مدامك ذاكر ان بكرة ملكتنا ورى جاي لهنا؟خلاص بكرة بتشوفني؟
فواز بخوف حقيقي لازم اطمن عليك اليوم واوصلك لباب بيتكم؟
مشاعل ليه؟وش فيني علشان تتطمن عليّ!!
فواز فيك انك هديتي اللي نزلت عليّ من السما وماابي نسمة هوا تمر وتكدرها...
مشاعل نزلت راسها وقالت بهمس وهي تشيل وتحط بالصنادل فواز لاتقول ها الحكي ترى والله ماقدر عليه...وبعدين احنا محنا جالسين بروحنا احنا بالسوق خلك عاقل وبلا ها الكلام؟
فواز بهمس اقول ورى مانطلع من المحل ترى صاحبه شوي ويطردنا اثنينا منه ماغير نشيل ونحط في اغراضه؟
طلعت وطلع وراها..
مشاعل انا كنت جاية اشوف لي صندل بس انت خربت عليّ!!
فواز ياعيني..اصلا نص وقتك كنتي سرحانة وادري انك سرحانة فيني؟
مشاعل ابتسمت له بس ماعلقت...
فواز ممكن اسئلك سؤال شخصي؟
مشاعل وقف قلبها من ها الكلمة وقالت بعد تردد شنو؟
فواز انتوا اربع صديقات صح...ورى ثنتين يتنقبون وثنتين يكشفون؟وليه انتي تحديدا من الناس اللي تكشف؟
مشاعل من زمان وانا اكشف موتوي.....ابوي راضي؟
فواز بس فواز ماهو براضي ومن اليوم يبيك تغطين وجهك يعني لاتعتبرينه امر بس اعتبريها غيرة...طيب....
ياسمين يوم شافت نواف جالس مع تركي وتركي شكله بيجي يكلم نوف اللي كانت واقفة تناظره بنظرات اول مرة تشوفها في عينها وقالت بتساْلها عنها بعدين اخذت عمرها ومشت لعند باسكن قبل لايرفع نواف راسه وينتبه لها وتتشابك معه وهي جاية تروق اعصابها,,,,
وقفت نوف تناظر بتركي اللي كان يناظر فيها وبس مشت ياسمين تقرب منها بسرعة...
تركي هلا..
نوف مفاجئة بصراحة؟
تركي وان شاءالله ماضايقتك؟
نوف وليه بتضايقني!!انا برجع اكمل تسوق مع البنات؟
تركي .........
نوف تبي شي؟
تركي أي..
نوف شنو؟
تركي ها.....وقف مرتبك مو عارف شيقول....
نوف شنو تبي؟
تركي نوف...قاصرك شي...تبين فلوس زيادة؟
نوف لامعي شكرا...اذا بغيت بدق لك تحول لي...ماتقصر...
كان واقف ومرتبك منها وهي حابة تسوي الامور طبيعية بينهم...
بس كان في تيار يسري فيهم اثنينهم وكل واحد صعبان عليه يحكي ويقول اللي بقلبه....
كانت نظراتهم لبعض هي بس اللي تحكي وتتكلم عنهم,,,
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك