بداية

رواية كل يوم لك حال جديد يوم قريب ويوم بعيد -20

رواية كل يوم لك حال جديد يوم قريب ويوم بعيد - غرام

رواية كل يوم لك حال جديد يوم قريب ويوم بعيد -20

تركي نوف...قاصرك شي...تبين فلوس زيادة؟
نوف لامعي شكرا...اذا بغيت بدق لك تحول لي...ماتقصر...
كان واقف ومرتبك منها وهي حابة تسوي الامور طبيعية بينهم...
بس كان في تيار يسري فيهم اثنينهم وكل واحد صعبان عليه يحكي ويقول اللي بقلبه....
كانت نظراتهم لبعض هي بس اللي تحكي وتتكلم عنهم,,,

عند باسكن روبنز ...
ترك لها البايع طلبها على الطاولة وهي فتحت شنطتها وعطته الفلوس وجت بتاْخذ الايسكريم ماشافته,,,
لفت للشخص اللي جنبها بتقوله انه حقها وانه اكيد غلطان وشاله معه ووقف الدم فيها يوم شافت نواف ياكله وهو يناظرها,,,
مشت بسرعة وهي دقايق وتنفجر اكيد نويف قايلة له انها هنا؟؟؟
نواف عسى ماشر ليه تركضين بالمجمع احد لاحقك؟
ياسمين بدون نفس لا...
نواف برواق وهو ياكل طيب وش فيك؟
ياسمين لفت له بعصبية وانت شسالفتك..كل ماشريت لي ايسكريم جيت اخذته واكلته؟
نواف بهدوء لاني ماابي اضرك ابي مصلحتك؟
ياسمين بقهر انا مو ولدك احمد علشان تقولي الايسكريم مايصلح وبيمرضك؟
نواف بنفس الهدوء وهو ياكل لالالا مو كذا...بس البنات مايصلح لهم باسكن روبنز؟
ياسمين والله!!!وتتظيرف حضرتك بعد!!!
نواف ترى ساكت عنك وممشي الوضع بمزاجي فااذا حابة نقلب الجو ماعندي مانع؟
ياسمين تكون خوفتني يعني!!!
نواف كان خلص من الايسكريم بها اللحظة ورماه باول زبالة صادفته ولف لها وقال بعصبية وين الشيلة اللي شاريها لك امس ورى مالبستها؟وبعدين منو قال لك البسي نقاب بدون ماتاخذين اذن مني!!
وقفت مكانها وسكتت...يعني صدق اذا يبي يقلب الموجة يقلبها ماعنده مانع؟؟؟؟
نواف اشوف خمدتي مكانك وماقلتي شي؟
ياسمين بعيارة حسيت راسي يدور....انا جاية ومو فاطرة..عادي اروح اخذ لي قهوة؟
نواف بعصبية انتي كيف تطلعين بدون ماتفطرين هذا اولا؟؟؟ثانيا يوم انك جيتي المول كان اول فطرتي وبعدها تسوقتي منتي طايرة ولاالسوق بتطير؟يعني اذا تعبتي بترتاحين؟؟؟
ياسمين في بالها...انا الله مابيفكني منه ابدا!!كل شي ينقلب عليّ!!
نواف تعالي اجلسي هنا بروح اخذ لك فطور وبرد ان شفتك قايمة من مكانك ذبحتك؟
ياسمين باعتراض ماابي فطور باخذ لي قهوة بس وبروح للبنات!!قصدها يعني اذلف وجهك خلاص؟؟
نواف باعتراض قهوة على معدة فاضية مافي سمعتي ولااعيدها والبنات لاحقة عليهم وين بيروحون؟
ياسمين أي بس انا مو جوعانة ماابي اكل شي..حرام لاتاخذ نعمة الله وترميها ابي قهوة وبس!!
نواف سحبها من يدها وجلسها في طاولة بعيدة وفاضية ماحولها احد ابدا!!
نواف اجلسي وانتظريني وقهوة مافيه؟
ياسمين ليه؟
نواف قلت لك تضرك وانتي مابعد اكلتي شي؟
ياسمين بدون مقدمات نواف....انت تخاف علي؟؟؟
كل اللي شافته ذيك اللحظات نظرات غريبة بعيون نواف يمكن اول مرة تشوفها ويمكن انها شافتها بليلة حفلتهم!!
بس اللي تاْكدت منه انه تنهد تنهيدة طويلة وحارة وبعدها مشى بدون مايقول أي شي؟؟؟؟

فواز في مجال اعزمك على الغذى؟
مشاعل لا....
فواز ليه؟
مشاعل فواز ..مايصير...بعدين انا جاية اخلص شغلي وانت كذا تعطلني ترى من جد ماعندي وقت؟
فواز أي شغل؟
مشاعل بكرة ملكتنا؟
فواز طيب وشنو فيها؟
مشاعل فيها اني ماخلصت؟
فواز ليه وش بتاْخذين يعني؟
مشاعل بخجل يعني في اشياء ناقصتني؟
فواز بخبث مثل شنو..
مشاعل بارتباك يو.....انت كل شي تبي تعرفه؟
فواز ههههه
مشاعل انت مابتروح الشركة؟
فواز بصدق لاحق عليها...من زمان ماطلعت من الشركة وحسيت ان عندي امور مهمة ولازم اتطمن عليها ..
مشاعل وهي تناظره وانا..........انا ها الامور المهمة بالنسبة لك؟
فواز بصدق اكبر طبعا.....مشاعل يمكن ماتصدقيني بس انا فعلا حبيتك من اول يوم شفتك فيه وحاس ان احنا بنعيش مرتاحين مع بعض....من زمان وانا ادور ها الراحة...وادور شخص يشاركني حياتي...وانتي كنتي اجمل هدية جتني ....
مشاعل نزلت راسها بالارض من خجلها...
فواز بهمس بس طبعا عند وعدك لازم تغطين وجهك علشان لاازعل منك؟
مشاعل مسكت طرف شيلتها وتغطت فيه..
فواز بهمس احبك....
مشاعل بارتباك خلاص امشي...ترى ينتظروني...
فواز طيب سؤال اخير..وش لون فستانك بكرة؟
مشاعل خليه مفاجاْة وش رايك؟
فواز باعتراض لا تكفين ابي احلم فيه الليلة واحلم بشكلك وانتي لابسته؟
مشاعل بعناد مرح معناته بتركك تحلم على كيفك ومو قايلة لك وش لونه....شوفه بكرة احلى..
فواز بزعل وش بينطرني لبكرة عاد؟تكفين قولي وش لونه؟
مشاعل جت بتمشي مضطرة اروح لااعطلهم طيب....بشوفك بكرة........
فواز بهمس انا بموت لين تطلع شمس بكرة...صدقيني منتظر ها الليلة على نار يامشاعل....يا.....حبيبتي....
وقفت شوي بعد ماقال ها الكلمة وبعدها راحت لهم وتنهد بقوة...مايدري ليش عنده احساس انها ممكن تنضر ولاتتاْذى وهو السبب!!!

بعد مشاورات ومداولات على طلعة البنات من المجمع بعد ماكانوا بيدقون على السايق يرجع لهم وان تركي كان بياخذهم يغذيهم الا ان نواف هو اللي ماتنازل بالنهاية لانه هو يبي يوصل مرته ومحد له شغل فيها وبما انهم جايين مع بعض ماحبوا يتقسمون وقرروا يمشون معه كلهم,,,,,,
والعصر بيرجعون السوق من جديد علشان كذا كلهم كانوا بينزلون مع ياسمين بيت الجد...
نزلوا البنات كلهم وظلت هي..
لف لها شكلك متضايقة ؟
ياسمين بهدوء وليه اتضايق؟
نواف يمكن اني غيرت برنامجكم واصريت اني اوصلكم وانتوا تبون تروحون مكان ثاني؟
قالت بحدة وهي تناظر فيه لانه لهجته كانت مشككة بكلامه نواف...وين بنروح يعني!!!اساسا البنات طالبين من امي كبسة من البارح لانهم بيجون يتغذون عندي واذا منت مصدق انزل لاامي اسئلها؟
نواف
ياسمن لفت وجهها للجهة الثانية وهي حاسة بضيق ماتدري ليش حست انه شاك بشي من تصرفاتها؟معقولة يفكرها بطالية وعندها سوالف من ورى اهلها؟؟
نواف ظل ساكت وهو يشوفها قالبة الوجه عليه...
ياسمين ..
نواف ...
ياسمن ..
نواف قطع الصمت طيب بيضايقك اني انزل اسلم على امك وبالمرة اشوف احمد؟
ياسمين وهي مغمضة عيونها لايشوف الدموع اللي تجمعت بعيونها البيت بيتك......
نواف بهمس يالله قومي....
فتحت عيونها وفعلا شاف دمعة في عيونها ومسك يدها بين يدينه بقوة وشد عليها وهمس لها بدون مقدمات انتي موافقة انك تتزوجيني ومحد غصبك يياسمين؟؟؟؟
رفعت راسها تناظره بذهول؟؟؟وش يعني كلامه بالله!!!!وليه اللحين جاي يساْلها ها السؤال؟؟؟؟

العصر في بيت الجد وتحديدا بغرفة ياسمين..
نورة شي ماتخيلته ابدا انه يجي هناك؟
نوف ولاانا بعد ماتوقعت تركي يجي؟
نورة حسيتها صدفة من صدف الزمان يعني معقولة انه ممكن يجي مكان انا اكون متواجدة فيه اليوم؟
نوف وانا حسيت باحساس غريب....ابي افهم لااي مستوى هو يحبني؟
نورة بس يوم قال لي انه ساْل امي واذا ابي ادق لها فهمت السالفة يعني ماهي مصادفة مثل ماتوقعت....بس ليه امي ماقالت لي هذا اللي مااعرفه؟
نوف تنهدت وبانت دمعة بعيونها مسحتها بسرعة فيني تعب مو طبيعي...حاسة اني بنهار باي لحظة......احب اخوه ويحبني هو وادري ان اخوه ماهو لي ولاهو نصيبي وماهو راضي يقولها لي صرااحة؟؟احس اني بنفجر باي لحظة؟
نورة قلبي معك يانوف والله قلبي معك......
نوف بضحكة مبينة دموعها خلي قلبك يحاتي فارس ياحلوة انتي بروحك سالفتك معه سالفة؟
نورة تنهدت وسكتت وبعدها قالت ياترى وش كان يبي يقول؟وشنو اللي قلته خليته يصر على انه يكلمني!!!
دخلت مشاعل بها اللحظات وانسدحت على السرير اللي كانت نورة يمينه ونوف شماله وغمضت عيونها..
نوف خير ام فواز وش عندك؟
نورة وش قايل لك الباشا ومخليك تسكتين مرة وحدة؟ترى كلنا ملاحظين انك ماكنتي طبيعية وانك كنتي ساكتة وسرحانة؟
تنهدت بقوة وبعدها قالت بغصة احبه...او على الاقل احس اني احبه....وبنفس الوقت خايفة حاطة يدي على قلبي...
نوف تعوذي من الشيطان ولاتهلوسين كثير,,,,
دخلت ياسمين وهي ساكتة وبراطمها قدامها وجلست معهم بنفس السرير,,,
نورة والاخت شفيها بعد؟
نوف وش مسوي لك نوافوه اللي مايستحي؟ترى من نزلتي من السيارة وانا حاستك بتبكين؟
مشاعل قولي ترى كلنا نسمعك؟
دقايق بس اللي مرت وبعدها انفجرت ياسمين تبكي بصوت عالي وقاموا ثلاثهم وتقربوا من عندها..
نورة ياسمين علامك؟
نوف قولي شفيك؟
مشاعل بخوف سوا لك شي قولي ..ترى والله طيحتي قلوبنا!!
ياسمين من بين دموعها انا تعبانة معه,,,,ساعات احسه يكرهني...وساعات.....
نوف يحبك؟
ياسمين اممم
نورة طيب وين المشكلة؟
ياسمين وهي تمسح بدموعها المشكلة ان اليوم حسيت انه شاك فيني!!!يعني لهجته كانت كلها شك وكاْنه مو مصدق اني كنت برجع معكم البيت على باله بنطلع مكان ثاني وهو خرب علينا!!!!مدري ليش بعدها قلب السالفة وسئلني اذا كنت موافقة اتزوجه ولالا؟احسه متعبني حييل؟
تنهدوا البنات وسكتوا..
ياسمين تصرفاته تحيرني فعلا...يوم احسه قريب...وايام احسه بعيد....
ماهو راسي على حال معي......كل يوم له حال جديد؟؟؟

نواف علامك؟
تركي بتنهيدة ولاشي..
نواف اكيد السالفة فيها بنت العم؟
تركي نوف فيها شي مضايقها يانواف...انا حاس فيها...حاس انها تمر بشي مو طبيعي وقاعدة تخفي ألمها واحزانها عن الكل؟
نواف عادي...بعد سالفة اخوها توقع انها تنفجر لكم باي لحظة؟
تركي تنهد بقوة وقال بعصبية والله لو يقرب منها مرة ثانية وقسم بالله بيشوف شي ماشافه بحياته لايفكرني سكت له معناته اني مو ناوي عليه,,,انا لو ماهي حلفتني اعدي السالفة ماكنت عديتها؟
نواف ومتى بتخطبها؟
تركي بس اخلص من سالفة مشاعل,,,,,بخطبها علطول...
نواف يعني قريب...على ها اليومين...
تركي أي.........
نواف وليه تقولها بدون نفس...
تركي بتنهيدة هادة كل حيله ابي اقولها اني احبها واموت فيها!!ماابيها تفكر زواجنا مجرد حماية لها من الناس اللي حواليها ولاشفقة مثل ماهي حاطة في بالها؟؟
نواف وش اللي يمنعك؟
تركي مدري كيف ابدي معها الموضوع....انا مو راعي ها السوالف انت تعرفني!!
نواف اعطيها مسج بالجوال وريح حالك؟
تركي فتح عيونه على وسعها وقال انت من صدقك؟احبها اقوم ارسل لها مسج بالجوال؟؟؟
نواف بلامبالاة وان شاءالله تبي توطي نفسك لبنت وتقولها انا احبك؟
تركي ؟؟؟؟؟؟؟؟؟؟؟؟؟؟؟؟؟؟؟؟؟؟؟
نواف علامك انت!!!انا لو يجي ها اليوم واحب فيه بنت ماراح اقولها لها طبعا وبرسل لها رسالة بالجوال وبريح حالي!!
تركي بتشكيك ليش ماجا اليوم هذا اللي حبيت فيه بنت يانواف؟
رفع نواف عيونه وناظر تركي وشرد لبعيد,,,,,,

يوم الملكة الصباح...
ام تركي روحي فتحي الباب ياسينيثيا ؟
ابو تركي انتي ناطرة احد يزورك اليوم؟
ام تركي وهي تناظر صوب باب الصالة لا...
دخلوا مشعل وسعد ومسويين انهم مؤدبين ....
ام تركي ابتسمت هلا وغلا.......
مشعل وسعد سلموا على ابو تركي وحبوا راسه وسلموا على خالتهم....
ابو تركي حيا الله من زارنا؟
مشعل عاد احنا قلنا البيت اليوم زحمة واكيد عمي وخالتي يبون مساعدات ومافي غيرنا طبعا يقدمها..
ابو تركي أي والله وكنكم حاسيين..
ام تركي ماتقصرون عسى ربي يخليكم؟
سعد جلس وحط رجل على الثانية الحين يوم انكم محتاجين لمد يد العون والمساعدة ورى مادقيتوا لنا نجي وسويتوا روحكم مستحيين وخجلاننين ؟
مشعل جلس جنبه يبى السوالف هاذي مافيها خجل؟؟؟ترى تحتاسون بعمركم كل ماقلتوا نستحي ندق ومدري شنو؟
ابو تركي ههههههه
سعد اقول خالتي وين العروس بنبارك لها؟
مشعل أي صدق وينها ....

نورة ناديتيني يمه؟
ام سعد أي يمه...
نورة خير..
ام سعد بكرة ابيك تلبسين الجلابية الحمرة اللي اخذتيه من شالكي ومالبستيها؟
نورة اولا انا اخذتها لانك اصريتي اخذها وانا ماالبس ها الاشياء,,,ثانيا ليه؟
ام سعد علشان بكرة غذانا بيكون في منتجع الهوليدان خالتك ام فارس مسوية غذى حق جية فارس بالسلامة؟
نورة ...
ام سعد مااشوفك قلتي شي...عموما خالاته وعماته وكل اهله بيكونون هناك ابيك تكونين رزة بينهم مو تلببسين لي واحد من فساتينك ولابنطلون جينز وتي شرت ترى اذبحك؟
نورة بهدوء ليه متى فارس وصل ولابيوصل؟
ناظرتها ام سعد وسكتت,,,,,,
نورة بنفس الهدوء خبري فيه وصل قبل يومين مو بكرة بيجي؟
ام سعد أي...
نورة انتي ليه ماقلتيلي؟
ام سعد اقولك عن شنو؟
نورة عن انه نزل من دبي!!عن ان العزيمة كانت قبل يومين في بيتهم علشانه وكانت خاصة فيني وفيك وبس!!!عن انه كلمك امس وكان يبي يشوفني وانتي قلتيله اني بالمجمع!!!متى كنتي ناوية تقولين لي ولاكنتي بتمشينها لي انه بكرة بينزل؟
ام سعد بهدوء هذا طلبه...ماكان يبيك تدرين انه هنا كان يبي يتكلم معك بهدوء وقبل لااي احد يدري بجيته؟
نورة أي بس احنا لسه ماتكلمنا بهدوء على قولته؟ليه بيبين للعالم انه رجع من دبي؟ولاخلاص حسها مو حلوة وهو طالع داخل لو شافه احد من معارفهم بتصير موحلوة انهم مايدرون عنه؟
ام سعد وقفت وقالت قبل لاتمشي اللي انتي ماتعرفينه ان فارس مليون وحدة تتمناه..وانا مو فاهمة ليه انتي رافضته وكارهة سيرته اللي كل ماانفتحت لك قلبتي الموجة؟يانورة حطي عقلك براسك والله كامل والكامل الله ومامنه اثنين وشاري ودك ويبيك...ليه تبين تضيعينه من يدك مو قادرة افهم!!!

عبدالله كان جالس يكلم عبير وهو بالصالة...
عبدالله يعني امي قالت لك عن الملكة الليلة؟
عبير أي....
عبدالله وبتشرفونا طبعا..
عبير والله لسه ماقررت وش بلبس وهل بتجي معي اختي ولالا؟
عبدالله واذا ماجت معك؟
عبير تبيني اجلس بروحي!!انا مو جالسة مع الحريم واول مرة ادخل بيتكم,,,
عبدالله يبى علشانك انا الليلة مو طالع بقعد مرابط هنا لين اشوفك باي طريقة كانت..
عبير اعقل بلاجنون....
عبدالله مايخصني..
عبير وكيف العروس مبسوطة؟
عبدالله والله لسه ماشفتها قلت بمر ابارك لها من شوي بس كانت معها مدري منهي.......
عبير المهم بخليك انا اللحين وبرجع اتصل فيك بعد شوي طيب..
عبدالله بنتظارك....
سكر منها ودخلت مرام بعد شوي وفي يدها بوكيه ورد تركته على الطاولة ومشت تحوس بااغراضها اللي في المكتبة..
عبدالله وهو يناظر بالورد لمنو؟
مرام شنهو؟
عبدالله الورد...
مرام لمشاعل...
عبدالله من منو؟
مرام من وضحى مرة خالي خالد...
عبدالله اعتدل بقعدته وضحى...هي دازته يعني؟
مرام لا ..جت قبل شوي وباركت لمشاعل لانها تقول يمكن ماتقدر تجي الليلة حاسة بشوية تعب...
عبدالله بلهفة ووينها اللحين؟
مرام مشت...قالت انها تعبانة وسلمت على امي وباركت لمشاعل وراحت...بس تبي الصدق شكلها صدق تعبانة....الله يعنيها ماتولد وخالي خالد يصدق ويرتاح؟
اخذ جواله وطلع الشارع يدق على خالد....
خالد بدون نفس هلا..
عبدالله لو اقولك ماتصدق؟
خالد شنو؟
عبدالله وضحى كانت هنا قبل شوي؟
خالد بانفعال وضحى؟؟؟ووينها اللحين؟
عبداللله مشت...يقولون جت تبارك لاامي ومشاعل وبعدها مشت لانها مابتقدر تحضر الليلة.....
خالد
عبدالله على الاقل شي يطمن ياخالد....معناته ماهي بالمستشفى ومافيها شي كايد......

اول شي وش رايكم بالبارت وبللي صار فيه وشنو توقعاتكم للي جاي بالطريق؟
هل بتمر ملكة مشاعل وفواز بهدوء وعلى خير وسلاااام؟
هل بيعرف خالد مكان وضحى وبيدري انها تشتغل ولالا ومنوبيوقله عنها ولمنو بيشكي حاله؟
نوف وعبير وهل بيتم اللقاء اخيرا؟؟
ترى من زمان ماحطيت لكم توقعات ههههه يالله اشوفكم على خير ربي يسعدكم


****
***
**
*

البارت السادس والسابع والاربعين ,,,,,,,


عبدالله اقول نوف..
نوف هلا
عبدالله بغيتك بخدمة اذا ماعليك امر؟
نوف دق قلبها بقوة وحست ان السالفة فيها حبيبته وسوت روحها طبيعية خير,,,
عبدالله الخير بوجهك يابنت عمي بس بغيت اقولك تراها معزومة الليلة؟
نوف مسوية روحها مضيعة السالفة منهي؟
عبدالله نوف شفيك؟شنهو منهي؟عبير طبعا..
ناظرته وبعيونها الف معنى ومعنى وطبعا هو مافهمهم بس قالت بصوت متقطع أي تقصد حبيبتك؟
نطقت ها الكلمة وهي حاسة ان قلبها وقع وعيونها بتخونها باي لحظة وبتبكي بس ماقدرت تسوي شي قدامه,,
عبدالله عليك نور...هي عاد تدرين المطلوب منك شنو؟
نوف بقهر لاماادري ممكن تقولي!!
عبدالله ضحك وعلى باله انها تمزح معه قال برواق الله يسلمك ياحلوة ابيك تجلسين معها وتسولفين وتاخذين وتعطين...وتاخذون ارقام بعض وها السوالف يعني....
نوف بضيق يعني اضرب صحبة معها..
عبدالله وصلتي خير ياقمر...وبكون شاكر لك...بس وينك الليلة مافي نوم لازم تعطيني الاخبار والعلوم كلها؟
نوف بنفس الضيق وماتبيني بالمرة امهد لك شوفة؟
سكت عبدالله وكانه بيفكر تقدرين؟؟
قالها بتشكيك...
حست انها مو قادرة توقف اكثر اخذت بعضها ومشت عنه وقالت لا طبعا مااقدر؟؟
قالتها وهي تمسح دموعها علشان لو فكر يمشي وراها لايشوفهم!!!

نورة فتحت كاميرتها تصور مشاعل اللي قاعدة قايمة بدون أي هدف....
ياسمين وهي تضحك ايوه وبعدين...وش اخر مشاريعك اخت مشاعل؟
مشاعل اووووف لااحد يكلمني؟
نورة ليه عاد؟
مشاعل ماني عارفة وش اسوي؟
ياسمين لاتسوين شي...جلسي ارتخي لان بعد الصلاة بتسويلك الكوافيرة مكياجك وشعرك...وبتجلسين كاْنك اميرة وبعد كم ساعة بتنتهي الليلة وبتحطين راسك وبتروحين بسابع نومة؟
مشاعل قربت تبكي حرام عليكم حسوا فيني!!
ياسمين يالله عقابلك ام فارس..
نورة بوزت وقالت فكوني من سيرته يكفي امي ملزمة على روحة بكرة العالمية.....
ياسمين بصراحة انا مقدر اواسيك يامشاعل لاني مامريت بها المرحلة ابدا!!!
نورة ههههه ومبسوطة حيييل حضرتك؟
ياسمين أي وش ابي اكثر من اللي سواه نواف مع جدي جابوا الشيخ وخلصوا امورهم ونادوني بس اوقع واقول موافقة بدون خبر مسبق؟
مشاعل ونورة ناظروا في بعض وهم حاسين ان ياسمين ممكن تنفجر وظلوا ساكتين...
بعد فترة صمت مرة رفعت راسها تناظرهم وقالت بمرح شفيكم!!تراني اتكلم من جدي....زين ماسوا ماخلاني اظل على اعصابي فترة طويلة؟
مشاعل انتي تحكين من جدك؟.
ياسمين طبعا...
نورة ياسمين ممكن سؤال؟
ياسمين شنو؟
مشاعل ونورة بصوت واحد انتي تكرهين نواف؟
ناظرتهم وماقالت شي بس قالت وهي قايمة كاْن نوف تاْخرت"؟

ام سعد ها حصة شلونك؟
حصة هلا خالتي...
ام سعد ان شاءالله عقبال حمود ماتفرحين فيه؟
حصة الله يسمع منك ياخالتي...
ام سعد غمضي عينك وافتحيها وبتلاقين ها اليوم وصل,,
حصة اسمع امي تقول بكرة فارس بيوصل؟
ام سعد أي....ان شاءالله..
حصة وبعده يبي نورة ولاغيروا رايهم مايبونها؟
ام سعد حصة شها الكلام يمه؟
حصة لاموقصدي شي ياخالتي؟؟بس كنت اقول يعني هو ماتزوج ولا..
ام سعد بقوة لاتطمني يبيها وان شاءالله بعد اسبوع اسبوعين بيملكون؟
حصة والله وتزوجوا البنات بسرعة ومابقى احد...
ام سعد الله يفرحنا بنوف بعد قولي امين....ان شاءالله ياخذها واحد يستاهلها ويحطها بعيونه ويسكر عليها؟؟؟

مشاعل بخوف هذا فواز؟
ياسمين ناظرت في نورة..
نورة طيب واذا كان ردي عليه؟
مشاعل بخوف وش يبي؟
ياسمين ردي علشان تعرفين؟
مشاعل لامو رادة....
نورة ليه؟
مشاعل بخوف يمكن يقولي انه هون ومايبي يملك ومايبيني من الاساس؟
ياسمين وهي تضحك احسن بعد!!!يريحك من تفكيرك وخوفك؟
نورة بتاْييد أي والله وتقومين تحطين راسك وتنامين بلا ملكة بلا بطيخ؟؟
مشاعل بصراخ هييه انتي معها قلبوا وجيهكم....
اخذت ياسمين الجوال وردت وحطته سبيكر ومشاعل تسوي لها حركات تهديد ونورة ضاربتها تصوير علشان يعايرونها بعدين,,,,
فواز بهدوء الو..
مشاعل بخوف هلا...
فواز بارتياح هلا وغلا,,,,
مشاعل بخوف فيك شي؟
فواز شي مثل شنو؟
مشاعل بتردد مدري؟
فواز يعني اقدر افهم ان اتصالي خوفك؟
مشاعل بتنهيدة يعني...
فواز ليه مالازم الواحد يتطمن على حبيبته قبل الملكة ويشوف نفسيتها؟
مشاعل بسرعة لا..
فواز بصدق جد؟؟؟والله محد قال لي!!وانا ماسئلت احد؟يعني كان المفروض مااتصل؟.
نورة وياسمين ياْشرون على مشاعل تقول شي وهي بلمت وسكتت..
فواز بعدك معي مشاعل؟
مشاعل أي...
فواز طيب وين سرحتي؟
مشاعل بتنهيدة لاولامكان بس كنت افكر ب....
فواز بشنو؟
مشاعل مدري.....
فواز عطلتك عن شغلك؟
مشاعل هو انا قاعدة ماعندي شي مع صديقاتي بس اتصالك خلاني اخاف بصراحة؟
فواز انا اسف ماتوقعت اتصالي بيربكك كذا!!حقك عليّ يالغالية....بتركك اللحين بس قولي لي انتي بخير ومافيك شي؟
مشاعل ليه تساْل؟
فواز كذا بس ابي اتطمن..
مشاعل مافيني شي تطمن....

بعد صلاة المغرب,,
كانت نوف طالعة من غرفتهم مستعجلة وماعليها عبايتها ونزلت للمجلس اللي تحت واول ماوصلت لباب المجلس نادتها حصة,,,
حصة خير ان شاءالله على وين؟
نوف بتنهيدة تبين شي ياحصة تراني حييل مستعجلة؟
بها اللحظة وصل تركي من الباب الخارجي للمجلس وكان بيدخل من نفس الباب اللي نوف واقفة عنده بس يوم سمع صوتها هي وحصة وقف يسمع كلامهم,,,,
حصة عشتوا....وش عندك عاد مستعجلة؟
نوف ياربي على سوالفك ياحصة؟يعني انتي تشوفين انه وقت اخذ وعطى بالحكي والناس جايين اللحين...
حصة قومي كفخيني بعد يللي ماتستحين؟
نوف جت بتمشي وبتحقر بس كلام حصة وقفها
حصة وبعدين ليه ماخذة راحتك باللبس كذا ماتدرين ان البيت فيه رجال؟
نوف بحدة حصة..البيت امان؟كل الرجال بالمجلس الخارجي وبعدين كل البنات شايللين عبيهم جت عليّ انا!!!انتي وش تبين تلمحين له بالضبط؟
حصة اقول ترى ثوبك قصير ولو تبدلينه يكون افضل..
وقف قلب تركي من كلمة ثوبك قصير وقعد يدعي انه يشوفه..
نوف بنفس الحدة ماراح ابدله زين...واذا ماعندك سالفة لو سمحتي اتركيني بحالي لان وراي شغل؟
حصة انتي منو مكبر راسك بالله؟
نوف انتي وش تبين مني!!!ليه حاطة دوبك ودوبي؟
حصة بقهر لاني عارفتك زين وعارفة نواياك؟
نوف تخصرت بالله!!!وشنهي نواياي بالله!!!
حصة ادري انك حاطة عينك على واحد من اخواني ومنتي خالية...
نوف عيب يابنت الناس ها الحكي....انا بنت عمك وهم عيال عمي كيف تفكرين كذا بس!!
حصة لان هاذي الحقيقة...قولي انتي منو حاطة في بالك بالضبط؟
نوف بقهر زين انك قلتيلي عن شعورك...بس تدرين انتي مابترتاحين غير لمى توقفين عند حدك...تدرين شلون انا حاطة تركي في بالي ارتحتي اللحين؟
مايدري تركي هو صدق سمع اسمه ولالا؟هو ماركز بلهجة نوف علشان يعرف اذا كانت صادقة ولاتجاري حصة بس!!
كل اللي عرفه انه شهقة طلعت من حصة ووراها قائمة سب وشتم وبعدها سمع صوت وحدة تنادي حصة وبايتنها مشت لانه بها اللحظات سمع تنهيدة قريبة منه حييل وكانت نوف دخلت المجلس اللي هو فيه...
مايدير وش اللي جاه وتقرب من جنبها وهو فاتح ذرعانه علشان يضمها وهي كانت مغمضة عيونها وتتنهد وتقول كلام مو مفهوم...
وصارت اللحظة الحاسمة وطاحت نوف بحضن تركي؟؟؟

خالد كان واقف في حوش بيت ابو تركي مع عبدالله وهو رايح جاي واعصابه فلتانة ومبين عليه التعب والارهاق ومو قادر يركز بشي...
عبدالله هدي...هدي..
خالد بتعب طيب هي بخير بس السؤال وينها فيه؟وليه ماتبي ترد لاعلى اتصالاتي ولاعلى مسجاتي!!
عبدالله علشان تاْدبك؟
تنرفز خالد وكان بيقول شي بس غير رايه..
عبدالله خل ندخل المجلس مايصير الجماعة واصلين واحنا هنا بس نسولف وماخذين راحتنا...يالله لايعصب علينا ابوي,,,,
خالد اسبقني انت....احس اني متنرفز حييل وماودي اشوف احد من العالم ولو ماهي ملكة مشاعل والله ماجيت بس غلاتها عندي هي اللي جابتني...ضايقة فيني ارض الله ياعبدالله وانت تدري بها الشي,,,
دخل عبدالله داخل وخالد ظل واقف وهو افكاره كلها ماهي معه...كل اللي رجعه لاارض الواقع صوت نواف اللي كان داخل وهو يكلم بجواله واللي ماانتبه لوجود خالد عن يمينه..
نواف أي وضحى معك....لاالشركة نفسها ماتغير موقعها...طيب انا اذا شفت خالد بوصفها له بعد شوي.....ليه مو هو اللي بياخذك وبيردك؟طيب مو مشكلة...يعني بكرة بتجين تتغذين معنا...خلاص اذا شفتك بكرة قلت لك...يالله ياعمري مع السلامة,,,
وقف خالد بمكانه وكلام نواف في باله,,,,,,

كانت بحضن تركي بها اللحظات وماتفصلهم لاعباية ولاشيلة ولاهم يحزنون,,,,,
تركي بهمس لها نوف انا...
نوف بانفعال اسفة انا اسفة...ماكنت بقول شي من ها الكلام بس هي جبرتني اقول....
قاطعها بسرعة نوف انتي لو ماكنتي قلتيها انا اكيد كنت بقولها..
دق قلبها بقوة وماعرفت شتسوي....
نوف وهي بعدها غرقانة بحضنه وماهي قاوية ترفع راسها تشوفه شنو..؟
تركي نوف انا احب....

يتبع ,,,,

👇👇👇
تعليقات
    حجم الخط
    +
    16
    -
    تباعد السطور
    +
    2
    -