بداية

رواية كل يوم لك حال جديد يوم قريب ويوم بعيد -21

رواية كل يوم لك حال جديد يوم قريب ويوم بعيد - غرام

رواية كل يوم لك حال جديد يوم قريب ويوم بعيد -21

تركي بهمس لها نوف انا...
نوف بانفعال اسفة انا اسفة...ماكنت بقول شي من ها الكلام بس هي جبرتني اقول....
قاطعها بسرعة نوف انتي لو ماكنتي قلتيها انا اكيد كنت بقولها..
دق قلبها بقوة وماعرفت شتسوي....
نوف وهي بعدها غرقانة بحضنه وماهي قاوية ترفع راسها تشوفه شنو..؟
تركي نوف انا احب....
دق جواله بها اللحظة وابتعدت عنه بسرعة وكانها انتبهت انها كانت بحضنه وقفت ثواني تسترد انفاسها ولقته واقف قبالها يناظرها ..
ماتدري وش اللي منعها تطلع بسرعة ووقفت تشوفه وهو يشوفها والجوال بعده يدق,,,,
ساعتها بس يوم شبعت من نظراته مشت,,,,
مشت وظل هو واقف مكانه يناظر الباب اللي طلعت منه ويستعرض صورتها بها الثوب كيف كانت؟؟كل اللي يعرفه انها يوم كانت بحضنه غمض عيونه وحضنها بالقوة لاتفلت منه؟؟؟؟

ياسمين حاسة يامشاعل ان خالد فيه شي؟
مشاعل أي...سلامه كان سريع ومقتضب...عمري ماتوقعته بيكون كذا يوم ملكتي!!!
ياسمين لاتتحسسين ..السالفة مو سالفة ملكتك...هو فيه شي؟
مشاعل تهقين زعلان على تعب وضحى؟
ياسمين ليه لهدرجة هي متعبها الحمل؟
مشاعل لو شفتيها اليوم ياياسمين ماتقولين هي وضحى,,,وقسم بالله لو اقول لك كبرت عشر سنين ماابالغ!!!وجهها شاحب بدرجة كبيرة ومبين عليها الارهاق والتعب...الله يكون بعونها...شكله حملها ثقيل؟
ياسمين كنت بكلمها اليوم اساْل عنها بس ماصار عندي وقت...بكرة ان شاءالله بمرها؟
نورة وهي تتكحل أي نبي نكسب رضى نواف مالنا الاخواته؟
رمت ياسمين عليها المخدة وقالت انا احب وضحى لانها وضحى ولانها زوجة خالد واذا كنت بكره فيها شي فا لانها اخته؟؟؟
نورة دزت نوف بكتفها وقالت بهمس بنت ماهو وقت سرحان ابدا!!
نوف وهي تتنفس بسرعة مو بيدي يانورة اللي صار فوق طاقتي وتحملي!!والله ماكنت قاصدة يشوفني كذا بس...
نورة منهو فيهم عبدالله ولاتركي؟
جت نوف تتكلم بس نورة قالت بسرعة خلاص خليها لسهرة الليلة...
تنهدت نوف واسكتت وانتبهت على صوت خالتها ام تركي تسلم على بنتين داخلين وهي تسال منهي فيهم عبير ومنهي غدير,,,
رفعت راسها وشافتها.....يوم تقول انا عبير,,,,
الله يالدنيا...انتي عبير!!!واخيرا التقينا؟؟
الحمد الله ماهو بزين فيك يوم اختارك عبدالله بس القلوب هي اللي تقربنا من ناس وتبعدنا عنهم!!!
مشت لعندها وسط اعتراض نورة وعرفت بنفسها...
نوف هلا وغلا ببنات الجيران اللي ماينشافون؟
غدير ابتسمت هلا فيك.....انتي اكيد مو مرام ولاحصة...
نوف انا نوف....
عبير اكتفت انها تناظرها من فوق وتحت وماتتكلم....
دق جوال اختها غدير واستئذنت وقامت...
نوف لفت لها هلا عبير..
عبير بدون نفس اهلا...
نوف شلونك...
عبير بخير.....
نوف ..........
عبير
نوف صار لازم نتقرب من بعض ونتعرف على بعض؟
عبير بدون نفس أي يصير خير؟
كان ودها تقوم تصارخ بوجهها وتقول لها انتي وحدة وقحة وقليلة ذوق وماعندك أي سالفة؟؟وش عليه شايفة نفسك وانتي بوسط بيتي!!بس كله علشان الغالي ...كلامها مع ها الانسانة علشانه هو وبس!!!
نوف فينا ناخذ ارقام بعض...
عبير بهمجية وهي تاكل الكيك مو وقته ماني فاضية اللحين؟
نورة جت معلنة حالة الطوارى وسحبت نوف من يدها وقالت لها بهمس قومي لاتقوم بينكم معركة اللحين والله مااردى من عبدالله الا هي!!ياشينه وياشين مااختار؟؟

وضحى بس كانت بعيدا عن كل اجواء الفرح المسيطر على العايلة وكانها ماتقرب لهم لامن قريب ولامن بعيد!!!
احساسها بالغربة في ها البيت اكبر من احساسها بجرحها وبجرح كرامتها؟؟
كانت دموعها هي الوحيدة اللي تسليها وتهون عنها,,,
كل الوساوس كانت تمر على بالها ذيك اللحظات,,,,ليه هو خانها؟؟؟وش اللي فيها ماكان عاجبه؟؟؟من بداية زواجهم ولا توه؟؟؟طيب هل هي نفسها البنت دايما يخونها معها يعني هي محددة لشي فيها ولا هم كثيريين وهاذي وحدة من ضمنهم!!!
كانت النار تشتعل فيها من كل صوب وهواجيسها تودي وتجيب...
اه منك ياخيانة خالد اه....لو تدري بس وش سويت ياولد العم فيني!!!
ياليتك كنت غريب عني ومابشره عليك بس انك تكون من لحمي ودمي ودمنا واحد ؟؟؟هذا اصعب شي تخيلته...اللحين بس صدقت بالسوالف اللي يقولونها اذا قالوا فلانة انتحرت يوم يخونها زوجها وفلانة انهارت يوم تكتشف ان زوجها على علاقة بوحدة ثانية,,,,
الله يسامحك يابو ولدي...الله يسامحك....

نواف بهمس وش فيك؟
تركي بهمس اكبر كانت بحضني!!!
نواف نوف؟؟
تركي أي..
نواف بدهشة وش الطاري عاد؟؟
تركي تنهد قالت انها تبيني؟؟؟يعني هي حاطة عينها عليّ!!
نواف قالت لك؟
تركي لا...قالت لحصة؟
نواف انت متاْكد انها قالت اسمك؟
تركي بتنهيدة أي...وانا جيت بقول لها احبك بس باخر شي وقفت معي الكلمة يوم يدق جوالي!!!
نواف .
تركي وهو مغمض عيونه مو عارف شسوي...احس جسمي كله يرجف..حاس انها لسه باقية بحضني وريحة عطرها لسه فيني مو راضية تروح؟
نواف تركي.....اهدا شفيك...انت بمجلس رجاجيل وكلهم ملاحظين شرودك....
تركي لازم اشوفها الليلة واقول لها....خلاص ماعدت اتحمل اكثر؟؟؟

في المجلس اللي كان جالس فيه فواز ينتظر مشاعل اللي راحوا سعد ومشعل ينادونها,,,,
دخل اول سعد وبعده دخلت مشاعل وبعدها دخل مشعل ووقف فواز يوم شافها داخلة...
سعد يالله امشي؟؟
ابتسم فواز لهم....
مشاعل تقربت من فواز وهي تمشي بهدوء ويوم صارت بالنص مشى هو لين وصل عندها...ووقف قبالها ومسك يدها وباسها
فواز مبروك يالغلا....
مشاعل وهي تدري ان سالفتها الليلة على العربية مدام اخوان الشر معها قالت بصوت يالله يطلع مبروك لك انت بعد!!!
مسك يدها ومشاها معه وجلسها جنبه وسعد ومشعل قبالهم واقفين..
رفع فواز راسه وشافهم وابتسم لهم...
سعد حتى اذا ظليت تبتسم طول الليلة ماراح نطلع؟
فواز يكلم مشاعل هذولا عيال خالتك اللي كنتي بايعتني علشانهم الاسبوع اللي راح؟
مشاعل اكتفت انها تبتسم..
مشعل بنفخة ترى أي حسد بالعالم مايبعدنا احنا وبنت خالتي عن بعض؟
سعد حتى السحور ماتفيد؟
ضحك لهم فواز وقال والمطلوب مني!!!
سعد خلاص شفتها...يالله مع السلامة؟
فواز طيب مافيني اقدم أي شي علشان اظل وقت اطول مع اميرتي!!!
مشعل ادفع؟؟؟جدي علمنا اذا نسوي خدمات لازم بالمقابل ناخذ شي؟
فواز وهو يضحك طيب معليش بعد شوي بدفع بقعد معها دقايق بس!!
سعد شكلك دفعت المهر وفلست!!!يالله مو مشكلة احنا بننتظر برى المجلس واذا مادفعت ترى ندل شركتك؟
طلعوا ولف لها واخذ يدها بيدينه وهو يبوسهم مشاءالله تبارك الرحمان قمر...
مشاعل .
فواز اهم شي قريتي على نفسك المعوذات ترى بجد خايف تصيبك عيوني!!
مشاعل بهمس لاتكبرني بعيون نفسي؟
فواز حقك ياشيخة البنات؟
مشاعل .
فواز بهمس ممكن تدنين بحضني شوي؟
دق قلبها خوف..مو من اللي قاعد جنبها بس من اللي كانوا واقفين ورى الباب وهم باي لحظة بيدخلون بدون اذن؟

اليوم الثاني كان ثقيل حييييل على بعض الناس اللي ماكانوا يبونه يجي مثل نورة وبطيء موووت وينتظرون طلعته مثل خالد,,,
خلونا نبتدي بخالد اللي كان واقف قبال بيت عمه من البارح وهو ينتظر أي سيارة تجي وتنزل منها وضحى ولا أي بنت تمشي بالشارع معناته بتكون هي,,,
كانت سيارته بعيد شوي عن بيتهم واصلا ماجا بسيارته علشان لاتعرفها وضحى وترجع,,,,
كان حاط بقرارة نفسه انه يكلمها اليوم باي شكل من الاشكال وبيضطر يقعد لااخر الليل واذا ماطلعت بيدخل لها البيت ويكلمها,,,
كان يتنهد بقوة واعصابه فلتانة حييييل,,,,حتى السيجارة دلت فمه من طلعت وضحى من البيت؟؟؟
حس بر بكة مو طبيعية يوم شافها جاية بسيارة تاكسي ونازلة عند بيت اهلها؟
تنهد بقوة حس انه يبي روح لها ويمسكها قبل تدخل ويتفاهم معها...موشرط ترضى تكلمه ومايبي يغصبها على ها الشي بس تفتح شيلتها ويشوف وجهها ويشوفها هل هي بخير ولالا؟
بس يتطمن عليها هاذي كانت امنية خالد بذيك اللحظات بس مايدري ليش حس نفسه انشل بمكانه وماقدر يتحرك ويقوم لها,,,يمكن لانه حس بيشوف بعيونها اكبر عذاب هو اللي تسبب فيه؟ويمكن لانه مابيقدر ينطق بكلمة وحدة قدامها وقدام زعلها؟
تنهد بقوة يوم شافها دخلت وسكرت الباب وراها....بس وين هو جالس من البارحة هنا وماهي فارقة معاه أي شي بيظل منتظرها لين تطلع وبيلحقها...لازم تسمعه ويسمعها ويتطمن عليها,,,

نورة كانت قاعدة بالمنتجع باكبر ضيق بالدنيا كل اللي موجودين اهل فارس..عماته,,خالاته,,,بنات عمه وبنات خالته وبنات خاله...
كل العيلة حتى امها ماشافتها من جت لانها كانت معهم ومندمجين بالسوالف,,,الا هي ....كانت جالسة بروحها والكل يتفحصها وكانها سلعة معروضة للبيع!!
حست انها بتنفجر باي لحظة..ماهي قادرة حتى ترفع راسها وتشوف الموجودين لان الكل كان يناظرها ويتهامس عنها...اللي يقول ليه اختاروها لفارس وش فيها من زود؟؟واللي يقول هو احلى منها بمرات حرام يظلمونه فيها؟واللي يقول اكيد لسه ماشافها واذا شافها بيغير رايه هذا شايف اللي هي احلى منها بعشر مرات وش يبي فيها؟
كانت تبي تنطق وتتكلم وتقول لهم انا بعد ماابيه!!والله مالي شغل بها العرس كله؟مو انا اخترته..ولاانا جبرته,,,,تبي احد يصدقها وتوقف ها الحكي كله حست ان جيتها من الاساس غلط بغلط,,ماكان المفروض انها تجي..بس اصرار ام فارس انها تكون موجودة اليوم هو اللي خلاها تنحرج لانها من البارحة تلفونات معها وتاْكد عليها...
حست الجو مكتم واخذت تلفونها بتطلع تكلم نوف تشكي لها حالها وضيقها من الجو اللي حوالينها....
توها بتشيل عبايتها وبتطلع الا خالتها ام فارس داخلة وبيدها كيس...
ابتسمت لها بالغصب علشان لاتشوف ضيقها وجلست جنبها....
ام فارس هلا بالنور كله..
نورة هلا فيك ياخالتي..
طلعت ام فارس الطقم اللي كان بالكيس وفتحت علبته..
ام فارس وش رايك فيه يانورة؟
نورة كانت تناظره وتناظر خالتها وهي ساكتة..
ام فارس انا قلت اول مايجي فارس وبيوم عزيمته بلبسك طقم على ذوقي بس عاد فارس مارضى قال طقمها انا شاريه لها من دبي وبذوقي انا؟
حست ان كل نظرات الموجودين كانت تلتف عليها وعلى الطقم وكانهم يقولون ماتستاهل تلبسه!!
لبستها اياه ام فارس وهي تسمي وتهلل عليها وبعدها قامت لعند الحريم اللي كانوا قاعدين بالقسم الثاني.....
حست ان كل الموجودين يتهامسون عليها واخذت بعضها وطلعت تمشي برى......
كانت واقفة عند البركة بعد مالبست عبايتها وشيلتها لانهم الظاهر ماعندهم مانع يجلسون كذا...
غمضت عيونها تداري دموعها لاينزلون ويفضحونها....
الله يسامحك يايمه..ليه حطيتيني بها الموقف بس!!!
بها اللحظات نورة اخر همس كانت تتمنى تسمعه هو صوت فارس اللي كان واقف جنبها ويسالها بهمس عن اخبارها..
ماقدرت ترد عليه..
فارس بخوف نورة شفيك؟
حست انها تبي تبكي....ماتبيه يتعامل معها بها الحنان والخوف اللي يذوبوها...
ماانتبهت الا على دموعها وهم ينزلون منها بحرارة وهو واقف يناظرها لانها ماكانت مغطية وجهها والشيلة بس لافتها على شعرها...
فارس بخوف اكبر نورة شفيك؟
قالت بصوت متقطع فيك تتراجع محد جابرك على ها الزواج يافارس؟؟؟

طبعا هذا بارت اليوم وبكرة لاني مابقدر انزل لكم بارت بكرة لاتنسون التعليق واشوفكم يوم الخميس باذن الله


****
***
**
*


منورين يالغلا ومشكورين على تفاعلكم الرائع,,,

البارت الثامن والاربعين ,,,,


وقف مكانه يردد كلامها مصدوم فيك تتراجع؟؟محد جبرك على ها الزواج!!!!
نزلت نورة راسها وهي حاسة بالهيبة منه ومن قربه لها,,
فارس بانفعال نورة,,,علامك منو قايل لك ها الحكي؟
نورة وبدت تدمع ومنو راضي اني اكون لك اصلا!!!
كلامهم جرحها..ها الشي اللي هي حاسة انه قاعد يخنقها,,,صحيح هي ماتبي فارس لانها رافضة فكرة ان الاهل يختارون لعيالهم من الصغر وبالنهاية هو بعيد وهي بعيدة ومايعرفون عن بعض شي ويتزوجون؟
حياة فارس البعيدة عنهم هي اللي مضايقتها...ماتدري ولاتعرف عنه أي شي...شخصيته كيف ممكن تكون؟هل عند غموض بالحياة ولالا؟عنده علاقات ولالا؟كل هذا جمعوا عندها الرفض...
بس يوم التقت في اهله اليوم وكلامهم ونغزاتهم لها كل شوي خلوها تتضايق وتحس انها مفروضة عليه....
فارس بقوة رجعتها للواقع احد قايل لك شي ومضايقك؟
نورة سكتت وكرر هو نفس سؤاله,,,
بعدها قالت وهي تناظر بعيد وتمسح دمعتها مو مهم؟
فارس بانفعال مايل للصراخ بس انا ملزم...
وقف قلبها من حدته بالكلام معها وماعرفت شتقول...
فارس نورة ...تكفين قولي احد قايل شي وضايقك؟
نورة بانفعال كلهم مايبوني...كلهم يقولون ليه ياخذها وش فيها من زود عاد؟؟؟ كلهم يقولون فارس تسواه الف بنت وهي مافيها شي مميز؟وش تبي بعد يقولون قولي!!
فاجاْتها نبرتها العصبية وحست انها توهقت..كذا كاْنها هي موافقة وهو اللي اهله رافضين..
ماتدري وش جاها....
تنهدت وسكتت وهو بعده يناظرها...
فارس باصرار مايهموني...محد يهمني بالعالم يانورة...ابيك ومن زمان وانا ابيك وافكر فيك...من قالوا لي نورة شيخة البنات لك صرتي ترافقين كل أحلامي وماتفارقين خيالي ابدا!!
نورة علشان اكون صريح معك كنت مرتاح حييل لها السالفة اني لك وانك لي لين قبل فترة بسيطة مرت وشبكت معي وحدة ولاواحد مدري...
كل اللي كان ينكتب لي عن علاقتنا انا معك ويحاولون يشوهون صورتك في بالي!!
ساعة يقولون انتي ماتبيني؟وساعة يقولون انتي تحبين احد ثاني وساعة كلام سخيف ماودي اذكره....ها الشي بس هو اللي خلاني اجي حتى قبل ماتنتهي اشغالي اللي هناك...اقسم لك يانورة علشان اخذك بس واكون متطمن انك لي واني لك رجعت وبعدها بكمل شغلي....انتي عندي اهم شي هنا...رجعت علشانك وعلشان اثبت للي يبون يفرقون ولايحاولون..ان الحقيقة مو مثل ماهم يشوفون...انا ابيك وانتي تبيني,,,ومهما سووا العذال ماهموني ابدا يالغالية....بس صدقيني لو يطيح في يدي هذا اللي جاب بسيرتك والله لاادفنه بيدي ومايشوف خير ابدا!!!تطمني ياشيخة البنات انتي لي....ولو ماكنت مصر عليك ماكنت ابي التقي فيك قبل لاالتقي بكل اهلي....ماتكفيك هاذي اني كنت جاي قبل يومين علشان اشوفك انتي وبس وتوني اليوم جاي اشوف اهلي والتقي فيهم؟
لهنا بس وغمضت نورة عيونها علشان لايشوف انفعالاتها....لو عرف انها هي اللي كانت معه وتقول له ها الكلام وش بيسوي ياترى؟

بظل شروده وسرحانه يوم كان بسيارته دق جواله وقطع عليه الجو,,
استثقل يطلعه من جيبه ويرد بس يوم طلعه وشاف اسم ياسمين حس براحة ورد عليها...
ياسمين اقول صباح الانوارولا من زمان جالسين ولاشنو؟
خالد بتعب هلا ياسمين..
سكتت شوي بعدها قالت بجدية خالد..شفيك حبيبي صوتك ماهو على بعضه؟
خالد زفر زفرة طويلة وبعدها قال ولاشي..
ياسمين باصرار بلى...ترى لاتفكرني توني ملاحظة عليك تعبك...انا حاسة فيك من يومين وامس حتى مشاعل اكدت لي ان فيك شي...مو معقول انك تكون خالد اللي نعرفه ونحبه... يااخي انت مو شايف نفسك وشايف تعبك....
قلبت بعدين لهجتها للمرح وقالت يبى تستاهل وضحى تتعب نفسك علشان تعبها...بس يبى فترة وبتعدي وبترتاح ان شاءالله..
خالد وضحى......وضحى...
ياسمين أي..قالت لنا مشاعلوا انها مبين عليها التعب يوم تجيها امس...يالله خالد هونها وتهون علامك؟
مسح دمعة نزلت من عينه وقال بضيق ياسمين ابي اشوفك اليوم...محتاج اتكلم معك..
ياسمين بخوف خالد شفيك؟
تنهد وظل يبكي بصمت وهي حست عليه..
ياسمين بظل منتظرة منك اتصال وتاْكد لو مااتصلت راح اجيك طيب...
خالد طيب....

مرام صباح النور....
حصة أي صباح انتي الثانية بعد قربت تدخل على الثنتين...
مرام يااخي خلصت الملكة وجلسنا نسولف لين الفجر وبعد مامشى ابوي رحنا نمنا يعني مانمنا الا على السبع....
حصة ليه ابوي وين راح؟
مرام الرياض...شفيك كل شهر ابوي يروح اجتماع مجلس الادارة اللي هناك....
حصة امممممم....ووين البنات؟
مرام مشاعل قالت ان فواز بيمرها بيتغذون برى هو قايل لاابوي من امس ونوف اعتقد نايمة لاني ماشفتها,,,,,,
حصة سكتت شوي وبعدها راحت لغرفة نوف ودخلت بدون ماتدق الباب...
كانت نوف واقفة قبال المرايا تناظر بنفسها وتتذكر عبير وتركي وسعود ورسالته اللي دزها البارح وماقدرت تقول لااحد عنها شي...
وماهي عارفة شتسوي,,,,
وتفاجاْت بصوت حصة من وراها...
حصة عسى ماشر اول مرة تلاحظين انك مو حلوة وشينة؟
تنفست بعمق وقالت بحدة مو عرفتي اللي تبين تعرفينه امس وش تبين مني بعد!!!
حصة باستفزاز جاية اقولك حريمتك...مو طايلة شعرة من تركي..
نوف بشماتة والله!!!مااصدقك؟
حصة انتي هيهه..وش مفكرة نفسك بالله!!!شيلي اخوي من بالك؟
نوف واذا قلت لك هو حاطني في باله ؟
حصة نوف...ترى صدقيني ماراح يصير لك خير اذا بعدك حاطته في بالك؟
نوف بعصبية وانفعال ماراح اشيله زين ماراح اشيله؟وباخذه غصبا عنك وعن الكل بعد!!واذا تبين اللحين؟
حصة بنفس الصراخ طلعي من بيتنا وفكينا من بلاك..روحي بيت اخوك
نوف ..
حصة بنفس العصبية أي مالومه اخوك مايتحملك ومايبي يبلي نفسه فيك..بس يكون في علمك وعلمه بياخذك وغصبا عنه احنا مو قاصرينك وخل يتحمل اذاك بروحه هو اخوك وملزوم فيك احنا مانبيك....سمعيها وفهميها كل البيت مايبونك؟

في مطعم مكسم بالخبر....
فواز الف والف والف والف مبروك....
مشاعل ابتسمت وبعدها ضحكت..
فواز خير..
مشاعل اقول عادي...يعني اصير على طبيعتي وماتفكرني مجنونة؟
فواز مسك يدها وقال بجدية مشاعل...ابيك تكونين بطبيعتك طبعا ياحياتي.....
مشاعل خلاص ذيك راحت عليك بنشوف بعدها وش يطلع؟
فواز طيب....بسالك سؤال؟
قاطعته مشاعل انا بخير ومافيني شي...فواز علامك كل دقيقة والثانية سئلتني اذا كنت بخير ومرتاحة ولالا؟صاير معك شي؟ترى بجد بديت اقلق واخاف؟
فواز بجدية تخافين؟
مشاعل أي...يعني مدري حاسة نبرة الخوف طاغية عليك....
فواز تنهد وهو ماسك يدها وقال لها بحنان مشاعل انتي بترضين بحياتي بكل مافيها من حلو ومر؟
مشاعل طبعا...
فواز لاتتعجلين بالاجابة فكري وبعدها قولي...
مشاعل شفكر فيه عاد؟ادري اني ابيك وادري ان واحد مثلك حياتي كلها مشاريع وصفقات وفلوس ممكن تكون تعيسة مو فرحة لانك مشتت ووقتك معظمه بالعمل ومشاكله ويمكن مااشوفك كثير وافقدك بحياتي....و
فواز صايرة تفهمين عليّ بس بعدك ماوصلتي للي ابيه؟
مشاعل قول انا اسمعك ,,
فواز علاقتي باهل ابوي مش كويسة..
مشاعل بتعاطف ليه ياحرام....معقولة...احس انك حبوب ومحد مايحبك؟
ابتسم لها وشد على يدها وقال بهمس افهم انك تحبيني!!!
مشاعل نزلت راسها وقالت بخجل في احد يعرفك ومايحبك؟
فواز بنفس الهمس واذا ها الاحد مصر يسمعك تقولينها بصراحة؟
مشاعل ....
فواز بهمس بنطول على ماتقولينها ونسمعها؟
مشاعل بخجل كمل موضوعك لااقاطعك؟
فواز بهمس اكثر بكمل بس حطي في بالك باخذها منك قبل لاارجعك البيت,,,,المهم شكنت اقول انا..
مشاعل اهل ابوك...
فواز أي..هم يبوني اتزوج وحدة من بناتهم علشان الورث ...يعني كل الورث ابوي كان كاتبه باسمي...وضايقهم ها الشي....وانا متاكد انهم بيحاولون يضايقونك علشان يبعدونك عني!!ابيك تكونين قوية وماتخليهم يهمونك باي شي....

حس قلبه يدق بقوة وهو يشوف نواف يطلع سيارته من الكراج...
تاْمل يمكن تكون جنبه جالسة بس حمد ربه انها مو معه ومامعاه احد وتنهد بارتياح.....
ظلت عيونه على باب بيتهم وهم قلبه يدق بقوة,,,,
حاس بشي غريب قاعد يصير له شنو مايدري؟
حتى بالايام اللي كانوا هو ووضحى يتهاوشون مع بعض ويجي يراضيها ويخاف انها ماترضى كانت نفسيته وقلقه اخف من كذا!!
ها المرة غير ياخالد ها المرة خيانة؟فاهم شنو يعني خيانة؟وتكون انت اللي خنتها؟معناته انت حطمت حتى ثقتها بنفسها؟معناته انت مو عاطيها أي احترام او اعتبار بحياتك؟
تنهد بقوة وهو يكلم عقله....انا احبها....اقسم بالله احبها...بس شسوي الشيطان قص عليّ بلحظة جنون ونسيت كل شي...زين لي انها ماراح تدري وانها بتكون وبتصير وبتعدي وبرجع مع وضحى عادي.........بس هذا كله ماصار...مرت وانا خفت أي خفت وحطيت يدي على قلبي بعد...والادهى والامر ان وضحى عرفت وهو ماعرف شيقول لحظتها,,,,,
استاهل كل اللي يصير فيني واللي بيصير بعد,,,,لاخفت من ربي ومن عقابه ولا فكرت بللي راح يصير بحياتي لو درت مرتي واللي القهر اني احبها وان احنا متفقين ومريحتني,,,,لو كانت وضحى انسانة ثانية ومابينا أي اتفاق كنت بقول معي حق لو خنتها,,بس وضحى..حلوة ولابسة وكاشخة علشاني...وفوق كل هذا تحبني واحبها وان كانت حياتنا ماتخلو من مشاكل عابرة تصيب أي اثنين بالعالم,,,,كيف بتوقع يكون جرحها بالله!!!
دق قلبه يوم شاف سيارة تاكسي واقفة جنب بيتهم وبعد دقايق طلعت منه وضحى....اي هاذي وضحى انا متاْكد من ها الشي؟
ركبت سيارة التاكسي ومشت ومشى وراها بسيارته,,,

تركي بروحه كان حايس بالمستشفى ومو عارف وش يسوي..
طيحة نوف المفاجاْة اربكته...
والامر منها كان انهيارها وبكيها اول ماكانت مع حصة؟ياترى وش فيها؟وش اللي شايلته بقلبها بعد وانا ماادري عنه؟؟؟
تنهد بقوة ولف للمرضة اللي مرت وجاية تكلمه..
الممرضة بترتاح شوي بعد ها الابرة..
تركي بخوف واضح طيب شفيها..
الممرضة مثل ماقال لك الدكتور ولاشي..يمكن انها تكون مجمعة عندها اوجاعها وبالنهاية ماقدرت وانفجرت مرة وحدة...
تنهد بقوة ودخل الغرفة يشوفها..
اول ماوصل عند الباب سمع صوت بكيها لانه كان عالي شوي...
مشى بخطوات ثقيلة لعندها وجلس على حافة السرير اللي هي قاعدة فيه...
شال يدينها اللي كانت مغطية فيها وجهها وقال برقة وخوف نوف شفيك؟
نوف من بين دموعها تزوجني ياتركي اذا لي قدر عندك تزوجني!!
تركي بصدمة لايانوف لا..

الله الله بالتوقعات ليوم السبت ان شاءالله


****
***
**
*


مرحبا فيكم ياحلوين وين ماكنتوا ومتى ماقريتوا..
شخباركم وشنهي علومكم والله واحشيني مووت,,,

البارت التاسع والاربعين ,,,,,,,


مشعل كان قاعد بالصالة ودخل احمد اللي كان طالع مع ابوه وتوه راد....
مشعل اقول حمدي...
احمد نعم...
مشعل ابوك متى بيتزوج؟
احمد ابوي متزوج...امي,,
مشعل ياحظي ابوك بيتزوج اختي امك راحت خلاص بخبر كان؟
جت ياسمين بها اللحظات ووقفت عند الباب قبل لاتدخل...
احمد باصرار أي بس انا توني راد من عنده وقال بيرجعها البيت علشاني..
دق قلبها وهي واقفة تسمع وتمنت انها ماوقفت اصلا!!!
معقولة نواف بيرجع ريم علشان احمد؟؟؟؟؟
مشعل يكذب عليك علشان لاتساله مرة ثانية؟
احمد لامايكذب عليّ اصلا الكبار مايكذيون؟
مشعل لامو كلهم عندك جدي وجدتي اهل الكذب ماكانهم رجل بالدنيا ورجل بالقبر؟؟؟
احمد يعني ها العجوزين اللي هنا يكذبون؟
مشعل أي ولاتسمع كلامهم ولاتصدقهم بعد!!هذولا ماوراهم الا خراب البيوت؟
دخلت ياسمين وافكارها كانت متلخبطة حييل...
شي بنواف اللي صاير يشك بشكل ينرفزها وشي بالكلام اللي سمعته اللحين معقولة ريم بترجع؟طيب واذا رجعت انا وين بيكون موقفي من السالفة كلها؟وباقي افكارها رايحة لخالد وتعبه وصوته الحزين وقال انه بيكلمها..ياترى وش اللي صايرله؟
احمد ابوي بيمرنا الليلة نتعشى..
ياسمين بهدوء أي عطاني خبر...
مشعل شفيك شكلك متضايقة..عسى بس مو عجوز النار متعبينك ومضايقينك بكلمة من هنا ولامن هنا؟
ياسمين لا

مشاعل هذا تركي داق لي..
فواز أي مالومه مفارقته ساعتين وحشتيه...
مشاعل ببتسامة ارد...
فواز تبين الصدق لا..لاتردين عليه..
مشاعل اجل خلني اتنيذل وارد..
فواز ليه عاد؟
مشاعل عنادا لك؟وش رايك؟
فواز ها بدينا....
مشاعل هههه لاالصدق هذا تركي وانا اخاف منه وبعدين هو مايدق الا على شي يسوى ومايدق كيف الحال ومع السلامة اخوي واعرفه...
فواز طيب ردي ذبحتيه وهو يدق لك؟
مشاعل الو هلا تركي.....الحمد الله...كنا نتغذى وخلصنا اكلنا....ليه...شفيها؟...لالالاجاية اكيد بس وين انت؟.......لامافي مشكلة لو ماقدر يجيبني بدق لك ولالعبدالله...سلام...
فواز باهتمام بعد ماسكرت خير الاهل فيهم شي؟
مشاعل بارتباك واحراج معليش ابي امشي...
فواز في شي يامشاعل...
مشاعل بنت عمي تعبانة شوي وتركي معها بالمستشفى ويبيني اروح لها..
فواز يالله اجل قمنا...
مشاعل عادي مافيها احراج...
فواز ولو يامشاعل اهلك اهلي وبعدين مو بنت عمك هاذي اللي معك بالبيت اللي قلتي انها اكثر من اختك؟
مشاعل أي نوف...
فواز طيب يالله قومي اكيد انتي متعبتها معك من قبل الملكة والبنت راحت فيها...يالله قومي قبل لايذبحونك اهلك لانك السبب بتعبها؟

شما حيا الله من جانا؟
حصة انا مو جاية اتقهوى ولااساْل عن احد سعود وينه؟
شما خير في شي؟
حصة ولد عمي وابيه؟
شما طيب اجلسي بناديلك اياه..
حصة يالله بسرعة...
دقايق مرت وسعود داخل مع شما...
سعود بخوف خير في شي يابنت عمي؟
حصة واختك خلت فيها عيال عم؟
سعود نوف؟شفيها شسوت؟
حصة قول وش اللي ماسوته سودة الوجه؟
سعود طيب فهميني وش صاير؟
حصة شوف سعود اختك هاذي لازم تطلع من بيتنا سامعني!!
سعود تطلع من بيتكم!!!طيب فهميني هي وش مسوية؟
حصة انت على بالك التوكيل اللي هي مسويته لعمها اللي هو ابوي وش غرضه بالله؟
سعودناظر بزوجته وسكتوا,,,,
حصة سئلتك وش غرضها من ها التوكيل بالله؟اكيد ماهي مسويته الا وغرض في بالها قاعدة تخطط له؟
سعود بحذر انتي شتقصدين؟
حصة بحقد اختك ماتسوي شي لربها...هي وين ماتكون مصالحها بتسوي الشي....شوف سعود اختك اليوم لازم تطلع من بيتنا وتجي عندك...محد بيردها وبياْدبها غيرك..واعتقد انك ملزوم فيها ولابس تبي تلهف خيرها وخير اهلها وتتبراْ بعدين منها؟
سعود بعصبية انتي شقاعدة تقولين؟
حصة سمعتني...ترى والله اذا سوت اللي في بالها لاتلوم الا نفسك؟
شما هي وش تبي تسوي؟
حصة تبي تاخذ تركي اخوي؟
ظلوا يناظرون في بعض.......
حصة اشوف ماقلتوا شي؟
سعود متى قالت بتاخذه؟
حصة امس العصر قبل ملكة مشاعل....
سعود لاتطمني تغير رايها بالليل اكيد....
حصة لاماتغير اليوم عادت عليّ نفس الموال وقالت لو تبيه يتزوجها اللحين بتخليه ماعندها أي مانع.....
سعود أي بس.....انا قايل لها ان سالم يبيها؟

يتبع ,,,,

👇👇👇
تعليقات
    حجم الخط
    +
    16
    -
    تباعد السطور
    +
    2
    -