رواية كل يوم لك حال جديد يوم قريب ويوم بعيد -22
ظلوا يناظرون في بعض .......
حصة اشوف ماقلتوا شي؟
سعود متى قالت بتاخذه؟
حصة امس العصر قبل ملكة مشاعل....
سعود لاتطمني تغير رايها بالليل اكيد....
حصة لاماتغير اليوم عادت عليّ نفس الموال وقالت لو تبيه يتزوجها اللحين بتخليه ماعندها أي مانع.....
سعود أي بس.....انا قايل لها ان سالم يبيها؟
ظلت نوف تناظر بتركي واكبر صدمة انرسمت على وجهها؟
معقول رفضه الصريح لها؟معقولة هي اللي نزلت نفسها لها المستوى؟طيب ليه؟وش اللي جاك وعماك مرة وحدة يانوف وخلاك توطين نفسك لها المرحلة وتنزلين نفسك له وتطلبين ها الشي منه؟طيب وين حبه اللي كان يتكلم عنه ذاك اليوم؟وين حضنه الامسي اللي كنت فيه امس وماكان ناوي يبعدني عنه؟؟؟؟
كل افكارها كانت تدور وتوشش عليها وماهي سامعة أي شي ثاني لاتركي ولا حتى الدكتور اللي دخل اول ماقال لها تركي لا ..
كل اللي انتبهت عليه ان يد انحطت على كتفها وفتحت عينها ولقت مشاعل جنبها...
تنهدت بارتياح....على الاقل بتخفف عنها صدمتها والاهم بتقدر ماتحط لسانها بلسان تركي مرة ثانية بحضور مشاعل.....
حست ان كل الدنيا تدور فيها بس ماقدرت تقول أي شي...
مشاعل بهمس سلامات...وش فيك؟
نوف بنفس الهمس وافكارها بعيد منو قال لك اني هنا...
مشاعل تركي دق لي من اول ماجابك وعلى ماطلعنا وجينا لك؟
نوف الله يسامحه خرب عليك على الفاضي...انا مافيني أي شي...
مشاعل انتي مافيك شي؟ماتشوفين شكلك كيف صاير؟معقولة كنتي كذا امس وانا ماانتبهت لك من ربكتي؟
نوف تنهدت...
مشاعل بحنان نوف صارحيني فيك شي..ترى ملاحظة شرودك ها اليومين وحتى البارح يوم جيت اكلمك عن فواز ماكنتي متفاعلة معي ابدا!!!
دمعت عيونها وقامت تبكي بصمت..
مشاعل بانفعال نوف شفيك؟
نوف وهي تمسح دموعها ولايهمك مو شي مهم...فواز وينه؟
مشاعل واقف مع تركي برى انتي قولي شالسالفة؟
جته صدمة توقعها وماتوقعها ابدا يوم يشوف وضحى نازلة بيت عمه القديم,,,
معقولة هنا....ليه ياوضحى ليه؟شنو اللي ليه ياخالد..ان شاءالله وين تبيها تروح؟عند نواف ولاعند اهلك ولاتبقى عندك...
كان متردد ينزل يكلمها قبل لاتدخل ولالا...حس بثقل بنفسه وهو مو عارف شيقول بس بالاخير قرر انه يلحق عليها قبل لاتدخل لانها يمكن لانها ماتفتح له بعدين لانه عارف طبايعها...
تنهد بقوة وهو نازل من سيارته ومايدري كيف دموعه طاحت من عينه....
مشى وراها بضعف...لين وصل لها وهي مطلعة المفتاح بتحطه بالباب....
خالد بصوت متقطع من البكي وضحى...
طاح المفتاح من يدها للارض وماقوت ترفع راسها..
تقرب منها اكثر وهو بعده يبكي وقال لها بترجي وضحى تكفين اسمعيني؟
رفعت راسها بهدوء وظلت تناظره وبعيونها اكبر خيبة امل بالعالم,,,,وقالت له بهدوء مااعتقد باقي شي نتكلم فيه؟
خالد بترجي تكفين وضحى ربي يسلمك بس اسمعيني؟
وضحى بانفعال وهي تداري دموعها اللي خانوها ونزلوا قدامه تدري وش المشكلة ياخالد؟مو انك خنتي؟مو انك يمكن من زمان كنت تخوني وانا غافلة وتو صحيت؟لا...المشكلة اكبر من كذا بكثير...المشكلة اني احبك ياخالد احبك...تفهم وش تعني هاذي وشلون تاْثر؟طعنتك لي دمرتني....مو طايقة حتى اسمع باسمك ينطرى قدامي..روح ياخالد روح ماعاد لنا شي نتكلم فيه؟كل اللي بينا راح؟؟؟
دخلت عنه وظل واقف على الباب يبكي لانها ماسمعته....ولانها قالت له احبك وهاذي مشكلتي الاساسية؟
انا بعد احبك صدقيني والله متندم قد شعر راسي ياوضحى.....بس اسمعيني وبعدها قرري وش ماتبين بس لاتتركيني كذا معلق ياوضحى واللي يسلمك تكفين...احبك ..احبك,,,
كانت ام سعد طالعة ونورة وراها,,
وعند بوابة المنتجع كان فارس واقف ومخلي العالم كله ورى ظهره وكانه متقصد يغيظهم علشان يرضيها,,
فارس خالتي توها الناس ليه رايحة من بدري كذا!!
ام سعد والله يايمه قعدتكم ماتنمل بس الليلة عمك ابو سعد جاي من الرياض ولازم نجلس ننتظره بالبيت...
فارس طيب انتي انتظرينه خلي النور عندنا..
رفعت نورة راسها ولقته يناظرها وهو يكلم امها....
ام سعد وهي تضحك يالله عطينا المهر وخذها...تراها تنتظرك من زمان؟
لايايمه لا..ليه تقولين له كذا!!
فارس ونظراته تتوزع عليها اكثر وهو يتكلم بعمق يشهد الله انها مافارقت خيالي لحظة واني انتظرها اكثر من ماهي تنتظرني؟
حست بالنارتسري فيها وماهي قاوية تتحرك لاوالمصيبة كملتها امها يوم تقل انا بالسيارة يانورة سلمي على فارس ولحقيني لاتبطين؟
يوم رفعت راسها تبي تستوعب الكلام لقت امها ركبت سيارتهم اللي كانت شوي قدام....
فارس بهمس اشوفك دخلتي اليوم وتركتيني وماعلقتي ولاقلتي أي شي؟
نورة لفت له وقالت وش تبيني اقول؟
فارس بعمق اكبر أي شي يريحك ويريحني؟
نورة بقوة ماتدري من وين نزلت عليها وبترتاح اذا قلت لك انا انا اللي دزيت لك الايميلات؟
ماتدري ليش ابتسم بوجهها بس كل اللي سمعته صوت فارس اللي كان يكلمها بهمس ادري...وكنت منتظر منك مصارحة وماخيبتيني قلتيها بسرعة بدون لف ودوران..تعجبيني يانورة....بس على فكرة في شي انتي ماتعرفينه؟
نورة رفعت راسها تبي تستعلم عن ها الشي بس قال لها بحدة ماتعودتها عليه من شافته امك بالسيارة لاتخلينها تنتظر اكثر؟
ماتدري ليش تبدلت فجاْة لهجته؟طيب وش الشي اللي قال عنه هي ماتعرفه؟وهو كيف عرف انها هي اللي دزت له الايميلات؟
اسئلة كانت تمر في بالها وماهي لاقية لها أي اجابة؟
تركي نوف فيني اتكلم معك قبل تجي مشاعل؟
كانت تمشي بالهون بالمستشفى وماهي قادرة حتى تلتفت للي حوالينها...كل تفكيرها كان بسالم اللي البارحة قال لها عنه سعود وانها تبي تروح ترد على اخوها وتقوله موافقة,,
ظلت ساكتة ومافكرت ترد عليه..
تركي بدم محروق نوف اكلمك انا اسمعيني تكفين؟
نوف ببرود معك حق ياولد عمي لازم تقول لا...اساسا مافي واحد يرضى..
قاطعها بسرعة نوف اسمعيني في شي انتي ماتعرفينه؟
نوف غمضت عيونها وقالت له ولاابي اعرفه؟
تركي وهو متقطع نوف لاتفهميني غلط واللي يسلمك...لازم نحكي انتي ماسمعتي وش عندي والدكتور قاطعنا بوقت حرج وبعدها جت مشاعل علطول..نوف انا احبك..
وصلت مشاعل بها اللحظات وقالت له بسرعة اكيد تحبها مو بنت عمك؟
لفوا لها اثنينهم وقال لها تركي بعصبية ليه مارحتي مع فواز؟
مشاعل انتي على بالك ان تركي مايحبك؟نوف شفيك كلنا نحبك؟
منتي فاهمة شي يامشاعل منتي فاهمة؟كان تركي واقف ومو عارف شيقول..قال لها لا..انا اللي بطلب يدك قبل تقولينها انتي بس ابي اصارحك قبل عن مشاعري بس اليوم حظه عانده وماقوى يسوي شي..خلاص نوف فهمت السالفة غير وها الكلمة ماصار لها مذاقها ونكهتها لانها جت بعد مانوف فتحت الموضوع..
كان بداخله بركان ثاير ومو عارف شيسوي....وجود مشاعل ربكه اكثر واكثر وتمنى انه مااتصل فيها من الاساس ولاجت ولاانها ترجع مع فواز مو تجي معهم,,,,
مشاعل يالله مشينا شفيكم واقفين؟
نوف فيني اروح بيت سعود؟
مشاعل وتركي بصوت واحد لا..
نوف وهي تناظر بمشاعل وتتجنب نظرات تركي ليه؟
مشاعل ليه تبين تروحين؟انتي تعبانة وروحتك هناك بتتعبك اكثر واكثر..
نوف بتعب في شي ودي اتكلم معه فيه....يعني هو قايل لي عن سالفة البارحة وابي ارد عليه؟
مشاعل لا وبعدين مو البارحة ملكتي وهو ماكلف على حاله لايجي ولايبارك؟لا والف لا بعد!!قول شي ياتركي؟
نوف بسرعة خلاص بروح عند نورة؟
كان عارف انها تبي تتهرب منه باي طريقة...حرام والله حرام فهمته غلط وماهي عاطيته فرصة يشرح لها؟؟
بعد صلاة العشى كان نواف مر ياسمين واحمد علشان بيطلعون يتعشون ويتمشون شوي....
ظلوا يمشون بمجمع الظهران والجو بينهم هادى نسبيا هي افكارها اليوم مشتتة وخالد اتصل فيها وقال بيمرها بعدين وكلام احمد عن ريما وتصرفات نواف اللي اليوم صاير هادى على غير العادة ماهي قادرة تجمع شي,,,
لف لها وهو يناظرها..حس انه يبي يفتح معها صفحة جديدة...يوم بكت امس بالسيارة حس انه تصرف تصرف سخيف وماكان له داعي ونوى اليوم يكون غير معها علشان تخف حدتهم مع بعض شوي,,,,
نواف الو..وينك انتي؟
لفت له ياسمين موجودة...بس كنت افكر
نواف انا معك وش تفكرين فيه بعد!!
ياسمين ابتسمت بس قالت لا هذا مايلين واكيد وراه شي لاتسكتين عنه قالت بشماتة ياشين الثقة بس!!لعلمك انا مااتعب نفسي وافكر في ناس ماتستاهل اني افكر فيها؟
نواف بصرامة ماسمعت!!
ياسمين بلامبالاة بلى سمعت..
نواف بتحدي تدري اني بكسر راسك وقريب بعد!!
ياسمين بنفس قوته وانا انتظرك؟
لفوا اثنينهم بها اللحظة الى احمد اللي كان يتكلم بصوت عالي ماما ريم؟
وقف قلب ياسمين بمكانه يوم انتبهت ان وحدة كانت واقفة قدامهم..ويوم دققت النظر بعيونها من تحت لثامها عرفتها هاذي ريم طليقة نواف صدق!!!
لفت له بسرعة ولقته يناظر ريم وماتكلم ولاقال شي..
احمد انا قلت لمشعل ان البابا بيرجعك البيت علشاني وهو ماصدقني!!
ريم بكل مافيها من ميوعة واخيرا يانواف مابغى يجي ها اليوم؟
بس لهنا وماقدرت توقف ياسمين اكثر..يعني هاذي تكسيرة الراس اللي كان يقصدها بكلامه وانها قريب!!
حست بشي بداخلها قاعد يثور ويثور ....
ماقدرت غير تقول لهم بالاذن....
ومشت لااول حمام صادفها ودخلته.....
معقولة كان بيردها وماقال لياسمين؟؟طيب واذا ردها اصلا وماهمه شي شبيصير؟؟
محد بيلومه طبعا وكلهم بيقولون علشان ولده...طيب وهي وش بيصير فيها !!!
يالله بنتظار تعليقاتكم الحلوة ياحلوين’’’’
****
***
**
*
البارت الخمسين والواحد والخمسين ,,,
محمد فارس علامك من طلعت نورة وانت مقابل ها البحر وماكاْن في ناس داخل تنتظرك؟
لف له فارس بدون مايقول أي شي...
محمد فارس في شي....
فارس سلامتك..
محمد لابلى في شي....
فارس .
محمد بتاْنيب فارس الرجال داخل وكلهم يسالون عنك وانت قاعد بروحك؟خير في شي ياخوك؟
فارس قلت لك هي.....سئلتها وماكذبت قالت لي بصراحة انها هي؟
محمد طيب انت عارف وحاسس تسعين بالمية انها هي بعد ليه مضيق خلقك؟
فارس لاني من زمان افكر فيها يامحمد وهي حاسة اني مفروض عليها علشان كذا سوت ها الشي والكلام اللي سمعته اليوم زاد على جرحها ورسخ الشي في بالها...انا ماابيها تاخذني وهي تحس انها مجبورة وانها ماراح تكون سعيدة لان اهلي مايبونها...
محمد فارس لارجعت البيت فكر براحتك هنا عمامي وخوالي هنا مايصير..
فارس انا متضايق حييل مو عارف شسوي....حاس انها حتى اذا وافقت بتكون مجبورة وماهي مقتنعة فيني!!!
محمد أي وبعدين وش الحل برايك؟انك تكلمها وتسولف معها وتشرح لها..طيب محد منعك تسوي ها الشي كلمها وقول لها عن الشي اللي مضايقك وشاغل تفكيرك بس اللحين قوم ادخل على الرجاجيل لايحسون على شي؟
مشاعل انا بروح البيت مابروح عند نورة طيب...
نوف بهدوء ليه؟
مشاعل الليلة فواز بيتعشى عندي وبروح اتجهز...
نوف بنفس الهدوء وشغلتكم ياعشى ياغذء...
مشاعل بحلطمة كان المفروض اقعد معه لنهاية اليوم بس انتي خربتي عليّ!!
نوف ماقلت لك تعالي لومي وعاتبي اللي دق لك؟
مشاعل بحنان مشكلتي مقدر على تعبك ياقلبي....
نوف معناته قولي لتركي يوصلني لنورة قبلك لان طريقنا اللحين على بيتهم؟
مشاعل بعربجة ووين راح لسانك بالله!!اكلته القطة ولانسيتيه بالمستشفى؟
نوف قلبت البنت اللهم ياكافي؟
مشاعل هههههههه
بروحه تركي كان يغلي بناره على ها الحظ اللي وقف ضده ومانصفه..كان وده يتكلم ويقول لها أي شي...صحيح هي قاعدة تداري ومسوية الوضع طبيعي وتسولف مع مشاعل بس هو عارف انها قاعدة تتقطع من داخلها,,,,,
مشاعل اقول حبيبي تركي..
تركي لف لها خير...
مشاعل تعبان؟
تركي وهو يناظر بنوف من المرايا ورفعت راسها والتقوا نظراتهم ولفت نوف عنه وقال بهدوء بغيتي شي؟
مشاعل بمسكنة أي والله وقف عند سعد الدين ابي اخذ كيك وحلى تعرف اختك عجزانة تطبخ بتحط راسها وتنام وبعدها بتقعد تلبس وتكشخ ..
نوف والعشى طبعا بتكون ام تركي مسويته مسبقا!!
مشاعل ياشين الغيرة يابنت...مو تطولين اذا رحتي لنورة ترى اذبحكم ؟
وقف تركي عند سعد الدين ..
نوف اخذي لنا واحد تريمسوا وواحد شيز توت لي ولنورة,,,
مشاعل نق يابو تريك ترى ماعندي...
عطاها تركي فلوس ونزلت ولف بسرعة لنوف وقال بترجي ممكن تاجلين زيارتك لنورة وتخلينا نتكلم؟
كانت تناظر بالنافذة بدون ماترد عليه ,,,,
تركي بترجي نوف....في شي مهم لازم تسمعينه؟
نوف ببرود وهدوء مااعتقد....بالاحرى مو لازم نعرف شي خلاص؟
تركي لا يانوف لا.....
غمضت عيونها تداري دموعها وقالت بهدوء في شي انا ابي افهمه..
تركي كان يناظرها....
نوف بهدوء ليه دخلت غرفتي ذاك اليوم وشلت عبايتي وليه كنت واقف عند نافذة المجلس يوم نطلع برى الحوش انا وسعد ومشعل؟ممكن تفهمني ليه؟؟؟؟؟؟؟
كان حايس وماهو عارف شيسوي....
ظل واقف عند باب الحمام اللي دخلت منه ياسمين ينتظرها ولسه ماطلعت!!
تبكي...اكيد تبكي يانواف.....ولاليه بتقعد ها المدة ذي كلها داخل,,,
كان يتنهد بقوة وماهو عارف شيسوي...
احمد اللي جنبه زاد بكيه لانه ماخلاه يروح مع امه ولاخلاها تجي معهم,,,
شدت يده على يد ولده بقوة وكانه يهدده بيذبحه لو ارتفع صوته بالبكي اكثر وعيونه كلها شرر,,,
وش ها المصادفة الغريبة...جية ريما بهوشتهم وهو يقول لها بيكسر راسها؟؟اللحين ياسمين بتفهمها كذا اكيد اني متفق مع ريما تجي علشان اقهرها واضايقها,,,بس يشهد الله اني ماكنت اقصد ها الشي...اصلا شوفة ها الانسانة اخر شي اتمناه وابيه!!
وش ها الحظ ياربي,,,,,
ادق لها ولاماادق؟ادق ولاماادق؟؟؟والله مو عارف شسوي,,,
خلني واقف منتظرها لين تطلع,,,,
نورة زين اللي جيتيني...بروحي ضايقة فيني ارض الله؟
نوف بتعب رمت نفسها على سرير نورة مو كثري صدقيني!!
نورة بلى....اليوم كان طويل وماحسيته بينتهي وبنرجع البيت؟
نوف شفتيه؟
نورة بتنهيدة أي...وسولفنا وماكنت عاجبة اهله وهذا من امه بس من ذوقه..(ورفعت الطقم اللي كان بعلبته وموجود جنبها وتناظر فيه)
وبالنهاية قلت له اني انا اللي دزيت له الايميلات؟
نوف باهتمام ليه؟
نورة بتنهيدة مدري..شي داخلي كان يبيني اعترف واقوله...لاني لو ببدي معه علاقة لازم تكون صريحة...ماابيبه يساْل واقعد الف وادور....بس مو هذا اللي شاغل بالي!!
نوف باهتمام اكبر انه قال لا..وفض العلاقة؟
نورة هو ماقالها صراحة ولالمح لها...بس قال لي ان في شي مهم انا مااعرفه...وهذا اللي مخليني افكر...
نوف شي مثل شنو؟
نورة بتعب مدري ....بس فارس يقول انه يحبني...انه كان يتمناني من زمان؟
قال كلام كثير مو عارفة شلون قدرت استوعبه لحظتها...حسيت اني بموت وانا جنبه لاني فكرت ها التفكير الغبي؟
نوف توك تكتشفي؟
نورة بقهر لايانوف يوم كنت جالسة مع اهله حسيت اني متندمة اني ماقلت كلام اكثر ..انتي ماشفتي نظراتهم وهمسهم وغمزهم عني!!تقولين هم طالعين من الجنة وانا من النار؟حسيت اني حثالة تحتهم؟
نوف خليك واثقة من نفسك؟
نورة بلهجة قريبة للبكي يضلون هم الاكثر وانا وحدة بس؟كنت جالسة طول الوقت بروحي وكاني سلعة يتفرجون عليها وكل وحدة تقول كلمة..حسيت بالغصة..تمنيت عنده اخت كبيرة تقعد معي وتسولف معي....
امي كانت مع خالتي ام فارس بالمجلس الثاني وانا نيراني شبت فيني منهم,,,تمنيت اني مارحت ولاسمعت كلام امي ولالالا...بس شسوي الله كتب ورحت وسمعت كلامهم!!
نوف اذا هو يبيك هم مالهم شغل..على قولتك بنات خالته وبنات خاله وبنات عمه يعني ماهم خواته ماراح تشوفينهم بوجهك؟
نورة بتعب انتي شفيك حاستك مش ولابد؟
نوف وهي تشيل االلزق اللي بيدها توني جاية من المستشفى؟
نورة باهتمام شفيك؟
نوف بتنهيدة قوية تعبت ..كل شي حولي ماهو مريحني...حصة..سعود..عبدالله وكملتها اليوم مع تركي؟
نورة صار شي غير حضن البارحة؟
نوف نزلوا منها دمعتين وحطت يدها على فمها تمنع شهقتها تطلع وقالت طلبت منه يتزوجني وهو رفض؟
نورة بشهقة شنو؟مجنونة انتي!!ليه تعرضين نفسك عليه عاد؟
يوم يدق جوالها كان خالد المتصل وهي اللي تمنته يكون نواف اللي مادق لها؟معقولة يكون راح مع ريم وهي هنا ذابحة نفسها؟؟؟
ردت على خالد بسرعة وهي في بالها تقول لازم تطلع اول ماتنهي مكالمتها لانه بما انه طنشه هي بتسوي فيه حركة اكبر وبتاخذ تاكسي وبتروح البيت ويصير اللي يصير!!!
ياسمين وهي تحاول تخلي صوتها طبيعي هلا خالد..
خالد هلا فيك...وينك؟
ياسمين طالعة مع نواف...بس شويات وبرجع؟
خالد يعني مافينا نحكي الليلة...
ياسمين اقولك شوي وبرجع وبعدها بدق لك؟
خالد لا خلاص...انا تمنيت اشوفك وجها لوجه لان الحكي اللي بغيت اقوله ماينفع بالتلفون؟
ياسمين خلاص مرني بعدين..
خالد لاخلاص الوقت تاْخر وماابي اشوف امي وابوي ويسالوني ليه جاي وشفيك؟خليها لبكرة؟
ياسمين براحتك.......تصبح على خير,,,
سكرت من خالد وشالت نقابها دخلته بالشنطة وغطت وجهها وطلعت,,,,,,,,و
يوم شافته قدامها يناظر بالحريم اللي يطلعون وعينه تدورها حست انها تبي تفتح مناحة بكي جديدة........
احساس فظيع اللي جاها.....
لو ماتقدم منها نواف كانت رجعت دربها وراحت تبكي بعيد عن عيونه بس صار واقف قبالها وسئلها بخوف فيك شي ياسمين .....
ردت وهي تغالب دموعها لا..
نواف مشى وقال لها طيب نمشي..
مشت وراه وهي خانقتها العبرة وهو حاس لها وكل شوي يلتفت لها...
ياسمين بصوت متقطع فينا نرد البيت...
نواف بهدوء والعشى...يعني ماصار لنا شي من جينا..
ياسمين انا مو حاسة اني بخير وابي ارد البيت روح انت مع ولدك وتعشوا.....
مشى معها وكانت تناظر بااحمد اللي كانت دموعه واقفة شكله كان يكسر الخاطر,,,,
بس هي بعد تكسر الخاطر نواف مو مقصر فيها وها الشي ماتوقعته....
طيب وينها ريم؟وين راحت؟
كانت تفكر فيها طول الوقت لين ركبوا السيارة ومشوا احمد رمى نفسه ورى ونام بعد ماكان يبكي,,,,
وهي بعد كانت تبكي بينها وبين نفسها ونواف كان ساكت طول الطريق,,
بس فيه شي..حسته متضايق ومقهور بس من شنو ماتدري؟؟
معقولة ريم قالت له شي ولامااتفقوا على شي وهذا اللي ضايقه؟
ماكان كذا يوم يمرها وحتى بعد ماتهاوشوا كان مبسوط ورايق لان هواشهم شي عادي اصلا وشبه يومي بس في شي صار له وضيق خلقه شنو ياترى؟
انتبهت على يده اللي مسكت يدينها وحست بارتباك..
نواف بهدوء وهو يناظر بالطريق فيك شي..
لفت للنافذة وقالت لا..
نواف بس انا حاسك متضايقة...يعني تركتينا ومشيتي فجاْة؟
قاطعته بحدة ومبينة فيها غصتها يعني عيلة مع بعض انا وش يقعدني بالنص والله!!!
نواف عيلة؟وش تقصدين بها الكلمة؟
ياسمين وهي تبكي عادي نواف احمد قايل لي ان امه بترد لاتكبرها...
حست ان يده شدت على يدينها بقوة وغير الطريق بكبره وقال لها شتقصدين؟
ياسمين ولاشي..هو قال ان انت بتجيبها علشانه واليوم شفناها...وبس!!!
تنهد بقوة وهو حاس انه مخنوق..كان يبي يتكلم بس ماعرف شيقول,,,
كل اللي سواه انه وقف عند اول طريق فاضي صادفه ووقف السيارة بمكان مهجور خوفها ولف لها وهو بعده يده شابكة على يدينه بقوة...
لف لولده ولقاه نايم ورجع لف لها وقال بهمس ياسمين هي جت بالصدفة..انا ماكنت عارف بوجودها؟
ياسمين بخوف منه ومن لهجته اللي قلبت طيبة وحنونة وخايفة عليها ابي ارد البيت,,
نواف مو قبل ماتفهمين ان انا ماكنت ابي اشوف رقعة وجهها؟
ظلت تناظره من ورى غطاها وهي حاسة ان الدم وقف بعروقها وان دموعها وقفوا.....
تقرب منها اكثر واخذها بحضنه وسط رجفتها وحست انها فعلا بتموت اذا ظلت بحضنه اكثر من كذا...
حاولت تبعد نفسها عنه بس هو كان حاضنها بقوة كبيرة خلت انفاسها تتلاحق,,,
نواف بهمس ياسميني...
رفعت راسها تبي تتاْكد هي سمعت صح اسمها مدلع ولامن حرارة حضنها تهياْ لها بس ماقوت تناظر فيه,,,,
نواف بنفس الهمس انا ماابيها لو شيصير شيلي ها الفكرة من راسك ولاتتعبين نفسك بالتفكير فيها,,,,
الليل عند مشاعل وفواز اللي كان جاي يسهر معها...
فواز وش ذا الزين كله ياربي مقدر انا؟؟
مشاعل خلاص فواز اعقل لاتزودها ترى صدق بشوف حالي!!
فواز طيب شوفي حالك يبى يحق لك....
مشاعل خلاص فواز انا ابي اكون معك طبيعية وبعيدا عن الارتباك وابيك تكون بالمقابل معي نفس الشي؟
فواز وقف وتقرب منها وشال الصحن اللي بيدها واخذها بحضنه وسط ارتباكها ومعارضتها وهمس لها يعني اذا قلت الصدق مااكون على طبيعتي ياقلبي,,,
مشاعل بارتباك فكني,,,,
زاد فواز بحضنه لها وقال ماراح افكك...انا من شفتك وانا انتظر انك تكونين بحضني ويوم جتني السالفة باردة وحضنتك تبيني افكك مو مجنون اضيع ها الفرصة من يديني ياعمري,,,,
مشاعل ....كل اللي كان ينسمع منها تنهيداتها...
فواز وهو يمسح على شعرها بيده الثانية انا حبيتك يامشاعل من كل قلبي صدقيني....وابيك تثقين ان مهما صار بها العالم ماراح اتخلى عنك ولاراح يتغير حبي لك,,,
مشاعل رفعت راسها وقالت له ببراْة كيف حبيتني وانت ماعرفتني الا قبل كم يوم بس!!!متى مداك تحبني؟
فواز بهمس وهو يبعدها عن حضنه شوي شوي مايحتاج تعرف الناس فترة طويلة علشان تحدد مشاعرك ناحيتهم...وانتي ماشاءالله عليك كتاب مفتوح منتي صعبة ابدا!!
مشاعل وهي قباله وهو محوط خصرها بيدينه غلطان بعدك ماعرفتني زين,,,ترى انت مالك الا الظاهر انا بالبيت مجنونة وراعية سوالف مو مثل ماتفكر,,,بس قربك مني يخليني اعقل واثقل,,
فواز وهو يمسح على خدودها طيب عيشي بجنونك ومقالبك ورى تخجلين مني,,,,
مشاعل يعني عادي اقولك ابي اروح الكورنيش اسوي العاب نارية ماتقول لا؟
فواز ناظرها وهو يضحك من جدك تبين تلعبين بالالعاب النارية؟علشان ماتنتبهين وتحرقين نفسك واقوم انا احرقك بها العقال اللي على راسي لانك ماانتبهي على نفسك؟
بدون مقدمات سئلته بجدية تخاف عليّ!!
تنهد بحزن وقال أي...اكثر من ماتتصورين...حاس ان اهلي بيضرونك وكل يوم يكبر ها الاحساس عندي لدرجة اني مفكر اتخلى عنك قبل لايلمسون منك شعرة وتتاءذين بس مشكلتي صرت مقدر اتنفس بيوم وانتي بعيدة ومااسمع صوتك؟
ظلت تناظره بخوف....شكلها السالفة اكبر من كلام كان يقول لها عن اهله....
مشاعل بزعل يعني...بنفترق؟
فواز حط يده على شفايفها لاتجيبين ها الطاري ترى مااحبه يامشاعل؟
بعدت نفسها عنه وبانت دموعها بس كلامك يقول كذا,,,,بيجينا يوم ونفترق؟
فواز مشاعل....
جلست على الكنبة القريبة وهي تمسح دموعها طيب قولي اذا كنا بنفترق علشان لااتعلق فيك واحبك اكثر واتعب بعدين من فراقك!!
جلس جنبها وقربها منه وصار يمسح دموعها اللي كل مامسح وحدة بيدينه نزلت الف وحدة بدالها وهو يهمس لها مشاعل لاتعورين قلبي انا ماقلت لك اني خايف عليك علشان تبكين وتتعبين قلبي!!!
كانت بتقوم بس هو مسكها وجلسها بحضنه وقام يهديها,,,,
عبدالله أي ماقلتيلي شنو رايك بنوف؟
عبير بعربجة وش فيها عاد ياحسرة؟
عبدالله ها..
عبير وش تبي اقولك يعني....
عبدالله برومنسية لايروح تفكيرك بعيد ياقلبي انا اقصد اتفقتوا مع بعض واخذتوا ارقام بعض وسولفتوا ...
عبير وليه ماسئلتها؟
عبدالله والله امس ماكان في مجال ظلوا سهرانين البنات عندهم واليوم هي كانت تعبانة ووداها تركي المستشفى ولسه مارجعوا,,,
عبير شوف ترى هي حييل شايفة نفسها..
عبدالله بدون تصديق نوف؟لاعادية مافيها غرور...
عبير بللى...قدامك بس مافيها غرور...لو شفتها كيف تحكي معي كان قلت اني مااكذب عليك,,,,
عبدالله معقول...
عبير بصراحة انا ها النوع ابدا ماستسيغه..تعرفني احب اعيش بطبيعتي وبدون تكلف..
عبدالله بس انا عايش مع نوف ومااشوفها متكلفة بحياتها ...طبيعية ومافيها شي...
عبير بلى..مسوية روحها مدري كيف لاوحتى التفاح تاكله بشوكة وسكين قهرتني !!
عبدالله عبير شفيك؟انتي مضايقك انها اكلت التفاح بالشوكة والسكين ولا اخلاقها كانت شينة حددي؟
عبير بنرفزة وانت ليه معصب؟
عبدالله مو معصب بس كلامك مو مفهوم يعني استقري على شي محدد ماعجبه فيك؟
عبير شوف خلنا ناخذها من النهاية وحدة قاعدة عند بيت عمها وتاركة بيت اخوها يتراواللي ماعندها كرامة ويكفي ان الواحد يعرفها ويعرف وش نواياها؟
عبدالله بحذر وش تقصدين؟
عبير افهمها ياخويا....
كانت جالسة بهدوء وسط بيت فاضي وخالي من أي حياة...يتراواللي حتى الناس البسيطين مو عايشين كذا!!!
المشكلة وين اروح؟لو رحت عند نواف بيساْلني وبالعادة حتى لو كنا متخانقين انا وخالد كان يجي البيت ونقعد بس مااتكلم معه..اللحين مستحيل نقعد مع بعض....ونواف اعرفه دمه حار ومايتفاهم مع احد؟
شبيسوي لخالد لو قلت له؟وياسمين معقولة يطلقها علشاني!!
لاحرام اهدم حياتهم علشاني وانا انتهت حياتي...خليني هنا كم يوم وبعدين يصير خير...
جاها مسج من خالد وماهو اول مسج يجيها من طلعت من البيت بس انها ماكانت ترد عليه(حبيبتي الله يخليك اسمعيني....انا واقف عند البيت احرسك لو بغيتي شي.,..بس والله مو راضيني قلبي تقعدين هنا ردي الشقة ووعد ماادخلها الا بااْذن منك انتي بس لاتظلين هنا...وضحى انا احبك والله احبك ومتندم على اللي صار انتي بس اسمعيني وبعدها راضي بتعذيبك لي......انتبهي على نفسك وعلى وليد)
تنهدت بقوة ودموعها يسابقونها....ماتقولي شسوي بدموعك واسفك ياخالد؟ليه خنت اصلا مدامك بتعتذر بالنهاية؟ليتني حسبت حساب ها اللحظة وماحبيتك اصلا ياخالد؟؟؟
وش يهمك ليه غبت ووين غبت وليه جيت؟
دام ماهزك غيابي وش يهزك لالفيت؟
ماتعوضني دموعك عن صدودك والجحود,,
ليتني ماقلت احبك ليتني لك ماحكيت...
ليتني ماجبت طاري ليتني ريحت بالي,,,
وليتني في مثل حبك بالمحبة ماوفيت,,,
كنت ماافهم بالخيانة كثر مااسمع بالخيانة,,,
وكنت وافي بالمحبة كثر ماعني سليت,,,
وكنت اشوف الناس مثلي غلطتي واكبر ذنوبي,,,
ايه لاني بالمحبة في هواك انت ابتليت,,,
ايه لاني في عيوني كنت اشوفك شي ثاني,,,
وش اشوفك شي ثاني؟كنت ملكك ماحييت,,,
كنت اردد في غيابك اجمل بيوت القصايد,,
كنت اردد من يقول اني بنسيانك نويت,,,
ثم اردد وان قويت انساك نسيانك صعب,,,
وكنت ارددها بصوتي في غيابك بيت بيت,,
وطحت من عيني حسايف من مكانن كنت فيه,,
مارقا به شخص غيرك لاولاغيرك رضيت,,,
لانك اول شخص عندي واخر انسان ابيه,,,
ولانك انت اللي ملكني ولانك انت اللي قويت,,
يسكن بوسط الحنايا وان جرح قلبي يمون,,,
ساكن بوسط الخفوق وفي عيوني له مبيت,,,
جفني الاول فراشه وجفني الثاني غطاه,,
ولو عطيته كل عمري اعتبرني ماعطيت,,
كنت مفرط في حناني وكنت مفرط بالغرام,,,
لين صرت انسان عادي في عيوني لو بكيت,,,
من غلاتك من قساتك من جحودك للوفا,,,
من ضياع سنين عمري واروع احلامن بنيت,,
اصبحت مثل الحطام اللي تطاير في هبوب,,,
ودي استدرك شتاتي لاضميت ولارويت,,
غير حبك يوم حبك ضيع سنيني معاه,,,
حسبي الله ان صدفتك وحسبي الله ان طريت,,,
وين مالديت وجهي المحك تضحك عليّ,,
المحك تضحك عليّ وغير ربي ماشكيت,,,
مات قلبي وش بقى بي اسالك بالله,,,
والخفوق اللي رميته في هواك اليوم ميت,,,
كيف انسى وكيف اسلى اسالك بالله كيف,,,
ولو اقول اني نسيتك يعلم الله مانسيت,,
طعنتن ادمت جروحي من كفوف اللي عطيته,,,
كل شي(ن) في حياتي واعتبرني ماعطيت,,
اكرهك واكره حياتي واكره سنيني معاك,,,
واوعدك مااحب ثاني طول عمري ماحييت..,
وش يهمك ليه غبت ووين غبت وليه جيت,,,
دام ماهزك غيابي وش يهزك لالفيت؟
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك