رواية كل يوم لك حال جديد يوم قريب ويوم بعيد -23
وش يهمك ليه غبت ووين غبت وليه جيت,,,
دام ماهزك غيابي وش يهزك لالفيت؟
الجدة ام خالد علامك انتي قالبة الخلقة؟
ياسمين بدون نفس ولاشي...
الجدة اكيدكنتي تبين تشترين شي ونواف مارضى احسن تستاهلي بس شغلتك تشري بها الثياب بدون لبس!!
ياسمين بنرفزة انا وين وانتي وين ياجدتي؟
مشعل لاتردين على احد ابرك لك؟ترى ذولا يشيبون؟
ياسمين بدون نفس على قولتك؟
مشعل الا انتوا وش سالفتكم مع بيت عمي...يعني خالد كان هو وهو مبين عليه ضايق خلقه وانتي رديتي من نواف بعد ضايق خلقك؟
الجدة نواف مامنه اثنين الا قول اختك الشينة؟
ياسمين بعصبية أي وبعدين..
الجدة وولدي حبيبي رايح فيها من بنت عمه موريته الضيم وهو ساكت...قلبي معه لايحكي ولايتكلم ياليته مااخذها واخذ له وحدة على كيفه كان اللحين مرتاح باله؟
ياسمين بنرفزة يعني اللحين انا الشينة ونواف الزين ووضحى الشينة وخالد الزين؟
الجدة بثقة طبعا....
مشعل خلاص خلاص خلاص لاتعصبين انتي الثانية وكنك توك تعرفين جدتي انها خرفت خلاص؟
الجدة بعصبية استح على وجهك انا جدتك وانت قاعد بوسط بيتي؟
وانتي ماتعقلين اخوك وتقولين له احترم جدتك؟
مشعل البيت بيت جدي مابعد تجنن واكتبه باسمك؟
الجدة سمعتي اخوك شيقول,,حاسبيه قولي له اللي تقوله غلط؟
ياسمين وهي قايمة مو انا الشينة اكيد مابيطلع مني غير الشين؟
الجدة وانا اكذب يعني!!!لكن بتشوفون اذا ماطلعتكم من بيتي!!!
ياسمين بنرفزة ومن قال ان احنا اصلا نبي نقعد في بيتك دقيقة؟؟؟
تفكيرها كله بللي كانت بحضنه قبل شوي...ماهي عارفة لوين بتوصل معه,,,وخالد بعد شكله وراه سالفة عويصة وشوفة ريم الليلة لعبت باعصابها عدل.. واللحين كملتها جدتها معها!!!
كانوا قاعدين بقهوة الليوان بوسط الخبر وكل واحد شايل هم فوق الثاني...
نواف بدى كلامه بعصبية وش بتفكر اللحين؟اني صدق كنت ابي ريم واني متفق معها تجي هنا؟
تركي كان يناظره بدون مايقول شي...
نواف بنفس العصبية اوووووف انا امس يوم اقول لااحمد بوديك عند امك لانه فشلني قدام الرجاجيل وهو يبكي بس ماتوقعت ان الصدفة اليوم تجمعنا مع ريم وجها لوجه وتحط ياسمين في بالها اني متقصد ها الشي؟
تركي بهدوء وانت شايل همها؟
نواف بنرفزة أي طبعا شايل همها ياتركي...عارف وش معنى انها تصدق اني ابي ريم؟
تركي مااعتقد ان رايها بها الموضوع مهم..سواء كانت تدري انك تبي ريم ولالا رايها بالسالفة كله مو مهم مدام جدي بالنص؟
نواف بتنهيدة تعب وفي علاقتنا؟
تركي بضحكة استهزاء ليه لوين استقرت الامور بينكم!!خبري انت مو طايقها وهي بنفس المعاملة تعاملك؟يعني وش اللي بيغير؟
نواف راحت افكاره لبعيد وقال بهدوء مو صحيح كل تصرفاتي....كل تصرفاتي معها ياتركي لاني ابي اداري شعوري ناحيتها...كل يوم يمر علينا انا وهي احس اني اتعلق فيها اكثر واكثر ياتركي...وماابي اثبت لنفسي ها الشي وتطلع ياسمين نسخة من وجه الفقر اللي شفتها اليوم؟
تركي وهو يشرب قهوته ببرود قلت لك مو كل البنات ريم ليه منت مقتنع؟
نواف ماعلينا انت شفيك؟
تركي وهو ينزل كوب القهوة بعصبية انا ضايع مو عارف وش اسوي مع نوف.....ماهي راضية تسمعني ولاهي عاطيتني مجال وماابي ارد البيت لاني لو رديت بدون تفاهم بذبح حصة ؟
نواف ليه شقايلة لها بعد!!
تركي مدري.....
نواف وليه بتذبحها؟
تركي لانها تعبت نوف بكلامها اليوم......
نواف وليه جازم بها الشي؟يمكن هي مالها شغل بكلام حصة وتعبانة من شي ثاني؟
تريك بعصبية وها الشي بيخليها تقولي تزوجني ياتركي؟؟؟هاذي نواف نوف..الثقيلة ماقالت ها الكلمة الا وهي على وشك الانفجار اكيد وسامعة شي مسمم بدنها؟والمشكلة انها سئلتني عن ...شي ماتصورت انها بتسالني عنه ابدا!!سئلتني عن العباية يانواف وعن شوفتها ذاك اليوم من نافذة المجلس وليه سويت كذا!!ماعرفت شقول لها يانواف والله ارتبكت...عندي كلام ومتعبني وماهي راضية تسمع وانا ماالومها...بس ابي فرصة ..ابي الوقت يعطيني فرصة اشرح لها اللي بخاطري,,,,
بغرفة نورة اخر الليل,,,
نوف رفعت راسها وقالت لنورة هذا تركي...
نورة ردي عليه؟
نوف تنهدت بقوة مالي خلق...
نورة ردي عليه مايصير تخلينه كذا انتي اكثر وحدة عارفة معاملتك الخاصة عند تركي..
نوف وعيونها تدمع وش تبيني اقول له عاد؟
نورة نوف...هو يحبك والاكيد انه مارضى لك تعرضين نفسك لها الموقف وانه هو لازم يبدي بها الخطوة,,
نوف وهي تبكي الشي صار وانتهى ماابي اكلمه خلاص..ماابي احس اني مفروضة عليه...اذا هو يبيني مثل ماقال ويحبني ليه مايقولها؟
نورة ردي...
نوف وهي تبكي بقوة مااقدر ماابي اسمع صوته...ابي ابعد عنه شوي....
نورة لازم يدري عن سالم يانوف...لاتوقعين نفسك بخطوة وعلاقة فاشلة علشان ....علشان حصة وكلامها..
نوف وعلشان رفضه هو بعد!!
نورة انا برد عليه..
نوف قامت تبكي..ونورة مسكت الجوال وردت على تركي...
تركي بلهفة هلا نوف...
نورة هلا تركي انا نورة..شلونك...
تركي بغصة نورة؟؟؟وين نوف؟شفيها؟
نورة سلامتك بس تعبانة شوي وماقدرت ترد عليك؟
تركي بخوف واضح فيها شي...اخذها للمستشفى,,,
نورة لا...ماله داعي..
تركي بنرفزة نورة قولي الصدق...
نورة ماله داعي صدقني..
تركي باصرار طيب عطيني اياها ابي اكلمها؟
نورة ماراح تكلمك لو تبي تكلمك ردت عليك من اول مادقيت...معليش تركي بس هي متضايقة شوي...
تركي ...
نورة لاتخاف مو علشان اللي صار بينكم اليوم ..
تنهد وقال قالت لك..
نورة أي...
تركي بدفاع هي مارضت تسمعني ولاتبي تسمعني وتسمع اللي ابيه اقوله..نورة انا..
قاطعته نورة اذا عندك كلام قوله لها هي اللحين متضايقة من سعود اخوها واللي يبي يسويه..
تركي بصدمة سعود؟وش يبي منها بعد!!!
اليوم الثاني بشركة التاْمين اللي كانت تشتغل فيها وضحى وكان اول يوم دوام لها....
كانت جالسة على مكتبها وقدامها مجموعة اوراق وشاشة كمبيوتر ومعها وحدة ثانية بس بعيدة عنها ,,,
كانت تكتب باوراقها وهمها على وجهها ,,,
هاذي اول تحس انها ضعيفة ومو قاوية تكمل حياتها,,كانت تتنهد بين دقيقة والثانية وهي تذكر خالد وشكل البنت اللي معه كان يترآى لها بمخيلتها كل ساعة بشكل غير..وهي حاسة انها كل مافكرت بها السالفة تعبت اكثر بس ماهي قاوية تشيلها من بالها,,,
رفعت راسها يوم سمعت احد يناديها باسمها...وبان الضيق عليها يوم شافت خالد واقف قبال مكتبها,,,
نزلت راسها لاتلتقي عينها بعينه ووقفت علشان تطلع من المكتب ويوم طلعت لحقها...
خالد وضحى..
لفت له وقالت بعصبية خير في شي؟
خالد بترجي خليني اتطمن عليك لو مابغيتي تسمعيني واللي يسلم عمرك؟
وضحى ماسمعت!!وش تبي!!
خالد بمذلة ابي اتطمن عليك انتي ووليد؟لاتحرميني من ها الشي تكفين..
وضحى وهي حاطة يدها على بطنها اللي مابعد كبر قلت لي تبي تتطمن عليّ وعلى وليد...طيب بما انك تبي تتطمن عليه تفضل اسمع..وليد كان هنا(وشدت يدها على بطنها وكررت كلمتها بغصة)
وليد كان هنا بس خلاص ماعاد فيه وليد ياخالد وليد راح...مافي شي يربطنا اسمه وليد مقدر اجيب لك شي يربطني فيك!!روح لها هي خلها هي تجيب لك وليد؟؟؟وليد اللي عندي مات..نزلته ياخالد؟؟؟
قالت كلامها ونزلت عنه وتركته واقف مكانه مصدوم؟؟؟
طبعا هذا بارت اليوم وبكرة لاني ماحقدر انزل لكم بكرة بارت..وان شاءالله مايرفع ضغطكم وينرفزكم مثل بارت امس هههههه
يالله بنتظار تعليقاتكم الحلوة يالغلا,,,
****
***
**
*
دوم منوريني يالغلا..
مشكورين على تفاعلكم وان شاءالله بارت اليوم يخفف شوي من حدة الضغط اللي جايكم من بارتاتي ها الايام(ههههه)
بس ترى رفعة الضغط والقهر والحماس كله بيكون ببارت بكرة ان شاءءالله اللي بيكون داير على نوف وتركي ونواف وياسمين,,,يعني للي مايحبهم لايتعب حاله ويجي,,,
البارت الثاني الخمسين ,,,,,,,,,,,
فواز صباح الخير والحب..
بهدوء وبرود قالت اهلا...
توقع برودها اليوم بس يوم سمعه مايدري ليش انصدم,,
فواز ........
مشاعل
فواز مشاعلي فيك شي؟
مشاعل لا,,
فواز وينك انتي؟
مشاعل بالجامعة؟
فواز متضايقة؟
مشاعل لا...
فواز وليه مالك خلق تردين عليّ!!
مشاعل ولاشي...
فواز قلبي انا متاْكد فيك شي...
مشاعل كيف تبيني ارد عليك يعني؟؟
فواز مشاعل انا احبك,,,
مشاعل بانفعال لاماتحبني ولاابيك تحبني وماابي احبك؟
تنهد وقال حبي سمعيني!!
كانت تبكي بصمت وماقالت شي....
فواز بهمس مشاعل..
مشاعل بتنهيدة اذا كان فيها فراق خله يكون اللحين قبل لاتكبر مشاعرنا معنا ...لاتتعبنا بعدين؟
تنهد هو بقوة وقال قلت لك انا لو الموت يجيني بكون معك ومابياخذني الا من حضنك.....
مشاعل ببكي بس انت قلت هم بيسعون لتفريقنا؟
فواز بترجي ودورك انك تظلين جنبي مهما كان اذا كنتي تبيني!!
انتي تبيني ولالا؟
مشاعل بعبرة خانقتها فواز انا....
فواز بتعب والله حبيتك يامشاعل وكل اللي بيسونه مابيهمني ولابيغير من حبك لي انا بس ابيك تكونين معي وجنبي وبعدين يمكن انهم مايسوون شي ليه التشاؤم بعد!
مشاعل انت اللي قلت بيسوون شي اكيد ولو منت متاْكد ماقلت؟
فواز طيب بتروقين ولابتظلين زعلانة؟
مشاعل
فواز بهمس احبك....
كل اللي طلع منها تنهيدة قوية ,,,,
مايدري كيف طلع من الشركة اللي كان فيها وراح الشقة,,,فتح الباب ودخل غرفة النوم مباشرة...وقف عند الباب وتنهد بقوة ..من طلعت وضحى مادخل ها الغرفة ابدا تنهد وهو يناظر ثياب نومها المرمية واللي ماقوى يشيلهم من اول ماشافهم!!!
تقرب منهم شوي شوي وشالهم كلهم بحضنه وحطهم على السرير وجلس عليه...
كان يناظر بمكانها الخالي على السرير.....
وهو يشيل ثوب ثوب ويتذكر كيف كان شكلها فيه؟؟؟
كانت ايام حلوة عاشها مع وضحى رغم المشاكل اللي كانت تجيهم,,,أي مشاكل ياخالد كلها زعل ساعة وساعتين وليلة وان كثرت ليلتين وها الشي يصير بكل بيت؟؟؟
اه ياوضحى اه....احبك لو تدرين وش قد غلاتك عندي صدقيني مابعدتي عني بلحظة مهما كان غلطي,,,مو قادر اتكلم واقول أي شي..حاس بتعب خانقني ومبعدني عن كل الدنيا,,,
شال ثوب من ضمن الثياب الموجودة وكان لونه ابيض وضمه بقوة لصدره وطاحت دموعه بغزارة وشد عليه اكثر واكثر وهو حاس انه قاعد يضم وضحى,,,,,
كانت حلوة بها الثوب....
كان يحب انعكاس ها الثوب عليها وهو عارف ان قلب وضحى ابيض ومايشيل على احد ابدا وحتى عليه ولو كان غلطان,,,
كان بمجرد يتقرب منها يبي يبدي موضوع الصلح يلاقي احلى ابتسامة مرسومة على وجهها,,
زاد صوت بكيه وهو يتذكر كلامها,,(وليد كان هنا,, اللحين ماعاد فيه وليد..مايلزمني ,,انا نزلته)كان حاس بالحرقة من كلامها...هو داري ان وضحى مانزلت الولد لان اهله دايم يقولون انها تعبانة مع الحمل واللي هم كل يوم يكلمونها يتطمنون عليها...وحتى نواف امس بملكة مشاعل قال له شخبارها مع الحمل معناته ان الحمل باقي بسس هي ماتبيني احط امل ان باقي لي امل بقربها!!
بس لحظة ياخالد لو وضحى صدق نزلته وماقالت لااي احد وبعدين بتقولهم انه صار شي ونزل الولد؟؟؟؟؟؟؟؟؟؟؟؟؟
ام تركي منت رايح الدوام...بتتاْخر يمه؟
تركي بدون نفس لا ماخذ اجازة اليوم؟
ام تركي خير يمه فيك شي...تعبان..حاس بشي...
تركي بتنهيدة لامافي شي...بس كان عندي مشاوير من هنا ومن هنا وقلت اخذ اجازة اليوم.......
ام تركي اقول تركي قول الصدق يمه وصارحني نوف امس قايلة لك شي بالمستشفى؟
تركي بفزع شي مثل شنو يمه؟
ام تركي بزعل مدري بس تعبها المفاجىْ امس ضايقني ووجود حصة بالبيت حسسني ان في شي,,,,قلت يمكن قالت لك ولالمشاعل...وبعدين وش اللي يخليها تنام عند نورة؟
تركي بضيق يمكن بنتك ضايقت نفسيتها وراحت هناك,,
ام تركي بتنهيدة مدري متى ها الحصة بتعقل عن بنت عمها؟
تركي بعصبية خليني بس اخلص الشغالة اللي بيدي صدقيني بتفرغ لبنتك عدل ,,,صارت ام قلنا عقلت بس الظاهر مافي امل انها تتغير ها الحصة ابدا!!
ام تركي ماعليه يمه بالعدال عليها هاذي اختك الكبيرة بعد مايصير دومكم متخانقين كذا!!
تركي بنرفزة انتي ماتشوفين تصرفاتها يمه؟
ام تركي ماعليه يايمه بعد عيني انا وابوك انتوا مالكم غنى عن بعض ياتركي وانت العاقل ياحبيبي...
تركي لكم طولة العمر يايمه ماله داعي ها الكلام....وبعدين هي اللي تتصرف تصرفات غبية...ولانوف ينسمع لها صوت بالبيت علشان تستاهل تصرفات حصة معها؟
ام تركي اه على نوف....والله ان اللي بقلبها كبير وانا خايفة عليها....ياربي يريح بالها مع ولد الحلال اللي يهنيها ويعرف مقدارها والله زينة البنات ها النوف؟
كان الكلام طبعا بشكل مو مباشر لتركي بس هو تضايق من امه ومافهم انها تقصده هو...
تركي بنرفزة يمه ..نوف الف واحد يتمناها وتاكدي مابياخذها الا اللي بيصونها وبيشقي نفسه علشان تكون سعيدة...
ام تركي الله يجيبه يايمه الله يجيبه...
كان تركي بيقول شي بس باب الصالة اللي انفتح ودخلت منه نوف خلاه يسكت ويناظرها..
كان في شي متعب على وجهها,,,
نوف مرحبا...
ام تركي الطيب عند ذكره تونا نسولف فيك انا وتركي..
ابتسمت ابتسامة باهتة بعيدا عن الحياة وهي مقررة تبعد عن نظرات تركي باي طريقة,,
وتقربت من خالتها اللي وقفت لها وباستها واخذتها ام تركي بحضنها,,,
ام تركي توي اقول نوف زعلانة مني وراقدة برى البيت مدري وش فيها عليّ!!
نوف بتعب لاياخالتي لا والله مافيني شي ولو ادري نومتي عند نورة بتزعلك والله مانمت!!
ام تركي بعدت عنها والله مازعلتني بس كنت ابي اتطمن عليك بعد طلعتك من المستشفى ظليت احاتيك..
نوف مافيني شي ياخالتي بس تعرفين الدلع ومايسوي...
ام تركي زين ماسويتي يوم مارحتي الجامعة اليوم ارتاحي ..تعالي جلسي وبجهز لك فطور..
نوف باعتراض لاخالتي ماابي توي شاربة قهوة مع نورة وهي رايحة الجامعة..
ام تركي وهي رايحة للمطبخ مافي..قلت بتفطرين معي يعني بتفطرين....
تركي بهدوء نوف شلونك؟
وقف قلبها يوم سمعت صوته القوي يناديها...رغم حنيته ولهفته بالسؤال عنها الا انها ها المرة بس حست بهيبته صدق وماقدرت تلف له,,,,
تركي ان شاءالله انك صرتي احسن اليوم؟
نوف تنهدت وحس بالضيق وقال بهمس نوف انا رايح لسعود بعد شوي...
لفت له وقامت تناظره وماعرفت شتقول,,,,
تركي لعلمك بس لو تعطيني فرصة اتكلم معك فيها كنتي بتعرفين بللي صار بليلة ملكة مشاعل بس منتي راضية تكلميني وتردين عليّ وتسمعيني!!
بصوت ضعيف قالت وش صار؟
كانت امه جاية ومعها صينية الفطور وقال لها بهمس تريقي اللحين وبعده باخذك معي بمشيك وبقولك كل شي بالسيارة؟
نوف بصوت واطي سعود...له شغل بالسالفة؟يعني هي نفسها السالفة اللي قالتها لك نورة ولا غيرها؟
مارد عليها بس ناظرها,,,
ام تركي وهي تحط الصينية على الطاولة وانتي لسه واقفة ماجلستي!!!تعالي جنبي بس تعالي,,,,
روحي تحبك غصب عني تحبك,,,
والمشكلة حبك لقلبي جرحني,,
واذا شكيت تقول وش كان ذنبك,,
ذنبي هويتك يوم وحبك ذبحني ,,
كانت تمسح دمعة وترجع تنزل مثلها وترجع تمسحها,,,
خالد كل دنيتها من سنتين ..من تزوجوا..اساسا كان كل عالمها ذكرياتها عن ابوها الله يرحمه ونواف ولؤلؤة ويوم تزوجت خالد اخذ النطاق الاكبر بقلبها,,,
صحيح كانوا يتهاوشون ويتزاعلون بس رضاهم من بعض ما يبي له شي اساسا مشاكلهم كانت ملح حياتهم(احم احم )وكل زعلة وراها رضوة تقربهم من بعض اكثر واكثر واكثر وتعطيهم حميمية زايدة بعلاقتهم,,,
ماكانت علاقتهم باولى ايام الزواج قوية بس بعد كل المشاكل والرضى كانت تقوى اكثر واكثر وتحس انها ماتقدر تستغني عنه بيوم من ايامها..بس القدر ياوضحى القدر...اه منه ...معقولة هوى خالد اللي اتنفسه بعدت عنه لاني لواتنفسه اللحين بيخنقني!!!
طلعت بوكها من شنطتها وفتحته وهي كل يوم تطلعه وتناظر بصورة خالد اللي فيه...
كل شي فيه يعذبها..وسامته..طيبته..خفة دمه,,حلاوة روحه,,اهتمامه بالكل,,,,الا خيانته ماهي قادرة تتصورها؟؟؟
متى؟؟ليه؟؟؟من زمان؟؟؟وش فيه قصرت؟؟؟وش اللي ماعجبه فيني!!!وش اللي عندها وماعندي!!وش اللي حرمته منه علشان يروح لغيري؟؟احلى مني!!هذا مو سبب....والله ماهو سبب يخليه يخون...طيب لو هي احلى مني وانا مو عاجبته ليه ماتركني من اول يوم وراح لها ليه ضل معي سنتين ويوم بيجينا ولد سواها؟؟؟
حست ان اكسجينها قاعد يتناقص شوي شوي... والاكيد بيذبحها دخلت صورة خالد بسرعة في شنطتها وصارت تمسح بشلال الدموع اللي على وجهها؟
ياسمين يمه...انا طالعة مع خالد..
ام مشعل وش عنده معك؟
ياسمين قال يبيني بسالفة؟
ام مشعل وليه مايجي هنا؟
ياسمين بهمس يقول مايبي احد يسمعها...شي بيني وبينه؟
ام مشعل بهمس ياسمين فيك شي مع نواف ؟
ياسمين يمه ماتخصني انا السالفة تخصه هو؟
ام مشعل طيب كلمي نواف قولي له؟
ياسمين وهي تتاءفف كلميه انتي!!
ام مشعل بصرامة ياسمين..
ياسمين طيب مو لازم يعني انا طالعة مع خالد يعني..
قاطعتها امها صيري بنت ناس اوادم وكلميه وعن القرقة الزايدة اللي مالها معنى..واذا رحتي ردي بسرعة عمتك بتجي اليوم لنا,,,
ياسمين بروح ابدل ثيابي وبدق عليه....
ركبت غرفتها وشالت عبايتها ورمت اغراضها على المكتب ودقت له كانت مغمضة عيونها وهي تتخيل شكل نواف اللي كان ضامها البارحة لصدره وهمس لها وقال (ياسميني) واللي الاكيد انه اللحين بيرد وبيقول اشياء تضايقها وتنرفزها,,,
وقف قلبها يوم سمع صوته هادي مرة وهو يقول هلا..
حست انه اكيد معه احد لانه اللحين يكون بالشركة قالت بعد تردد وبصوت خايف خالد عازمني على الغذى يصير اروح معه لو عندك مانع!!!
كان بها اللحظات يبتسم الا يضحك من اسلوبها من جدها ذي مسوية خايفة مني وهي قوية باس؟؟؟
نواف بضحكة وقفت قلب ياسمين أي وبعدين!!!وش الحكاية مسوية ذربة وخايفة؟
تنهدت بقوة وسكتت..وحس بالخطر من تنهدها او بالاحرى ذكره بليلة البارح وهي بحضنه,,,,
نواف بهمس وين رحتي!!
بارتباك قالت معك..مارحت مكان انتظر ردك؟
نواف ياسمين..الناس اذا اتصلت شتقول؟
ياسمين ببراْة تسلم..وتسال عن الحال..
نواف وهو ياْنبها بهدوء وانتي ليه ماسلمتي ولاسئلتيني عن احوالي!!
ياسمين عشان البارحة شفتك وش بيكون عندك من احوال جديدة...
نواف ها...بتقلبين يعني مااوافق!!!
ياسمين لالا تكفى مو قصدي...شلونك...
كان يبي يسمعها منها..يبي يرتاح..يبيها تقوله حبيبي حتى لو ماكانت تحبه بس المهم تقولها,,,
نواف بهمس شلونك ياشنو؟
ارتبكت وماعرفت شتقول من لهفته وفضلت تسكت...
نواف انتبه على نفسه وغير الموضوع طيب وش المناسبة؟
ياسمين سالفة بيني وبينه..
نواف اها..يعني انا واختي طالعين منها؟
ياسمين انا ماقلت ان وضحى مو موجودة...اكيد بتكون موجودة...
قالتها وتندمت لانها حست ان خالد متخانق مع وضحى واكيد مابتجي معه,,,
نواف يعني بس انا اللي برى السالفة؟
ياسمين .
نواف خلاص انا عازمك بكرة على العشى بدل عشى البارحة..
قاطعته بسرعة لا...ماابي اشوفها مرة ثانية...
نواف بصدق ياسمين قلت لك شوفتنا لها كانت صدفة وانا مو قاصدها....اساسا لو ادري اني بشوفها مارحت؟قال اخر جملة بانفعال وعصبية لاحظتهم ياسمين....
ياسمين طيب...تعال انت تعشى بكرة بالبيت مو لازم نطلع...يعني مافرقت بالبيت لو برى اذا القصد ان احنا نتعشى مع بعض؟
بشركة سعود اللي كان يشتغل فيها...
اخ سعود..اخ سعود..
سعود خير...
عندك ضيف ينتظرك بالمكتب...
سعود وماقال منو وليه جاي وش يبي؟
خير بالله وتبيني اسائله بعد!!
سعود ههه امزح معك ياولد الحلال....
راح مكتبه وكان هناك واحد جالس على كرسيه وها الشي نرفزه وتوه بيتكلم بعصبية طاحت عينه بعين تركي وسكت مرة وحدة..
كان تركي هيبة بجد..وكل اللي يعرفه واللي مايعرفه يفرض له الاحترام,,,,
سعود بصدمة تركي..
تركي بعصبية لو ماكنت ولد عمي واكبر مني..ولو ماحشيمتي تفرض علي اني احترم نفسي كان من زمان مديت يدي عليك وعلمتك وشلون يتفاهمون الرجاجيل؟؟؟
سعود
تركي تفضل اجلس ليه واقف..
سعود بضيق في شي....
تركي انا اللي اسئل اذا كان في شي....
سعود ..........
تركي اعتقد ان ابوي دق لك قبل ملكة مشاعل وقبل لايعزمك على ملكتها وقال لك اني خاطب نوف صح ولالا؟
سعود .....
تركي ابي افهم تدق لها يوم ثاني وتقول لها اخو مرتك خاطبها وانت موافق ليه؟؟
سعود لان اختي ماهي مرمية...انتوا ماتبونها..
تركي بحدة نعم عيد الكلام ماسمعته بالله!!
سعود اختك جتني البيت وقالت ان انت ماتبيها وان نوف اللي طلبت منك ها الشي وهي اللي قاعدة تلاحقك....وان انت بتوافق بس علشان تاخذ ورثها؟
تركي ماشاءالله ومزبطينها انت وحصة بعد!!!
قام من كرسيه ووقف قريب من سعود اللي كان لسه عند الباب وقال اقول ترى باي لحظة بتسمع عن ملكتنا انا ونوف وانا بصراحة مو مفكر اعزمك...فايليت تنسى سالفة انك تبيها لا اخو مرتك ياسعود....واذا انت قاعد تساوم على حلال اختك..تطمن انا اللي عندي اللحين ربع حلال اختك مايوصل له..وكله كاتبه باسمها؟؟؟
هي وحدها نوف كانت قاعدة بسيارة تركي وماهي عارفة وش تسوي...اساسا ماكانت تبي تجي وشنو اللي خلاها تجي ماتدري!!
تركي طول وهو عند سعود....ياترى وش صاير بينهم!!
كل شوي ترفع جوالها تبي تشوف اتصال من واحد فيهم وماتشوف...
اساسا طول الطريق من البيت لشركة سعود ماتكلم تركي ولابكلمة وها الشي خلاها تتعب زيادة,,,,
وشونو الشي اللي هي ماتعرفه..معقولة بيعترف لها بحبه؟بس لانها عرضت عليه الزواج؟تنهدت بقوة ويوم شافت تركي جاي ..حطت نظارتها الشمسية عليها علشان تخفي نظراتها عنه,,,,
ركب السيارة ومشى وماقال ولاشي ودق جواله اكثر من مرة وبكل مرة يشوف اسم المتصل ومايرد عليه ويرد الجوال مكانه لين وصلوا البحر...ضلوا هناك والمكان فاضي ووقف تركي السيارة قبال البحر..... وطفاها ولف لنوف اللي حست ان قلبها بيوقف ماعندها استعداد تسمع أي تصريح منه ..ليه اللحين بس صارت تحس بهيبته اللي يتكلمون عنها وماكانت تحس فيها قبل؟؟؟سؤال راودها بس ماقدرت تشوف له أي اجابة,,
كل اللي حسته ان جسمها كله وقف يوم امتدت يد تركي تشيل نظارتها وهو يقول بهمس النظارة علشان الشمس ولاعلشان تحرميني من عينك؟
حست ان الوانها انقلبت حيييل وماهي قادرة تنطق بشي..حتى بعد ماشال النظارة من عينها ظلت مغمضة عينها وهي النار شابة فيها من يد تركي اللي بعدها على خدها وقاعد يمررا صبعه عليها بنعومة وهي تتنهد وبس..
تركي بهمس ووجه قبال وجهها فتحي عيونك يانوف...
نوف كل اللي بمخيلتها اللحين صورتها وهي بحضنه ليلة ملكة مشاعل وكل ماتتذكر يزيد ارتباكها وتحس انها خايفة من قربه منها بها الطريقة,,,
تركي نوف..فتحي عينك ابي اشوفك وابيك تسمعيني,,,
نوف لفت وجهها للنافذة وقالت بارتباك وبصوت واطي وش كنت بتقول؟
تركي مو قبل ماتطمنيني عنك ...انتي اليوم بخير؟
دمعت عيونها وحست ان سؤاله عنها كان حار...وكان اشواقه وخوفه كلهم تجمعوا بها السؤال لفت له وشاف دمعتها ومسحها بسرعة وهو حاير منها..
قالت بغصة يهمك؟
تركي بسرعة ولهفة طبعا يهمني....اساسا كل شي فيك انتي يهمني يالغالية؟
نوف نزلت راسها وقامت تبكي,,,,,
تركي نوف...يمكن ماتصدقيني بس بيوم ملكة مشاعل...وقبل لاتكونين بحضني...يعني من الصباح انا خطبتك من ابوي...
رفعت راسها بها اللحظات.....
ماكنت ابي اخطبك قبل لااقولك عن مشاعري ناحيتك بس ماقدرت اصبر اكثر واكثر والليل شفتك وحسيت اني بموت لو مااتخذت الخطوة وكلمت ابوي مرة ثانية بس شوفة عينك الليل كانت ملكة مشاعل ويوم ثاني راح الرياض وماصار عنده وقت يكلمك والاكيد ان الليلة لو بكرة بيقولك...نوف..والله وكتاب الله اني خطبتك ماابيك تفكرين انك بالمستشفى عرضتي عليّ الموضوع؟؟؟انا قلت لك لا..لاني انا خطبتك وماكنت ابيك تسمعين السالفة وتفكرين انك انتي عرضتي عليّ بينما انا اللي ابيك؟
يالله ابي تعليقات وانفعالات واكشنات..وكل شي هههههه اشوفكم بكرة على خير
****
***
**
*
احم احم احم..انا جيت(اي ويعني وش عندك مايبون سواد عيونك يبون البارت والسلام هههه*
شلونكم وشخبار نفسياتكم بعد الضغط والسكر اللي ارتفعوا ان شاءالله بخير,,,
يعني انا بصراحة مدري بارت اليوم بيرفع شي ولابينزل شي ولاماهو ماْثر اصلا لاني قلت لكم مسبقا يخص الاربعة بس,,,,
بنتظر تعليقكم عليه وبشوف,,,,
البارت الثالث والخمسين ,,,,
كانوا لسه بالسيارة وماغيروا حتى وجهتهم,,,
لسه واقفين قبال البحر,,,
المكان الوحيد اللي تحبه نوف ومايجيبها لهنا غير تركي...
بس ها المرة غير...ها المرة ماهي قاوية تنزل وتمشي على البحر,,,
هيبة الشخص اللي جالس جنبها مانعتها حتى من انها تعدل جلستها بالسيارة...احساس رهيب حسته وهي جالسة مع تركي وبعد ها الكلام اللي قاله...
طول الوقت كان فارض احترامه عليها وعلى الكل ولازال طبعا واعترافه بالشي اللي قاله ماقلل من هيبته بالعكس زادها عندها...
توقعت من تركي كل شي الا الحب للحين ماهي راضية تدخل الفكرة مزاجها وبالها,,,,
انتبهت على صوته اللي قبالها علطول وهو يهمس باسمها ويناديها
تركي نوف...
لفت لجهته بس مارفعت راسها له..
وقرب يده من راسهاورفع وجهها شوي شوي...
التقوا نظراتهم في بعض وماتدري أي شي مخبيه تركي بنظراته بس الاكيد انه مو شي بسيط ويعبر عن عاطفة قوية,,,ماقوت تناظر فيه اكثر قالت بسرعة
نوف تركي لو سمحت ابي ارد البيت...
تنهد وهو بعده لازق وجهها بوجهه وقال بحنية وهمس بس الشي الاهم ماعرفتيه يانوف؟
نوف وهي تكابر لاتبكي ماابي اسمعه اللحين ياتركي الله يخليك...ابي ارد البيت؟
تركي بهمس بس انا ابيك تعرفين..لازم تعرفين عن اللي بها القلب يانوف..
حست ان قلبها بيوقف وماهي قادرة تسمع منه تصريح بالحب,,,,,
قالت بترجي وبلهجة شبه باكية محنا طايرين ياتركي بنشوف بعض بعدين بس اللحين ابي ارد البيت تكفى,,,,,
تنهد بقوة وقال لها بانصياع على امرك بنرد البيت ,,,,
في مطعم كوبر شدندي بالخبر,,,
ياسمين يعني اللحين لازم ابصم مليون بالمية ان فيك شي وقوي بعد!!
تنهد خالد وماقال أي شي..
ياسمين بحنان خالد انت ملاحظ انك من مريتني لين جلسنا مانطقت بكلمة وحدة؟وهاذي مو عوايد خويلد اللي طول الوقت فاتح الاذاعة ويبربر,,,,
ماعلق بشي وها الشي خوفها...وبس رفع راسه بانت لها دمعتين بطرف عينه..
ياسمين بخوف خالد علامك...
قرب شماغه ومسح دمعته وقال بتنهيدة احبها...والله العظيم احبها..
ياسمين بذعر مني هاذي ياخالد؟؟؟انت مو صاحي؟؟؟ووضحى...وين مكانها بقلبك اجل؟؟وين عشقك لها وجنونك فيها؟وين حبكم؟
قاطعها بانفعال انا احب وضحى ياياسمين..
ياسمين ومني هاذي اجل اللي تقول انك تحبها؟
خالد بنفس الانفعال انا اقصدها هي ياياسمين,,,
سكتت شوي وقامت تناظره وبعدها قالت تحبها...وتحبك..والحمدلله انكم صرتوا نصيب بعض وتزوجتوا؟وين المشكلة ياخالد؟لاتتكلم معي بالالغاز!!
خالد بدا يبكي ياسمين والله ماكان قصدي اجرحها...كانت غلطة...انا احبها مووت وربي يشهد..مو قاوي على غيابها عني ابدا!!
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك