رواية زمن البويات -1
رواية زمن البويات
الكاتبه : bnt el gbayl
منتديات غرام | أقلام لا تتوقف عن الإبداع
السلام عليكم ورحمه الله وبركاته
لقد قرأت روايات كثيره وتأثرت بالكثير من الروايات احببت ان اسلك هذا الدرب وبعد تفكير طويل اضع الان اول مولوده لي وهي "زمن البويات" روايتي %80 منها من الواقع ومن القصص التي سمعتها وعشتها لن اطيل عليكم كثيرا وارجو ان تستمتعوا بقراءه روايتي وسوف اتقبل النقد "البناء" بكل رحابه صدر
نبدا بالشخصيات
بيت خالد الــ....
الاب خالد:سفير طيب وحبوب عمره 45 سنه ولكن الي يشوفه يضنه اصغر بواجد كثير السفر كان بتمنى انه يجيب ولد ولاكن ليس كل مايتمناه المرء يدركه^.*وبعدها اقتنع ان مافي فرق بين البنت و الولد على عكس صديقه لونه برونزي جسمه رياضي وله عارض والبنات كلهم خاقين عليه ^_*
الام وضحى:عمرها 35 جسمها جسم عارضه ازياء شعرها صابغته اشقر و بيضاا واجد عيونها كبيره و عسليه كثيره الاهتمام بشكله وكثيره السفر بسبب شغل زوجها
رشد:بنتهم الكبيره عمرها 23 شعرها بوي جميله ملامحها حاده خشمها سله سيف وعيونها كبيره وعسليه شعرها بني طبيعي شفايفها صغيره ولونها الوردي الشاحب طويله اجتماعيه ولها هيبتها فالجامعه ابوها يعتبرها يده اليمين ويعتمد عليها كثير(الكل ربما يتسائل عن قرب عمر رشد من عمر امها بكل بساطه لان امها تزوجت وعمرها 13 وحملت 14 )
رناد:عمرها 20 شعرها بني لين كتفها ومنتف عيونها ناعسه وبني شفايفها صغيره بس ممتلئه خشمه صغير عصبيه بزياده بس مرحه ف اوقات يعني مزاجيه تأثرت واجد بأختها رشد
تماضر:كلهم ينادونها توتو او توتوه دلوعه العيله ابوها يموت فيها و بدلعها وامها توديها معاها الاعراس والاستقبالات عشان تكشخ ب جمال بنتها^.* بيضا نفس امها عيونها كبيره وعسلي جسمها حلو و مرتب قصيره اقصر من خواتها كلهم شعرها لين اخر ضهرها بني فاتح وناعم
بيت محمد الــ....
الاب محمد صديق خالد الروح بالروح عريض و طويل ابيض وعيونه رمادي والسبب امه روسيه وزير وهو الي توسط ل خالد عشان يصير سفير متزوج 2
الزوجه الاولى مشاعل:مليانه شعرها بني ودايما تقصه فيكتوريا بيكام مهمله وماتهم الا بنفسها
عنده بنت منها الي هي شجون
شجون:صديقه رشد الروح بالروح و فنفس عمرها وداشين نفس التخصص لونها برونزي وعيونها رمادي نفس ابوها شعرها بني فاتح لين كفها ومنتف شفايفها صغيره بس مليانه خشمها سله سيف وطويله شخصيتها غامضه
بعد ماجابت البنت الي هي شجون تزوج على مرته وجاب منها بنت الي هي بدريه(بعض الرجال يجهلون ان الرجل هو الذي يحدد جنس الطفل وليس المرأه)
بدريه:من عمر توتو ومعاها بنفس السكول تأثرت بالضاهره المنتشره شعرها لين كتفها ودايم تسويه تخليه على طبيعته ويفي وتلبس نضاره شمسيه وتشبه ل امها عهود واجد عيونها بني غامج وصغيره وشفايفها صغيره
الام عهود:جمالها خليجي عيونها بني ومليانه شفايفها صغيره وهي اكبر من مشاعل
والباقي نتعرف عليهم من الروايه
نبدا بالأحداث
الفصل الاول
جات الخدامه تنادي رشد عشان العشى بس رشد كانت خايفه من ابوها ومانزلت ف خالد ارسل لها بنته تماضر عشان تنادييها , تماضر راحت لغرفتها وهي خايفه من رشد فتحت الباب
تماضر بتوتر :امممممم رشد بابا يقولج نزلي عشان العشى
رشد:روحي جايه استجمعت قواها ونزلت تحت وجلست بكل هدوء
عائله خالد مجتمعين على طاوله الطعام على العشاء الصمت يعم المكان كسرت الصمت رشد
رشد:يبه ولله ماسويت شي هم حاطيني ف بالهم و
الاب خالد:بس يا رشد
رشد تنهدت وسكتت
وضحى لفت على خالد وعطته نضره بما معناه يله تكلم
الاب خالد:انا ابي اقولكم شي واتمنى تسعوني لين الاخر
البنات كلهم وجهو انضارهم لأبوهم خالد
خالد:احنا لازم نسافر بكون سفير ف دوله ثانيه بننتقل ل امريكا
رشد بعصبيه:الحمدلله انا شبعت وماراح اروح مكان من يوم احنى صغار واحنى ماقعدنا ف دوله اكثر من 4 سنين لين متى يبه وقامت من على الطاوله
الاب بهدوء مخيف:رشد ماخلصت كلامي
رشد ردت قعدت
خالد:انا توقعت رده الفعل هاذي خصوصا منج انتي يا رشد في حل ثاني امكم فكرت فيه
وضحى:بناتي انتو كبرتو الحين وتقدرون تعتمدون على نفسكم بنسافر انا و ابوكم وانتوا تقدرون تقعدون هني وانا برجع اتطمن عليكم
رناد:قصدك امي فكرت ف نفسها مب فينا امي تبي تسافر تستانس برع وبناتها ماهموها قامت بعصبيه وركبت فوق ل غرفتها
اما تماضر اكتفت بدموعها الي تنزل بصمت
عند شجون كان الجو مكهرب فالبيت وشجون كالعاده تتهاوش مع امها
شجون:انا قلت الي عندي انتي مب راضيه تصدقيني تبين تصدقينهم هذا شي راجع لج
مشاعل:لا تصرخين علي انا امج عيل ليش كنسلو بعثتج وردوج هني فهميني
شجون:وانا شعرفني خلاص ماصار شي بكمل جامعه هني
مشاعل:سوي الي تبينه يا شجون انا تعبت منج
راحت شجون وهي ضايقه فيها الدنيا واتصلت بصديقتها رشد
نرجع ل بيت خالد
خلصوا اكل و قاموا جات رشد بتقوم
خالد:قعدي ابييج
رشد قعدت وتوترت
خالد:سمعيني يا رشد انا مشغول هاليومين بس ف بعطيج فرصه ولو رجعت وسمعت شكوى عليج فالجامعه لي تصرف ثاني
رن جواال رشد
خالد:تقدرين تقومين
رشد قامت وردت على جوالها
شجون:الو رشوود الحقيني مادري امي متى بتنسى هل سالفه
وقعدوا يشكون ل بعض الي صار لهم
رشد:وبس قررنا نقعد و امي و ابوي بيسافرون
شجون ساكته من الصدمه شلون ام تفكر كذا
رشد:ياعمي من شاف مصيبه غيره هانت عليه مصيبته
عند تماضر
راحت الغرفه وقدت تبكي وتفكر بالي صار شلون امها و ابوها بيروحون عنها !وغير هذا بكره اول يوم دراسي ف مدرستها الجديده وهي خايفه من الي راح يصير بكره
عند رناد
رناد قعدت تحرق زقاره ورى زقاره واتصلت لحبيبتها وقعدت تشكي لها لين نامت
اما في بيت عهود عهود كانت قاعده مع بنتها يشوفون فلم
(حبيبه رناد اسمها الهنوف ناعمه وقصيره واجد بالنسبه ل رناد مب جميله واجد لاكنها جذابه تصير بنت عم بنت خاله رناد و صار لهم 3 سنين مع بعض )
عهود:بدور يمه روحي نامي بكره اول يوم بالمدرسه
بدريه:ردينا للمتعسه الله يصبرني
عهود:يابنتي انتي الحين 3 ثانوي يعني لازم تشدين حيلك وتخلين عنك الهبال و اللعب وغمزت لها و البنات
بدريه :هههههههه انا اصلن ماعندي هالحركات
عهود:مو علي ياحبيبتي
بدريه:ههههه تامريني بشي بنام
عهود:سلامتج يمه
بدريه قامت من عند امها وراحت غرفتها وماقدرت تنام من التفكير ف اخت رشد تماضر ياترى للحيين تتذكرني اكييد نستني بكره بنشوف يا تماضر قررت تتصل ل اختها شجون عشان تسألها عن سبب رجعتها من لندن لانها كانت تدرس هناك مع صديقتها رشد
عند شجون قامت من النوم على صوت الجوال شافت المتصل سكرته وردت نامت
شنو راح يصير اول يوم بالمدرسه؟
و شنو علاقة بدريه ب تماضر ؟
و شنو السبب الي خلى رشد و شجون يرجعون ويكملون دراستهم هني؟
وشنو راح يسوي ابو رشد؟
ردودكم و توقعاتكم يا الحلوين اطلقو العناان لخيااالكم ^.*
اتمنى اشوف دعم
الفصل الثاني
الساعه سبع الصبح وتماضر لسه ماقامت
خالد:يانبوييه انتتي يا نبويييه
نبويه:ايوا يا بييه (نبويه هاذي رئيسه الخدم تشتغل عندهم من زمان ويعتبرونها من اهل البيت)
خالد:البنات راحوا؟
نبويه:الست رشد ئامت من الصبح وراحت عل جامعه اما الست رناد ئالتلي صحيني الساعه 9 اصل جامعتها ع الساعه 10 الا ربع والاميره توتو مش عايزه تصحى (رشد قامت من الصبح وراحت الجامعه اما رشد قالت لي قوميني الساعه 9 لان محاضرتها 10 الا ربع و الاميره توتو ماتقوم)
خالد:خلاص روحي انا بروح اقومها من النوم
نبويه:حاضر يا بيه
خالد راح الاصنصير عشان يصعد للدور الثاني
نبويه:مش عيز حاقه تانيه يا بيه ؟(تبي شي ثاني؟)
خالد :لا يانبويه مشكوره
خالد راح ودش غرفة بنته
كانت الغرفه وردي و ابيض و الاثاث كله وردي و ابيض
فتح الباب طلع كلبها الابيض الي من فصيله شيواوا من الغرفه (للي مايعرفون هذا الكلب هذا كلب صغير وكله شعر ومايكبر اغلب المشاهير يمتلكونه وسعره غالي شوي وطايحين فيه طيحه بالدوحه عندنا^.*)
خالد:توته يله يا بابا لاتنسين المدرسه
تماضر و عينها كلها نوم:انشالله
قامته وباست ابوها على راسه
خالد:لاتتأخرين لان انا بوصلج
تماضر :صج يبه دقايق و اكون مخلصه وطارت على الحمام
خالد قعد يضحك على برائه بنته ونزل ينتضرها تحت
تماضر خلصت ف نص ساعه وهذا طبعا بدري بالنسبه لها نزلت تحت عند ابوها
اليونيفورم مال المدرسه كان تنوره كحلي و بلوزه بيضا وكانت كارهته تماضر بس عليها كان جنان
كان بارز جسمها هي لبست بلوزه رالف لورين وحطت مسكرا وكحل اسود فوق عينها بس وشعرها ستريت
خالد:نص ساعه مخلتني انطرج
تماضر مدت بوزها
خالد:ماشالله شهالجمال
تماضر:على مااامي طالعه اكيد بكون جميله
خالد :مدرسه ولا عرس؟
تماضر:هذا كله طبيعي
خالد:ايي هين
ومشوا السياره
فالجامعه
رشد و شجون راحوا معا بعض هم تخصصهم بزنس
رشد:شكلي فييه شي؟
شجون:لاء
رشد:شوفيني عدل عدل شكلي فيه شي
شجون:لااء!
رشد:ليش كل العالم تطالعنا
شجون:منبهريين من جمالي
رشد دزتها ودعمت ف بنت
شجون:اسفه صار لج شي؟
البنت بدلع:لااء بس فتح مره ثانيه انا ماتحمل
شجون بابتسامه:ولله انا الي ماتحمل
البنت سوت مستحيه
شجون :عل عموم سوري ومشوا عنها
رشد:انا اشهد ان علييج ذووق استغفرالله
شجون:هههههههههه لايكون صدقتي بس من شاف المكياج الي حاطته حتى ملامح ويها مختفيه
رشد:ههههههههههههههههههههههههههه
رشد و شجون شافوا الساعه وراحوا ركيض على قاعه المحاضره لانها بدت من 10 دقايق
دشوا القاعه والاعين كلها عليهم
الدكتور:
are you lost
(انتوا ضايعين؟)
رشد:
no sir,we are the new student's we came from ...... in uk the admin toled me that they toled u about us (لا ياسيدي,احنا طلاب جدد من جامعه ***** في بيرطانيا الاداره قالت لي انها كلمتك عنا )
الدكتور:
yes they did but you are late so u can't come in please close the door behind you
(نعم قالوا لي عنكم بس انتوا تأخرتوا ما اقدر ادخلكم وسكروا الباب وراكم)
شجون و رشد حسوا بالأحراج
شجون:من فاكر نفسه
رشد:تصرفي معاه انا مايخصني كله منج
شجون:
we are late beacouse we don't know the bulding her its our first time
(تـأخرنا لاننا مانعرف المبنى وهاي اول مره)
الدكتور:
okey find a place and sit quaitly and dont expect that i will let u in next time
(اوكي دورو مكان تقعدون فيه بهدوء ولاتتوثعون اني بدخلكم ثاني مره)
قعدت شجون بالصف القبل الاخير وشد بالصف الاخير وراها
في المدرسه تماضر دشيت وتحس بالخوف وان الكل يطالعها مشت وراحت الاداره و ودتها المشرفه صفها وطبعا الحصه كانت باديه تماضر كانت تعرف ان بنت خالتها الي قدها معاها فالصف بس ماتدري اي صف وتمنت تحصلها
المشرفه فتحت باب الصف:سوري يا ابله قطعت عليج بس هاذي بنت جديده اسمها تماضر خالد ال.......
الابله:لا عادي فديتج اهلن تماضر دشي
دشت تماضر وكل البنات ياطالعونها
المدرسه :وين نقعدج ياا تماضر
بنت:افا عليج يا ابله احطها ف عيوني الحلوه
تماضر مارتاحت ل شكلها لانها بويه بس اضطرت تقعد جمبها وكانت الحصه فري لانه اول يوم وكل البنات يسولفون مع بعض
البنت ولله و جيتي يا تماضر لين عندي:ليش ساكته تراني ماكل
تماضر ابتسمت
البنت:اسمي بدريه
تماضر:تشرفنا
بدريه معقوله ماتذكرني كلش!!
تماضر بعد سكوت طويل :امممم تعرفين ريم عبدالله ال......؟
بدريه :اي معانا بالصف هي بنت خالتك صح؟
تماضر بدهشه:ايي بس شدراج!
بدريه:هي طلعت من الصف وكملت بابتسامه يمكن انتي ماتذكريني بس انا مستحيل انساج
تماضر كانت تحاول تتذكر من هالبنت بس ماقدرت
بدريه:كنا مع بعض ف صف اول و ثاني
تماضر تذكرت رفيجتها الي ابتعدوا عن بعض بسبب سفر ابوها ماتذكرتها لان بدريه كان شكلها غيير:حضنتها بقووو بدريييه!!!!
بدريه:هههههه زين ذكرتيني
وكملوا سوالف واسترجعوا الذكريات الجميله
رن الجرس و قاموا بدريه و تماضر عشان يشوفون المدرسه وهم طالعين كانت ريم داشه الصف
ريم:هلا هلا ب بنت خالتي (ريم طولها عادي ومب بجمال تماضر لاكنها جذابه جسمها مرتب وشعرها اسود و عينها خضرا و لا بيضا ولا سمرا حنطاويه بس لونها حلو شخصيتها عكس تماضر جريئه و فيها من الخبث )
تماضر ابتسمت و سلموا على بعض وكملوا لف فالمدرسه
اما بالنسبه ل رناد ف هي ماصحت وكملت نوم
العصر في بنت خالد
تماضر متعلقه ف امها وتصييح و امها تحاول تهدييها لين جات رشد و لمتها وراحوا خالد و وضحى المطار
رشد كانت وااجد حنونه على اختها تماضر وتدلعها وقررت تطلع اختها عشان تغير جو
في بيت بدريه
بدريه : و بس يايمه هاذي كل السالفه
الام:يايمه ابتعدي عن تماضر
بدريه:يمه خلاص تماضر مابتسافر وحتى لو سافرت انا مب بزر نفس قبل يا يمه
الام تذكرت حال بنتها لما سافرت تماضر صديقتها كانت لا تاكل ولا تشرب بس ماحبت تخرب فرحه بنتها:عزمييها انا بعد وحشتني ابي اشوفها
بدريه:انشالله
و مر الاسبوع عادي بالنسبه لابطال روايتي تماضر تقربت من اختها رشد الي كانت تعاملها كانها بنتها
يوم الخميس تماضر ردت من المدرسه وراحت الصاله ل اختها رشد الي كانت قاعده مع رناد
تماضر:رشد ابي ابات ف بيت صديقتي بدريه عزمتني
رشد:انشالله
رناد الي كانت تسمع الحوار بصمت و مش متقبله الفكره :ماتروح تبات
رشد بهدوء:لاتتدخلين
رناد انقهرت و سكتت اما تماضر راحت تجهز شنطتها ولبست وطلعت من البيت
ف بيت شجون
الام مشاعل بصراخ:شفت يا محمد هاي نتايج افعالك البنت انطردت من الجامعه و تكنسلت بعثتها
شجون بصراخ:يمه انتي ليش مب راضيه تصدقيني انا بنتج
الاب محمد:شجون لاتصارخين على امج الضاهر انتي صج ماتربيتي وتبين حد يربيج مب كفايه الي سويتيه هناك
الام:شفت يامحمد شفت شلون تراددني وتصارخ علي
شجون راحت غرفتها وقررت تروح بيت مرت ابوها الي احن عليها من امها لبست ونزلت من الدرج وامها و ابوها للحين يتناقشون ف سالفه شجون
دشت شجون بيت مرت ابوها وقالت لها ان صار خلاف بينها وبين امها وتبي تقعد كم يوم عندهم لين يهدى الوضع ف بيتهم رحبت عهود ب شجون الي تعتبرها بنتها الثانيه و ودت شجون غرفه تقعد فيها
نرجع ل رناد الي اتصلت حق حبيبتها الهنوف وقالت لها انها بتمرها عشان يروحون مجمع,رناد تسوق وسيارتها مرسدس بنز باب واحد
وفي المجمع تحديدا محل فلانتينو الهنوف كانت تقيس فستان احمر وطلعت ل رناد ترويها
الهنوف:بيبي شرايج
رناد وهي خاقه على شكلها:اكييد حلو و انتي الي محليته
الهنوف استحت ولفت عشان ترويها الفستان من ورى وكان الفستان مافيه ضهر
رناد:دوري غيره
الهنوف بزعل:لييش ولله حلو الفستان
رناد:ضهرج كله برع لا مافي اختاري اي فستان ثاني
الهنووف بزعل:انشالله
رناد عورها قلبها على حبيبتها :خلاص لاتمدين لي بوزج بناخذه
الهنوف بدلع:هههههه وانا ليش باخذه مب عشان اكشخ لج انتي
فصخت الهنوف الفستان وراحو عند الكشير وطبعا رناد هي الي دفعت ثمن الفستان
نتكلم شوي عن الهنوف(الهنوف عمرها 19 يعني اصغر من رناد بسنه فالجامعه اول سنه طبعا وهي ترتيبها بين خواتها الثانيه عندها اخت اكبر منها اسمها روضه عمرها 23 متزوجه واخت ثانيه عمرها اربع سنوات اسمها غروور ابوها متوفي حالتهم الاجتماعيه عاديه مش اغنيا نفس بيت خالد ولا فقارى ورناد دايما تحاول تعوضها عن حنان ابوها الي فقدته)
في بيت بدريه تماضر و بدريه مستانسين على الاخر قضوا قعدتهم سوالف وضحك لين جات الساعه 12 وقرروا ينامون
تماضر لبست شورت مره قصير لين فخوذها وردي و مخطط ب ابيض و قميص ابيض كت :ابي ماي
بدريه:.......
تماضر:بدوور ابي ماااي
بدريه لا حياة لمن تنادي تماضر يأست و عرفت انها ماراح تقوم من نومها و قررت تطلع تجيب لها ماي
وبنفس الوقت طفشت شجون من التلفزيون وقررت تطلع تشوف لها شي تاكله
تماضر كانت تشرب ماي ولما شافت شجون غصت بالماي
شجون ابتسمت ل تماضر
تماضر توترت لانها تخاف من امثال شجون ولاحضت هالشي شجون ف حبت توترها زياده
شجون:لهادرجه انا شكلي يخرع
تماضر:لـ لاء بس ماتوقعت في حد صاحي
شجون ضحكت:اوكي بعديها لج هالمره
تماضر راحت الغرفه وقعدت تبكي معقوله ماعرفتني شلون بتعرفني انا تغيرت واجد صرت احلى انا اصلا ليش مهتمه هي ماقدرت مشاعري قبل وجرحتني وقعدت تفكر تماضر لين نامت
اما بالنسبه ل شجون ف كان ف بالها انها حبيبه اختها ف حاولت تشيلها من بالها بس ماقدرت تذكر تصرفاتها وشكلها شجون ابتسمت في شي يشدني لهالبنت
في مكان بعيد عن دوحه الخير وتحديدا في مدينه نيو يورك وضحى كانت تمشي فالشارع متوجه للفندق وفجأه صارت الدنيا كلها سوده بعينها وماحست بشي
رجع خالد الفندق وماحصل زوجته عهود واتصل على موبايلها لاكنها ماترد ارسل البودي قاردز الي عنده يدورونها وقرر بعد 24 ساعه
انتهى البارت
اتمنى ان نال اعجابكم
*ملاحضه انا لا اهين بلادي دوحه الخير بروايتي ولكن اكتب بقلمي الذي رأيته يعيني وسمعته وعلى راسي يا شعب قطر ^.*
الفصل الثالث
يوم جديد على ابطال روايتي قامت شجون واتصلت على رشد وردت بعد رنتين
شجون:يله قوومي ومري علي
رشد بصوت كله نوم:على وين انشالله
شجون:نتريق وعقبها كييفج بس ابي اغير جو وابي اكلمج بموضوع
رشد:اوكي دقايق باخذ دش وبجي
شجون:انا ف بيت مرت ابوي تعالي لي هناك
رشد:شالطاري
شجون:بقولج السالفه انتي بس تعالي ولاتتأخرين
رشد قامت خذت دشت ولبست جينز لو وست وبلوزه بربري بيضا ولبست عبايتها وخذت شنطتها ماركه هيرمس الطويله وطلعت من البيت (سيارتها بي ام دبليو نوعها اكس 6)
واتصلت بالمره على اختها توتو عشان تاخذها من هناك
ف بيت الهنوف طلعت رناد من غرفه ريم وهي لابسه بجامه رجاليه الي هي برمودا و قميص شافت ام الهنوف وباستها على راسها
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك