رواية بعد فرقاك بهوى غيرك وانساك -20
**الجزء الثآمن والعشرون**
فيصل فتح عيونه وطفى المنبه وطالع الساعه شافهاا 10 ونص الصبح...فز بسرعه وهز هاني الي نايم جنبه..
فيصل:هااني..هاني قووم بسرعه تأخرناا..
هاني انقلب للجهه الثانيه:هممم وش تبي!؟!
فيصل:وش الي وش ابي قووووووووم تأخرنــــــــــأأ..
هاني قام واتعدل بقعدته ورجع شعره على وراا:ياربي نشبتنا انت وهالمراام..
فيصل:قوم بس قوم يكفيك نووم..
هاني وهو يدخل الحمام<اكرمكم الله>:على كيفك يكفيني نوم والله مانمت زين كله منك"وسكر الباب واخذ دش داافي يصحصحه""..
فيصل لبس بنطلون جينز فاتح وبلوزه بيضا نص كم وفيها ازارير من قدام..وشمر اكمامهاا وتعطر ولبس كاب ابيض على راسه وشعره طالع من تحت الكآب لأنه طول ونااعم يهببل..
وقعد ع الكنب يربط رباط شوزه الأبيض<<اكرمكم الله>>..
طلع هاني بعد ماأخذ له شاور دافي ولبس ثووب ابيض وكاب ابيض وناظر فيصل الي يربط شوزه:لآآآ الأخ جاهز من أول..
فيصل بضحكه:اكييييييييييييييد لأن ورااي مهمه صعبه..
هاني:قم يله وكلم اختك تظبط لك الخطه..
فيصل وقف وتنهد:يله..الله يستر..
ومشى هو وهاني وطلعو برا الجنااح حقهم وراحو لجناح البنات وطقو الجرس.."طبعآآ بهالوقت كل الشباب كانو نايمين""...
ريناد سمعت طق باب قامت وراحت لعند الباب وقالت:مين؟
فيصل بهمس:ريناد انا افتحي بقوولك شي..
ريناد خافت:فيصل وش فيه وش صاير؟"وفتحت الباب"..
هاني لفيصل:فيصل انا استنااك هناك اوك..
فيصل:اووك"وراح هااني بيتركه يتكلم مع اخته براحتهم""..
دخل فيصل وقعد ع الكنب:ريناد ابيك بشغله ضروريه..
ريناد:آمــــــــــر ياأخووي.."قالهاا فيصل ع الخطه الي يبيها تسويهاا""
ريناد ابتسمت له:خلآآص بسوي كل الي قلته كم فصول عندي انا!؟
فيصل:تسلمين والله .. يعني اعتمد خلاص.
ريناد تهز راسها:توكل على الله ثم اعتمد علي..
فيصل وقف:ونعم بالله"وباس خدهاا"الله لايحرمني منك يارنود..
ريناد:ولامنك.."وطلع فيصل برا الجنااح""..
ريناد راحت سوتلها ساندوتش وفطرت وبعدين قامت وراحت تصحي مرام..
بهمس:مراام..مرام قومي بقولك شي..
مرام تحركت وتغطت كلها باللحاف:هااا..اتركيني بنام..
ريناد بنفس الهمس عشان لايقومو البنات:مرام والله شي خطير..بكيفك ماتبين تعرفين وشهو نامي طيب؟؟
مرام قامت وناظرتهاا:خير وش فيك؟
ريناد بخبث:شوفي البنات كلهم نايمين وولا وحده منهم طاعت تقوم معاي ولكن انتي بما انك قمتي ابيك تنزلين وتجيبين لنا الفطور بليز بلييز..
مرام بصدمه:انا انزل لحاالي بهالصبح؟
ريناد تهز راسها:أي لاتخافين محد بياكلك وبعدين في امن تحت..
مرام وافقت وقامت تروشت وفرشت اسنانهاا ولبست بنطلون جينز وبلوزه زرقا ورفعت شعرهاا كله على فوق ولبست عباتهاا وطرحتها باهماال ونزلت...وريناد سكرت الباب وراها ورجعت قعدت ع الكنب وهي تبتسم بنصر..
"هاني رجع للجناح حقهم لأن بيترك فيصل ومرام لحالهم براحتهم"
مرام دخلت للأصنصير وظغطت الزر....فيصل كان بالأصنصير بس الظاهر ماانتبهت له..لأنها دخلت الأصنصير وبسرعه ظغطت الزر..
فيصل من وراهااا:بوووووووووووووووم..
مرام فز قلبها من الخووف وماتدري من هذا الي وراهاا صرخت بقوه:يامااااااااااااااااااااااااااااااااامي.."والت فتت لورا بخفه""فـيـصـل!!
فيصل بابتسامه تذوب الحجر:بشحمه ولحمه..
مرام مصدومه:وش جابك هناا؟؟
فيصل:رجولي جابتني..
انفتح الأصنصير ونزلت مرام وقلبها يدق بقووه..
وراحت للكافتيرياا وطلبت ساندوشات للبنات...وفطاير..
فيصل:مرام هاتي اشيل عنك الأكيااس..
مرام شايله اكياس الفطور:لالا ماله داعي اتعبك معاي.."وجات بتدخل الأصنصير ناداها فيصل""
فيصل:مرام لحظه بقولك شي..
مرام التفتت وعلى وجهها الأستغراب:خير فيه شي؟
"مرام خااقه معاه بس ماتبي تبين له هالشي""..
فيصل يقرب منها:مرام انا ابي اعترف لك بشي..
مرام قلبها يرقع بقووه وسكتت ونزلت راسهاا .. وبعدين رفعت عيونها وناظرت عيونه:قول اسمعك..
فيصل بتردد وهو يقرب منها مره ومابقى بينهم الا خطوه بس ولصقت بالجدار مرام وفيصل حط يدينه ع الجدار وسارت بين يدينه وقال:مرام انا..انا..احـــــــــــ ــــــــبــ ـــك..
مرام كأن احد كاب عليها مويه بارده سكتت ومو عارفه وش تقول..
قالت بغباء:هاه تحبني .. أي حتى انا احبك مثل اخواني..
فيصل كشر:لاء انا مااحبك مثل اختي انا احبك وامووت فيك واعشقك واهوآآك..
مرام تخدرت من كلاامه والدموع تجمعت بعيونها:طيب وليه ماقلتلي من زمان!؟! ليه تعيشني بحيره ليه؟
فيصل بهدوء:انتي ماأعطيتيني فرصه اعبر لك عن الي في داخلي..كنتي دوم تصديني وانا ادري انك تحبيني ليش يامرام ليش؟
مرام:لأني ماتأكدت من مشاعرك تجاهي..
فيصل:والحين تأكدتي اني احبك؟
سكتت مرام شوي وبعدهاا راحت تجري بالدرج ونست الأصنصير وفيصل يلحقها:مرام سوري والله مادريت انك بتنصدمي كذا؟
مرام تبكي وهي تجري ودخلت للجناح حقهم وحضنت ريناد:ليه ماقالي من زماان ليه ؟"وتبكي"
ريناد وقفت ومسويه نفسها ماتدري عن شي:وش فيك ليه تبكين؟ومنهو الي ماقالك من زمان؟
مرام طالعتها:مسويه انك ماتدرين ياريناد!؟انتي الي مسويه هالخطه مع اخوك صح؟
ريناد نزلت راسهاا وسكتت..
مرام راحت للغرفه وسكرت الباب وقعدت تبكي فرحانه وزعلانه ماتدري وش فيها هاللحظه بالظبط...هي من زمان تتمنى فيصل يعترف لها بحبه لها ولمن اعترف لها ماتدري وش سارلهاا سارت بس تبكي ماتدري وش فيهاا؟وماتدري ليه تبكي اصلن؟
فيصل راح لجناح البنات وطق الجرس فتحت له ريناد..
ريناد:انت وش سويت وش قلتلها ؟
فيصل ببرائه:ماسويت لها شي بس قلت لها اني احبهاا مادريت الا وهي تصيح مادري ليش؟
ريناد:يمكن هي انصدمت ..
فيصل:روحي ناديها بكلمها.."راحت ريناد ونادتها وبعد شده وافقت مرام ووقفت قدامه وقالت""
مرام:بغيت شي؟
فيصل:مرام انتي ليه زعلانه ؟وليه تصيحين الحين؟..
مرام:أسـأل نـفـسكـ.. "وسكتت""..
فيصل حضنهاا:مرام ارجوك لاتزعلين مني .. والله اني احبك والله بس ماكنت ادري وشلون اقولك اني احبك صدقيني..
مرام انصدمت من حركته وابعدت عنه بشويش:حتى انا احبك..
فيصل مو مصدق:يابعد قلبي انتي"وضمها مره ثانيه""..
مرام ابعدت عنه وهي مستحيه:فيصل خلاص لو احد شافنا كذا؟
فيصل مستانس:عاادي مو انتي زوجتي المستقبليه..
مرام مااتت حياا وسكتت....فيصل:امووت انا بلي يستحون..
مرام ذآآآآآآآآبت:فييييييييييييييصل..
فيصل:خلاص خلاص بسكت ههه يله بآي ياعمري..
مرام بابتسامه وهمس:بآآي....."وراح لجناحهم ودخل""
هاني:هاه بشر وش سار؟
قاله فيصل كل شي...هاني فرح لصديق عمره وضمه:الله يهنيك ويااها يارب..
فيصل من قلب:آمــــيـــــن .. الحين بقى خطوه اخيره بس بعد ماعرفت انها تحبني.
هاني:لاتقول خطه ثانيه؟
فيصل:لالا هالمره بخطبهاا رسمي أول مانرجع للدمام انشاءلله..
هاني:الله يسعدك يافيصل ويحقق احلاامك..
فيصل:امين وتسلم والله ...
::::::::::::::::::::::::::::::::::::::::::::::::::
"بعد مرور ثلاث ايام"
شوق جهزت اغراضها كلها وحضنت امها واخوها وخالتها وودعتهم بدموع ونزلت للسياره مع خالد...وراحو كملو باقي اجراءات زواجهم وبعدهاا راحو للمطاار وهم فرحانين ومو مصدقين انهم من هاللحظه سارو ملك بعض...
:::::::::::::::::::::::::::::::::::::::::::::::::: ::::::
البحرين..
البنات:نبي نطلللللللللللع..
الشباب:طيب يله توزعو بالسيارات."وتوزعو بالسيارات وراحو لمطعم""..
وهنااك..
قعدوو الشبآب على طآوله والبناات بالطاوله الي قدامهم..وبينهم فاصل بس ستاارهـ خفيفه<<<تعرفون توزيع طاولات المطاعم اكيد...
بطآولة الشبآب..
هاني:اليووم انا عآزمكم على حسآبي .. اختآرو الي تبون من آكلآآت..
فيصل:مآتقصر والله بس ماله داعي تخسر نفسك ماشاءلله احنا كثآر..خلآآص كل وآحد يشتري لنفسه ويحآسب لنفسه..
هاني بزعل:افآآ عليك يافيصل .. لالا خلاص يله اختاارو بلا كلام فاضي وانا بحآآسب اليوم انا عازمكم..
واختآرو الشباب والبنات بعد..وهآني راح اخذ الطلب وحاسب عليه كله...وحطه ع الطااوله...وقعد معاهم وقعدو يآكلون..
"عند البنات"
جاب لهم هاني طلبااتهم من بيتزا وبيبسي وبرغر وغيره..وقعدو يآكلون..
ساره:اقول سمر انتي كم اخو واخت عندك!؟
سمر:مممم احنا كلناا اربعه انا وبندر وعلي ولمى..
ساره:طيب سولفي لنا عن عائلتكم .. ترا احب هالشغلات انه تتكلمي عن عائلتك اذا مافي مانع...
سمر:لاء شدعوه اكيد مافي مانع....المهم اكبر واحد في اخواني الي هو علي متزوج وعآيش بنيويورك من زمان هو ومرته وعندهم بنت وحده اسمها جوري عمرها سنه ونص...واخوي الثاني بندر وعمره 19 سنه .. واختي الصغيره لمى عمرهاا 8 سنين .. علي يزورناا بس بالأجازات لأن مرته اجنبيه واهلهاا هنااك وطول عمره عايش هناك بس يزورناا احيآنآآ..يعني بس انا وبندر ولمى بالبيت مع امي وابوي طبعآآ..انا دايمآآ مع بندر اسولف معاه واقعد معاه احسه يفهمني وافهمه ولأن مابيننا الا سنه وحده احس انه قريب مني حيل..حتى اني اقوله اسراري وهو نفس الشي..
ساره:الله يخليكم لبعض انشاءلله...
سمر:آمــــــــيـــــــــــن...
ملاك:يله بنات شرايكم كل وحده تسولف عن اهلهاا..
البنات:يــــله..
ساره:يله انا أول وحده...تعرفون الحين بس انا ومحمد ومرام هالنزغه بالبيت"مرام ضربتها ع كتفهاا"
مرام:انا نززززززززززغه!؟؟
ساره:ههههه لحظه خليني اكمل..لأن خالد سافر برا يشتغل وعبدالله تزوج..ومحمد احيآنآآ اقعد معاه لأن استحي منه شوي لأنه جدي وعآقل ودوم مع ابوي وكذاا وعمره 26 سنه يعني ماشاءلله كبير فـ عشان كذاا مو مره معاه .."ريناد فتحت شنطتها وسوت نفسها مشغوله فيها لأن تحس البنات يناظرون فيها لمن يجيبو طاري محمد"..
سمر:طيب مين اكثر شي تميلين له في بيتكم من اخوانك؟
مرام:احم احم اكييد انا..
ساره تضمها:اكيد ياقلبي انتي وخآلد كنت مره معاه كأنه توأمي وبس..
لينا:يله انا دوري الحين...انا اقرب شخص لي في بيتناا امي يعني دوم معاها واحسها صحبتي مو أمي...يعني تفهمني وتخفف عني اذا كنت متضايقه...وبعد امي اختي ديماا صح انها صغيره خامس ابتدائي بس لمن اقعد معاها واسولف احس انها تفهم وكبيره..اما سلطان هالنشبه دوم انا ويااه هوااش.."البنات يضحكون"..
ملاك:اما اناا بأختصآآر الي دوم اقعد معاه واحسه قريب مني مشاري بعد عمري أخوي..
لينا غصت في اللقمه:كحححححكحححح كحح..
البنات:بسم الله عليك وش فيك؟
لينا:كح مافيني شي...
ريناد:انا اقرب وحده لي في بيتنا مها اختي بس الحين تزوجت يعني ساار اقرب لي فيصل...سرت اقعد معاه اكثر واسولف معاه اكثر...."ودمعت عيونها"ياقلبي يامها وربي وحشتني..
سمر:مها اختك ولا؟
ريناد:الا اختي ومتزوجه اخو مرام وساره..الي هو ولد عمي..
سمر:اهاا...يله بقى جود تكلمي لناا عن عائلتك شوي..
جود:ممم انا ماعندي الا اخ واحد الي هو نايف..والحمدالله ان ماعندي اخوات لأن انا ونآيف مره متفاهمين بس بعض الأحيآآن نتهآوش لكن نرجع نترآضى ههه...بس من جد احس ماأقدر اعيش ثانيه من غير ناايف...
سمر:يمكن لأن ماعندك اخوات..
جود:يمكن..
سمر:الله لايحرمكم من بعض..
جود من قلب:آمــــــــــــــيــــــــــــــن...
:::::::::::::::::::::::::::::::::::::::::::::::
"بالطيآرهـ"..
خالد وشوق قاعدين جنب بعض..
خالد مسك ايد شوق وضغط عليها وقال:ماتتصوري قد ايش انا فرحآن ومو مصدق اننا بنعيش مع بعض ولبعض طول العمر..
شوق بخجل ناظرته وقالت:حتى اناا مو مصدقه..
:::::::::::::::::::::::::::::::::::::::::::::
بندر وقف وقال:الحمدالله...
هاني:وين اقعد كمل اكلك..
بندر:بالعافيه عليك خلاص شبعت..
هاني:الله يعافيك"وراح بندر للحمام<الله يكرمكم>الي بالمطعم..
ودخل لقى بنت واقفه وتغسل ايدهاا استغرب لأنه شاف اللوحه الي عند الباب مكتوب عليها حمام رجال..
قال:لو سمحتي يااختي هذا خاص بالرجال..
كانت عاطيته قفاها التفتت له وبخوف:جــــــــد!؟
بندر مندهش بجمالها ويقول في باله"وين شايف هالملامح انا":أي والله جد شكلك ملخبطه حمام النسآء جنبه..
ساره بحرج:هههه يمكن"وطلعت براا"..
بندر يغسل يده وهو يقول:ياربي ع الضحكه تذبح..
ساره وهي رايحه لطاولتهم وتقول في بالها"ينااسوو يهببل مره ياقلبي عليه مره وسيم..بس انا وين شايفته!؟"..وقعدت مع البنات وبالهاا مو معاهاا..
فيصل دق على ريناد بعد ماخلصو آكل:الوو..
ريناد:هلا فيصل..
فيصل:خلصتو؟
ريناد:أي ليش رايحين؟
فيصل:أي يلا انزلوو احنا عند باب المطعم ننتظركم..
ريناد وقفت:طيب..."وقفلت الخط"بنات الشباب يقولو يله بنروح..
وقفو البنات ونزلو لعند الباب وقابلو الشباب هنااك..
"طبعآ البنات كلهم مغطين وجههم بلثمه الا ساره مستحيل تغطي وجهها تشوف نفسها صغيره"<<عمرهاا 17 سنه..
بندر:نايف مو كأن هذا محل أفلاام..
نايف:الا والله"وكان المحل قدامهم بين الشارعين"..
بندر:بروح اشتري لي فلم وبرجع..
نايف:زين لاتتأخر الحين هاني وفيصل بيجون<<فيصل وهاني راحوو يشترو آيس كريم ولأن هم الي بيسوقون السيارتين اظطرو الباقيين ينتظرونهم...
ساره بهمس لمرام:مرام شوفي هناك..
مرام تنظر بعيد:وش اشوف؟
ساره:هذاك الولد الي يمشي هو الي قابلته بالمطعم وقالي...الخ
مرام:اهاا .. ياحليله وربي وسيم..
ساره ناظرتهاا وسكتت..
بندر وهو يجري جات سياره طايره وماشافهاا وكان بيقطع الرصيفين الا تصدمه السياره...وراعي السياره من الخوف تركه وراح شخط بالسياره وراح في طريقه..
البنات والشباب:بندررررررررررررررررر...
وراحو له وهو طآيح ع الرصيف وينزف دم..
سمر قعدت ع ركبهاا وناظرت اخوها كل وجهه دم مسكت يده وهي تبكي وتقول:بندر قوم .. بندرررررررررر..
العيال والبنات مندهشين من الموقف وشلون سار كذا...
هاني وفيصل توهم راجعين لبوابة المطعم وبايدهم الآيس كريم..
هاني:وين اختفو ذولا كانو هنا ينتظرونا؟
فيصل:مدري عنهم"وناظرو بعيد وشآفو الناس مجتمعين حول شي والسيارات موقفه .. راحو بسرعه وهم خايفين وقلبهم ناغزهم"..
ولمن وصلوو...
هاني:وش سار وش فيكم؟
مشاري ناظره وسكت..هاني:تكلم وش صااير؟
مشاري:بندر صدمته سياره..
هاني بصدمه:وشو؟"وشاف بندر ع الارض ودايخ وكله دم وسمر قاعده تبكي وتقول":ياأخوووووي بندر لاتمووت لاتموت..مين بيسولف معآي بعدك؟ومين بيوصلني المدرسه ميين؟ومين بيقعد معآي ومين بيتهآوش معآآي بعدك مين .. مييييين؟!؟..
"الكل تأثر لمنظر سمر وسارو يبكون البنات معاها"..
هاني مسك يد سمر ووقفها:خلاص ياسمر انشاءلله مافيه الا العافيه..قومي بس قومي..
سمر وقفت وبدموع:وشلون مافيه الا العافيه شوف شلون ينزف دم..
فيصل:وش تنتظرون خذوهـ ع السياره لايروح من يديناا"ورفعوه الشباب وركبوهـ سيارة فيصل وركب معاه"سمر وهاني بس"..<<لأن سمر اخت بندر واصرت تروح معاهم..
والباقيين ركبو السياره الثانيه سيارة نايف وراحو ع المستشفى..
"بالمستشفى"..
دخلو "بندر"غرفة العمليآت..ودخلو 5 دكاترهـ..
نزل دكتور للممر وناظرهم كلهم وبعدين قال:مين كان موجود وقت الحادث؟
نايف وقف:كلنا يادكتور..
الدكتور:وماتعرفو موديل سيارة الي صدمه لأن ضروري نستدعيه..
نايف وهو يتذكر:اظن كامري بيضآء ورقم السياره مالحقت اشوفه راح على طول..
الدكتور:طيب اخوي في أي شارع حصل الحادث؟
نايف:في شارع****..
سمر وقفت:دكتور وش فيه اخوي؟
الدكتور بحريني:والله ياأختي حنا بنسوي الي علينا والباقي على الله..
سمر بخوف:يعني شنوو؟؟اخوي بيموت!؟!!؟!..."ونزلت دموعهاا"الحين وش اقول لأهلي..وش اقوولهم؟!؟
الدكتور:اذكري الله ياأختي..بس هو فقد دم كثير من جسمه .. ولازم متبرع وانشآءلله خير...
ساره وقفت:انا بــتــبــرع له يـآدكـتور..
الكل انصدم وناظروهاا..
الدكتور لساره:طيب انتي ماعندك فقر دم او ضغط دم أو شي!؟
ساره:لااء..."وراحت مع الدكتور وطلعت فصيلت دمها نفس فصيلة دمه وتبرعت له بدم ورجعت لهم""..
سمر بإمتنآن:مشكوره ياساره وماتقصرين ولو فصيلة دمي نفس فصيلة دمه صدقيني انا بتبرع له بس....
تقاطعهاا ساره بابتسامه:صدقيني ماسويت الا الواجب..
وبعد مرور 3 ساعات..
نزل الدكتور والكل تجمع عندهـ..
هاني بسرعه:هاه يادكتور بشر...
الدكتور هز راسه بابتسامه:تطمنو ياجماعه هو بخير الحين وحالته مستقرهـ انشآءلله....
فيصل:نقدر نشوفه؟
الدكتور:اكيد بس مو كلكم مره وحده يعني اثنين يدخلون وبعد مايطلعوو يدخلو اثنين غيرهم.....
هاني+سمر مع بعض:اناا أول شي...
الدكتور:طيب انتو اول اثنين .. تفضلو معاي"ودخلهم غرفة بندر"
بندر كان محآط بالأجهزه والمغذي .. وكان مسدوح ع السرير .. ورجوله وحده ممدوده والثانيه معلقه بجهآز وراسه ملفوف بشاش وجسمه بعد..بس باين منه وجهه..
سمر أول ماشافته كذا راحت ناحيته تبكي..ومسكت ايدهـ وحطت راسها ع يده ودموعها تنزل بحرآرهــ..
هاني يهديها:ياسمر مايجوز الي تسوينه بعمرك اذكري الله لاتفاولين عليه انشاءلله مافيه شي..
سمر ناظرته بدموع:طيب وشوله حاطين له كل هالأجهزهـ دام مافيه شي اهئئئئئئئ..
هاني وهو ينآظر دموعهاا حس قلبه يحترق وهو يشوفها تبكي ماقدر يستحمل شوفتهاا منهاره كذا راح ناحيتها وبدون شعور سحبها لحضنه وحضنهاا بقوه:خلاص اهدي ياقلبي انشاءلله مافيه الا العافيه...
وسكتوو الأثنين..سمر حست حضنه الدافي هداهاا شوي من انهيارهاا...وظلت متمسكه فيه بقوه وكأنها ماتبيه يتركهاا أو يبعد عنها لحظه..هاني ابتسم لحركتهاا وكأنها طفله تدور الأماان ولقته بحضنه...
وفجأه..فتح عيونه بندر وهو يقول:آآآآآآآهـ رآسي..
سمر ابعدت عن هاني بسرعه وراحت ناحية بندر:بندر وش فيك؟وش تحس؟بندر انت بخير؟؟
بندر ناظرها بتعب:ســمــر!؟
سمر:ياعيوون سمر..قولي وش فيك ؟ وين يعورك؟
بندر بصوت متقطع من الألم:آآآآآآآهــ ظـ ــهــ ـــري..
سمر وعيونها تلمع من الدموع:بسم الله عليك من الآآآهــ...بندر ارجوك لاتروح وتتركني بندر الله يخليك انا ماأقدر اعيش دونك .. قول انك بخير .. اكذب علي ارجوك..اهئئ"وغطت وجهها بيدينهاا وقعدت تبكي .. مجرد ماتخيلت ان ممكن بندر يموت ويتركهاا حست قلبها يتقطع"...
هاني تأثر مرهـ وقرب منهم وخنقته العبرهـ وناظر بندر:الحمدالله ع السلاامه ...
بندر بابتسامه باهته:الله يـ ــســ ــلمك..."وغمض عيونه""...
سمر تصرخ بهيستيريآ:هاني وش فيه؟ليه غمض عيونه؟يمكن مات..مآآآآآآت!!؟؟ جاوبني ياهاني قول شي تكلم..بندر مات؟
هاني سحبهاا من ايدهاا:الله لايقوله فال الله ولا فالك ..
سمر تفك ايده:طيب ليه يغمض عيونه!!؟
هاني يجرها برا الغرفه:يمكن من التعب غمض عيونه خلاص امشي نطلع.."وطلعوو براا..وسمر راحت للبنات وهي تبكي""..
ريناد:وش فيك ليه تبكين؟
سمر ضمتهاا وتبكي..
فيصل:يله دوري الحين...امش نايف.."ودخلو هو ونايف..""..
فيصل:شكله لسه مافآق من البنج؟
فيصل:الا اكيد فاق...بندر بندرر..
بندر فتح عيونه..
فيصل:الحمدالله ع سلامتك ..
نايف:الحمدالله ع سلامتك يالغالي..
بندر بصعوبه:الله يسـ ـلـمكم..
فيصل:خلاص تطمنا عليه امش نايف نطلع .. "وجو بيطلعون""..
بندر:لـحــ ــظــ ــه فــ..ــيصل..
فيصل التفت باستغراب:آمـــــــــــر يابندر..
بندر:دخلو الي تبرع لي ..
فيصل ونايف بدون معارضه:طيب"وطلعو برا ونادو ساره وتركوها تدخل لحالهاا للغرفه""<<صح انها ماتقرب لبندر أي شي..مجرد صاحب اخوانها واولاد عمهاا..لآكن هو يبي يشكرها بس..فـاعشان كذاا وافقو بدون أي شك...
دخلت ساره وهي ترجف وكل خليه بجسمهاا ترجف...وطقت الباب وراحت ناحيته ووقفت قدامه وهي ترجف ومستحيه:الحمدالله ع سـلآمــ ـــتــ ـــك...ماتشوف شــ ــر..
بندر فتح عيونه ع وسعهم"هذي الي شفتها بالشارع..والي صادفتهاا بالمطعم...معقوله هي الي تبرعت لي؟لالا اكيد غلطانين...يعني الحين دمهاا يجري بين عروقي...والله مو مصدق""..
وبس يناظرهاا..........ساره استحت ونزلت راسها وتناظر في ارض الغرفه..
بندر بصدمه وتعجب:انتي الي تبـ ـرعتي لي بـ .. بــدمك؟
ساره بابتسامه:أي انا..
بندر في باله"لآآ وتبتسم بعد..تبي تذبحني هذي"":هاه..مشكوره وماتقصرين....
ساره بحيآآ:ماسويت الا الواجب..<<سآره أول مره تضعف قدام احد بهالشكل>>..
بندر يبتسم بين تعبه وآلمه:الا انتي وش اسمك؟
ساره رفعت راسها وناظرته بصدمه"تعبان ويتميلح بعد"..
بندر بآلم:عفوآآ اختي والله ماقصدت شي...بس ودي اعرف اسمك عشان اشكرك شخصيآآ..
ساره بطبعها العربجي:مو لازم تعرفه .. واذا بغيت تشكرني فـ ماله داعي الشكر انا ماسويت الا الواجب وعن اذنك"وطلعت برا"
بندر يضحك وهو يتآلم"ياحليلها والله بس مصيري اعرف اسمها"..
راحت ساره على طول لمرام وهي مبتسمه لاشعوريآآ..
مرام بهمس لها:اشوف الأخت شاقه الضحكه...وش سار بعد؟
ساره:مالت عليك ماسار شي بس كان يبي يعرف اسمي وهزءته تهزيئه محترمه..
مرام بصدمه:شوف الي ماتستحي الولد تعبان وانتي رايحه تهاوشين...
ساره:يستآهل محد قاله يتميلح عندي..
مرام:وربي انك عربجيه ومو وجه رومنسيه..
ساره بنص عين:خليت الرومنسيه لك ..
::::::::::::::::::::::::::::::::::::::::::::::::::
مشاري وسلطان دخلو وتحمدوله بالسلامه ومحمد بعد..
وبعد ماطلعو من عنده..
محمد:شباب لاحد يتصل على اهلنا ولاحد يقولهم شي ..
نايف:بس اهله لازم يدرون..
فيصل:لالا لاتقولولهم شي .. انشاءلله مافيه الا العافيه وبيطلع قريب من المستشفى وبنرجع للدمام..
هاني:أي لاتقولولهم شي .. خالتي اعرفهاا اذا درت بتجي طيرآن للبحرين وانشاءلله بيطلع بعد كم يوم من هنا وبنرجع للدمام..
والكل اتفقو على هالرأي وقررو مايخوفو اهلهم عليهم ومايقولو لهم شي..وأول مايتعآفى بندر انشاءلله بيرجعو للدمام....
::::::::::::::::::::::::::::::::::::::::::::::
نهآآية البآآرت..
توقعاتكم..
^أميرة الشوق^
**الجزء التآسع والع ــشرون**
أول ماقااموو الشبآب والبنآت من النوم .. لبسو ع السريع وراحو ع طول بسيارتين للمستشفى...
سمر اليوم هدت شوي افضل من امس كانت منهآرهـ مرهـ امس..
:::::::::::::::::::::::::::::::::::::::::::::::::: :::
"الدمآآم...فلة عبدالله بالتحديد"..
السآعه 9 المسآآ..
كانوو قاعدين بالصاله الي بالدور الي فوق...ويتفرجون على فلم ولأول مره ساكتين من دون هوآآش...
مها كانت منسمجه مع الفلم ولهالسبب كانت ساكته وماتتهاوش معاه
عبدالله كان يطالع مهاا ومنهبل على حركااتهاا...وملامح وجهها تتغير لمن يسير شي بالفلم..مثلآآ البطله تمرض أو البطل يموت وكذا..بس مابين لها انه يناظرهاا .. كان يناظرهاا من بعيد لبعيد..
كانت مها لابسه شورت جينز لونه ازرق فآتح وبلوزه نص كم لونهاا أخضر فآتح ورافعه شعرهاا كله على فوق...ومتربعه ع الكنب وتناظر التلفزيون..
وماخلص الفلم الا ودمعه تنزل من خد مهآآ..
ناظرهاا عبدالله وهو عاقد حواجبه باستغراب:وش الي يبكي الحين؟
مها بعفويه وهي تمسح دمعتها:البطل مآآت حرآآم..
عبدالله بضحكه:الحمدالله والشكر ع العقل..
مها وقفت وبقهر:انت اصلن ماعندك ذرة احسآس عشان كذا انت ماتأثرت ولاحتى أثر فيك دموعي..اصلن انت واحد عديم احسآس...
عبدالله عصب بس بيقهرها قعد يضحك:ههههههههآآي صآحيه انتي تبيني اتأثر لدموعك؟..دموعك هذي ماتسوى شي عندي .. اوكي ياحلوه.. يعني لو تبكين من اليوم الين العآم الجآي ماعندي مشكله..
مها بقهر ومن قلب:اصلن لو انك انسان وتحس كان خليتني اروح مع البنات للبحرين استانس معاهم بدال مقابل وجهك...
عبدالله وقف ومن جد وصلت معآهـ وعصب:مها لو ماتمسكين لسانك وربي لاتندمين..
مها بانفعال:وش بتسوي يعني؟
عبدالله:راح اسوي شي مايعجبك..
مها باستهزاء وهي معصبه:سوي الي تسوهـ مايهمني"ولفت بتروح"..
مسك ايدهاا عبدالله وشدها:لاترفعين صوتك علي فااااااااهمه..
مها بقوهـ وهي تتألم من شدة ايده ع ايدهاا بس تكابر:الا برفع صوتي عليك الين ماتطلقني وتردني عند اهلي..انا كنت عايشه عند اهلي احسن حيآه..ولمن تزوجتني سرت في اتعس حيآآهــ..انا مابيك طلقني مابيك..."ماحست الا بكف قوي ع خدهاا""..
مسكت خدها بايدها وهي تقول:طقني الين ماتشبع اصلن ماعاد تفرق معآي لأني تعودت على أسلوبك الشين"وطلعت للغرفه""..
عبدالله حز بخاطرهـ كلامهاا..وندم انه رفع ايده عليها وطقهاا..
فكر يتأسـف لهآ...بس عنآدهـ خلآهـ ينثر فكرة انه يعتذر لها من باله نهائيآآ...ويقول في باله"مو عبدالله الي يعتذر لك يامهاا""...
:::::::::::::::::::::::::::::::::::::::::::::::::: :::::::
"بالمستشفى..الساعه 5 العصر""..
بندر تحسن شوي اليوم..وكلهم كانو حواليه بالغرفه وهو ممدود ع السرير .. "ملاحظه:-الجبس فكوهـ من جسمه بس على راسه في شاش وشعره طايح ع الشاش لأن شعره ناعم...وبس وجهه بآين..لأنه متغطي باللحاف"البطانيه"يحس ببرد"...
هاني:كذا تخوفنا عليك يالنذل؟
بندر بتعب:ابشوف غلآي عندكم..
فيصل:انت كل الغلآآ والله .. بس وش الي خلآك تقطع الشارعين؟
بندر:كنت ابي اروح محل الأفلآآم ومادريت الا وسياره مطيرتني..
الكل:هههههههههههه..
هاني:المشكله غرفتك كلهاا أشرطة افلآآم .. انت ماتمل من هالأفلآم..
بندر:لاء والله ماأمل منهاا ابد..."وكان طول الوقت يناظر ساره"..
ساره استحت من نظراته...دقتها جود وبهمس:سويّر وش فيه يناظرك كذا؟
ساره ارتبكت:كيف يعني يناظرني؟
جود بنص عين:مدري عنه..لآآيكون الأخ معجب..
ساره استحت بس مابينت:اقول عن الكلآآم الفآضي بعدين هو مايطآلعني .. هو يناظرنا كلناا بس انتي يتهيألك..
جود:جآيز...
/////////////////////////////////////////
في نفس الغرفه بس....من جهه ثانيه...
كانو الشبآب كلهم يتكلمون مع بندر وهو شآرد بفكره بعيد...وبس سرحآن في ساره ويقول في باله"وش الي خلآهآ تتبرع لي بدمها..مستحيل بس هي الي دمها نفس فصيلة دمي..اكيد احد من الشبآب عنده نفس الفصيله...غريبه والله غريبه...انا لآزم اسأل سمر اكيد راح تقولي كل شي...بس بعد ماأطلع من المستشفى""..
///////////////////////////////////////////
مها كانت بالغرفه تبكي وقافله الباب بالمفتاح..
عبدالله بعد تفكير قرر يتأسف منهاا بس ماعرف كيف يتصرف لأنها قافله الباب بالمفتاح وهو يدري اذا دق الباب من اليوم لبكره مستحيل تفتح له الباب..
قرر يطلع للحديقه ويتسلق بالشجر الين مايوصل لشبآك الغرفه وهناك يكلمها ويعتذرلهاا..
ولأن شبآك غرفة نومهم كانت تطل ع الحديقه فكانت الخطه سهله على عبدالله..
نزل للحديقه..وشمر ثوبه وربطه ع خصرهـ..ولف الشمآغ ع وجهه...وطلع ع الشجر يتسلق...شجره ورا شجره الين ماوصل للشبآك..والشبآك كان زجاج..والقى نظره من الشباك شافها مسدوحه ع السرير وتبكي وباين منهآرهـ..تنهد ورفع ايده بيمسك مقبض الشباك وايده الثانيه ماسك الشجرهـ عشان لايطيح..ولمن مد ايده كان الشبآك شوي بعيد مد يده زيااده..وطرآآآآآآآآآآآآآآآآآآآآآآآخ..
"طاح عبدالله من الشجرهـ"
//
//
//
مها سمعت صوت شي قوي..قامت لمصدر الصوت وفتحت الشبآك وهي مستغربه..نزلت راسهاا وشافت عبدالله طآيح ع الأرض وثوبه معدووم بالترآآب..ماتت ضحك وهي تمسح دموعهاا...ماقدرت تمسك نفسها انفجرت بالضحك..
عبدالله تألم شوي من الطيحه وقآم وقف وهو يناظر فوق ويقول:تضحكين هااه؟وانا تكسرت هنا؟آآآآآآهـ ياظهري آهـ..
مها ميته ضحك ومسكت بطنها من الضحك..هي ماتقدر تشوف احد طايح وتسكت لازم تضحك .. وقالت:هههه انت هههه انت كيف طحت؟ههههههههههههههههه...وليه طلعت اصلن؟هههه..
عبدالله ابتسم لمنظرها وهي تضحك..ناظرها وهو يقول:كنت ابي اتسلق الشجرهـ وأتأسف لك بس مانجحت الخطه لأني طحت وظهري يعورني..
مها بعفويه:ههههه اجل تتأسف لي هااه؟
عبدالله سكت وهو مستغرب انها تكلمه وهي رآيقه..
مها انتبهت لنفسها وكشرت:بس انا ماراح اسامحك ...
عبدالله اتسلق الشجره بسرعه ونقز ع البلكونه الي تحت الشبآك ودخل من الشبآك ومسك ايدهاا وقال:مها يكفي هوآش والله يكفي..
مها انصدمت من حركته وسكتت وهي تناظره..
عبدالله كمل:ليش مانعيش مثل باقي النآس..؟مثل أي زوجين سعيدين؟
مها لفت وجهها عنه:اسال نفسك والله..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك