رواية كل يوم لك حال جديد يوم قريب ويوم بعيد -32
مشعل شوف النذالة؟
ابو خالد ماعليك منها تخبى وراي وانا بدافع عنك....
احمد اسكر الباب علشان ماتجي امك؟
مشعل لا شدعوة هاذي الوالدة تمون لو تضربني....
ابو خالد انكسرت اليد اللي تفكر تنمد عليك ياامل المستقبل؟
مشعل أي امل مستقبل ياجدي وانا كل يوم غايب عن المدرسة؟؟؟
ام خالد ان شاءالله ماتنجح وتظل ساقط كل سنة؟
وضحى ممكن اكلمك...
ياسمين على حد علمي بنشوف بعض في البيت كثير..
وضحى بس مانقدر نتكلم براحتنا..
ياسمين خير...
وضحى ياسمين...ليه قلتي لاامك ها الكلام وخليتينا نجي البيت؟
تنهدت ياسمين وماردت..
وضحى انتي سامعة شي ولاجايبة ها الكلام من راسك؟
ياسمين بضيق خالد مزعلك وها الشي فهمته منه؟كيف وليش مايهمني!!!بس اللي عرفته ان كل واحد فيكم قاعد بمكان...انا مو قصدي اجمعكم علشان تشوفون بعض اجباري وانتوا مو طايقين...بس ياوضحى انتي حامل ومايصير تتعبين نفسك علشان خالد ولاغيره..بعد ماتقومين بالسلامة ارمي الكل بعرض الحايط اللحين صحتك قبل كل شي...
تنهدت وضحى وماقالت شي....
ياسمين ولامو هامك ان البيبي اللي بتجيبنه يكون بصحة وسلامة.....
وضحى ياسمين مدري شقولك..
ياسمين صدقيني انا مو مع خالد وعارفة انه غلطان..
وضحى هو قال لك...
ياسمين انا اعرف خالد ياوضحى مايحتاج يقولي...مابيكون بها الوضع الا اذا كان غلطان وغلطه كبير بعد....
وضحى انا مو عارفة شسوي ياياسمين صدقيني ..حاسة اني على وشك الأنفجار....
ياسمين بعدين....لاتنفجرين اللحين ترى احتاجك بتجهيزي والله مو عارفة شسوي؟
وضحى انتوا شلي خلاكم تقدمون العرس كذا فجاءة؟
ياسمين بارتباك ها...لامو فجاءة اصلا نواف من البداية كان يبيه بسرعة...
وضحى الله يتمم لكم بخير وتراه طيب...بس كوني معه مثل مايبي وتاخذين منه اللي تبينه....
ياسمين وضحى........تتوقعين انه بيتركني مثل ماترك ريم بيوم من الايام!!!!
محمد اليوم نوير مرضانة؟
فارس نوير بعينك؟اسمها نورة...
محمد ول...
فارس انت من قال لك؟
محمد بخبث شكله يهمك تعرف؟
فارس اكيد يهمني انت ناسي انها زوجة المستقبل...
محمد شفت سعد اليوم طالع الصباح وسلئته ليه اخته مو معه قال مرضانة ومابتروح الجامعة...وعاد تعرفني انا راعي واجب قمت رفعت سماعة التلفون وتعافيت لها وسئلتني عنك متى وصلت ايطاليا وهل كلمتنا ولالسه؟
فارس أي...
محمد وهاذي اول مرة طبعا تسئل عنك حضرتها...
فارس امممم...وغير كذا؟
محمد ولاشي....
فارس طيب لاعرفت شي ولاسمعت عنها شي مااوصيك عطيني اخبارها اول باول؟
محمد اقول فارس ورى مااتزوجها انا اريح ترى متفاهمين انا وهي عكسكم تماما!!
فارس اقول اذا شفت صاحبك عسل...
محمد خلاص خلاص..ماتسوى عليّ صرت مطراش ولاانت حاس فيني!!
فارس يالله روح وسلم عليهم ..
محمد في امان الله....
سكر من محمد وابتسامة انتصار مرسومة على شفايفه....يالله يانورة كملي الخطوة الجاية ومثل ماعلقتيني فيك انتي بعد تعلقي وبنشوف لمنو النصر ولمنو الهزيمة بالنهاية؟؟
تركي احم احم...
مشاعل اللي كانت راكبة الدرج لفت له وقالت هلا وغلا...
تركي اليوم ماراحت الجامعة؟
مشاعل تخصرت أي وخير...
تركي بجدية شفيها؟؟
مشاعل والله!!تصدق مايناسبك عاد!!!ارسي على بر احسن لك ياثقيل يامجنون؟
تركي اعقلي يالله اعقلي وقولي شفيها؟
مشاعل مافيها شي قاعدة تتدلع..
تركي لاوالله!!!قولي الصدق....
مشاعل هي بيني وبينك كانت بتروح بس انا حبيت اعطيها شوية شخصية وبرستيج وقلت لها غيبي,,,,
تركي أي..
مشاعل بنفخة وانت تعرف نوف ماتمشي الا باوامراي ورغباتي,,,
مسكها من كتفها وجرها عنده وقال بتهديد اذا مفكرة اني معدي لك امس ترى لاتحلمين انا بس قاعد افكر كيف ارد لك حركاتك..
مشاعل بخوف وانا شسويت؟
تركي يكفي انها كانت مابتملك الليل منك ومن زعلك اللي مدري وشهو له..وبعدين لزقتك وحشريتك ..انا ماانسى ولاافوت أي شي يابابا؟
مشاعل ياربي.....طيب مدامك ناوي تعذبني ومابتنساها لي كمل جميلك وقولي شسويت لها البارحة؟
تركي بعصبية وانتي شيخصك بالله!!
مشاعل ولاشي...بس تراها مانامت طول الليل وكل شوي وحطت يدها على خدها تقول محد عنده خد غيرها؟؟؟؟
تركي روحي انقلعي غرفتك يالله.....
ركبت مشاعل وهو ظل مبتسم بينه وبين نفسه وهو يتخيل شكل نوف البارحة وسهرها...معقولة نوف تبادله الحب؟؟؟
يمكن ويمكن لا....ويمكن صدق انت قاعد تخوفها بحركاتك...اي بس انا ماسويت شي..كل اللي سويته بوسة صغيرة على خدها وبس!!!!
اه يانوف...ياحلمي بها العالم....واخيرا...اخيرا صرتي لي....
الليل كان الكل متجمع في بيت ابو تركي وسوالف وعشى ووناسة ونواف من سمع صوت ياسمين تنادي مشعل بتطلع اخذ عمره وطلع الحديقة.....
مشعل ليش قايمة بدري؟
ياسمين وهي تعدل نقابها بدري في عينك.....
مشعل لاصدق مالك بالعادة....
ياسمين مشاعل ماسكة التلفون مع فواز ونوف تركي صاير حارس شخصي ومو متزحزح من الصالة وحصة ماتنطاق ونوير مرضانة ماجت....بالنسبة لي انتهت السهرة؟
مشعل وضحى وينها؟
ياسمين ماطولت قعدت شوي وراحت...
احمد امك مابتجي؟
ياسمين لا بتجي بعدين......اقول اخوي الغالي مشعل ويللي ماعندي غيرك..
مشعل اكيد تبين شي....
ياسمين في باسكن قريب من هنا وش رايك يعني.....
مشعل وكم تعطيني؟
ياسمين ياربي على الاستغلال...
مشعل خلاص دبري حالك...
ياسمين عشرين؟
مشعل ليش هندي انا تعطيني عشرين؟
ياسمين وكم تبي حضرتك؟
مشعل اقل من خمسين مو متحرك من مكاني؟
ياسمين امري لله امشي.....
احمد وانا ابي بطاطا مقلي؟
مشعل انت طالع لي متشبع!!توه العشى داخل شكثره اللحين تبي بطاطا...بس ماعليه انت صاير خوش ولد وماشي على الصراط ناخذ لك....
كان نواف وراهم ويسمع كلامهم ويوم طلعوا بعد طلع وراهم لانهم راحوا يمشون وبيت بو تركي مو بعيد كثير عن بيت الجد,,,,
كان يودعها بنظراته وكل دقيقة والثانية يمسك نفسه لايكلمها...لانه من الصباح كان هنا ينتظرها ليش مايدري......
دخلت باسكن واحمد ومشعل راحوا المطعم اللي جنبه واخذها نواف فرصة ودخل وراها وكان المحل زحمة شوي وطلبت لها وتركه لها البايع على الكاونتر عطته الفلوس ويوم جت بتمد يدها تاخذه لقت يد وراها تشيله...
ياسمين بهمس وهي تناظر بالارض لو سمحت هذا لي...
نواف بهمس متاْكدة؟؟؟انا اشك..وبعدين انا قايل لك من قبل الايسكريم مايصلح بس انتي ماتتوبين ترجعين تاخذين؟
رفعت راسها علشان تتاْكد من ها الهمس واللي لايمكن يكون لغير نواف وشافته ياكل اسكريمها بهدوء..... وارتبكت من الخوف..
نواف بهدوء ماقلتيلي انك جاية باسكن؟
انا اقول مدام الجو صار بارد شرايكم ماننزل كل يوم بارت احس السالفة فيها تعذيب بصراحة ههههه
اشوفكم بكرة على خير ان شاءالله....
****
***
**
*
صباح الورد...صباح الروقان والحب..(اليوم مو برد ورايقة ههههه)
شخباركم ياعسل...شلونكم..عساكم بخير..
مشكورين كل اللي انضموا لنا وتسلمون على كلامكم الذوق ياذوق..وياهلا وغلا بناسي الحلوين اللي كانوا متابعيني من قبل(المفروض اقول ها الكلام من اول بارت رجعنا فيه بس كنت بردانة ههه)
سامحوني على اي قصور مني وعلى اي بارت مايعجبكم ..وان شاءالله دايم اكون عند ظنكم ومااخذلكم....
البارت الرابع والستين ,,,,,
في سيارة نواف...
ياسمين نواف لازم اقوم اللحين مشعل واحمد بيدخلون باسكن ومابيلقوني؟
نواف كان ياكل اسكريمها بلامبالاة وماكانه يسمعها وهو اصلا ذايب من خوفها...
نواف أي وبعدين؟
ياسمين بحرقة اقولك بنزل تقولي وبعدين؟؟؟
نواف اذا مروا قريب دقينا لهم يجون يركبون معنا واردكم انا البيت بالسيارة ؟
ياسيمن لابنروح مشي ماله داعي تتعب نفسك؟
نواف ليه في مكان ثاني بعد ناويين تروحونه؟
ياسمين بعصبية ليش ان شاءالله شقالوا لك عني!!!
نواف ولاشي....
قهرتها كلمته وقامت تناظره بغضب وبدون مقدمات سحبت منه الايسكريم وقالت بلهجة طفولية وبعدين هذا اسكريمي وش سالفتك انت كل مرة اشتريللي تقوم تاْكله عني!!!
بالاول ظل يناظرها بس يوم اكتشف مدى براءة حركتها تبسم داخله ومابين ها الشي وقام اخذ الايسكريم منها وكمله اكله فيه وقال هذا بدل ماتقولين بالعافية على قلبك...
ياسمين وليش ماتشتري لنفسك بالله!!!
نواف مااعرف...وماافكر اشتري اصلا لانه مايصلح؟
ياسمين واذا مايصلح ليه تاكله بالله!!
نواف برقة علشان لاتاْكلينه انتي وتمرضين؟
ياسمين ماشاءالله على العيارة!!اجل تدري شلون جيب الباقي باكله انا عنك لاني ماابيك تمرض,,,,
مدت يدها بتسحب منه الايسكريم ومد هو يده لها بدل مايخليها تشيل الايسكريم ومسك يدها بقوة وشد عليها...
ارتبكت منه ومن نظراته لها ومن مسكت يده اللي كانت تحمل الشي الكثير,,,
تنهدت بحرقة وقالت بهمس خلاص عليك بالعافية ماابيه بس فك يدي!!
نواف بهمس تجين معي الرياض؟
رفعت عيونها ولقته يناظرها بس مو مثل نظرات كل مرة...ها المرة نظراته كانت مختلفة تماما عن كل مرة...نظرات فيها احتياج وحنان وحب...نظرات كان فيها استرحام وكانت تناديها بقوة,,
لفت عنه للجهة الثانية وقالت بهمس خلني انزل يانواف؟
تنهد بقوة وقال بهمس بحتاجك كثير وبشتاق لك....وش اسوي ساعتها؟
وقف قلبها...وش اللي قلبه مرة وحدة...وليه هو كذا صاير,,,وليه لهجته فيها رقة وحنان حقيقين....
تقرب منها بهدوء وطوقها بكتفه وقال بهمس انتبهي لنفسك هنا....وخلصي بسرعة تراني مستعجل مووت ياياسمين....
تنهدت وماقالت شي....
نواف قربي بشوفك...
ياسمين نواف احنا بالسيارة محنا بالبيت....
نواف نروح البيت مو مشكلة مو بعيد من هنا؟
ياسمين برجاء لالالا خلاص روح وارجع بسرعة....نواف تكفى لا....
قالتها وشالت شنطتها وطلعت بسرعة وسط نظراته اللي ماكانت بتمنعها اصلا من انها تنزل,,,,,
ياربي هذا رقم فارس؟؟؟اكيد محمد قايل له اني سئلت عنه...اوووف لا....
اخر شي اتمنى اسويه اني اسمع صوته اللحين وبها النفسية وبها التعب....
بس عيب اصفطه وهو متصل فيني من برى يسال عني!!!لامو عيب يانورة بس لانك بتموتين علشان تسمعين صوته وكاهي جاتك الفرصة المناسبة,,,,
ردت وهي ترتجف من الارتباك وكان صوتها مبين فيه التعب...
فارس بحيوية هلا نورة....
نورة بارتباك وكانه واقف قدامها هلا ....الحمدلله على سلامتك...
فارس الله يسلمك.....شلونك؟
نورة بخير...
فارس كاْن صوتك تعبان؟
نورة ها...لا شوي بس...
فارس بثقة وشكله من فراقي!!!
ماعرفت شتقول.......
فارس خلاص مو من فراقي مو من فراقي لاتزعلين...
نورة بارتباك فارس...
فارس امريني...
نورة يمكن وحدة ثانية ماكانت بتسئلك ها السؤال...
قاطعها فارس وانا متصل لاني عارفة ان نورة غير عن ها البنات كلهم وتبي تسئلني ها السؤال ومن قلت لها اللي قلته وهي تبي تسئلني علشان كذا ماحبيت اطول عليك باتصالي وارتب اموري وادق لك بسرعة لايطول انشغالك.....لاني واثق مية بالمية انك تبين تعرفين وش الاجابة ولامن المقصود,,
تنهدت بارتباك وماعرفت تعلق على كلامه,,,,
فارس كنتي تبين تعرفين اذا كنت اقصدك بكلامي ولالا؟
نورة بانفعال انا عارفة انك تقصدني بس....
فارس أي...بس شنو؟
نورة بثقة مهزوزة وغالبها التعب كنت بسال وش الخطوة الجاية منك.....يعني اذا ممكن اكون بالصورة واعرف الامور مباشرة.....
سكت فترة طويلة وبعدها قال بعمق تقصدين اذا كنا بنكمل علاقتنا ولا بنفكها؟
قالت برجفة بالضبط؟
تنهد وقال بهمس نورة....عن جد مارسمت لك ها الشخصية ويوم عرفتك فاْجاتيني....واذا تبين الصراحة خليتيني اتمسك فيك اكثر ويزيد ارتباطي فيك......بس هذا مايعني انك ......
نورة بعد فترة من سكوته قالت بارتباك مايعني شنو؟
فارس بتعرفين مع الايام؟
نورة شنو يعني؟
فارس ولاشي انسي السالفة المهم وعرفتيه ان ارتباطنا ساري وماراح اتخلى عنك...
نورة بكبرياء ومن قال ان هذا المهم عندي؟
فارس بهمس وهو يبتسم بينه وبين نفسه على كبرياءها ولاشي بس جنيتي اللي ترافقك قالت لي انك كنتي خايفة وبالك مشغول فقلت اطمنك باتصالي.....
نورة بحدة من ورى قلبها قول لها غلطانة...غلطانة جنيتك..انا ماكنت شايلة همك اصلا!!!
فارس اممممم...طيب مو مشكلة معلومة عندي وان شاءالله وصلت لك؟
نورة ..
فارس تبين شي...
نورة ها...بتسكر؟
فارس الا اذا ماكنتي تبين تتركيني اسكر فهذا شي ثاني....
لؤلؤة شلونك..
وضحى ماشي حالي..
لؤلؤة متى موعدك بيكون؟
وضحى بعد اسبوع...
لؤلؤة ياربي ابي ادور السوق لسه ماشفت لي شي...
وضحى الله يغربل ابليسك يانواف قول امين..وهقتنا انت بها العرس...انا اللي شلبس؟
لؤلؤة والله ارتحتي يوم انك حامل ماتشيلين هم اللبس..اسمك فيك حامل؟
وضحى لاياعيوني عذر مو مقبول ولاانتي ناسية اني اخت المعرس...
لؤلؤة لا مانسيت..انا عموما من بكرة بنطلع انا وبنات خالي ندور لنا على ثياب ..
وضحى وخير ان شاءالله مو معزومة معكم انا؟
لؤلؤة هههه ماقلت شي بس هم قالوا لي بما اني بنام معهم...
وضحى لحظة لحظه..وش السالفة ليه بتنامين معهم؟
لؤلؤة وضحى شفيك نواف بيروح الرياض الليلة...
وضحى أي عارفة عندي خبر توه داق لي وقال انه مسك الخط....
لؤلؤة أي طيب.....
وضحى ليه بتنامين عند بنات خالي...انا قلت بجيك البيت؟
لؤلؤة لا خالي قال لي وماعرفت اقول لا...وبعدين بتعبك وانتي بروحك يبيلك من يدير باله عليك وخالد....
وضحى بحزن أي بس...
لؤلؤة لاتخافي يوم تكلمني ام مشعل مع عمي قلت لهم ان خالي قال لي اجي البيت ومو حلوة اقوله لا وانا عطيته موافقتي بالبداية...
وضحى ........
لؤلؤة حبيبتي بشوفك كل يوم...بجي اتطمن عليك بنفسي.....
وضحى ..وامك تشوفينها اذا رحتي لعند خالك؟
لؤلؤة لا....هم مايشوفونها كثير بعد هي لازقة بحمولتها...ولا خالي يتراواللي ماتدري عنه حي ولاميت؟
وضحى اه......
لؤلؤة انتي وينك؟
وضحى كنت قاعدة اشيل اغراض لي لاني بروح لك بس بما انك عند خالي بروح بيت عمي وامري لله..
لؤلؤة احد مضايقك هناك؟
وضحى لا ابدا..بالعكس شايليني بعيونهم؟
لؤلؤة حاستك متضايقة؟انتي وخالد متهاوشين؟
وضحى بمرارة لاابدا صافيين بس قولي تعب الحمل شوي يضيق الخلق.....يالله الله ييسر ويسهل الامور ...
اخر الليل ,,,
نوف انا قايمة انام.....
مشاعل تصبحين على الف خير ومو تسهرين مثل البارحة ماتنامين؟
نوف ناظرتها بمعنى اسكتي لااذبحك..
ام تركي ليه وش فيك يانوف البارحة؟
نوف بارتباك من نظرات تركي اللي كانت تبتسم بنصر ولاشي بس ..
مشاعل بلى....
نوف ماتعرفين مشاعل......
ام تركي لاعاد يامشاعل خلاص نوف وصارت زوجة تركي محد يجيب لها كلمة وحدة...
تركي وانا من ضمن القائمة؟
نوف وهي تناظره انت اولهم!!
ام تركي ها سمعت!!
تركي ول..متفقين عليّ معناته رحت فيها؟
نوف يالله تصبحون على خير...
وانتي من اهله......
بعد ماركبت الدرج
ام تركي مشاعل يمه ابي اخوك شوي..
مشاعل لاعادي امون قولي اللي تبينه؟
تركي انتي ماتستحين؟
مشاعل وش قلت انا عاد علشان استحي؟
تركي زين الوعد بكرة ان شاءالله بتاكلينها يعني بتاكلينها..
مشاعل ششنهي؟
تركي بكرة بتعرفين..
ام تركي قومي عاد بتكلم مع اخوك..
مشاعل وهي قايمة يمه عارفين وش بتقولين له...يعني تركي وماخذ نوف وش بتقولين مثلا!!!حطها في عيونك ياتركي تراها امانة عندك..هاذي بغلاوة خواتك والله يشهد....عادي اعرفه ها الكلام؟
ام تركي لاوالله ماكنت بقوله؟
مشاعل رجعت قعدت يعني كلام جديد مااعرفه!!!شنو؟
تركي بعصبية انتي بتقومين ولاشلون؟
مشاعل فزت وطيران ركبت الدرج...
تركي يمه...في شي....صاير شي...
ام تركي أي في شي...
تركي خير ان شاءالله...وش صاير؟
ام تركي انا مشيت اليوم كله طبيعي وبدون مااكلمك بس مو معناته اني ساكتة...
تركي مافهمت؟
ام تركي بنت عمك؟
تركي بثقة صارت زوجتي....
ام تركي بتنهيدة تركي خف عن ها الحركات شوي.....اصبر لين العرس...انا يوم اجي اليوم المطبخ كانت تقولك ابعد عني....وماقالتها اكيد من موقف واحد؟؟تركي حط في بالك انها اذا بتخاف منك من البداية ماراح تاْمن لك بعدين.....
تركي هاذي زوجتي...
ام تركي مااختلفوا فيها اثنين يمه... بس بعد لاتنسى ان عرسكم باقي عليه واي غلطة من هنا ولامن هنا يمكن تزعلها منك وتضل متحملتك بس علشان انك ولد عمها ولاهي بداخلها كارهتك...
تركي أي شسوي انا!!يعني مااسولف معها بروحنا ولانطلع بروحنا بس علشان ..
ام تركي يمه لاتفهمني غلط... انت عاقل ومافي منك بها العالم...بس بعد راعي حالتها النفسية وش بتقول يشوفني قباله طول اليوم رخص فيني....طيب هي وين تروح علشان تثقل وتتغلى عليك وهذا بيتها؟
تركي بتمتمة يصير خير...
ام تركي ماابي يصير خير...اعتبر نفسك لسه ماارتبطت فيها وارتباطكم بيكون ليلة العرس يمه......وتعامل معها مثل قبل....
التقت نظراته بنظراتها وكانت نظراته تحمل الشي الكثير بس تنهد وقال ان شاءالله يمه...ولايصير خاطرك الا طيب,,,,
في غرفة خالد ووضحى,,,,
خالد تعالي نامي ليه قاعدة هناك؟
وضحى كيف اجي انام وانت منبطح على الفراش؟
خالد أي...ووين المشكلة؟
وضحى
خالد ماتبين تنامين جنبي صح؟
وضحى أي...
خالد وحتى عبايتك وشيلتك ماتبين تشيليهم وانتي معي صح؟
وضحى أي...
خالد وش نوع ها العقاب ياوضحى....
ناظرته بدون ماتتكلم...
خالد باستسلام طيب....
قام من الفراش وقال لها تعالي انتي ارقدي هنا وانا بنام على الارض...
وضحى ....
خالد فرش على الارض ويوم خلص قال لها قومي نامي انا متعود على نومة الارض لاتخافين ...وشيلي عبايتك وطفي النور...ترى وعد مابتقرب منك الا برضاك واذنك...ومابسوي شي انتي ماتبينه؟
قامت لفراشه ومشت من جنبه وكان هو جالس على الارض ويوم مرت جنبه علشان تدخل فراشه مسك طرف عبايتها وقال بمرارة لاتطولين بقسوتك عليّ ترى مو قادر اتحمل والله....تكفين يابنت عمي تكفين....انا مشتاق لك فوق ماتتصورين ومو عارف شسوي؟
يمكن لو ظلت ثانية بعد انهارت بحضنه...بس انها سرعت خطوتها ومشت بسرعة ودخلت الفراش..
كانت انفاسها متسارعة...
قرب خالد يثير فيها اشياء ماتبيها تنثار...صوته يجرها لذكريات تبي تتناساها علشان ترتاح...بس العذاب واللهفة اللي بصوته حرقوها بنارها...ومثل ماهو يبي وجودها قربه هي بعد تبي وجوده قربها...بس شلون تضمن انه مايخونها...او شلون تسامحه على خيانته؟
نوف مافي شي....
نورة اكيد..
نوف أي.....اصلا طول اليوم كنا انا وخالتي ام تركي سوالف وبعدين مشاعل جت من الجامعة وكملناها وبعدين امك وخالتك جوا وماصار في مجال انه احنا نقعد مع بعض بروحنا؟
نورة بس يقولون معسكر فوق راسك؟
نوف هههه من يقول؟
نورة ياسمينوا دقت لي قبل شوي...تقول يااني بحسد نوفوا عليه ولا تخليه يعادي نواف شوي؟
نوف هههه يقطع ابليسها تصدقين ماطولت؟
نورة أي قلبها حاس انها بتشوفه..
نوف جد؟؟على خبري انه كان في بيتنا كيف شافته؟
نورة طلعتها هو كان طالع مدري شافها يوم راحت تاْخذ الها ايسكريم...المهم انه هو اللي ردها البيت بعدين...
نوف اممم...وكيف نفسيتها؟
نورة والله نص ونص...وضحى عندهم بالبيت وتقول شكلها مو مرتاحة من شي؟
نوف جد...ماسمعت؟
نورة اوووف...نجي للشي الاهم.....فارس دق لي!!
نوف أي قولي كذا!!وش قلتوا...
نورة بارتياح قال انه ماغير رايه...
نوف وانتي ليه فرحانة مو على اساس انك ماتبينه؟؟؟
نورة تغير الموضوع تحسينه شخصية...يفهم وش تبين قبل لاتنطقين.....يدري انتي تفكرين بشنو؟عمري ماصادفت ولاحاصادف شخص مثله بحياتي!!
نوف مااعتقد.......احس تركي رزة اكثر منه؟
نورة قلبي وجهك انتي وتريك قالت تركي رزة اكثر منه وش جاب لجاب عاد؟
نوف بثقة شكلك تتناسين منهو تركي يانورة؟على حد علمي كلكم تتراجفون اذا انطرى اسمه مو اذا شفتوه؟
نورة يبى خلاص انتي اللحين عندنا واسطة مو يقول يحبك خلاص احنا تحتك مايقدر يدانينا بكلمة؟
نوف ياسلاااااام....تصدقين عاد نورة...انا ابي اتغير مع تركي...بس اخاف يزيد بحركاته معي!!
نورة ليه؟
نوف مدام انه يحبني ماابي اخسر حبه ابي اكسبه لقلبي...وانسى كل العالم...اصلا اكون مجنونة لو فرطت بقلب يحبني مثل تركي....بس ادعي اني مااخبص السالفة فوق راسي....
عبدالله اقول الو ولاغريبة؟
عبير والله عاد انا قلت مو داقة بس قلبي ماطاوعني!!
عبدالله كم صار لك ماتدقين لي ولاتردين اذا شفتي رقمي؟
عبير اولا انت قاطعني اكثر من ثلاثة ايام....وقلبي حاس انك ماتبي تكمل علاقتنا؟
عبدالله دايما تتركين موضوع تهربك من اتصالاتي ونتغيرين السالفة ياعبير؟
عبير مبروك على ملكة تركي؟
عبدالله اه منك......الله يبارك في عمرك...
عبير الله يهنيهم.....
عبدالله قولي عقابلنا....
عبير ..........
عبدالله اشوف سكتي...
عبير بمسكنة مدري عندي احساس ان احنا مو لبعض...
عبدالله بالم ليه تقولين ها الحكي؟
عبير مدري حاسة ان نوف ماتبيني اناسبكم؟
عبدالله ونوف ان شاءالله وش يدخلها بعلاقتي فيك؟
عبير اكيد انها ماحبتني ولابتحبني وبتحاول تشوه صورتي قدام امك علشان امك ماتوافق عليّ!!
عبدالله بشدة ماتناسبه نجوم السماء اقرب لها...اذا هي اختارت تركي فمايعني ان لها تاْثير على حياتنا...هذا اللي ناقص شكلها نست العيش والملح اللي بينا؟
عبير قصدك اللي تصدقتوا عليه فيها ...يعني نست انكم قمتوا فيها وعدت روحها وحدة منكم...
عبدالله حبيبي ماله داعي تحطين في بالك سوالف مثل كذا وتتعبين نفسيتك...انتي ماعندك ثقة فيني!!
عبير عبدالله اذا حسيت للحظة انك بتخسر اهلك ولابتتزاعل معهم علشاني فنساني احسن...رحت ولاجيت بظل غريبة وبيظلون اهلك؟
عبدالله بتاءثر حبيبي وش ها الكلام تدرين مقدارك بقلبي شنو...وبعدين احنا جيران والوالد والوالدة اكيد يعرفوكم من زمان وكلام نوف لابيقدم ولابياْخر.....
عبير ماابي ابني لي قصر من الاوهام وبعدين اطيح من فوق...
عبدالله حبيبي ....تزعلني اذا صرت متشائم كذا...انا لك وانتي لي صدقيني,,,
يوم ثاني الصباح في سيارة تركي...
مشاعل صايرة اكرامية من المليك وحضرتك بتوصلنا الجامعة؟
نوف القصد مو انتي ولاتفرحين كثير القصد انا لاني زوجته ولازم يتطمن عليّ!!
لفت لتركي وابتسم لها وقال تعجبيني...
مشاعل من وراهم مقدر انا...وبعدين المفروض انا اجلس جنب اخوي؟
نوف ياسلااام ماكفاك طول السنين اللي فاتت وانتي جنبه خلاص عاد اتركوه لي شوي؟
مد يده ومسك يدها وارتبكت وناظرت بالارض وتركي فهم عليها وشال يده وقال بثقة تسلمين يالغالية....
مشاعل المشكلة فواز لسه نايم ولاكان ماقهرتوني؟
نوف هههههه
تركي متى تطلعون اليوم؟
نوف بدري....ليه بتعزمنا؟
تركي والله قلت لو نطلع نتغذى كلنا اليوم مدام الوالد هنا وماعنده دوام...انتي شرايك؟
نوف اممممم ليش لا....
تركي خلاص صار وين تبون احجز؟
نوف لالا تحجز...خاطرنا بملك المندي من زمان عنه..ولاشرايك انت؟
مشاعل أي والله من زمان؟
تركي وهو يبتسم لمشاعل ملك المندي ملك المندي زين يامشاعل....اريح بعد علشان تشوفين وش اللي ناويلك عليه؟
مشاعل شوف مدام الوالد معي والله ريال مو دافعة ادري بنيتك بتخليني ادفع انا بعدين؟
نوف والله عاد مو محتاج لك..فديته؟
تركي بسرعة شنو؟
نوف .....
تركي شقلتي؟
مشاعل قالت فديته...ولاانك بدوي ومو متعود ان احد يجي يقولك كلام كذا اكيد جتك صدمة قلبية
تركي بنفاذ صبر الوعد بالمطعم يامشاعل بتشوفين.....
سكتوا كلهم وكملوا مشوارهم لين وصلوا الجامعة,,,,
نزلت مشاعل ونوف كانت متعمدة تكون بطيئة وتخليها تنزل قبلها....
تركي انتبهي على نفسك...
نوف وهي تناظر بالارض ليه وش بيصير فيني يعني!!
تركي مدري...بس المهم انك تنتبهين لنفسك...
نوف تركي...
تركي بهمس لبيه..
نوف بارتياك كنت بسئلك.....
تركي امريني....
نوف ظلت تناظره وماقالت شي بعدها شالت شنطتها بتنزل ويده كانت عليها اسرع منها..
تركي وين...اول اسئلي وبعدين انزلي!!
يالله عاد ابي تعليقات للي جاي....
****
***
**
*
هلا وغلا فيكم...
ادري خليتكم تنتظرون على الفاضي..
عموما انا قلت لكم مابيكون للبارت وقت ثابت بس شكلكم تعودتوا يكون بالصباح,,,
معليش ان شاءالله مااتاْخر مرة ثانية بس ظروفي شوي وماقدرت ادخل الا اللحين...
وهذا بارت الاربعاء والخميس مدموجين مع بعض واشوفكم على خير يوم السبت باذن الله,,,
البارت الخامس والسادس والستين,,
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك