رواية كل يوم لك حال جديد يوم قريب ويوم بعيد -33

رواية كل يوم لك حال جديد يوم قريب ويوم بعيد -33

هلا وغلا فيكم...

ادري خليتكم تنتظرون على الفاضي..

عموما انا قلت لكم مابيكون للبارت وقت ثابت بس شكلكم تعودتوا يكون بالصباح,,,

معليش ان شاءالله مااتاْخر مرة ثانية بس ظروفي شوي وماقدرت ادخل الا اللحين...

وهذا بارت الاربعاء والخميس مدموجين مع بعض واشوفكم على خير يوم السبت باذن الله,,,

البارت الخامس والسادس والستين ,,

تركي نوف انا ابي اعرف السؤال اللي تبين تقولينه؟

تنهدت وقالت خلاص مو لازم...

مسك يدها وقال بحدة بس انا مصر اعرف...

نوف بتنهيدة وهي مرتبكة انت تشفق علي وتواسيني بحبك ولا.....شنو؟

تركي بصدمة نوف انتي عندك فيني شك واحد بالمية اني احبك بجد؟

نوف تنهدت وماقالت شي...

تركي نوف.....من زمان..من زمان حيل وانا احبك....

انتي هنا...محفورة بها القلب من سنين.....يمكن تصدقين ويمكن ماتصدقين بس اذا تزوجنا بتشوفين ان مكانك بقلبي ماهو عادي وانك عايشة ومتملكة افكاري من زمان...

نوف بمرارة تركي انا مو قصدي اشكك بحبك....

انا كل اللي كنت ابي افهمه ....

قاطعها بحدة وقال تركي اذا قال انه يحبك معناته انه يحبك وها الشي مايبيله شرح وتفسير.....

نوف ........

تركي لازم تفهمين ان انا مشاعري لك صادقة وطالعة من اعماق اعماقي وماطلعت الا لك انتي وبس!!

نوف بهمس اترك يدي بنزل...

تركي مو قبل ماتفهمين ها الشي.....

نوف تركي...احنا عند باب الجامعة ومو حلوة يشوفونا كذا!!!

تركي ....

نوف برجاء فك يدي ياتركي......

تنهد وفك يدها وقال تاْكدي يانوف اني اعشقك.....من قبل حتى لااعرف وش معنى الحب والعشق؟؟؟؟

شالت شنطتها ونزلت من السيارة,,,,

وتركته يناظر بسرابها اللي مشى وهو حاير.......

معقولة ياتركي...توقعتها تكون لانت وبتسهل عليّ عملية التجاوب وبتبادلني مشاعري...بس انها تشك في حبي لها وتعتبر شفقة ها الشي بيجنني!!!!!

سعد صراحة انا مانمت زين ابدا...

مشعل شدعوة عاد نايم في بيت ناس غريبين ؟

سعد مو كذا القضية بس جدتك عن جد ازعجتنا بهذرتها...يبى درينا اذا كبروا صاروا حنانين بس مو كذا!!!

مشعل حط رجل على رجل وقال أي وانت شتقترح بالله!!!

سعد حط رجل على الثانية وقال بتضخيم يااحمد..انت ياولد يااحمد روح اوقف عند الباب لايجي احد وقول العمام عندهم اجتماع...

احمد حاضر ياسيدي...

مشعل اخلص وش عندك؟

سعد انا مقرر اني اخوفها بالليل؟

مشعل وش دعوة ماجربتها قبل لقيت نفسي انا اللي اخاف مو هي؟؟؟جدتي تخوف كل الشياطين وماتخاف؟

سعد لا ماعليك انا اقدر عليها.....

مشعل في خطة جاهزة...

سعد وش رايك نلعب معها لعبة مثل فلم saw

مشعل احلف!!!!قول والله؟

سعد أي شفيها....

مشعل طيب اللحين بنحط برقبتها سلسلة حديدة ونقفلها بقفل والقفل وين نحط مفتاحه؟

سعد نربطه بمضاعدها؟

صدقني مابتقدر توصل له؟

مشعل تتوقع؟

سعد أي وانا اخوك...انا حالف اطلع الايام اللي زعلتك فيهم من عينها؟

وضحى احنا بخير لاتحاتي شي اهم شي انت وصلت بالسلامة..

نواف الحمدلله هذا انا اللحين بحط اغراضي وباخذ لي حمام وبريح شوي...

وضحى الله يعطيك الف عافية...

نواف اختك كلمتها ماترد...

وضحى أي بالجامعة اللحين عندها محاضرة...

نواف انتي انتبهي لنفسك وللي في بطنك....

وضحى ان شاءالله...

نواف بتردد شخبار ياسمين...

وضحى ماشي حالها راحت تسوي لنا شاي وبتجي نكمل تجهيزاتنا وحجوزاتنا؟

نواف نعم نعم نعم...عيدي ماسمعت....شنو يعني....

وضحى هههههه

نواف تشتغل عندك هي ولاتشتغل عندك؟انتي تخدمينها مو هي تخدمك؟

وضحى عدال عدال...يبى ماتسوى علينا ها الشاي اللي بتسويه ... مسوية مندي هي؟؟؟يبى مويه مغلية وبتحط فوقهم ثلاث لبتنات وين المشكلة؟

نواف يوم مافي مشكلة كان قمتي تسوينه انتي..ولاتبين ترتاحين وتبين تتعبينها؟

وضحى لاحول والله مايسوى علي اني قلت لك...هاذي هي جاية تبي تكلمها...

نواف أي...

مدت وضحى الجوال لياسمين اللي توها حاطة الصينية على الطاولة وقالت منو؟

وضحى لازم تعرفين؟

ياسمين وهي تضحك وشايلة الجوال قالت تكلم وضحى يمكن معجبين لازم انعم صوتي واحليه.....

اول ماحطت السماعة على اذنها جاها صوت نواف الواثق عاجبني كذا لاتغيرينه؟

حمدت ربها ان السماعة ماطاحت على الارض من كثر ماجمدت بمكانها.....

وضحى ناظرت بالارض تمنع ضحكتها لانها عارفة نواف عادي يقول أي شي اللحين يحرج فيه ياسمين بايعها ومايهمه شي.....

نواف وين رحتي؟

ياسمين بارتباك الحمدلله على السلامة...

نواف الله يسلمك...وينك...ها الكلام لاعاد تقولينه الا اذا انتي عارفة منو على الخط لااذبحك انا بعديها لاني متوقع انك عارفة الخيارات اللي بتجيك من وضحى ولا ان سويتها مع غيرها ذبحتك؟

ياسمين بنفس الارتباك تمام الحمدلله..

نواف عجبه انها مرتبكة وقال بعناد لاتروحين بعيد عن وضحى ترى ابيها بعد شوي...

ياسمين أي.....

كانت مرتبكة حييل ..هاذي اول مرة تكلم نواف قدام احد ...ومو أي احد اخته....وحست انها منحرجة موووت...

نواف بهمس وهو مستغل ارتباكها نمتي زين البارحة؟

ياسمين ها...اي...

نواف بنفس الهمس وفكرتي فيني كثير..

ياسمين اكيد...

نواف واشتقتيلي؟

ياسمين أي....

نواف اجيك اخذك يعني؟

ياسمين خلاص ماقدرت تكمل قالت بسرعة هاذي وضحى جنبي....

وعطت وضحى السماعة بدون ماتسمع رده,,,,

عبد الله يمه..

ام تركي انت شعندك مارحت الدوام..

عبدالله ماعندي شي...

ام تركي لاعندك...اكيد وراك شي منت خالي..

عبدالله وين ابوي....

ام تركي يريح بغرفته شوي....انت شعندك..

عبدالله يمه انا تعبان...فضلت ان احنا نتكلم والبيت مافيه احد؟

ام تركي خير يمه وش اللي متعبك اسم الله عليك؟

عبدالله بتعب يمه انا ابيها...قلبي متعلق فيها؟

ام تركي بحدة يمه ماتناسبك..كم مرة بعيدها هاذي؟

عبدالله وقلبي شلون افهمه ها الحكي؟شقوله؟ماتناسبني؟ليه؟؟

ام تركي يمه...انت تفكيرك غير عن تفكيرها وتربيتك غير عن تربيتها...هذا عدى طبعا اني بشيل انك بتاخذها عن طريق علاقة؟

عبدالله يمه انا وهي متفقين وتفكيرنا واحد؟

ام تركي مستحيل ..انا اعرفها...تفكيرها شنو وشللي تبيه...وانت ولدي انا مربيتك بيدي وعارفة انت شنو؟مابتجتمعون ياعبدالله....كلام التلفون والحب هذا كله مو صحيح...هي قاعدة تزيف نفسها لك علشان توصل لك وتعلقك بس بعدين اذا اكتشفتها على حقيقتها بتندم يمه وساعتها ماراح يفيد الندم يمه....

عبدالله بتاءثر لهدرجة مشوهين صورتها في بالك يمه؟لهدرجة كرهتها ها الانسانة ؟

ام تركي يمه...لااحد يكرهها ولااحد شوهها في نظري انا اعرفها شخصيا..ولو ماان الرسول عليه الصلاة والسلام وصى على سابع جار كان مااخليهم يوطون بيتي,,,,,

عبدالله لايمه لا...انتي ماتعرفينها..عبير مثل النسمة يمه صدقيني...

عطيني فرصة وبعد الملكة لو شفتيها مو مثل ماانا شايفها لك مني مااكمل معها يمه..

ام تركي يمه..بنات الناس مو لعبة تملك وبعدين تقول خلاص ماابيها؟انت ترضاها لوحدة من خواتك عاد؟

عبدالله يمه انا عن نفسي مقتنع فيها وابيها بس انتي اللي مو راضية تشوفينها بصدق ووضوح مثل ماهي وقاعدة تسمعين كلام اللي حواليك عنها؟

في الجامعة ,,,,

مشاعل الحمدلله على السلامة يالتعبانة...

نورة الله يسلمك..

نوف الحين انتي مصدقة انك تعبانة؟؟؟يعني كاذبة الكذبة ومصدقتها....

نورة حرام عليك عن جد كنت تعبانة وبموت...

نوف بشماتة سبحان الله وبين ليلة والثانية طبتي ومافيك الا العافية!!!

نورة انتي هي شفيك عليّ!!

نوف مدري عن ها التعب اللي جاء بدون مقدمات وبعد راح بدون اسباب؟؟؟

مشاعل كيف بتكون الجامعة بدون ياسمين..

نورة والله مااتخيل...يالله ها الفترة بس ان شاءالله الفترة الثانية راجعة لنا!!

نوف مااعتقد...

نورة ليه؟

نوف لانه نواف.....وماظني بيخليها ترجع تكمل.....

مشاعل مو بكيفه...غصبا عنه يخليها تكمل معنا.....

نورة اقول مشاعل وش ها الاعجاب ياربي...البنت ذي اللي ورانا بطاولتين...ماشالت عيونها عنك من جلستي!!

تنهدت مشاعل وسكتت...

نوف شفيك؟

مشاعل بحزن هاذي رغد بنت عم فواز؟

نورة ماشكلكم اخذتوا على بعض..

مشاعل البنت بدتها سوالف وعزايم ووناسة ويوم قلت لفواز عصب وقال انهم يبون يخربون علاقتي فيه وقلت لكم طبعا عن عمه راشد واللي قاله عني

نوف أي اذكر..

مشاعل المهم البنت قالت وطولت وعرضت عن فواز وانه يبيها واخذها وبعدها رماها...

نورة وانتي سكتي عنها؟مااعتقد طبعا..اكيد مسحتي فيها الارض وبالشعر والاظافر...

مشاعل بروقان لاوالله...قلت لها فوازي يمون بللي بيسويه ان شاءالله يرميني بالشارع انا رهن اصبعه وحلاله مقدر اقوله لا بحياتي!!!

وصل نوف مسج ها اللحظات وكان من تركي(احبك...مدري شلون يقولونها ولاشلون يعبرون عنها...بس ادري انها كانت بقلبي من سنين ومااقدر اتحمل اتركها عندي ولازم تعرفينها)

خالد انتوا شتسولفون فيه...

ياسمين بدون نفس سوالف بنات ماتخص احد غيرنا!!

وضحى هيه انتي تكلمي عدل مع زوجي؟

لفوا لها اثنينهم وكانهم كانوا ناسيين وجودها والتقت نظرات خالد مع نظراتها وسوت هي ان الوضع طبيعي..وابتسمت له...

حس انه قاعد يتقطع...تمنى انها تجرحه وتعانده وتصد...لكن انها تكون قدام الكل على طبيعتها ها الشي حس انه تعبه كثير لانه قاعد يشوف بعدين الوجه الثاني والمعاملة الثانية....

ياسمين حست انه شرد وفكرت انها هي السبب وانها كانت قاسية...لان هذا خالد وطول عمرهم مع بعض اخوان ويحبون بعض بس من قال لها عن سالفته مع وضحى وهي مو معبرته...

حبت تفرفش الجو شوي..

ياسمين انت وش ناوي تعطيني هدية زواجي؟

ابتسم لها بضعف وكانه بيبكي لانها كلمته وهو من زمان يحاول يراضيهاوقال بحب عيوني لك..

ياسمين لاماابي عيونك....انتي وش تقترحين اخليه يعطيني هدية الزواج؟

وضحى اكيد مو شي غالي ورانا بيبي جاي بالطريق؟

ياسمين ياسلاام وان شاءالله المفعوص اللي جاي اهم مني!!

وضحى لابالله قولي انك اهم منه بعد!!!

خالد انتي بتحطين نفسك وبتحطين ولدي بنفس الكفة؟

ياسمين مالت عليكم وعلى ولدكم بعد زين؟

وضحى عليك انتي...احنا شكوا...

ياسمين هذا اللي اقول بروح معك موعدك الجاي اتطمن عليه بنفسي..

خالد لاشكرا مقدرين خدماتك يالغالية بس مالها داعي تتعبين نفسك انا موجود..

وضحى وان شاءالله انت مصدق انك بتجي؟

خالد باعتراض الدكتورة قالت انها بتشوفه؟

وضحى تكلم ياسمين مصدق انه بيشوفه صدق!!!

ياسمين ههههه لاتفكر انك بتشوف سوداني يلعب كورة صغيرون؟

وضحى وخالد بوقت واحد سوداني بعيونك....ماغير عيالك السودانينين....

في سيارة تركي...

تركي كيف بتروحون البيت ولا ..

مشاعل بصراخ لاطبعا البيت بنبدل وبعدها نطلع...

نوف وهي تبتسم لتركي بسم الله عليك....عادي تعود هي كذا عندها حالات تحول كثيرة,,,,

ابتسم لها وكانه يبي يقراْ شي ثاني متغير فيها بعد المسج اللي دزه لها وهل غيرت تفكيرها ولالا..

تركي اهم شي انتي لايصيبك شي من طشارها..

نوف لالاتخاف عليّ متعودة عليها...

مشاعل اقول كومار انت ومرتك بتقلبوني اللحين سالفة لكم...

تركي مشاعل ماعندك سلف....

مشاعل ا .....

تركي لف لنوف خلاص كملي سالفتك...هي كذا اذا تبينها تطخ وتسكت قولي لها تبين سلف...

نوف ههههههههههه

مسك يدها بين يدينه وقال بهمس شلون كان يومك..

نوف تمام....

تركي وانتي شلونك؟

مشاعل بحلطمة يعني شبيكون لونها بالله؟؟شوفها مافيها الا العافية انت بس لاتدلعها كثير لاتركب فوق راسك وماتقدر عليها...بتصير لك بعدين مثل جدتي!!!

تركي لاحوووول...نوف مو حرام عليك...يعني لابالبيت ناخذ راحتنا بالكلام وبمشوار الجامعة..

نوف بهمس تحمل.....

تركي بهمس ماعدت اقدر..

نوف متى العرس؟

تركي بقهر الليلة....

عبدالله هلا بحبيب قلبي وعمري..

عبير شكلك رايق اليوم؟

عبدالله بفرح وكل يوم ان شاءالله مدام خطوتنا قربت من بعض؟

عبير مافهمت...

عبدالله بلى فهمتي واذا مافهمتي ترى الليلة الوالد والوالدة جايين يخطبونك لي!!

عبير .......

عبدالله وين رحتي؟

عبير انت متاءكد انهم بيجون...

عبدالله أي....

عبير أي بس امك مااتصلت تاءخذ موعد من امي..

عبدالله انا قبل شوي كنت معها وتكلمنا وهي قالت لي انها بتكلم ابوي يجونكم الليلة....

عبير شكلها تبيك بس تسكت عنها وقالت لك كذا...ولاهي تكذب عليك ولاراح تجي ولاهم يحزنون...

عبدالله بعتب حبيبي شها الكلام....

عبير وليش مااتصلت...

عبدالله طيب يمكن تلفونكم مشغول ولاشي...

عبير انا جالسة جنبه قبل شوي ماسمعته دق اصلا,,,

عبدالله والله مدري...طب يمكن دقت لاامك بالجوال..

عبير امك ماراح تجي ياعبدالله انا عارفتها..هي تبي تتهرب واللحين بتتحجج لك من هنا وهنا علشان تكسر بقلوبنا..بس يكون بعلمك انا احبك واذا ماكنت لي قبري بيكون اقرب شي....

في المطعم....

كانت الجلسة ارضية..

وابو تركي وام تركي جنب بعض وقبالهم نوف ومشاعل اللي كانت مشاعل بنفس جهة الباب ..

دخل العامل وفرش لهم السفرة وحط الاكل ودخل وراه تركي وفواز ومشاعل ماانتبهت لانه وقف عند الباب وماتحرك لانه كان يناظرها....

مشاعل رفعت اكمام العباية وقالت وهي مضخمة صوتها هاالمندي يبيله تشميرة عن الاكمام والتخلي عن كل انواع البرستيج؟

ابو تركي لاحححووووووول..عقلي بس يابنيتي..

تركي لالالاخليها ليش تعقل..انا ابي اطلع جنانها..

مشاعل طلع اللي تبيه ترى شنطتي تركتها بالسيارة يعني مو دافعة ولاريال عندك البنك الفرنسي السيد الوالد....

تركي أي وبعد...انتي تصورين المندي اللحين لشنو بالله؟

مشاعل وهي تصور بجوالها علشان انزله بعدين بالفيس بوك...تركي لاتتعب حالك انت ماتدري وش يعني...الناس راحت القمر وانت بعدك بها الدنيا...

تركي والله لو ماهي نعمة وامي وابوي قاعدين كان علمتك...

مشاعل رفعت راسها لنوف وقالت بشماتة سمعتي ماانتي من ضمن القائمة اللي هو راضي عنها..اصلا تريك سوالفه سوالف بعدين اقولك عنها.....علامك انتي منطقة لاتسوين مستحية مدري شنو....هيه شفيك...

لفت لعند الباب وشافته وانصدمت..

مشاعل فواز...

فواز ببتسامة هلا وغلا...بس ترى انا ساكت لان تركي قال لي اسكت ومااتكلم...يقول انتي بتجيبين العيد اليوم؟

حست انها بتذوب بثيابها...الله ياخذك ياتريك على ها الفعلة اللي سويتها فيني....ناظرت بعبايتها وهي مرفعة الاكمام ونزلتهم شوي شوي...

وانتبهت ان فواز فتح موضوع علشان يلهيهم عنها وترجع هي لطبيعتها بس وين ترجع وهو شاف عربجتها كذا....حست انها ودها تذبح تركي بس للاسف ماتقدر عليه....

ام سعد اقول نورة..

نورة نعم يمه..

ام سعد خالتك ام فارس دقت تسال عنك لاني قايلة لها انك تعبانة امس علشان تكلميها

نورة طيب...

ام سعد غريبة...مالك بالعادة اذا انطرت هي ولاولدها لازم تدوشيني بالحكي ووجع الراس؟

نورة والله امهات صدق ماينعرف لكم؟؟؟

ان قلنا لا وعارضنا سويتوا سالفة...واذا قلنا أي وان شاءالله بعد سويتوا سالفة....

ام سعد خلاص لاتوجعين راسي..

نورة سعيدان وينه؟

ام سعد راح بيت جده..

نورة خلاص ابتدت فترة الاقامة هناك..

ام سعد الله ياخذه ماقال لي...البارح طرش اغراضه مع السايق...واليوم الصبح راح هناك وخلى جدك يكلم ابوك يقوله انه يبي يبات عنده وهو اصلا مبيت النية من قبل...

نورة خلي يتونس هناك...

ام سعد الله يساعد اختي...وش تلاقي علشان تلاقي...

نورة خالتي ام مشعل بتدخل الجنة بدون أي نقاش....جدي وجدتي بروحهم سالفة...ومشيعل ولدها بروحه سالفة اكبر واعظم!!!!

نواف بروحه كان قاعد وحاير بعمره.....

وش يسوي...

يكلمها.....يبي يسمع صوتها...بس يحس اذا سمع صوتها بيجن...لانه ماراح يكتفي ويبيها تكون جنبه...

ماله الا انه يقطعها نهائيا لين ليلة العرس علشان يهداء باله عنها شوي...

صحيح بيتعب ومابيقدر بس بتمضي سريع.....ولاانه يسمع صوتها كل ساعة والثانية وتاخذه افكار وتجيبه افكار عندها؟؟؟

خله يتركها...صدق بيستوي من اشواقه لها لين ليلة العرس...بس بعد بتكون اريح لباله ...

هو هنا بعيد ومايقدر يروح لها كل مااشتاق يشوفها...

كان يبتسم كل مايتذكر شكلها وهي معصبة على الايسكريم اللي اكله امس وشلون شالته منه بقهر وهي تقوله(انت شسالفتك كل ماجيت اشتريلي ايسكريم تجي تاخذه)

ياسميني...عسى ربي يحفظك ويحميك لي...ولا يبعدنا عن بعض يارب,,,.

الليل على التلفون...

فواز يمه منك يالعيارة....بالمطعم محد قدك وعلى الكورنيش صوتك يوصل للجبيل ومسوية تستحين مني اللحين؟

مشاعل بهمس مالي عين اكلمك...

فواز مسوي يهددها بتكلميني وغصبا عنك.....قالت مالها عين...

مشاعل احس بطني يعورني...

فواز تصدقين حاس بالذنب..

مشاعل ليه؟

فواز لانك ماتغذيتي اليوم...شفتيني وسديت نفسك..

مشاعل لا مو كذا حرام عليك انت تفتح النفس مو تسدها...

فواز كنتي مستعدة للمندي ومشمرة الاكمام وبعدين قمتي تناظرين بالاكل بس!!

مشاعل لامو كذا بس كنت فاطرة بالجامعة؟

فواز علي يامشاعل؟يوم ادخل انتي تقولين بتاكلين وماعليك من احد ميتة جوع ..

مشاعل اوووف فوزا سكر السيرة ترى من جد مو طايقة نفسي..

فواز ليش...لاني شفتك بطبيعتك...

مشاعل ببكي ادري اني عربجية وافشل..

فواز اقول لك شي..

مشاعل بخوف شنو..

فواز ضحكتك تهبل...خفة دمك مافي منها...اهلك حيل محظوظين فيك...وانا اكثر منهم لاني بتملكك...مشاعل ابي ابتسامتك وضحكتك تلازمك وتلازم حياتنا..وعد ياقلبي...ابي مثل ماشفتك اليوم اشوفك كل يوم بالايام اللي جاية..

مشاعل فواز انت تقول الصدق...

فواز والله اني حبيتك من شفتك يابنت الحربي...واليوم يوم شفت بساطتك بالحياة وضحكتك ووناستك حسيت اني فاقد ها الشي وابيك تعوضيني....

حسيت ان ضحكتك ومقالبك تدخل القلب وتحبب اللي حوالينك فيك...احبك قلتها قبل ادري وبرجع اقولها مرة وثنتين وثلاث...كل لحظة تمر اكتشف فيك شي جديد يعلقني فيك اكثر واكثر.....

بعد تنهيدة طويلة طلعت من مشاعل قالت بهمس وانا اموت فيك...ومااعتقد اني بقدر اعيش حياتي بدونك يافواز....

في غرفة خالد ووضحى....

بدلوا ثيابهم وقعدوا قبال بعض..

بس هي على الفراش وهو على الارض....

خالد وضحى...

رفعت عيونها له بدون ماتتكلم....

خالد بمرارة ماابيك تسوين كذا!!

وضحى شلون؟

خالد بمرارة اكبر تكلميني قدام الكل وتبينين ان احنا سعيدين.....وبعدها نلتقي هنا واحنا اقرب الى التماثيل من جمودنا وبرودنا؟

وضحى ...

خالد مقدر...مااتحمل....احس ان في شي داخلي يتقطع...

وضحى وكيف تبي الامور تمشي بالله!

خالد عادي...لاتكلميني....واذا سمعتي شي عني اسكتي او قولي اللي بخاطرك...

انتي كذا قاعدة تقطعيني كل لحظة والثانية اكثر واكثر ياوضحى..

تنهدت وتنهد وراها.....

وبعد فترة طويلة قال باستسلاام بكرة موعدك مع الدكتورة..

وضحى امممم

خالد متى...

وضحى الصباح....

خالد وبكرة بنشوف وليد....

وضحى بتشكيك انت بتجي معي!!

خالد طبعا....

في صالة ابو تركي ...

تركي بهمس اللحين احنا مابنلتقي الا هنا كل ليلة؟

نوف أي...

تركي ليه طيب؟

نوف وش تبي يعني؟

تركي ماابي كذا...

نوف أي شتبي؟

تركي ابي احس اني لك وانك لي....

نوف .........

تركي تعالي معي الغرفة؟

نوف لا...

تركي محد بيدري....اللي نايم واللي طالع واللي يكلم..

نوف أي بس انا ماابي ...

تركي ليه...

نوف اللي بنقوله داخل نقوله هنا...

تركي اوووف..

نوف خلاص اجل تصبح على خير انا وراي جامعة....

تركي خلاص سكت.....مو معترض بس قعدي وسولفي..

نوف انا ابي افهم اسولف شقول...والمشكلة انا اسولف وانت بس تناظرني...

تركي بهيام اتاْملك...

نوف أي...وبعدين...

تركي فتحي عبايتك يانوف...

نوف عبدالله ماهو بالبيت وبيجي باي لحظة..

تركي بقهر شفتي ان احنا مو ماخذين راحتنا!!!

نوف .........

تركي طيب خلينا نروح المجلس..

نوف تركي انا مااحب الاماكن المغلقة ابدا!!!

مرت الثلاثة اسابيع سريعة جدا على ياسمين اللي حالتها كل مالها وتزيد بالتعب والقلق خصوصا ان نواف من راح مااتصل ولاسمعت صوته الا يوم تكلمه مع وضحى وها الشي تعبها كثير وشكوكها ودتها لخيار واحد انه ماراح يجي...

وانهيارها قرب......صحيح انها كانت تعرف اخباره كل يوم من وضحى وامها لانه يتصل فيهم بس استغربت تطنيشه لها ؟؟؟

وبيوم العرس ......

نوف انتي شايفة وجهك شلون صاير؟

ياسمين بتعب ماراح يجي؟

نوف يابنت الحلال شفيك؟قلتيها سبعين الف مرة وبكل مرة اقولك وصل كاهو مع تركي....

ياسمين ادري انه وصل بس ماراح يحضر العرس....

نوف خلك من ها الافكار السودة اللي ماتودي ولاتجيب واذكري الله...

ياسمين تنهدت لااله الا الله..نوف انا عن جد مو عارفة شسوي...حاسة رجلي مو شايلتني ..مو قادرة اوقف...

نوف تدرين شلون....دخلي توضي وقومي صلي لك ركعتي قبل كل شي عسى ربي يهونها...

دخلت ياسمين الحمام ودخلت نورة الغرفة وكانت ساكتة..

نوف وانتي شعندك بعد داقة بوز؟

نورة بلهفة طيارته العصر توصل....

نوف الحمدلله على السلامة مقدما...

نورة الله يسلمك......... اسمع امي تقول بعد ليلتين ملكة عبدالله صدق؟

نوف بدون اهتمام أي....

نورة وانتي شلونك؟

نوف بحدة مايهمني....عندي سيد سيده..عسى ربي يحميه ويخليه لي...

مر العرس بسرعة وفرح على الكل وباقل من مهله على نواف وياسمين اللي ماصدقوا انهم دخلوا غرفة وحدة تجمعهم...

كل واحد فيهم تنفس هوى كان ضاغط عليه وخانقه...

دخلت تبدل ثيابها وظل قاعد على طرف السرير ينتظرها تطلع بعد ماشال مشلحه وفتح زراير ثوبه وشال شماغه....

كان يعد الثواني ثانية ثانية..وكل ثانية تمر يوقف علشان يدق عليها الباب ويقول لها تاْخرتي تعالي بسرعة لحضني وشوفي اشواق قبل لاتبرد...

شوفيها شكثر هي حارة وحارقتني..مو قادر اتحملها ياياسمين تعالي لها انتي....

تنهد بقوة اكبر يوم لقاها طلعت من غرفة التبديل ووقفت قباله,,,

لاتنسوا تعليقاتكم الكريمة

****

***

**

*

انا مااختصرت الاحداث من يقول بس!!!(الناس تدخل وتسلم مو تدخل بشرها خخخخ)

شلونكم عساكم بخير...

لا من جد يعني وش اللي اختصرت فيه...انا بس مااحب اسلوب السرد المباشر اللي يكدس الاحداث ورى بعض يعني بتلاقون اللي اختفى بين السطور على قولتهم ومافي شي جاكم باختصار..

ماعلينا ....بنتظار تعليقاتكم على احداث اليوم وعلى اللي الاحداث اللي بتجي,,,

البارت السابع والستين ,,

ماامداهم نوف ومشاعل يدخلون الغرفة ويشيلون عبيهم وشيلاتهم الا والباب يندق...

ناظروا في بعض,,,,مين ممكن يكون بها الوقت ومشاعل قالت بسرعة يعني منو اكيد تريك..

نوف تريك بعينك !!ولفت للمرايا تتاكد ان شكلها لسه تمام لانها عارفته اكيد محترق جاي يبي يشوفها...

وابتسمت وهي تتذكر شكله اليوم وكمية اتصالاته لها وكل شوي حجة علشان يشوفها كيف صايرة بالعرس بس ماعطته فرصة للشوفة...وابتسمت....ماقطع الامل انتظر لااخر الليل علشان يجي يشوفها,,,يالله ياتركي بحياتي ماممكن اصدق ان هيبتك وجبروتك يتلاشون وتحل محلهم عواطف حب وشوق وهيام...الا جنون عمره ماصار!!!!

انتبهت ان مشاعل تناديها ورفعت راسها لها لقتها واقفه مع تركي اللي كان يناظر بنوف,,,

نوف ها...

مشاعل قايلة لك انا انه تركي ماصدقتيني!!!

نوف ها.....

تركي تنحنح وعيونه تتاْمل كل شبر منها دقيت لجوالك مقفل..

نوف وهي تتابع نظراته عليها أي الظاهر قفل وانا ماانتبهت له..

تركي انا كنت عند الفندق انتظركم وتفاْجات بعدين انكم رجعتوا مع السايق...

نوف أي خالتي قالت انها ماعطتكم خبر وخافت ماتجون ولاتتاْخرون دقت لعمي يطرش لنا السايق...

مشاعل انا طبعا مااقدر اقول لك أي شي لان اذا تلاحظ صار لي قرابة الاسبوعين وانا دايم ساكتة اذا شفتك..

يتبع ,,,,

👇👇👇

تعديل المقال