رواية كل يوم لك حال جديد يوم قريب ويوم بعيد -34
تركي تنحنح وعيونه تتاْمل كل شبر منها دقيت لجوالك مقفل..
نوف وهي تتابع نظراته عليها أي الظاهر قفل وانا ماانتبهت له..
تركي انا كنت عند الفندق انتظركم وتفاْجات بعدين انكم رجعتوا مع السايق...
نوف أي خالتي قالت انها ماعطتكم خبر وخافت ماتجون ولاتتاْخرون دقت لعمي يطرش لنا السايق...
مشاعل انا طبعا مااقدر اقول لك أي شي لان اذا تلاحظ صار لي قرابة الاسبوعين وانا دايم ساكتة اذا شفتك..
تركي هذا لانك خايفة مو اكثر ولااقل,,,
مشاعل بصراحة أي....المهم بتطول انت بوقفتك ولاشلون؟
تركي بتهديد وخير ان شاءالله؟
مشاعل لاولاشي بس كنت بشوفك اذا بتوقف تسولف مع نوف بدخل الحمام ببدل وبشيل مكياجي...
تركي الله معك ومنو ماسكك....
هو يبيها من الله اصلا انها تترك له جو مع نوف,,,,
بعد ما مشت خطوتين لورى رجعت ولفت لااخوها وقالت له تركي وش رايك فيني حلوة...
تركي وهو يتفحصها شافك فواز....
نوف بثقة وهي مبتسمة كان بيشوفها بس انا خربت عليهم !!!
ابتسم لها وقال زين تسوين فيهم..
مشاعل بغيظ وقهر سبحان الله وافق شن طبقة؟؟؟
نوف بالذمة تبين تشوفينه كذا سريع سريع ومشي حالك....
مشاعل يااخي انا راضية انتي وش دخلك...
نوف خلاص ماشي مرة ثانية بسمح لك تشوفينه...
مشاعل شكرا عمتي نوف ماتقصرين جميل مابنساه لك.....انت خلصني يالله وقول وش رايك فيني!!!
تركي بلا مبالاة ماشي حالك.....
مشاعل شهقت بقوة ونوف ماتت ضحك...
تركي بامر روحي يالله بدلي وخلصينا ترى ماباقي وقت كثير على الصلاة,,,,
مشت مشاعل ودخلت الحمام وراح هو وجلس بصالتهم الصغيرة(اللي بجناح نوف ومشاعل) وظلت واقفة تناظره بمكانها
همس لها بهدوء قربي ليش بعيده؟
بتردد قالت وهي تصد عن عيونه تبي شي؟
تركي بنفس الهمس اذا ماكان عندي شي ليه بكون جاي؟
تقربت منه وهي شايفة بعيونه نفس الرغبة بس ماقدرت ماتجي...
ظلت واقفة بعيد عنه
وهمس لها برغبة تعالي قربي مني ليه واقفة بعيد...
تقربت منه بخوف وقالت بلهفة وش تبي ياتركي...
مسك يدها اول ماقربت وسحبها جنبه وصارت قباله وقال برغبة ليه صادة عني اليوم وحاقرتني,,,كم مرة دقيت لك كنت ابي اشوفك وانتي مطنشتني!!
نوف وهي تناظر بالسقف مو صادتك بس ماصار فرصة نشوف بعض فيها...ماقدرت اترك القاعة واطلع لك....
تركي بنفس الهمس لو كنتي تبين كنتي بتدبرينها...
نوف مصيرنا بنلتقي بالبيت...ماحسيتها حلوة نلتقي قبل...وبعدين هذا انت هنا...
تركي برغبة وهو يناظر فستانها اللي كان عريان من فوق وبدون اكمام وماتبين تعرفين راي فيك الليلة؟
قالها وهو يناظرها برغبة..حسستها بخوف اقوى وقالت وهي تسحب يدها منه وتحاول تخفف الجو اذا اختك ماشي حالها انا شبطلع بالله!!!تبيعني بسوق الخميس اكيد؟؟؟
تركي بثقة وهمس متاْكدة؟
وقف قلبها....هذا تركي صاير يخوفها بها النظرات...وبها اللمسات...
حاولت تسحب يدها منه بس مارضى يتركها...
نوف بترجي تركي مشاعل بالحمام وباي لحظة بتطلع...
تركي بثقة الشي الحلو فيكم انكم اذا جيتوا تحطون مكياج ولاتشيلونه تاخذون لكم ساعة على الاقل؟
نوف بخوف ولو ماهي حلوة وقفتي معك كذا!!
تركي وهو يسحبها اكثر جنبه خلاص تعالي اجلسي ليه بعد واقفة....
مامداها تقول شي لانه جرها بقوة من يدها وحطها في حضنه بالغصب....
ارتبكت بقوة ووقف الدم بعروقها...
صحيح شافته قبل باكثر من موقف احرجها واربكها...بس اللحين غير...ثوبها عريان ومتزينة على الاخر...وهي بحضنه...والاهم الرغبة اللي بعينه...ولمساته اللي قاعدة تحرقها,,,,
نوف بترجي وهو متقرب منها تركي الله يخليك قوم...
تركي بتحدي انا زوجك؟
نوف وهي تتنهد بقوة معليش...قوم ياتركي...تكفى...
تركي وهو يناظر فيها بثبات وعيونه متوزعة على شفايفها ورقبتها واذا قلت مو قايم...
نوف بترجي لاتكفى.....الله يخليك..
تركي خايفة مني يانوف..
نوف بسرعة أي..
تركي بشاعرية وهيام أي بس انا احبك ولايمكن ااْذيك يانوف...
نوف علشان كذا لازم تقوم...تكفى اذا تحبني قوم....الله يخليك..
تركي بس انا ماابيك تخافين مني يانوف...انا بحميك من كل العالم معقول يجي في بالك اني اضرك؟
نوف ادري انك مابتضرني بس انا اخاف من شيطاني وشيطانك ياتركي.....
سكت وهو يناظرها...رغبته بجهة..وترجيها وخوفها منه بجهة ثانية..وصارت الاصوات متعارضة عنده.....
بالنهاية قال باستسلام طيب بس ببوسك وبقوم...
`,
ببتسامة ناظرها وهو يشوفها قاعدة تعفس بتسريحة شعرها وتشيل المشابك منه يعطيك العافية...
شالت يدها عن شعرها وقالت بعد تردد الله يعافيك....
خالد الله يسهل عليهم ان شاءالله....
وضحى امين..ويبارك لهم ويجعل العشرة بينهم طويلة ودايمة...
خالد يارب..
وضحى بتعب تصدق ياخالد تعبت الليلة حييل....ماتوقعت ان الاعراس كذا تهلك اذا الوحدة حامل...
قام من مكانه وتقرب منها وقال بهمس وهو ياخذ يدينها بين احضانه... ترى مو كل الحوامل يتعبون بس اللي بيجيون وليد...
وضحى ناظرته ...كان وسيم حييل...اشتاقت له....زمان عنه وعن حبه ودلعه....
قال بهمس اساعدك...
وضحى بهمس قربت اخلص لاتشغل بالك...
خالد وهو يلعب بيدينها منهي صارت احلى وحدة الليلة؟
وضحى بثقة ياسمين......
خالد ابتسم عشانها صارت زوجة نواف؟
ضحكت وضحى وقالت اه من نواف...الليلة حسيته غريب...اول مرة اشوفه كذا مرتبك على خايف على قلقان...مدري ماقدرت احدد مشاعره وانطباعته...
خالد الله يسعدهم ان شاءالله.....
سكتوا فترة بعدها قال خالد وهو يتاْملها امك حضرت العرس ياوضحى؟
تنهدت وتركت الفرشة على الطاولة وقالت وهي تناظر بالعرس أي...
خالد بحنان وضايقتك بشي...
رفعت عيونها تناظره ..لقت فيها حنان غريب...وكانه يبي ها المدخل علشان يرجع لحياتها ويرجعها لااحضانه...رغم ان بكل مرة تلتقي فيها مع امها تطلع بعيونه هي الغلطانة الا اليوم خالد يبي يطلعها على حق ويطلع امها غلطانة!!!
قالت بضيق مو مهم...
قال وهو يتجراْ ويحط يده على شعرها ماعليك منها لو شقالت...انتي عايشة بدونها.....
وضحى بتنهيدة على قولتك......
ماتدري ليش سيرة امها عكرت نفسيتها......
بس خالد كان اسرع واخذها بحضنه بسرعة وحرارة.....
وهي كانها تنتظر ها الشي منه...لانه بمجرد سوى كذا استجابت له وتركت نفسها بحضنه تهيم,,,,,,
تنهد وهو يشوفها طالعة من غرفة التبديل وراحت عند التسريحة اخذت فرشتها ومشطت شعرها وبعدها طلعت من الغرفة بس بعد اقل من ثانية رجعت وقالت بتردد في احد غيرنا بالبيت؟
بعد تنهيدة طويلة قال ليه تسئلين؟
ياسمين بدون ماتحط عيونها بعيونه قالت ابي اروح اشرب مويه؟
نواف وقف وصار قبالها ويوم تقرب منها همس باذنها ليه مالبستي ذاك الثوب اللي لبستيه ذيك الليلة؟
حست بحرقة تسري بضلوعها من لهجته وناظرت بنفسها كانت لابسة بيجاما ستان سودة ومكممة بعد!!ليه ماتدري...حتى يوم تشتريها ماقالت للبنات انها بتلبسها اول ليلة لايذبحونها...شي بخاطرها وسوته وتندمت اللحين بعد ماسمعت لهفته..حست انها تبيه وانها اشتاقت له وتبي تقول له الحمدلله على السلامة...بس وقفت مثل التمثال الجامد..
نواف برقة وربكة ماتعودتهم عليه ياسمين كثير روحي اجلسي وانا بجيب لك مويه...
ياسمين باعتراض بدون ماتناظر بعيونه لا انا بروح اشرب...شكرا...
طلعت قبل لاتسمع منه أي كلمة.....
ولقت نفسها تدخل الصالة اللي تحت وتجلس على الكنبة تسترد انفاسها اللي حست انها تتلاحق بسرعة...ونست المويه وابوها ....
غمضت عيونها...رغم ان المكان كان مايل للظلام اكثر من النور لان الانارة فيه كانت خفيفة مرة,,,,,,
مر عليها شريط اليوم بطوله.....
كانت مونايمة اصلا من البارح,,,,تعبها وتفكيرها ...من ان نواف بيحضر ولاماهو بحاضر.....
ونوف اللي كانت تطمنها كل شوي ان تركي معه....وانهم بالصالة وانهم بيجون....
زفتها......وحضن امها لها....الحضن اللي ماتمنت اصلا انها تبعد عنه....
سعد ومشعل واحمد ورقصهم....ودموع مشعل اللي كان يحاول يخفيهم...وهي متاْكدة مليون مرة ان نيرانه بتطلع بجدها وجدتها الليلة...بس زين ان سعد معه......
رقص البنات حولها وهم كل شوي يهدونها اغنية...
خالاتها وفرحتهم فيها...
توصيات جدها وجدتها لها....
خالد وسلامه عليها ,,,خالد بروحه كانت سالفته سالفة ..ياكثر مااشتاقت الى ها الاخو الحبيب العضيد,,,,
تمنت حاله يتغير مع وضحى علشان ترجع له مثل قبل تشكيه ويشكيها ويخفف عنها قبل لاتقول اللي مضايقها...
حست يوم يحضنها ويبارك لها انها بتبكي....وبكت فعلا...خالد بقلبها غير عن الكل.....الله يهديه ويهدي سره مع وضحى ويوفقهم ويعطيهم اللي يبونه ويقوم وضحى بالسلامة,,,,
كل شي كان يدور في بالها وفجاْة كل شي اختفى...ليه ماتدري...حست بالخوف... جمدت حركتها....فتحت عيونها شوي شوي..ولقت نواف واقف قبالها ومكتف يدينه وهو يناظرها....
حست بالارتباك والاحراج...اللحين عرفت ليش فتحت عيونها وحست ان جوها متغير لان ريحة عطر نواف انتشرت بالمكان وقبله ماكان في شي موجود...
ماقدرت تناظر بوجهه وسوت روحها مو مبالية لوجوده...
نزل نفسه لمستواها وقال بشوية حدة وراك قاعدة هنا؟
قالت بلامبالاة وهي متجنبة شوفته عادي...
نواف بعصبية وهو يناظر ببجامتها هذا المويه اللي جاية تشربينه!!!
ياسمين بعد تنهيدة قوية حسيت اني مو عطشانة قلت اجلس شوي...فيها شي ذي؟
نواف مسك يدها بعصبية وقومها...
ياسمين بحدة خير في شي؟
نواف بنفاذ صبر لاولاشي....بس قومي ندخل غرفتنا...ماابي اقعد هنا؟
ياسمين بعناد روح انت ومن ماسكك...انا بظل هنا؟
نواف مشاها معه بالقوة وسط اعتراضها...
حس انه بينفجر فيها على ها العناد...رغم انه كان يمني نفسه طول الوقت انه اول مايشوفها ياخذها بحضنه..وكان فعلا ناوي يسوي كذا ويصير معها قمة في الرومنسية بس هي اللي خربت على روحها وكانها ناوية على الشر...
دخلوا الغرفة وسكر الباب...
ياسمين بحدة انا ابي افهم كل شي لازم يصير على كيفك؟
نواف وهو يناظرها والله الواضح ان كل شي يصير على كيفك انتي!
ياسمين وانا شسويت عاد؟
نواف بلامبالاة سلامة قلبك....بس تاركتني علشان تنزلين تجلسين بروحك؟
ياسمين نواف انا ماكنت متقصدة اني اتركك بس حسيت اني ابي اجلس بروحي وجلست وين المشكلة؟
نواف بشماتة والله!!والمطلوب اصدقك يعني!!
تنرفزت منه ومن رده....هذا والليلة عرسهم؟؟بس مقيولة مايبي منها شي اخذ اللي يبيه وانتهت سالفتها وش له بعد يداريها؟
لفت عيونها عنه علشان لايشوف دموعها اللي تجمعوا...اصلا لولا وجوده قربها كان من زمان بكت بس ماتبيه يشوف دموعها وانكسارها,,,,
نواف وكانه انتبه انها بتموت من اسلوبه..حاول يلطف الجو وتقرب منها وصار مايفصل بينهم شي...
وجوده كذا قبالها اربكها...
بعدت عنه بسرعة قبل لايقول ولاكلمة وراحت دخلت الفراش تنام....
بس يوم دخلت الفراش حست انها ماتبي تنام نواف ماينضمن له ...سندت ضهرها على السرير وجلست بزعلها.....
تقرب منها وجلس قربها وتنحنح....
كان يبيها ترفع راسها بس مارفعته...هي بعد مافي اشطر منها بالعناد...هذا اللي كان يدور براسه بذيك اللحظات..
تقرب منها وحوط يدينها بكتفه اليسار ورفع وجهها له بيده اليمين وقال بهمس هذا استقابلك لي ....كذا يقولون الحمدلله على السلامة بعد غياب ثلاثة اسابيع ياياسمين؟
ماقالت شي بس ماقدرت تحط عيونها بعيونه...وظلت تناظر بالارض...
قال بلهجة امر ناظريني...
ياسمين ..........
نواف اقولك ناظريني..
ياسمين بعد هدوء ماابي...
نواف وهو كاتم ضحكته ليه؟
ياسمين بعناد كيفي...غصب اناظرك؟ماابي....
تنهد بارتياح...شكثر اشتاق لها ولعنادها ها المجنونة اللي ضيعته.....وضيعت علومه.....
بس مايدري ليش وده يذبحها لانها لبست ها البيجاما...
قال بسرعة وش تعني بيجاما لونها اسود بليلة العرس ياياسمين؟
بسرعة قالت تعني ان ايامنا كلها سودة....
رفعت راسها له وظلوا يناظرون في بعض......
قال بعصبية خير...
بعدت عن كتفه اللي محاوطها وجت بتقوم كدليل على كلامها بس يد نواف مسكتها بسرعة وقال لها بحدة انتي علامك انتي....
ياسمين بدون ماتلف لجهته خير بغيت شي مني؟
نواف ياسلاام؟انا زوجك اذا ماتدرين والليلة عرسنا يابنت الاوادم؟
ياسمين ببرود واذا كان...
نواف ناظريني وانتي تتكلمين ليه بعد لافة وجهك عني؟
ياسمين بقهر ماابي.....لك عندي شي..مالك تصبح على خير نام وارتاح...
نواف بعصبية اذا كلمتيني مرة ثانية بها اللهجة تشهدي على نفسك قبلها...انا الرجال هنا وانا اللي صوتي بس يعلى..فاهمتني ولااعيد...وبعدين تعالي وين رايحة على الله؟
ياسمني جهنم..
نواف تروحينها بس اذا انا قلت لك...يعني بالعربي الفصيح تشوفين انا اول وش ابي؟
ياسمين وخير ان شاءالله وش تبي بعد؟
نواف بالصريح انتي ناسية ان الليلة عرسي وان لك علي حقوق؟
ياسمين بحدة وانت ماقصرت اعتقد اخذت حقوقك قبل....
نواف لا......
ياسمين أي...
جرها بالقوة من يدها وصارت بحضنه ومايفصلهم شي..وقال بشراسة اخذت حقوقي مرة وحدة ومجنون اني ماطعتك وخذيتها مرة ثانية...
ياسمين وقف قلبها.....
كانت لهجته تخوفها...وحست انه ماله مجال للتراجع..يعني هي لازم تلين شوي...
ياسمين بهدوء انت ليش تحب تنرفزني...
مو على نواف ياياسمين لانه عارف نيتك وعارف انك تبين تلهينه عنك وتبعدينه وتتحيالين عليه علشان يتركك..
بس هو نواف ماعطاها مجال اصلا تقرب منها وعيونه فيها شر على رغبة على حب ومارد عليها سؤالها ,,,,
(احس المقطع كان طويل خخخخ مابغيت اخلص وانا اكتبه)
وحده عايش بالاماني...
ماصدق على الله يجي عرس ياسمين بنت خالته.....
ملكته بعد يومين...يعني ماباقي غير ليلتين وتصير عبير له...ويكمل الحلم اللي بناه...
حاس بسعادة مو طبيعية...
حتى يوم خطبوا له عبير امه وابوه تضايقوا من اهلها لانهم بس رجعوا البيت اتصلوا فيهم وقالوا موافقين واذا يبي عبدالله يملك من الليلة...
طيب وشنو فيها ذي بالله..البنت وفكرت وشافت انه مناسب لها واهلها عارفين اهله وماحبوا يفرطون فيه فمااعترضوا..بس اهلي مدري شلون يحبون يسون من الحبة قضية,,,,,
ماعلي من شي مدامها بعد يومين بتصير خطيبتي...
فكر ياعبدالله كيف بتسعدها..وشلون بتقضون الساعات الحلوة مع بعض...
فكر ان حلمك بيتحقق ومثل ماوعدتها هذا انت وفيت ورحت خطبتها ,,,
لاتشغل بالك بالعذال واللي يقولونه...عبير تحبك...صحيح ساعات تصد وتغيب بلا اسباب مقنعة بس خلاص اللحين هي لك ومابيبعدها عنك أي شي...
غمض عيونه واكبر ابتسامة كانت مرسومة على وجهه....
هي بروحها مانامت ولاشافت النوم....طول وقتها من رجعت من الصالة ومن قبل ماترجع وهي ماسكة الجوال وتحاتي فارس...
طيارته الليلة...بس باي ساعة ماتدري؟
ياترى وصل ولالسه....
من قبل لاتنزف ياسمين ارسلت له مسج(الحمدلله على سلامتك مقدما...نورت الشرقية)
لانها كانت بتنشغل بزفة ياسمين ومابتدري عن شي بعدها...
وفعلا اول ماخلص العرس ورجعت البيت حدها بس بدلت فستانها وشالت المكياج ومسكت الجوال تناظر فيه وكل شوي تفتحه تتاْكد اذا فيه شبكة ولالا؟
لين قربت الساعة على الاربع وربع... ودق جوالها مسج(مدري اذا كنتي نايمة وازعجتك برسالتي بس حبيت اقولك وطت رجلي مطار الدمام اللحين.....)
ماصدقت على الله خبر انه يرسل لها دقت له علطول....
ويوم دقت تندمت..يعني اكيد ماراح يرجع من المطار للبيت بروحه وبيكون حوله احد وبيقول هاذي ماصدقت على الله اتصلت بسرعة وكانها ماتنعطى وجه!!
يوم جت بتسكره رد عليها صوت فارس الواثق هلا والله...اسفين اذا صحيناك من نومك يالغالي...
تنهدت بارتياح...ها الشي اللي كانت تبيه فعلا...انها تسمع صوته وتحس انها ملكت العالم...
في شي بصوته يخليها ترتاح وتندمج معاه.....
تنبهت على صوته يناديها..
فارس نورة معي على الخط ولالا؟
نورة بارتباك انها سرحت ها...اي....الحمدلله على سلامتك...
بفرح قال الله يسلمك...بس صوتك سهران مو نايم يعني ماصحيتك؟
نورة بسرعة لالالا مانمت كنت منتظرتك ..
فارس بثقة يعني كنتي منتظرتني يانورة؟
نورة ها....لاطبعا...بس توني رادة من العرس ومابعد نمت...
ابتسمت على ضحكة فارس اللي ملت المكان واللي ماكانت مصدقة كلام نورة..
فارس قلتيلي....وكيف كان العرس..
نورة حلو...
فارس وانتي كيف صرتي...اكيد مميزة؟
نورة مايخصك...
فارس طيب وش كنتي لابسة؟
نورة بعد مايخصك؟
فارس عنيدة مووت ها النورة؟
نورة
فارس ماقلتي بعد مايخصك؟
نورة .......
فارس اقدر اعرف وش كنتي لابسة ماهو صعب لاتخافين؟
نورة لاوالله؟
فارس بهمس اشتقت لصوتك....اشتقتيلي انتي!!!
بهيام قالت طبعا...
فارس تحبيني؟
نورة بنفس الهيام على صوته طبعا...
فارس باستغلال طيب قوليها..
نورة انتبهت على نفسها وقالت بسرعة وانحراج منه طيب يوم انك وصلت الحمدلله على السلامة ...تصبح على خير,,,,
قالتها وسكرت بسرعة وانفاسها تتلاحق....
الود ودها ماتسكر وتظل تسمع صوته بس حست انه قاعد يجرها بالحكي وشوي وتقوله احبك...واذا ظلت تكلمه اكيد مابتتحمل نفسها وبتقوله احبك....
طلع من غرفتهم وهو حاس انه مو بوعيه...
ها البنت قاعدة تسحبه لهاوية الجنون.....ولاهي بمسمية عليه بعد!!
لازم يحدد بكرة موعد العرس لانه اذا بيظل كذا ماراح يقدر يكمل ابدا وبيتهور لامحالة...
جاه صوت امه من وراه تركي..
لف لها ولقاها توها راكبة....
تركي يمه ..وش قاعدة تسوين تحت على بالي نمتي!!
ام تركي وعلشانك فكرتني نمت رحت لنوف؟
تركي يمه...حرام حتى اني اسولف معها..
ام تركي بهمس هذا مو وقت سوالف ياتركي وانا قايلة لك الف مرة..
تركي بتنهيدة يمه مشاعل معنا جالسة...وش مفكرة ان احنا بنسوي وهي بوسطنا جالسة؟
ام تركي ها المرة بمشيها لان مشاعل معكم..بس ياليت ماتوطي ها الغرفة مرة ثانية ياتركي ..
تركي بتفاذ صبر يمه مرتي ...
ام تركي حدد موعد العرس وخذها...
تركي حددته والله حددته....حرام كذا لااشوفها ولاتشوفني على حساب مدري منو....
وفي داخل غرفة مشاعل ونوف..
مشاعل خلص الفلم العربي......
لفت نوف لمشاعل اللي طلعت من الحمام وجلست قبالها...
نوف ها..
مشاعل وين تركي؟زمان صار له طالع؟
نوف بضيق يعني...
مشاعل بخبث منتي على بعضك....في شي؟
نوف تنهدت وحمر وجهها وحست برجفة....
مشاعل بخبث اكبر على مااظن انا تركتكم عند الباب كيف وصلتي انتي هنا؟طرتي مثلا!!!
نوف تنهدت بشكل اكبر وبعدها قالت تتوقعين اني بقدر اسعد تركي....
مشاعل بثقة لا طبعا...
رفعت راسها لها تستفسر ومشاعل ماتت ضحك..
نوف بضيق احر ماعندي ابرد ماعندك....
مشاعل وش تبيني اقولك يعني..انتي عارفة تركي مثل ماانا عارفته..وتدرين انه يحترمك ويحترم جميع قراراتك ومايرفض لك طلب...وش اللي يخليك تفكرين كذا!!
نوف علشان كذا انا اسئل يامشاعل...لانه قاعد يسوي كل شي علشاني..مالازم اقصر انا معاه...
وقالت بنفسها(ولانه يحبني يامشاعل يحبني....وحرام اني ماابادله نفس شعوره واحطم قلبه..افهميني ابي اعطيه قد مايعطيني وماابي احسسه انه ظلم نفسه يوم اختارني...بس هل بقدر ياترى)
مشعل يمه....
رفعت راسها ومسحت دموعها اللي حس فيهم وسط ها الظلام....
ام مشعل بحنان شفيك يمه..ليش مانمت!
تقرب منها مشعل وقال انتي ليه مانمتي؟
ام مشعل بغصة ولاشي.....
مشعل بحنان تحاتين ياسمين مو؟
ام مشعل تنهدت...
مشعل انا مو قادر انام...هاذي اول ليلة ياسمين تنام برى البيت واحنا عارفين انها مو نايمة عند وحدة من البنات...مدري كيف احس الجو صاير...حتى مو قادر اتحركش بجدي وجدتي....
ابتسمت له امه وماعلقت...
مشعل ليش تخلينها تتزوج يمه؟
ام مشعل هاذي سنة الحياة يايمه...انت بعد بكرة بتتزوج وبتتركني هنا؟
مشعل بسرعة مستحيل...انا بشتري لنا بيت انا وانتي ومرتي....ماراح اقعد في بيت ابوك اذا تزوجت علشان يعاير عيال عيالي خوب امك وابوك شاطرين بالمعاير؟
ام مشعل اذكر الله توك زعلان وشايل هم الدنيا من فراق اختك قلبت بسرعة...
مشعل لابعدني زعلان ومالي خلق....
ام مشعل وين سعد؟
مشعل نام....
ام مشعل قوم انت بعد يمه وحط راسك ونام....
تنهد مشعل وسكت وبعدها قال يمه بياخذون احمد عندهم...
ام مشعل اكيد بعد مايردون من السفر بيروح معهم يمه...
مشعل أي بس انا مااابيهم ياخذونه يمه..
ام مشعل لايمه مايصير هذا ولده واحنا مانقدر نمنعه عنه وبعدين كل يوم روح جيبه وين المشكلة...
مشعل لايمه ماابي ازوره واجيبه وبس...ابيه يظل عندنا علطول؟
ام مشعل تعلقت فيه يامشعل...ماتقدر على فراقه؟
مشعل لامو كذا...بس اذا راح ماعندي احد يخدمني؟
اليوم الثاني الظهر,,,
وتحديدا بغرفة نواف وياسمين..
كانت تناظره وهو يناظرها بعد مافتحوا عيونهم...
تقرب منها وباس شفايفها وهمس لها صباح الخير...
ماقالت شي.....وظل يناظرها وهي عيونها بعيد عنه وكاْنها خجلانة منه,,
تقرب منها وحط وجه بوجهها وعيونه على شفايفها....
تنهدت وحست بالارتباك وكانت بتقوم بس مسكها ورجعها مكانها,,,ولسان حاله يقول
شفت النحل لو ذاق سكر شفايفك,,,يترك رحيق الورد ويحط يمك
وذاك البرد لو شاف لمعة رهايفك,,يذوب غيره لانظر صوب فمك
حتى القمر صار ايتمنى وصايفك,,والليل وده وسط حضنه يضمك
سبحانه اللي من حلاة الكون قاطفك,,كملك ربي ياحبيبي وتمك
شعرك اليا من تثنيت لحفك,,والورد ذاب ووده انه يشمك
شاعرك باحساسه عجز لايوصفك,,لنك جمعت الزين في راس كمك
ياويش اوصفبك..قوامك..سوالفك,,,,,كلك جميل وميزك خف دمك
جراْة عيونك في هدبهن وضايفك,,لاسلهم(ن) ترسل بهن سهم سمك
اشوفكم بكرة على خير,,,
****
***
**
*
صباح مساء الورد,,,
كيفكم...شخباركم...وش مسوين...عساكم رايقين ومبسوطين...واخبار الرواية معكم..ان شاءالله مو ثقيلة على قلوبكم
انا عندي تعليق على واحد من تعليقاتكم...بس غيرت راي...بتركه لنهاية الرواية وبنشوف...
البارت الثامن والستين ,,,,
مشاعل بصوت نايم هلا..
فواز برواق صباح الخير..
مشاعل أي..
فواز بعدك نايمة؟
مشاعل امممم
فواز وبتقومين ولابتكملين نومك؟
مشاعل يعتمد على كم الساعة؟
فواز واذا عرفتي الساعة كم بتقومين؟
مشاعل لا
فواز خلاص لاتساْلين عن الوقت اجل؟
مشاعل حرام ترى مانمت الا الصباح..
فواز انا مايخصني....بما انك البارحة مارضيتي اشوفك فا انا زعلان وبقوة منك...
مشاعل وهي نعسانة خلاص لاقعدت اكلمك اعرف سالفتك اللحين باي...
فواز وهو يضحك ههه وين باي ..تعالي بس..مافي تسكرين...انا اللي داق..
مشاعل فوازي وقسم مانمنا الا الصبح ماشبعت نوم؟
فواز انتي عارفة كم الساعة اللحين؟
مشاعل وحتى اذا عرفت مابتشكل عندي أي شي لاني مو قايمة...
فواز يا الكسلانة الساعة اللحين عشر وربع؟
مشاعل بفزع شنو؟
فواز شفتي شلون؟
مشاعل بانفعال وهي شوي وتبكي وتصارخ يعني مانمت غير خمس ساعات بس!!!حرام عليك ليه مصحيني؟
فواز هههه ول ول ول...واذا نمتي خمس ساعات وش بيصير بالعالم يعني!!
مشاعل وهي مبوزة والنعس داق فيها مااقدر...مااتحمل...انت ماتدري ان احلى شي بالعالم هو النوم؟وانا اذا مانمت اقل شي باليوم تسع ساعات مااكون بطبيعتي.
فواز شلون يعني اقل شي تسع ساعات!!!هاذي جديدة يعني عادي تنامين نص اليوم؟
مشاعل طبعا....
فواز طيب وكيف ماتكونين بطبيعتك..
مشاعل مدري بس اسوي اشياء وكاْني مسيرة مو بكيفي..يعني شبه سكرانة....
فواز امممممم اجل شوفي حبيبتي انا شويات وجايك؟
مشاعل خير ان شاءالله وش تبي؟
فواز جاي اشوفك بدل البارحة...
مشاعل مااقدر بكمل نومتي ..يالله مع السلامة...
فواز بجيك مايخصني اصلا هذا عرض مايتفوت تقولين سكرانة وتسوين اشاياء مو بكيفك..والله لااجي يعني لااجي....
بعد ماقامت من فراشها وغسلت وتحممت ولبست لها بيجاما طلعت للصالة اللي فوق,,,,,,
ظلت قاعدة بروحها دقايق وبعدين جاها نواف..
جلس قبالها وقامت تناظر فيه بدون ماتتكلم...
نواف بهدوء مافطرتي؟
ياسمين ماابي....
نواف ليه؟
ياسمين مو جاي على بالي اكل؟
نواف أي بس مايصير تجلسين بلا اكل بتتعبين بعدين؟
ياسمين لاتخاف الجوع ذباح وقت اللي بحس اني مو قادرة اتحمل باكل لي شي...وماباقي وقت كثير لين يصير وقت الغذى ويجون الجماعة...
نواف كيفك..لاتقولين ماقلت لك...
سكتوا اثنينهم فترة وبعدها قال نواف بالنسبة لسفرتنا....
ياسمين أي سفرة؟
نواف وهو يضحك شهر العسل,,
ياسمين بانفعال أي عسل؟؟؟انا وانت لو وين نروح مايتغير حالنا فما له داعي المخاسير لو سمحت,,,,
نواف بصرامة انتي اكرمينا بسكوتك وبيكون الجو عسل...هو مايخترب الجو الا اذا انتي نطقتي!!
ياسمين بحدة بس انا مو مسافرة معك مو غصب السالفة,,,
نواف
ظل يناظرها وهو ساكت...
ياسمين بتاْثر البارحة متزوجين تبي بعد نسافر وابعد عن اهلي مو كفاية اني ادري انك ماراح تخليني اشوفهم كل يوم؟
نواف.بهدوء انا شنو بالنسبة لك؟
ياسمين بدون ماتناظره جلاد....وجلاد قاسي بعد!!!
نواف بحدة معناته انسي انك ماتسافرين....
قالها ورمى عليها نظرة قاسية ونزل تحت,,,,
تركي صباح الخير,,,,
نوف وهي تجلس جنب عمها صباح النور..
ابو تركي عقبالكم....
نوف تسلم ياعمي....
تركي نوف وش رايك العرس يكون بالشهر الجاي...
نوف قبل عرس مشاعل ولابعد؟
تركي لاقبل.....
نوف بعد سكوت بكيفك..
تركي اذا انتي ماعندك مانع بنحدده...
نوف الشور لعمي وهو كبيرنا...
ابو تركي اهم شي رايك انتي وتركي ماعليك مني ولامن خالتك..
نوف ياعمي انا ما افهم بها السوالف ولا لي شغل فيها...انت سوي اللي تشوفه مناسب....
ابو تركي اذا كذا ياتركي على بركة الله..توكلنا...الليلة نقعد ونتشاوف..
تركي خلاص....
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك