رواية كل يوم لك حال جديد يوم قريب ويوم بعيد -35
تركي اذا انتي ماعندك مانع بنحدده...
نوف الشور لعمي وهو كبيرنا...
ابو تركي اهم شي رايك انتي وتركي ماعليك مني ولامن خالتك..
نوف ياعمي انا ما افهم بها السوالف ولا لي شغل فيها...انت سوي اللي تشوفه مناسب....
ابو تركي اذا كذا ياتركي على بركة الله..توكلنا...الليلة نقعد ونتشاوف..
تركي خلاص....
ابو تركي اخوك وينه...
تركي مدري بس الاغلب انه طالع لاني ماشفت سيارته الصباح...
ابو تركي بكرة بعد ملكته...والله اني لو ماامك اللي اختارت له بنت الفالح ماكنت حطيت يدي بيد ابوها..
تركي مدام هو مقتنع فيها خلاص مالنا وماله..
ابو تركي هو مااقتنع الا من امك اكيد..وكاْن البنات خلوا من الديرة ماظلت الا هي...
تركي قول الله يوفقهم...
ابو تركي ان شاءالله.....انتي شرايك فيها يانوف؟
ابتسمت له بدون تعليق...
ابو تركي شفتيها اكيد يوم رحتوا تخطبونها...
نوف انا مع تركي بما انه مقتنع فيها مالنا وماله....
ابو تركي تمتم بشويش على انه مو عاجبه وقام عنهم...
نوف تركي...
تركي اممم...
نوف تصدق ماراح يدومون لبعض...وبذكرك؟
تركي ليه؟
نوف ولاقاسم مشترك بينهم....تضاد قوي بشخصياتهم.....
تركي بعصبية أي وانتي ليش متضايقة؟
نوف انا مو متضايقة...مالي شغل فيه ولافيها..بس ليش طاحت فوق راس خالتي...يعني لو صار شي بتكون هي بالواجهة...
تركي وهو مو رجال يعني علشان يتحمل مسؤلية اختياره!!ماعلينا..متى نروح لنواف وياسمين..
نوف يصير اللحين؟
تركي لا طبعا...
نوف ليه تسال اجل؟
تركي علشان اعرف متى بنتحرك..
نوف طب ليه مانروح اللحين دقينا لها جالسة وهو بعد قالت انه صحى يعني مافيها شي بعدين هم عازمينا يعني
قاطعها تركي بهمس لاتحاولين..لاني يوم عرسي ماابي اشوف احد الا يوم ثاني؟
وضحى صباح الخير..
رفعت ام مشعل راسها. هلا...وش مقومك انتي؟
وضحى سحبت كرسي وجلست قبال ام مشعل على الطاولة شكلك مانمتي؟
سكتت ام مشعل وتبسمت لها وضحى...
وضحى ماسوت فيك خير ها الياسمين....سهرتك من امس لليوم..يبى مافيها الا العافية صدقيني..
ام مشعل تنهدت ادري يمه...مااخذها الا شيخ الرجال ومابيصونها ولابيسعدها غيره..بس قلب الام ياوضحى...انا اعرفها ماتدبر عمرها ولو تموت من الجوع مابتقوم من مكانها..وزواجهم صار بسرعة وماقعدوا مع بعض شي ولاعرفوا بعض زين علشان تعتاد عليه ويعتاد عليها...
وضحى لاتحاتين انا موصية نواف عليها ياا م مشعل..
تنهدت ام مشعل ومسحت دمعة طلعت من عينها وقالت ببحة قولي له لايكسر بخاطرها ياوضحى....تراها يتيمة وفقدت حضن ابوها من بدري...
وضحى تنهدت وقامت من كرسيها وراحت ضمت ام مشعل ومسحت على راسها... لاتحاتين يابنت عمي والله بيحطها بعيونه اصلا هو من زمان يبيها.....
بس علشانك بكلمه قدامك علشان تتطمنين اني قاعدة اوصيه عليها واذا رحنا بعد شوي بعد بوصيه عليها....انتي بس قومي ورينا ابتسامتك ياام العروس,,,
بعد صلاة الظهر في بيت ام فارس....
كانت نورة واقفة قبال الباب وبيدها بوكيه ورد,,,,,,
روان طب ادخلي كلهم هنا..عماتي وخالاتي..
نورة لاماحقدر تعرفين اليوم عندنا غذى احنا بعد علشان ياسمين بنت خالتي...
روان لانورة ادخلي تكفين...
نورة خالتي مشغولة....
محمد دخلي بس دخلي مسوية ذربة وماتقدر تدخل وسيدة اعمال..
نورة هلا...
محمد صراحة عجبني عرس نواف البارحة..
نورة جد...يالله عقابلك...
محمد وانتي وفارس متى اذا عقبالي؟
نورة بمرح مو لازم..
محمد ياحظي انا ابي احضر العرس وارقص واستهبل مو اصير معرس ورزة مثل نواف ويالله اطالع بالناس..
نورة صير معرس بس لاتصير رزة خلك مجنون....خخخخ
محمد زين لكن دواك عندي يانوير..
نورة وقف قلبها لانه مدام قال كذا معناته بينادي فارس وهذا اللي هي جاية علشانه انها تشوف بس سوت روحها طبيعية وهي قلبها بيموت...
نورة نوير بعينك ياحمدي..
محمد وهو يدخل من باب المجلس صارخ عليها حمدي بعيونك....
روان يالله انا بنادي امي....
دخلت روان بعد...
وتقربت نورة شوي داخل البيت علشان تتقرب من المرايا وتتاْكد من شكلها اذا كان مرتب ولالا.ووقفت قريب من باب الصالة علشان المرايا اللي كانوا مثبتين جنب الباب ويوم تطمنت من شكل الكحلة اللي مكثرتها اليوم عمد وان شكلها مافيه شي...بعدت عن الباب شوي شوي..بس وقفت يوم جاها صوت فارس من وراها..
فارس ليه مادخلتي...البيت بيتك ياراعيته؟
لفت له وحست ان الدم جمد بعروقها اصلا من صوته.....
التقوا عيونهم في بعض وماتدري ليش سكتت.....
تقرب منها اكثر بس ظلت بينهم مسافة قصيرة....
فارس ليه مادخلتي...
نورة بثقة وهي مباعدة عيونها عنه كنت بدخل بس قلت ماهي حلوة ادخل واهلك هنا..انا اساسا جيت اسلم على امك واتحمد لها بسلامتك بس مادريت ان اهلك هنا....
فارس أي واذا دخلتي وهم هنا وش بيصير؟
نورة ماابي احرج نفسي و...
فارس تحرجين نفسك؟؟وش ها الحكي؟
نورة مدت يدها بالورد وقالت لاتطولها مالها داعي...انا جاي اتحمد لاامك بسلامتك...وبس!!
فارس وهو يشيل الورد تقرب منها وهو بعده مامسك الورد كله عدل قال تتحمدين لاامي بسلامتي...اممم وليه ماتتحمدين لي انا بسلامتي مباشرة؟
نورة لاني تحمدت لك البارحة ...مرتين اتحمد لك؟
فارس ههههه واذا ..وش فيها يعني...ان شاءالله كل دقيقتين تقولين لي الحمدلله على السلامة....وين المشكلة؟
نورة لفت بتمشي بس مسك طرف عبايتها وجمدت انفاسها وقالت بهمس فارس...
فارس بهمس اكبر تحبيني؟
نورة وانفاسها تتلاحق لازم امشي...
فارس ليه؟
نورة السايق ينتظرني..
فارس انا موجود خله يمشي.....
نورة بعد عني...
فارس أي بس ماسمعتي وش ابي منك؟
نورة ناظرته وقالت بتردد وش تبي؟
فارس وهو يناظر بعيونها مباشرة ليه مثقلة الكحل بعيونك...مو كافي هي تسحر بدون شي...بعد مكحلتها؟
ظلت تناظره وهي انفاسها انقلبت نيران منه ومن كلامه وقربه..
فارس باْمر هامس مابتمشين الا اذا مسحتيه قدامي...يالله بسرعة...
تقربت منه شوي علشان يرخي يده على مسكة عبايتها وفعلا تركها وبعدها مشت بسرعة بدون ماتلفت له وهي تحس بحرارة تسري بعروقها منه,,,,
سعد علامك انت ضايق خلقك من البارح اذيتنا؟
مشعل مدري ياخوك حاس بكتمة على صدري....
سعد علشان اختك تزوجت؟
مشعل تنهد لاتفكر ان انا واختي بتف
سعد قاطعه ادري انك صديقها وانك تحبها وهي تحبك...بس شوفها اتصلت تسال عنك ولاتشوف اخبارك؟ولاهامها بعد قوم انت عيش حياتك؟
مشعل بعصبية انت ليش شراني؟
سعد بذهول انا شراني؟
مشعل بعصبية لا انا الشراني اجل؟
سعد وليش ان شاءالله انا شراني؟
مشعل ليش تبي تشوش بيني وبين اختي ان شاءالله؟
سعد انا ابي اشوش؟؟؟انا اقول الحقيقة..
مشعل الله والحقيقة عاد؟
سعد شوف مشيعل لاتعصبني..
مشعل اسمي مشعل مو مشيعل..
سعد مشيعل ونص بعد زين...عاجبك عاجبك مو عاجبك طق راسك بالطوفة؟؟
مشعل تكلمني انا...انا كذا تحاكيني يالثور؟
سعد ماثور الا انت.....زين لكن يامشيعل خل اروح افضحك عند جدي وجدتي علشان تعرف منهو الثور؟
مشعل ويكون يعني بقعد مكتف يديني عنك انا بعد بفضحك....
نوف خلاص والله صار شكلك حلو..
مشاعل بقهر وهي قبال المرايا تعفس بشعرها بذبحه على ها العناد اقوله بنام قال بجي...وماكذب شرف حضرة جنابه؟
نوف انتي....الرجال صار له فوق الربع ساعة تحت جالس مع اخوك قومي شوفيه مايصير تخلينه ينتظر؟
مشاعل بنرفزة منو قال له يجي وانا نعسانة؟
نوف نعسانة؟لاوالله صدقتك...انتي اصلا لو تنامين اليوم كله بتقولين بعد نعسانة.....
مشاعل ياربي ششسوي....
نوف بجدية مشاعلوا كلمك قبل وقال لك انا طلعت من الشركة وبجي اقعد معك قبل لانروح بيت نواف صار ولالا...خلاص يعني عندك خبر قبل ساعة قومي اخلصي انا ابي تركي؟
مشاعل بغباء ليش تبينه؟
نوف بشماتة برقص معه؟
مشاعل البارحة العرس مو اللحين...
نوف أي عادي....وين المشكلة انا وهو حياتنا عكس الناس والعالم....
مشاعل قولي الصدق..
نوف بنفاذ صبر يابنت العالم اقولك بنروح لياسمين وونواف ولاانتي ناسية ان الغذى عندهم هناك بالبيت...
مشاعل لامانسيت...
نوف خلاص خلصيني تلاقي نورة وصلت وانا اللي عندي سيارة تحت تصرفي مارحت للحين؟
مشاعل يالله عاد ماتسوى علينا وبعدين محد ضرب تركي على يده وقال اجلس معه...
نوف أي مو من زود الذوق اللي عندك تبين الرجال يجلس بروحه؟
مشاعل ابوي وينه؟
نوف هذي اللي بتجيب لي الجلطة؟يبى كل العالم راح عند نواف وياسمين الا انا وانتي؟
مشاعل اممممم...يالله هذا انا قمت.....
نوف مابغينا.....
نزلوا بعد ماشالت مشاعل عبايتها معها علشان تجلس شوي مع فواز وبعدها تروح معه لبيت نواف ونوف وتركي طلعوا....
في المجلس...
فواز هلا وغلا...
جلست بعيد عنه وهي تتبسم من بعيد لبعيد ومسوية زعلانة منه...
قام من مكانه وتقرب منها وجلس جنبها ولفت عنه للجهة الثانية
فواز بهمس عيوني...
مشاعل وهي بعدها لافة عنه لاتحاول تكلمني انا زعلانة منك قلت لك مانمت ورى تعاند وتقومني من نومتي!!!!
فواز اوووف اوووف اوووف...وبعد تبين تنامين؟
مشاعل ما اكلمك...
تقرب منها وقال بهمس عسى ماصحصحتي بعدك نعسانة....
مشاعل ابتسمت له وقالت بهمس قوم خل نروح بيت نواف...
فواز حوط يدينها بكتفه وقال بهمس وليه تبين نروح؟
مشاعل بروح لياسمين اشتقت لها....
فواز البارحة كنتي معها...وين لحقتي تشتاقين لها بعد ولادلع وبس!!!!
مشاعل صديقتي ,,حبيبتي,,بنت خالتي..اشتاق لها بكل وقت....
فواز وهو يتقرب من وجهها اكثر وفواز؟
مشاعل بارتباك من قربه قوم يالله لانتاْخر...
فواز برواق خوفها مو قايم...مافي احد بالبيت...غيري وغيرك صح؟وانتي على قولتك سكرانة وماتدرين وش تسوين.. وثوبك قصير وحلو(وحط يده على رجلها)بذمتك احد يلاقي عرض مغري مثل ذا ويتركه ويروح بيت نواف يتغذى؟
مشاعل حست بالخوف وجت بتوقف ومسكها بسرعة وجلسها بحضنه...
فواز بهمس وهو يرفع شعرها وين؟
مشاعل بخوف فواز قوم...
فواز لامو قايم...انا تارك الشركة بللي فيها علشان اجي اشوف وش تسوي اذا ماصحصتي من نومك وانتي تقولين قوم؟
في بيت نواف...
كانت ياسمين بالمطبخ وهي لابسة ثوب احمر طويل واكمامه شيفون ولابسة فوقه سلاسل فضية طويلة....
ومعها نوف ونورة ووضحى ولؤلؤة,,,,
وضحى قامت تصافر وهي تشوف ياسمين لانها توها جاية...
ياسمين أي انتي علامك؟
وضحى وهي تضحك وتضم ياسمين اشوف احمر ومولعة...شسويتي باخوي؟
ياسمين تخصرت ولاشي....
نورة وليش لابسة احمر؟
نوف لا السؤال وش لبستي البارحة؟
وضحى بتاْييد توي بسال تصدقين بس سبقتيني...اذا اليوم احمر البارحة وش لبستي؟
ياسمين بثقة طبعا اسود...
ضحكوا البنات وعلى بالهم انها تمزح معهم....
ياسمين وانتي وينك فيه البارحة وين نمتي؟
لؤلؤة وان شاءالله تبين اقعد بالنص بينك وبين زوجك؟
ياسمين مالك طلعة اليوم؟
لؤلؤة تحلمين...اصلا انا مقدمة اوراقي بجدة وبروح مع بنت خالي يعني مابشوفك نهائيا؟
ياسمين بخوف لاتقولين؟
نورة ههههه شوف شكل ياسمينوا التحفة؟
نوف دزت وضحى كله من اخوك سبب للبنت اكتئاب من اول ليلة؟
وضحى بسم الله عليه اخوي....وش زينه..قولي هي اللي مدري وش مسوية فيه؟الا صدق زحمة عنده ابي اشوفه؟
نورة وش بتشوفين فيه؟
ياسمين بشماتة من زينه عاد تبين تشوفينه...لاتخافين بعده شين ماحليته....
دفتها لؤلؤة بكتفها ها ياسمينوا طلعتي وجهك الحقيقي ترى توك ماخذته...وبعدين مانسمح لك هذا الغالي عسى ربي يحميه...
ياسمين الله يحميني بعد.....يالله كل وحدة تشوف شغلها بسرعة....
وضحى انا مايخصني بروح المجلس يعني بروح...
طلعت وضحى ولؤلؤة قالت انا باخذ لي كم شغلة من الغرفة قبل لاانسى....
ياسمين انتي مالك امل تطلعين....مو تفكرين بتركك تروحين ؟
لؤلؤة طلعت وهي تضحك...
نورة ونوف بسرعة وهمس شسويتي البارحة؟
ياسمين ناظرتهم شوي وبعدها قالت وهي لافة عنهم بتطلع مالكم شغل وبلا لقافة زين....يالله كل وحدة على شغلها جهزوا غذى الحريم والرجال ولاتتدخلون بمواضيع الكبار....
ناظروا في بعض ويوم استعدوا انهم يلحقونها كانت طلعت عنهم وهي تضحك على اشكالهم,,,,,
تركي بهمس شسويت البارحة؟
نواف بهمس طلعت الشيب براسي...
تركي ليه....
نواف يعني ياسمين وش تتوقع...
تركي أي بس البارحة عرسكم...
نواف ماتفرق عندها ليلة عرس ولا غيرها...اصلا قلبت الليلة الى ليلة نكد لو ماتداركت نفسي كان ذبحتها ....
تركي أي..
نواف بتنهيدة كانت لابسة اسود تصدق؟ومومثل الثياب اللي يلبسونها لا...لابسة لي بيجاما ومسكرة من فوقها لتحتها...
تركي بشماتة وانت ليش حارق دمك...
نواف وحضرتها ماتبي تسافر وتخانقنا من الصباح....
تركي خناق بصباحية العرس...عشتوا والله؟
اشوفكم بكرة ان شاءالله
****
***
**
*
مرحبا بالغوالي والله,,,
شلونكم عساكم طيبين...دوم منورين الصفحة بتواجدكم بس وين الباقي اختفوا مع البرد وماعاد شفناهم...عسى بس من البرد مو زعلانين علي !!
البارت التاسع والستين ,,,
مشاعل بخوف وترجي فواز تكفى قوم ...
فواز برواق وهو يناظر خوفها ليه؟
مشاعل بارتباك علشان لانتاْخر كلهم هناك ماغيرنا بس...
فواز أي واذا يعني؟
مشاعل تركي شافك هنا وبيقولهم ان احنا رايحين وراهم واذا تأخرنا بينشغل بالهم...
فواز تقرب منها اكثر لاتطمني انا عاطي تركي خبر ان انا باخذك وبنطلع نتغذى برى وماحقدر اتغذى معهم وهو مااعترض؟
شهقت بقوة وخوف وزادت ابتسامته...
مشاعل ببحة مقربة للبكي شنو يعني؟
فواز تقرب اكثر منها بعد مازاد بحضنه لها يعني انا وانتي وبس!!!
مشاعل قامت تبكي فواز تكفى انا اخاف...واللي يسلمك قوم...
فواز بهمس اششششش...يالله وريني الحركات اللي
قاطعته مشاعل فواز والله ان مابقى فيني قطرة دم خلنا نقوم؟
فواز علامك انتي....انتي مع فوازك حبيبك...ليه خايفة يابنت الناس مني؟
مشاعل .........كانت تبكي وتشاهق...
طبعا هي كانت قاعدة بحضنه يعني ظهرها بصدره علطول....
ولفها له وصار وجهها بوجهه وهي بحضنه...
مسح دموعها باصابعه وقال بلهفة من جدك تخافين مني!!!
مشاعل وهي تناظره فواز...
فواز بهيام احبك...وانتظر لحظة لقانا على نار...بس هذا مايمنع انك تحرميني من كل شي...عطيني شوي...
مشاعل وهي تبلع ريقها متاْكد تحبني؟
فواز بثقة طبعا...مايختلفوا فيها اثنين ياروحي..
مشاعل واذا قلت لك خلينا نقوم نروح وش بتقول؟
فواز تنهد وقام يناظرها وتقرب من اذنها وهمس بقولك تم يالغالية بس قربي ابي احضنك بقوة اكبر...ابي احس ان روحك دخلت روحي....
مشعل هذا بيت اختي لاتتجول فيه واجلس مكانك...
سعد بيت نواف مكتوب باسمه مو باسم اختك؟
مشعل ونواف يصير زوج اختي مو زوج اختك؟
سعد بكرة اذا تزوجت نورة مابخليك توطي بيتها؟
مشعل وانا بموت علشان ادخل بيت اختك عاد؟
سعد بنشوف بكرة....
مشعل احمد...وين غرفتك؟
احمد فوق...
مشعل وانا طبعا بجي اسكن معكم بعد ماتجلس انت هنا..
احمد بفرح طبعا...
سعد وانا بعد يااحمد؟
احمد طبعا...العم سعد والعم مشعل؟
مشعل باعتراض لاانا بس!!
سعد ماعليك منه حتى انا!!
مشعل انا بوديك المطعم والبقالة والكورنيش..
سعد وانا بوديك تلعب مع فريقنا كورة وتلعب معي بلاي ستيشن..ها شقلت؟
احمد بحيرة اثنينكم..
مشعل وسعد بصوت واحد لا...
مشعل بتهديد اختار بسرعة ياانا ولاهو؟
سعد واذا اخترته ترى مابتجي معي ابدا ولاراح اكلمك...
خاف احمد وقام يناظرهم وهو مو قادر ينطق...(والله يااحمد عزك تروح لاابوك عنهم وعن مذلتهم)
عبدالله ماتدري شقد انا طاير من الفرحة..
خالد برواق الله يتمم على خير...
عبدالله احس ان الوقت قاعد يمشي بطيء...بس مع ذلك قاعد اترقب بكرة بكل مافيني..
خالد قلت لك اذا تبيها خلك متمسك براْيك ولاتتنازل عن الارتباط فيها...
عبدالله أي والله....الا انت علامك النفسية حلوة ورايق..
خالد تنهد بارتياح وبعدها قال تقدر تقول فاتحة خير وصارت...
عبدالله بشر..
خالد يعني...من البارحة سولفت معي شوي...ومامانعت حضني لها ونامت فيه طول الليل ...صحيح اليوم ماتكلمنا لانه من صحت راحت عند اختي وبعدها تحممت وجينا هنا...بس حاس انه بداية وبشارة خير...
عبدالله يالله ان شاءالله ها السحابة تزول ...وخلك واعي ومنتبه لنفسك لاتعيدها مرة ثانية؟
خالد بمزح لا اذا رضت وضحى نعيدها مرة ثانية بمكان ثاني بس مابحمل معي شي لايطيح؟
عبدالله بفزع انت من صدقك؟
خالد مات عليه ضحك وقال يبى امزح انا شفيك.....والله اموت ولااسويها...يكفيني ترضى عني بنت عمي وتردني لحياتنا اللي قبل...
عبدالله متى تولد...يعني متى بتصير ابو؟
خالد بتنهيدة بعد اربعة شهور....
عبدالله الله يتمم على خير...
نوف علامك...
مشاعل وهي تتنفس بقوة بغيت اموت...
نوف بهمس وش دعوة...
مشاعل ورى تركتوني بروحي معه...طلع روحي..
نوف هو قال لتركي انت خذ مرتك وانا بشيل مشاعل معي ابي اسولف معهابا الطريق..شنو يعني يقوله لا....
مشاعل وهي تهدي نفسها تصدقين اول مرة احس ان فواز يخوف....
نوف يمكن علشان بروحك بالبيت...
مشاعل أي والله..مو بس كذا...صاير جريءمرة...حسيت بشي غريب يسري فيني..
نوف بخبث وعسى بس ماحصل على شي؟
مشاعل قلبي وجهك انتي الثانية بعد!!
نوف هههههه
مشاعل .اسمع هاذي بعد هي مع ها الاحمر سولفتوا مع بعض؟
نوف لا مو كثير مايمدي....
مشاعل قالت لكم اذا صار شي البارحة ولا...
نوف ماجلسنا بروحنا بعد...تعرفين ماهي حلوة....
مشاعل طيب وشلون نفسيتها؟
نوف شكلها زينة...يعني تعرفين ياسمين اذا تضايقت تقلب على الكل..بس عادي سولفت وضحكت....
مشاعل دوم ان شاءالله...ونوير وش فيها هي مع ها الابتسامات اللي توزعها يمين وشمال؟
نوف هههههه يقال لك البنت واصلة مرحلة الجنون؟
مشاعل راحت لفارس...
نوف طبعا...نورة اذا قالت بروح يعني تروح لو شيصير؟
مشاعل وشافته شخصيا...
نوف اي وقال لها مابتطلعين من البيت الا اذا مسحتي كحلك....
مشاعل كان قالت له انا مااتطالع بدونه؟؟؟
نوف هههه الله ياخذ ابليسك توك بتموتين اللحين رقتي علينا؟
مشاعل أي اللحين الجو امان....
كان جالس وقباله الورد اللي جايبته...وهو يتامل فيه...
سمع دق على الباب ومافكر يرفع راسه يشوف منو لان الباب كان مفتوح مو مسكر واكيد اللي يبيه بيدخل ...
سمع صوت امه ورفع راسه..
ام فارس علامك يافارس دخلت دارك وماطلعت منها...
فارس ابتسم لها تبين شي....
ام فارس وهي تضحك ها العيلة اللي جاية كلها تتحمد لك بسلامتك مو مكفيتك ووردها صار المهم؟
ناظر بالورد لاشعوريا ورفع راسه لاامه لقاها تبتسم..
ام فارس قالت لي روان انها جاية تسلم عليّ ويوم طلعت بسلم عليها لقيتك واقف معها تسولفون ماحبيت احشر نفسي بينكم قلت خلكم تاخذون على بعض شوي.....
فارس شدعوة يالغالية مكانك محفوظ.....انا بس كنت طالع اكلم وشافتني وسلمت عليّ ومشيت مارضت تجلس...
ام فارس أي مو البارحة زواج ياسمين..
فارس وعسى نورة غطت بنورها على الكل...
ام فارس وهي تضحك يالله قوم عماتك يساْلون عنك عبالهم جالس تحكي بالعمل....
فارس وهو يناظر بالورد وهذا مو عمل يعني!!!ورد نورة جايبته لازم اشغل تفكيري فيه...
ام فارس قامت تضحك عليه..
فارس بجدية يمه..
ام فارس حبيبي..
فارس الاسبوع الجاي لازم نروح نخطبها رسمي ونحدد موعد الملكة والزواج؟
وقفت امه مكانها..ولف لها وقال خلاص عاد لمتى؟
ام فارس انت مو تقول باقي بعد عندك كم شغلة متعلقة بدبي ماانتهيت منها؟
فارس انا مخطط نملك نهاية الاسبوع الجاي ونحدد عرسنا بعد شهرين اكون رحت دبي ورجعت والمكتب اخذ له وقت على مافتح...
ام فارس اللي تشوفه....
فارس مدري انا اشوف كذا ويوم كلمت ابوي قبل شوي ماعارض بس انتي شرايك؟
ام فارس بتنيهدة انا ابي الله يسعدك انتي وهي واشوف عيالكم حواليكم يمه..
فارس الله كريم يمه...
ام فارس طيب نورة باقي للها سنتين لو سنة ونص ..شلون يعني؟
فارس اذا هي لها رغبة تكمل اكيد مابوقف بطريقها وبخليها تكمل...
ام فارس حطت يدها على كتفه حط بالك عليها تراها مسمية لك من الصغر يافارس ورفضت شباب كثير علشانك....داريها ولاتفكر بيوم تزعلها ولاتجرحها,,,,تراها شيخة البنات,,
فارس وهو يشيل كتف امه من عليه ويبوس يدينها لاتوصين يايمه...هاذي نورة الغالية بعيوني....
على المغرب كان الكل مشى من بيت نواف ماعدا ام سعد وام مشعل...اللي كانوا قايمين خلاص بيمشون.....
ياسمين اللحين مايصير ارجع البيت الليلة انام معكم؟
ام مشعل يمه شها الكلام؟
ياسمين ببراْة محد بيدري...
ام سعد حبيبتي....معليش البيت ماهو بعيد...وكل ساعة بنجيك وبتجينا...بس بعد لازم تاخذين على نواف شوي....مايصير البنت تترك بيت زوجها من ثاني ليلة...
ياسمين نزلت راسها,,,
ام سعد كلنا تزوجنا مانعرف اشكال ازواجنا ولاسمعنا صوتهم بعد...بس انتي بعد لاتحاولين تبعدين نفسك عنه..كلنا نعرف نواف حليو وماينعاب وعشرته مامثلها...
ياسمين بزعل وانا الكدر يعني ياخالتي؟
ام سعد وهي تاءخذها بحضنها لالالا يالغالية كذا تقلبين علينا من اول يوم حساسة وبتزعلين وتفهمين الامور على كيفك...اصلا انتي مامنك لو يلف العالم كله..
ام مشعل فهميها يااختي لاتخلي بالي مشغول عليها....
ام سعد سمعتي..
ياسمين وهي مانعة دموعها تنزل خالتي انا احبكم..احبك واحب امي واحب خالتي ام تركي واحب العيال..وجدي وجدتي...
ام مشعل يمه...خلاص كل شوي تعيدين نفس الحكي وكاءنه رايحين ديرة وانتي بديرة ثانية وتوجعين قلبي...كل البنات بيتزوجون يايمه ويودعون اهلهم ويبدون مع رجالهم...
ام سعد لا ياسمين عاقلة وتعرف شلون تمشي حياتها وماله داعي تحاتيها ياام مشعل يااختي....
ياسمين طيب ماحتكلميه يمه بسالفة السفر؟
ام مشعل يمه شقلنا...
ياسمين خلاص...سكت....
ام سعد يالله بحفظ الله.....الله يدوم العشرة بينكم ان شاءالله ويبعد عنكم عيون الشياطين...
مشوا بيطلعون وظلت هي شادة على يد احمد ولد نواف..
ام مشعل وهي تناظرها بنمشي....
ياسمين طيب...
ام مشعل فكي يد احمد؟
ياسمين برجاء خلاص خليه ينام هنا ليه بتاخذينه معك؟
ام مشعل بيجي بس مو اللحين بعد ماتردون من السفر بيجي عندكم...
ياسمين طب انا ابيه يونسني ويسليني...
ام سعد وهي تضحك نواف مابيقصر لاتخافين ماحيتركك بروحك....
في سيارة نوف وتركي....
نوف ليه غيرت الطريق...
تركي ليه حرام ناخذ لنا مشوار بروحنا....
نوف ماقلت كذا بس ماعطينا احد خبر
تركي بحزم انا رجال وقراراتي بيدي مالازم اعطي منشورة بحياتي..
نوف ..
تركي .
نوف خلاص لاتعصب انا ماقلت شي...ولاكنت قاصدة شي ياتركي؟
لف لها وناظرها وشال يدها وحطها بيده وقال بهمس انا معصب اللحين؟
نوف وهي تناظره شوي....صوتك اذا صار كذا معناته انك معصب...
رفع يدها وقربها من شفايفه وطبع عليها بوسة خفيفة وقال انا لو اعصب من الدنيا كلها مقدر اعصب معك...
نوف نزلت راسها بالارض....
تركي بهمس نوف..
نوف وبعدها عيونها بالارض امرني ياولد عمي...
تركي بشاعرية تحبيني!!!
قتلها سؤاله...ابدا ماتخيلته بيوم من الايام بيسئلها ها السؤال؟؟
هي تدري انه يحبها بس ماتوقعت انه مايكتفي بحبه بروحه ويسالها عن مشاعرها ناحيته...
حست برجفة تسري بااطرافها....وماقدرت تنطق...غمضت عيونها لايشوف فيهم الحيرة...بس تركي شد على يدها اكثر وبقوة اكبر وقال بتعطش اكبر سئلتك تحبيني!!!
كان مالها أي مفر من الاجابة ياتقوله لا وتكسر بخاطره وترفض حبه اللي هي عارفة ان تركي بينهيه وماراح يقدمه مرة ثانية ولاتقول أي وماتدري وش يصير بعدها...
بس اللي عرفته ان شفايفها تحركت ونطقت بهمس طبعا...
يوم قالت ها الكلمة زاد هو بشد يدها بيده وقال بعمق قوليها ابي اسمعها..
نوف برجاء تركي خل نرجع البيت؟
تركي لاتعاندين يانوف انا ابي اسمعها...
لفت عنه لجهة النافذة وقالت بهمس كل شي بوقته حلو ياتركي لاتتعجل.....بتجيك هي بنفسها..
تركي باصرار نوف انتي تقولين انك تحبينها...صعب يعني تنطقين فيها...
نوف اتركها للوقت....
تركي ليه؟
نوف خل اتعود عليك اكثر....
تنهد بقوة وباس يدها مرة ثانية ,,,,
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك