رواية كل يوم لك حال جديد يوم قريب ويوم بعيد -36
بس اللي عرفته ان شفايفها تحركت ونطقت بهمس طبعا...
يوم قالت ها الكلمة زاد هو بشد يدها بيده وقال بعمق قوليها ابي اسمعها..
نوف برجاء تركي خل نرجع البيت؟
تركي لاتعاندين يانوف انا ابي اسمعها...
لفت عنه لجهة النافذة وقالت بهمس كل شي بوقته حلو ياتركي لاتتعجل.....بتجيك هي بنفسها..
تركي باصرار نوف انتي تقولين انك تحبينها...صعب يعني تنطقين فيها...
نوف اتركها للوقت....
تركي ليه؟
نوف خل اتعود عليك اكثر....
تنهد بقوة وباس يدها مرة ثانية ,,,,
مشاعل على فكرة هاذي اخر مرة نشوف بعض فيها بروحنا؟
فواز بضحكة ههه ول ول ول...بتردينا الى زمن الجاهلية انتي!!!
مشاعل يعني مسوي انك بري وانت اصلا تخوف...
فواز برقة خوفتك؟
مشاعل بدلع قول موتك لاتقول خوفتك....اصلا انا ماحسيت اني بعيش بعد ها القرب يافواز..
فواز متاْكدة هذا القرب كان بيموتك؟
مشاعل بهيام طبعا...بس لاعاد تسوي فيني كذا ترى من جد اموت؟
فواز تنهد قربت لحظة زواجنا ماباقي كثير...بتجين وبتتوجين مملكتي يااميرة قلبي,,,
مشاعل بدلع تحبني؟
فواز عندك شك فيها....
تنهدت مشاعل وبعدين قالت بهمس انا بعد احبك..
فواز بهيام قوليها ثاني...
مشاعل بنتفس الدلع احبك....ماااتخيل حياتي بدونك....
تنهد فواز وقال لها بنفس الهمس ولاانا يامشاعل...تصدقين حياتي كلها تغيرت بعد ماعرفتك وحبيتك...قبل ماكنت كذا...كل همي شغلي ومشاريعي وبس...ويوم زوج عمتي عرض علي اني اتزوج وحدة من بنات ابو تركي حطيت الفكرة كذا بس علشان لاازعله وهو بمثابة ومقام والد لي....
بس يوم شفتك يامشاعل اول مرة حسيت بشي غريب....وبعد ماصرت اكلمك اكثر واتقرب منك اكثر احس ان روحي تتعلق فيك اكثر واكثر....
مااتخيل مجرد تخيل انه يمر يوم من ايام حياتي مااسمع فيها صوتك ولا اشوفك...انتي ماتدرين يامشاعل وش سويتي فيني...صدق صدق..غيرتي حياتي...قولي امين..اقدر اسعدك واهنيك اذا صرتي قربي!!
مشاعل قربك هذا هو سعادتي وهناي يافواز...لاصرت قربك معانته اخذت الدنيا بللي فيها...ياعمري انت...
فواز ........
مشاعل ياحبيبي ...صدقني انا اعد الساعات علشان اجي واصير خدامة تحت رجلك واقول امرني ياسيدي....بحبك وبظل احبك حتى لو ماحبيتني انت...
فواز ....
مشاعل فواز وين رحت بعدك معي!!
فواز أي معك كملي وشنو عندك بعد؟
مشاعل كل شي....وش تبي...
فواز ماكذبوا علي اخوانك يوم يقولون عنك نذلة؟
مشاعل بصدمة انا!!!
فواز اجل انتي بحضني اليوم ماغير تترجين وتبكين!!اللحين يوم صرتي في بيتكم وانا في بيتنا ونكلم بعض بالتلفون قامت ها السوالف عندك؟احبك وامرني..واعد الساعات؟؟
مشاعل ههههههههه
فواز ياربي يسلم لي ها الضحكة وراعييتها ولايحرمني منهم ابدا,,,
تعب من كثر ماهو جالس بروحه بالمجلس....
شكلهم كلهم مشوا....
طيب لو راحوا كلهم ليه ماجت تقولي ولاحضرتها مبسوطة وهي هناك وانا هنا؟؟
لاتظلمها يانواف يمكن انها تفكر ان احد معك بالمجلس؟
طب والدبرة كيف....مالك الا لؤلؤة...
طلع جواله ودق على اخته...
لؤلؤة هلا بالعريس...لاتقول تخانقتوا وتبينا نصلحكم!!!مستحيل؟
نواف اقول لايكثربس!!!وينك انتي!!
لؤلؤة سؤال غريب يعني وين بكون في بيت خالي...
نواف يوم طلعتي انتي طلع احد قبلك ولابعدك...
لؤلؤة ليه تسال؟
نواف ابي اعرف في احد ولالا؟
لؤلؤة ههههه اما انك عبقري وبقمة الذكاء...طب قوم شوف بعد ليش ها العجز وتتصل ....
نواف كيفي...
لؤلؤة لا مافي احد انا يوم امشي مع وضحى كانت ام مسعد وام مشعل ورانا والباقي طلعوا قبلنا...
نواف يالله خلاص روحي قلبي وجهك مانبيك...
لؤلؤة خلصت المصلحة يعني!!
نواف باي...
سكر وقام بسرعة وسكر الانوار وطلع من المجلس....
كانت انوار تحت مطفية كلها يعني انها ركبت فوق...
طلع لفوق مالقاها لابالصالة ولابغرفتهم....وباقي الغرف مقفلة ..راح لغرفة لؤلؤة ومالقاها...
حتى غرفته القديمة اللي فوق قافلها....
معقولة جالسة بالمطبخ وانا ماانتبهت لها....
توه بينزل الدرج غير رايه وراح لغرفتهم...
ويوم سمع صوت المويه بالحمام تاْكد انها تتحمم...
تنهد وراح قفل ابواب تحت وصعد من جديد...
راح غرفة التبديل وشاف الثوب الاحمر اللي توها شايلته لمحها الصباح لمحات خفيفة لانها لبسته ونزلت بسرعة يوم تجي خالتها وبعدها هو راح المجلس ومن راح ماشافها...
شاله بين يدينه..تمنى انهها ماشالته من عليها لانه اشتهى يشوفها فيه...
دفعه الفضول انه يترك الثوب على جنب بعد ماشم ريحة عطرها فيه الى انه يفتح خزانة ثيابها ويشوف وش الموجود...
ظل يتاْمل بين الثياب واللي يبهره بملمسه ولاشكله ولالونه يطلعه ويشوفه عن قرب...
تنهد وهو يطالعهم وفي باله اكبر غيظ من تصرفاتها...ثياب اشكال والوان وحضرة جنابها لابسة لي بيجاما وسودة بعد!!
بس ياترى وش بتلبس اللحين اذا طلعت من حمامها....
معقولة بتلبس واحد من ها الثياب ولامثل البارحة بعد!!
طلع قميص ستاني قصير ولونه ابيض...
ظل يناظر فيه مدة طويلة وتركه على جنب وقرر اذا ماعجبه لبسها بيخليها تلبس هذا.....
التفت يوم سمع صوتها طالعة من الحمام.....
مشى من مكانه وراح غرفة النوم لقاها واقفة قبال المرايا ترتب شعرها وشافته وراها من المرايا...
ظلت تناظر بالاغراض قدامها على انها مو مهتمة وهي حاسة بالخوف منه....تمنت انها مالبست ها الثوب ولاطاعت قلبها.....
ياربي ساعدني ابي اروح ابدله اللحين شبيقول عني برمي حالي عليه...البارحة شحليليل واليوم كذا!!
هو بعد كان يناظرها من بعيد وعيونه فرحانة ...اي هذي الناس ياياسمين مو لبس البارحة اللي مابنساه لك اياه ابدا!!
كان يناظر بقميص نومها كان قصير لفوق الركبة زيتي بذهبي ولانها بيضة طلع عليها اللون مولع وكانت تاركة شعرها طايح عليها بعد ماسشورته...
ظلت حايسة تمشي ولاماتمشي..وقلبها يدق من الخوف,,,,
تبيه...تعشقه بكل مافيها...عمرها ماحبت ولاراح تحب احد غيره...هو بقسوته وبجبروته وبكل مافيه....بس معه ماتقدر تصرح بمشاعرها ناحيته,,,,
لان ردة فعله اكيد بتكون مو متوقعة...
وهو بعد ظل يناظرها من بعيد,,
اسم ياسمين عشقه قبل لايشوفها...ياما كسر بخاطرها وجرحها بس كله من ورى قلبه ولا هو يموت على التراب اللي تمشي عليه...بس حظه مو معه عانده مرة ومرتين وثلاث معها وحس انه حتى لو اعترف لها ماراح تصدقه فمو لازم يعترف بمشاعره ,,,
تقرب منها لانه عارف انه لو ظل دهر واقف هي بعد بتظل واقفة ومابتجي وبما انه الرجال لازم هو يبدي بمحاولة التقرب منها...
صار وراها حيل وانفاسه وانفاسها اختلطوا في بعض وهي بعد من شافته يتقرب منها طاحت عيونها بالارض وماقدرت ترفعها له,,
حوط خصرها بيدينه ولاحظ هو تنهيدتها الحارة اللي طلعت منها,,,
قال بهمس وهو راسه فوق راسها هذا الثوب والا البارحي؟
ماردت عليه ...
قال بهمس تدرين انه ذكرني بذاك الثوب اللي كنتي لابسته...تصدقين مو قادر انساه وانسى شكله عليك؟
حاولت تبعد بس يده كانت اقوى منها قالت بهمس بمشي؟
نواف بهمس وين؟
ياسمين أي مكان...
نواف ولابتهربين مني؟
ياسمين بروح اشاهد فيلم...
نواف تعالي نشاهده سوى..
ياسمين بتهرب ولااقول لك روح شاهده انت انا احس اني نعسانة وبروح انام؟
نواف شد بحضنها اكثر وقال معك...مو تاركك بروحك لاتخافين ادري فيك تخافين لاصرتي بروحك؟
ياسمين باعتراض لامااخاف...مو بيبي انا؟
نواف وهو يلعب بشعرها احلفي!!
اشوفكم بكرة على خير في ملكة عبدالله وعبير,,,
****
***
**
*
مرحبا فيكم يالغوالي...
شلونكم وشلون الجو معكم,,,,
واحشيني مووت(من متى)
ههه والله مدري بس صدق احس انكم واحشيني من زمان ماسولفنا مع بعض ...
البارت السبعين ,,,,
ياسمين بارتباك اتركني...
نواف بهمس في اذنها ليه؟
ياسمين بارتباك اكثر ابي امشي...
نواف وين بتروحين؟
كان يناظرها بالمرايا ويناظر ارتباكها وعاجبه ارتباكها وخجلها منه ..وراق له الجو على عنادها واحراجها اكثر...
نواف تدرين لو مالبستي ها الثوب طلعت لك انا على ذوقي!!!
ما غاب عن عينه انها رفعت عيونها بسرعة له وكاْنها تستفسر...
كمل علشان يربكها اكثر اجل ثياب وش كثرها داخل اشكال والوان كل واحد يقول الزود عندي وانتي البارحة لابسة لي بيجاما وسودة بعد!!!
ياسمين ولع وجهها بكل الالوان وهو ارتسمت عليه ابتسامة مكر واسعة...يعني دخل حضرته وشاف ثيابها..زين يانويف زين بعدين مو اللحين...
حس برجفتها اكبر وهو محاوطها من وراها وقام لزق فيها اكثر وضمها كلها لعنده...
نواف بردانة؟
ياسمين ها....
نواف سئلتك بردانة...
ياسمين بتهرب بروح ابدل...
نواف زاد مسكته عليها بقوة اكبر وقال بهمس ليه تبدلين؟؟
ياسمين علشان...الجو صاير بارد....
نواف لا مايحتاج تعالي انا اضمك عندي وتدفين!!!
غمضت عيونها وبلعت ريقها تبي تقوله لا..وتبي تقوله أي بسرعة...تحبه وتموت فيه وقربه منها مجننها....ترك عنادها له على جنب...ومدامه رايق خل تروق هي بعد وتبعد النكد عنها...
لفت على اساس انها بتبتعد عنه وهي عارفة انها بتكن على صدره وهي هذا اللي تبيه انها تكون بحضنه لانه اذا كانت بحضنه يصير رجال ثاني....حبيب لاابعد حد..يعطيها كل العواطف اللي بقلبه ..
وصدق بس لفت بتمشي....الا وهو جارها لحضنه بقوة علشان لاتبعد....
حست انها بتموت من ريحة عطره وانفاسه...جسمها كله انشل يعني مالها مجال تتحرك لو نص حركة...
تضيع علومها اذا كانت مع نواف بها الوضع.....
همس لها بعدك بردانة؟
ياسمين بهمس خلاص بروح انام!!
نواف بخبث وش جايك انتي تبين تنامين بسرعة الليلة؟
ياسمين تفشلت ورفعت راسها علشان تقوله أي شي وبس طاحت عيونه بعيونها لقت بعيونه هو الرغبة اكثر من اللي عندها.....
وحست ان انفاسها كلها خنقتها وماقدرت تقول أي شي....
تقرب منها وصار وجها بوجهها وغمضت عيونها وانفاسه كلها بوجهها....
خالد تعشيتي؟
وضحى الحمدلله....
خالد كيف ياسمين...ماصار وقت اجلس معها كثير..
وضحى ماشي حالها....
خالد بكرة بتروحين بيت اختي علشان ملكة عبدالله معهم؟
وضحى بشوف اذا صار الوضع زين بروح....
خالد اممممم...
رجع لسكوته ورجعت هي لسكوتها لانها كانت مجرد ترد على اسئلته,,,,
تقرب منها وحط يده على رجلها ...بس ظلت بمكانها ومارفعت راسها...
خالد بهمس بعدك تعبانة من البارحة؟
وضحى بهمس لا...
خالد ووليد شلونه؟
رفعت راسها له وقرب يده وحطها على بطنها....
خالد تحرك؟
ابتسمت له وضحى وبادلها الابتسامة....
خالد ببراءة لاتقولين ماتحرك بعده؟لمتى عاد؟؟
وضحى ببتسامة لا بلى تحرك...
خالد باسف متى؟
وضحى من زمان؟
خالد بزعل وليه ماقلتيلي ...كنت ابي اشوفه مدري اسمعه...
وضحى .....
خالد بيتحرك مرة ثانية؟
وضحى كل يوم يتحرك....
خالد برجاء بتخليني اسمعه اذا تحرك مرة ثانية؟
كسرها سؤاله...بس هي عارفة انه بيموت على ها الوليد حطت يدها على يده اللي بعدها على بطنها وتسندت وغمضت عيونها وقالت اذا لك خاطر تنتظر انتظر يمكن يتحرك بعد شوي!!
خالد بحماس أي بنتظر.....
كانت مغمضة عيونها علشان تداري دمعة حست انها بتطلع منها باي لحظة...خالد مشاعره دافية وحنونة...وماتقدر تنكر انها تحبه..اصلا حتى غلطته قاعدة تتناساها لحظة عن لحظة لانها لو خسرته مابيظل لها شي بها الدنيا...ماعندها غيره وغير اخوانها....لاام ولاابو.....ها الشي بس اللي قررت انها تسويه علشان نفسها وعلشان اللي جاي بالطريق وعلشان اعتذار خالد وحالته اللي شافتها بعيونها,,,,,
ورب العالمين فوق ومايظلم احد,,,,
ياترى وش جالس تسوي اللحين يافارس,,,,
وينك؟؟سيارتك مو جنب البيت....بالعادة انت تتركها برى وماتحب تدخلها...طالع!!طيب وين رايح؟؟
اووووف....ادق عليه ولالا.....طيب ادق وش اقول...مو لازم اقول شي..ابي بس اسمع صوته.....
اه يانورة اه....وش اللي جاك وخلى فارس يلعب بتفكيرك كذا!!!
ليش صار ماخذ تفكيرك منك!!!ليه صار مايغيب عنك ابدا!!!
وش مسوي ها الفارس وخلاك تتجننين عليه يانورة؟
كل شي ياقلبي كل شي...شخصيته...قلبه...كلامه...صوته...اسلوبه..وسامته
وس ابي اكثر بعد من كذا!!!
ياسبحان الله..معقول ها الشخص نفسه اللي انا كنت رافضته وماابيه!!!!
أي انا رفضته لاني مااعرفه ولابحياتي شفته..
كيف كنت بس بحبه؟؟؟
وهي بغمرة تفكيرها فيه جاها مسج منه(النور جالسة ولانايمة)
ابتسمت بفرح وردت له بسرعة وكانها ماصدقت(حنا اهل السهر يافارس)
فارس(طيب فيني اكلمك)
نورة(ليه...تبي شي)
فارس وهو يجاريها(أي والله)
طبعا هي مسوية بس حركات ثقل ولاهي خاقة تبي تكلمه وبس قال كذا هي دقت عليه...
فارس قبل الالو قال اجل انتي من اهل السهر؟
نورة بثقة أي طبعا..اجل تبيني ارقد من بعد الصلاة...واروح على نفسي شوفة ها الليل؟
فارس اممممم وش بعد؟غير السهر وش عندك؟
نورة انت مو تقول تبي تقول شي مدري عندك شي...خير وش عندك؟
فارس بس كنت ابي اعرف ليه تسهرين؟
نورة ماشاءالله....
فارس اجل شلون لازم اعرف انتي ليه تحبين السهر؟
نورة احب الليل...
فارس أي بس انا انام بدري...اشغالي كلها بالنهار ومااحب اسهر؟
نورة بدلع غير نظامك؟
فارس برومنسية وليه ماتقطعين انتي السهر وتنامين معي بدري؟
نورة هاذي يبيلها هدنة ..
فارس حاضر بللي تبينه...
نورة
فارس الو...بعدك معي على الخط؟
نورة أي....
فارس وش بغيتي؟
نورة بغيت لشنو؟
فارس لعقد الهدنة؟
نورة وانت ليه تبي تعقد هدنة بينا ان شاءالله؟
فارس يعني انتي فكري فيها ليه؟
نورة ......
فارس بهمس لانك زوجتي...وحبيبتي...
نورة بتهرب وهي بتموت انا لااني حبييبتك ولاصرت زوجتك علشان تحكي معي كذا وتقول ها الكلام...
فارس كل العالم عارف انك لي!!
نورة الا انا!!
فارس عارف انك ماتؤمنين الا بشي واقعي ومو مجرد كلام...والسالفة طولت بس حقك عليّ يالغالية...ان شاءالله ماباقي وقت كثير....
نورة انا ماقصدت أي شي من ها القبيل ولاتفهمني غلط؟؟انا اصلا ماارمي نفسي...
قاطعها علامك شبيتي نار مرة وحدة؟توك وش حليلك....
نورة تنهدت وقالت فارس انا مابموت اذا ماتزوجت...ولاتفكرني قلت لك ها الكلمة علشان شي؟
فارس عارف...اصلا محد فاهمك بها العالم غيري....بس اليوم بعد ماطلعتي جلسنا وحكينا انا والوالد والوالدة الله يعطيهم الف عافية على ها الاختيار الحلو اللي بحياتي ماراح اقدر اوفيهم شكر لانهم اختاروه لي...
سكتت نورة...وكمل فارس تعرفين....كنت حاط في بالي شي من كلام امي ويوم التقينا طلعتي شي ثاني....وراحت الخطوة الاولى وجتنا الثانية وبنستقر ان شاءالله....
مرت الليلة ثقيلة على بيت ابو تركي عدا عبدالله طبعا اللي كان ينتظرها بكل مافيه...
بس الباقيين عارفين او بعضهم عارف ومتوقع الايام الجاية وش بيصير فيها,,,,,
طلع صباح اليوم الثاني سريع وبجو متوتر ومشحون عندهم بس بالنهاية كلهم قرروا يتركون الموضوع ياخذ مجراه بدون مايعطون أي انطباع سيء قدام عبدالله لانه مهما كان ولدهم وقلبهم معه لانه كان طيب ومتسامح وهادى مع الكل وماعمره تصرف بطيش ولاجنون حتى بمراهقته فاكيد ها القرار هو دارسه ومتاْكد منه,,,
الجدة سعيدان وينه؟
مشعل وانا ادري عنه؟
الجدة وش فيك تصارخ ..شوي وتقوم تضربني بعد!!
مشعل انتي سئلتي وانا عطيتك جوابي!!
الجدة أي مو بالعادة لانكم دايم مع بعض ياالشرانيين غريبة مانتوا جالسين قرب بعض؟
مشعل وماابي اقعد معه بعد اليوم؟
الجدة ليه وش صاير؟
مشعل روحي سئليه؟
الجدة سئلته قبل لااجيك وقال لي روحي سئليه؟
مشعل يعني شايفته قبلي!!
الجدة أي...
مشعل مدام هو مارد عليك انا مابرد عليه..
الجدة اخ يالقهر بس...قلت يوم انه زعلان منك وماتتكلمون من البارحة بيروح بيتهم بس طلع لزقة يوم اقوله روح مارضى..
دخل سعد بها اللحظات وجلس على الكنبة قبال مشعل ورجل فوق الثانية....
مشعل روح بيتكم مانبيك؟
سعد والله البيت بيت جدي ومحد له شغل فيني!!
مشعل انا اقول لجدي يطردك؟
سعد اذا تقدر روح يالله...
الجدة يالله بسرعة روح كلم جدك خل يطرده....
قام مشعل ووراه الجدة ووراهم سعد...
واقتحموا على الجد المجلس...
الجدة مشعل يبيك بسالفة؟
الجد ومايعرف مشعل يتكلم؟
مشعل اطرد سعد خل يروح بيتهم!!!
سعد وحط في بالك اذا طردتني مابتشوف جميلة؟
مشعل انت اطرده وماعليك منه؟
سعد هذا وجهي اذا قدر يجيب لك جميلة...مستحيل مايقدر....
الجد وليه مايقدر...
سعد ناظر بمشعل اقوله ولابتقوله.....
الجدة وش السالفة؟
في بيت ابو تركي,,,
مشاعل بنرفزة وهي ترمي شنطتها قبلها على الكنبة انا وحدة ماعجبني الوضع ابدا!!!
حصة بقهر ونرفزة اكبر لاوانا اللي عاجبني عاد!!!تقولين احنا بنموت على ماترضى عنا حضرة جنابها؟
مشاعل لاوالقهر تخز فينا من فوق لتحت وكاْن مو عاجبينها؟
نوف بشماتة انتي شفتي وش لابسة؟
حصة انا مدري شلون رضيتي ياامي ياخذها...
تنهدت ام تركي وبلعت قهرها وماتكلمت,,,
وسكتوا مشاعل ونوف لانهم عارفين عبدالله واصراره عليها,,,,,
حصة ولاالاهل الحمدلله والشكر مدري من وين طالعين...كل واحد جالس بجهة ولا كاْن عندهم مناسبة وملكة مو على بالهم...اللي ماسك تلفونه يسولف واللي مدري وش قاعدة تسوي واللي حاطة لاب توبها؟؟؟وش ها التخلف والناس اللي ناسبناهم....لاوامها....ماسكة سماعة التلفون تكلم مدري منو تقوله عن خطبة بنتها وكم دفعوا لها مهر؟؟..انتي جلسي معنا ضيفينا واذا قمنا امسكي سماعة التلفون وتكلمي براحتك,,,اه يالقهر اه....وش مسوين احنا بالدنيا علشان يصير فينا كذا!!
ام تركي بهدوء سكروا السيرة بروحه ابو كم متضايق هو وتركي من ابوها واخوانها....مدري وش مسودين الوجه فيه فلايدخل اللحين ويسمعكم بيشب فيني انا!!
حصة انتي ليه وافقتي ياخذها؟
ام تركي أي شسوي مدامه اصر عليها؟
حصة وكل شي بيقولونه اخواني بنرضخ لهمّّ!!هذولا مايعرفون مصلحتهم وين تصير؟
مشاعل علشان تسكر السيرة لاتقلب على نوف لانها عارفة حصة شرايكم بكرة نروح المشغل نشوف فستان العرس وش صار فيه؟
سكتوا الباقين وناظروها...
مشاعل اللحين مو تنشغلون لي بعبير وتتركون سالفة عرسي ترى ماباقي كثير اقل من شهرين....وعلى فكرة عبير واهلها من اللحين مو معزومين؟
نوف لاتقولين ها الحكي لايزعل عبدالله؟
حصة وانتي مالك ومال عبدالله وزعله؟مو اخذتي تركي بكبره بعد وش تبين بزعل عبدالله؟
توها ام تركي بتتكلم الا وتركي وابوه وعبدالله داخلين....
قامت نوف بسرعة قبل لايلاحظ تركي انزعاجها بعد ماسلمت على عمها وركبت وكانت ام تركي تناظرها بلوم...
مشاعل مبروك ياخوي...
عبدالله بفرح الله يبارك بعمرك....
مشاعل مبروك يبى..
ابو تركي الله يبارك فيك....علامه فواز كان مستعجل الليلة؟
مشاعل عنده بكرة اجتماع بجدة ويادو ب يلحق يروح..قال انه انحرج منك بس يعني مدري وش يقولون مو بكيفه مدري مو بيده...
تركي ابتدت المعلقة؟
مشاعل اوه ه ه ه ه ه بعد انا صرت مقدر اقول شي...
ابو تركي اكلتي منه مقلب بالمطعم خلاص اعلنتي التوبة؟
مشاعل أي والله ياهو مقلب نشف دمي ذاك اليوم؟
ام تركي تبي تلطف الجو قولي الحمدلله طلع ولد ناس واودم وماقال ماابيها؟
مشاعل ول؟
ضحكوا عليها الباقين..
تركي نوف ليه ركبت فوق...
مشاعل نورة دقت لها وقالت بتركب تكلمها...خوب تعرف مرتك اذا جت تكلم تنفعل بزيادة وتصارخ وترمي الوسايد وكل شي تكسره فماحبت ابوي يشوفها بها الحالة..
تركي بتهديد بتعقلين عن نوف لو بها العقال؟
مشاعل ضحكت عليه....
ابو تركي تستاهلين..تدرين مايرضى على بنت عمه ولو بالمزح لاتسوين لنفسك سالفة؟
مشاعل ناظرت بحصة وعيونها تقوله مايدري عنك ياحصة ولاكان قام ذبحك...
كان وده يقوم يركب لها بس امه جالسة ولو ركب بيصير بعيونها صغير ومو قد كلمته...فقرر انه يطلع احسن شي لايحرج نفسه ولايحرجها....
استئذن وقام وحصة بعد شوي طلعت وام تركي وابو تركي طلعوا غرفتهم ينامون...
عبدالله واخيرا صفى الجو؟
مشاعل لشنو؟
عبدالله شفتيها؟
مشاعل تقصد عبير...
عبدالله أي...
مشاعل طبعا شفتها....
عبدالله وكيف صايرة؟
مشاعل اممم حلوة..بس مو كثير لاتفرح...
عبدالله مالت عليك..
مشاعل انت شايفها قبل؟
عبدالله لا
مشاعل بصدمة ولامرة بالغلط؟
عبدالله بهيام لا
مشاعل وكيف حبيتها؟
عبدالله مو شرط تشوف شخص علشان تحبه؟
مشاعل على قولتك.....
دق جوال عبدالله وناظر الرقم وابتسم..
مشاعل بصدمة اكبر لاتقولي هي؟
عبدالله بفرح وهو يرد عليها بعد ماقام هلا بااحلى عروس بالدنيا....
يوم ثاني بعد صلاة الظهر,,,,
بغرفة نواف وياسمين..
كانوا بعدهم على السرير ماقاموا منه بس صحوا...
ياسمين بكسل يصير انام بعد؟
نواف ماتشبعين نوم انتي!!!
ياسمين بخمول ابي انام شوي اليوم ماعندنا شي ولا عندنا احد؟
نواف أي بس بعد صلاة المغرب بنروح المطار يابابا؟
لفت له بجهته وقالت بجدية ليش انت ماغيرت رايك؟
نواف تسند على يده وصار قبالها وهو بعده مااعتدل بقعدته لاماغيرت رايي...
ياسمين بزعل بس انا ماابي اسافر؟
نواف حط يده بشعرها وقال وليه ماتبين تسافرين يعني!!!
ياسمين مدري..حاس اني ماراح انبسط هناك..
نواف أي بس انتي ماتدرين وين بنروح؟
ياسمين أي بس انا مااحب غير السعودية؟
نواف بشماتة لسه باقي كثير على اليوم الوطني!!
ياسمين بدفاع انا مااكذب!!!مااحب اسافر احب دايم اظل بالسعودية...كل مكان فيها الرياض والشرقية والمدينة وجدة....نواف تكفى كنسل السفرة وخل نروح ناخذ جولة على مناطق المملكة اذا انت معزم على السفرة...
نواف ناظرها بدون مايقول شي...
حست انه يمكن يلين....
تقربت منه اكثر وبعدت عنه الغطاء وتسندت على صدره العاري وقالت تكفى....مانبي نسافر برى...نبي نظل بالمملكة...
كان يناظرها...وده يعترف بحبه بس في شي يمنعه..لازم اول يعرف هي بتكون قد حبه ولالا؟بتكون نسخة من ريم ولاشي مغاير له وتضاد عنه...
تنهد وضمها لصدره بقوة وقال بعناد وهو يضحك مدام قلتي تكفى مابغير رايي؟
ياسمين بقهر وهي تبي تبعد نفسها وهو حاضنها بقوة ليه العناد عاد؟
نواف كذا بس..
ياسمين طيب وش اقول علشان تغير رايك؟
نواف بهيام وهمس قولي احبك..حبيبي ..اي شي..
ياسمين بغتها من الله تقول له ها الكلمة حتى لو كانت بوضع كذا وماراح يصدقها بس المهم تطلع من قلبها ها الكلمة..
ياسمين بانفعال حبيبي نواف تكفى كنسل السفرة...
ظل يناظرها بنظرات غريبة تشوفها بعيونه اول مرة...
ماغاب عنه ابدا الحرقة اللي قالت فيها الكلمة...ماكانت مجرد اخذ وعطا معه بالموضوع...
كانت قايلتها من قلبها وها الشي لايمكن يغلط فيه ابدا...لانه هو اصلا بيوم اللي دخل عليها قال لها الكلمة بنفس الاحاسيس حتى لو ماصدقتها...
ظلوا يناظرون في بعض فترة طويلة وكل واحد يقرا عيون الثاني وش مكتوب فيها وبالنهاية ضمها نواف لصدره بقوة وبدون مايقول أي شي,,,
في بيت ابو تركي كانوا ام تركي وبناتها ونوف جالسين بالمطبخ يسولفون..
وتركي وابوه بمجلس الرجال يسولفون بالعرس وعبدالله بغرفته مابعد نزل....
دخلت الشغالة المطبخ..
ميلين ماما في ضيفة يجي؟
ام تركي مني؟
ميلين مايدري انا..
مشاعل احد يجي بعد الصلاة؟وش ها الناس ياربي..
نوف خالتي انتي ماتنتظرين احد؟
ام تركي لا..
حصة يمكن وحدة من خالاتي ولابنات خالتي بس هاذي شغالتكم بقرة يمه...
عبير وهي قابلة عليهم مرحبا...
ناظروا فيها كلهم وبعدين ناظروا في بعض....
عبير انا قلت خل نتغذى اليوم مع بعض مدامكم متجمعين نتعرف على بعض اكثر ونحدد كل شي من اللحين؟
حصة بقهر أي بس عبدالله ماقال لنا انك جاية؟
عبير ماله داعي الرسميات حبيبتي..كلنا اهل..
ام تركي بقهر مكبوت لابس كنا حسبنا حسابك بالاكل وقمنا بالواجب معك...
عبير اللي بتاكلونه باكله معكم لاتشيلين هم ياخالتي انا خلاص وحدة منكم وفيكم..ولا شرايك يانوف؟
راحت الانظار كلها لنوف اللي حست بالاحراج اصلا من كلمتها واللي ماتدري ليش قالت لها كذا اصلا,,,,
ام تركي تفضلي المجلس يمه..
عبير لالالا عادي خالتي انا اجلس باي مكان لاتشيلين همي..
حصة بحدة يعني عادي تروحين تنادين على عبدالله من غرفته مابعد نزل لانه؟
عبير أي عادي طبعا...
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك