بداية

رواية كل يوم لك حال جديد يوم قريب ويوم بعيد -37

رواية كل يوم لك حال جديد يوم قريب ويوم بعيد - غرام

رواية كل يوم لك حال جديد يوم قريب ويوم بعيد -37

ام تركي تفضلي المجلس يمه..
عبير لالالا عادي خالتي انا اجلس باي مكان لاتشيلين همي..
حصة بحدة يعني عادي تروحين تنادين على عبدالله من غرفته مابعد نزل لانه؟
عبير أي عادي طبعا...
مشت للدرج بثقة وعيونهم كلها عليها واشكالهم من الصدمة كانت تحف..
مشاعل انا بكلم فواز بطلع اتغذى معه برى..مستحيل اقدر اكمل اليوم معها؟
نوف مايصير يكون تركي مو فواز؟
ام تركي بنات انتي وهي بلا حكي فاضي..شلون تطلعون وهي جايتكم..
حصة ومفكرة انها بتدخل وتطلع بالبيت على كيفها...والله مااتركها وراها..اذا ماانشف دمها..
نوف بهمس لمشاعل أي والله هذا وقتك ياحصة...استلميها وحلي عني شوي؟
مشاعل كنا بنضيع بدون حصة اليوم اول مرة تكون لجيتها فايدة؟

لاتنسون تعليقاتكم الكريمة ونشوف بعض بكرة ان شاءالله


****
***
**
*


البارت الواحد والسبعين ,,,,,,,,


الجد بنفاذ صبر بتتكلمون ولاشلون؟
سعد بتحدي انا اتحداه يروح يجيب لك جميلة اللحين؟
مشعل طبعا مابتجي شنو شايفها ماعندها اهل يخلونها تطلع باي وقت؟
الجد بتاْييد عدل كلام مشيعل وش مفكرها انت ياسعيدان بنت شوارع!!!!تعال قرب خل اوريك..
سعد لانه اصلا مايقدر يروح يجيبها...اصلا شي اسمه جميلة بح مافي؟
مشعل مو بكيفك انت شفتها لو ماشفتها ياجدي؟
الجد أي شفتها...
مشعل يغير الموضوع خلاص اتفقنا اجل انها موجودة...
سعد ماعليك منه.....يروح يكلمها اذا هو صادق...مايقدر تدري ليش لان جميلة هي نفسها انا؟؟؟
مشعل شقاعد تقول انت مو بصاحي وش جاب جميلة لك عاد ياحظي؟؟
سعد اروح البس ثيابها علشان تتاْكد ياجدي؟
الجد بتهديد روح البس ياسعد....
سعد بحماس ان شاءالله ياجدي على امرك...راح طيران ومشعل على اعصابه...
جا سعد بعدين وهو بالعباية والكحل والشكل المعتاد لجميلة والجد وقف مكانه وقال بتهديد مشيعل؟
مشعل اصلا الفلوس اللي قلنا بناخذ لك ثياب فيها عنده سحب له ثلاثة الاف وماخذ لك غير بخمسين ريال وقال الباقي بيروح فيهم المدينة بعد اسبوع شفت شلون بيروح يزور النبي بفلوس حرام؟
الجد راح قفل الباب وشال المفتاح وحطه بجيبه وقام يحوس بين الاغراض وهم يناظرونه بخوف لين طلع لهم عقال قديم وقاموا يتراجفون,,,,,,,

حصة بغيظ انتي هيه..وين مفكرة نفسك بتروحين يعني؟
لفت لها عبير وقالت بصحي عبدالله...
حصة باحتقار وماعندك أي مشكلة تدخلين غرفته؟
عبير اسمه فيه زوجي...
حصة البارحة مالكين على مااعتقد....
عبير بدلع احبه ويحبني؟
حصة خبري بللي يحبون يستحون مو يبعون بالسوق ومايهمه شي؟
عبير ماعندي معك كلام..اصلا انا لو ادخل عليه اللحين تلاقينه يطير من الفرحة؟
حصة بصوت عالي انتي هيه...وقفي مكانك...انتي داخلة بيت ناس محترمين مو على شاكلتك...واذا سمحتي اللحين نزلي واجلسي تحت باْدب ترى فوق مافي احد؟
عبير وعبدالله؟
حصة تقولين تحبينه؟يعني المفروض عارفة انه مايكون نايم لها الحزة ومايقعد بروحه بعد!!!
عبير .......
حصة ناس ماتستحي صدق!!!
عبير بحدة شوفي يااخت حصة انا مو نوف ماعندي احد وشنو مابتقولين بسكت لك...
حصة مبين انك مو ربعها بعد!!!مايحتاج اصلا وش جاب لجاب؟
عبير ...
حصة تفضلي الطريق من هنا؟
عبير اقول حصة تركي اذا تزوج وين بيجلس؟
حصة .
عبير بنقعد احنا جنبهم طبعا وين ماقعدوا؟
حصة والله عاد هذا شي يتفاهمون عليه هم وابوي انا مدري عن ها السوالف,,,,,,
ام تركي راحت لعبدالله ونادته ودخلت معه وسكرت الباب وراهم,,,,
عبدالله خير يمه...في شي..
ام تركي بتردد وضيق عبدالله عبير بتجي اليوم؟
عبدالله والله مدري يمه...اكلمها اللحين اشوف اذا صحت ولالسه؟
ام تركي يعني انت ماقلت لها البارحة تجي؟
عبدالله لايمه انتوا ماقلتوا لي اعزمها؟
ام تركي بضيق مايحتاج تدق لها...هي جت واخذتها من قاصرها؟
عبدالله ابتسم صدق!!!متى؟ماشفتها؟
ام تركي باحتقار الظاهر طلعت لك فوق تصحيك,,,
نزل عبدالله راسه وماعلق بشي...
ام تركي وهي تفتح الباب وتطلع عشنا اذا هاذي بدايتها يابنت الفالح؟

ابو سعد نورة...
نورة هلا يبى..
ابو سعد تعالي بكلمك..
نورة خير ان شاءالله..
ابو سعد خير ان شاءالله....
نورة وهي تجلس جنب ابوها وهاذي قعدة يابو سعد؟
ابو سعد فارس كلمنا قبل يومين ...اول مارجع من ايطاليا؟
نورة .....
ابو سعد ماقلتي شي؟
نورة وهو شيبي منك؟
ابو سعد وهو يرفع شعرها عن عيونها يبون الملكة الاسبوع الجاي يانورة ...قال بيجي يخطب رسمي هو وقبيلته ويملك نهاية الاسبوع والعرس بعد شهرين يانورة...
نور دق قلبها...يعني ناوي ومخلص ومضبط اموره....
ابو سعد انتي عندك اعتراض يبى؟
نورة اعتراض على شنو بالضبط يايبى؟
ابو سعد على الموعد؟ماعندك اختبارات ولاشي؟
نورة بهدوء لايبى ماعندي شي......
ابو سعد يعني اكلمه اقوله خلاص كل شي تمام...
نورة اممممم
ابو سعد بتصيرين عروس يانورة....والله وكبرتي وكبرتينا معك..
نورة يبى اهم شي اسكن هنا قريب منكم....علشان من ازعل منه اجيكم؟
ابو سعد وهو يضحك هههه وحاسبتها انتي من اللحين انك بتزعلين منه؟

نواف بعد ماطلع من الحمام جلس قبالها وظلوا ساكتين شوي بعدها قال وين تبين تتغذين؟
ياسمين مدري..
نواف تبين نطلب لنا هنا ولانطلع نتغذى برى؟
ياسمين بكيفك...
نواف جهزتي اغراضك وضبيتيهم خلاص؟
سكتت واشرت براسها لا
نواف طب قومي جهزيهم علشان نحطهم بالسيارة ونمشي مرة وحدة نتغذى وبعدين نروح المطار على راحتنا....
ياسمين يعني مصر؟
نواف بثقة طبعا...
ياسمين طيب وبشوف امي ومشعل,,,,,
نواف واذا ماشفتيهم وش بيصير يعني؟
ياسمين ببراْة مااقدر ماأشوفهم؟
نواف بهدوء تحبينهم..
ياسمين بصدق اكثر من أي شي يانواف....
كان يدور في باله سؤال واحد وماعرف يقوله..كان بيقول لها وانا تحبيني مثلهم!!!
نواف يالله قومي جهزي اغراضك.....
ياسمين وقفت وهي تمشي بهدوء ويوم صارت جنبه مسك يدها ولفت له...
ظلت قباله...
نواف خايفة تكونين معي؟
ياسمين بارتباك لامو كذا بس ماتعودت اسافر بدون اهلي.....وحاسة اني مرتبكة شوي....هاذي كل السالفة...
نواف وبتتخطين الازمة ولا بتطول معك؟
ياسمين ..........
نواف شيلي لك ثياب خفيفة وثقيلة...
ياسمين ليه احنا وين بنروح؟
نواف انتي في بالك مكان معين تبين تروحينه؟
ياسمين لا...
نواف بضحكة غير الجولة اللي تبينه حول المملكة؟
ياسمين استحت منه ومن ضحكه عليها وسكتت ومشت وهو حس انها بتبكي..هو مو قصده يجرحها ولايزعلها وقام وراها.....
دخلت غرفة التبديل وفتحت الدولاب وهي تقلب بين الثياب...
جلس هو على الطاولة اللي قبال الدولاب واللي جنبها كانت شنطة السفر مفتوحة...
نواف بنروح لبنان وصلالة,,,
لفت له وماقالت شي...
نواف معليش هو مابنسافر شهر كامل يعني اثنين وعشرين يوم بس بنعوضها مرة ثانية...
ياسمين بلا مبالاة اذا بتصير يومين بعد انا ماعندي مانع بالعكس بكون مبسوطة؟
بها اللحظة كانت تقولب باقمصة النوم ووخرتهم على جنب وهو يناظرها وقام وقف وراها ومد يده وشال الثوب الاحمر القصير اللي كانت مباعدته وهمس لها وهو يشيل الثوب ليه باعدتي ها الثوب الحلو؟
حست بانفاسه وراها علطول وماقدرت تتحمل...وجوده بها القرب منها يجننها ويضعفها ويتركها بلاحواس غمضت عيونها وقالت بهمس نواف اتركني ارتب اغراضي؟.
نواف طيب بس شيلي هذا معك؟
ياسمين اخذت الثوب منه وعلقته من جديد وقالت بارتباك مايلزمني؟
نواف وهو يناظر ارتباكها قال بخبث بس انا يلزمني؟
ياسمين لفت له وش تبي مني انت؟؟روح جهز اغراضك وخلني اجهز اغراضي؟
نواف وهو يناظرها بخبث وهو عارف انه قاعد يشتتها أي وليه مستعجلين احنا ماورانا أي شي؟
حست انها كل مابعدت شوي قرب هو شوي ولو تبعد خطوة وحدة بتطيح داخل الدولاب..وقفت مكانها وقالت بضعف نواف اتركني انت قاعد تلخبطني؟
نواف مسوي انه بريء وقال وهو يلمس خدها بظاهر يده وانا شسويت!!!شوفيني بعيد؟

كانوا ام تركي والبنات وعبير جالسين بالصالة....ومعهم ابو تركي...
وتركي وعبدالله بالمطبخ اللي كان نصه مفتوح على الصالة,,,
ابو تركي حيا الله عبير...
عبير الله يسلمك ياعمي...
مشاعل بهمس احس ابوي مو قادر يبلعها ماغير كل كلمتين وقال حيا الله عبير؟
نوف بنفس الهمس سكتي لاتسمعك؟
حصة مادرينا انتي تدرسين ولاموقفة ولاشسالفتك؟
عبير بصوت عالي لا ادرس قالت...الدراسة وجع قلب...
نوف لوين واصلة بتعليمك؟
ناظرتها عبير وبعدها لفت كانها ماتشوف نوف وقاموا الباقين يناظرون في بعض..
مشاعل سئلنا لوين موصلة تعليمك؟
عبير وهي تناظر بنوف عندي الثانوية...
مشاعل واخذتي لك شي بعدها ولاجلستي كذا؟
عبير مفكرة اللحين اروح الجامعة المفتوحة؟
حصة وليه مااخذتيها قبل؟ولاماسمعتي فيها الا اللحين(قصدها تقول يعني عبدالله مو مسؤل عنك)
ام تركي والله مصير البنت بيت زوجها بالنهاية؟
نوف وانا اقول لتركي شكلي بصير معلمة لاتخرجت قال قعدي مكانك ماعندي حريم يشتغلون...لا ويقول لو تنتهي ها السنة وتوقفين بعد اريح لك؟
ام تركي لاماعليك منه مدامك بديتي خلصي لاتتحسفي انك ماكملتي...
ابو تركي وهو يضحك لها ماعليك منه صيري معلمة شوفي شبيسوي؟
نوف وهي تضحك لعمها اذا بتوقف انت بالنص نسويها..
مشاعل اسمع بعد ابوي يدعو للشر والعصيان والتمرد؟
نوف لا اساسا دوام تركي يسمح اني اكون يعني هو يطلع من الصباح ومايرجع الا العصر اكون جيتي ورجعت...
عبير وهي متضايقة من نوف انتي من زمان هنا؟
سكتوا الباقيين وقالت نوف ببتسامة هذا بيتي..طول عمري هنا...
عبير علشان كذا تزوجك ولدهم!!!اخاف بس غاويته؟

رغد عمي...
رفع راشد لها راسه وقال خير..
رغد وش صار؟
راشد على شنو؟
رغد على بنت الحربي.....
راشد تنهد والله مدري...بس ابوك ماهو راضي يسوي شي....وانا بروحي متحمل السالفة...اصلا لو يطلع شي مابعطي ابوك فلس واحد منهم لاني حارق دمي وهو انسحب من السالفة..
رغد بعصبية يعني ببساطة تاخذه بنت الحربي!!!لاتموتني بغيظي عاد؟؟؟منهي هي علشان تاخذ فواز...وحدة حثالة مالها امل تاخذه ولو على جثتي؟
راشد متى قلتي لي عرسهم؟
رغد اللي عرفته من بنات الكورس اللي معها بعد العيد باسبوع....
راشد وش تبين اسوي اللحين ماباقي وقت كثير كلها شهر واسبوعين...
رغد أي شي ياعمي.....الله يخليك انت ماتدري أي قهر بيجيني اذا شفتها قبالي بالجامعة؟
راشد حلوة مرته؟
رغد بحقد مو ذاك الزود؟
راشد وهو يضحك مدام قلتي كذا يعني حلوة؟
رغد انت اللحين بتدبر شي يفكهم ولاتسئلني عنها اذا كانت حلوة ولالا؟
راشد المشكلة فواز ينوي على نوايا ماتدرين شنهي؟
رغد والحل؟
راشد مالنا الا ليلة العرس؟
رغد وش بتسوي؟
راشد مدري بس ليلة عرسهم مالازم تتم واذا تمت مالازم يدخل عليها لازم يظلون بعيدين.....؟

دق جوال نوف وكان سعود المتصل....
وقالت بصوت شوي واطي هذا سعود واللي سمعها ابو تركي وام تركي بس...
ابو تركي قومي كلميه هناك....
اخذت جوالها وقامت وعبير تناظرها...نوف انحطت في بال عبير من ليلة ملكة مشاعل يوم تجي تتعرف عليها ومن عرفت انها اخذت تركي زادت حالة الحقد عندها..
عبير وين الذوق؟جالسة مع جماعة وتقوم عنهم تكلم؟
ابو تركي بحدة علشان نكمل احنا سوالفنا وماتحرج نفسها وتحرجنا وهي تسولف بتلفونها؟
عبير ولا لان تركي مو موجود جنبها وهي ماخذة راحتها؟
ابو تركي بعصبية نعم؟
ام تركي اقول بو تركي ماشفت وش صار على غذانا اليوم من راح السايق مارجع..
ابو تركي انا قايم.......وبصعد فوق شوي لاجا الغذى نادوني....
يوم قام لفت ام تركي وقالت لعبير بصرامة علامك انتي!!وش بينك وبين نوف؟ليه تتكلمين عنها كذا!!
عبير انا!!!ليه وش قلت؟
مشاعل سلامتك...بس تاْكدي ان تركي مو ابوي يعني ابوي بيظل محترم انك زوجة ولده بس تركي مايعرف احد اذا السالفة فيها نوف؟
عبير باحتقار ساحرته!!!
ام تركي عبير......اذا تبين تكسبين اللي بها البيت تعاملي مع نوف باحترام؟
حصة خلوها تجرب تركي ليش قالقين حالكم عليها....
عند سعود ونوف....
يوم تطلع تكلم شافها تركي وطلع وراها من باب المطبخ الخارجي...
وصار وراها وهي ماتدري عنه....
نوف هلا سعود...شلونك...
سعود زين انك مانسيتي اسمي؟
نوف شدعوة ياخوي...وانا نسيتك...انت بس اللي مزعل نفسك مني وماتبي تكلمني...حتى مكالماتي ماتبي ترد عليها؟
سعود كنت متضايق؟
نوف متضايق مني؟
سعود لا متضايق من سالفة صايرة لي!!
نوف سعود ..تركي قال لي انه بيردك شغلك وانا واثقة انه ماخذلني صح؟
سعود أي رديت بس مو هاذي مشكلتي؟
نوف خير....
سعود نوف انا تعبان ماليا....وابي منك سلف؟
نوف ..........
سعود بتسلف منك وبعدين بردهم...شقلتي؟
نوف بتردد أي بس انا ماعندي شي.....غير مهري ماعندي ياسعود....
سعود بنفاذ صبر وحلالك اللي حطيتي عمي وكيل عليه؟
نوف انا كتبته باسم عمي وماقدر اخذ منه ريال واحد؟
سعود أي بس عمي قال لي ليلة ملكتك انه الحلال بعده محفوظ وبيرده باسمك اصلا!!
نوف عندك شي تبي تقوله؟
سعود خير .....
نوف مانبي نتكلم بسوالف فلوس ياسعود تكفى,,,,

خالد وضحى...
لفت له خير...
خالد يعني انا اقول مالك سالفة تروحين الشغل ياوضحى...مالك حاجة فيه بتتعبين نفسك على الفاضي؟
وضحى وش تقصد؟
خالد اللي بغيت اقوله طلعي من شغلك؟
وضحى ببرود ليش؟
خالد انتي مو ملاحظة انه تعب عليك تروحين ودوامين وعلى شنو بالنهاية؟
وضحى اسلي نفسي؟
خالد سلي نفسك بشي ثاني
وضحى خلاص....خذ الاجابة الثانية..على الاقل اكون ضامنة نفسي....
خالد شنو؟
وضحى انت بغيت تفتح الموضوع وجاتك اجابته؟
خالد مافهمت؟
وضحى يعني ان احنا صرنا نتكلم مع بعض مايعني ابدا اني سامحتك...واذا سامحتك مايعني اني مابظل اشك فيك من جديد وانك ماممكن تسوي ها الشي مرة ثانية...عاد اذا سويتها مرة ثانية وش بيكون العذر بعدين؟ووين اروح انا؟
حس انها جرحته بالكلام وهي بعد حست..اخذ بعضه وترك المكان لها وطلع...
كانت تبي توصل له ها الشي بس يمكن انها قلبت السالفة بس بالنهاية وصلتها له ولو بطريقة مو حلوة..لازم يعرف انهم حتى لو رجعوا تصالحوا يحط في باله انه مايرجع يجرحها من جديد ويسوي ها الشي؟

بعد الغذى في بيت ابو تركي(ادري تمللتوا اليوم كل الاحداث هنا) تركي دخل الصالة بعد ماتنحنح هو وعبدالله علشان عبير تتغطى ويوم حطت غطاها قالت له امه يدخل...
عبدالله جلس جنبها وكانه مو مصدق خبر وتركي جلس قبال ابوه يعني عطاها ظهره...
عبير شلونك تركي...
تركي بثقل هلا...بالبركة ان شاءالله...
عبير الله يسلمك عقبالك ان شاءالله...
تركي لف بسرعة وقال بضيق نعم..؟
عبير يعني اقصد عقبال العرس...
مشاعل تبي تغير السالفة دق لك فواز ياتركي؟
تركي أي...
مشاعل قال لي الصباح انه بتروحون اليوم تشوفونوها...
تركي تمشي معنا يبى؟
ابو تركي هي وين تصير؟
تركي عند العثير...
ام تركي ول قريب الحساء يعني؟
تركي أي....
حصة وشي؟
ام تركي تركي وفواز بيفتحون لهم مشروع مع بعض وفواز شرى الارض ويبي تركي يروح يشوفها وماعنده غير اليوم لانه بيكون بين جدة والرياض....
مشاعل على فكرة انا مو موافقة ابدا على سالفة الشراكة بينك وبينه بس شسوي امري لله ولاتنسى الارباح نتقاسمهم مع بعض؟
تركي خذي ارباحك من فواز انا مالي شغل فيك ارباحي لمرتي وعيالي!!
مشاعل شفت يبى اللي يسوي خير لعيالك؟
عبير بهمس لعبدالله حبيبي..
عبدالله بنفس الهمس هلا ياقلبي...
عبير انت مو مشاركهم بمشروعهم؟
عبدالله لا انا وين وتركي وين ؟
عبير امممممم
تركي تمشين يمه معنا.....
ام تركي وانا شسوي؟
تركي مانستغني عن وجودك يالغالية وبعدين هذازوج بنتك ذبحني كل شوي ومتصل اذا بتجي ومشاعل ماهي معك لاتجي؟
مشاعل يسلم لي قلبه...
نوف وهي تضحك لتركي يعني تعزم امك وماتعزمني!!!شفت هو يبي مرته انت ماتبيني!!
ام تركي وهي تضحك وانا كنت بروح بدونك يانوف والله رجلي على رجلك؟
نوف وهي تضحك لا خالتي عزيمتك انتي غير عن عزيمته؟
تركي وهو يضحك تدرون شلون قوموا كلكم سرينا نشوفها وبعدين نروح الاحساء,,,,
نوف لاتحاول ماتنفع ها العزيمة..عرفت قدري عندك؟
تركي بهيام متاْكدة؟
ابو تركي ها بتقلبون لنا فلم انت وبنت عمك؟يالله اذا لكم عزم قوموا من اللحين قبل المغرب,,,,,

مشعل وهو متاْلم كله منك ياوجه النحس؟
سعد وهو ماسك ظهره من الالم الله ياخذه جدي طلع عنيف واحنا ماندري؟
احمد يناظرهم بتاءثر وهو دموعه على خده ليش ضربكم العجوز؟
سعد لانه مايتقبل مزح؟
مشعل قصدك لانك حمار وخربت كل شي..
سعد انت شريك ولاتنسى نفسك...
مشعل اضطريت اصير شريك لاااكلها كلها فوق ظهري...
سعد انت بديت اول؟
مشعل لاوالله انت اللي بديت اول...
سعد من قال لك تصير مثل البنات وتزعل لان اختك تزوجت؟
مشعل وانت وش عليك اختي ولااختك؟
سعد انا مااحب كذا!!!
مشعل حتى ماقدر اسلم عليها مثل الناس يوم تجي تسلم علينا قبل تروح المطار؟
احمد وعدتني تجيب لي لعبة كبيرة؟
مشعل وانت متفرغ للالعاب...روح نادي عمتك وضحى قول لها العم مشعل يبيك تدلكينه..
احمد اقولها تضرب العجوز الشرير لانه ضربكم...
سعد لا لاتفضحنا....
احمد شلون بتاكلون هو قال انتوا محرومين اليوم من الاكل؟

بعد الساعة تسع ونص كانت طائرة نواف وياسمين وصلت لبنان ودخلوا جناحهم واستقروا....
جلس نواف بالصالة يطالع بالتلفزيون وهي دخلت ترتب اغراضها بالدولاب وتحممت ولبست لها بيجاما ستان بنفسجية برمودا وقميص مخصر بخيوط وحطت لها خلخال برجلها فضي وصبغت اظافرها بالمناكير العنابي ورفعت شعرها كله لفوق وتعطرت وطلعت,,,,
كانت عيونه على الباب اللي هي بتطلع منه مو بالتلفزيون اللي كان مشغله ويوم شافها طالعة قام يناظرها شوي وبعدين لف للتلفزيون وكانه مو مهتم لها...
دخلت المطبخ وشربت مويه ورجعت طلعت الصالة وجلست على نفس الكنبة اللي هو جالس عليها وبينهم فاصل صغير..
قال بدون مايناظرها تبين نطلع شوي نمشي؟
ياسمين بلامبالاة لا...احس اني تكسرت من المطار وماابي اطلع ابي ارتاح...
نواف وهو حاس ان ريحة عطرها قاعدة تخدره طيب نطلب لنا عشى هنا؟
ياسمين مو تغذينا؟ماله داعي العشى؟
نواف منتي جوعانة؟
ياسمين لا...
لف لها يناظرها وهو مو متحمل يشيل عيونه عنها...زمان وهو متمني ياخذها وكاهي صارت له وعنده بكل وقت..
نواف وهو يناظرها من فوقها لتحتها انا مو قايل لك قبل مااحب البنطلون؟
ياسمين وهي تناظره أي بس هاذي بيجاما؟
نواف مايشكل عندي اسمه بنطلون وانا قلت لك البنطلون بكل اشكاله مااحبه ولاهي عناد بس تلبسين شي انا قايل اني ماابيه!!!
ياسمين وهي تتاْفف طيب وش اسوي يعني ماالبس بيجامات؟
نواف لا....
ياسمين وقفت طيب بقوم ابدله وانام..
قامت تمشي للغرفة وقام وراها وطفى التلفزيون وهو يقول في باله وهذا المطلوب انك تقومين داخل واجي لك؟

اشوفكم بكرة مع رحلة بيت ابو تركي للحساء واللي بيصير فيها؟


****
***
**
*


البارت الثاني والسبعين ,,,,


قامت تدخل الغرفة وقام وراها وهو هذا اصلا اللي كان يبيه انها تقوم الغرفة وطفى التلفزيون واول ماصار وراها بغرفة النوم سكر الباب والتفت له...
ياسمين خير في شي؟
نواف سلامة قلبك...
ياسمين أي يعني ليه جاي؟
نواف وحرام اذا جيت يعني؟
ياسمين على اساس ان توك بتشاهد ولابتطلع؟
نواف وتتوقعين اني اتركك بروحك؟
ياسمين خلاص لاتطلع روح شاهد؟
نواف وانتي ليه متضايقة؟
ياسمين مو متضايقة بس ابي ابدل وانام؟
نواف وهو يناظرها ليه تحبين العناد انتي!!
ياسمين انا؟
نواف مسكها من يدها وقربها وقال وهو يناظر فيها انا مو قايل لك ماابي تلبسين بنطلون؟
ياسمين بتاْفف خلصنا من ها السالفة..اذا تسمح يعني..
نواف لاماخلصنا قلتها لك قبل وماقاعدة تطيعيني؟
ياسمين بعصبية هذا انا ببدل بس اتركني....
نواف قام يناظرها بدون مايقول شي وتوقعت هي انفجار منه لانها عصبت ورفعت صوتها....بس كان هادي...
نواف بهدوء شوفي ياسمين......
رفعت عيونها له تبي تسمع اللي بيقوله بس صار ت عيونها بعيونه وجلس يناظر فيها وبللي قاعدة تقوله عيونها وسكت هو وماقال شي...
ظلوا يناظرون بعض فترة طويلة وكانهم يقولون اللي يبونه بعيونهم وماهم قادرين ينطقون فيه قدام بعض....
ولو مادق جوال نواف ماكانوا بعدوا نظراتهم عن بعض ولافك يدها وراح يرد على الجوال وهي راحت عند النافذة تناظر الشارع قبل لاتبدل,,,,

مشوا قروب الاحساء كلهم وحتى عبدالله وعبير مشوا معهم...
في سيارة فواز...
كان فواز وجنبه تركي وابو تركي ظل جالس ورى مع ام تركي ونوف ومشاعل ومرام..
وبسيارة عبدالله وعبير كان عبدالله جالس قدام وجنبه محمد زوج حصة وحصة وعبير ورى وعبير مرة متضايقة من وجود حصة معهم بس حصة قالت الموت ولااتركها بروحها معاه اليوم ,,,,
***بسيارة فواز....
كان الجو حلو ورايق...
فواز وتركي وابو تركي يتكلمون عن المشروع اللي بيسوونه وعن اخر مشروع سواه فواز وكيف كان ناجح ومردوداته كثيرة وام تركي ومشاعل ونوف سالفتهم الوحيدة كانت عبير ومرام مستمع بس ..
ام تركي بهمس والله ان روحي طلعت اليوم من ها البنت؟
مشاعل بنفس الهمس هذا اول يوم شلون بكرة؟شبتسوي ها العربجية؟
نوف لا واذا مشت ياارض اتهدي ماعليك قدي....
ام تركي انا نفسي افهم وش اللي عجبه فيها؟؟؟حالف لي مليون مرة ماشافها بحياته بس تكلموا مع بعض مرة ولامرتين وبعدها اخذ رقمها وصاروا يسولفون مع بعض...
مشاعل وش يسولفون فيه هو مع وجهها؟ليش هاذي تعرف تسولف لو تقول شي مثل الاوادم؟
ام تركي انا متاْكدة الايام الجاية مابتكون فيها خير علينا من وجودها..
نوف لاخالتي لاتتشائمين ماتدرين بكرة وش يصير....
ام تركي باينة من اولها يانوف مايحتاج ...
مشاعل ولو عبدالله لازم يحط لها حدود تمشي معها...لعن ابو دارها هاذي مااستحت حتى من ابوي؟
ام تركي ابو ك سكت لانها توها تدخل البيت والله لو تعيدها ثاني قدامه طردها ولاشال هم شي بعد؟
مشاعل بيسوي فينا جميل لو يسويها...
نوف انتي بتتزوجين ماعليك وبتطلعين من البيت وبتجي لنا انا وخالتي؟
ام تركي انا بشتري راحة بالي وبقوله حط لها شقة بعيد عني ماابيها...كل ساعة تنزل لي وهاذي سوالفها...الله الغني عن قعدتها معي!!!
مشاعل أي بس يمه مكانه موجود بالبيت وماظني ابوي يرضى انه يطلع..وبعدين عبد الله من وين له ايجار الله والراتب اللي يستلمه وماراح يرضى ان ابوي يدفع عنه..
نوف بضحكة انتي مو بيسكنك فواز بفيلا بروحكم فيها خذيهم معك يونسونك وش رايك؟
فواز اللحين نروح نشوف الارض ولاندخل الاحساء...ماهي بعيدة نص ساعة واحنا فيها؟
ابو تركي والله مدري عليكم؟
فواز انا اقول الارض جنب الكورنيش ونشوفها الليل ومرة وحدة نقعد على الكورنيش نتعشى ونستغل الفرصة ندخل الاحساء مدام الشمس طالعة.....
***بسيارة عبدالله .
.كانت حصة هي اللي مستلمة الكلام عن كل شي وزوجها الوحيد اللي كان ساكت بس من ترفع صوتها يياْييد الموضوع حتى واذا ماهو عارفه
وعبدالله كلامه كان خفيف ونظراته كانت على عبير اللي كانت عيونها على النافذة وتحديدا بسيارة فواز...
حصة تكلم عبير كم اخت عندك ؟
عبير ليش ماشفتيهم امس؟
حصة الله وها الشوفة امس من كثر مافيهم من ذوق ماجلسوا كثير جلست معنا ذيك اللي طول الوقت بلاب توبها فرحانة فيه ...هاذي مهندسة؟
عبير بطولة بال لا
حصة اجل وش له مافارقت ها الاب توب؟
عبير ..........
حصة عندك خوات متزوجين؟
عبير عندي اخو واختين؟
حصة طيب وانتي وش تسوين بالدنيا..
عبدالله يبي يغير السالفة يعني اللحين هم وين بيروحون؟
عبير ليش ماقالوا لك بيروحون لاارض فواز اللي مشاركه فيها تركي؟
عبدالله بلى...بس ماخذين المشوار بس علشان الارض ولابينزلون الاحساء اول؟
حصة دق على اخوك اساله؟
محمد ولد حصة ابي اروح عند خالتي مشاعل ونوف ؟
عبير بسرعة روح ومنو ماسكك؟
حصة شوي شوي على ولدي ان شاءالله قاعد على قلبك وانا ماادري...كاهو قاعد بحضن ابوه ولاهو بمضايقك بشي؟
عبدالله بدفاع وهي ماقالت شي ياحصة الله يهداك هي بس قصدها اذا خاطره يروح يروح..
حصة تقولها بنفس مو بدون نفس؟
عبير دزت مسج لعبدالله(ترى انا مو جاية معك حبيبي علشان تقعد اختك وزوجها ويخنقون علينا فرحتنا!!ابي نكون انا وانت وبس وناخذ راحتنا بعدين دبرها ولا بقعد وانا متضايقة)

يتبع ,,,,

👇👇👇
تعليقات
    حجم الخط
    +
    16
    -
    تباعد السطور
    +
    2
    -