رواية بعد فرقاك بهوى غيرك وانساك -35
عبدالله:لو تغيبين عني لحظه اشتاق لك ويله الحين انزلي تكفين
مها:طيب "ونزلت للشاطئ وقعدت تتمشى مع عبدالله شوي ويسولفون ومستانسين مع بعض"
:::::::
خالد:شوق بليز خلينا نتمشى
شوق:وناصر ياخالد وين اخليه؟
خالد:نزليه معاك هالنشبه
شوق:ههههههههه حراام عليك تراه ولدك
خالد:ههههههه طيب نزليه خليه يتمشى معانا ويشم هوا
شوق:طيب"ونزلت هي ونصوري لخالد وقعدو يتمشون"
::::::::
مرام وساره قاعدين لحالهم بالصاله ومرام تحكي ساره وش سار امس لمن قعدت مع فيصل واستانست معاه
مرام تكمل:وقال لي خلااص الحين هو بينام وانا لازم انام قلتله لااا خلينا نقعد والله بدري
ساره:اشوفك طاقه الميانه معاه
مرام:يحق لي زوجي مستقبلآآ
ساره:الله يكملك بعقلك
مرام:انتي الحين ليش معصبه ولامقهوره عشان فيصل يحبني وانتي مالقيتي من يحبك"ووقفت"انا بروح عند البنات"وطلعت من الصاله"
كلام مرام دخل اعمااق قلب سااره وجرحهـ..
ساره دمعت بس على طول مسحت دمعتها الي طاحت غصب عنها ... ماتحب احد يشوف دموعهـا حتى هي نفسها ماتحب تشوف دموعهـا..وقفت ونزلت للبحر تتمشى
..
..
..
بندر راح ع البحر يتمشى .. شاف وحده من بعيد تمشي ع الرمل قرب منها دون شعور ولمن اتضح له ملامح وجهها انصدم راح لها على طول
وقال:انتي..انتي الي تبرعتي لي بدمك يوم كنا بالبحرين صح؟
ساره تضحك:وانت لسه فاكر
بندر:وكيف انسى
ساره:انت اخو سمر؟؟
بندر وهو خاق عليهـا:أي انا اخوهـا
ساره:مافيكم شبه من بعض؟
بندر بغمزه:انا احلى صح؟؟؟
ساره اكتفت بابتسامه
بندر بباله"لازم اعترفلها لازم"وقال:ساره
ساره رفعت راسها بصدمه:كيف عرفت اسمي؟
بندر:مو مهم كيف عرفت اسمك المهم اني بعترف لك بشي مهم
ساره بخوف:شنو هالشي؟؟؟
بندر:ساره..انا..انا..انا احبك و...."ماقدر يكمل كلامه"..
ساره غمضت عيونها ومو عارفه شفيهـا بالظبط هاللحظه ولا وش احساسهـاا .. (فرحانه)..(تحلم)..(مصدقه ومو مصدقه)..
ناظرت بندر وقالت دون شعور:وانا بعد"وراحت تركض لداخل الشاليه وبندر يتبعهـا بنظره وقال في باله"وشلون قلتهـا وشلوون..ياربي انا وش سويت؟؟الحين وش بتقول عني بتقول هذا واحد غبي..لااااااا يامعود مابتقول كذا لأنهـا هي بعد تحبك..تحبك يابندر..ساره تحبك وانت تحبهـا..لاازم اخطبهـا ونتزوج..حرام حبنا يضيع كــذا"..
..
..
..
(ساره)
مو عارفه وين تروح ولاااا وش تسوي تحس انها ملخبطه فكريـآآ وجسديـآآ كلمة بندر قلبت حالها فوق تحت..راحت تجري وأول شي قابلهـا دخلته وكان المطبخ..مدت ايدهـا للدولاب واخذت كاسه وصبت لها مويه وقعدت ع الكرسي اخذت نفس وشربت المويه وبعد ماحطت الكاسه ع الطاوله قعدت تفكر"معقووله..بندر يحبني..يحبني اناا..وانا الي كنت اتمنى نظره منه بس..والحين قالي كلمه كل بنت تتمنى تسمعهـا من حبيبهـا..ياقلبي يابندر وربي اني احبك"..
مرام دخلت المطبخ وشافتهـا سرحـانه:سوير
ساره:.............
مرام:هييييييي ساااره وين وصلتي؟
ساره التفتت لهـا وهي مبتسمه ماتدري ليش مبتسمه:هلاا ياقلبي آمري؟
مرام باستغراب:اسلوب جديد هذا..شعندك اعترفي؟؟
ساره:ماعندي شي انا من يومي اسلوبي كذا بس انتوو دايما تظلموني
مرام:طيب اسمعي البنات الحين بينزلون للمسبح تعالي اسبحي ويانا
ساره:طيب بشوف
خرجت مرام من المطبخ وبعد ثواني رجعت:يؤؤؤؤؤ نسيت المويه الي تبيها جدتي"اخذت قارورة المويه من الثلاجه وخرجت من المطبخ وراحت للصاله..وهناااااااااااك"
الجده:وراك تأخرتي؟
مرام:كنت اكلم ساره
ام محمد:ليش وينهـا ساره ماشفتها اليوم كلش؟
مرام:في المطبخ
ام محمد:وليش ماتجي تقعد معانا روحي نادي اختك
مرام قعدت بتعب:توني راجعه يمه مافيني حيل اقوم مره ثانيه"وتنادي"ديمـا ياديماااااااا
ديما جات عندهـا:نعم؟
مرام:روحي الله يسعدكي نادي ساره من المطبخ
ديما:طيب يله تعالو بنات"وراحت للمطبخ هي والشله الي وراها اخوات هاني واخت بندر الصغيره وسدو وجنوو"
وبعد دقايق استعدو البنات ونزلو للبحر يسبحون واستانسوو حيل ويطشون على بعض ومره كان جوهم فللللللله
..
..
..
عند الشباب
بندر رجع لهم جسد بدون روح روحه كلهـا مع ساره
هاني يناظر من الشباك الي يطل ع البحر:شبااب تعالو شوفو البنات يسبحون"طبعــآآ من بعييد يشوفهم مو باينه اشكالهم ولا اجسامهم بس باين انهم بالبحر"..
فيصل جا يناظر معاه ويدور بعيونه ع مرام بس ماقدر يميزهـا كلهم جنب بعض بالبحر:يله نروح ننكد عليهم
الكل الا بندر:يــــــــلـــــــه
فيصل:بندر شفيك مارديت ولاااا ماتبي تفلهـا معانـا؟؟
بندر:.............
فيصل:لاااااااااا الولد ابد مو معانا
هاني راح ودفه وطااح بندر من الكنب ووصل للكنبه الثانيه من ضربة هااني والشباب ماتو ضحك
بندر صحى من خياله:وجججججع ماتضحك عورتني بظهري جعل ايدك تتكسر ياهانيوو
هاني:هههههههههههههه وربي شكلك تحفه وانت طااير؟
خالد:حلوه طااير .. ليش حمامه واحنا ماندري؟
محد ضحك وخالد لقط وجهه"تفشل"
خالد بفشله:لهالدرجه ماتضحك الجمله ولاحتى ابتسامه مجامله
عبدالله:حاولت اجاملك بس ماقدرت اضحك دمك ثقيل ياخي
خالد من الفشله مو عارف ايش يسوي قام مسوي انه بيضرب عبدالله
عبدالله بيقهره:منحرج ماتنلااام
خالد:عبيد وججججع
فيصل:خلااص يكفي مشاكل امشو ننزل نسوي الي قلنا عليه
محمد:انا مو ناااازل بروح اتمشى ويا مرتي وبسبح معاهـا ..
هاني وفيصل وبندر وسلطان ناظروه بقهر
محمد:بياكلوني بعيووني يااخي محد قالكم لاتتزوجون انا بخطب لكم ولاتزعلوو
فيصل في باله"انا سهل عليك تخطب لي يامحمد لأن الي في بالي اختك"...
ونزلوو للبحـر بس ماقربوو من البنات مرهـ يسبحون بعيد عنهم بحيث انهم مايشوفو اشكالهم واجسامهم..
..
..
..
ساره وسمر يطشون ع مرام بالمويه
مرام:لحظه بنات وقفوو..
البنات:وش فيك؟
مرام وهي تـأشـر بأيدهـا:مو كــأن هذولا عيالنا الي يسبحون هنااك
البنات دققو فيهم وطلعو هما على طوول طلعو من البحر وراحو يجرون للشاليه ولبسو ملابسهم وقعدو بالصاله
بندر:شفيهم البنات راحو يركضون ؟؟
خالد:خايفين منكم
فيصل:ليش انت مو معانا؟
خالد:الا انا معاكم بس انا متزوج يعني ماراح اطالع أي بنت غير شووشووووو حبيبتي
..
..
..
(في الصاله)
سمر:وربي مالهم داعي ينزلون للبحر لمن احنا نسبح وش معناهـا يعني بالغصب ينكدون علينا ونطلع من البحر
جود:مالت عليهم مايستحون
مرام راحت تناظر من الشبااك وعينهـا على فيصل..فيصل وبس..
..
..
..
فيصل نااظر للشباك وكـأنو حس ان حبيبته تناظره من هالشباك وجات عينه بعين مرام وابتسم لهـا وهي ابتسمت له وقعد يرسم لهـا ع الهواا بأيدهـ قلوب وحروف وحركتـآآت ومرام مبسوطه عليه
..
..
..
البنات كلهم مشغولات بالسوالف ولا أنتبهو لهـا الا لينـا الي لاحظت ابتسامة مرام وقامت بتشوف هي ليش تبتسم وقفت ورا مرام بحيث ماتلاحظهـا مرام وليناا انجرحت بلي شافته ..
فيصل ومرام يكلمون بعض عن طريق الشباك..مو هذي المصيبه..المصيبه انهم يبتسمون لبعض وباين في عيونهم الحب
لينـا رجعت على وراب صدمه ولفت ع الباب وطلعت من الصاله بدون لاأحد يحس فيهـا وراحت لغرفة نومهم وسكرت الباب وراهــآ
يــآمــآ حـآولت الفرآق ولكن ماقويت
قلت ابي انسـآآهـ لكن مانسيت
مـآعصـآني قلبي بعمرهـ ولكن
الأكـيـد اني أنـا الي ماأشتهيت
قعدت ع السرير وهي تناظر الفراغ واتجمعت بعيونهـا الدموع
بهاللحظه تذكرت كلاام مشاري-الله يرحمه-لمن كان يقولهـا
"ليناا لازم تعرفي ان فيصل يحب مرام مايحبك..مايحبك يالينـا..لينا أبفهم ليش تعامليني بهالقسوه انا وش سويت لك..المفروض انك تبادليني الحب يالينا لأني انا بجد احبك مو مثل فيصل الي تحبينه وهو مو حااس فيك ولا فـ حبكـ..افهمي يالينا ارجوك افهميني"..
لينا مسحت دمعه نزلت غصب عنهـا وهي تقول بصوت خافت:الحين عرفت معنى كلامك يامشاري..الله يرحمك يامشاري الله يرحمك كل كلمه كنت تقولها لي صح..توي عرفت قيمة حبك يامشاري..ليتني حبيتك وانت حي..انا فعلآآ ماأستـاهل حبك..ماأستاهله يامشاري ماأستـاهل قلبك والله ماأستـاهله"
حطت ايدينهـا ع وجههـا وقعدت تبكي وهي تداري دموعهـا
..
..
..
هـاني جا جنب فيصل وملاحظه من أول يسوي حركات بايدينه ع الهوا ومستغرب من حركـآت فيصل توقع انه انجن ويكلم روحه
هـآني:وش تسوي انت هنـآ؟
فيصل لف على هاني وخاف انه يشوف مرام أو يلمحهـا وهو يغار عليهـا حتى من نسمة الهوا دف هـاني بعيد عنه وراح جنب هـآني وهو يقول:يويلك تروح لذآك المكان مره ثانيه..
هـاني باستغراب:ليه وش فيه هناك؟
فيصل:مرام واقفه عند الشبـآك وماأبيك تشوفهـا ولا حتى تلمحهـا
هـآني ضحك وفيصل سـأله:وش يضحكك؟؟
هـآني:اضحك لأنك تفكر فيني هالتفكير انا عندي سمر وماليه عيني حبيبي ومستحيل اطالع في غيرهــــــــــآ أي كـآآآآآآن
..
..
..
"اليوم الثـالث .. بالشاليه"
تقريبـآآ كان نفس اليوم الي قبله صحيوو كلهم وفطرو وبعدهـآ نزلو البنات يسبحون ويتمشون ع الشاطئ بمـا انه اخر يوم لهم بالشاليه
اما الشباب يلعبون كوره ع الرمـل
ولينـا حاقـــــــدهـ ع مرام
..
..
..
"عند الحريم"
الجده:هالبنات مانشوفهم يقعدون معانـا ابد
ام هـآني:الحين البنات ياعمه مايبون يقعدون ابد بس يبون يفرفرون من مكـآن لمكـآن
ام علي:أي والله بنات الحين مو مثل بنات قبل
ام محمد:والله انك صـآدقـه يـاأم علي أول احنـا كنـا نستحي مانطلع لمكـآن دون أمهـاتنـا اما الحين يطلعون السوق بروحهم والمجمعـات وكل مـكــآآن بروحهم
ام سلطان:بناتنـا ماينخـاف عليهم ياأم محمد..ماشـاءلله منتبهات لأنفسهم اكثر من انتباهنـا لهم
الجدهـ:ولو الشيطـآن شـآطـر
..
..
..
ابومشـاري قام بيقول للشبـاب يتجهزون شـافهم يلعبون كوره ومستانسين .. تذكــر ولدهـ-الله يرحمه-وقال في باله"ليتك معاهم يامشاري وأشوفك تلعب معاهم وتستاانس..ااه ياولدي وربي فقدتك يامشـاري"..
حــآول يمسك نفسه قدامهم وقرب منهم
سلطـان:آمـــر ياعم
ابومشاري بابتسامه لسلطان الي يشوف فيه ولدهـ:مايـآمر عليك ظالم ياولدي بس بقولكم جهزو اغراضكم عشان بنمشى بعد ساعه
محمد:جهزنـاهـا من الصبح تطمن ياعم
ابومشـاري:الله يرضـى عليكم قولو للحريم يجهزون
خـالـد:ولايهمك بنقولهم الحين
ابومشاري:لاتنسون"ورجع عند الرجال"
وبـعـد سـاعهـ الكل جهز ونزلو شناطـهـم للسيارات واستعدو للرجعه
مرام نست شنطتهـا بغرفة نومهم راحت ركض وطلعت للغرفه وقابلت لينـا واقفه وتسكر ازارير عباتهـا وشنطتهـا جنبهـا
مرام:انتي لسه هنا؟
لينـا ناظرت مرام وماتكلمت
مرام راحت للدولاب وفتحته واخذت شنطتهـا الصغيره منه وسكرت الدولاب وجات بتطلع وقفتهـا كلمة لينـا
لينـا:مرام اكيد انك مرتاحه الحين
مرام لفت ع لينا باستغراب من سؤالهـا:الحمدالله مرتاحه .. بس وش تقصدين؟؟
لينـا:ماأقصد شي سلامتك
مرام:الله يسلمك.."وقبل لاتطلع لفت عليهـا وقالت"لاتتأخرين ينتظرك ابوك تحت"وطلعت من الغرفه"
ولينا طلعت وراهـا وودهـا لو تذبحهـا مع ان مرام ماسوت لها شي بس من الحب ماقتل كثر ماتحب فيصل ودهـا تذبح أي وحده تقرب منهـ
كلهم ركبو السيارات وحركوو ع بيوتهم وكل واحد فيهم يودع بالشاليه الذكريات الي صـآآرت فيهـ
..
..
..
انتهى الباارت
توقعااتكم للبارت الأخير
^أميرة الشوق^
**الجــزء الخمسووون**
(آخــــــــــر جــــــــزء)
"في دبي"
نـايف وملاك قاعدين بالصاله يسولفون
نـايف:ملوكه جهزتي كل اغراضنـا لأن اليوم راجعين للدمـام
ملاك:أيوه حبيبي جهزت كل اغراضنـا تطمن مانسيت شي
نـايف:حلوو اسمعي بعد ربع ساعه بنروح للمطـآر
ملاك بفرحه:اووك يالله قد ايش اشتقت لأهلي
نايف بحب:تشتاق لك العافيه قلبو
ملاك راحت قعدت جنبه وحطت راسهـا ع صدرهـ:نـايف انت استانست معاي بدبي؟
نايف حط ايده ورا ظهـرهـا:اكييد استانست معاك بدبي وبالدمام وفي كل مكان بالعالم دامي معاك اعرفي اني مستانس
ملاك:الله لايحرمني منك ياأحلى نايف
نايف:ولايحرمني منك ياأحلى ملوكه
..
..
..
رجعوو للسعوديه ارض الخير بعد 4 ساعات تقريبـآآ وهم مشتاقين لهالأرض ولأهلهـا..وراحوو يسلمو ع اهلهم وبعدهـا رجعو لبيتهم وبعد مارتبو اغراضهم الي في الشناط نامووووووو
..
..
..
بــــــــــعــــــــد ســــــــــــنـــــــــــه
فيصل خطب مرام وسلطان خطب جود وسوو ملكتهم مع بعض وكانو كلهم مستانسين وطالعين احلى عرساان بكشختهم
وبعد كم شهر سوو العرس بس مو مع بعض فيصل ومرام سو عرسهم وبعدهم بشهر سلطان وجود كان عرسهـم
..
..
..
في عرس مرام وفيصل كان الكل مبسوط الا وحدهـ
[لــــــــيــــــــنـــــــــــــــــا]
خلاص تشافيت من عذاب الليالي ودعت المـاضي وكل اللي راح
خلاص نسيت اللي كان غـالي ونسيت بعد اسمه من كثر الجراح
خلاص أنا اليوم عايش لحــالي والحب القديم من قـلبي انـزاح
ماكنت أتوقع أشيلـه من بـالي بس يوم شلته لقيت اني مـرتاح
..ابشرررررركم لينـا قدرت تنسى فيصل وتكمل حياتهـا دون التفكير بفيصل..
ولكن يوم زواج فيصل ومرام ووقت الزفه لمن شافتهم يمشون جنب بعض حست انهـا بتدوخ..هي صح نسيته لكن الحبيب الأول اكيد يكون بأعمااق القلب ومهما حاولت تزيحه ماينزاح لكن تقريبـآآ نزلته من قلبهـا وتحاول ماتفكر فيه قد ماتقدر
وكانت لابسه فستان اسود مافيه ولاتطريز ومسويه تسريحه عاديه ومكياج خفيف جدآ..
ملاك دقت لينـا الي كانت واقفه جنبهـا:قوليها
لينا:وش اقول؟
ملاك:قولي مبروك لفيصل ومرام
لينا:مبروك لهم الله يسعدهم يارب
ملاك وهي تناظرهـا:من قلب؟
لينا:ايوه
ملاك:اكييد
لينا بابتسامه:اكييد
"وراحوو الحريم يسلمون ع العرسـان ويباركون لهم والبنات كذلـك"
لينا كانت اخر وحده وسلمت على مرام وعلى وجهها نص ابتسامه:مبروك يامرام الله يوفقكم ياارب
مرام بفرحه:الله يبارك فيك عقبالك يارب
لينا وهي تناظر فيصل وتقول في بالهـا"ماظنتي يدخل قلبي بعد فيصل"وقالت مجامله:امين يارب
"ومدت ايدهـا لفيصل وهو مد ايده لهـا ولينـا قالت"
ناظرته بنظره مكسوره وقالت والعبره خنقتهـا:الف مبروك يافيصل
فيصل بابتسامه تذبح:الله يبارك فيك عقبالك يارب
لينا ماقدرت تتكلم لأن الدموع تجمعت في عيونهـا
فيصل ناظرهـا باستغراب وهو يشوف الدموع تتجمع في عيونهـا
تركت ايدهـ وطلعت برا القاعه كلهـا وراحت للمغـاسـل وقعدت تمسح دموعها الي تنزل غصب عنهـا
لينا في بالهـا"خلااص الولد تزوج انا لازم انسـآهـ .. وهالمره بجد بنساك .. بنساك يافيصل وللأبـد"مسحت دموعهـا ورجعت للقاعه
..
..
..
وزواج سلطان وجود كاان رووعه والكل فرح لهم ..
بس العريس حـآآس بحزن لأن رفيق عمره(مشاري)مو معاه بفرحته..فرحته ماكملت بعرسه
..
..
..
وبعد شهرين بندر خطب ساره والكل فرح لهم وساره طارت من الفرحه وكل يوم تنزل السوق تجهز لعرسهـا
:::::::::::::::::::::::::::::::::::::::::::::::::: :::::::::::::::::
"محمد وريناد الله رزقهم بولد وسموه"سـامي"
"خالد وشوق جاتهم بنوته تهبل وسموهـا"دانه"وولدهم ناصر سار عمره"5 سنين"ودخلوه روضهـ"
"مها طلعت حامل بتوأم وعبدالله طاير من الفرحه والحين هي بالشهر السـآبعـ"
"ومرام بعد طلعت حـآآمـل بعد 3 شهور من زواجهـا بفيصل وفرحوو فرحه لاتوصف"
"نايف وملاك سار عندهم 3 اطفال بنتين وولد وسموهم..الولد"عزوز"والبنات"زينه+حنين"
:::::::::::::::::::::::::::::::::::::::::::::::::: ::::::::::::::
مو كل من يضحك فرحاان
ومو كل من يبكي زعلاان
ومو كل من يبتسم راايق
ومو كل من يعبس بوجهه متضاايق
ولكل شكل من اشكاال الأنســان اقوول..
"الحزن دوله لايعيش فيها سوى الدمووع"^
^
^
من كتاباتي(أميرة الشوق)
//
//
//
جود بعد شهرين من زواجهـا بسلطان حملت..وكانت بالشهـر الرابع..وهي وسلطان كانو قاعدين بالصـآله
سلطان:جود تعالي اقعدي جنبي
جود وقفت وعلى وجهها ابتسامه عريضه:طيب"وقعدت جنبه وهو حط ايده ع بطنهـا وقال"وش تتمنين يكون ولد ولا بنت؟
جود:أي شي
سلطان:جود لو بنت وش ودك نسميهـا؟
جود:لو بنت بسميهـا ريمـاس
سلطان يكلم نفسه:ريماس سلطان الـعالي..تصدقين حلو اسم ريماس لايق
جود:طيب لو ولد انت سميه..وش ودك نسميه؟
سلطان وهو ينـآظـر الفراغ:لو ولد بسميه مشاري على اسم الغالي مشاري-الله يرحمه-
جود وهي حـآسـه فيه بدون أي معـآرضـه وافقت
:::::::::::::::::::::::::::::::::::::::::::::::::: ::::::::::
وهـآني خطب سمر وكان زواجه هو وبندر بيوم واحـد
والكل حضـر والكل استاانس
:::::::::::::::::::::::::::::::::::::::::::::::::: :::::::::
[بـــعـــد سنتين]
ساره وبندر رزقهم الله بولد وسموهـ"ضـاري"
وسمر وهـاني الله رزقهم ببنت وسموهـا"رزان"
وقررو يزوجونهم بعض لمن يكبروو خخخخ
:::::::::::::::::::::::::::::::::::::::::::::::::: :::::
ديمـا ونواف ومشعـل وأشواق(اخت هاني)سارو بالثانويه
ومشعل خطب ديمـا ونواف قلبه انكسر وراح بدون تردد خطب اخت هاني اشواق عشان ينسى ديمـا"<<مو ملاحظين ان التاريخ يعيد نفسه يعني ديما اخت لينا تحب مشعل اخو فيصل ونواف اخو مشاري يحبهـا لكن مشعل مع الأيـام بادل ديما الشعور وحبهـا وتزوجهـا اما نواف ماقعد على ذكرى ديمـا راح وتزوج اشواق عشان ينسى الماضي وينسى حبه لديمـا ومع الأيـام بدأ يحب اشواق وشاف فيهـا القلب الطيب الحنوون الي يموت فيه ويخاف عليه"
:::::::::::::::::::::::::::::::::::::::::::::::::: ::::::::::::::::::::::::
جنى وسديم وليان ولمى سارو بالمتوسط
وبعد انتهـاء الدوام المدرسي نزلوو للشارع ينتظرون سياراتهـم
سديم:يله بااي بنات اخوي جاا ياخذني"وراحت لمشعل اخوهـا الي صار عنده سياره "هـمـر"طبعـآآ ومعاه ديما بالسياره وصلو سديم للبيت وهم راحو لبيتهم"
وهـاني جا واخذ خواته ووصلهم للبيت
بقت جنى ومعـاهـا صديقتهـا رنده
رنده:وش فيه تأخـر اخوك؟
جنى:الله يرجه الشمس حرقتني امشي ندخل للمدرسه وبعد شوي نطلع نشوف اذا جا أو لااء وعلى فكره اليوم انا بوصلك
رنده:اوكي حبيبتي اصلن بيتي قريب من بيتك
:::::::::::::::::::::::::::::::::::::::::::::::::: ::::::::::::::::::
بعد اسبوع جيران ابوسلطان زاروهـم وخطبو لينـا لولدهـم احمد"وعمره 25 سنه ويشتغل ممرض بمستشفى خـآص"
ولينـا وافقت دون تردد لأنهـا تبي تنسى فيصل بأي طريقه
ومع الأيـام راح تتقرب من احمد واكيد بتحبه وبتنسى حبهـا القديم
وفعلآآ بعـد الزواج عجبها طبع احمد واسلوبه انسان قوي الشخصيه وبنفس الوقت طيووب ومملوح وش احسن من كـذا
احمـد:لينا حبيبتي
لينا جات لعنده:هلاا حبيبي آمـر
"احمد بحب وهو خـآق على شكلهـا وهي لابسه برمودا جينز مخصره على جسمهـا وبلوزه لونهـا اسود وباينه بطنهـا وشعرهـا مرفوع على فوق وحاطه فيونكه ع الجنب لونهـا اسود"
احمد بخقه وقف وراح ضمهـا:ها حبيبتي جهزتي ولا باقي؟
لينا:الا ياقلبي جهزت بس بغير بلوزتي وبلبس عباتي
احمـد:طيب ياعمري بسرعه روحي بدلي عشان نلحق ع المطعم قبل يقفل..<<وكانت الساعه 12 الليل وقررو يتعشون بمطعم"
:::::::::::::::::::::::::::::::::::::::::::::::::: ::::::::::::::
الجدهـ سارت طريحة الفراش لأنهـا كبرت حييل وماعاد تقدر توقف .. ولمن تجمعو عندهـا عيالهـا واحفادهـا واحفـاد عيالهـا
حست بفرحه وهي تشوفهم وقالت في بالهـا"ليتك معـاي يأبو مساعد وتشوف عيالك واحفادك وعيال احفادك وشلون كبرو وتغيرو"..
عبدالله سلم ع راس جدته وهو شايل ولده ومها شايله التوأم الثاني بنتهم وعبدالله قال
عبدالله:كيفك ياجده عساك بخير
الجده بتعب:بخير ياولدي كيفك انت ومرتك وكيف عيالكم عساكم بخير
مها:كلنا بخير ياجدهـ
:::::::::::::::::::::::::::::::::::::::::::::::::: ::::::::::::::::
بعد 6 شهوور مشـآري صـآر عمرهـ 3 سنين
وسلطـان مستانس عليه وفيه شبه كبير من مشـاري-الله يرحمه-
سلطان وهو قاعد ع الكنب:ميشوو حبيبي تعال بلعب معاك اليوم مره مالعبت معـاك
مشـاري يمشي بشويش خايف يطيح لأن توه تعلم المشي وقرب من سلطان وارتمى بحضن ابوهـ وسلطان ضمه بقوه وهو يقوله:يااقلب ابوك انت يله امش نلعب
"جود طلت من الباب واستانست ع منظر سلطان وولدهـ"
:::::::::::::::::::::::::::::::::::::::::::::::::: :::::::::::::::
فيصل ينـآدي مرام:مرام وين روابي(بنتهم)"وسار عمرهـا سنتين"
مرام:باقي نايمه
فيصل وقف:بروح اقومهـا
مرام:ليش حرام اتركهـا نايمه لاتنكد عليهـا
فيصل:مشتااق لهـا يومين مالعبت معـاهـآ
ولمن مشى بيروح لغرفة نومهم سحبته مرام من ايدهـ
وهو لف عليها مستغرب:وش فيك حياتي؟
مرام:وانـاا؟
فيصل:شنو انتي؟
مرام:مو مشتااق لي
فيصل ضمهـا:اكيد مشتاق لك وبعدين انتي تغارين من بنتك على ابوهـا؟
مرام:اغار عليك حتى من نفسكـ
فيصل:عساني فدا لعيونك ياقلبي
مرام ابتسمت وفيصل وطى وشالهـا من رجولهـا وهو يقول:الحين بنقوم رورو عشـان بنروح نتمشى شوي"ومرام تضحك وقوموو بنتهم من نومهـا ولبسوهـا وطلعو يتمشون"
وهم في السيـارهـ فيصل قـال:تصدقين يامرام قبل لاأتزوجكـ امي كانت بتخطب لي وحده ثانيه بنت صديقتها وماكانت تدري اني احبكـ
مرام:ساعتها وش كان بيصير فيك؟
فيصل:يمكن اموت
مرام:بسم الله عليكـ
فيصل:تخافين علي
مرام:اكييد اذا ماخفت عليك اخاف على منو
فيصل:ياقلبي انتي"وكل ماتذكر هذاك الموقف لمن امه فكرت تخطب له بنت صديقتها وهو يقول في باله"حسبت اني بعد فرقـآكـ يامرام راح اهوى غصب وانسـآكـ"
..
..
..
والـــــــكـــــل عـــــــآآش بسـعــــــــــــآآآآآآآدهــ..
..
..
ملحوظهـ//موقف انه ام فيصل كانت بتخطب له بنت صديقتها صح انا ماذكرته في الروايه بس هو موجود فعلآآ بالوآقعـ"
انتهـــــــــــــــــــــــــــــــــت الروآيـــــــــــــــــــــــــــهــــــ(كلمه اخيره)
اول شي احب اشكر بنت عمي وتوأم روحي(أميرة الأحسـاس)طبعـآآ هي اكثرر وحده ساعدتني بالروايه ودعمتني نفسيـآآ ومعنويـآآ واقولهـا شكرآ على كل شي سويتيه بالروايه عشـآني..واقولهـا بعد لولاكي ماكـآن نجحت هالروايه..
ثـآني شي احب اشكر كل من تابعني وتحمس مع احداث الروايه والي تابعوني من خلف الكواليس والي سجلو عشان الروايه ومتاابعيني اكييييد اشكركم من اعماق قلبي واقولكم مشكورين ماتقصرون فديتكم وخصوصـآآ"معزوفتي انت"لأنهـا بصرآحهـ اكثر وحده كانت تشجعني اني اكملهـا بعد ماانقفلت الروايه وقفت معي وشجعتني وساعدتني..
ثـالث شي بقولكم إيـآهـ ان الروايه من نسج الخيـال والأحداث من خيالي
ولكن في بعض الشخصيـآت حقيقيه..
وهم..
(فيصل)..(لينا)..(مرام)..(مشـاري)..(سلطان)..(ابومحمد وعياله)
فيصل ومشاري وسلطان اولاد عمي وترا اشكالهم نفس ماوصفتهـا وشخصيتهم بعد نفس ماوصفتهـا ولو اقدر انزل لكم صورهم الحقيقه كان نزلتهـا تشوفونهم بس مقدر اخـآف يزعلون ومشاري ولد عمي قبل سنه مـات وكلنـا تأثرنـا وحزننـا ع فرقـاه ولكن اكثر واحد تـأثـر سلطان ولد عمي لأنه كان حييل قريب منه وانا الى الآن كل ماأشوف سلطان وربي اتذكر مشاري-الله يرحمه-
ومرام ولينـا بنات عمي بعد
وابومحمد عمي الله يخليه لي ياارب ويطول بعمرهـ
والقصتين الحقيقه والي احداثهـا من الواقـع
[قصة شوق وخالد حقيقيه وخالد ولد عمي وشوق زوجته احبهـا اموت فيهـا قد ايش طيوبه هالبنت وحبوبه]
[والقصه الثـانيه الواقعيه قصة مرام ولينا وفيصل وكل عايلتنا ملاحظه الحب الي بين فيصل ومرام والحين هم متزوجين .. ولينا الحين متزوجه من دكتور بس مو اسمه احمد مثل ماقلت]
اشكررررررررركم مره ثاانيه ياأحلى متابعين وأحلى اعضـآء بـأحلى منتدى(غرام)..واشكر اميرة الأحسـاس للمره الألف
فدددددددددديتكم كلكم
تابعوني بروايتي الثـانيه بعنوان(والله لو على رقبتي..غيري ماتركتهـ لكـ)وقريب انشـاءلله بس يمكن ماأنزلهـا بغرام مو لسبب معين بس ابي انوع بعدة منتديات
برواياتي بس بتلقونهـآ بقوقل قريب انشـآءلله<<احفظوو اسمهـآ لاتنسونهـ
ممم وش بعد اي صح اذا تـأخرت عليكم بتنزيل البارتات بيوم من الايام سـآمحوني بس اكيد انهـآ ظروف
//
//
//
انتظروووووووووووووني بروايتي الجديدهـ
احبببببببببببببببببببببببببببكم
^أميرة الشوق^
تجميع زهور حسين
اللهم لك الحمد حتى ترضى وإذا رضيت وبعد الرضى ,,, اضف تعليقك