رواية كل يوم لك حال جديد يوم قريب ويوم بعيد -40
في بيت ابو تركي...
بالمطبخ تحديدا..
حصة انتي دخلي ماعليك..
ام تركي وش بتسوين معها ؟
حصة انتي ماعليك..
ام تركي حصة اعقلي علشان اخوك؟
حصة باخذها لعند جدتي...مو مسوية شي ولو انها تستاهل الذبح ها المطيورة؟
الشغالة من وراهم يجي ماما عبير..
حصة خلاص انتي خلك بالمطبخ الخارجي علشان لو سئلت عنك بقول انك موهنا...
طلعت حصة وكانت عبير تتجول بالصالة وتناظر بالتحف والصور اللي موجودين..
حصة هلا..
لفت لها عبير هلا حصة...
حصة اسمي ام محمد..
عبير وانا اقول بصغرك وبخليك شباب وبناديك باسمك؟
حصة بحدة صغيرة وشباب مااحتاج شهادتك!!!انا اقول خبري بالبنت اذا انخطبت تستحي من ذاك الرجال وتذوب من اهله مايسمعون حتى صوتها بس شكله الوضع تغير؟
عبري لامازال موجود عند بعض الناس بس اذا كانت تحبه وهو يحبهامايحطون لبعض حواجز,,,
حصة انتي ماتستحين كل كلمتين وقلتي تحبه ويحبها؟؟؟لو سمعك ابوي شبتقولين له وشلون بتفسرين كلمتك؟
عبير عادي بقوله ولدك يحبني!!!وبعدين ليش خطبني لو ماكان يعرفني!!
حصة اقول عبير عسى بس مو مرتبطة بمشاوير وبتطلعين؟
عبير لاابدا مفرغة نفسي لكم ولااكتشافكم...
حصة قلتيلي....معناته مشينا؟
عبير على وين؟
حصة باخذك بيت جدي ...علشان تسلمين عليه وعلى جدتي وعلى خالي خالد وزوجته وخالتي ام مشعل...مو هاذي الاصول...
عبير أي...بس ليش هم مايجون هنا ؟
حصة ولو تظل لجدتي احترامها وهيبتها ولازم الافراد الجديدة للعايلة تتعنى لها وتقوم بالواجب..
عبير عدل كلامك..يالله مشينا..
حصة وهي تلبس عبايتها يالله...الا مابتقولين لعبدالله وتاخذين منه الاذن؟
عبير بانحراج ها.....أي قلت بدق له وانا بالسيارة؟
حصة يمديك دقي له اللحين قبل نطلع..
طلعت عبير جوالها ودقت على عبدالله وقالت بسرعة... هلا عبدالله...هلا شلونك...بقولك انا رايحة مع حصة لبيت جدك طيب....بتمرني...لالاانا عندها...اي في بيتكم يالله بعدين اكلمك واقولك السالفة؟
حصة بحدة شكله اصلا مايدري انك جاية هنا البيت؟
عبير بلامبالاة أي تدرين هو بالدوام.....
حصة اول مرة اشوف وحدة تجي بيت خطيبها وهو مو هناك؟
عبير بثقة هذا لاني موجاية له جاية لكم انتوا علشان اتعرف عليكم انتوا!!
نورة في السيارة مشاعلوا درينا يحبك بس مو كذا عاد كل شوي واتصل فيك وسئلك وينك فيه؟
نوف نورة انقهرت فارس مااتصل فيها؟
نورة بضحكة وش قصدك غيرانة منها؟
نوف وهي تضحك شكلك كذا....
مشاعل يالله ابي هدوء تام ولانفس..
نورة مااقدر انا على الناس الرايقة....والله مايدري عن الخافي المستور؟
نوف من قال لك مايدري...بس مصبر نفسه وعلى الله الاجر؟
مشاعل قلبي وجهك انتي معها...يالله ولاصوت...
هلا حبيبي...
فواز هلا....
مشاعل ها...
فواز وينك؟
مشاعل بقطر؟
فواز وين؟
مشاعل مدري عنك؟قبل شوي متصل فيني وقايلة لك اني بمنطقة اسمها سيهات...قريب القطيف...
فواز وليه رايحة هناك....
مشاعل نوف جاية لمصممة ازياء هنا و مفصلة لها ثوب العرس....معنا قريبتها بالجامعة وثيابها يهبلون؟
فواز وكل امورك تمام..
مشاعل ماشي حالي...
فواز طيب ومافي شي لفت انتباهك؟
مشاعل وين بالضبط؟
فواز قولي بلالف ودوران؟
مشاعل في سيارة مرسديس تمشي ورانا وين مارحنا اذا هذا اللي تبي توصل له؟
فواز يعني شفتيها؟
مشاعل شسالفتها؟
فواز لالاتخافين هذا انا حاطه يمشي وراك وين مارحتي؟
مشاعل طب ليه؟؟
فواز زوجتي وماابي ااخليك تمشين بالشوارع بروحك...افرضي تعرضوا لكم شباب وش بتسوون ذيك اللحظة وانتوا بروحكم؟
مشاعل مااقنعني كلامك..حاسة في شي صاير بينك وبين راشد صح؟
فواز في....واعتبري ها الحارس نوع من الاحتياط....
مشاعل كبرانه بينكم حييل؟
فواز لاحبيبي ماصاير شي بس انا افضل بها الفترة وطالما انك بتكثرين من طلعة الاسواق ان تكون لي عين معك....يضايقك ها الشي؟
مشاعل اذا انت يريحك ها الشي اكيد ماراح يضايقني...
فواز طيب حبيبي اتركك اللحين وبعدين ادق لك...
العصر في بيت الجد...
حصة اكرمك الله ياخالتي....
ام مشعل حياكم الله بكل وقت ....
الجدة وهي تتفحص عبير انتي من أي قبيلة؟
عبير أي قبيلة ليش انا عايشة بالبر وبين الخيام؟؟؟انا من بيت الفالح؟
الجدة منهم خوالك.....
ام مشعل بهمس لحصة اللحين مابتعتق البنت وبتخليها تحرم تطب هنا مرة ثانية؟
حصة بشماتة انا اليوم موكلة المهمة لجدتي تطلع عيونها...لعنبو دارها امس مارحمتنا ولاتركتنا بحالنا...هذا وتوها داخلة توها اول يوم؟
ام مشعل الله يعين قلبك يااختي ياام تركي...مسكينة شكلها ماتبيها بس لو ماغلاة عبدالله واصراره عليها...
حصة صبري عليها اذا شافها تركي ولاابوي وهي بها الحالة ولا الشيانة هاذي مالها مكان بالبيت مابيتركونها..
ام مشعل الله يستر عليها ويهديها ان شاءالله...
الجدة ابوك وين يشتغل؟
عبير بدون نفس وانتي بتناسبينه؟مالك ومال ابوي؟؟
حصة بحدة تكلمي عدل مع جدتي يابنت...هاذي تاج راسك انتي واهلك..
الجدة سوت روحها زعلانة وقامت راحت غرفتها وراحت وراها ام مشعل...
عبير والله عاد انا اعرف اول مباركية للعروس يحفون فيها العروس ويشيلون ويحطون مو يحطونها بلجنة تحقيق؟
حصة وش ماقالت لك قولي ان شاءالله وعلى امرك ياجدة؟
عبير ياسلاااام وماتبين اخدمها بعد!!
حصة انتي الحكي ضايع معك...
عبير بضيق أي لاني مو نوف...مسوية روحي الكل بالكل ..
حصة وش يجيب نوف اللحين بنص السالفة؟
عبير ابي افهم ليش كلكم منغشين فيها؟
دخلت وضحى بها اللحظات...
وكان خالد بيدخل بس يوم سمع صوت غريب وقف مكانه ومادخل...
وضحى السلام..
حصة وقفت وعليكم السلام...هلا والله شلونك..
وضحى تقربت لها وسلمت عليها بخير انتي شلونك؟
حصة نساْل عنك....
وضحى عبير هنا..هلا والله..
عبير هلا....ماعرفتك؟
وضحى انا وضحى زوجة خالد؟
عبير اها انتي اللي ماخذة اللي بيورث الحلال كله؟
وضحى وقفت مكانها بعد ماكانت رايحة تسلم عليها وناظرت فيها باحتقار وقالت نعم!!
حصة تعالي جلسي قولي شخبارك؟
كان خالد بيدخل بس حسها فشلة وظل واقف مكانه...
حصة تغذيتي ولالسه...
وضحى لا مو ها الوقت اكل مرة وحدة بعد صلاة المغرب..
حصة كم باقي لك؟
وضحى ثلاثة شهورونص....
عبير دبلتك حلوة....شكلها الماس صح؟
ناظرت وضحى بدبلتها...وقالت وهي تناظر بعبير أي...
عبير بشوفها...
مدت وضحى يدها لعبير بدون ماتشيل الدبلة...وقالت بابتسامة شوفيها في يدي خالد مايرضى اشيل الدبلة لو شنو ماصار من يدي ...
ابتسمت حصة على موقف وضحى وعلى الغيظ اللي بان بعيون عبير....
باخر الليل...
بالفندق اللي فيه ياسمين ونواف...
كانوا جالسين يشاهدون التلفزيون وبعدها نواف قام بينام وتنهدت ياسمين...
من فتحت اياه موضوع طلاقه اليوم بالسوق وهو مو معها ابدا دايم شارد ومتضايق...واذا كلش كلش قال أي ولالا...
دخل ينام وظل يقلب بالجريدة قبل لاينام ودخلت هي تبدل....
هي اللي ضايقته ولا هو كان شزينه من ابتدوا الهدنة وماعمره ضيق خلقها ولازعلها.....
لبست لها ثوب نوم رصاصي...مزموم على جسمها وحطت لها ميك اب خفيف وغمقت الروج وبخت لها بختين عطر تحت اذنها وطلعت...
كان عاطيها ظهره..وحست انها خايفة انه مايتقبلها الليلة ..يمكن لانها فتحت موضوع دايم تسمع انه مو لازم ينفتح......
تقربت منه وجلست جنبه...وضمته من وراه والتفت لها...
يوم التفت لها سندت راسها على كتفه وقالت بهمس حبيبي شفيك؟
قال بهمس وهو يمرر يده على شعرها ولاشي...
ياسمين حاستك متضايق؟
نواف يتراوالك؟
ياسمين انا اسفة ماكان لازم اضايقك واسئل عن اشياء مالي شغل فيها..
نواف حط اصبعه على شفايفها وقال بهمس انسي الموضوع انا نسيته...
ياسمين بخوف متاْكد....
هز راسه بالايجاب وهو مغمض عيونه....
تقربت منه وباسته على خده وقالت بهمس انا اسفة...
مافتح عيونه يشوفها بس اخذها وسندها على حضنه وقام يمسح على شعرها بهدوء,,,,
عبدالله شلونك..
عبير بزعل انا حيل متضايقة؟
عبدالله باسف ليه؟
عبير انا كذا يسوون فيني!!
عبدالله منو؟
عبير منو بعد اختك وزوجة خالد وضحى وجدتك؟
عبدالله ليه وش سووا...
عبير حطوني اليوم بوسطهم وهم بس يطعنون فيني وانا ظليت جالسة ومتحملة علشانك بس حبيبي..لانهم اهلك ورضاهم رضاك بس عاد كل شي له حدود ياعبدالله...
عبدالله حصة اتوقع منها أي شي بس وضحى اللي اعرفه انها مسالمة وجدتي يعني هي صدق ساعات تاْذي البنات بس والله انها حبابة ..
عبير انا ادري هذا كله من تدابير نوف؟
عبدالله بصدمة نوف؟؟ونوف وش يدخلها فيهم!!!
عبير أي لانك موداري عن الدنيا ياعبدالله..
عبدالله انتي شايفتها اليوم؟
عبير أي شفتها قبل اطلع مع حصة وحلفت انها تردني بيت ابوي وتشوه صورتي قدام الكل علشان تتركني؟؟
عبدالله ؟؟؟؟؟؟
عبير عبدالله انت تحبني صح؟
عبدالله طبعا وانتي شاكة بها الشي ياقلبي...
عبير يعني ماراح تتخلى عني مهما صار ياقلبي...
عبدالله حبيبي انا ماصدقت تكونين لي ..تبين بعد اتخلى عنك...
عبير ابي اقولك شي بس خايفة تفهمني غلط؟
عبدالله لاماراح افهمك انتي بس قولي...
عبير ابي نتزوج بداية الشهر الجاي مع اخوك تركي بنفس الليلة؟
عبدالله ليه بنفس الليلة عاد؟
عبير هي مافارقت يالغالي حجوزات تركي كلها خلصت واذا علي انا بتحمل امشي حالي باي شي بس نتزوج ياعبدالله انا احس اني موقادرة اخذ راحتي معك..انا ابي اظل جنبك علطول وكذا انت تشوف الوضع بس اذا تزوجنا...بتكون حياتنا لنا....ها شقلت؟
كان متمني يشوفها بس للاسف ماصار نصيب اليوم لانه طلع لزواج واحد من الشباب وتوه راد والبيت شكلهم كلهم ناموا واستحى يدق لها وهي عندها بكرة جامعة يمكن انها نايمة ولاشي...
دخل غرفته وشغل الانوار وشال ثوبه وغسل وجا بيحط راسه على المخدة لقى بوكيه ورد على سريره
رفعه بين يدينه...ولقى فيه كرت صغير...
شاله وقراءه بسرعة....
(حبيبي....تصبح على خير كان يومي مو حلو لاني ماشافتك فيه....احس انه كان ينقصني شي...نوم العوافي......نوف)
تنهد بقوة وهو يقراْ كلامها مرة ومرتين وثلاث,,,,
ناظر بالورد وصورة نوف مرسومة فيه....معقولة نوف تحبه..ولاابتدت تحبه؟؟؟
هذا بيكون يوم السعد بالنسبة له....
حس انه بيطير يبي يسمع صوتها باي طريقة...
رفع سماعة الجوال يدق عليها وحس ان قلبه يدق بسرعة وكانه مراهق ماصدق متى يحب وينحب؟؟
بس تردد ...ورد السماعة مكانها...يمكن تكون نايمة واتصالي يزعجها؟؟
لاخليها لبكرة افضل ..صدق مو قاوي مااسمع صوتها بس ماابي اخرب عليها نومتها...
***نوف وهي بفراشها عرفت انه وصل ودخل غرفته واكيد انه شاف الورد ومتحير يدق لها ولالا..ابتسمت وهي تتخيل شكل تركي وهو محتار...
ورفعت سماعة الجوال بعد مالفت على مشاعل ولقتها بسابع نومة..اخذت الجوال وطلعت جلست على الكنبة اللي بصالتهم ودقت عليه...
حست ان قلبها يدق بقوة...بس لازم حياتها مع تركي تكون غير وعلاقتها فيه تقوى اكثر واكثر وهي شايفة بعيونها مثل ما الكل شايف انها بعيون تركي غير ومعاملتها منه خاصة جدا....
جاها صوته الملهوف من اول رنة وهذا دليل انه كان ماسك الجوال بيدق لها..
تركي بلهفة هلا..
نوف توقعتك مانمت!!
تركي كنت متردد بين ادق ولا ماادق خفت تكونين نايمة وازعجك باتصالي ؟
نوف ولو ازعاجك مرحب فيه باي وقت؟
تركي نوف تسلمين؟
نوف كلها شوية ورد..
تركي المشكلة في الورد ان قيمته فيه...للي يفهمون له؟
نوف كذا بتحرجني..
تركي ليه..
نوف مدري...
تركي مانمتي!!
نوف كنت اذاكر...وبيني وبينك كنت انتظرك ترجع علشان انام!!
تركي وليه ماانتظرتيني تحت ولادقيتي علي مدامك تنتظريني؟
نوف ماابي احد يفكر باي شي لو جلست تحت هذا اولا...ثانيا ماحبيت اتصل فيك بعدين تقول هاذي ماصدقت على الله تركي يعطيها وجه قامت تسأله وين رايح ووين جاي ومتى بترد؟
تركي ياريت؟
نوف ياريت شنو؟
تركي اشوف اهتمامك فيني قبل حتى لايتسكر علينا باب واحد؟
نوف طيب ابشر ولايهمك....وين كنت وليه تاءخرت لها الوقت؟
لاتنسوا تتركون بصماتكم يالغلا,,
****
***
**
*
هلا وغلا فيكم حبايبي...
منورين كالعادة...
بارت اليوم ماراح يكون طويل مرة....ولافيه ذيك الاحداث المهمة على قولتكم...بس كله لبكرة ان شاءالله...بس عاد مو تتركون تعليقكم لبكرة واليوم ماتكتبون شي خخخ
البارت الخامس والسبعين ,,
,,,,,,,,,
تركي هذا تحقيق ولاسؤال ولاعتب ولاشنو؟
نوف بضحكة توك تقول ماعندك أي مانع في اني اسئل؟
تركي أي بس بعد تعتمد الاجابة على نوعية السؤال..
نوف امممم يعني في احتمال اذا كان تحقيق تقولي وانتي شيخصك؟
تركي مدري جربي..
نوف لاتكفى ماابي افشل حالي....
تركي بتنهيدة باقي اقل من ثلاثة اسابيع...
نوف متردد...
تركي أي..
نوف ماتوقعت اجابته فسكتت..
تركي بتنهيدة اكبر كان المفروض اني مااوافق على عرس بعد شهر...وضعنا مابيختلف فيه شي يانوف...بنسكن بنفس البيت وين المشكلة لو كان بعد الملكة بليلة ولاليلتين..لاتقولين مافي حجوزات تلاقين والله....
نوف ..........
تركي بصراحة انتي متى كنتي تبين العرس...؟
نوف مدري بس اكيد الوقت اللي انت بتختاره بيكون الانسب...
تركي ماابي اجابة دبلوماسية؟
نوف تنهدت وقالت بخجل ماكنت ابي اطول...
تركي كيف زوجة عبدالله معك؟
نوف خطيبته ماهي زوجته!!
تركي سكت شوي وبعدها قال ليه؟
نوف لانها ماراح تطول ياتركي؟
تركي انتي ليه مصرة انها ماراح تطول؟
نوف لانها ماناسبت اهل ها البيت...
تركي كيف يعني ماناسبتهم...
نوف يعني انت اليوم مارجعت البيت الا توك والكل نايم بس لو كانت امك جالسة ولاوحدة من خواتك كانوا حكوا لك عن سوالفها اللي ماانتهت من امس لليوم,,,
تركي والله مدري...بس انا اشوف يعني انها خفيفة ماهي ثقيلة وها النوع مايستهويني ابدا يعني مو معقولة ينكتب كتابها الليل يوم ثاني الظهر هي في بيت خطيبها وجاية بلا عزيمة وطالعة معهم للاحساء ..مدري حسيت موقفها نزلها في عيني.....بغض النظر قلنا قبل مالنا شغل فيها؟
نوف المهم حبيبي انا بتركك تنام علشان انا عندي جامعة وتاءخر الوقت وسوالفك ماينمل منها بس اخاف اروح مواصلة واتوهق بالجامعة وانام هناك..
تركي قايلة حبيبي وتبين تسكرين؟؟؟
نوف خلاص بسحبها..
تركي برومنسية قوليها مرة ثانية وبتركك تسكرين علشان تنامين؟
نوف بهمس اخاف اقولها ثاني واتورط تشبك اكثر وماننفك بعدين؟
يوم ثاني الصباح,,,
ام مشعل تبين حليب زيادة يمه...
الجدة لايمه ماابي....بنتك مااتصلت؟
ام مشعل اتصلت البارحة يمه..تسلم عليك كنتي نايمة ولاكانت بتكلمك كلمت جدها وخالها...
الجدة متى بترجع؟
ام مشعل الليلة بيطلعون صلالة وبيجلسون اربعة ولاخمسة ايام وبعدها بينزلون,,,
الجدة الله يسعدها...
ام مشعل بحنان كثري منها يمه....
الجدة اقول ام مشعل....حرمة عبدالله ماعجبتني ابدا!!
ام مشعل يمه خلاص لاتجي بعدين اختي ام تركي وتقولين قدامها بروحها صاير بخاطرها ها الخطبة محد مبارك لها؟
الجدة مدري وش له اخذتها وزينتها لولدها؟
ام مشعل تغير الموضوع لانها ماتبي تقول ان عبدالله كان على علاقة بعبير ابوي طالع من بدري وين رايح؟
الجدة والله مدري عنه....
ام مشعل امس اخذ العيال معه على مزرعة عبدالرحمن ومارجعوا الاظهورهم متكسرة ورجايلهم مايقدرون يرفعونها من التعب؟
ام مشعل يستاهلون؟عساهم من ها الزود واكثر؟
ام مشعل لا يمه لو شسووا يظلون صغار ماانشد عودهم بعد توهم احدعشر سنة...انا اذا شفته بكلمه بعد شوي.....
دخل الجد وقال بسرعة خلهم يتعلمون المرجلة من الصغر؟
ام مشعل سكتت...
جلس قبالها على بالك اني ماابي لهم الزين؟
الجدة هم وش مسووين كل يوم وجارهم معك مكان؟
الجد ماهم مسويين شي بس قلت لك ابي اطلعهم رجال...
وضحى كانت طالعة من غرفتها وبيدها عبايتها علشان بتطلع اللحين ووقفت قبال المدخل اللي قبل الصالة تضبط شكلها بس كانت تسمع اصواتهم....
ام مشعل أي بس يبى توهم صغار...
الجد انا خالد كنت اسوي معه كذا وهو صغير؟
ام مشعل عيالك وانت ادرى وش مصلحتهم بس خف عليهم شوي....
الجدة لاماكنت تسوي لخالد كذا...الله يرحم ايامه كان مايفارق حضني ابدا من كثر دلاله..بس وين ربيناه لغيرنا...من تزوج عمت عيونه ها الوضحى ماصار يقوم بواجبه معي!!
ام مشعل يمه...خالد كل يوم عندنا وين مايقوم بواجبه....
الجد ماتعرفين امك بعد من يجي الطاري عند بنت اخوي تقلب الموجة لصالح ولدها وان الغلطانة بنت اخوي؟
الجدة وهي غلطانة وستين غلطانة...ماتشوف شلون صاير ذبلان منها ومن طلباتها ويالله تكلمه من قمة راسها....وش عليه ان شاءالله من زينك ولامن زينك ولدي احلى منك ...لاوبعد اللحين يوم حملت راحت اشتغلت علشان التعب زيادة..لاوهو يجي وهي حضرتها ماتشرف الا المغرب؟
ام مشعل يمه...وش ها الكلام لاتسمعك وضحى ويصير بخاطرها انتي ناسية انها حامل؟
الجدة وش بعده حملت بعد ماطلعت عينه مسكين والله لو هو واحد ثاني كان اللحين بيجيه الثالث مو توه بيصير ابو؟
الجد يابنت الناس هم متفقين مايبون عيال...انتي ناسية ان خالد كل يوم ودورة بمكان مايبي يشتت نفسه ويشتت العيال معه....
الجدة دافع دافع عن بنت اخوك والله لو هي غيرها مادافعت ووقفت بصف ولدك بس فيها بنت اخوك تظل جنبها..اصلا انا ماكنت موافقة ياخذها بس انت اللي اصريت...
كفاها اللي سمعته اخذت اغراضها ورجعت الغرفة تنتظر خالد يطلع من الحمام علشان يوصلها الدوام,,,
بالجامعة..
نورة ماقلتيلي اللحين البس الاحمر ولاالبرتقالي..
مشاعل اللونين يناسبونك يابقرة مفكرة نفسك انا سمرة واللونين مايلوقون عليّ!!
نورة مو بس ها اللونين مايلوقون لك كثيرالوان بعد ماتلوق لك بس مو هذا موضوعنا؟
مشاعل بشهقة شوف الكلبة؟؟
نورة ههههه
مشاعل لاتخليني اشمر عن اكمامي اللحين قدام الجماعة؟
نورة انا الغلط مني لو منتظرة نوف تخلص امتحانها ومشاورتها مو ابرك لي من مقابل وجهك؟
مشاعل زين لكن..ان قلتي بكرة بتجين تزوريني بقصري اللي بسكن فيه بخليك تموتين وانتي تبكين قبال الباب ومابخلي الخدم يدخلونك؟
رغد بشماتة من وراها الله يبلغك لها اليوم بس تصدقين ماظني؟
سكتوا مشاعل ونورة يوم شافوها واقفة معهم بنفس الطاولة ومعهم مجموعة بنات كثيرة..ومشاعل دق قلبها..
رغد بضحك وشماتة اكبر وش ها الاسلوب الطفولي حق البزارين عاد يامشاعل بتخليها تبكي عند الباب ومابتخلين الخدم يدخلونها؟
صاحبة رغد بشماتة أي يحق لها مو متعودة تسكن بعز ومرة وحدة بتسكن بقصر والخدم والحشم حوالينها ماتدري وش تسوي حتى بنت خالتها ماتبيها؟
نورة بثقة خير منهي اللي مو شايفة العز بالله؟انتي ولابنت خالتي؟
مشاعل بهدوء لاتتعبين حالك يانورة في ناس الكلام معهم خسارة؟
رغد بحدة من تقصدين يابنت الحربي؟
نورة بشماتة على قولتك....
رغد انتي هيه..على بالك فرحانة يوم تسرقين ولد عمي يابنت الشوارع؟
مشاعل وقفت من كرسيها وقالت بحدة مافي غيرك هنا بنت شوارع ولمي ها البنات وامشي لاتشوفين شي ماصار ولااستوى بحياتك؟
رغد لفت للبنات مو قلت لكم همجية وراعية مشاكل وبنت شوارع وسراقة رجال ماصدقتوني؟
صاحبتها لاحبيبتي مصدقينك....ومو مشكلة ندق اللحين على احمد ولاناصر ولاواحد من الشباب اللي يعرفونها؟
مشاعل جلست بكرسيها وطلعت جوالها ودقت على فواز وتقدمت رغد بتسحب جوالها بس انها ضغطت على السبيكر وعلى صوت فواز المكان...
فواز هلا مشاعلي..
مشاعل بضيق هلا فواز..
فواز فواز حاف؟؟وين حبيبي وين عمري؟
مشاعل بسرعة لان البنات قاموا يناظرون بعض ويتغامزون اقول فواز بنت عمك رغد تبي تكلمك؟
فواز بصدمة رغد؟وش تبي ها البلوة بعد؟
رجعت ابتسامة الانتصار تعلو وجه مشاعل شوي من بعد ضيقها وارتباكها وقالت ترى هي حاطة الجوال سبيكر وتبي تسمع هي وصاحباتها كلامك؟
فواز سكت شوي وبعدها قال انتي تسمعيني يارغد مدري وش اسمك؟
حست رغد بالانحراج,,
بعدها قال فواز خسارة اسم العيلة المشترك اللي نحمله مع بعض؟؟والله ماتشرفيني بنت عم ولاحتى من بعيد...عموما انا مدري انتي وش تبين بس اذا عندك الشجاعة تكلمي اللحين وخلينا نشوف وش عندك بدل مو كل يوم وتنطين على مشاعل؟
سكتت رغد وحست مشاعل انها بدت تربح الجولة لان رغد ماتوقعت تسمع صوت فوازوقالت بانتصار وش تبي بعد الا تبي تحضر العرس قلت لها ماتلزميني حتى صبابة قهوة مو راضية تصدقني؟؟؟
بدوا جماعة رغد يمشون وحدة ورى الثانية لين تفرقوا كلهم وبعدها مشت رغد وسط قهرها من مشاعل بس بدون ماتقول ولاكلمة...
مشاعل عدلت السبيكر وقالت لفواز بكلمك بعدين طيب؟
فواز برجاء مشاعل لا ..وش صاير معك ابي افهم؟
مشاعل بعصبية لاول مرة خلاص قلت لك بكلمك بعدين اناشوي متضايقة وبس اروق بكلمك....معليش راح اقفل الجوال اللحين بنتكلم بعدين ماشي حبيبي؟
سكرت منه وقفلت الجوال وبدت تبكي..
نورة لامايصير وش له تبكين؟
مشاعل من بين د موعها انتي ماسمعتي كلامها؟
نورة اللي اعرفه انك وقفتيها عند حدها وحركة حلوة منك انك كلمتي فواز ودخلتيه بالصورة اللحين بتفكر مليون مرة قبل لاتجي تكلمك...وعلى فكرة هي اللي طلعت مهزومة من السالفة وانتي طلعتي برفعة راس يامشاعل ياحبيبتي؟
مشاعل وهي تاءشر على صدرها ناصر واحمد والله اعلم بعد منو غيرهم؟
نورة مشاعل ياعمري اللي يعرفك مايصدق فيك؟
مشاعل وانا مالي ومالهم ليه كذا يصير فيني؟
نورة انتي تدرين عن اللي بينهم فمالازم كل ماتواجهتوا تتعبين حالك وتبكين يابنت الاوادم؟
مشاعل وهي تمسح دموعها البنات مايعرفوني ولايدرون وش السالفة والولد ولد عمها واكيد مصدقينها؟
نورة وانتي وش عليك من عامة الناس انتي عندك ناس يحبونك ويثقون فيك وبعدين فواز يبيك ولو صح كلامها عنك وعنه ففي النهاية انتوا بتتزوجون وين المشكلة؟
مشاعل وسمعتي؟
نورة قلت لك اللي عارفينك اكثر من اللي ينشرون بالفلوس علشان يقولون كلام مايدرون عنه؟
حست بدغدغة باصابعها وعلى يدها وهي النوم فيها...
تفتح عيونها وتسكرها..وتسمع همس يكلمها بس النوم بعيونها مانعها تستوعب العالم اللي حوالينها لين كثرت الدغدغة فيها..
فتحت عيونها ولقت نواف جالس قبالها على الفراش وحاط يدها بحضنه يدغدغ فيها ويوم شافها فتحت عيونها همس لها مابغيتي تصحين يابنت؟
ياسمين وهي تتمغط ليه من زمان وانت تصحيني!!!
نواف طبعا؟؟
ياسمين بجدية صدق!!!شلون ماحسيت؟؟كم صار لك يعني!!
نواف وهو يضحك زمان يمكن اربع دقايق؟
ياسمين اعتدلت بجلستها وناظرته بنص عين وقالت بضحكة اللحين اربع دقايق زمان!!!اجل لو يصير حالك حال امي المسكينة وهي تصحيني ومااجلس الا بعد ربع لو ثلث ساعة..وش بتقول؟
نواف اوه ه ه..يعني كسلانة مع مرتبة الشرف؟
ياسمين هههههه
نواف يالله قومي...
ياسمين بكسل وليه نقوم بدري والله لاورانا طباخ ولاتنظيف ولاشي..خل ننام احسن؟
نواف اقول ورانا اليوم مطار ولاانتي ناسية ان احنا رايحين صلالة المغرب؟
ياسمين وهي تعدل المخدة وتنبطح عليها من جديد اقول باقي فوق الخمس ساعات على روحتنا للمطار خلني انام ابرك؟
نواف وهو يجرها من يدها قومي بس صار لي ربع سا عة جالس بروحي؟
ياسمين أي وخير ان شاءالله ربع ساعة ماهي عشرين ساعة وانت جالس بروحك؟
نواف شلون يعني كم بعد اظل جالس بروحي؟
ياسمين يمكن ساعتين بعد!!
نواف باعتراض لالالا قومي بس قومي قالت اجلس ساعتين بروحك؟
ياسمين لاتحاول بنام تعبانة البارحة مانمت زين؟
نواف مو ذنبي انا جلست خلاص؟
ياسمين رفعت المفرش من عليها وقالت له تعال نام معي لاتظل بروحك وبعدين نقوم سوا؟
خالد وضحى..شفيك جالسة مارحتي تفطرين؟
كانت جالسة وهي سرحانة وماانتبهت له وهو يتكلم..
جلس جنبها وهزها من كتفها وشهقت يوم هزها..
خالد باسف بسم الله عليك والله مو قصدي ماحسبتك سرحانة والله؟
وضحى لالاعادي ماصار شي..
خالد بخوف متاْكدة ماصار لك شي؟
وضحى ببتسامة لا بس جلست البيبي من نومه؟
ابتسم لها وحط يده على بطنها علشان يحس بحركاته...
خالد اسف حبيبي مو قصدي اخوفك واجلسك من نومك مرعوب..
وضحى اللحين حدد الاعتذار لمنو فينا؟؟
خالد وهو يضحك للي تاءثر فيكم وبما انك قلتي مافيك شي فالاعتذار موجه له هو لانه كاهو يتحرك شكله خايف....
وضحى يالله مشينا..
خالد فطرتي...
وضحى خالد بنفطر برى ابيك بسالفة معليش؟
خالد خير ..في شي؟
وضحى لامافي شي بس بغيت اسولف معك بروحنا...
خالد نسولف هنا...
وضحى لاماعليه اذا طلعنا بنسولف اذا ماعندك مشكلة؟
خالد لامو مشكلة اللحين بتصل بعطيهم خبر اني بتاْخر اليوم .....
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك