رواية كل يوم لك حال جديد يوم قريب ويوم بعيد -41
وضحى لامافي شي بس بغيت اسولف معك بروحنا...
خالد نسولف هنا...
وضحى لاماعليه اذا طلعنا بنسولف اذا ماعندك مشكلة؟
خالد لامو مشكلة اللحين بتصل بعطيهم خبر اني بتاْخر اليوم.....
نوف ادري فيك بالدوام وماتحب احد يكلمك وانت بالدوام الا وقت البريك بس ماقدرت اصبر مااكلمك؟
تركي لاولو في استثناءت طبعا بالسالفة....
نوف تسلم...
تركي وش عندك؟
نوف ولاشي بس فرحانة وقلت اكمل فرحتي بسماع صوتك؟
تركي دوم ان شاءالله ها الفرح والرضا..بس وش القصة؟
نوف ولاشي بس كان عندي اختبار وخايفة منه حييل والحمدلله قدمت فيه كويس....
تركي اممم وليه ماقلتيلي امس ان عندك امتحان علشان اتركك تذاكرين؟
نوف يوم ادق لك كنت مخلصة.....
تركي طيب كنتي قلتيلي ان عندك اختبار صعب؟
نوف ليه؟؟؟علشان تجيب لي اسئلة الاختبار؟
ضحك لها تركي وقالت طيب انا بتركك تشتغل اللحين مابعطلك ادري شوي وتسكر بوجهي يالنظامي؟
تركي ههه خلاص اشوفك بالبيت طيب...
نوف طيب حبيبي....يالله بحفظ الله...
ام مشعل جهزت اغراضكم جدكم بياخذكم برحلة معه؟
اثنينهم بشهقة وحدة شنو؟
ام مشعل يالله يقول ماعندكم وقت...
مشعل برجاء يمه كفاية رحلات مع جدي وقسم بالله قلت التوبة؟
ام مشعل انت وش مسوي مع وجهك انت وولد خالتك؟
سعد ولاشي ياخالتي بس جدي حاط دوبه ودوبنا مدري ليه؟
ام مشعل لاقوموا ها المرة بتعجبكم الرحلة؟
سعد ليه وين قال بيودينا نشتغل مع شركة اليمامة ونشيل الزبالة من الشوارع؟
ام مشعل هههه
مشعل يمه قايل لك وين بيودينا؟
ام مشعل لايمه مدري...
سعد شلون بعد ياخالتي تقولين بتعجبكم؟
ام مشعل هو قايل لي بوديهم مكان بينبسطون فيه؟
مشعل اذا على جدي واثق من نفسه ان كل مكان بيعجبنا؟
مشعل من اللحين اذا مكان بيشغلني فيه ماراح اصمد بهرب ؟
سعد وانا معك؟
مشعل اصلا محد حطنا بها الموقف غيرك يالثور؟
سعد اثنينا اشتركنا فيها ...وعلشان نطلع منها لازم نسوي صلح سريع علشان نتفق على خطة للهرب؟
ام مشعل انتوا شجالسين تحكون فيه؟
مشعل يمه هاذي لغة الاعمام والمشايخ واهل الرايات الكبار انتي شعرفك فيها وانتي حدك تقابلي جدتي وجدي وطلباتهم وتروحين للجيران وخواتك والسوبر ماركات والسوق؟
ام مشعل وين بعد تبيني اروح علشان اعرفها؟
مشعل يمه خلاص لانطول عندنا خطط....
نورة بكرة الملكة يمه والله حايسة مو عارفة شسوي بعمري؟
ام سعد وليه عاد ها الحوسة كلها..
نورة مدري يمه..حاسة ان في شي....
ام سعد فالك ماقبلناه يانورة وش ها الكلام؟
نورة احس اني متحمسة بزيادة؟
ام سعد لانك ماكنتي عارفة فارس زين اللحين يوم عرفتيه تبينه يكون عندك باسرع مافيك...
نورة يمكن..
ام سعد يمه ترى فارس مامنه اثنين يايمه..ديري بالك عليه طيب يمه...
نورة فارس بعيوني يايمه..
ام سعد الله يحرسكم لبعض ويخليكم ويبعد عنكم عيون الناس...
بارت بكرة وش راح يصير فيه ياترى,,,
***نورة وملكتها وشنو راح يصير فيها ياترى وموقف نورة شنو؟
***فواز ومشاعل وهل فعلا نهاية الطريق فراق اختارته مشاعل ورضخ له فواز؟
***نواف وياسمين والهدنة هل بتدوم لين يردون الشرقية ولابمجرد يوصلون المطار بتنتهي؟
**وين بياخذ الجد مشعل وسعد ها المرة وهل بينبسطون ولا بيرجعون معلنين التوبة؟
**خالد ووضحى وشنو راح يصير بعد اللي سمعته وضحى من امه؟
****
***
**
*
هلا وغلا فيكم...
راح انزل لكم ثلاث بارتات مع بعض لاني ماحقدر ادخل ها اليومين ونلتقي يوم السبت باذن الله,,,مع تمناياتي لكم بقراْة ممتعة
البارت السادس والسبعين
والسابع والسبعين
والثامن والسبعين
في مجمع الظهران مول وتحديدا بقهوة الليلوان..
كانوا جالسين قبال بعض..
خالد وضحى ترى اقلقتيني؟
وضحى وهي تبتسم بس تناظر بالارض لاتشغل بالك ترى مافي شي بس كنت ابي اتكلم معك برى البيت؟
خالد صاير شي؟
وضحى لا
خالد باصرار اكيد...
وضحى صدقني ياخالد ماكو شي...
خالد طيب وش تبين؟
سكتت شوي وبعدها رفعت راسها وقالت ابي اطلع من بيتكم ياخالد؟
خالد وهو يناظرها بتشكيك ليه؟؟؟
وضحى بتبرير ولاشي...بس حاسة اني ....يعني وجودنا صاير ماله لزمة ياخالد؟
خالد شلون يعني ماله لزمة؟
وضحى يعني احس ان انا متعبة ام مشعل معنا على الفاضي وانا مافيني الا العافية...انا قادرة اقوم بنفسي ياخالد وماابي اطول هنا اكثر؟
خالد لاياوضحى ام مشعل طايرة بوجودنا معها وخصوصا ان ياسمين غايبة..
قاطعته بسرعة اقل من اسبوع وبيكونون هنا....
خالد وضحى ابي افهم احد قايل لك شي يضايقك...
وضحى لا...
خالد ولاحتى امس يوم تشوفين خطيبة عبدالله؟
وضحى لا ياخالد والله ماقالت لي شي؟
خالد بس انا متاْكد ان في شي؟
وضحى تقلبات حمل لااكثر ولااقل صدقني,,,,
خالد شلون يعني؟
وضحى يعني احس اني اذا ظليت ماراح اكون مرتاحة ابدا ياخالد فلازم ارجع...
تنهد بقوة وقال السؤال الاهم وين ترجعين اذا طلعنا من هنا؟
ام مشعل وهي تضم مشعل لصدرها انتبه على نفسك؟
مشعل بتشكيك ليه يمه وانا وين رايح؟
ام مشعل وحرام اذا ضميتك وقلت لك انتبه على نفسك؟
مشعل لا.....
ام مشعل سمعوا كلام جدكم ولاتعاندوا وتقلبون عليه الموجة تراه يحبكم وغلاتكم بغلاة خالد ولده بس يمكن مايبين لكم...
سعد أي صح قليتيلي ياخالتي؟
ام مشعل انت انت لسانك يمه منه.......يبيله قص على فكرة....
الجد يالله انا بالسيارة .....قلتي للسايق يجهز السيارة ياام مشعل؟
ام مشعل كاهو ينتظرك فيها يبى؟
الجد يالله سبقوني ياعيال..
مشوا سعد ومشعل بلا خيار وسلم على بنته وطلع وراهم ,,ركبوا السيارة وهم طول الطريق ساكتين لين وصلوا المطار....
ناظروا في بعض وهم يتهامسون..
سعد اختك اليوم بتجي؟
مشعل حتى لو فرضنا انها بتجي اليوم مالقيت غير جدي يجي يستقبلها بالمطار ؟
سعد اجل وش السالفة؟
مشعل والله علمي علمك..خل ننزل ونشوف السالفة؟
شهق مشعل وهو يفكر وقال لا مستحيل لو يسويها جدي؟
سعد بارتباك شنو؟
مشعل ان جدي يخلينا نشتغل بالمطار!!!!
سعد وهو يناظر بالجد ويقول بصدمة ننظف الطائرات مثلا!!ولا ننظف حمامات المطار!!!ولا نحمل الشنط؟؟؟
مشعل لو هي كذا صدقني باخذ قشي وبهرب من اللحين اقولك؟
الجد بصيغة امر يالله نزلوا...
سعد بمسكنة جدي احنا ليه جايين هنا؟انت جاي تستقبل احد من ربعك اللي من زمان ماشفتهم؟؟
عبدالله يمه وين ابوي؟
ام تركي راح الرياض قبل شوي؟
عبدالله اوووف...
تركي وهو يشرب شايه ليه ..وش كنت تبي منه؟
عبدالله كنت بسولف معه بموضوع العرس؟
ام تركي بصدمة عرس منو؟؟؟عرسك؟
عبدالله ببتسامة أي...
ام تركي بارتباك ليه متى تبي تتزوج؟
عبدالله انا فكرت في ان احنا نتزوج سوا انا وتركي انتي شرايك يمه؟
ام تركي سكتت وماعلقت بشي؟
عبدالله انا اقول التطويل والتعريض ماله داعي
تركي في هاذي انا معك....
عبدالله يمه ماقلتي شي؟
ام تركي وليه ماتسويه بعد زواج اخوك؟
عبدالله يمه الحجوزات انتوا مخلصينها بدل ماينكتب اسم تركي ينكتب تركي وعبدالله وجناحنا هنا مايبيله شي...بلادوخة راس...
ام تركي أي بس انا ابي افرح فيكم كل واحد بروحه....مو حرام نسوي عرسين ونفرح؟
عبدالله وش له وجع الراس وعرسين بعد!!!قايم عندنا العرس قايم...
ام تركي أي بس ليه اثنينكم سوا عاد؟
عبدالله يمه الاعراس تعب ومصاريف وروحة وجية ...خلوها عرس واحد وبس!!
ام تركي اولا المصاريف انتوا مو متكفلين فيها الله يخلي لي ابو تركي ان شاءالله ولايحرمني منه والتعب مقدور عليه هو كله يوم واحد والروحة والجية بس ينتهي العرس مانحس فيها وبعدين انت ولد يمه مابنروح وبنجي لك هي عرسها بروحها واحنا عرسنا بروحنا يعني ماعندنا ذاك التعب....
ام تركي مازلت مصرة على ان كل واحد عرسه يكون بروحه بس معليش لو وصل ابوك نكلمه بالموضوع نشوف وش رايه؟
قام تركي من مكانه وقال وقبل كل شي انتظروا موافقة نوف على الموضوع يمكن ان زوجتي ماتبي احد معها بنفس الليلة؟
ابتسمت ام تركي له ومشى هو فوق لداره وعبدالله قال بصوت واطي شوي هذا اللي ناقص بعد ننتظر راي نوف حضرة جنابها؟
لفت له ام تركي وليه تتكلم عن بنت عمك كذا!!
عبدالله وليه ناخذ رايها من الاساس؟؟هي وش دافعة من جيبها علشان نشاورها؟
ام تركي بصرامة ولد...
عبدالله أي وانا الصادق يمه..
ام تركي انا عارفة هذا مو كلامك كلام ست الحسن والدلال..
عبدالله وان كان رايها معها حق يمه اعتراض نوف على الزواج مو معناته غير شي واحد؟
وقفت ام تركي وقالت بتحدي اذا نوف قالت ماتبي معها احد بالعرس فمعناته مابتنزف معها وحدة ثانية وروح وصل لها ها الكلام وزيد لها ها الكلمتين من عندي وقولها ثقلي وثقلي حالك وعقلي....ترى احنا ناس شايفين الدنيا وقلوبنا على بعض مابتجين انتي وتخربين بينا!!!!
فواز بعصبية نعم!!انا مو قايل لااحد يجيني؟
السكرتير أي بس حبيت اذكرك ان الموعد مع شركة...
فواز بعصبية اكبر الغيه..طلع احد ثاني سوي أي شي بس اتركني هنا ولاتدخل احد عليّ!!
السكرتير حاضر طال عمرك...
طلع من المكتب وسكر وراه الباب..
وكان فواز بحالة ضيق...
كان ماسك جواله وهو يدق عليها وهي للحين مقفلة الجوال....
افكاره كلها رايحة لعندها ...ياترى وش اللي صاير لها؟وش قايلة لها رغد؟وش مسوية؟؟
أي موقف انحطيتي فيه يامشاعل اليوم وهل طلعتي منه ولابعدك تعانين منه ؟؟؟
انا السبب لولاي ماكنتي تعرضتي لها الشي؟؟
لولاي كنتي بخير ومحد يتعرض لك ويكدر لك يومك وحياتك؟؟؟
تنهد بقوة وهو يستعرض صورتها وهي تضحك ولاتمزح ولا اذا كانت رومنسية ومستحية ولاخايفة؟؟؟
هو السبب بتعاستها....
وعلشان تكون مشاعل سعيدة ومرتاحة لازم هو يبتعد عنها؟؟؟
صحيح الحل مر ومايقوى عليه لانه يحبها...اي من شافها وهو حاس انه بيتعلق فيها وفعلا..دخلت قلبه بسرعة ماتوقعها ويوم عن يوم يزيد بالتعلق فيها...
صحيح فراقها بيكون صعب وقاسي بس لازم يبتعد..ماراح يضحي بسعادتها وارتياحها على حساب حبه لها وسعادته هو؟؟؟
رفع جواله ودق لاامين السايق اللي حطه ورى مشاعل..
امين نعم طال عمرك؟
فواز طلعت مشاعل ولالسه؟
امين سايقهم توه واصل وكاني وراه يعني يمكن على دقايق ويطلعون....
فواز بس تشوفها راكبة السيارة دق لي!!
امين حاضر طال عمرك.......اقول كاهم ركبوا السيارة؟
فواز خلاص بس يوصلون البيت عطني خبر واذا تغير برنامجهم وراحوا مكان ثاني قولي طيب..
امين طيب..
سكر ورجع دق لها وكان جوالها لسه مقفل..
تنهد بحرقة ورمى الجوال من يده بقوة....
نورة سكرت باب غرفتها وهي تشوف اتصال من فارس عندها..واستجمعت انفاسها وردت بهدوء هلا..
فارس وغلا...
نورة ......
فارس وين رحتي؟
نورة موجودة؟
فارس طب وليه ساكتة؟
نورة علشانك انت اللي متصل مو انا!!
فارس واذا كنت انا اللي متصل تظلين انتي ساكتة؟
نورة لان مو انا اللي متصلة فما لازم اتكلم؟
فارس وحتى اذا كنتي تبين شي؟
نورة أي بس انا ماابي شي؟
فارس مو صحيح؟
نورة وقفت قبال المرايا وقالت له نعم...
فتحت شعرها وقامت تحوس بشعرها وهي تكلمه..
فارس برومنسية يعني بالذمة انتي مو محتارة تلبسين أي ثوب ولااي لون ومترددة تتصلين فيني ولالا تاخذين رايي؟
ابتسمت لنفسها بالمرايا وقالت له بثقة وهي تضحك لا طبعا اخر مايلزمني رايك في الشي اللي بلبسه؟
فارس مو صحيح...
ضحكت بقوة ها المرة...
فارس لاتلعبين على نفسك انا متاْكد بس جالسة تكابرين علي! تبيني اصدقك؟
نورة بكيفك لاتصدقني بس رايك مايلزمني؟
فارس طيب اللحين وش الالوان اللي محيرتك عطيني وانا اشوف وش نختار؟
نورة أي الوان؟
فارس اللي بتلبسيهم؟
نورة ومن قال اني بلبس شي اصلا؟
فارس قام يصافر ماشاءالله فالة الدنيا انتي مابتلبسين شي اصلا!!
نورة وهي تصارخ عليه روح اقلب وجهك عني ؟؟انا قصدي بجلس بعبايتي لين تمشي بيتكم؟
فارس انا امشي بيتنا!!انا الود ودي من اللحين مااطلع من بيتكم بعد شلون اذا طلعت عندي ورقة تثبت انك لي...ماراح اطلع بجلس طول الليل في بيتكم وش تبين بعد!!
نورة سعد مو هنا وابوي بيروح الرياض وامي ..
فارس ماعلي من احد علي من راعية السهر وبس!!
نورة قلنا التوبة مانسهر اللحين؟
فارس عناد هي..يوم جيت بجلس معك الليل قلتي بطلتي تسهرين؟
نورة بدلع شسوي بعد مو انت قلت انك مو راعي سهر وتنام بدري....قلبت نظامي انا بعد علشان اواسيك؟؟
فارس ماشاءالله بنت اصول مافي كلام...قلبت برنامجها علشاني وين الاقي انا مثلها بها الدنيا؟
نورة تسخر حضرتك؟
فارس لا اجاريك تقولين قلبتي برنامجك...
نورة يمكن قلبته صدق؟
فارس من متى؟
نورة من زمان؟
فارس وسهرة البارحة كانت عارضة يعني؟؟
نورة وش تقصد؟
فارس بخبث كنتي جالسة للساعة وحدة وربع ولاتنكرين انا ماقدرت اقاوم نومتي اكثر وتركتك ورحت انام..
نورة ليه حضرتك تراقبني!!
فارس مو بالمعنى الصحيح...يعني اراقب غرفتك ومتى يكون النور فيها مشغل ومتى ينطفي؟
نورة ياسلالالاام طيب من الليلة بسهر والنور مطفى زين كذا!!!
تنهدت وضحى وماقالت شي...
خالد باسف بنرجع بيتنا ياوضحى....
وضحى وهي تتنهد قصدك مملكتنا اللي خليتني اكره كل شبر فيها بقد ماكنت احب كل شبر فيها؟
خالد باعتذار قلت لك اني ا
قاطعته وضحى اول قول انت ماعندك مانع ان احنا نطلع من بيت اهلك؟
خالد مو قبل ماتتكلمين معي بصراحة...
وضحى قلت لك ليه مو راضي تصدقني؟
خالد وضحى....
رفعت راسها له وقالت نعم...
خالد بتعب وارتباك بتسامحيني!!
وضحى سكتت وماقالت شي...
خالد قولي انك بتسامحيني....
وضحى انا...انا...
خالد بتعب اكبر وضحى انا تعبان احس اني عايش ومو عايش....صدق لحظة ماحسبت حسابها ابدا... بس وحياتك اني متندم وقلت لك ها الشي....
كل اللي ابيه انك تسامحيني..انا حتى بنومتي مو مرتاح ياوضحى.....
تنهدت وضحى وسكتت....
خالد وضحى...انا باقي لي اسبوعين واروح الرياض عندي دورة هناك وبظل شهر واسبوع...ابيك تفكرين بها الموضوع براحتك...انا حتى ماراح اتصل فيك وابي اذا رجعت تكونين حسمتي الموضوع طيب.....ماابي اضغط عليك وكل يوم اسئلك عن رايك.....ظلي فكري بروحك...بس حطي في بالك اني احبك ومااقدر اعيش بدونك.....ومني لذاك الوقت اتمنى انك تظلين مع ام مشعل علشان اقدر اتطمن عليك لاني ادري انك ماراح تجلسين عند نواف وياسمين.....
الجد يعني بذمتك احد يستقبل ربعه من باب المغادرين؟؟
مشعل وسعد رفعوا رؤؤسهم وناظروا في بعض وهم يمشون ورى الجد اللي راح قدام بعد ماطلع تذاكر من جيبه...
سعد تتخيل بيسفرنا برى البلد وبيخلينا خدم؟
مشعل ليش طلع لنا هو فيزا علشان يسفرنا ويخلينا نصير خدم؟
سعد يالغبي مو كل البلدان يحتاجون فيزا؟
مشعل طيب تتوقع قال لهم فيزا خادم ولاسايق؟
سعد لااكيد خادم لان سايق بنفس طولنا ماينفع؟
مشعل عادي الفلبين ماهم بذاك الطول ويجون عندنا يسوقون؟
سعد يعني تتوقع نروح الفلبين ونصير سواويق؟
مشعل شفت شلون انقلبت الاية بعد ماكانوا يسوقون عندنا صرنا نسوق عندهم!!!
جاهم الجد وراحوا جلسوا بالكراسي..
مشعل مسوي نفسه مستحي جدي اقدر اسئلك وش اللي صاير؟
الجد اسئل؟
مشعل وش اللي صاير؟ليش احنا هنا؟
الجد من غبائك سئلت ها السؤال؟؟يعني جاي المطار وش تسوي؟
سعد انا ادري عنه اكيد بتسافر؟
مشعل انت اسكت محد كلمك يالشراني اصلا كل اللي جانا من تحت راسك؟
الجد عقلوا يالله عقلوا..
مشعل أي ماجاوبتني ياجدي....
الجد بنروح المدينة؟
مشعل وسعد ناظروا في بعض وش بنسوي؟
الجد الناس ليش تروح المدينة مو علشان تزور النبي؟
سعد اللهم صلي وسلم عليك يانبينا يامحمد... بس ليش وكيف؟
مشعل يعني احنا حتى ماجبنا لنا ملابس واغراض ..
الجد مايحتاج بنبات الليلة هناك وبكرة المغرب بنرجع هنا؟
سعد وليه كذا سريعة الرحلة؟
الجد كيفي ابي اصلي الليلة عند النبي وارجع بكرة احد له عندي شي!!!
بعد صلاة المغرب في بيت الحربي...
مشاعل حلويات وكيك وسوالف وش المناسبة؟
ام تركي والله اللي جابه تركي سئليه؟
لفوا لتركي اللي كان يناظرهم...
تركي خير في شي؟
مرام وش المناسبة؟
تركي ابدا بس نوف كان عندها امتحان صعب ويوم قدمت فيه زين قلنا نجيب لكم حلوان..
نوف ابتسمت..
مشاعل اها...روحي.ان شاءالله ياربي كل يوم تقدمين زين بامتحاناتك يانوف؟
ام تركي اقول لاتكثري منها ترى انتي اللي بتروحين فيها وراك عرس يابنت ؟
مشاعل مايخالف يمه نظل على حلوياتهم بس مو لازم ناكل غيرهم؟
مرام نوف وش بتشتغلين اذا تخرجتي؟
نوف ماقالت شي بس ناظرت بتركي وابتسمت...
مرام صيري ابلة احس يناسبك....
نوف جد؟؟؟ترى بتدخل براسي..
مرام أي بس صيري ابلة عربي لان البنات مايخقون الا على ابلات العربي...
تركي لانها تكون رازة الوجه كل يوم عندهم ياحصتين ياثلاث بيضطرون يحبونها علشان ياْقلمون نفسهم على الموضوع؟
نوف طبعا هو يقول ها الكلام علشان يشيل الفكرة من راسي ؟
تركي أي طبعا مافي شغل؟
مشاعل ول...ههههههه
ام تركي ماعليك منه اذا تبين تشتغلين اشتغلي هو بدوامه وانتي وش تسوين بس تنتظرينه؟
تركي بتكون تربين ولدنا ولابنتنا؟
ام تركي انا اربيها...
تركي يمه انتي معي ولاضدي؟؟
ضحكوا الباقييين عليه...
مشاعل يمه ترى مو شافع لك غير انك امه ولاكان من زمان توطى في بطنك هذا مايمزح؟
نوف ههههه ماعليك ياخالتي وقفي معي مو معه....
تركي وين عبدالله؟
مرام بالمجلس ...
ام تركي ليش هو مو طلع؟
مرام أي بس جت عبير ورجع يجلس معها؟
ام تركي متى جت ها العبير؟
مرام قبل ساعة يمه....
تمتمت ام تركي بكم كلمة مو مفهومة....
تركي اقول مشاعل...انتي تتزوجين مع وحدة ثانية بنفس الليلة؟
مشاعل يعتمد على ها الوحدة؟
تركي كيف يعني...يعني اذا وحدة احبها مستحيل لازم احضر لها وتحضر لي بس اذا وحدة مشي حالك لا عادي...
تركي وانتي نوف؟
نوف بثقة ماعندي مشكلة ابدا...
تركي طيب ماتكون في مقارنات وها السوالف..
قاطعته نوف انا واثقة من حالي ....مايهمني راي احد عني اذا كان مايعنيلي شي؟
تركي حلو واعتقد ان خطيبة عبدالله ماتعنيلك شي وماهي بمستوى جمالك؟
ناظروا نوف ومشاعل في بعض وبعدها ناظروا بتركي اللي امه قالت له تركي تركي انا قلت لا..
تركي انا بشوف رايها بس....
نوف شا السالفة...
تركي ولاشي بس عبدالله مقترح نتزوج مع بعض وقلت بشوف رايك؟
مشاعل عبدالله ولاخطيبته؟
تركي مو مهم المهم عندي رايك؟
مشاعل وابوي شقال؟
ام تركي مابعد عرف السالفة....
تركي انتي شرايك نوف...
نوف بثقة عادي ماعندي أي مشكلة؟
مشاعل وان شاءالله اهلها ها الهلاقة بيكونون معنا بنفس العرس؟
ام تركي مستحيل هي بروحها وانا بروحي!!
مرام أي ترى البنت هنا لاتسمعكم؟
جت الشغالة ميلين ماما مشاعل بابا فواز عند الباب؟
ام تركي بتطلعون؟
مشاعل لا...ماقال انه بيجي؟
ام تركي اكيد كلمك وجوالك مقفل؟
مشاعل يو نسيت افتحه...طب دخليه المجلس انا جاية اللحين؟
دخلوا الفندق بعد يوم شاق قضوه بين المطارات والروحة والجية...
ياسمين وهي ترمي صندلها ياربي رجليني تكسروا....
نواف محد قال لك امشي كل ها المشي تقولين اول مرة تشوفين طبيعة بحياتك؟
ياسمين بصراحة اول مرة اشوف قدامي ها المناظر كني باوروبا مو بعمان...اهلها مبسوطين فيها بها الاماكن الحلوة؟
نواف توك اول يوم وش تقولين اذا بكرة تمشيتي فيها صح؟
ياسمين هذا اذا جلست من نومتي بكرة...انا بروحي من المطار للمطار وانا اقول بروح بحط راسي وبنام بس بصراحة وانا بالسيارة حسيت اني مو مقاومة شكل الطبيعة
نواف وبكرة بتشوفين اماكن احلى واحلى ..
ياسمين اكيد..
نواف اكيد..
ياسمين وعد..
نواف طبعا وعد لاني بكون نايم طول بكرة وماراح اقوم؟
على مااستوعبت كلامه كان انبطح وتغطى..
ياسمين لفت له نعم نعم نعم...ماسمعت عيد كلامك...
نواف سوى روحه دخل بالحلمة العشرين ومايسمعها..
قامت من مكانها وتقربت منه وشالت الغطاء عنه..
نواف وهو مغمض عيونه اتركيني انام!!من زمان وانا النوم فيني!!
ياسمين بسخرية أي بس حبيبي صار لك زمان نايم؟
نواف فتح عيونه جد والله؟كم يعني؟
ياسمين اوه ه ه من امس وانت نايم؟
نواف صدقّّّّ!!!
ياسمين يعني انا اكذب عليك...يالله حبيبي اترك الكسل عنك وقوم...
نواف يالله حبيبتي قايم...
ياسمين مو تطول يالله وراي...
نواف سوى روحه قايم أي يالله قمت..
لفت بتمشي ونواف طفى الانوار لانهم كانوا جنب فراشه وغرقت الغرفة بالظلام...
ياسمين وقفت مكانها وقالت بخوف نواف طفى النور...
نواف جد؟؟؟يالله وش نسوي خلنا بمكانا لين يرجع؟
ياسمين وهي تناظر من تحت باب الغرفة بس غريبة الممر منور ؟
نواف غريبة فعلا..
ياسمين اخاف بس بغرفتنا طافي النور؟
نواف ليه يعني!!
ياسمين لفت له نواف شغل النور؟
نواف لاتحلمين؟
ياسمين اوه ه ...مدري وين اروح انا...اي ماابي امشي واطيح؟
نواف لاامشي وطيحي عادي مافي مشكلة؟
ياسمين نواف..
نواف سمعي لفي يمين وامشي خطوتين..
ياسمين ليه؟
نواف بدلك على الطريق...
ياسمين تحلم اتحرك من مكاني والنور مطفي؟
نواف قام من مكانه طيب انا جاي ادليك دربك....
وقف وصار وراها لانه يوم طفى النور مابعد تحركت كثير عن مكانها....
مسكها من خصرها ومشاها معه لين جلسها على الفراش..
نواف خلاص وصلتي بالسلامة؟
ياسمين نواف شغل النور تكفى انا اخاف كذا احنا مو بالبيت؟
نواف لاتخافين ماراح يطلع لك اسد؟
ياسمين أي اكيد مابيطلع لي اسد لان الاسد جنبي!!!
نواف هههه هاذي شنو؟شماتة ولامدح ولاذم ولا شسالفتها؟
ياسمين وهي تتوسد صدره هاذي طال عمرك كناية عن شجاعتك....واني مااخاف وانت معي!!
نواف أي زين بعد طلعتي من الجامعة بشي...
ياسمين هاذي مو من الجامعة هاذي من ايام الثانوي..
نواف أي زين يالله نامي خلينا نرتاح تعبتينا اليوم...
بالمجلس ,,,
فواز كان جالس على اعصابه....
حقرانها اليوم ماهو طبيعي ابدا من الصباح وهي مطنشته وقالت له باتصل فيك ومااتصلت وخلت الجوال مقفل الى قبل جيته بدقايق وهي مافتحته...
كان لازم يشوفها ويشوف اللي جرى لها....
حس بتاْزم ماله مثيل,,,,
لين شافها داخلة المجلس وهي تبتسم..حس ان روحها شوي بدت ترجع والامور شوي اهون من اللي هو يفكر فيه....
تقدمت منه ووقف يوم شافها....
باسته على خدوده بنعومة..
مشاعل هلا حبيبي...
اول ماابتعدت عنه مسك يدها وخلاها بوجهه وقام يناظرها..
مشاعل شفيك مشتاق لي!!
فواز تنهد وفهمت انها كان المفروض تتصل فيه؟
مشاعل باعتذار انا اسفة....كنت ابي انسى اللي صار اليوم واسلي نفسي بين اهلي وقلت بكلمك قبل لاانام...
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك