رواية كل يوم لك حال جديد يوم قريب ويوم بعيد -42
فواز تنهد وفهمت انها كان المفروض تتصل فيه؟
مشاعل باعتذار انا اسفة....كنت ابي انسى اللي صار اليوم واسلي نفسي بين اهلي وقلت بكلمك قبل لاانام...
فواز بهمس كذا تسوين فيني ماتدرين اني قاعد على اعصابي ابي منك خبر؟
مشاعل باعتذار انا فعلا اسفة؟
فواز بخوف مشاعل انتي بخير؟
مشاعل وهي تبتسم طبعا بخير..
فواز مشاعل
مشاعل والله مافيني شي شوف شزيني...
تنهد بقوة بس مافك يدها جلس وجلسها جنبه علطول...
فواز بهمس مشاعل..حبيبتي والله قلبي كان متقطع عليك..
تنهدت وحطت راسها على صدره وقام يحوس بشعرها...
فواز وش اللي صار؟
مشاعل لاتشغل بالك...وحدة سخيفة وحبت تحرجني قدام البنات بس يوم اتصلت فيك انقلب السحر على الساحر وهي اللي انحرجت وانتهت السالفة؟
فواز وش كانت تبي منك؟
مشاعل تبي تبين للبنات اني وحدة بنت شوارع واني سارقتك منها واني راعية علاقات ومالى ذلك من ها الكلام....
فواز ويوم كلمتيني؟
مشاعل قلت لك يوم كلمتك انها هي اللي انسحبت بجماعتها وماقالت شي بعدها ولاشفتها...
فواز ..........انا اسف؟
مشاعل وانت شكوا تعتذر؟
فواز بتنهيدة هي ماجت لك وتعرضت لك الا بعد ماصرتي انتي لي...قبل ماكنتي متعرضة لها الموضوع والاحراجات يامشاعل؟
مشاعل تنهدت لوماكنت انا بتكون غيري فمافرقت؟
فواز وهو يجر بشعرها بقوة مشاعل لاتسوين روحك مو مهتمة انا ادري انك كنتي بموقف سخيف اليوم؟
مشاعل تنهدت وغمضت عيونها مو مشكلة....موقف وعدى وعلى قولة نورة اللي يعرفك يدري انك مو كذا ومو مثل ماقالوا عنك....
تنهد فواز وتنهدت وظلوا ساكتين فترة طويلة ..
كان يناظرها طاحت من عينها دمعة ومسحها باصبعه وحاولت تبعد عنه بس مارضى..
فواز بهمس خليني اشبع من حضنك؟
ماتدري ليش لهجته كانت قاسية ها المرة ولا خالية من أي مشاعر....
مشاعل شتقصد؟
تنهد وماجاوبها وحست بالخوف؟
مشاعل وهي تشوف الورد قالت له بحب لي الورد...
فواز بتمتمة اممم
مشاعل وليش مااهديتني اياه وتركته على الطاولة؟
مارد عليها..
مشاعل بخوف فواز فيك شي؟
قامت ام تركي مع مرام للسوبر ماركت وظلوا تركي ونوف جالسين بالصالة...
نوف تركي...
تركي هلا...
نوف انا ترى ماعندي مانع على سالفة العرس..يعني سووا اللي تبونه لاتشيل همي؟
تركي ابوي مابعد عرف بالسالفة وامي حاسها مو متقبلة الموضوع..
نوف توك تقول تبي رايي؟
تركي أي طبعا رايك الاهم؟
نوف بثقة وانا اقولك خلنا نتزوج بليلة وحدة؟
تركي حاس السالفة فيها شي؟
نوف يمكن لاني احسها تبي تسوي كذا ومتوقعة مني الرفض علشان تسوي قضية لعبدالله على الفاضي فاانا ابي اسد عليها ها الشي وبعدين خالتي قالت هم عرسهم بروحهم فماشكلت عندي أي شي...
تركي على راحتك....
نوف وش صار على العشى للحين ماجابوه مت من الجوع؟
تركي ترى على فكرة ماطلبت من كنتاكي طلبت لك مشاوي ومقبلات؟
نوف اوووف كان خاطري بكنتاكي مو بشي ثاني؟
تركي لو سمحتي انا مااحب ها المطعم فيعني شيئا فشي اتركيه؟
نوف بنشوف...
تركي قام بعد مادق الجرس هذا اكيد المطعم....
نوف طيب انا بروح المطبخ...
طلع تركي وراحت هي المطبخ وبعد اقل من دقيقة دخلت عبير هي مع عبدالله...
ولفت لهم نوف..
عبدالله انتي هنا؟
نوف ليه وين تبيني اكون؟
عبدالله شفت تركي طالع على بالي انتي معه؟
نوف لا ماهو طالع بس كان طالب لنا عشى وراج يجيبه؟
عبير عشتوا..
نوف نعم...
عبير انتي ماتستحين؟
نوف عفوا...
عبير انتي ليه ماتتغطين عن عبدالله؟
ناظرت نوف بعبدالله اللي انحرج من كلمة عبير..
عبدالله احنا مثل الاخوان..
عبير هذا الظاهر لك بس انا اغار عليك وماابيها تكشف وجهها لك؟
نوف أي وش بعد غير ها من طلبات تبينها ؟
عبير وانتي ليه تكلميني كذا!!
نوف وشلون تبيني اكلمك بالله؟
عبير سمعتها ياعبدالله علشان لاتقول اني اتبلى عليها؟
عبدالله نوف؟علامك...صاير لك شي؟
نوف عبدالله انت مو معقول شايفها شلون تكلمني وصار الحق علي انا؟
عبير أي انا اقولك ليش هي تسوي كذا على بالها ان مافي رجال بها البيت غير تركي والباقي لا..
توه عبدالله بيتكلم الا دق جواله..
عبدالله هذا مديري...هلا طال عمرك...اي...اي جاهزة المعاملة ليه؟...
بعد عنهم شوي وطلع من الباب الخارجي يكلم....
عبير سخيفة؟
نوف مو رادة عليك..
عبير لاتكفين ردي؟
نوف شتبيني اقول انك مريضة ولامتعقده؟يعني مو معقولة انتي من طبيتي ها البيت وانتي ماصار لك ثلاثة ايام وانتي حاطة دوبك من دوبي؟؟وش مسوية لك انا؟
عبير بحقد يعني لاتفكرين انك اخذتي تركي اخذتي الخير كله..
نوف اقول انا فعلا اخذت الخير كله تدرين ليه؟لان الرجال مو بفلوسه الرجال بعقله وبتصرفاته؟...وتركي عوذته بالله من عيونك رجال وسيد الرجال بعد وماانخلق اللي يشابهه بطبايعه يابنت الناس....
عبير الايام بينا يانوف وياانتي بتجلسين بها البيت يابتطلعين؟
نوف جد؟ومافي حل وسط؟
عبير باحتقار مو مشكلة يمكن اتوسط لك واخليك تخدميني؟
تركي بحدة من وراها هذا اذا صار جسمي تحت الثرى يابنت الناس؟؟
وقفوا ثنتينهم بمكانهم ونوف ناظرته وعبير بعدها بمكانها...
تركي لسانك هذا لايعتب لسان مرتي سامعتني ولا لا؟شكلك ماتدرين انها راعية البيت مع امي...
عبير كنك مقلل من قيمة الباقيين علشانها وانت ماتدري عن نواياها؟
تركي بعصبية اقول انطمي بس انطمي واعتذري لها بسرعة؟
عبير مو معتذرة لااحد ومني لذاك الوقت بتكون هي اللي جاتني واعتذرت لي وبتشوف؟
تركي اقول مني لذاك الوقت بيصير خير طبعا بس بهذا الوقت شرفيني وطلعي برى البيت؟
نوف بسرعة تركي لا...
عبير شهقت تطردني؟؟
تركي واطرد اهلك بعد!!اللي مابيحترم الناس في بيوتهم وهو ضيفهم ماله مكان بينهم؟
دخل عبدالله بها الوقت..
عبير بصراخ شفت اخوك شسوى؟كله منها هي هي اللي قالت له؟اصلا حتى ماقالت لي اغطي وجهي لانه بيدخل شفت ياعبدالله؟
طلعت وعبدالله يناظرهم بتعجب...
تركي بشماتة روح الحقها اذا تبي بس يكون بعلمك أي اعتذار يجي ماراح اقبله؟
طلع عبدالله وراها وهو مو داري شااسالفة بس لانها كانت تمشي وهي تصارخ وتبكي...
لفت تركي لنوف لقى بعيونها دموع تنزل..
تقرب منها وقال بهدوء حبيبي..
شارت له بيدها لايقول شي...
نوف كان يومي حلو وكنت فرحانة...تركي ليه خليتها توصل لهنا؟
تركي بحدة لانها لازم تفهم وشهي من ها اللحظة قبل لاتعشش اكثر؟
نوف تنهدت ومشت بتركب ومسك يدها..
تركي بهمس وين؟.
نوف وهي تمسح دموعها لاارض الله الواسعة احس اني مخنوقة هاذي البداية ياتركي وانت كذا قلبت عبدالله علينا؟
تركي بالناقص اذا هو رجال بتكون ردة فعله ثانية ...واما اذا كان بيمشي وراها وهو مو داري وش صاير فهذا شي ثاني؟
نوف ...
تقرب منها وضمها لصدره وقال بهمس حبيبتي انا ابيك تكونين اقوى من كل شي...انتي راعية البيت وهي ضيفة عندك واذا ماتبينها ماتلزمنا صدقيني اهم شي رضاك انتي!!
نوف بهمس انت بتخليهم يكرهوني ياتركي؟
تركي قلت لك مايلزمنا حبهم يانوف...
في فندق الموفنبيك ..
مشعل مايسوى علينا نقعد بها الفندق واحنا طول اليوم نخدم؟
سعد هذا يسمونه تعويض بعد ماطلع روحنا اليوم في الشغل جابنا هنا نرتاح؟
مشعل وان شاءالله بكرة كذا بعد!!
سعد والله اذا هو جدي وجلس من صبح الله أي اكيد..
مشعل انا مشعل اقوم اشتغل عند الافريقين والمصريين واشيل اغراضهم؟
سعد هذا يسمونه خدمة زوار النبي عليه السلام؟
مشعل ماقلنا شي بس انت شايف كل واحد طول بعرض شوي ويدوسنا؟
سعد من يصدق احنا نكون كذا؟
مشعل بعد هو لو خلانا نشحت ماعليه بنطلع فلوس بس نخدم؟؟
سعد قول الحمدلله انها جت على كذا ماجته سكتة قلبية كنا بنحس بتاْنيب الضمير طول عمرنا؟
مشعل انا تعلمت درسي من ها السالفة؟
سعد شنو؟
مشعل اني مااكذب على جدي ابدا؟
سعد بارك الله فيك..
مشعل بس هذا مايعني اني مااكذب على جدتي ولااستغلها لان جدي شي ولان جدتي شي ثاني؟
سعد لا انا التوبة لان جدتي بغير شي ماترحمنا لو تدري احنا نسوي فيها مقلب ولاشي نروح فيها اكيد؟
مشعل اقول نام بس نام ورانا بكرة شغل....
سعد والله الزين بجدي خلانا نغيب اليوم وبكرة من المدرسة...
مشعل أي والله وانت الصادق خخخخخ هذا يعطينا حماس علشان نكذب عليه اكثر بتزيد عندنا ايام الغياب عن المترسة المفترسة؟
خالد مانمتي؟
ام مشعل حاسة عندك شي تبي تقوله؟
خالد لاابدا..
ام مشعل حطت يدها عليه قول يمه انا اسمعك..
خالد تنهد وبعدها قال وضحى..
ام مشعل شفيها...
خالد تبي نرد بيتنا؟
ام مشعل ليه؟
خالد مدري اليوم قالت لي!!
ام مشعل وماقالت لك ليش؟
خالد لا..
ام مشعل اكيد سمعت كلام امي الله يهداها..
خالد ليه امي قايلة لها شي؟
ام مشعل وانت الصادق من وراها بس صوت امي عالي واكيد سمعت!!
خالد ليش وش قالت عنها؟
ام مشعل سوالف امي المعتادة مافي شي جديد..
خالد اوووف ياربي وهي تقولي انا مو مرتاحة ويوم سئلتها قالت لي تقلبات الحمل...
ام مشعل وانت وش قلت لها؟
خالد طلبت منها تظل معك لين ارجع من الرياض بعد شهر وشوي....
ام مشعل حلو وبعدين تعال بتلاقيها نست ,,
خالد مو الخوف ان امي بغيابي تزيد العيار عليها ووضحى حساسة ياام مشعل؟
ام مشعل لاتطمن انا بكون معها انت روح ورد بالسلامة...يابو وليد؟
خالد تنهد بارتياح تصدقين قاعد ارسم لوليد شكل في بالي احسه مابيشبهني مدري ليش؟
ام مشعل اهم شي الخلقة التامة والصحة والعافية الشبه اخر شي تشيل همه؟
خالد على قولتك الله يسلم امه ويسلمه...
ام مشعل أي هذا الكلام الزين,,,
مشاعل بخوف فواز شفيك؟
فواز
مشاعل بخوف اكبر فيك شي صح؟
فواز لا...
مشاعل مستحيل....انت مو على طبيعتك؟
فواز تقدرين تقولين حاس بالذنب تجاهك؟
مشاعل أي ذنب؟؟فواز انت مالك شغل؟
تنهد وماقال شي..
بعدت عنه وكان ساهم بنظراته....
مشاعل وهي تهزه من كتفه علشان يناظرها..
رفع راسه لها والتقوا عيونهم في بعض,,,
مشاعل بهمس فوازي..
فواز بحنان مشاعل انا مااستاهل حبك واهتمامك..
مشاعل حبيبي والله قلت لك ماكان فيني شي والجوال نسيته مقفل وبس..ليه مكبرها؟
فواز بجدية وهو مباعد نظرته عنها مشاعل انتي لك الحق بان تكون لك حياة خالية من ها المشاكل اللي قاعدة تصير لك بسبب!!
مشاعل وش تقصد..
فواز اللي فهمتيه؟
مشاعل شهقت ووقفت مكانها..
كانت تبي تتكلم بس حست انها مخنوقة وماحست الا بدموعها تحرقها وهي نازلة عليها,,,,
فواز كان بحالة ضيق شديدة مو قاوي يشوف دموعها ومو قاوي يقولها بصريح العبارة..
مشاعل بصوت متقطع من بين شهقاتها تبي تتركني!!!هذا الحل برايك؟طيب يافواز اتركني....لكن يكون بعلمك اني بكرهك طول عمري...لانك وعدتني بالحب وانك ماراح تتخلى عني وهذا انت من بداية الطريق تركتني وماتحملت!!!
قامت تمسح دموعها ووقفت بتطلع وناداها فواز بس هي ماكانت تشوف غير دموعها وبس!!!!
هذا فواز ويبي يتركها......بعد ماحبته وتعلقت فيه وماباقي على زواجهم غير شهر بس!!!
عبدالله عند الباب كان ماسك كتف عبير ويهديها..
عبدالله طب انتظري بس شوي ياعبير؟
عبير وهي تبكي وتتباكى ليه علشان اخذ اهانة وطردة ثانية وانت واقف؟
عبدالله انا مو فاهم وش اللي صار؟
عبير واضحة مايبيلها شي....نوف بعد مامشيت غسلت شراعي وتطمشت فيني ونادت اخوك يكمل معها وطردوني...
عبدالله طب ليه؟وعلشان شنو؟
عبير انا هذا كله مايهمني...بس لو عطتني خبر ان تركي جاي كنت تغطيت..تصور وجهي كان مكشوف وشعري باين؟؟؟
انا مقدر اوقف ياعبدالله لازم امشي...
عبدالله تنهد بضيق تركي؟؟؟طب ليه ماتحمحم ولا قال شي قبل لايدخل؟
عبير الحق على نوف هي بس اللي تدري انه بيدخل وكانت المفروض تنبهني ولاتقوله؟
عبدالله بعصبية الحق معه هو بعد يعني ماسمع صوتك قبل يدخل؟
عبير لا هي الغلطانة موهو؟
عبدالله وليه طردك من البيت؟
عبير لان حضرتها طلبت منه يسوي كذا...
عبدالله نوف؟
عبير أي قالت له رضاها انه يطردني وهو مايدري وش السالفة وقام وطردني على باله ان احنا متخانقين...انت شفتها قدامك شلون كانت تكلمني شفتني رديت عليها ياعبدالله؟..ابدا ولاقلت شي واحترمت وجودك بس هي مااحترمت شي ابدا!!
عبدالله طب ادخلي خل نتفاهم؟
عبير مستحيل انا انطردت من ها البيت ياعبدالله وياتجي نوف تعتذر لي ولايتعذرني وماراح ادخله حتى لو علشانك ياعبدالله؟
اليوم الثاني المغرب,,,
كانوا نواف وياسمين رجعوا الشرقية وكنسلوا باقي الرحلة لان الجو كان بارد موت وممطر وعلشان ملكة نورة وهم باقي لهم بس يومين ويرجعون فاختصروا الطريق ونزلوا....
كان نواف متممد على فراشه ويقرا الجرايد وهي رايحة جاية بالثياب وش بتلبس لانهم نزلوا الظهر وظلوا في بيتهم ماقالوا لااحد انهم رجعوا ومحد يدري غير تركي بس....
والباقيين بتكون مفاجاءة لهم الليلة اذا شافوها...
خلصت لبس ووقفت قبال المرايا تضبط اخر اللمسات على شكلها ويوم انتهت لفت بتمشي ولقته يناظرها...
ياسمين ...في شي؟
نواف مالقيتي ثوب اقصر من هذا تلبسينه؟
ياسمين ناظرت بثوبها وماعلقت...صدق كان الثوب قصير بس هي طول الايام اللي فاتت تلبس كذا وماقال شي...
رفعت راسها وقالت شفيه؟
نواف بحدة فيه انه قصير؟
ياسمين طيب وين المشكلة؟
نواف رجعت تسئلني وين المشكلة؟بابا اذا تبين تروحين بدلي ها الثوب اول؟
ياسمين وقفت مكانها ليه؟
نواف بلامبالاة لانك اذا تبين تطلعين ماراح تطلعين كذاّ!!!
ياسمين بس انا كنت
نواف وماابي نقاش؟
اللي كان حاز بخاطرها طريقة كلامه نفسها مو الاعتراض على لبسها....
نواف ليه تناظريني بعد؟
ياسمين وش اللي صار؟
وقف وصار قبالها وقال اللي صار ان الهدنة انتهت ورجعنا الشرقية ورجعنا بيتنا....فهمتي وش اللي صار؟
قالها وطلع من الغرفة وتركها بروحها..
شافت اول كرسي صادفها وجلست عليه...
أي هذا نواف اللي تزوجها مو ذاك...ذاك كان مجرد استعارة لاايام السفر وايام السفر انتهت ورجع لها نواف الاصلي!!!
تنهدت بقوة...كل الاحاسيس اللي حستها بقربه كانت وهم وسراب وكاهو غاب وجاها الواقع المؤلم؟
شخصية تمنتها ماترجع لنواف اصلا بس كاهي رجعت ولاحول ولاقوة..
مسحت دمعة نزلت قبل لايرجع نواف ويشوفها تبكي وها الشي اللي مالازم يشوفه..
ومدامه فركش الهدنة وانهاها انا بعد برجع لطبيعتي معاه والبادي اظلم يانواف؟
نوف انتي مالبستي للحين بنتاْخر يابابا؟
مشاعل بزعل يصير مااروح ؟
نوف لاطبعا بتزعلين نورة منك؟
مشاعل بضيق مالي خلق شي..
نوف ولاناوية تفتحين جوالك؟
مشاعل .
نوف مشاعل انا صايرة بوجه المدفع من يدق التلفون رحت انا اشيله اذا شفت رقم فواز واتحجج له بالف حجة كل مااتصل...صار متصل لك من البارحة للحين فوق العشر مرات يابنت الناس؟
مشاعل وش تبيني اسوي يعني؟
نوف جلسي معه وحطي النقاط على الحروف..
مشاعل بزعل ما ابي اشوفه يانوف ماابي...هذا وجع قلبي...يبي يتركني؟
نوف مشاعل هو ماقالها بصريح العبارة؟
مشاعل مايبيلها فهامة كثيرة...
نوف يمكن انه كان متضايق انه حطك بها الموقف يامشاعل....وحب يعتذر وانخبصت الامور معه؟
مشاعل
نوف هو لو يبي يفك ليه بياخذ رايك بعد..كان من جا البارحة وقال اللي عنده مو يتصل يبي يسمع صوتك....
مشاعل ........
نوف على فكرة ترى تركي اعزمه على الملكة الليلة واكيد بتشوفينه فلازم تكونين عارفة وش بتقولين ومتجهزة لااي موقف طارىء؟
مشاعل انتي وش صار معك؟
نوف مو مبين شي لحد اللحين لاعبدالله بين ولاهي بينت وتركي ماقال شي....
مشاعل ياربي على ها البنت عقرب مو بشر حشى؟
نوف يابنت الناس كلا له همه اللي يوجعه قومي بس لانتاْخر؟
عدت الملكة على خير وسلامة ودخل فارس يشوف نورة اللي كانت طايرة من الفرح والوناسة والدنيا مو سايعتها....
كانت بالفعل ملكة جمال بثوبها الاحمر اللي لبسته وعطاها هيبة وانوثة اكثر لشخصيتها...
وقف قبال الباب قبل لايدخل وهو يتاْملها....
يوم رفعت راسها شافته واقف....
وانتبه انها تناظره..
نورة بهدوء خلاص اقوم امشي اكتفيت بنظراتك؟
ابتسم وتقدم منها وقال برومنسية كنت اقراْعليك من عيوني؟
وقفت يوم صار قريب منها وقالت ماقلت لي ان عيونك حارة؟
فارس حارة بس مو عليك لاتخافين......ظل يناظرها بحب وهي تناظره...
فارس بهمس مو لعة بالاحمر؟
نورة ماردت عليه وحست انها بتطير لو يقول كلمة زيادة...
مسك يدها وقال وهو يجلس ويجلسها جنبه واخيرا نورة الحلم صارت حقيقة؟
ابتسمت له..
فارس زمان ..زمان وانا راسم لك صورة في بالي يانورة....بس طلعتي احلى من اللي باحلامي....
نورة وش كنت راسم لي؟
فارس شي حلو بس مو مثل اللي قاعد اشوفه...حتى شخصيتك ابهرتني؟؟
نورة .........
فارس بهمس احبك؟
نورة وهي تناظر بالارض انا بعد..
حط يده تحت راسها ورفعه له وقال قوليها ابي اسمعها؟
نورة بهيام احبك يافارس...
تنهد بقوة وقال باسف نورة انا اسف...
نورة ليه؟؟
فارس لاني بخرب الليلة وبخليك تفكرين؟
نورة في شنو؟
فارس حتى بعد ماتسمعين الكلام اللي بقوله بيمشي كل شي مثل مااتفقنا مع ابوك والعرس بيكون بعد العيد ان شاءالله..
نورة بخوف فارس وش فيك؟
فارس ولاشي....
نورة ....
فارس نورة انا اكرهك؟
نورة بصدمة شنو؟
فارس بثقة من اول ماجتني الرسايل وهي تحكي بسيرتك وانا حالف وناوي بالشر على اللي مسويها ويوم طلعتي انتي اللي مسويتها احترت وش اسوي فيك..لاني كنت اتعلق فيك كل يوم اكثر من الثاني,,,بس لازم اعاقبك على اللي سويتيه حتى لو كنتي انتي!!!كان لازم اتعامل معك غير....ذلك يانورة في انك تعترفين لي بالحب وترضخين لي واذا سويتها اقوم انا وادوس عليك واقولك اني اكرهك ..وكاهي صارت واعترفتي بحبك..اسف على ها الكلمة يانورة بس انا اكرهك....
قالها وقام وسط نظرات نورة اللي تجمدت وقلبها اللي وقف!!!!
لاتتركون شي بخاطركم كل شي اكتبوه بتعليقاتكم ونلتقي يوم السبت ان شاء الله
****
***
**
*
هلا وغلا بالحلوين...
كيفكم ياعسل وش اخباركم وش علومكم...
ان شاءالله عجبكم البارت اللي قبل ...
اي صحيح وين اللي يكرهون حصة ومايواطنوها والشتايم كلها عندها اشوف حليت بعيونكم خخخخ
ماينعرف لكم مالكم اخو ولا صاحب اخاف بعد بارتين تكرهون تركي خخخخخ
البارت التاسع والسبعين ,,,
اول ماطلع فارس من المجلس دخلوا البنات اللي كانوا واقفين برى رايحين جايين ينتظرونه يطلع...
دخلوا كلهم مرة وحدة...
نوف الحمدلله لاالمتزوجة فينا عاقلة ولااللي مخطوبة؟
مشاعل هههه لاوننتظر طلعته على نار بعد صدق مافينا ذرة حيا؟
ياسمين سكتي بس ياام نفسية تعبانة؟
مشاعل هذا استعداد علشان لو بزعل بالايام الجاية الا اكون عوضت...
وقفوا على راس نورة اللي من طلع نورة طاحت على كرسيها مرة وحدة وللحين مو مستوعبة كلمة من اللي قاله وكل افكاراها مشتتة....
نوف نورة علامك؟
ياسمين يابابا خلاص طلع فارس اصحي من احلامك..
مشاعل اقرصك علشان تصدقين؟
نورة وهي تتنفس بقوة جوالي...
ياسمين كاهو عندي....
نورة اخذته بقوة ويدها مرتجفة وهي بتدق على فارس سحبت نوف الجوال منها..
نوف وش تبين تسوين؟
نورة بلا وعي يطلقني!!لازم يطلقني؟
ناظروا في بعض بحيرة وكل وحدة على وجهها الف علامة استفهام...
مشاعل انتي شقاعدة تقولين؟
نورة غمضت عيونها والف دمعة جرحت كبريائها واقفة مو قادرة تنزل...
ياسمين نورة وش صاير؟
نورة وهي بعدها مغمضة ومبين من صوتها انها بتبكي حقير...لعب معي لعبة سخيفة.....ماابيه...لازم يطلقني اللحين قبل لايطلع من بيتنا؟
مشاعل اقول ترى الجماعة كلهم ينتظرونك ومو بعيدة تجي امه تطب علينا قومي غسلي وضبطي مكياجك وبعدين بنتكلم...
نورة كانت تمثال جامد ومافيها أي شي ينبض حتى عيونها كانت مسكرة,,,,
والبنات يناظرون في بعض..
ياسمين بخوف نورة..
نورة .
مشاعل بنفس الخوف نورة...شفيك؟
نورة ..........
نوف نورة لاتخوفينا وش اللي صاير؟
فتحت عيونها ومانطقت بشي بس كانت دموعها تتكلم عنها ..
وشهقوا البنات وناظروا في بعض؟؟؟
احاسيس مختلفة حسها فارس من شاف نورة الليلة..
كانت ملكة جمال بثوبها الاحمر...حسها شي مو طبيعي..جاذبيتها كانت تنطق بكل شي فيها...
حتى ابتسامتها هاذي اول مرة يشوفها ...
ليه كذا سوى؟؟يوم رضت وابتسمت له وحبته جرحها وزعلها؟؟
وبها اليوم الخاص فيه وفيها؟؟؟
لعبة لعبتها معه وحلف انه يدفع اللي سواها الثمن غالي بس يوم قالت انها هي اللي سوتها انصدم ماعرف وش يسوي مايبي يضرها لانها حبيبته ومستحيل يتركها لانها حلم عاش طول عمره ينتظره...
قال ماله الا انه يعلقها فيه وبعدين يرفض حبها...
مايدري ليش حس انه ضعيف وسخيف واصغر من كل ذرات العالم بها الكلمة اللي قالها...لو ماقالها كانت بحضنه اللحين ويمسح على شعرها ويبوسها...بس بينك وبينها مسافة كبيرة يافارس..ماهي مسافة الباب اللي جالس تشوفه من بعيد...قلبها بعد عن قلبك كثير ولاتحسب انك بتقدر تقربها من جديد يافارس....
رجع خطواته لورى من جديد وقرر يروح يكلمها قبل لاتدخل للحريم ويعتذر عن موقفه البايخ ويبرر الكلمة باي شي وقف عند الباب وتوه بيفتحه سمع صوتها تبكي...اي هذا صوت نورتك يافارس ...شفت خليتها تبكي والليلة كانت ليلة فرحتها؟؟؟
تنهد بقوة بس سمع معها اصوات تكلمها وابتعد بسرعة..اكيد احد جاها وشافها تبكي وانت السبب...
وش سويت بليلتك بس يافارس وش سويت؟ليه خربتها ونكدت الجو على نفسك وعليها بس يافارس؟؟؟
اولى خطوات التغير بياسمين كانت هي اصرارها على انها تاخذ احمد معها الليلة بحجة انهم رجعوا من السفر ومالازم احمد يبقى هناك اكثر لان كل ماطالت فترة قعدته عندهم كل ماحليت القعدة هني وتعبوا في اقناعه يجي معهم البيت..
وسوتها وسط نظرات نواف اللي كانت تناظرها بشي مو مفهوم..
ظلوا طول الطريق ساكتين الا من كم تعليق منها لااحمد عن الهدية اللي شرتها لها والهدية اللي شراها ابوه ومشعل وسعد وش سووا بالايام اللي فاتت...
واحمد وابوه كانوا بصمت مطبق حتى اذا احمد سئل ابوه كان يايحقر ومايجاوب ولا انه يجاوب باقتضاب شديد....
نزلوا البيت وراحت هي بدلت ورجعت مع احمد غرفته اللي بينام فيها لين يجهزون له غرفة خاصة فيه.....
وحقرت نواف وطوايفه وكانه مو موجود وها الشي اللي قهره......
مسوية ان السالفة عادي جدا وهو عارف ان وراها شي ماهي خالية.....
جا وراهم لغرفة احمد وشافهم يسولفون هو عارف ان ياسمين ماتحب ولده ولاولده يحبها وحتى كلامهم كان عادي خالي من أي عاطفة من الاثنين بس اثنينهم يتفقون على نقطة وحدة واللي هو اساسها؟
هي تبي تعانده وبس وولده مالها أي سيطرة عليه...واذا اشتدت بينهم يكون احمد خايف منه وبس!!
سد الباب بطوله والتفتوا له اثنينهم....
نواف ماراح تنام؟
احمد بنام اللحين....
نواف والله اللي انا اشوفه سوالف قايمة بينكم!!!
ناظر احمد بياسمين علشان ترد هي لانه ماعرف وش يقول...
كانت متسندة على سرير احمد ويوم شافت نواف يناظرها حطت رجل فوق الثانية وقالت بلااهتمام روح نام انت اذا انت تعبان لاتشيل همنا احنا بنخلص سالفتنا وبعدين بنام؟
كان بيقول شي بس لفت هي لااحمد وقالت أي وبعدين وش سوى جدي فيهم؟
لو مامسك نفسه كان راح سحبها من شعرها وجابها لعنده بس زين ياياسمين حسابك بالغرفة مو هني قدام احمد؟
خله ينام وبنشوف على وشو رافعة لي راسك وشايفة حالك؟
في مطعم فلامنجو بالخبر...
عبير ..........
عبدالله علامك ماتاكلين حياتي ماهو عاجبك المطعم؟
عبير بزعل انت جايبني هنا تراضيني ولا شسالفتك؟
تنهد عبدالله وسكت...
عبير وش سويت مع اخوك؟
عبدالله بتهرب ماالتقينا من امس؟
عبير بدون تصديق لا....وش دعوة منتوا ساكنين بنفس البيت؟
عبدالله انا مارجعت البيت الا بوقت متاخر وكان الكل نايم واليوم جلست الظهر وكان هو طالع انتظرته للعصر وماشفته وبعدين رحنا بيت خالتي علشان ملكة نورة بنت خالتي وشفته هناك بس ماعرفت اتكلم معه على انفراد....وهذا انا طلعت من هناك وجيتك؟
عبير يعني شنو بتعديها لنوف؟
عبدالله بكلم تركي...
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك