رواية كل يوم لك حال جديد يوم قريب ويوم بعيد -45

رواية كل يوم لك حال جديد يوم قريب ويوم بعيد -45

ياسمين ها بنشتغل شغل الحماة وزوجة ولدها؟؟مالكم شغل بسفرتي..

مشاعل شفتي تربيتي ها البنت ماحتقول لكم شي ...

حصة اجل نتكلم بعرس اخوي وش بنسوي خوب ماباقي شي غير اسبوعين..

رفعت نوف راسها تناظر بحصة وحصة كانت نظراتها متوزعة على الكل..

ام سعد أي صدق ترى صايرين مرة باردين انتوا...مو كل يوم بيصير عرس؟

نوف بهمس لنورة لاعادي اذا تبون كل يوم عرس حاضرين وش ورانا..

نورة بالله!!!في ناس بتطلع عيونهم وانتي اذا تبون كل يوم عرس يالمتفرغة..

نوف لاحظتي انها سلمت على الكل الا انا!!

نورة اقول واللي يعافيك هي وسلامها اللي مكسر نفسه يادوب رفعت يدها وهي تناظرنا من فوق لتحت أي سلام هذا؟

نوف يعتبر سلام لان انا بس ناظرت مامدت يدها...

مشاعل مدت يدها لخالتها ام مشعل وام سعد وش رايكم؟

ام مشعل تقطعينه بالعافية؟

مشاعل فواز اليوم جابه لي؟

ام سعد لا ماشاءالله ذوقه مرة حلو...عسى الله يسعدكم ان شاءالله..

عبير اللحين فواز السديري وفواز السديري واسمه يهز الشرقية وشركاته وعمايره بكل مكان جايب لك اسوارة؟هذا اللي قدر عليه...

ناظروا في بعض وسكتوا..

حصة ليش وش كنتي تبينه يجيب يعني؟

عبير حطت رجل فوق الثانية يعني اقل شي اقل شي يكتب لي عمارة باسمي...

حصة يكتب لك؟

عبير لا اقصد يكتب لها عمارة باسمها.....

مشاعل حطت رجل فوق الثانية وضحكت وقالت لعبير بنفس اللهجة من صدقك انتي...العماير كلها باسمي بعد كيف يكتبها من جديد باسمي!!

ام سعد وقفت انا بروح اشوف ابوي مع الشباب..

ام تركي بارتياح ان الموضوع بيتسكر أي والله انا وخواتي بنروح عند ابوي والشباب وانتوا جهزوا العشى يابنات يالله...

******

في مجلس الرجال...

الجد وجنبه سعد ومشعل..

خالد وجنبه عبدالله وتركي وجنبه نواف وابو سعد جنب ابو تركي...

سعد واقوم من نومتي واصيدهم لكم؟

الجد بلهفة وش كانوا يسسوون؟

سعد مااحط بذمتي شي بس كانوا واقفين قبال بعض....

مشعل قريبين مرة ولابينهم مسافة؟

الجد بتاءيد أي هم شلون كانوا قريبين ولابعيدين..

سعد شنو كانت المشكلة اني توي قايم من نومي يعني انتوا تعرفون شكل عيوني اذا صحيت من النوم شلون يصير تعطيني بس نص الصورة الباقي يضيع علي مااركز فيه؟

مشعل مااستفدنا منك شي يابو سعيدان..

سعد انا سويت روحي شخصية وبجي اتهاوش معهم وجلست وحطيت رجل فوق الثانية الا الاقي لكم فوق الطاولة كيس طبعا انا محد يقولي افتح ولا لاتفتح قامت يدي بخفة ورمت الورد ومدري وش كان بعد حاجة والله اعلم انها انكسرت وشلت لكم علبة الشوكلاته وفتحتها ونسيت نفسي وانا اكل وكل واحد منهم يناظرني بنظرات مدري وش تعني بس انا سويت نفسي مااشوفهم...

****خالد اقول عبدالله انا كنت بكلمك بس استحيت بس مدامك هنا والجو فاضي لنا بقولك ومابستحي؟

عبدالله خير...

خالد مرتك؟

عبدالله بصدمة شفيها بعد؟

خالد صراحة يوم تجي مع حصة ذاك الاسبوع ماعجبتني يعني اسلوبها مع اختي ام مشعل كان عدم ومع مرتي كذلك ومع امي يعني بالنهاية المفروض تراعي ان كلا له قدره...انا ماحبيت اقولك علشان لاتفكر شي وهم الصراحة قدامي ماقالوا شي وانا داخل سمعتها بنفسي...يعني كلمها من اللحين احترام اهلك بعد لازم يكون من اولوياته اذا اجتمعت معنا ..

تنهد عبدالله وسكت..

خالد انا مو قصدي شي ياعبدالله بس الشي صار وقلت لازم اقولك عنه ويوم ورى الثاني وجت الفرصة وهذا انا قلت لك ماابيك تزعل مني!!

عبدالله ليه؟ليه ماهي راضية تتفق مع اهلي..

خالد ..........

عبدالله كلهم يشتكون منها ياخالد....بينها وبينهم حاجز مدري من بناه ولا ليش؟وش اللي قاعد يصير بينهم ماادري...

خالد حتى ولو فرضنا ان في شي قاعد يصير بينهم..هي توها داخلة هنا يعني المفروض تتقرب من اهلك علشان تكسبك مو العكس؟

عبدالله والله مو عارف شسوي ياخالد...حاس نفسي...مدري شقولك...وين السعادة اجل..انا للحين ماشفت شي منها؟

***

نواف ضبطت كل شي....

تركي أي...

نواف وقلت لها...

تركي لا بقول لها بيوم العرس...

نواف أي بس...

تركي مدري ماودي اقول وبس...

نواف أي بس هاا لموضوع بالذات هي لازم تدري عنه..

تركي اذا درت عنه ماصار مفاجاْة....المهم انت شلونك لسه ماشية الهدنة بينكم؟

نواف ببتسامة شاحبة انتهت مع دخلتنا البيت بعد رجعتنا من المطار؟

تركي اوووف وليه عاد؟

تنهد نواف وسكت...

تركي ومن اللي انهاها فيكم؟

نواف بزعل انا...

تركي تنهد ولمتى بتظل كذا انت مو كلمتني هناك وقلت لي ان حياتكم من اروع مايكون...طب وش اللي خلاك تخرب سعادتك بيدك...

نواف مدري...والله مدري...

تركي انت بعدك عندك شك فيها يانواف؟

نواف بصدق ابدا..

تركي طيب تحبها..

نواف أي..

تركي وليه كذا وضعكم طيب...

نواف والله مدري وش اللي صار من رجعت حسيت انها ممكن ترجع بعنادها وقلت لازم انا اغير الشي قبل هي تغيره..

تركي وصار بينكم شي من رجعتوا؟

نواف ابدا اصلا هي حتى النوم تنام بغرفة احمد...

تركي نواف اذا عطيتها فرصة تبعد عنك بها الايام ماراح تقرب لك بعدين اصلا!!!

هاذي فرصتك مدامك تحبها ومدامك واثق منها تقرب منها وخل عيشتكم تتم بهدوء وبعيدا عن كل ها العناد اللي انتوا غاطسين فيه,,,,

**

في المطبخ بعد العشى..

جلسوا نورة ونوف ومشاعل وياسمين وقدامهم كل وحدة مناكير وقاعدة تصبغ اظافرها وهم يسولفون..

ياسمين وهي تناظر باصابعها تغير حييل..كنت عارفة ان السعادة اللي عشتها معاه هناك وهمية وماتاْكدت من ها الشي الا يوم رجعنا...

اصلا انا وهو مستحيل نتفق بيوم من الايام..

مشاعل لاتقولين كذا...هو ماتغير هناك الا لانه يبي يتغير ولا شللي يجبره اصلا يسافر معك ويبدى معك هدنة واتفاق انكم تعيشون بدون عناد مايقارب الشهر..كان يقدر يجلس هنا وتستمر حياتكم عادي ولاتسافرون وكل واحد بجهة خوب محد بيحاسبه ولابيشوفه..

نورة مشاعل معها حق يمكن هو يبي يفتح صفحة جديدة..تذكري انتي يوم رديتي هنا ماعانديته ولا سويتي شي ضايقه..

ياسمين ببراْة ابدا والله كل اللي سويته دخلت تحممت وصليت ولبست علشان اجي ملكتك حتى التلفون مامسكته وقلت لاامي انا وصلت فجاءة قلب عليّ وعلى لبسي وروحي بدلي ولامنتي بطالعة...وقال الهدنة انتهت!!

نوف يمكن لبسك ضايقه؟

ياسمين يقولي انه مضايقه بطريقة ثانية ليش هذا كله عاد؟

نورة تنهدت انا البارحة مانمت؟

مشاعل واحنا وش ننتظر بالله مو انك تقولين وش اللي صار؟

نورة وكانها تذكرت قالت وهي تدعي الله ياخذك ياسعيدان ان شاءالله...

نوف ليه وش يدخل سعد بفارس.؟

نورة مو فارس جاني الصبح البيت وقام يسولف ويبرر ويعتذر لين اقنعني فعلا بكلامه رغم اني كل كلمتين اقوله طلقني ماابيك..

ياسمين وانتي حالك مابيتغير ابدا!!

مشاعل ههههه

نوف كملي لاتضيع السالفة..

نورة المهم انا ظليت ساكتة وماقلت شي وكان ينتظر مني جواب...

والجواب ماطول جانا من ورانا الا هو سعيدان..والله لايوريكم شكله كيف كان وهو ببيجامته ومو مغسل حتى وجهه تفشلت حدي لا ويقعد وكانه الدنيا عادي مو صاير أي شي وخذ الكيس اللي جابه فارس وارمي الورد والحالة وانا متمنية الارض تنشق وتبلعني وفارس يبتسم وهو من داخله طبعا الف علامة استفهام وانا اللي توي اقوله شيل اغراضك ماابي من عندك ولاشي قوم ياسعيدان وافتح الشوكلاته وكل فيه..

نوف وياسمين ومشاعل خخخخخخخخخ

نورة بفشلة عن جد تفشلت..بس تدرون جيته انقذتني بشي واحد ماخلتني اجاوب عليه الى طلعته من بيتنا وهو معلق لاقلت له أي ولالا وهو كل شوي يسالني رضيتي ولابعدك؟

نوف يالله مصائب قوم عند قوما تهون..

مشاعل للحين اتجهز بكرة على البحرين..

نوف تصدقين غيرت رايي...احس مالها لزمة روحتنا خلها لبعد العرس ونروح جماعي بعدين كل وحدة وولد الحلال اللي معها وش رايكم؟

ياسمين انا مالي شغل اذا تركي بيقوله بجي معكم اما اذا انا قلت له مضمون الرفض...

مشاعل اللحين يقولون المناكير الاحمر يطير راس الرجال صدق ولاكذب؟

ياسمين ليش تسئلين؟

مشاعل علشان اذا صدق بقول لفواز اذا وصل بعدين يمرني البيت وبمد يدي له وانا صابغة اظافري باحمر اذا هو صدق بيكتب لي عمارة باسمي؟

نوف خخخخخ شكلها عجبتك سالفة العمارة يابنت الحربي؟

مشاعل وهي تضحك بعيدا عن النكران دخلتها براسي عبير,,,

اخر الليل ببيت نواف...

نام احمد بغرفته ونواف كان بغرفته ينتظر ولاشي لان ياسمين متعودة تنام عند احمد من ليلتين حس بالضيق وظل يفكر بكلام تركي وبريم وبياسمين وتنهد بقوة...

حس انه مخنوق وقرر يطلع يمشي بالحديقة...

كان ينزل الصالة بس سمع الصالة اللي فوق فيها صوت ويوم راح يشوف كان التلفزيون مشغل وياسمين جالسة تشاهد فيلم اجنبي وهي تاكل اسكريم باسكن روبنز..

ابتسم يوم شافها ذكرته بمواقف كثيرة صارت بينهم مع ها الاسكريم اخرها كان قبل روحته الرياض,,

طبعا هي كانت عاطيته ضهرها والتلفزيون يصير قباله مشى لعنده وركع لمستواها وهي مالفت له ومد يده بيشيل الايسكريم وانتبهت هي ليده ولان الانارة كانت ضيفة ماعرفت انها يد نواف وفتحت فمها وصارخت بقوة وحط يده على فمها يسكتها..

نواف وهو شوي ويضحك هيه انتي فضحتيني بتصحين الولد من نومته....

ياسمين لفت له وهي تشاهق بقوة انت!!!تدري عن جد خوفتني!!

كانت تتكلم وانفاسها متلاحقة ..

نواف ومنو قال لك شاهدي افلام مرعبة قبل لاتنامين اذا منتي بقد؟

ياسمين انا ماتوقعت بيطلع لي شبح حقيقي باخر الليل خبري الاشباح بس بالافلام..

مال عليها اكثر وقال ومنو الشبح الحقيقي ؟

ورطة ماتوقعت انها تطيح نفسها فيها...ان قالت انت راحت فيها وان لفت ودارت مصيره بيصر على انها تجاوب وتوهقت..بس يوم تقرب منها حست انها تحبه ومشتاقة له مشتاقة لذاك النواف اللي كان بالسفر معها....

لاشعوريا تقربت هي بعد منه وباسته على خده بنعومة وهو حس ان الدم وقف بعروقه من حركتها ..

قالت بهمس انت طبعا ولا ماتدري أن روحك شبح!!!

يوم ظل مكانه ماتحرك..سحبت منه اسكريمها بهدوء وبتسامة وقامت تاكل فيه...

نواف غير السالفة بسرعة لايبين ارتباكه من وين لك؟

ياسمين ببراءة والله العظيم مشعل شاري لي اياه؟انا ماطلعت؟

نواف ادري انك ماطلعتي وانتي تقدرين تطلعين وانا موجود معك....بعدين تعالي ياايسكريم يابطانية متلحفة لي بها البطانية اللي يقول جالسة بالاسكا اللحين؟

ياسمين مااقدر الاسكريم بارد لازم اتلحف بالبطانية..

جلس جنبها وقال تنازلي عن واحد فيهم؟

ياسمين غصب...

نواف أي والا بيتصادرون اثنينهم...

فتحت البطانية اللي كانت لافة نفسها فيها وعطته شوي منه وقام هو ودخل معها وغطاها بالباقي وصار شبه حاضنها...

نواف وهو يشيل الايسكريم من يدها وياكل فيه وعيونه بالتلفزيون من زمان بادي الفلم؟

ياسمين وهي تناظر بايسكريمها اللي عنده صار له عشر دقايق..

نواف حلو يعني مو من زمان....

كان يفكر بكلام نواف وانه لازم يقول لها وامه بعد قالت له قولها احسن....

كان ناوي يخبرها بليلة العرس وهم طالعين بس قال يالله اقولها من اللحين..

رفع الجوال ودق عليها...

نوف هلا تركي..

تركي مو نايمة؟

نوف لا جالسة..

تركي قطعت افكارك..

نوف لا كنت اتصفح بالنت مابعد نمت ولا سرح فكري بشي لاتخاف....الا انت ليه مانمت..

تركي كنت ابي اسولف معك...

نوف خير..

تركي انتي مو زعلانة انك مابتسافرين شهر عسل؟

نوف لا ابدا..

تركي ليه؟

نوف لانك معي وبتسفرني باي وقت اذا بغيت...

تركي حابة تعرفين هدية عرسك يانوف.

نوف ........

تركي اشوف مارديتي؟

نوف تركي...قلت لك وبقولها لك انت الهدية الحلوة اللي جتني بحياتي وماراح تعادلك أي هدية تجيني من مين ماكان صدقني!!!

تركي شوفي انا ماكنت ناوي اقولك بس بعد المشاورات والمداولات قررت اقولك مدام لسه باقي عندك وقت لو حابة تسوين أي شي...

نوف تدري انك وقفت قلبي...

تركي ليه؟

نوف بخوف لاتقولي ان احنا بنطلع من ها البيت ترى بزعل وماحكلمك ياتركي...انا ماابي اطلع من بيت عمي لو شنو ماصار؟

تركي أي وبعدين..

نوف بزعل تركي احنا تكلمنا بها السالفة من قبل وقلت لك اني بظل هنا وانت قلت لي انك ماحتطلع وش اللي تغير؟

تركي تدرون انكم بسرعة تسوون فيلم...

نوف ........

تركي انا جبت سيرة ان احنا بنطلع من البيت اللحين؟

نوف لا

تركي اجل وش له ها القصة الطويلة العريضة اللي مو ناقصها غير دمعتين بس علشان تكمل...

نوف ..........

تركي انتي مو من زمان قلتيلي انك تبين تروحين الحج يانوف.....هديتك بتكون حجة,,,بنسافر مكة يوم ثاني الفجر ادري بيكون تعب عليك بس انا معك وجنبك لين تنتهي الحجة الزفة بتكون بدري شوي علشان تروحين الفندق تنامين وترتاحين ..انا اصلا متعمد اخلي العرس بها الوقت علشان يوافق وقت لحج...ادري اني بحرمك من حضور زواج مشاعل بس هاذي كانت امنيتك من زمان انك تحجين وانا مقدر مااحققها لك يالغالية..

نوف بدون تصديق انت تحكي جد ياتركي.

تركي وانا قد قلت كلمة وماهي جد...

نوف بلهفة وهي تمسح دموعها تركي تعال ابيك ابي اشوفك اللحين...

تركي اجيك غرفتك؟

نوف وهي تبكي أي تعال....

قفلت الجوال وصارت تمسح دموعها..جالسة

كل لحظة حبت فيها عبدالله جالسة تبكيها ندم...كل يوم صدت تركي عنها من عرفت عن مشاعره ناحيتها جالسة تعذبها؟مو معقول ها البني ادم عارف كل امنياتها وجالس يحقق لها الوحدة ورى الثانية ..شاري سعادتها وين ماكانت....وش ها الحب اللي بقلبه بس؟؟؟

انتبهت عليه وهو يرفع راسها ويمسح دموعها..

تركي بهمس اللحين انتي ليه تبكين؟

ضمته لصدرها وانفجرت تبكي اكثر واكثر وقالت بهمس ابكي كل لحظة كنت بعيد عني فيها ياتركي.....انا مدري وش اسوي علشان اوفيك حقك...انت مو طبيعي...حبك فيه شي مو طبيعي...ليه تغرقني بها الحب كل يوم اكثر واكثر بس ياتركي ليه؟

على البحر ..

عبدالله تاْخرتي عن بيتكم؟

عبير مو مهم لاتشغل بالك..

عبدالله كيف مو مهم...

عبير انت قلت تبي تسولف وانا ابي اسمعك حبيبي...

عبدالله أي بس سوالفي عادية وتنقال بالتلفون...

عبير وانت متضايق اني جنبك..

عبدالله لاطبعا من زمان وانا ابيك تكونين جنبي..

عبير .........

مسك يدها بين يدينه وقام يمشي معها...

عبدالله ماباقي غير اسبوعين على زواج تركي؟

وقفت مكانها شنو يعني عن زواج تركي؟

عبدالله شنو اللي شنو؟

عبير واحنا؟

عبدالله احنا شنو؟

عبير احنا ماحنتزوج معهم!!

مسك يدها بقوة اكبر ومشاها وقال بلااهتمام لاطبعا؟....احنا تونا مرتبطين..يبيلنا نتفاهم اكثر ونفهم بعض اكبر ونرتب زواجنا صح مو كذا باسبوعين..

عبير أي بس مو هذا الاتفاق ياعبدالله؟

عبدالله احنا مااتفقنا على شي وبعدين انا قولبتها براسي شفت انك حبيبتي وانكم لازم تسوين لك عرس اسطوري مو بالعجلة كذا باسبوعين هي ماخذة راحتها بكل الحجوزات وانتي باسبوعين..مااحسها حلوة بحقك...ماارضاها لك بصراحة؟

سكتت وهي بالعة قهرها وبعدها قالت تاْخر الوقت خل نرد البيت؟

اشوفكم بكرة ان شاءالله في زواج نوف وتركي ومشاعل فواز,,,

****

***

**

*

البارت الثالث والثمانين والرابع والثمانين ,,,

رفعت راسها يوم ناداها فواز..

فواز ممكن اجلس معك شوي؟

مشاعل وهي تبكي تفضل...

سحب الكرسي اللي قبالها وجلس عليه..

فواز اطلب لك شي تشربينه؟

مشاعل لاشكرا..

فواز طيب ممكن افهم انتي ليه اللحين جالسة تبكين؟

مشاعل

فواز مشاعل هني بتكون سعادتهم ..

مشاعل باعتراض هذا قرار تركي ماهو قرارها؟

فواز وتركي ماقررالا يوم عرف انها تبي تروح ووافق الوقت بوقت الحج وبعدين هاذي فرصة ماعندهم عيال يحاتونهم انا مو فاهم انتي ليه معترضة على روحتهم الحج؟

مشاعل شمعنى ها السنة..علشان مايحضرون عرسي يافواز...

فواز أي الاهم عرسك ولا يروحون بيت الله؟

مشاعل ..

فواز وبعدين حضورهم لابيزيد ولابينقص من العرس أي شي..كل اللي بيصير انهم بيعطونك راحة نفسية اذا شفتيهم قبال وبس!!باقي العرس ماراح يتغير..

مشاعل افهمني يافواز انا ونوف من ثمان سنين واحنا مع بعض..راهقنا مع بعض وكبرنا مع بعض وفهمنا مع بعض..حياتنا كلها عشناها مع بعض كيف اللحين وبيوم مثل هذا ماالاقيها واقفة جنبي....

فواز أي بس هي بتروح بيت الله وها المكان على مااعتقد استثنائي..

مشاعل حتى تركي...دايم معنا مستحيل تصير مناسبة ومايكون فيها...اذا سافر مع نواف بروحه نحس بفراغ يخلفه لنا...

مدري شلون ماراح يشوفني وانا عروس ولايبارك لي...

وجوده مثل وجود ابوي عندي افهمني...

تمنيت عرسي قدم ولاتاْخر شوي...

احس اني بفقدهم من اليوم؟

فواز بمرح طيب وش رايك انا بعد اروح معهم علشان تفقديني!!

ناظرته وبدل ماتتكلم قامت تبكي اكثر..

فواز وهو يضحك أي يابنت اسكتي فضحتينا كل اللي بالمجمع يناظرون فينا...

مشاعل انت جاي تواسيني ولاتزيد ناري!!

فواز وهو يضحك قومي بس امزح معك صدقيني...ياالله قومي...وادعي ان الله يوفقهم بحياتهم ويسعدهم وييسر لهم امورهم هناك وان احنا نلحقهم الجاية ونروح نحج بعد......

مشاعل ان شاء الله ياربي..

فواز بروحي بروح احج انتي بتظلين مع حمود..

مشاعل مع منو؟

فواز حمود...

مشاعل ومننو هذا يطلع ولد الجيران؟

فواز خخخ أي ولد جيران ولدنا طبعا..

مشاعل لا وليش ماتقعد معاه انت بالله اذا متشوفق عليه لهدرجة؟

فواز أي بس انتي الام وهاذي وظيفتك..

مشاعل الناس اوصلت للقمر وانت جاي تقولي وظيفتك انتي العيال وانا وظيفتي اشتغل واجيب لكم فلوس يبى تطورنا من زمان خبرك قديم ياحبيبي,,,

حصة وش فيك مانزلتي؟

لفت لها نوف وسكتت...

حصة جلست وقامت تناظرها..

نوف بارتباك دريتي بنروح الحج انا وتركي؟

حصة أي سمعت ..وهو يقدر مايوديك مكان انتي تبينه!!

نوف بدفاع أي بس انا ماقلت له اني ابي اروح ..اصلا انا تفاْجات...

حصة وهي لاوية فمها أي صدقتك انا تفاْجاتي؟

نوف سككت لانها درت ان الجدال بيكون بينهم عقيم....

حصة وان شاءالله بس مابتطلعين بيت بروحك بعد ماتردين وبتظلين هنا مع امي؟

نوف اكيد انا مافيني اطلع من ها البيت؟

حصة أي اللي كبرتي فيه وربوك اهله وصرفوا عليك وبالنهاية اخذتي ولدهم!!

نوف ممكن افهم شنو مشكلتك معي بالضبط ياحصة؟وش اللي فيني مايعجبك؟

حصة بقوة كل شي...

نوف ..........

حصة تمثيلك وادعائك انك شي وانتي اصلا تخطيطك كله على انك تاخذين تركي ومن وراه الحلال؟

نوف خذي الحلال انتي بس عطيني تركي لانه يوازي بعيوني كل كنوز الدنيا؟

حصة بضحكة شماتة أي وش بتقولين غيرها وانتي ضمنتيه بجيبك...

نوف ........هذا الصدق ياحصة تركي لو يكون حافي منتف اخذته لانه عن الف رجال وانتي عارفة اخوك مايحتاج اقولك عنه أي شي...

حصة لو يكون حافي منتف بس انتي عارفة انه ماهو حافي منتف علشان كذا تقولين ها الحكي...يالله وش بنقول بعد والعرس ماباقي عليه ولاشي..

نوف تنهدت وبعدها قالت حصة...

حصة خير...

نوف حصة انا رايحة بيت الله وباْدي فرضه...ابيك تسامحيني وتحلليني وتبرين ذمتي...اذا بيوم زعلتك ولاضايقتك ولا صار بينا شي واخذتي بخاطرك مني!!!

ياسمين اقول نواف..

رفع راسه عن الجريدة اللي مسوي انه قاعد يقراها,,

نواف في شي..

ياسمين بارتباك اليوم بيطلعون البنات الكورنيش..

نواف ليه؟

ياسمين قالوا قبل عرس نوف ومشاعل بيتجمعون اليوم وبيروحون كورنيش الخبر وخالد ووضحى كل ليلة يروحون يمشون وبيروحون معهم؟

نواف بالمختصر...

ياسمين بخوف يصير اروح معهم!!

نواف ناظرها وبعدها قال طالعين العصر نخلص اغراض احمد ولانسيتي؟

ياسمين يمدينا هم مابيروحون الا بعد الساعة ثمان...

نواف بشدة ياسمين انا مااحب ها الجمعات...بتتجمعون بالبيت ماعندي مانع بس برى البيت انا ماتعجبني..

ياسمين نزلت راسها وسكتت وظل هو بعد ساكت.....

وظلوا فترة كذا وبعدها دخل احمد يبي منها تعطيه حليب وقامت معه ويوم رجعت كان نواف يكلم بالتلفون وبس شافها انهى مكالمته بسرعة وقال لها شوفي اليوم بس بيكون سماح انك تروحين معهم مرة ثانية انسي وتجمعوا في البيت اذا تبون....

ياسمين ..........

نواف في شي؟

ياسمين بدون نفس لا

نواف خير خير ماسمعت؟

ياسمين ماقلت شي انا؟

نواف كني حسيت ان في لهجة تذمر بصوتك؟

ياسمين لاابدا بس كنت اقول انك اكلت ايسكريمي البارحة اذا تذكر؟

نواف أي وش فيها يعني الحياة مشاركة...

ياسمين وهي واقفة بتمشي اجل مدام الحياة مشاركة لاتنسى تجيب لي غيره اليوم...

مشعل تعالي تعالي وين رايحة غرفتك؟

وضحى انا...مو رايحة غرفتي بروح المطبخ...

مشعل لالالا تعالي اول جلسي هنا ابي استجوبك وبعدها روحي غرفتك؟

وضحى ابتسمت له وجلست يالله تفضل...

مشعل وش عنده نواف جاي يكلم ابوي ويكلمك؟

وضحى طب منت رجال ورى مادخلت المجلس تسمعهم وش يقولون؟

مشعل علشان يقلبوني صباب قهوة صب يامشعل ووقف يامشعل والنذالة حتى اذا مايبون صب يامشعل ويخلونك واقف مثل العسكري واخر شي يقولون لك بردت صب غيرها؟

وضحى ههههه

مشعل يالله من الاخير قولي وش صاير؟

وضحى هذا الله يسلمك ولد خالي خاطب لؤلؤة اختي؟

مشعل وهي وافقت؟

وضحى ان شاءالله هي قالت الراي لعمي ولنواف....

مشعل ونواف وش قال..

وضحى كاهو جاي يشاور عمي؟

مشعل طيب هذا ولد خالكم وين يشتغل وكم يعطونه؟

وضحى سلمك الله هذا يدرس برى وبياخذها معاه تكمل برى دراستها..

مشعل انا لو منها مااوافق هو مو قادر يعيش بعد ياخذ له وحدة تشحت معه؟

وضحى من قال لك انه ماهو قادر يعيش الحمدلله الخير موجود وهو وحيد اهله ودراسته على الحكومة وبعدين خالي ماهو بمقصر عنه ولانواف بيقصر عليها لو احتاجت...

مشعل طيب نجي للتحقيق الثاني؟

وضحى امرني؟

مشعل متى بتولدين؟

وضحى العلم عند الله..

مشعل أي باقي كم شهر يعني؟

وضحى شهرين..

مشعل ول بسرعة..طيب ليش ماصرتي فيل يمشي ..

وضحى الحمدلله...

مشعل اخاف تكذبين مافيك شي بس تقولين حامل وبعدين بتروحين تسرقين عيال مثل بزة..

وضحى أي بزة؟

مشعل هذا المسلسل اللي سوته حياة الفهد...اللي غنيته تقول..دقينا الوتد ثبتناه...ثبتناه...والحظ لاقعد صحيناه..صحيناه..

وضحى الشره على اللي قاعدة معك؟

مشعل أي وين رايحة؟

وضحى هذا انا قبالك بعد وين رحت مارحت مكان؟

مشعل السؤال الاخير ونختم الاستجواب...وش بتجيبين ولد ولابنت بدون كذب؟

وضحى بثبات بنت

كان ماسك جواله وهو جالس على حافة سور الحديقة..

محمد من وراه فارس..

لف له بدون مايتكلم..

محمد وقف جنبه شفيك؟

فارس بضيق ولاشي...

محمد قاعد تدق عليها وماترد عليك....

فارس ..........

محمد بمزح يبى اثقل توكم بس ليلتين من ملكتوا وبعدين ماباقي على العرس الا ثمان وعشرين يوم بس!!!

تنهد فارس وقال بضيق انت ماتدري عن شي....

محمد ليش وش اللي صاير؟

فارس سكت وماعلق بشي...

محمد فارس صارحني وانا اخوك ترى انا حاسك متضايق من يوم الملكة..في شي نورة قايلة لك شي؟

فارس نورة تبي ننفصل يامحمد؟

محمد بصدمة تنفصلوا؟؟؟؟شنو يعني يعني تطلقها؟

فارس هز راسه بدون مايقول شي...

محمد طب ليه؟وش اللي صار؟

فارس تنهد وقال سالفة طويلة ماراح تفهمها هي بدتها وانا كملتها لها..

محمد بدون تصديق أي بس انتوا قبل الملكة كنتوا شحليلكم انا اشوفك وانت تكلمها وكنت مبسوط وهي بعد اذا صادف وشفناهم طالعين ووقفنا معهم تكون مروقة ومافيها شي؟وش اللي صا ر يافارس قولي وانا اخوك؟

فارس بقولك يامحمد بس ابي منك وعد ان ها الحكي مابيطلع لااي احد.....

عبير شلونك خالتي؟

لفت ام تركي وابتسمت ابتسامة شاحبة وقالت هلا....

عبير انا قلت اكيد حايسة انتي بتوزيع البطاقات خل اجي اساعدك..

ام تركي أي ماتقصرين بس خلصنا شغلنا من زمان يابنيتي...

عبير ماشاءالله شاطرين...

ام تركي شلون امك واهلك عساهم بخير..

عبير طيبين....الا وين الباقيين؟

ام تركي مشاعل طلعت تكمل باقي اغراضها ونوف وحصة فوق؟

عبير اها يسولفون عن العرس يعني اجل انا بركب لهم فوق..

قامت وركبت وسط نظرات ام تركي المحتارة....

يوم ركبت ماتعبت على ماتعرف وينهم فيه لان صوت حصة كان باين والباب ماكان مسكر كله والشغالة توها طالعة من عندهم..

دخلت عبير بدون ماتدق الباب ويوم شافوها سكتوا ثنتينهم...

عبير اخاف بس كنتوا تسولفون فيني ويوم شفتوني سكتوا؟

نوف باحتقار لاابدا مافيك شي مميز يخلينا نتكلم فيك ولا ياحصة؟

حصة بتاْييد أي طبعا بس تفاجاْنا يعني من طريقة دخلتك كذا علينا ..

نوف كملت وفكرناها الشغالة وكنا بنغسل شراعها لانها مادقت الباب قبل لاتدخل..

حصة رغم انها ماتسويها ابدا وماشية على الاصول....

مشت عبير وماكانها تسمع وهي تناظر بالغرفة وجلست...

عبير انتي جالسة بها الجناح مع مشاعل؟

نوف أي...

يتبع ,,,,

👇👇👇

تعديل المقال