رواية كل يوم لك حال جديد يوم قريب ويوم بعيد -47

رواية كل يوم لك حال جديد يوم قريب ويوم بعيد -47

عبدالله يبى اذكر الله ...ان شاءالله مافيه الا الخير...

ام تركي قامت تبكي بصوت عالي..

عبدالله يمه..مايصير انتي الثانية بعد...

ام تركي وش ها الحظ يامشاعل يايمه وش ها الحظ....

عبدالله اللحين هي هناك ومحتاجة وجودكم جنبها ووقفتكم معها مو تقعدون تلومون الحظ وتنوحون عليها...قوموا شوفوها ووقفوا معها..حسسوها انكم جنبها وبتظلون دايم...هي لو ماكانت تبيكم ماكانت دقت عليكم,,,,

ابو تركي رحمتك يارب...ياربي لاتوريني شي مايسرنا ..يارب عديها على خير....

عبدالله قومي يمه انتي بعد لبسي عبايتك يالله لاتبطون لازم نكون جنبها اللحين..

ابو تركي قومي يام تركي قومي..خل نروح نشوف مشاعل....

كانت ام تركي تبكي وماهي قاوية تقول شي بس شالت عبايتها وتسندت على ابو تركي ومشت معها...

ويوم طلعوا للسيارة عبدالله اللي انهار وانفجر بالبكي ونزل دموعه اللي كان حابسهم قدام امه وابوه علشان يواسيهم ...

يارب العالمين كون مع اختي بها المحنة ولاتتركها...

في غرفة خالد ووضحى...

طفى انوار الغرفة وترك نور الابجورة بس مفتوح وتقرب منها كانت جالسة على حافة السرير ومابعد بدلت ثيابها وعيونها غافية تقرب منها بيعدل جلستها علشان ماتتتعب وانتبهت له وفتحت عيونها..

وضحى بنعس وتعب خالد...انت لسه مانمت؟

خالد بهمس لا لسه....

مدت له يدها ومسكها وتقرب منها......

وضحى وليه مانمت...

خالد كذا بس...كنت اطالع بشكلك كيف صاير انتي مع وليدوا..

وضحى وش اللي شفت يعني وطير النوم من عينك؟

خالد ههه ولاشي بس جلست افكر بكرة اذا حضرة الاستاذ وليد شرف كيف بيكون الجو ..ياترى بتجي ليالي علينا بمثل ها الهدوء ولا طول الوقت صراخ ومدري شنو؟

وضخى ببتسامة والله عاد اذا طلع مثل ابوه بيكون حدث ولاحرج عنه..

خالد لاعاد انا مااسمح لك انا محد بيطلع مثلي حتى وليد..

رفعت يده لشفايفها وباستها وقالت بثقة وهمس طبعا مافي مثلك...اساس بها العالم كله مامنك اثنين يالغالي..

تقرب منها اكثر وقال بتشكيك اكيد؟

وضحى طبعا حبيبي....منو مثلك بها العالم ماتقولي...

خالد انا احبك ياوضحى ورب الكون احبك يابنت عمي....

تقربت منه ودفنت راسها بحضنه وقربها هو منه اكثر وحضنها بقوة...

خالد بهمس منو اكثر واحد تحبينه بها العالم؟

وضحى بهمس عارفتك تبي اقول خالد بس مو قايلة؟

خالد يالله ماعندك خيارات قولي منو؟

وضحى بعناد نواف اخوي..

خالد بقهر نعم!!وش يجيبه ذا بالنص اللحين؟

وضحى انت مو سئلت عن الشخص اللي احبه بها العالم..خلاص هو الانسان اللي احبه بها العالم..

خالد لا انا مااتكلم عن حب الاخوان..

وضحى هههه ياحليلك وانت مقهور مو قايلة انت لاتخاف..

خالد اوووووف....

وضحى طيب ماسئلتني منهو الشخص اللي مااقدر يمر يوم بدون مااتنفس هواه,,,

خالد بثقة عارف ان انا بكون الاجابة علشان كذا ماودي اسئل؟

وضحى بجد؟؟؟رغم اني ماكنت بقول انت...بس يالله مابكسر خاطرك وبقول اسمك....

دخل نواف الصالة وكانت انوار الصالة لسه شغالة بس ماكان في احد جالس,,لف شوي بالممر ويوم قرب من غرفة احمد لقى نورها لسه مشغل وقف عند الباب ولقاها تحط احمد اللي كانت حاملته بفراشه ومبين توه نايم تنهد وظل يناظرها من بعيد

صار لهم كم ليلة ماهم على وفاق وحتى وقت النوم ياتنام قبله ولابعده,,,,

ماهو قادر يكلمها ولايقول لها أي شي..حاس بالحرج وبنفس الوقت كبريائه يمنعه من انه يكلمها ولاحتى يفهمها بما انها رفضت من البداية توقف وتفهم اللي صاير..

وبعدين هو بقناعة نفسه عنده انها مالازم تشك فيه ابدا,,,

تنهد بقوة ولفت هي وشافته واقف وساد الباب وراه من طوله..

ارتبكت لانها لسه مابدلت ثوبها حق العرس واللي كان عريان كثير واللي هي متاْكدة انه قاعد يناظر فيه اللحين...

رفعت الغطاء على احمد وسكرت نور الابجورة اللي جنبه ومشت بثقة وماكاْنها تشوف نواف اللي واقف قدامها رغم انها حاسة نفسها ترتجف وهي تمشي جنبه...

حاسة انها بتموت لو طلع ظنها صحيح ورجع نواف ريم له من جديد..

هي تحبه وكل يوم يمر عليهم تحبه وتتعلق فيه اكثر وها الشي اذا صار بيتعبها ..بيتعبها كثير لانها مابتتحمل تشوفه مع غيرها,,,

رفعت راسها يوم مسكها نواف من كتفها..

حاولت تبعد نظراتها عنه بقد ماتقدر وبعد تردد طويل قدرت تقول له خير في شي؟

نواف ظل يناظرها وهو ساكت لين رفعت عيونها وصارت بعيونه وقالت تبي مني شي..

حبس تنهيدته بصدره وقال بحزم علشان لاتضعفه مشاعره سلامتك بس مو كاْن الثوب عاري بزيادة؟

هزت راسها بلا اهتمام وقالت وخير يعني انا قاعدة بعرس حريم على مااعتقد؟

نواف يبي يطولها معها كنتي شاورتيني قبل ماتلبسينه؟

ياسمين انا يوم استلمته من المشغل انت كنت معي وشفته وماقلت أي شي؟

نواف ماحطيت بالي عليه...وبعدين باللبس يبين بوضوح اكثر...

ياسمين طب ممكن تترك يدي اللحين؟

نواف قام يناظرها وسحبها من يدها لعنده ومشاها معه للغرفة وسط اعتراضها..

ياسمين بانفعال نواف اتركني؟

دخلها الغرفة وقفل الباب وراه وقال خير ان شاءالله؟

ياسمين باعتراض وش ها الحركات بالله؟

نواف أي حركات؟؟انا مو شايف فيها أي شي؟

ياسمين انا زوجتك ياعيوني يتراوالي تعاملنا مع بعض مالازم يكون كذا...

نواف قولي لنفسك كل ليلة بمكان تكونين ..يوم انك عارفة انك زوجتي جلسي وقولي كل اللي عندك؟

ياسمين ياسلااام!!على فكرة انا ماعندي أي شي...انت اللي عندك؟

نواف بتهرب يالله بدلي خلنا ننام واذا عندك شي قوليه بكرة؟

ياسمين قصدك اذا عندك انت شي لاني ماعندي أي شي....

نواف يالله يالله..

ياسمين ماابي انام هنا...الجو يخنق؟

نواف ماهو بكيفك...

ياسمين لابكيفي وانت مالك شغل فيني...

نواف ياسمين مو شفتيني ساكت لك تتمادين ترى اعرف اتعامل باسلوب ثاني معك...

ياسمين أي وبعدين...

نواف بعصبية انا اقول بلا نرفزة زايدة لانها بتجي فوق راسك؟

ياسمين بلااهتمام أي وش بيصير يعني؟كل شي سويته....ماعاد ياءثر فيني اللي بتسويه يانواف؟

نواف بحدة ياسمين.....روحي بدلي وبلا كلمة زيادة...

عصبيته جرحتها هو الغلطان وهو اللي قاعد يغلط عليها وهي عليها تتحمل وبس لفت عنه ومسحت اول دمعة نزلت منها ودخلت الحمام تبدل وتكمل مسح دموعها وهو شال شماغه ورماه بقوة على الكرسي وهو يتنهد بعصبية...

دايم لسانه واسلوبه يخونونه معها..مايدري كيف يتصرف معها يجي بيعدل موقفه يقوم يقلب الدنيا زيادة,,,,

في فندق الموفنبيك بالمدينة..

دخلوا الغرفة نوف وتركي اخر الليل..

حطت عبايتها على الكرسي ورفعت جوالها..وجا تركي من وراها وشال الجوال وحاوط خصرها بيدينه وهمس لها الحين أي الاهم تركي ولاتكلمين عمك تقولين له انك وصلتي بالسلامة للمدينة؟

نوف وهي مغمضة عيونها اقول ياحاج تركي تقبل الله...فكني بس توك جاي من بيت الله..

تركي حضنها اكثر وقال وعلى مااعتقد انتي مرتي اذا ماكنت غلطان...

نوف طيب بشوف مشاعلوا وش سالفتها اخر مرة دقيت لها العصر قبل لاتخلص شعرها ومكياجها وبعدين ماسمعت صوتها..

تركي ومن قال انها فاضية لك اللحين...عندها فواز...

نوف طيب بدق لنورة بشوف وش العلوم...

تركي وانا اقول الليلة ليلتنا احنا بعد..

نوف بحرج تركي تونا رادين من مكة وعلى مااعتقد انت بعد تعبان...

تركي طيب اذا انتي تعبانة غسلي ودخلي نامي وخلي اهل الشرقية شوي بعيدين عنك وعن تفكيرك ولا فكري بللي معك..

نوف ها...هذا الجوال وتركناه وش تبي بعد؟

تركي باسها على جبينها ابي سلامتك...يالله تعالي ارتاحي...

في مستشفى الملك فهد التخصصي بالدمام,,,

كان ابو تركي وعبدالله يركضون بقسم الاسعاف ووراهم ام تركي اللي تمشي وماهي شايفة شي من دموعها...

ومن شافتهم مشاعل جايين صوبها انفجرت بالبكي...

ام تركي يوم شافتها كذا حالتها لله ماقدرت تناظرها...

نفس الثوب حق العرس وحالته لله من كثر مامشت فيه مشاعل غير المكياج اللي اخترب والكحل اللي ساح من بكيها....

مشاعل بهستيريا يمه فواز...فواز....مدري وش اللي صار له...

اخذوه مني يمه..مارضوا ادخل معه واشوف شفيه...يمه قولي لهم الليلة عرسنا انا وهو..

قولي لهم اني وعدته مااتركه ولااتخلى عنه ابدا مهما صار

..

تقربت منها امها وحضنتها بقوة وهي تبكي وتصارخ بانفعال.....

عبدالله حاول يبعدها عن امه ويهديها..

اخذها بحضنه وقام يواسيها مشاعل اذكري الله انتي مؤمنة واكيد ربك كاتب له ها الشي..

مشاعل انا السبب اكيد انا السبب..

عبدالله بلؤم لاتقولين ها الحكي يابنت الناس انتي وش ذنبك عاد...هذا الشي ربك كاتبه له انتي وغيرك ماتقدرون تعترضون عليه..

مشاعل مايبوني اشوفه ياعبدالله مارضوا ادخل معه لداخل....

عبدالله خلاص هدي هدي وانا بدخل اشوفهم وبخليهم يدخلونك بس هدي نفسك شوي..

مشاعل يبى قول لهم اني بشوفه...لو شنو كان فيه بشوفه...يبى تكفى واللي يخليك ابي اشوف فواز قول لهم...

مشعل الو السلام عليكم...

سعد وعليكم السلام والرحمة...

مشعل منو معي

سعد معك جميلة؟

مشعل بصراخ واللي يعافيك فكنا من سيرتها تراها جابت لي الهم والغم وكل البلاوي طاحت علينا بسبتها؟

سعد وهو يضحك كله منك ياحظي انت اللي ورطتنا فيها اول وتالي...

مشعل الا انا وش كنت ابي منك؟

سعد انت اللي متصل انا وش يعرفني؟

مشعل تصدق نسيت..

سعد وش اللي نساك ياحظي؟

مشعل اقول سعيدان فواز ماعنده اخت يزوجني اياها...ياهو عرس سواه لمشاعلوا عيوني عليها حارة...وش ها الوناسة؟

سعد أي والله ماشفت بحياتي عرس بها الفخامة...لكن يالله زين انها مشاعلوا مو حصيص؟

مشعل تتخيل حصة كيف كان عرسها انا مااتذكره؟

سعد مابغيت الا حصة البخيلة يكون عرسها حلو كل شي عندها اسراف وتبذير؟

مشعل ههههههههه

فارس يتصل بك ....

ابتسمت ابتسامة انتصار وهي تشوفه يدق للمرة الثالثة من وصلت من الفندق,,,

فيها حماس مو طبيعي علشان تسمع صوته وتحكي معه بس حاسة بشي يمنعها ماتدري كبريائها ولاشنو بالضبط اللي واقف حاجز بينها وبين انها تسمع صوته,,

بس في النهاية قررت انها ماتترك أي شي يمنعها عن فارس..

ردت بثقل وهي مبسوطة انها بتسمع صوته وهو تعبان من كثر مااتصل وماردت عليه,,,

نورة بثقل هلا

فارس بتعب يقولون انك زوجتي على سنة الله ورسوله؟

نورة بدلع واذا؟

فارس ليه ها الثقل والدلع؟

نورة توني اسمع التلفون؟

فارس بدون تصديق ما شاءالله؟

نورة وش بغيت؟

فارس ابي اسمع صوتك ليش حرام؟

نورة لا بس انا تعبانة وابي انام؟

فارس ويوم انك تعبانة وتبين تنامين ليه مانمتي!!

نورة توني بنام ودق الجوال؟

فارس كان تركتيه صامت علشان لايزعجك؟

نورة خلاص قفل واتركه صامت ولايهمك؟

فارس نورة...اعقلي؟

نورة انت اللي قلت انا شكو...

فارس شلونك؟

نورة بخير...

فارس وحشتيني...

نورة وغيره..

فارس علامك..

نورة ولاشي بس ابوي صاحي مابعد نام وماابيه يسمعني اكلمك بها الوقت ماهي حلوة؟

فارس تنهد بقوة وقال طيب بتركك تنامين بس وعد بكرة اسمع صوتك؟

نورة يصير خير..

فارس تصبحين على الف خير ياقلبي..

سكرت وهي تبتسم لطيفه اللي مر في بالها...

صباح اليوم الثاني بالمستشفى ,,,

ام تركي بترجي يايمه مايصير وقفتك كذا روحي البيت ارتاحي انتي من يومين مو نايمة ولاشايفة طعم الراحة؟

مشاعل ماكانت غير دموعها وبس اللي تحكي حتى حالة الهياج والبكي والهستيريا اللي كانت فيها من البارحة وقفت وصارت تنزل دموعها بدون أي صوت,,,

ام تركي قول شي يابو تركي..كلمها ماهي طايعة تسمع مني شي....

ابو تركي بحنان قومي يبى انا بوصلك بنفسي وبردك مرة ثانية....

مشاعل بالم يبى مو رايحة أي مكان غير لمى اتطمن على فواز....

عبدالله الدكتور طمنا وقال انه بخير ان شاءالله ..انتي روحي ارتاحي..

مشاعل بتاْثر أي راحة ياعبدالله أي راحة.....

ام تركي ماعليه يمه على الاقل بدلي ثوب العرس مايصير تظلين كذا...روحي بدلي وخذي لك حمام وتعالي ..

مشاعبل يمه دقي على حصة ولامرام يجيبون لي والله مو قاوية ابعد عن ها المكان وانا مابعد شفته ...

عبدالله مشاعل يالله قومي..

طلع الدكتور وقامت بسرعة له..

الدكتور تقدرين تدخلين تشوفينه...

دق قلبها بقوة وحست انها بتموت...لانها مو عارفة وش بتشوف بالضبط,,

مشت لباب الغرفة ووقفت ماقدرت تدخل لداخل...

اشوفكم بكرة ان شاءالله وان شاءالله بيكون بارت بكرة اطول من اليوم

****

***

**

*

البارت السادس والثمانين ,,,

نوف تركي..

تركي وهو بعده في النوم نعم..

نوف لسه ماصحيت؟

تركي وش تبين؟

نوف يالله قوم...

اعتدل بقعدته وقال هذا انا قمت وش تبين؟

نوف ابي سلامتك ماابي شي...

تركي وليه مصحيتني من النوم اذا ماتبين شي؟

نوف خلاص اصحى لمتى بتظل نايم عاد؟

تركي ليه كم الساعة اللحين؟

نوف تسع الاربع..

تركي ياظالمة!!!احنا داخلين الفندق اربع وثلث على مابدلنا ودخلنا ننام...كم صار لنا...ليه مصحيتني بدري كذا ماورانا شي خل نرتاح ورى ها التعب...

نوف أي بس انا مااعرف انام برى بيتي...

تركي أي...

نوف يعني بتتحمل لين نرد الشرقية ونام على كيفك..

تركي انتي مو تعبانة من كثر الطواف والسعي ..مو امس تقولين لو تنامين اسبوع ماحسيتي للدنيا...

نوف في بيتي مو اكون مسافرة ....

تركي معناته محنا مطولين هني..

نوف لا طبعا حدك اليوم وبكرة احنا هناك.....

تركي طب يابابا نامي لك شوي اللحين ريحي فيهم وبعدين نشوف كيف حجوزاتنا بتكون...

نوف يالله عن العيارة وقوم نفطر ونتحمم وندق عليهم قبل لانروح للنبي نصلي هناك...

تركي لا اليوم محنا مكلمين احد ولاداقين على احد وجوالك بيتصادر وتفرغين نفسك لي وبس!!!

نوف طلبك مرفوض وغير قابل للمناقشة؟

تركي بعد!!

نوف طبعا واذا ماسمعت اعيدها لك من جديد...

تركي طيب يانوف طيب ...دواك عندي بس صبري لين نرد الشرقية محترمين انك لسه طايفة ومصلية وحاجة في بيت الله..

نوف أي خلك كذا علطول ,,,,

وقفت على باب الغرفة بتردد وهي حاسة انها بتشوف شي مابتتحمله...

كانت تقدم خطوة وتاْخر اربع....

بس في النهاية مسكت الباب وفتحته...ها الشي لازم يصير عاجلا ام اجلا....

بتشوفه يعني بتشوفه لازم تشوفه ماتقدر تتخلى عنه وتمشي وهو اللي طول البارح من نزلوا من الكوشة ماتركت يده يدها لو لحظة بالغلط,,

حتى وقت اللي صدمتهم السيارة كان ماسكها وشاد عليها..كان خايف عليها هي مو خايف على نفسه...

حاولت تمنع دموعها لاتنزل بس ماقدرت خل يشوف دموعها ماهو عيب يشوفهم خل يحط في باله انها محترقة انه تاْلم بروحه وهي ماصار لها شي,,,,

يوم دخلت الغرفة شافت السرير قدامها صارت تمشي وهي مغمضة عيونها وتوقف وترجع تفتحها وتناظر بالسرير وترجع تغمض وتمشي,,,

لين وصلت جنبه وحست انها بتنهار,,,,

قررت ترجع من المكان اللي جت منه وماتشوفه لانها مو متحملة,,,

بس صوته الضعيف اللي كان يناديها خلاها توقف مكانها وتشهق بالقوة...

فواز بضعف مشاعل...

ماقدرت حتى تناظر فيه كل اللي سوته انها انفجرت تبكي بصوت اعلى...

بس يوم تحسست ان يده صارت فوق يدينها رفعت راسها تناظره..

كان التعب مبين عليه وجبينه ملفوف ...

مشاعل بشهقة فواز..

فواز حبيبتي انا اسف..خربت عليك الليلة خليتك تقضينها بالمستشفى بدل ما..

حطت يدها على فمه تسكته لايكمل كلامه وهي تشاهق..

مشاعل بصوت مبحوح حبيبي انت بخير؟طمني...وش يوجعك؟ياربي ليه مو انا اللي تعورت بدالك...

ناظرها بضعف وقال لها انا مو قادر احط عيني بعينك يامشاعل والله منحرج من ها الليلة ..بس صدقيني مو هاذي المفاجاءت اللي كنت بسويها لك...

مشاعل وهي تبكي وانت شذنبك عاد يافواز؟قدر ونصيب وجانا مثل ماقال ابوي....اهم شي سلامتك يالغالي....

فواز

مشاعل بحيرة فواز شفيك؟شقال لك الدكتور؟

فواز انا بخير؟

مشاعل أي يعني شنو بخير.....انا قلت لاابوي ينقلك مستشفى سعد..

فواز لا يامشاعل بظل هنا..

مشاعل ليه؟

فواز دكتور حسام هنا....صاحبي اللي كلمتك عنه قبل...

مشاعل أي بس يافواز حتى مااقدر اظل جنبك بالموت قدرت اشوفك تخيل تظل هنا ومااقدر اشوفك غير ساعتين باليوم....

فواز مشاعل روحي البيت وارتاحي وردي الليل؟

مشاعل باصرار مستحيل؟

فواز بتعب انا مافيني شي...صدقيني انا بخير....روحي يالله سمعي كلامي....

مشاعل ابي اظل مرافقة معك..

فواز كيف تظلين مرافقة وانا بتنويم رجال مايصير؟

مشاعل قامت تبكي....

ودخل الدكتور علشان يطلعها...

مشاعل ماابي اطلع....قولي شفيك بالاول؟

فواز مابعد عرفت شفيني لسه ماخلصت صور الاشعة؟

مشاعل حاس بشي ياْلمك دون غيره؟

الدكتور معليش يامدام حنكمل الاشعة وبعدها حيروح لقسم التنويم اسئليه هناك براحتك؟

قامت تبكي بصوت اعلى ودخل عبدالله علشان يطلعها..

فواز عبدالله...

عبدالله ماتشوف شر يالنسيب..

فواز دير بالك عليها....ودها البيت ترتاح,,

فتحت عيونها بتعب وتلفتت حوالينها ولقته نايم وعاطيها ضهره..

تنهدت بصوت مسموع وشالت الغطى من عليها وقامت,,,

توها رجلها ملامسة الارض ناداها..

نواف ياسمين...

فزعت وظلت بمكانها ولفت له لقته صاحي بس ماقام...

ياسمين خوفتني على بالي انك نايم؟

نواف بلامبالاة وين رايحة؟

ياسمين ولامكان ...

نواف وليش قايمة؟

ياسمين اممممم كنت بشرب مويه؟

نواف كاهي المويه جنبك؟

ياسمين رفعت عيونها ولقت المويه جنب فراشها وقالت له وهي تمد يدها وتشيل الغرشة ماانتبهت لها....

شربت المويه وظلت على جلستها وهي عاطيته ظهرها....

نواف ماشربتي؟

ياسمين وخير يعني؟

نواف وش مقعدك بعد رجعي نامي؟

ياسمين ماابي انام بكيفي؟

نواف بحدة وليه عاطيتني ظهرك وانتي تكلميني ان شاءالله؟

ياسمين ...

نواف بحدة اكلمك انا!!

لفت له وقالت بتاْفف نعم...

نواف وش عندك..

ياسمين بضيق ماعندي شي ضايق خلقي ماابي انام؟

نواف ومن شنو بالله ضايق خلقك؟

التقت عيونها بعيونه وناظرته بحدة وكاْنها تقوله انت السبب طبعا بس ماقوت تقوله...

وهو حس على نظراتها وغير الموضوع بسرعة وقال بتهرب انتي شبعتي نوم اللحين ولا بس عيارة تقومين الحين وترجعين لي بعد ساعتين ثلاث علشان تنامين؟

ياسمين .

نواف اشوف مارديتي؟

ياسمين ابي اروح لاامي؟

سكت لانها غيرت هي الموضوع وشكلها بترجع لنفس الموضوع اللي مايبي يفتحه..

ياسمين سمعتني ابي اروح لاامي؟

نواف بضيق البارحة كنتي مع امك بالعرس بعد وش عندك اليوم تبين تشوفينها؟

ياسمين وين المشكلة اذا شفت امي كل يوم؟

نواف عدل المخدة على ان الموضوع منتهي...

وكملت هي بخنقة وقالت واحمد بعد يبي يشوف امه؟

ناظرها بنظرات نارية وكملت بنفس الضيق ولاهي بتجي تشوفه وترجع حياتكم مثل قبل مرة وحدة؟

تنهدت يوم قالتها وقامت من مكانها وهو بعده على نفس قعدته وضيقه وقام وراها بسرعة ووصل لباب الغرفة قبلها ووقف عنده..

رفعت عيونها تناظره وهي فيها اصلا دمعة مخنوقة..

ياسمين بمر؟

نواف بحدة وش تقصدين بكلامك؟

ياسمين أي كلام بالضبط؟

نواف هذا اللي توك قلتيه قبل شوي؟

ياسمين هذا مو كلامي هذا كلامك انت وياها...

نواف انا ماقلت ها الكلام واذا تبين تفهمين أي كلام بكيفك فهميه بالناقص بعد!!!

ياسمين بانفعال واذا تبي ترد لمرتك ليه تصارخ علي ان شاءالله رد لها بللي ما...

سكتت وقاموا يناظرون في بعض وحست ان أي خطوة من نواف بتكون بلا شك كف على وجهها وويوم دق التلفون تنفست الصعداء...

نواف بانزعاج يعني بالذمة احد يدق ها الوقت في يوم اجازة؟

راح يشيله ويوم قال هلا خالد لفت هي له لان خالد مابيتصل ها الوقت الا في شي صاير؟

عبير صباح الخير ..

عبدالله بتعب هلا حبيبي..

عبير وينك فيه طالع من صبح الله انت واهلك...لايكون بس مشاعل مسوية صباحيتها وماعزمتوني..

عبدالله أي صباحية أي هم...

عبير أي ادري انك ماترضى عليها....ياه ياعبدالله تصدق طول الليل وانا احلم ان هذا عرسي وانك...

قاطعها بسرعة والم عبير انا مشغول بعدين ادق لك

عبير لحظة لحظة..شنو يعني مشغول...

عبدالله بتنهيدة عبير انا بالمستشفى..

عبير ..........

عبدالله .

عبير وش عندك بالمستشفى؟

عبدالله بتاْثر مشاعل وفواز صابهم حادث وهم راجعين بيتهم ومن البارح واحنا هنا؟

عبير لاحول ولاقوة الا بالله وتاْذوا؟صار فيهم شي؟

عبدالله مشاعل الحمدلله ماصار فيها شي بس فواز تعور؟

عبير بشهقة مات؟

عبدالله لا فال الله ولافالك...بس تعور؟

عبير أي شنو صار فيه يعني؟

عبدالله والله لحد اللحين مو مبينة كسوره شنو بالضبط بس حاليا رجله انكسرت وسوا له خياط بجبينه بس...والظاهر ان عنده شي بالظهر...

عبير لاحووول....

عبدالله خلاص انا مقدر اطول بروح اشوف مشاعل..

عبير باي مستشفى انتوا؟

عبدالله التخصصي؟

عبير خلاص انا بحاول اشوف لي فرصة واجيكم لازم اوقف معكم بمثل ها الظرف حبيبي..

عبدالله ماتقصرين يالغالية...

عبير يالله حبيبي اتركك اذا وصلت بدق لك اشوفك وينك فيه...

سكرت من عبدالله وهي تتحلطم كله من مشاعلوا وجهها فقر على الرجال من اول ليلة صابه حادت!!وهي طلعت منه بدون شي؟الا اقولها لها....

كانت طالعة من بيتهم بتركب السيارة بتروح المستشفى دق جوالها وشالته بسرعة وهي تبكي..

فارس برواق قلت بتردين اليوم بدون تغلي بس مو بسرعة...شكلك كنتي ناوية تدقين علي اذا ماكنت غلطان؟

نورة انفجرت بالبكي..

فارس بخوف نورة فيك شي....

نورة من بين دموعها فارس انا رايحة المستشفى..

فارس بخوف اكبر ليه!!!نورة قولي شفيك...

نورة مشاعل وفواز يافارس....

فارس شفيهم؟

نورة البارحة وهم رايحين لبيتهم صابهم حادث...

فارس بتاءثر لاحول ولاقوة الا بالله العلي العظيم...صار فيهم شي خطير؟

نورة وهي تبكي ماادري امي راحت مع ابوي قبل شوي وكاني رايحة لهم اللحين...مشاعل ذابحة نفسها بالبكي يافارس مااقدر اشوفها وانا مسلمة عليها البارحة على الكوشة؟

فارس انتي مشيتي ولا لسه؟

نورة لا هذا انا طالعة اللحين؟

فارس انتظري هذا انا عند الباب جاي لك؟

مالحقت سكرت جوالها بعد ماقفل فارس وطلعت من سيارتهم الا وهو في وجهها..يوم شافته ماتحملت انفجرت اكثر بالبكي..

تقرب منها وضمها له....

فارس بهمس خلاص نورة خلاص...ادعي ان ربك يعديها على خير عليهم...

نورة وهي تبكي والله حرام ماتهنوا حتى بليلتهم..

فارس كتبة ربك يانورة بتعترضين عليها...لو ماربك يحبهم ماامتحنهم بمثل ها اليوم يانورة...

نورة ظلت تبكي....

فارس يالله تعالي ركبي السيارة مو حلوة وقفتنا كذا بالشارع......

مسكها من يدها ووداها لسيارته وركبها وركب جنبها,,,,

طلعوا من عند النبي وهم بعدهم يمشون جنب بعض ويسولفون...

نوف شكلها خالتي تعبت من العرس صوتها رايح فيها تقول انفلونزا ذابحتها..

تركي عاد انتوا يالحريم تسون اشياء مدري كيف..

نوف ياسلااام...

تركي فرق بين عرسنا احنا واعراسكم انتوا...انتوا اصلا تدورون التعب هاويين تعب..

نوف هذا لان احنا ذوق ولنا لمسات خاصة مانحب يكون العرس سطحي وماله أي طعم..

تركي أي صح..

نوف كاْنك بس تجاريني في كلامي..

ابتسم لها وماعلق..

نوف طيب مو مشكلة ياحاج تركي...

تركي وش سالفتك انتي مع الحاج تركي كل كلمتين ونطيتي تقولينها؟

نوف وهي تضحك ليش ماتحس انها تعطيك هيبة وثقل زيادة؟

تركي بغرور والله مو ناقص هيبة وثقل ياماما عندي اللي يكفيني وزود؟

نوف ماقلنا شي بس افهمها يافهيم؟

تركي مافهمتها..

نوف بهمس وهي تمشي جنبه علشان كل ماجتك نية سيئة فيني تتذكر انك حاج ومؤمن وتبعد عني!!

تركي بصدمة شوف اللي ماتستحي ليش ان شاءالله شايلك من الشارع ؟؟انا زوجك ياحلوة؟

نوف انفجرت تضحك عليه...

تركي بحلطمة قالت شنو قالت تذكر انك حاج؟يعني الحجاج كلهم مايتزوجون ولايجيبن عيال؟

نوف ههههه والله انك تحفة وانت معصب...يلوق عليك تكون معصب اكثر من انك تكون رايق؟

تركي أي خلاص غالي والطلب رخيص ولايهمك كل يوم بدخل لك بشري وعصبيتي..وش تبين بعد يالغالية...

نوف مقدر انا على اللي مايرفض لي طلب؟

تركي هذا انتي قلتيها مقدر ارفض لك طلب...

نوف تعال بس خل ناكل لنا شي تراني ميتة جوع...

على الظهر كان الكل بالمستشفى بعد ماعرف عن الحادث اللي صار لفواز...

وكانوا كلهم متجمعين تحت لان فواز نقلوه غرفة خاصة بعد ماطلعوه من الاسعاف ...

ابو تركي يعني شلون مانقدر نشوفه الا الليل وقت الزيارة؟

خالد ماهم راضيين يقولون النظام يمشي على الكل..

نواف طيب ومتى تفتح الزيارة؟

عبدالله المغرب...

يتبع ,,,

👇👇👇

تعديل المقال