رواية همسات حب تنزف الم -4
رسيل: معليش بس عندي شوية ضغوطات
ميار مشيت عليها الهرجه: اها
تالا رجعت البيت وكان الغدى على السفرة راحت لامها : السلام عليكم
ام وائل : وعليكم السلام
تالا : انا بروح انام
ام وائل : طيب اتغدي
تالا : مالي نفس
ام وائل : بكيفك
طلعت تالا غرفتها
ورمت الشنطه ودخلت الحمام (الله يكرمكم ) اخدت شور على السريع وانسدحت على السرير ( السنه دي اخر سنه لازم اشد حيلي عشان بابا يخليني اكمل دراستي برى)
ودخلت في النوم والافكار تجيبها وتوديها
وصلت لممر طويل ومن الجنبين ورود مسكت وردة وكان فيها شوك جرحت نفسها انتبهت للشخص اللي يراقبها من بعيد سارت تمشي بالممر وكل ماتمشي الشخص يبعد كانت مصرة توصله بس ماهي عارفه كيف... تباه يخرجها من المكان اللي هيا فيه
صحيت من نومها : اعوذ بالله من الشيطان الرجيم
طالعت بالساعه اللي جنبها على الكومدينا الساعه 6 ونص
(يالله دى كله نوم )
غزل جالسه بالصاله ( عيد ميلاد دندن بعد شهر لازم نسويه مفاجأة )
تالا : غزل في ايش تفكري
غزل : ها ..... ايوا كنت بقولك عيد ميلاد دندن بعد شهر لازم نسويلها هوا مفاجأة
تالا: ايوا صح راح عن بالي خلاص وقت ماتبي نروح السوق قوليلي
غزل : اوكي قلبي
تالا وهيا طالعة من الدرج (هههههههههههه شكلها نسيت انه عيد ميلادها دا الشهر ان شاء الله اسويلها عيد ميلاد ماحصل بس لازم اقول لملك )
ملك : ايوا ايش الموضوع المهم اللي تباني فيه
مؤيد متوتر : بقلك شي بس اباكي تسمعيني للاخر
ملك : الله يستر قول ايش عندك
مؤيد : بصراحه انا احب غزل
ملك بستهبال : نعم ايش قلت ؟
مؤيد : انتي هبلة ماتسمعي احب غزل
ملك : طيب عارفة
مؤيد : مين قلك لا يكون غزل
ملك : لاغزل ولاغيرها
مؤيد : اجل كيف عرفتي
ملك : لاتنسى انا تؤامك وحاسه فيك واصلا باين عليك وتحسب عدت عليا لمن كنت بالغرفه عندها ولاعند البحر هااااااا
مؤيد : انتي ايش عرفك بدا كله
ملك : لمن رحتلها عند البحر شفتك والله طلعت مصيبه يااخويا
مؤيد : انا والله احبها بس ابى اعرف اذا هيا تحبني ولا لا عشان اخطبها
ملك : خلاص انا بساعدك
مؤيد ضمها : والله اموت فيكي يااختي ياتؤام روحي
وخرج
ملك : ههههههههههه مجنون
تالا تتصل على ملك
تالا: كيفك ملوكة ؟
ملك : تمام وانتي كيفك
تالا : بخير ... اسمعي عيد ميلاد غزل الاسبوع الجاي وانا بسويلها مفاجأة
واباكي تساعديني ومانبغاها تعرف شي
ملك : اوكي
تالا : يلا قلبي مااطول خلاص بيننا call
ملك :اوكي قلبي باااي
تالا: باااي
ملك ( والله جات في وقتها يامؤيد )
وائل بالسيارة مع سامي
( وائل مرة يحب السيارات ومتهور في السواقه )
سامي : انت ماتبطل السرعه دي هدي شويا
وائل : انا مااعرف اسوق غير كدا
عند الاشارة دوبها قفلت وائل كعادته قطع الاشارة
سامي : وائل انتبه .................
تالا جالسه تذاكرعندها اختبار
رسيل : تالا ايش رايك نروح عند عمي ابو خالد
تالا: ليش ايش عندك ؟
رسيل : ماعندي شي بس طفشانه
تالا : سوري بس عندي اختبار
رسيل : بليززززززززززززززز
تالا : انتي ايش عندك في بيت عمي ابو خالد حتى بناته صغار مافي غير خلووود
رسيل : اقولك خلاص بطلت
تالا : على راحتك
خرج من السيارة انصدم من الشخص اللي قدامه وعلى وجهه دم
سامي : انت ايش سويت
وائل : اسكت وشيلها معايا
شالها وائل وحط البنت في السيارة
وطار على المستشفى
مؤيد :من جد عيد ميلادها الاسبوع الجاي
ملك : والله مااكذب
قام وسار يروح ويجي : طيب انا لازم اجيب هديه
ملك : طيب اقعد خيلتني
مؤيد : انتي لازم تساعديني
ملك : طيب
في المستشفى
الدكتور : البنت حالتها خطرة ويحتجلها نقل دم
وائل : خلاص انا اتبرع يادكتور
الدكتور : تعال معانا عشان نسويلك تحليل اذا كان في تطابق في الفصيله
خرج وائل من عند الدكتور
سامي : ها ايش سويت
وائل : فصيلتها زي فصيلتي
سامي : الحمد لله .... طيب البنت اكيد عندها اهل لازم نقولهم
وائل: هيا كان معاها شنطة اكيد فيها جوالها
سامي : الشنطه بالسيارة
وائل : انا نازل اجيبها
نزل وائل ولقي بالشنطة الجوال وخرجه وسار يدور احد يتصل عليه
لقي في المكالمات الواردة (ماماتي ) ( شكلها امها ) اتصل وائل ردت
الام : فينك ياكندا طولتي
وائل : الو السلام عليكم
الام مستغربه : وعليكم السلام انت مين
وائل : ياخالة بنتك بالمستشفى
الام سارت تبكي : ايش سار فيها
وائل: هيا بخير بس لازم تجي عندها
الام : ماعندي احد يجيبني ياولدي
وائل: طيب ياخالة هدي انا اجي اخدك بس انتي اعطيني العنوان
الام: طيب ......
( انتهى البارت )
(البارت الثامن )
ملك تكلم غزل : ها لولو ايش قلتي
غزل : طيب اكلم ماما
غزل:ماما بروح عند غزل عندها صحباتها وتباني اروحلها عشان اساعدها
ام وائل:طيب يابنتي بس لا تتأخري
غزل :اوكي
راحت غزل غرفتها ولبست فستان اسود قصير توب وعليه بروش بنكي بنص الصدر وسوت شعرها البني كيرلي ورفعته من قدام بف وحاطه شادو بنكي واسود خفيف وكحل اسود وبلاشر بنكي وحاطه قلوس بنكي
ولبست حلق طويل نهايه الحلق كرستاله بنكي لبست صندل ( الله يعزكم ) بنكي طلع شكلها جنان واتعطرت من عطر(باريسية من إيف سان لوران)
وراحت لملك
عند ملك : حركااااااااات مين قدك
غزل : ههههههههههههههههههههههه احرجتيني
ملك : اموت على اللي يستحو
غزل: هههههههههههههههههه
تالا : يلا انتي وهيا جيبو الزينه
تالا في الحديقه زينت المكان كله بالبنكي وبلونات بنكي يعني المكان كان خيالي
وائل له ثالث يوم بالمستشفى يزور البنت اللي صدمها وشايل معاه بوكيه ورد كبير
دق الباب ودخل
الام : اتفضل ياولدي
وائل : كيفك ياخاله وكيف كندا دحين
الام : الحمد لله تمام كندا سارت احسن
كندا كانت متلثمة ماهي باينه غير عينها
الام: انا رايحه اجبلك شي تشربه
وائل : لاياخالة ارتاحي
الام : لا والله انا لازم اجبلك شي وارجع
راحت الام تجيبله شي يشربه
بقي هوا لوحده مع كندا
كندا كانت بتشرب المويا اخدت الكاسه من على الكومدينا وجات بترجعها الا طاحت منها قام وائل يبى يشيل القزاز قبل احد مايتعور نزلت نفسها شويا كندا انها بتساعده بس طاحت الطرحه ماهي رابطتها تمام
وائل رفع راسه ( سبحان اللي خلقك ) شعرها اسود طويل وعيونها كبار وفمها صغير وخشمها صغير يعني كانت ملامحها حلوة
هيا على طول لفت الطرحه تاني بس وائل ماراحت عن باله مره
وائل : انا استئذن سلمي على خالتي
كندا بصوت واطي : ان شاء الله
وائل لمن خرج :سبحان اللي خلقها ولا نعومتها سبحان الله
ملك : يلا غزل امشي نروح مشوار قبل مايجو صحباتي
غزل : اوكي
وصلو عند بيت غزل : احنا ايش مرجعنا بيتنا
ملك : انزلي بناخد اشياء من تالا وبعدين نرجع البيت
غزل :اوكي
اول مادخلت كان الكل مستنيها وحطوا اغنيه غنو لحبيبي
غنّوا لحبيبي وقدّموا له التّهاني
في عيد ميلاده عساها مية عام
افرح حبيبي واطلب أغلى الأماني
الليلة يا عمري تناديك الأحلام
ودعت عام وقابلك عام ثاني
تعال نتقضي العمر في حب وهيام
انسى الهموم اليوم واضحك عشاني
والله ابتسامة منك تسعدني أعوام
أحاول أشرح لك بقلبي معاني
والله الفرح نساني هموم والآم
وأجمع أفكاري ويعجز لساني
من فرحتي معذور والله ما الآم
احترت وايش أهديك غير الأغاني
ويهديك قلبي اللّي معك في الهوي هام
واطلب من الله ياحبيبي عساني
ما أنحرم من شوفتك طول الأيام
غزل ماهي مصدقة هيا نسيت انه اليوم عيد ميلادها وشويا تبكي
وتالا جايبه العاب ناريه وقاعدة تولعها بالجو
والتورته كبيرة عليها صورة غزل واعطوها الهدايا
ملك : غزل تعالي بوريكي شي
غزل طيب
ملك ربطتلها عينها عشان ماتشوف شي وراحت لصالون
غزل : ملك فين رحتي ملوكه بلاش بلاهة
مؤيد : ملك مو هنا
غزل صنمت من الصوت فتحلها عينها ولفها عليه
كل سنه وانتي طيبه كل سنه وانتي حياتي وروحي
وخرج من جيبه علبه لونها مخملي فتح العلبه وخرج سلسله من العلبه على شكل قلب من قدام مكتوب ghzal ومن النحيه الثانيه للقلب مكتوب mouayed
مؤيد :ممكن البسك هيا رفعت غزل شعرها ولبسها هيا وغزل مرة كانت مستحيه سلم على رقبتها ولفها عليه : والله احبك احبك
غزل ماقدرت تقعد اكتر وخرجت بسرعه كانت مبسوطه مره ( وانا كمان احبك يامؤيد )
كان جالس في برج ايفل اخر طابق وجالس يفتكر اللي حصل من سنتين
رامي جالس بالسيارة ومشغل اغنيه :
قهر ما كنت انا ادري تعيش في قلبي كذابه
قهر توي عرفت انك على الحبلين لعابه
كذب كانت سواليفك كل كلمه على كيفك
وانا الي احسبك روحي و القلب اقرب احبابه
وفيت لقلبك بعمري بك ضحيت بأيامي
لقيتك للاسف كذبه اعيش بها مع احلامي
نعم صدقت كلماتك ولا ادري بنياتك
هذا اليوم انا كلي ندم من راسي لأقدامي
خلاص الحين ابي ارحل و انا فيني الم غدرك
اباخذ قلبي من قلبك و اخلي قلبك بصدرك
بداوي روحي بروحي و بكتم فيني جروحي
بعيش دنيا من دونك وعيشي بالقهر عمرك
ويضرب على الدركسون : ليش سويتي فيا كدا انا والله حبيتك حرام عليكي تسوي فيا كدا انا لازم ابعد من هنا انا راح اسافر
دق جواله
رامي : نعم ايش تبي
إلانه : رامي الله يخليك سامحني
رامي : خلاص اللي بيننا انتهى لاعاد تتصلي عليا فاهمة ياحقيرة
إلانه دوبها بتتكلم : رام.....................طوط طوط
ورجع لمى هوا عليه قدام القمر اللي منور شوارع باريس (آه ياربي انا لازم انساها بأي طريقه والله تعبت هيا خانتني انا ليش افكر فيها هيا ماتستاهل مجرد التفكير فيها
دق جواله : هلا نواف
نواف : فينك يارجال
رامي : انا في برج ايفل
نواف : اقول بسرعه انزل انا في شارع الشانزليزيه
رامي : اوكي
تالا خلاص اختباراتها قربت وسارت تقضي وقتها مذاكرة
وائل تفكيره في كندا اللي يحسها دخلت قلبه من غير استئذان
مؤيد كل يوم يزيد حبه لغزل وماهو قادر يشيلها من باله
جمانه وهدى زي ماهما في طياشتهم
رسيل تفكيرها بالانسان اللي ماتعرف ليش تفكرفيه
غزل مرة تحب مؤيد وكل وقتها تفكر فيه
ملك مشغوله باللي شافته مرتين بالصدفه
خالد كل يوم يحس بشعور غريب ناحيه الشخص اللي يعانده
مهنا مانسي عين ملك اللي سار حافظها زي اسمه
جاه وقت الاختبارات وتالا مرة متوترة خايفه ماتجيب نسبه عاليه
الكل يختبر
تالا تكلم ريفان : اليوم اخر يوم في الاختبارات ماني مصدقه
ريفان : لا صدقي
تالا : ايوا صح ايش راح تتدخلي بالجامعه
ريفان : لسى ماادري
تالا: اها
ريفان : وانتي
تالا: انا بكمل دراستي برى
ريفان : الله يوفقك
تالا : امين ويوفقك
بالبيت تالا دخلت غرفتها ورمت نفسها على السرير وتتنفس بعمق تحس انها ماهي مصدقه انها خلصت اختبارات وجهها كان مرة مرهق وتحت عينها هلالات سودة فجئة غرقت بالنوم
كملت مشيها لممر تبى تكلم الشخص اللي شايفته وصلت لعنده لكن ماهي عارفه شكلو ملامحه ماهي واضحه كانت تحاول تكلمه مسك يدها وخرج منديل من جيبه ومسح دمها
: يالله كنت بشوفه انا متأكدة اني قريب راح اشوفه
وائل عند بيت كندا
دق الباب خرجله ولد صغير
وائل : ايش اسمك حبيبي
الولد : اسمي مروان
وائل : كيفك مروان
مروان : الحمدلله
: مروان مين عند الباب
التقت عينهم ببعض كندا حست قلبها بيخرج من مكانه حتى وائل اشتاق لعينها مرة
وائل : كيفك كندا
كندا : تمام
وائل : ممكن اخد مروان معايا
كندا : طيب بس اروح اسئل ماما
وائل : اوكي
مروان : فين بتوديني
وائل : بوديك اي مكان تبغى تروحه
مروان : ابغى لعبه كبيرة
وائل : ان شاء الله اطلب اللي تباه
كندا جات : تقولك طيب بس لا تتأخر
وائل : ان شاء الله
نتيجه تالا راح تتطلع هيا وخالد
تالا جالسه على نار وشويا تبكي وتدعي ربها
ابو وائل : تالا فينك
تالا راحت جري لابوها
تالا: هلا بابا
ابو وائل سكت شويا
تالا حست بيغمى عليها
ابو وائل : ضحك مبروك يابنتي جيبتي 98
تالا ماهي قادرة توقف من الفرحه جلست بالدرج : من جد جيبت 98
ابو وائل : ايوا يابنتي
تالا قامت حظنت ابوها
ابو وائل : ها ايش تبي هديتك تكون
تالا سكتت شوي : بابا انا بكمل دراستي برى بباريس
ابو وائل : لا يابنتي كيف اخليكي تروحي لوحدك
تالا : بابا لاتخاف عليا ماراح يسير شي اجيكيم بالاجازات
ابووائل : يسير خير يابنتي
في بيت ابو خالد
الكل فرحان لخالد جاب 97 والكل حضر عند بيت ابو خالد
بمجلس الرجال
ابو وائل : بما اننا اليوم كلنا مجتمعين راح اقلكم شي
ابو احمد : خير ياابو وائل
ابو وائل : بنتي تالا راح تكمل دراستها بباريس
وائل : ليش ان شاء الله ماتكمل زي باقي البنات هنا
ابو وائل: هاذي رغبتها وانا ماراح ازعلها
وائل : لا والله ماتروح
ابو وائل : انت ماانتا ابوها انا ابوها
وائل سكت ويتوعد بتالا
عند الحريم
غزل : انتي مجنونه كيف تسافري لوحدك
تالا : مافيها شي
ملك : ترى الغربه صعبه
تالا : والله عارفه بس احس مستقبلي برى مو هنا
هدى: تتوقعي عمي ابو وائل راح يوافق
تالا : ان شاء الله يوافق
جمانه : انتي ايش تروحي تسوي هناك لوحدك يعني تقعدي على حل شعرك
تالا هنا ماقدرت تتمالك نفسها وقامت اعطت جمانه كف على وجهها
: احترمي نفسك انا اهلي عرفو يربوني الكلام الباقي عليكي وتاني مرة لاتغلطي معايا بالكلام فاهمة
جمانه قامت تجري وخرجت بالحديقه هدى حقدت على تالا
غزل : خلاص تالا هدي
تالا مرة معصبه وترتجف :انتي ماسمعتيها ايش تقول والله لا اوريها
ملك : لاتعصبي نفسك على شي مايسوي
ام خالد : توتا تعالي فوق ريحي
تالا معندة : ماابغى
ام خالد : اسمعي الكلام
تالا وخلاص ماهي قادرة توقف الرجفه : قلت ماابغى
تالا مرة عنيدة وتعصب بسرعه ولمن تعصب لازم تجيها رجفه
غزل سحبتها من يدها :يلا قومي مو على كيفك
وقومتها هيا وملك وطلعوها غرفة خالد ( تالا عادي تقعد بغرفة خالد تعتبره زي اخوها )
ونامت على الكنبه اللي بغرفته ورسيل جلست جمبها وسارت تبكي عليها تحسب فيها شي بس هيا طبيعتها كدا
دخل خالد غرفته انصدم لمن شاف تالا نايمه على الكنبه بس هوا متعود على حركاتها تحب تعانده لكن لمن شاف رسيل تبكي يحسب فيها شي تالا
خالد : رسيل اشبها تالا
رسيل تبكي : ماادري اشبها
خالد : طيب لا تبكي
رسيل : احسها تعبانه بس ماهي مبينه
خالد : لامااعتقد خلاص لاتبكي عشاني
رسيل سكتت بس انتبهت لشي انها ماهي لابسه عبايه ولاطرحه على راسها قامت دخلت الحمام
خالد استغرب من حركتها : اشبك
رسيل : اخرج برى عشان ماني لابسه عبايه
خالد : دوبك تنتبهي ههههههههههههههههههههههههه خلاص انا طالع ولاعاد اشوف دموعك
رسيل : طيب
قامت تالا ولقيت رسيل جالسه عندها ابتسمت : مساء الخير
رسيل قامت تجري وحضنتها
تالا : اشبك سلامات
رسيل : انتي تعبانه فيكي شي
تالا ضحكت : لا مافيا شي انا بس لما اعصب يسير فيا كدا يلا قومي نرجع البيت
رسيل : يلا
ركبو مع وائل
تالا : السلام عليكم
وائل مارد عليها
تالا: وائل اشبك
وائل : سكي فمك ولا تتكلمي ولا كلمه فاهمة
تالا سكتت
وصلو البيت
تالا: ممكن اعرف اشبك عليا انا ماسويت شي
وائل: لا ياشيخه والسفريه ايش تسميها
تالا: اشبها السفريه انا بكمل دراستي ماني رايحه اصيع
وائل وماسك نفسه : قولي لابوكي انك بطلتي منتي رايحه
تالا: ماني قايله انا رايحه يعني رايحه
وائل اعطاها كف على وجهها خلاها تطيح على الارض
غزل : انت مجنون ليش تضربها
تالا : انا قلتها وماراح اغير كلمتي انا مسافرة مسافرة
وطلعت غرفتها وماسكه نفسها ماتبى تنزل دمعه على شي مايسوى
نامت وهيا زعلانه
بعد شهرين بيسو حفله تخرج تالا وخالد في بيت ابو وائل وعشى عشان تالا بتسافر بعد اسبوع
يوم الحفلة تالا لبست فستان فوشي قصير برقبه والظهر كله علامات ضرب
ولبست حلق صغير فيه كرستاله والسلسه كرستاله صغيرة عملت شعرها كيرلي وحطت ميك اب ناعم الشادو فوشي والبلاشر فوشي وقلوس فوشي وكحل اسود
ونزلت كانت الحفلة كبيرة
غزل : اهلين بصاحبة الحفلة
تالا: اهلين فيكي
غزل : اعرفك على تولين
تولين : كيفك تالا .... مبروك التخرج
تالا : تمام انتي كيفك ..........الله يبارك فيكي
تولين : تمام
رود : هاي صبايا
البنات : اهلين
تالا : بنات اعرفكم رود
ملك : هلا والله كيفك؟
رود : تمام الحمد لله
ريفان : هااااااااي
البنات : اهلين
رود :انتي لازم تتأخري
ريفان : طبعي مااقدر اتغير
عند الحريم
ام وائل : اعرفك على ام تولين صديقه غزل
ام مهند: هلا والله .....كيفك ياقلبي
ام تولين : تمام انتي كيفك
ام مهند : تمام
( ام مهند عجبتها تولين ........ تولين بنت بيضه طويله ملامحها حلوه شعرها اسود طويل ......... ام مهند تفكر تخطبها لمهند)
عند الرجال وائل يكلم غزل بالجوال : ارسلي المبخرة مع وحده من الشغلات دحين ارسل لؤي ياخدها
غزل : اوكي
غزل : تالا روحي ودي المبخرة للؤي الشغالات ماهم فاضيين
تالا:هاتيها انا اديها لرود توديها ...... روده تعالي
رود : اكيد تبي شي انتي ماتدلعيني الا عندك شي
تالا : اباكي تودي المبخرة للؤي
رود : نعم انتي ناسيه انه اخوكي رجال
تالا: لؤي مو وائل لؤي الصغير يلا روحي
رود : امري لله
وائل : يالله فين انقلع داه
سامي: خير ياابو الشباب اشبك
وائل : لؤي فين راح كنت اباه يجيب المبخرة من عند الشغاله وانا ابويا يستناني
سامي : خلاص انا اجيبها
وائل : هيا لاتطالع في شغالتنا تراها ماهي حلوة
سامي : ههههههههههههههه انقلع
رود واقفه عند الباب : يالله داه كله لؤي يجي
فجئه انفتح الباب انصدمت من اللي قدامه ماهي قادرة تتحرك
: هادي الشغاله اللي يقول عليها
رود كانت لابسه فستان اسود وحاطه ميك اب احمر كان شكلها طالع حلو
سامي : لو سمحتي المبخرة
رود استوعبت الهرجه : لو سمحت ارخي عينك بلا قلت ادب
سامي فتح عينه ع الاخر ( اللسان الطويل بالانوثه دي )
رود : امسك المبخرة لا احطها بعينك
اخد المبخرة وماقال ولاكلمة
رود راحت معصبة من تالا
تالا : ها اخدها
رود : مو لؤي اللي اخدها ياحيوانة
تالا : من جد ........ اجل مين
رود : مدري بس والله لاوريكي
تالا : رود انا مدري مين غزل قالتلي لؤي ... انا رايحه اسألها
عند الرجال
سامي : شغالتكم حلوة
وائل : الله يرجك فين حلوه هيا وادنها الناقزة
سامي : والله حلوة
وائل يمسك راس سامي : صاحي انت شكلها حرارتك مرتفعه
غزل : ايوا وائل مين اللي اخد المبخرة
وائل : سامي ....... ليش تسألي
غزل : لا ولا شي بس الشغاله قالت ماتعرفه
وائل : طيب يلا باااي انا مشغول دحين
غزل : يقول سامي صاحبه
تالا : ياويلي من رود
رود : ليش ياويلك
تالا بلعت ريقها : الولد اللي اخد منك المبخرة صاحب اخويا
رود : الله يحرق شيطانك
تالا : خلاص هدي
رود : دحين ايش يقول الولد علينا
تالا : ماراح يقول شي
رود : وطلعتوني شغاله
تالا : هههههههههههههههههههههههههههه
رود : لا تضحكي
تالا : طيب
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك