رواية همسات حب تنزف الم -5
غزل : ايوا وائل مين اللي اخد المبخرة
وائل : سامي ....... ليش تسألي
غزل : لا ولا شي بس الشغاله قالت ماتعرفه
وائل : طيب يلا باااي انا مشغول دحين
غزل : يقول سامي صاحبه
تالا : ياويلي من رود
رود : ليش ياويلك
تالا بلعت ريقها : الولد اللي اخد منك المبخرة صاحب اخويا
رود : الله يحرق شيطانك
تالا : خلاص هدي
رود : دحين ايش يقول الولد علينا
تالا : ماراح يقول شي
رود : وطلعتوني شغاله
تالا : هههههههههههههههههههههههههههه
رود : لا تضحكي
تالا : طيب
ام مهند : كيفك يابنتي ياتولين
تولين :الحمد لله ياخالتي
ام مهند : ماشاء الله تبارك الله
تولين مستحية
ام مهند: نيال اللي بياخذك
تولين قامت
ام وائل : احرجتيها
ام مهند : هههههههههههه
في بيت ابو مهند
ام مهند : اليوم شفت بنت حلوة وابى اخطبها لمهند
ابو مهند : على خير بس قولي لولدك اول
ام مهند: ان شاء الله
تالا سارت تجهز شنطها ومرة ماهي فاضيه والبنات يساعدوها
تالا تكلم رود : خلاص لاتبكي
رود : تسافري وتسيبيني لوحدي
تالا: راح اجي في الاجازات .... واذا وحشتك تعالي اقعدي بغرفتي وفيه البنات هنا يعني تتسلي
رود تبكي : خلاص طيب بنام على سريرك
تالا: هههههههههههههههههههه اوكي
قفلت منها وجلست تكمل ترتيب في الشنطه
دق الجوال (ريفو)
تالا: هلا ريفان
ريفاان تبكي : لسى مصرة تسافري
تالا: ايوا مصرة....... بعدين اشبكم ترى ان شاء الله ازوركم في الاجازات
ريفان تبكي : والله راح توحشينا
تالا: وانتي اكتر ...... راح اكلمكم واقعد على المسن يعني كأني معاكم ... يلا خلاص روقي
ريفان : طيب
تالا : يلا انا بقفل عشان اكمل ترتيب
ريفان : طيب
ام مهند: ها ايش قلت
مهند : خلاص الله تشوفيه ياامي
ام مهند : يعني نقول مبروك
مهند: ههههههههههههههههههه توافق بعدين نقول مبروك
ام مهند : ان شاء الله بتوافق
البنات مجتمعين عند تالا بالغرفه
ملك : يلا تروحي وترجعي بالسلامه
تالا : الله يسلمك قلبي
غزل تبكي : يعني لازم تروحي
تالا : ايوا وبعدين انا ان شاء الله اشوفكم تاني
ريماس : خلاص مو لازم تروحي روحي السنه الجايه
تالا: طيب ماتفرق يعني بكرا ولا السنه الجايه راح اسافر
رسيل تبكي : والله البيت مو حلو من دونك
تالا: خلاص لاتبكو
ملك : خلاص بنات يلا قومو عشان تنام تالا بكرا وراها رحلة
اليوم الثاني بالظهر حان وقت الرحيل
تالا مانامت تمام راحت اخدت شور ولبست ونادت على الشغالات ينزلو الشنط
ونزلت تسلم على العائله كلهم مجتمعين في بيت ابو وائل
راحت تسلم على اعمامها : مع السلامه عمي ابو احمد
ابو احمد : روحي يابنتي الله يحفظك
حضنت عمها ابو خالد : راح توحشني
ابو خالد : وانتي كمان يابنتي انتبي على نفسك
وسلمت على حريم اعمامها وعمتها
راحت للبنات : يلا ياحلوين اشوفكم على خير
ملك : انتبي على نفسك وحضنتها وسارت تبكي لا تنسينا
تالا : انسى نفسي وماانساكم
هدى سلمت ( انقلعي الله يقلعك )
جمانه ( ان شاء الله ماترجعي )
تالا: لولو ماتبي تسلمي عليا
غزل وعينها حمرة من البكى حضنتها وسارت تبكي زي الاطفال : الله يخليكي مو لازم تروحي
تالا خلاص ماسكة دمعتها ماتنزل : خلاص لا تبكي
رسيل وهيا تسلم : كلي تمام واتغطي تمام وسارت تبكي
تالا : ان شاء الله ياقلبي وانتبي على دراستك مافي لعب فاهمة
رسيل وهيا تشهق : ط...ي...ب
ريماس : تالا لاتطولي في السفريه دي من يوم ماتجي الاجازة تعالي
تالا: ان شاء الله ..... دندن ماتبي تسلمي
دانا تبكي : خلاث تالا بتثافري
تالا : ايوا حبيبي اقعدي عاقلة ولاتطفشي اخواتك عشان اجبلك شوكلاته كبيرة لمن ارجع
دانا : طيب
رود : حتوحشيني يادبه
تالا وانتي اكتر
ريفان : كلمينا فاهمة
تالا :ان شاء الله
راحت تالا تسلم على وائل : ماتبى تسلم عليا
وائل على قد ماكان مقهرو منها نسي الهرجة وراح حضنها : انتبهي على نفسك
لؤي : تالا لاتنسي الهدية
تالا : ههههههههههههه اكيد بس لا تسهر كتير على البلاي ستيشن
لؤي : طيب
تالا راحت تسلم على امها وابوها : يلا بابا مع السلامه
ابو وائل : روحي يابنتي الله يحفظك ويوفقك
تالا : مع السلامة ماما
ام وائل سارت تبكي : يابنتي والله صعبة تروحي لحالك
تالا: خلاص الكلام معد ينفع دحين وسلمت عليها وخرجت
خرجت الحديقة ولبست الطرحه وكلهم واقفين عند الباب
لفت عليهم ودموعها شويا تنزل والبنات يبكو .............دانا جريت عليها وحضنتها
خلاص هنا تالا سارت تبكي باست دانا ومشيت
في المطار : يلا شباب اشوفكم على خير
خالد : يلا شدي حيلك
تالا : ان شاء الله ... وانت كمان ابى ارجع القيك عريس
خالد: ان شاء الله
احمد : تروحي وترجعي بالسلامه
مؤيد : يلا نشوفك على خير
تالا : ان شاء الله سلمت على وائل ودخلت
( انتهى البارت)
(البارت التاسع)
وصلت للشخص مسك يدها وكان مشغول بالجرح اللي بيدها وكانت تحاول تكلمه بس مايرد عليها هزته من كتفه رفع راسه بس ماقدرت تعرف ملامحه كانت تحاول تشوفها بس ماقدرت
المضيفه تهزها : لوسمحتي
تالا : وصلنا؟
المضيفه : ايوا الحمد لله على السلامه
تالا : الله يسلمك
راحت تالا دخلت الحمام وفسخت عبايتها كانت لابسه بنطلون جينز وبلوزة سودة وجكت للركبه ابيض وبوت اسود وفاتحه شعرها ولبست النظارة وخرجت
وقفت التاكسي :
Taxi
تاكسي
صاحب التاكسي :
Où voulez-vous aller?
إلى أين تريدين الذهاب ؟
تالا:
Si le droit d'aller sur les bords de la Seine 16
لو سمحت أذهب إلى ضفاف السين 16
صاحب التاكسي:
Oki
أوكي
وصلها التاكسي للشقه نزلت من السيارة :
Merci beaucoup
شكرا جزيلا
صاحب التاكسي :
Désolé
عفوا
دخلت تالا شقتها كان الدور الاول صاله كبيرة ومطبخ وحمام والدور التاني غرفتين نوم وحدة بحمامها وكبيرة والتانيه بدون حمام ( الله يكرمكم ) وكانت الشقه مطلة على نهر السين وبرج ايفل
اخدت شور على السريع وجلست على السرير واتصلت على اهلها
غزل : الو
تالا : كيفك لولو
غزل وسارت تبكي : توتا كيفك قلبي
البنات من سمعو اسم تالا الكل عند التلفون
تالا: افتح الاسبيكر خليني اكلمكم سوا
غزل : طيب ..... فتحت الاسبيكر
تالا: كيفكم بنات
ملك : تمام وانتي كيفك
تالا: تمام
رسيل : تالا خلاص ارجعي
تالا: لسى اليوم مسافرة
ريماس تبكي : والله البيت مو حلو بدونك
تالاوخلاص ماهي قادرة شويا تبكي : معليش ان شاء الله اجي
دانا : تالا كيفك وحثتيني
تالا تبكي : وانتي كمان ياقلبي
دانا : انتي في باريث
تالا: ايوا انا في باريس
دانا : جيبيلي عروثة كبيرة
تالا: ان شاء الله
ام وائل تبكي : كيفك يابنتي
تالا وزاد بكاها : انا تمام انتي كيفك
ام وائل : الحمدلله ...... يابنتي انتبي على نفسك وكلي تمام
تالا : ان شاء الله ........... خلاص انا بقفل عشان بنام
ام وائل : طيب يابنتي
تالا: سلمو على بابا ووائل ولؤي
ام وائل : ان شاء الله
تالا: مع السلامه
الكل : مع السلامه
قفلت تالا وسارت تبكي وتشهق لحد مانامت
ام مهند : يلا يامهند بسرعه الناس يستنونا
مهند: طيب ماهم طايرين
ملك : يلا ياعريس
مهند : فين مؤيد
ملك : بالسيارة هوا وبابا
مهند : طيب يلا
ببيت مهنا ( مهنا ابوه متوفي )
ابو مهند : ها ياولدي ايش قلت
مهنا : والله ياعمي مهند رجال وماينعاب وانا معطيك الموافقه بس لازم اخد راي البنت
ابو مهند : طيب روح اسئلها
مهنا : ان شاء الله
راح مهنا لتولين ودق الباب
تولين : ادخل
مهنا : ياعيني على الادب لو ندري كان خلينا العريس من زمان يجي
تولين: اقول روق
مهنا يتكلم بجديه : شوفي ياتولين الولد رجال وطيب ويخاف ربه موافقه عليه ولا لا
تولين بخجل : اللي تشوفه يااخوي
مهنا يقلدها : اللي تشوفه يااخوي ........ انا اباكي تقولي موافقه ولا لا
تولين مستحيه : موافقه
مهنا: مااقدر انا على اللي يستحو ........... الله يكتبلك اللي فيه الخير
يلا جهزي نفسك الولد بيشوفك
تولين : لا ماابى
مهنا : يلا بلى دلع بنات بسرعه قومي
تولين: طيب
لبست تولين بنلطون جينز وبلوزة بيضه وحزام اسود وفلات ابيض وسابت شعرها مفتوح ولبست طوق اسود وحطت كحل اسود وقلوس مشمشي
ونزلت ومهنا يجرها : يلا ياشيخه ادخلي
اول مادخلت مهند وقف جلست تولين قدام مهند
مهنا يستهبل :دي تولين اختي
مهند : عارف
( والله لا اوريك ياهنو ) وهيا راخيه راسها من الخجل حتى ماشافت مهند
مهند : كيفك تولين
تولين بصوت واطي : طيبة
( سبحان من خلقك )
مهنا : تولين ارفعي راسك
تولين رفعت راسها ونفسها تدبح مهنا ( لون عينها رمادي واللي يشوفها يحسبها عدسات )
تولين لمن رفعت راسها مهند ماقدر يشيل عينه من عينها شدته لها مرة
تولين على طول قامت وخرجت
وصلت للشخص اللي كان بعيد كان مشغول بالجرح اللي بيدها
كانت تحاول تكلمه بس مايرد عليها هزته من كتفه رفع راسه ماشافت شي غير عينه وكانت تحاول تشوف ملامحه الباقيه ماهي عارفة
صحيت تالا من النوم ووقفت عند الطاقة وجلست تتأمل برج ايفل كيف كبير ومنور شوارع باريس ورجعت لسريرها ونامت
غزل جالسه مسرحه ( يالله فينك ياتالا صح ماكانت تقعد معانا كتير بس كان لها حس بالبيت وربي وحشتيني ........... يالله يامؤيد حتى انت وحشتني من زمان ماشفتك )
رسيل : غزل فين رحتي
غزل : ها معاكي
رسيل : انا وحشتني تالا
غزل: ومين ماوحشته بالبيت
قامت تالا نشيطة ولبست وخرجت تبى تروح الجامعه وقفت تاكسي وركبت:
S'il est permis de l'Université de Grenoble
لو سمحت جامعه غرونوبل
وصلت تالا الجامعه كانت مرة خايفة نزلت من التاكسي ووقفت قدام البوابه واخدت نفس ودخلت الجامعه وعلى طول راحت الادارة تكمل اوراقها
لمن خرجت دق جوالها
تالا: هلا غزل كيفك
غزل : تمام ....... كيف باريس
تالا: حلوة
غزل : ماقلتلك ..... مهند خطب
تالا: ماشاء الله ومين سعيدة الحظ
غزل : تولين صاحبتي
تالا: مبروك ....... بس انا لازم اباركله بنفسي
غزل : ها خلصتي اوراقك
تالا : ايوا ..... دوب.............. اي
خبطت تالا في بنت طويلة ولابسه تنورة قصيرة وبدي وشعرها اشقر وعينها زرق وملامحها حادة وقاعدة تتكلم بعصبيه
غزل : تالا ايش الصوت دا
تالا : شويا اكلمك
غزل : اوكي
تالا:
Désolé je n'ai pas remarqué de manière à
عفوا لم انتبه لكي
جوليا :
Et comment Tantpehin et Ante parler par téléphone
وكيف سوف تنتبهين وانتي تتكلمين بالهاتف
تالا ماسكة اعصابها :
Je n'ai pas prêter attention et de sortir de mon chemin
قلت لكي لم انتبه وابتعدي عن طريقي
تالا مشيت جوليا مسكتها من يدها :
Vous savez que pour parler avec ceux qui
أنت لاتعرفين مع من تتكلمين
تالا:
Laissez ma main, je ne me permet pas de parler de cette façon
اتركي يدي ولن أسمح لكي تتكلمين معي بهذه الطريقة
وكملت تالا مشيها
: انتي سعوديه
تالا مستغربه : نعم
دينا : اقولك انتي سعوديه
تالا مبلوها في البنت : ايوا
دينا : زييي ........... صراحه عجبتيني لمن رديتي على البنت الطويله
تالا: هههههه ايوا هيا نرفزتني
دينا : ايوا صح .... انا دينا
تالا: تشرفنا ...... وانا تالا
دينا : عاشت الاسامي
تالا: يسلمو
دينا : وانتي فين ساكنة
تالا: في ضفاف السين 16وانتي
دينا: انا في فند كلارديج بولمان
تالا: اها
دينا : ايش قسمك
تالا: ادارة اعمال
دينا : من جد
تالا: ايوا ليش مستغربه
دينا : لا بس نفس قسمي
تالا: اها ........ طيب حلو اكيد راح تكون محاضراتنا سوا
دينا : راح اتعرف عليكي اكتر
تالا: ان شاء الله اشوفك مرة تانيه يلا باااي
دينا : بااااي
راحت تالا برج ايفل وجلست بأخر دور وكانت تفتكر لمن كانت تجلس مع اخواتها بعدين افتكرت انها نسيت جوالها لو اهلها اتصلو عليها وماردت ممكن يحسبو فيها شي
راحت نزلت بسرعه عشان تروح البيت
رامي : انا ماادري ليش ماتحب برج ايفل
نواف : احسه مرة مرتفع
رامي وواقف عند البوابه لسى مادخل البرج : قول انك تخاف
نواف : مع نفسك ليش اخاف
رامي : هههههههههههههه ياخواف
نواف ضربه في كتفه بخفه : اقول انقلع ماني خايف
رامي: ايوا صدق.................. خبط في شخص بس الشخص كان مستعجل
تالا:
Désolé
عفوا
رامي :
Pas de problème
لامشكلة
رامي كان يطالع فيها مستغرب منها كانت لابسه برمودة جينز وبلوزة بنكي وفلات بنكي والجكت اسود ورافعه شعرها بشكل عشوائي
رامي : شكلها سعوديه
نواف : ايش تقول
رامي : لا ولا شي
( البارت التاسع الجزء الثاني )
في بيت ابو وائل
الكل كان مفتقد تالا
ابو وائل : والله البنت وحشتني
وائل : والله مو بس انت ياابويا وحشتنا كلنا
ريماس وشويل تبكي : متى ترجع
ام وائل : انشاء الله نهايه السنه
رسيل : والله كتير
فجئة تالا اتصلت على ابوها : الو كيفك يابابا
ابو وائل : تمام يابنتي وحشتيني
تالا : وانت اكتر
ابو وائل : ها كيف الجامعه
تالا : تمام
ابو وائل : الله يوفقك وترجعي ليا سالمة
تالا: ان شاء الله ........... بابا اباك تتطلعي سيارة بسواقها والله تعبت من المواصلات
ابو وائل : تامري امر كم توتا عندي انا
تالا : الله يخليك ليا ولايحرمني منك يلا انا بقفل عشان بكرا عندي جامعه بدري
ابو وائل: طيب يابنتي انتبي على نفسك
تالا : ان شاء الله ...... يلا مع السلامه
قفلت افتكرت انها ماكلمت مهند اتصلت
مهند كان مشغول : يالله مين يتصل عليا في دا الوقت الو
تالا: كيفك مهند
مهند : مين معايا
تالا : انا تالا
مهند : هلا والله ببنت الخال ... كيفك
تالا: تمام ....... وانت كيفك ؟
مهند : تمام
تالا: الف مبروك يارب والله فرحتلك من قلبي
مهند : الله يبارك فيكي
تالا : حبيت اسلم عليك واباركلك
مهند : تسلمي يارب
تالا : يلا تبى شي من باريس للعروسه
مهند : ههههههههه لا ماتقصري انتبي على نفسك
تالا: ان شاء الله يلا باااي
مهند : مع السلامه
( جلس يفكر كيف تالا عايشة لوحدها في باريس ودعا ربه انه يحميها ويوفقها )
رجع يكمل شغله لانه مدير شركة مقاولات والضغط عليه مرة كتير والمسؤلية أكترر وهو يقصر في كل شي إلا في شغله
نامت تالا بسرعة (تالا تنام بس نومها متقطع )
كان الشخص مشغول بالجرح اللي في يدها وهيا تكلمه وهوا مايرد عليها هزته من كتفه رفع راسه شافت ملامحه مضبوط تحس انها تعرفه حست انها شافته بس ماتدري فين ابتسملها وكان جالس يتكلم بس هيا ماكانت قادرة تسمعه حست انو بيقول شي مهم لكن ماتدري ليش ماهي سامعته
: بسم الله الرحمن الرحيم ......... اخيرا عرفت شكل الشخص ماراح انسى ملامحه ابدا بس ياترى ايش كان يقول ....
في بيت ابو وائل رود جالسه عند البنات
رود : ايش رايكم نلعب طش
رسيل : والله جبتيها انا مرة طفشانة
رود : ريماس انتي عدي بسرعه
ريماس طيب
( رود كانت لابسة بجامه وردي برمودة والبلوزة عريانة وفاتحة شعرها الطويل عشان راح تنام عند اهل تالا اليوم )
وائل : تعال اقعد بالمجلس عالبال مااجيب القهوة
سامي : طيب بس لا تطول
وائل : طيب
ريماس جالسه تعد ( واحد طش اثنين طش ثلاتة طش اربعه طش ..... والبنات كل وحدة تتخبى في مكان
رود جري على المجلس دخلت وسكت الباب وراها : اكيد ماراح يجي في بالها اني بالمجلس
وانسدحت على الكنبه وحطت الايبود وغمضت عينها وجالسه تغني معاه
وسامي مبلوه فيها ( معقولة دي ماحست عليا اني موجود )
راح لعندها : يالله كيف اناديها دي وربي صعبه احط يدي عليها ...... بس لازم انبهها هزها من كتفها الناعم هنا خلاص مو قادر سامي (حس بتوتر مو طبيعي )رود حست باليد اللي تهزها من كتفها فتحت عينها انفجعت من الشاب اللي جالس قبالها قامت بسرعه : انت مين ؟........... بعد عني
سامي ( شاب ابيض وطويل جذاب جسمه رياضي ملامحه حادة عينه كبار ولونها بني غامق كان لابس بنطلون جينز وتيشرت اصفر ومجلجل شعره ومسوي سكسوكة)
سامي بصوت واطي عشان محد يسمعه :بسرعه اطلعي لا اخوكي يجي ويشوفك كدا ويفهم الموضوع غلط
رود : انا ماعندي اخوان
سامي : نعم انتي مو اخت وائل
رود : لا وائل اخو صاحبتي مو اخويا
سامي :طيب اطلعي بسرعه لايجي
رود وهيا مرة خايفه منه : طيب
وخرجت بسرعه وهيا شويا تبكي
ريماس : رود فين رحتي
رود وشويا تبكي : خلاص ماابى العب
رسيل : ليش
رود : كدا ............ انا بروح البيت
رسيل وريماس فتحو عيونهم : دحين ؟
رود : ايوا
رسيل : دحين ليل خلاص روحي نامي وبكرا روحي
رود على طول طلعت غرفة تالا وهيا مرة خايفة انسدحت على السرير وسارت تبكي لحد مانامت
صحيت تالا وقامت بكسل راحت تلبس عشان تروح الجامعة لبست تنورة قصيرة على الركبة لونها أسود وبلوزة رسمية لونها أبيض وجكت رسمي لونه أحمر ولبست بوت أحمر وشنطة بيضة وشعرها مفتوح وعاملة بوف مو مره مرفوعة ومثبتته بكلبسه حمره جلست تشرب كوب القهوة كانت تفكر في الشخص اللي ماهي قادرة تنسى ملامحه
خرجت من الشقه لقيت عند بابا العمارة سيارة جالسه تستناها وسواقها جالس برة اول ماشافهم راح لعندها :
Tala Miss?
آنسة تالا ؟
تالا:
Oui
نعم
السواق:
Je suis un nouveau pilote
انا السائق الجديد
تالا:
Accueil
اهلا بك
السواق:
Allez
تفضلي
تالا:
Merci beaucoup
شكرا جزيلا
ركبت تالا :
Aller à l'université
اذهب الى الجامعة
وائل عند بيت كندا يدق الباب
كندا : مين
وائل : انا وائل
كندا قلبها دقاته قويه من تسمع اسم وائل قلبها يدق بسرعه حتى وائل زيها
كندا : مافي احد هنا
وائل ( الله يخلي اللي رباكي ) : طيب سلمي على خالتي ومروان
كندا : ان شاء الله
رود لبست عبايتها وخارجة
ام وائل : يابنتي اجلسي اتغدي
رود : لاخالتي مرة تانيه ان شاء الله امي جالسه لوحدها
ام وائل : طيب يابنتي بس انتبي على نفسك وسلمي على امك
رود : ان شاء الله
وهيا خارجه كان نفسها تكلم تالا اتصلت عليها بس ماردت
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك