رواية كل يوم لك حال جديد يوم قريب ويوم بعيد -50

رواية كل يوم لك حال جديد يوم قريب ويوم بعيد -50

قاصر اصلا انها تحط ثقلها عليه وهو حالته الله اعلم فيها,,,

قامت شوي شوي علشان لاتثير انتباهه..

ودخلت الحمام وركبت فوق بدلت وغسلت ورجعت الغرفة معه من جديد وظلت فترة طويلة جالسة بروحها..لين سمعت صوت الشغالة برى تتكلم مع احد شكله توه جاي لان الشغالة كانت بالحوش بس مااعارت الموضوع اهتمام لو واحد من اخوانها بيكلمها ولو هو غريب بتعطيها الشغالة خبر,,

بس بدون سابق انذار وهي بشرودها وسرحانها قطع عليها صوت راشد الشامت سرحانها وفزعها من مكانها..

راشد وهو متسند على الباب ياحرام العروس اللي ماتهنت؟؟؟

قامت بفزع ووقفت وماعرفت شتسوي لاعليها عبايتها ولاعليها شي يسترها صدق كانت لابسة بنطلون وبلوزة ماهم ضياق بس العباية ماهي موجودة والشعر طالع وعبايتها جنب الباب اللي هو متسند عليه..

لفت بسرعة وعطته ضهرهاوقالت بانفعال وهمس علشان لاتصحي فواز الناس المحترمة ما تدخل كذا بيوت العالم !!

راشد وهو يتاْملها البيت بيت اخوي ولاولد اخوي ماهي فارقة وانا واحد من اهل ها البيت وانتي الغريبة يابنت الحربي؟

مشاعل بحدة اكبر اطلع برى...استحي على نفسك خلني البس عبايتي ونتفاهم بعدين؟

راشد باستمتاع واذا ماطلعت وش بتسوين يعني؟

مشاعل كانت انفاسها تتلاحق وماهي عارفة وش تسوي,,,

لو راحت صوبه واخذت عبايتها مشكلة وموقف خطير ولو ظلت مكانها بعد ماهو حلو موقفها بس شنو الحل ياربي؟

راشد بهمس اسمك مشاعل صح؟

مشاعل ماكانت فيها روح ذيك الساعة حست ان كل شي فيها قاعد يتلاشى ويصغر وتمنت الموت فعلا,,,بس ياربي لايصحى فواز ويظن فيني ظن مو زين انا مو عارفة اتصرف,,,

انقذها من الموقف صوت تحبه وتموت فيه..

صوت خالد وهو داخل من باب الصالة ويصارخ على الشغالة؟

خالد ليش الباب مفتوح؟

راشد من سمع صوت خالد طلع بسرعة من باب المجلس الخارجي...

ومشاعل لفت بسرعة وطلعت لخالد اللي بعده واقف يصارخ على الشغالة ومن شافته حضنته بقوة وقامت تبكي بشهقة وخالد مو فاهم ليش هي قاعدة تبكي وحط في باله ان فواز ومرضه والحادث هم السبب وضمها لصدره يهديها..

كل هذا صار وعيون فواز مفتوحة وتشوف اللي صار بس بدون مايحرك أي ساكن,,

تنهد بقوة وغمض عيونه ودمعت عينه دمعة هو نفسه ماقدر يفسرها شنو؟

في كورنيش الدمام..

كان فارس ونورة يمشون....

فارس ماتكلمتي كلمة وحدة من جينا صار لنا فوق الساعة؟

ناظرت فيه بدون ماتتكلم..

فارس مسك يدها وهم يمشون وقال ضايق خلقك...

نورة نوعا ما...

فارس طيب ليه مارحتي لها من الصباح؟

نورة لا مو حلوة يمكن ماتكون نامت طول الليل بس بعد الصلاة بتكون اكيد صحت...

فارس الله يكون بعونها...

تنهدت نورة وماقالت شي...

فارس خلاص نورة....

نورة بشرود فارس....يصير نتزوج بدون مانسوي عرس؟

وقف مكانه من سؤالها بس ماعلق بشي..

وقفت هي بعد يوم وقف وناظرت فيه وقالت فارس...انا ماابي اسوي عرس؟

بعد تردد طويل قال علشان اللي صار لمشاعل..

ماجاوبت بلسانها بس عيونها قالت أي..

تنهد وقال بس اللي صار لمشاعل مو لازم يصير لك يانورة..

نورة بضيق انسدت نفسي يافارس..

لاابي عرس ولاثوب ولازفة...ابي اكون معك بدون أي شي...و...احس بالسعادة وبس!!

فارس ومايصير تحسين بالسعادة وانتي مسوية لك عرس ووناسة وزفة؟

نورة بضيق افهمني انا الدنيا تسكرت حواليني...

وماباقي غير اسبوعين على العرس...

فارس اذا انت تبي عرس سوي لك..انا مقدر اسوي ها الاشياء والظروف اللي حواليني تمنعني؟

فارس بعد سكوت طويل ناْجل العرس؟

لفت له بدون ماتعلق بشي...

قال وهو يناظرها بثبات انتي ظروفك اللحين ماتتحمل تسوين عرس..خلاص ناْجل اللحين العرس وبعد شهرين ثلاثة اذا استقرت الامور نسوي عرس...

نورة واذا اجلنا وش اللي بيغير الموضوع يافارس...افرض فواز لاقدر الله مالاقى علاج وظل مثل ماهو وظلت مشاعل مقهورة ومتضايقة بتتوقع اني بقدر اسوي عرس وانا بالي معها وتفكيري معها..

فارس خلينا ناءجله اللحين ومانتكلم عن اللي بيصير بالمستقبل...اتفقنا....انا عن نفسي ماعندي أي مانع اني ااْجل...

تنهدت وماقالت أي شي,,,,

في غرفة نوف وتركي,,,,

كان منسدح على السرير يقراء الجريدة ودخلت نوف وشالت عبايتها..

تركي يالله صباح خير كان لارجعتي؟

لفت له وقالت شنو يعني؟

رمى الجريدة وسوى روحه زعلان وقال البارحة تاركتني وصحيتي من النوم وبعد تركتيني ونزلتي..ويوم نزلت وجلست اسولف معكم ركبت قبلك وانتي ولاهامك تركتيني هنا وتوك متفرغة جايتني؟

قامت من مكانها وهي تبتسم له وقالت يالله..صدق مسكين وتكسر الخاطر بعد!!!

ماعلق بس ابتسم..

نوف بتمثيل ياحبيبي..انا اسفة والله اسفة تعال ابوسك علشان ترضى...

تقربت منه وباسته على خده وقالت بهمس تصدق انا لو ما وجه ..مابقول شي توني رادة من بيت الله...

يعني لو ماعبير شرفت كان ماجيتك بس مالي خلق اقابلها وخالتي شكلها راحت تريح,,

ابتعدت عنه وقال بقهر يعني مو راجعة الغرفة مني لله؟

نوف بثقة لاطبعا بس شرحت لك الوضع,,

تركي اخذ الجريدة وقال طيب لاتكلميني...

نوف ببراءة وهي تجلس عند رجلينه ومن قال اني كلمتك انت اللي كلمتني اصلا!!

رفع الجريدة وناظرها وابتسمت له,,,

نوف وين بتغذيني اليوم؟

تركي وين ماتبين؟

نوف امممممممم خليني افكر...

رمى الجريدة واعتدل بقعدته وهو يناظرها بعدها قال ها فكرتي..

نوف أي..

تركي وين تبين؟

نوف ابي اروح لمشاعل...

تركي بنروح لاتخافين بس اول بنطلع نتغذى...

نوف لامو مشتهية صدقني ابي اروح لها..

تركي لاحووول...وانا؟

نوف وانت بزر ياتركي كل كلمتين قلت لي انا وانا؟انت شفيك بالله وش قاصرك...ماانت بتروح معي لااختك بعد وين المشكلة؟

مسكها من يدها بقوة وقال بشرر وباللهجة اللي كانت تخوفها قبل انا محتاجك؟

نوف بهمس تركي اعقل..

تركي ليه بالله منتي زوجتي ولاخايفة احد يجينا واحنا قاعدين بالشارع؟

نوف تنهدت وقالت بهمس خلاص تركي بعدين..

تركي باصرار لا..

نوف طيب لاتسوي كذا اخاف انا منك اذا سويت كذا خلي نفسك طبيعي..

تركي بتهديد لامو مسوي نفسي طبيعي ودايم بسوي كذا مدامك تخافين,,,,

دق جواله وقطع عليهم كلامهم...

تركي هذا نواف.....

نوف وهي تفك يدها منه اجل قوله يسلم على ياسمين ويتركها لنا اليوم ترى ماشفنها كثير امس,,,

توها بتقوم وهو رد على نواف خلاص الا يمسكها ويرميها بحضنه ويحضنها بقوة وهو يسولف ..

ناظرت فيه وهو يسولف ويناظرها وابتسمت له..

قالت له في اذنه الثانية بهمس احبك...

اشوفكم بكرة على خير ان شاءالله

****

***

**

*

البارت التسعين ,,,

خالد بحنان وش قلنا تو من ساع يامشاعل,,

مشاعل وهي تمسح دموعها طيب,,

خالد ماابي طيب لثواني بس وبعدها تجلسين تبكين,,

مشاعل بغصة تهقى ماراح يقدر فواز يمشي من جديد ياخالد؟

سكت لحظات وماقال شي وبعدها قال بحيرة انتي ليه قلتي انه ماراح يمشي من جديد يامشاعل؟

مشاعل بتنهيدة حارة وطويلة هو قال لي كذا,,,

خالد باستفسار هو قال لك ماراح يمشي من جديد..

هزت راسها بدون ماتقول شي وظل خالد متحير وساكت بعدها قال..

خالد مشاعل...الخلق مابيدهم شي ,,كل الامور بيد اللي فوق سبحانه وتعالى هو اللي يرحم الكل وهو اللي يشافي ويعافي...

مشاعل سبحانه الواحد الدايم...

خالد يعني سالفة بيمشي ماراح يمشي...هاذي مو بيده؟

مشاعل بعد ياخالد بيده انه مايرمي نفسه للتهلكة؟بيده يروح مستشفى ثاني ويسوي فحوصات ثانية...بيده يروح يتعالج برى الطب عندهم متقدم اكثر من هنا...

هو رافض كل شي ياخالد؟

خالد لاتقولين لي الطب متقدم ولامتاْخر يامشاعل...البني ادم بياخذ نصيبه هنا ولاهناك...بس اهم شي ثقته برب العالمين.. وعزيمته القوية ونفسيته تكون مرتاحة,,,

مشاعل الله كريم....

خالد يالله اللحين وش مشتهية تاْكلين؟

مشاعل بدون نفس ولاشي...

خالد لاماهو بكيفك مايصير تجلسين كذا بدون اكل بتموتين نفسك...

مشاعل من جد مالي نفس...

خالد طيب فواز وش يحب ياكل....

مشاعل ماراح ياكل لاتتعب حالك امس مارضى ياكل واذا هو مااكل انا بعد ماراح اكل؟

خالد ليه ان شاءالله الدنيا سايبة ماهو على كيفك ولامااطلع الا اذا اكلتي واذا مااكلتي بطلع من هنا وماراح اكلمك مرة ثانية وماحجيك هنا ابدا,,,

مشاعل بنرفزة خالد وش ها المصاخة ؟؟لاتسويلي ها السوالف ترى مو ناقصتك ابدا...

خالد معناته بتاكلين وغصبا عنك مايصير كذا,,,

فواز من وراهم خالد معاه حق بتاكلين وغصبا عنك مو بكيفك...

لفوا له اثنينهم وكان عند بداية المجلس على كرسيه وممرضه معاه,,

فواز ببتسامة صباح الخير...هلا خالد السموحة المفروض نسلم بالاول,,

انهى مكالمته مع نواف بسرعة وهي تضحك له ورمى الجوال بعيد عنه وضمها اكثر له وهي تضحك,,,

تركي بهمس عيديها...

نوف وهي تضحك أي هي فيهم؟

تركي ليه انتي كم وحدة قلتي؟

نوف يعني منت معي!!راحت عليك يعني..

تركي يالله عن العيارة ادري فيك ماقلتي غير كلمة وحدة..

نوف انت مو كنت تكلم نواف كيفك سمعتها ابي اعرف..

تنهد تركي وماقال شي وباسها على خدها وباسته هي بعد بالمقابل على خده,,,

تركي نوف...

نوف قول حبيبي...

توه بيتكلم الا الباب ينطق..

بعدت نفسها من حضنه وعدلت قعدتها,,,

تركي منو...

نوف اكيد الشغالة خالتي مطرشتها خل اقوم اشوفها,,,,

راحت تفتح الباب وتفاجاْت انها عبير..

عبير وهي تناظر بنوف من فوق لتحت وانتي متعودة تفتحين الباب دايم بدون عباية؟على حسب خبري ان عبدالله رجال ومعكم بالبيت؟

قالتها بصوت عالي علشان يسمعها تركي وسمعها ورفع راسه....

نوف بحدة انا ادري انه مو عبدالله...

عبير بشماتة ليش ان شاءالله تدرين بينكم مواعيد ولا...

انقهر تركي وحس انه شياطينه ابتدت تلعب براسه,,,

نوف بحدة اكبر احترمي حالك....انتي واطية بيتي وغرفتي,,

عبير وانا شقلت..بغيت انبهك علشان لاتفتحين الباب مرة ثانية كذا يمكن عبدالله يبي من تركي شي وماابيه يشوفك بدون عباية...اغار عليه؟

نوف في شي ثاني؟

عبير سلامتك...كنت جاية اليوم اسلم عليكم انتي وتركي بعد رجعتكم من بيت الله وانتي شفتك تحت قلت اشوف تركي واسلم عليه؟

نوف شفتيه امس يوم تبشرينه عن مشاعل...وبعدين تركي نايم ماهو جالس؟يوصل سلامك ان شاءالله..

وعلى فكرة ماكو احدفوق الكل تحت...

قالتها وسكرت الباب بوجه عبير اللي صارت اشبه بقنبلة وقامت تصارخ من ورى الباب بصوت عالي هذا اسلوب الناس المتخلفة...وش ها الذوق اللي عندك,,احد يقفل الباب بوجه الناس اللي تجيه تسلم عليه,,,

تنهدت نوف وهزت راسها ورجعت داخل الغرفة ويوم شافت تركي توها بتتكلم بعصبية وقهر عن عبير تفاْجات بصوته العالي ولهجته حق الهواش وهو يقول لها مرة ثانية تلبسين عباية لارحتي تفتحين الباب ولالاتتفتحينه لانه بيكون احسن؟

وقفت مكانها ثواني تستوعب كلامه وفهمت انه الجو مشحون فقررت ماتتكلم معه بكلمة وحدة لانها هي بعد تبي تبين موقفها ولو قالت شي بتقلب لهم هوشة فا الافضل انها تسكت,,

فتحت دولابها وطلعت لها ثياب وراحت تتحمم,,,

ام مشعل وين خالد..

وضحى وهي تحط الصحون على الطاولة راح لمشاعل..

ابو خالد خلاص ننتظره..

وضحى لاعمي قوم تغذى هو بيتغذى معها هناك ماراح يجي اللحين؟

ام خالد وانتي ليه قالبة وجهك؟

وضحى بذهول انا!!!

ام خالد بحلطمة لا انا؟

ام مشعل تغير الموضوع واعلي عليها تعبانة من امس يايمه انا قايلة لك....خليهم عنك ياوضحى انا بجهز السفرة..

وضحى لاعادي ياام مشعل خليهم ماعندي شي,,,

مشعل اللحين مو تتهاوشون انت من جهة وهي من جهة وفي النهاية مانصفى على اكل ناءكله؟

ام خالد وانت مايهمك غير بطنك؟

مشعل بصوت واطي وانتي حالفة اليوم تتهجمين وتتحرشين بالكل؟

ابو خالد قول شعندك ليه صوتك واطي,,,

مشعل اقول ريحة الاكل شكلها حلوة..

ام خالد تكلم وضحى متى بيروح خالد الرياض حق دورته؟

قعدوا كلهم على السفرة..

وضحى والله مدري ياخالتي بس احتمال مايروح؟

ام خالد بقهر وليش ان شاءالله ..لايكون علشانك يوم تتعبين امس..كاهو مافيك الا العافية مو بس شاطرة بتخريعه وتخويفه,,,انا اذا شفته بقوله..كلنا حملنا وولدنا ماصار فينا شي,,,,

وضحى تركت الملعقة بهدوء وقالت لا ياخالتي..بس هو متضايق علشان مشاعل....ويبي يجلس جنبها شوي..

ام خالد وش فيها بعد مشاعل؟بكرة يطيب زوجها وتشوفنهم روحات وجيات وماكاْ ن فيهم شي,,,

ام مشعل بتاءنيب يمه هاذي حسبة اخته وملزوم يوقف معها..هاذي بنتنا بعد مو غريبة,,,,

مشعل سموا ياجماعة وخلوا عنكم السوالف يالله ترى متنا جوع انا وجدي..

ابو خالد حريم وش تقول عنهم بعد يموتون لو ماسولفوا,,,

بالمجلس اللي كان فيه فواز,,,

كان متسند على كرسيه بعد مارجعه الممرض ومشاعل جنبه علطول وخالد جالس جنب السرير,,,,

كانت مشاعل تاكل فواز وخالد شغلته بس يعلق عليهم وفواز معه ,,

كانوا يبونها تضحك باي طريقة بس هي مو معهم ابدا,,,

خالد اللحين انتي تاْكلينه هو ...ورى ماتاْكلينه هو ملعقة وانا ملعقة؟

فواز لاتحاول..اذا تبي ادفع اول ولا مشاعلي وش رايك؟

مشاعل .

خالد انا بيني وبينك حاس الاكل مو عاجبها عوايدها كانت مع البزارين اذا ماعجبها الاكل تقوم تاكلهم اياه علشان يخلص؟

فواز أي وانت الصادق هي ماتحب الا المندي هذا اكيد مو عاجبها,,,

خالد اجل ماتعرفها هاذي يقال انها مايعجبها تعال لها اذا طلعوا الناس بعد العزايم ماتترك شي ماتاءكله؟

فواز يالله عاد عن مرتي ياخالد ترى ماارضى عليها...وانتي ليه ساكتة له دافعي عن حالك انا اذا اكلت مااعرف وش ادافع عنك فيه؟

ظلت ساكتة واحترموا الاثنين سكوتها وسكتوا هم بعد ,,

خالد يالله انا ماشي تبون شي؟

فواز اجلس...

خالد لا بمر البيت بعد بشوف الاهل وبعدين بصلي العصر وبمركم مرة ثانية اذا احتجتوا أي شي امانة دقوا لي..

فواز تسلم ..ماتقصر ياخالد نخدمك بالافراح ان شاءالله..

خالد يالله مشاعل ديري بالك على فواز وعلى نفسك..

مشاعل ان شاءالله...

بعد ماطلع خالد رجعت تاكله بس هو رفع يده لها مايبي..

مشاعل توك مااكلت شي بعد...

فواز باصرار ماابي..

مشاعل بانفعال ليه...

فواز بتاءكلين معي راح اكل مابتاْكلين ماابي,,,

مشاعل عن جد مو مشتهية اكل شي,,,,

فواز خلاص انا بعد ماابي..

مشاعل ليه تعاند...انت تعبان ومحتاج تاكل...

فواز كلمة وقلتها ومابعيدها..

مشاعل طيب لاخلصت انت بقوم اكل انا صدقني...

فواز عطيني الصحن,,

مشاعل وش تبي فيه؟

فواز باكلك بيديني...

رفعت راسها وناظرته والتقوا نظراتهم في بعض,,,

فواز بهمس ماتبين تاكلين من يدي,,

مشاعل برقة انا ابي اكلك مو انت تتعب نفسك علشاني..

فواز وهو ياكلها ليش هاذي فيها تعب يامشاعلي..

مشاعل بمرارة افهم انك غيرت رايك؟

فواز برواق لا..

مشاعل بصدمة وخيبة امل شنو يعني لا,,,,

حصة متى بيجي عبدالله؟

عبير مدري..

حصة شلون ماتدرين؟

عبير ليش هو قال لي انه يبي يطلع اصلا؟

حصة أي بس هو طالع من الصباح على مافهمت؟

عبير انا جيت ومالقيته مدري متى طلع؟

حصة يعني مايدري عنك هنا...

عبير ..........

حصة طب يمكن يروح لك بيتكم ومايلاقيك..

عبير لاتطمني مايجيني الا اذا دق لي بالاول...

حصة لا مو كذا...

مايحتاج يجيك لانك هنا قباله علطول فمايحتاج يتعنى لك ؟

عبير بحدة وش تقصدين؟

حصة بحذر ثقلي شوي...ترى مو حلوة يشوفك قباله علطول كذا.,..

عبير انا وهو مرتاحين كذا محد له شغل فينا..

حصة أي...الله يهنيكم اجل....

عبير أي خلك بعيدة عنا احنا وخلي تركيزك بمرة اخوك احسن؟

نزل تركي بها اللحظات واستوقف يوم سمع اسم نوف..

حصة نوف؟

عبير أي نوف في غيرها؟

حصة شفيها؟

لف يسمع كلامهم لاشعوريا منه وعيونه فوق على اللي تركها تتحمم ونزل عنها,,,وش بيقولون بعد ها المرة؟

عبير متى ناوية تغطي وجهها عن عبدالله ان شاءالله؟

حصة بضحكة والله فكرت انك بتقولين شي فيه خير..

عبير وهذا الشي مافيه خير يعني...

حصة لابلى فيه....بس انا مالي شغل واللي اتوقعه انها ماحتتغطى عنه يعني هي من صغرها وهي معه شلون اللحين بين يوم وليلة تغطي وجهها عنه..وبعدين هو تزوج وهي تزوجت وين المشكلة؟

عبير المشكلة فيني ابيها تغطي وجهها عن عبدالله ولا اللي عندها عاجبه انها تكون بضاعة مكشوفة للرايح والجاي..مو يحبها خلاص خل يحكمها ويمشيها هو مثل مايبي مو هي مثل ماتبي؟

تنهد بقوة وكان بيروح يغسل شراع عبير ويطردها بعد بس كلمتها اثرت فيه وخلته واقف مكانه مايتحرك,,,

بمجلس الحريم ..

كانوا نورة وياسمين ومشاعل ونوف جالسين مع بعض على الارض,,,

نوف شلونك اليوم؟

مشاعل نوعا ما افضل..احس نفسيته اليوم حلوة..

نورة خفي عليه شوي...لاتلحين بسالفة العلاج يمكن مايتقبلها بالبداية بس مع الوقت بيتقبلها

...

مشاعل ماله نية لااللحين ولاتالي...انا مو العلاج اللي ذابحني هو اللي ذابحني...مصر على الانفصال؟

نورة ترى هو معه حق يامشاعل...

حياتك ابدى من انك تقضينها معه لو ماكان له امل...

مشاعل ببكي بس انا احبه يانورة..

نورة عارفة انك تحبينه ولو كنت مكانك لاقدر الله كنت بقول نفس الحكي بس العقل يقول غير ,,العقل ماتغلبه عواطف ومشاعر يامشاعل..

هاذي حياة وعمر..ويمكن تصمدين بشهر وشهرين وحتى سنة وسنتين بس بعدين اكيد حتنهارين,,,,

مشاعل باصرار لا ماحيصير ها الشي ابدا..انا احبه وماحتخلى عنه لو شنو صار بها الدنيا,,,

ياسمين واهله..احد غير ابو سالم ومرته يجيه ويسال عنه ولا عمامه مابعد عرفوه...

مشاعل تنهدت بقوة راشد...سود الله وجهه اليوم جاني البيت وماني عارفة شلون اقول لفواز...

نورة ليش؟

مشاعل بتنهيدة كان فواز نايم والحقير دخل لاسلام ولاكلام وانا ماعلي حتى عباية ولاحجاب وماعرفت شلون اتصرف ولو ماربي سخر لي خالد بذيك اللحظات كان ربي اعلم بحالي..

ياسمين بقهر وش ها الحقارة ؟؟؟اللحين زوجة ولد اخوك ياحظي...على الاقل احترم طيحته بها الوقت مو تتصرف كذا...ياربي على ها الناس اللي مدري شلون تفكر...

نورة أي..اصلا بها المواقف يطلعون لك الناس ياياسمين,,,

مشاعل نف نف شفيك يابابا...لاتقولين تفكرين باخوي تركي لااقوم اتوطى في بطنك ترى انتي جاية هنا تواسيني مو تفكرين فيه؟

ابتسمت لها نوف وقالت بمرارة اول هوشة من بعد العرس كانت بتصير ولا صارت نصها,,,,

نورة شفيكم بعد؟

نوف بلامبالاة عبير...

مشاعل ياربي على ها الانسانة انا قلتها لاامي صراحة البارحة قلت لها بيتي لاتوطيه وانا بها الظروف لاني مو متحملة أي انسان يقولي أي كلمة بصراحة نفسيتي حييل تعبانة,,,

نوف سوت لي سالفة طويلة عريضة ليش اني فتحت باب الغرفة وانا مو لابسة عباية....

ياسمين وهي شكو بالله؟

نوف بقهر يقال تغار على عبدالله؟

التقوا نظراتها هي ونورة وقالت بسرعة وحضرته ماْيدها اول كلمة قالها لي لي مالبستي عباية ؟؟ياتلبسين عباية ولا لاتفتحين الباب من اصله؟؟؟وطول الطريق وهو جايبني اللحين ماقال ولا كلمة؟

نورة حسبي الله عليها...

نوف اوووف

مشاعل اقول بس لاتكبرينها انتي على اخوي وراضيه الليلة؟

ياسمين وش له تراضيه وهو اللي قالب وجهه بالله؟

مشاعل لا حبيبتي اخوي مااحب اشوفه متضايق ولامتكدر تراضينه وغصبا عنك يانويف لاااذبحك ترى انا احبه وماارضى على زعله..

نورة خلاص بعد قالت لك مشاعل تحبه وماترضى عليه وها الايام قايم سوق مشاعل منهو بس يرضيها ويسوي شي هي تحبه,,

مشاعل بتنهيدة ارتياح بنات حاسة اني مرتاحة اليوم لاتقطعوني تكفون كل يوم مروا علي ,,,فواز يجونه رجال ويظل منشغل فيهم....وانا اظل بروحي,,,

تممد على سريره بتعب,,

وضحى يعطيك العافية..

خالد وهو مغمض عيونه الله يسلمك....

وضحى بتعب اجيب لك شي..

خالد وهو قريب بيغفى لالامايحتاج.....

تسندت هي بعد وغمضت عيونها وبعدها فتحتها وقامت تناظر بالسقف وشردت شوي..

فتح عيونه وهو يتذكر كلام ام مشعل له ترى امك اليوم حاطة دوبها ودوب وضحى ومثقلة معها العيار روح راضيها,,,,

اعتدل بقعدته ولانها كانت شاردة ما انتبهت له,,,

خالد وضحى..وضحى..

لفت له..

وضحى هلا حبيبي...

خالد شفيك؟

وضحى ببتسامة باهتة ولاشي....

خالد شنو يعني ولاشي....ماتشوفين شلون شرودك؟

وضحى قاعدة افكر بايامنا اللي بتجي شلون بتكون؟

خالد مافهمت عليك..

وضحى يعني واحنا عندنا ضيف جديد...شنو بيتغير فيها وشنو بيسوي لنا...

خال امممم....واكتشفتي وتوصلتي انها بتكون احلى..

ابتسمت بمرارة وماعلقت بشي....

خالد حاس فيك شي...صارحيني..

وضحى خالد انت قررت ماتروح الرياض؟

خالد تقريبا لا..

وضحى طب متى بنطلع من هنا؟

خالد لوين؟

وضحى انت مو قلت بتغير الشقة ولانسيت؟

خالد بلى قلت..

وضحى بترجي خلاص انا ماباقي شي على ولادتي ولازم نشوف لنا شقة من اللحين ياخالد...خلاص ابي استقر...

خالد وليه ماتجلسين هنا لين تولدين..

وضحى وحتى اذا جلست هنا اذا ولدت....خالد بعدين بتصير زحمتنا زحمة معه ابي من اللحين ارتب وضع الشقة وانقل,,

خالد خلاص من بكرة اروح ادور لنا شقة...وننقل الاغراض...

وضحى باعتراض لا...ماابي الاغراض اللي هناك...انا بغيرها لاني ابي انسى كل شي فيها...اذا ممكن يعني..

خالد بانصياع ولايهمك...بس اللحين قولي لي منو مزعلك؟

حطت راسها على صدره وقالت محد مزعلني ليه مصر ان في احد مزعلني عاد؟

في غرفة نوف وتركي الليل,,,

كان تركي جالس وهو بقمة ضيقه,,,

اليوم حاس انه ماهو على بعضه من سمع كلام عبير,,

ويبي يفتح الموضوع مع نوف ولاهو عارف..ومايدري ماهو مرتاح اصلا,,,

لبست لها قميص نوم كحلي في ذهبي وهي تبتسم وتتذكر كلام مشاعل والبنات,,,

تركت شعرها مفتوح وتعطرت وطلعت,,,

يوم شافته جالس ها الجلسة حست انه في شي بيقوله,,,وصبرت نفسها وقالت بتسمعه بهدوء شنو ماقال وبتتكلم معه بهدوء بعد,,,,

قعدت على طرف السرير وماانتبه لها وتسندت على حافة السرير وقامت تلعب باظافرها وهي تناظر فيهم ,,,

انتبه لها بعد ثواني وقام يناظرها,,,,,

يوم حست انه يشوفها وقفت حركتها عن اظافرها ورفعت راسها له,,,

كان يناظرها ويناظر اللي لابسته,,,,

نوف بهدوء تركي فيك شي...

تركي وهو يناظرها انا قلت ان فيني شي..

نوف لا بس حسيت من سكوتك ان فيك شي وتبي تتكلم,,

تنهد وقال لاولاشي,,,,

سكتت هي بعد وماعرفت شتسوي..

انبطحت وحطت راسها على المخدة وقالت تصبح على خير,,,,,

ظل يتاْملها وهي قدامه وانبطح هو بعد جنبها وحضنها,,

تركي بهمس بتنامين؟

نوف بارتباك أي..

تركي ماتبين تسهرين الليلة؟

نوف ماشكلك رايق...وماابي اسهر بروحي,,,

تركي احسن,,,,

لفت له وجهها لانها كانت عاطيته ظهرها,,,

وابتسم يوم شافها وابتسمت له..

نوف بهمس حبيبي شفيك...

ظل يتاْملها وماقال شي,,

تقربت منه اكثر وحطت راسها بحضنه وقالت له انا مزعلتك بشي,,,

حضنها بقوة وقال بهمس لا,,,لاتشغلين بالك,,,,

بغرفة نواف وياسمين ,,,,

كانت جالسة قبال المرايا وهي تشيل المناكير اللي بااظافرها وهو يناظرها من وراها وهو متسند على حافة السرير,,,,

كان يبيها تقول أي شي بس تتكلم حقرانها يتعبه,,,

يوم حس ان بالها طويل وعنادها مافي مثله قال شلون مشاعل اليوم؟

ياسمين ليه ماسلمت عليها؟

نواف أي بس انتي جلستي معها وعرفتي نفسيتها..

ياسمين الحمدلله اليوم افضل بكثير.....

نواف شصار على العلاج؟

ياسمين والله مدري بس هي تقول انه رافض يروح أي مستشفى لاهنا ولا برى وصاحبه كل يوم يمره,,,

رجع السكوت بينهم,,,,

وبعدها وقفت وجت صوبه وهي متعمدة تجي وهي لابسة ها الثوب القصير وظل يناظرها

قالت يوم صارت قباله وشافته يناظر فيها,,

ياسمين شصار على روضة احمد؟

قال وهو يناظرها من فوقها لتحتها يعني انا قلت لك انتي اختاري انا ماافهم بها الاشياء ولا لي فيها..سوالف حريم خلصيها انتي!!

ياسمين تخصرت وقالت له بشماتة يعني امه مالها أي اعتراض؟؟؟

التقت نظراتهم في بعض وتغيرت ملامحه وحست بالانتصار..

ويوم وقف وصار قبالها حست بالنار بعيونه,,,

نواف بحدة خير؟

ياسمين بدلع وهي تلعب بياقة ثوبه قلت يمكن لها راي ثاني..يعني يمكن تبي توديه الروضة اللي هي تشتغل فيها؟

مسك يدها بقوة وقال بحدة انتي وش اللي تعرفينه عنها ياياسمين؟

ياسمين ببراءة ولاشي....بس انا ماابي اسوي شي مدري كيف يكون موقفي منه بعدين..

نواف اذا تسمح اترك يدي تراك تاْلمني؟

نواف شد عليها بقوة اكبر وقربها منه وهي بغتها من الله وتقربت بسرعة وماصار فيهم فاصل,,

كانت تشوف تحت ها الشرر اللي بعيونه حب كبير وشوق ولهفة اكبر بس ماقاعد يصرح فيهم,,,

قناع القسوة والعنفوان والكبرياء تحت ها الحب واللهفة,,,

قالت بهمس وهي شبه بحضنه اقولك انت قاعد تاْلمني؟

بدل مايتركها قربها منه اكثر وحضنته رسمي ها المرة وقالت اتركني بنام,,,ترى مو فاضية لهواشك بها الوقت؟؟

تنهد بقوة وحست ان روحها بتطلع منها وابتسمت ابتسامة نصر..

طب يانواف شوي شوي وبنشوف منو يكسب بالنهاية؟؟؟

يتبع ,,,,

👇👇👇

تعديل المقال