رواية كل يوم لك حال جديد يوم قريب ويوم بعيد -51
ياسمين ببراءة ولاشي....بس انا ماابي اسوي شي مدري كيف يكون موقفي منه بعدين..
نواف اذا تسمح اترك يدي تراك تاْلمني؟
نواف شد عليها بقوة اكبر وقربها منه وهي بغتها من الله وتقربت بسرعة وماصار فيهم فاصل,,
كانت تشوف تحت ها الشرر اللي بعيونه حب كبير وشوق ولهفة اكبر بس ماقاعد يصرح فيهم,,,
قناع القسوة والعنفوان والكبرياء تحت ها الحب واللهفة,,,
قالت بهمس وهي شبه بحضنه اقولك انت قاعد تاْلمني؟
بدل مايتركها قربها منه اكثر وحضنته رسمي ها المرة وقالت اتركني بنام,,,ترى مو فاضية لهواشك بها الوقت؟؟
تنهد بقوة وحست ان روحها بتطلع منها وابتسمت ابتسامة نصر..
طب يانواف شوي شوي وبنشوف منو يكسب بالنهاية؟؟؟
وبمجلس فواز ومشاعل,,, مشاعل دخلت وقالت للمرض,,,
مشاعل تقدر تنام بالصالة ولو احتاجك فواز بناديك؟
طلع الممرض بدون أي نقاش وشالت هي عبايتها وقال لها فواز بحزم ليش خليتيه يروح هناك؟
مشاعل لاني بقعد معك...
فواز روحي نامي؟
مشاعل بعناد بنام بقربك؟
فواز بحدة مشاعل...
مشاعل كنت رايق معي اليوم وش اللي غيرك؟
فواز .........
مشاعل جلست عنده وقالت فواز...غيرت رايك عن موضوع الانفصال؟
تنهد وقال لا..
مشاعل ممكن افهم الاسباب...
فواز تعرفينها....
مشاعل فواز شفيك...ليش تبيعيني وانا شاريتك؟
فواز ..........انتي ماتتعبين من كثر ماتسولفين بها الموضوع,,,
مشاعل لا....
فواز .....
مشاعل ...
فواز ,,,,,
مشاعل بتردد ابي اقول لك شي يافواز؟
فواز شنو؟
مشاعل اليوم راشد وانت نايم جانا البيت؟
سكت فواز وماقال شي..
مشاعل بنفس الارتباك فواز هو يوم يجي مادريت عنه انا كنت هنا....ويوم يدخل انا ماكانت عليّ عباية....انا مو قصدي بس ماعرفت اتصرف...
فواز ,,,,,,,,,
مشاعل بترجي قول شي...
تنهد بقوة وقال بحدة بيت ابوك هو اللي بيصونك يامشاعل..انا هنا مقدر اتحرك من مكاني علشان ادافع عنك ولاارد عنك شي,,,
مشاعل بصدمة هذا اللي قدرت تقوله...
فواز بيتكرر الموقف مرة ومرتين وثلاث...وتبيني اكون فرحان انه شافك؟فكري فيها يامشاعل؟
تنهدت ودموعها سبقوها وماقالت شي,,,,
فواز مشاعل....روحي بيت ابوك.....ها الشي بيريحني كثير ...طب لين اتعالج ويكون فيه امل..وبعدها نقرر موضوع الانفصال؟
حطت راسها على رجله وانفجرت بالبكي بدون ماترد عليه,,,,,
اشوفكم يوم السبت باذن الله
****
***
**
*
البارت الواحد والتسعين ,,
فواز ماصحت مدام مشاعل؟
الشغالة ماما مشاعل مافي نوم من امس..
تنهد وقال طب وينها فيه ليه ماجتني هنا؟
الشغالة مافي معلوم....انا يشوفها في الحديقة يجلس,,,
سكت وماعلق بشي,,,,
بعدها نادى ممرضه علشان يحطه على الكرسي وبس صار عليه طلع لها الحديقة يدورها ولقاها جالسة على الكراسي السعف اللي كانوا حاطينهم قبال حوض الورد...
كانت جالسة وضامة وجهها بين ركبتها ومبين انها تبكي,,,
ضاق خاطره اكبر,,
يكره يشوف دموعها بس مضطر يشوفهم ,,,,لازم هي تختار القرار اللي يريحيها ولازم هو بعد يسوي الشي الصح ومايتندم بعدين,,,
تقرب منها وصار قبالها وهمس بحنان كان كاره يطلعه بذيك اللحظات مشاعل...
ظلت ثواني لين رفعت راسها ويوم شاف دموعها اللي مبللة وجهها غير رايه وسكت ماكمل كلامه اللي يبي يقوله,,,,
مشاعل ببحة من كثر البكي تبي شي,,,,
فواز رفع راسه وناظرها وسكت وكملت هي بكيها بس بدموع وبدون صوت,,,
حس ان الجو قاعد يخنقه ماهو قادر يتحمل شي,,,,
فواز بضيق مشاعل انا ماراح اسامح نفسي ابدا لو صار لك شي تفهميني!!!
ظلت تناظره بالم وقالت بتعب قلت لك مرة وبعيدها....اللي بيجيني منك من تعب انا راضية فيه..عاجبني قبل لااتخيله حتى,,,
فواز افهمني كم مرة صايرين نتكلم بها الموضوع,,
فواز باصرار لا,,,,,
انهارت اكثر تبكي,,,,,,
فواز بعتاب بكيك وضعفك يتعبني يامشاعل....
مشاعل بترجي طب خليني جنبك اخدمك...ها الشي بيريحني صدقني,,,,
تنهد بعمق اكبر...قاعدة تصعب عليه الامور اكثر واكثر..
فواز مشاعل لاتفكرين الموضوع بالسهولة اللي انتي قاعدة تتخيلينها يابابا,,,,انا ماراح اكون رجال واقف جنبك بحياتك...ماراح ارضيك...ماراح تكونين زوجة مثل باقي الزوجات بالعالم....وحطي في بالك راشد ماهو تاركك بحالك....ريحيني...واللي يسلم عمرك...قعدتك في بيت اهلك هي اللي بتخليني متطمن عليك؟
مسحت دموعها وقالت بثقة مهزوزة ان شاءالله....
استغرب موافقتها السريعة بس يوم كملت كلامها عرف ليش وافقت..
مشاعل وهي تناظر بالارض بس على شرط...تقولي سالفة الحادث والاصابة؟
فواز الحادث والاصابة؟
مشاعل أي.....يعني حاستك شاك بشي...انت ماكنت طبيعي طول ماكنا بالسيارة وكاْنك متوقع شي يصير لك وحتى السيارة اللي صدمتنا ماشلت عينك عنها يافواز؟قولي شاالسالفة...وبعدين ابي اعرف انت شفيك بالضبط؟
ساعتها بمشي من هنا بدون حتى ماتطلب مني الشي مرة ثانية؟
كان نواف بالدوام وها الوقت يفترض فيه انه يرجع فيه وكانت ياسمين تكلم بالغرفة والباب مسكر..
كانت تكلم نورة ويسولفون عن مشاعل وفارس وكل شي صادفهم امس,,,,
ياسمين لاوالله ياقلبي مو قصدي ابدا ها الغيبة وانا ادري اني مقصرة بس بعد عندي شوية ظروف مو قاصدتها..
دخل نواف بها اللحظة وشافته لانه كان واقف يسمع كلامها,,,,
نورة أي بس بعد احنا مانتتركك بوقت ضيقك...يعني المفروض تتركين شوية ظروفك على جنب ونظل كلنا جنب مشاعل..
ياسمين ماقصدي اقصر والله...بس الشي صار غصبا عني...بس يالله ان شاءالله مايصير الا الخير..
نورة مو قصدي شي يياسمين اكيد انتي لك حياتك الخاصة بس بعد تنعودنا دايم نكون مع بعض ومانبي نخسرك من بداية زواجك لانك اذا ابتعدتي عنا من اللحين بتبعدين علطول....يالله عموما انا بروح سعيدان يناديني مدري شعنده..
ياسمين طب ياقلبي اخليك انا....باي...
سكرت وانفجر فيها,,,,,
نواف بعصبية منو كنتي تكلمين؟
ياسمين ببرود شخص عايش بها الدنيا اكيد؟
نواف بحدة اكبر سئلتك فياليت تجاوبيني؟
ياسمين بنرفزة نورة....
نواف بتشكيك ونورة كل كلمتين تقولين لها ياقلبي وياعمري؟
فتحت عيونها على وسعها من الذهول ووقفت وصارت قباله وقالت بعصبية انت شاك فيني يانواف!!!!
سكت وماعلق بشي وها الشي نرفزها اكثر وضايقها اكثر وقالت بانفعال سكوتك معناته انك شاك فيني!!!لعلمك انا بنت ناس ومتربية احسن من غيري...
نواف مسك كتفها وقال بشدة منو تقصدين بغيرك؟
ياسمين بحدة انا مااسمح لك تشك فيني سامعني!!!
نواف صوتك لايعلى وجاوبيني انتي منو كنتي تكلمين؟
ياسمين بضيق وصراخ اترك يدي....ماابي اتكلم معك...يااخي انت واحد لاتحتمل زين...وش ها الشك اللي انت عايش فيه؟
نواف بشرر اكبر بتجاوبيني وغصبا عنك....
ياسمين رمت الجوال على الارض اللي كان بيدها الثانية وقالت له بصراخ هذا الجوال وشوف منو كنت اكلم واذا مو متاْكد من اسم نورة دق عليها بعد واسئلها اذا انت مو مصدق الاسم ولاالوقت؟وعلى فكرة انا عيشة معك بها البيت ترى مقدر اتحمل عافت نفسي ها المكان,,,,,
صوت احمد يناديهم من ورى الباب خلاه يترك يدها واخذتها هي فرصة وراحت تفتح الباب وهي تداري دموعها....
احمد بفرح منو تتوقعون جاينا هنا؟
سكتت ياسمين ودق قلب احمد مو معقولة وضحى ولا لؤلؤة بيخلونه يفرح كذا...
احمد بحماس اكبر العم مشعل ومعه امي ريم,,,
خالد خلاص يعني....نتوكل على الله وناخذها...
وضحى أي حلوة مرة وش رايك ياام مشعل...
ام مشعل حلوة أي وخير البر عاجله,,,,
ام خالد بضيق وليه بتغيرون شقتكم من الاساس,,,,
خالد بسرعة قلت لك يمه راعي العمارة لك عليه وبصراحة الجيران يضايقونه كثير ..صوتهم عالي ودايم واقفين برى الشارع..مدري ماحسستنا بالارتياح...
ام خالد أي بس صار لكم سنتين فيها ماتضايقتوا..
خالد كنا نطلع كثير ومانحس فيها بس اللحين بيجينا وليد وبيقعدنا اكثر بالشقة,’,,قول شي يابو خالد ليه ساكت؟
ابو خالد انت تدري انا شبقول...البيت مفتوح لك ولخواتك بكل وقت...تروح وتطلع وهذا البيت مافيه احد يايبى..
وضحى ماتقصر ياعمي....بس والله مانبي نثقل عليكم..
ابو خالد وين الثقل يايبى...البيت مافيه غيرنا وكاهو شكبره..اذا قعدتوا بتونسونا؟
ام مشعل أي والله اذا قعدتوا بتونسونا؟
وضحى ياعساه بيتا دايم ان شاءالله وعامر بوجودك ياعمي....
ام خالد بقهر أي....يعني خلاص ماراح اشوفك كثير ياخالد يايمه اذا انتقلت شقة جديدة؟
خالد افا يالغالية انا كل يوم امرك وش له ماراح تشوفيني...ماحيتغير شي ابدا,,,
ام خالد بدون تصديق بنشوف ...اذا مارحت وتغير الحال؟
وضحى وهي تناظر باام مشعل اجل مشعل وينه مااشوفه؟
ناظرت بالساعة اللي جنبها بعد مافتحت عيونها ولقتها داخلة على الوحدة وربع وفزت بسرعة...
يوم سمعت صوت ضحكة تركي جنبها تفشلت...
مد يده وجرها له لين صارت بحضنه..
باسها على شعرها وقال برقة صباح الخير يااحلى عروس شافتها عيني!!!
نوف وهي تدفن راسها في حضنه وتقول باحراج خلاص صرت قديمة صار لي اكثر من اسبوعين متزوجة؟
تركي بهمس لامنتي قديمة ...من يقول عاد,,وبتظلين عند تركي عروس كل ليلة وكل يوم,,,,
نوف احبك..
تركي وانا اموت فيك...قولي نمتي زين البارح؟
نوف وش تتوقع؟توني قايمة وانا مالي بالعادة اقوم ها الوقت..
تركي طب وماله ان شاءالله ماتقومين الا المغرب يبى اهم شي ترتاحين؟
نوف لاكذا اجل بتخليني كسلانة مووت...
تركي يالله حبيبي تدلع من قدك بكرة يجونا عيال وتروح عليك؟
نوف بدلع وليه تروح علي!!اختار وحدة من الثنتين...يامانجيب عيال ونرتاح يانجيب عيال ونرميهم على خالتي هي تتكفل بكل شي فيهم..
تركي والله هاذي بعد عروض مافكرنا فيها من قبل,,,,
نوف اقول لاتقعد تفكر في العروض وقوم نخلص اليوم الخميس وتلاقيهم ينتظرونا على السفرة لسه مااكلوا,,,,,
تركي يالله...
نوف بتردد اقول تركي...
تركي قول حبيبي...
نوف طبعا بنروح بيت مشاعل اليوم؟
تركي بسخرية لا اذا ماتبين لاتروحين مو اجباري الروحة هناك؟
نوف ضربته بيدها على صدره يالله لاتصير ثقيل دم اكيد ابي اروح لها بس كنت بطلب منك طلب..
تركي بشدة لاتقولين لي انام معها؟؟سالفة تنامين برى ها الغرفة تنسين خلاص؟
نوف باحراج انا ماقلت شي..
تركي ها وش بغيتي!!
نوف ابي......امر بيت سعود اخوي ابي اسلم عليه واشوف عياله؟
فارس اقول عمي...
ابو سعد سم يافارس...
فارس والله اني منحرج منك بس مو عارف شقول؟؟
ابو سعد خير ان شاءالله ياولدي يافارس...
فارس الخير بوجهك ياعمي..بس بغيت ناْجل زواجنا انا ونورة كم شهر اذا ماعندك مانع...بروحك شايف الظروف اللي انتوا تمرون فيها ونورة متضايقة على بنت خالتها ومالها خلق عرس وزفة وانا ماحرضى لها تتزوج بدون شي كذا سكاتي فلو ماعندك مانع بناْجله كم شهر,,,
ابو سعد والله يايبى مدري شقولك الراي لك ولها انا مالي شور بها الموضوع وهو يخصكم..اذا انتوا متفقين وراضين الله يوفقكم..
فارس ماقصرت ياعمي....
كانت نورة ورى الباب تسمع وارتاحت يوم ماتغيرت لهجة ابوها لانها كانت خايفة يعارض الفكرة وبس انتهى الموضوع ودخلوا بسوالف الاراضي والعقار عدلت ملابسها وشعرها ودقت الباب ودخلت على اساس توها تدري ان فارس هنا وماكان عندها خبر..
سلمت وتقدمت وجلست قبالهم وبس دخلت استئذن ابوسعد وطلع وسكر وراه الباب وظلت هي وهو..
هي تناظر بالباب وهو يناظر فيها...
فارس كذا الناس تسلم وهي ماشية وتجلس؟
نورة بدون ماتناظر فيه ليه؟وشلون تبيها تسلم بالله!!
فارس بهمس يخوف قربي علشان اعلمك وشلون الناس تسلم,,,,
قامت من مكانها ووقفت قباله وهي تبي تشوف ها اللهجة اللي تخوف وش تحمل وراها من اشياء ومغريات..
نورة وهي تناظر فيه مدت يدها له وقالت بثقة كذا يسلمون؟
ابتسم يوم شاف يدها ومسكها بين يدينه وقربها منه وقال بهمس لا انا ماابي كذا..
نورة وهي تبي تسحب يدها منه وعاجبتها لعبته وشولون تبيني اسلم عليك ان شاءالله؟
فارس قربها اكثر منه وسحبها بقوة لين خلاها تقعد بحضنه...
نورة باعتراض وهي حاسة ان مشاعرها متلخبطة وماهي قادرة تركز ليش انها بحضنه للمرة الاولى في حياتها....
نورة فارس اعقل واتركني اقوم..
فارس طب مو لين تنتظري وتشوفين السلام شلون يكون؟
نورة بهمس فارس..
فارس بهمس اكبر وهو يتقرب منها بلهفة ورغبة يالبيه...
نورة بخوف وارتباك اعقل..
فارس انا ماسويت شي بعدني علشان اعقل؟
نورة بارتباك وانا ماانتظرك تسوي شي علشان اقولك اعقل...اعقل قبل لاتسوي الشي؟
فارس حرام عليك..كلها بوسة بس اللي باخذها...وبعدين انا زوجك؟
نورة لسه كل واحد فينا ببيت لمى نكون مع بعض خذ اللي تبيه؟
فارس بحماس طب قومي معي البيت من اللحين...
نورة
فارس تقرب منها وهمس باذنها برقة نورة...
مجرد اسمها بس من شفايفه وبها الطريقة خلتها تغمض عيونها وتذوب من رقته وهمسه,,,
فارس بهمس اكبر وهو يدغدغ مشاعرها احبك....ساعة فراقك تذبحني..وساعة شوفتك تموتني من الفرح...ماودي افارقك يانورة ابدا ...
نورة وهي تبي تقوم من حضنه لانها حست انها بتموت لامحالة وهي بحضنه كذا لفت علشان تقوم كلها وصار وجهها في وجهه واخنقتها انفاسه الحارة وبدل ماتقوم من حضنه ذابت معه زيادة,,,
ظل الجو متوتر ومشحون للنهاية بعد كلمة احمد اللي قالها ومشى بسرعة...
كل واحد راح تفكيره بجهة..
بس اللي صار ان نواف تحرك بسرعة ورى احمد وياسمين وصلت قمة انفجاراتها وظلت ثواني ماتحركت بس بعدها شالت عبايتها ولبستها ونزلت بسرعة,,,,
يوم نزلت كان صوتهم طالع من الصالة...
الحمدلله يعني ماهم عند باب الطريق يعني يمديها تطلع بدون مايشوفها نواف ويسوي لها سالفة,,
نواف بصراخ خير ان شاءالله وش عندك هنا؟
مشعل بتبرير نواف انا ماكنت ادري انها ام احمد والله...هي جت البيت وسئلتني عن بيت ياسمين وينه فيه انا على بالي وحدة من البنات اللي تعرفهم وصفت لها البيت وقالت انها ماتدله وخلتني اوصلها هنا ويوم جينا تفاْجات من احمد انها امه..
نواف بدون مايسمع لمشعل قال يكلم ريم اللي كانت حاضنة احمد خيرا ان شاءالله وش عندك واطية بيتي!!!
ريم بدلع ومسوية انها بتبكي جاية اشوف ولدي يانواف...
نواف بعصبية عيال مالك عندي وطلعي برى بيتي لاارتكب فيك جريمة؟
ريم ماهو بكيفك...المحكمة بتعطيني حق انك تخليه يزورني !!
نواف من هنا لين يصدر حكم المحكمة طلعي ولاتوريني وجهك...
يوم حس مشعل انها بتكبر بينهم قرر انه يروح لااخته ويتركهم وبس شافه احمد منسحب من الصالة ويطلع منها فك نفسه من حضن امه وطلع يركض وراه,,
مشعل وين اختي!!!
احمد كانت فوق بغرفتها...
مشعل روح ناديها....
احمد تعال معي علشان اوريك غرفتي الجديدة قلت لي بتجي تشوفها وماجيت...
مشعل وهو يطل من نافذة الصالة هاذي مو ياسمين اختي اللي بتطلع...
قالها وطلع من باب الصالة بسرعة واحمد وراه...
مشعل ياسمين..
وقفت مكانها يوم سمعت صوته ..مالها خلق تشوف أي احد بها الوقت ولاتسمع صوت احد بعد...
مشعل انا فكرتها وحدة من صاحباتك ياياسمين مادريت انها طليقته؟
ياسمين بنرفزة وانت وش اللي جابك معها اصلا!!
مشعل هي قالت لي وين ساكنة ياسمين اللحين وصفت لها البيت بعدين قالت ماادله وصلني قمت جيت معها ودليتها على بالي وحدة من البنات اللي يعرفونك؟
ياسمين اكتفت بانها تتنهد..
مشعل وش بيصير اللحين؟
ياسمين بنرفزة وهي قريب تبكي وانا مالي بللي بيصير؟
مشعل كان يصارخ عليها بقوة؟
ياسمين بلامبالاة يصطفلوا في بعض؟
قالتها وسكتت وسمحت لدموعها تنزل وهي تفكر بريم لو رجعت لحياة نواف من جديد وش راح يصير,,,
احمد قطع الصمت وهو يكلم مشعل عمي مشعل..
مشعل نعم...وانت لحقتنا حافي مالبست لك شي؟
احمد خفت اروح البس وتمشي عني؟
مشعل تعال احملك وامري لله بس اذا رجعت بيتكم تعطيني ميتين ريال لاني حملتك؟
احمد بقول لاابوي يعطيني...
مشعل والله ماحشوف الا الريش...
احمد ليه يتخانقون امي وابوي؟
مشعل علشانك...كل واحد يبيك...
احمد ........يعني شنو؟
مشعل يعني انت بتروح لمنو فيهم لوخيروك؟
احمد انا ابي اظل معك ومع العم سعد ومع خوالي وبس!!
مشعل يعني اصحاب القضية طلعوا منها بلوشي ؟؟؟محد قال لهم مايربوا عيالهم عدل شوف الولد قالها صراحة لايبي امه ولايبي ابوه؟
بعد الساعة ثلاث وربع,,,,
في صالة ابو تركي...
كان تركي يسولف مع ابوه عن المشروع اللي هو شريك مع فواز فيه واللي بيتوقف اللحين ومعهم ام تركي..
وبالجهة المقابلة كانت نوف جالسة وجنبها حصة اللي تناظر فيها من فوقها لتحتها,,
حصة بصوت واطي لانهم كانوا بنفس الصالة اليوم انتظرنا تركي كثير على السفرة بس ابوي قال مدامهم توهم معاريس مابنعتب عليهم خلهم على راحتهم..
نوف يعني بس تركي اللي تنتظرونه؟
حصة شكلها السهرة البارحة صباحي ومانمتوا الا الصبح؟
نوف تقدين تقولين.....
حصة اممم..بس انتي تدرين ان ابوي مايحب تخلف احد عن السفرة يوم الخميس ولا أي يوم غيره..
نوف أي بس انتي تقولين بما انهم معاريس سماح..خلاص وين المشكلة؟
حصة المشكلة ان ابوي وامي يحبون تركي ويبون يشوفونه دوم قبالهم على السفرة فياليت تبدين سهراتك معه بدري وتنهينها بعد بدري,,لان حتى دوامه ماباقي غير اسبوع ويرجع يداوم..
نوف انتي خايفة عليه ولا شسالفتك؟
حصة ولاشي...
نوف شكلهم مطولين بسوالفهم...
حصة وانتي وش عندك؟
نوف ولاشي بس قايلة له اني بروح لمشاعل وقبل بمر بيت سعود؟
حصة بشماتة بيت سعود عاد؟؟؟الله واكبر...
نوف تضايقت ومسكت الجوال كتبت رسالة لتركي وارسلتها وظلت ساكنة مكانها وحاقرة حصة اللي قاعدة تشتغل عليها شوي شوي,,,
حصة اقول نوف...انتي مو ناوية تغطين وجهك عن عبدالله؟
نوف بحدة بس بهمس لا عن عبدالله ولاعن غيره انا راضية وتركي راضي بعد وش لكم عندي!!
حصة بسم الله الرحمان الرحيم..خلاص اخذتي تركي وتمكنتي منه وطلعتي على حقيقتك؟
نوف لاحووول....ردينا لى طير يللي...
تركي وهو بمكانه بعد ماقراء مسجها نوف..جاهزة..
لفت له وقالت ببتسامة أي..
تركي وقف يالله اجل مشينا,,,,
شالت شنطتها وجت بتمشي وقالت لها حصة ماصدق على الله تعطينا مسج الا قام بسرعة وماكانه قاعد مع ابوه؟
هزت نوف راسها ومشت,,,,
مشاعل بتجاوبني؟
فواز عن شنو؟
مشاعل عن اللي سئلتك عنه؟
فواز لا
مشاعل معناته انت مخبي علي شي؟وماتبيني اعرفه؟
فواز مشاعل...
مشاعل مو من حقي....
فواز تنهد صايرة عنيدة وتتعبيني حييل..
مشاعل بترجي والله ماابي غير سعادتك وراحتك يالغالي بس مدري ليه انت مصر تبعدني عنك..
فواز مابعيد بها السالفة يامشاعل...جهزي اغراضك واذا ..
مشاعل ببكي لاتكملها تكفى...
فواز مو تبين راحتي وسعادتي..راحتي وسعادتي انك تكونين بعيدة عني وعن ها المكان علشان اتطمن عليك...
دق جرس الباب ولفوا اثنيهم له بعد ماطلعت الشغالة تفتحه,,,
طبعا هم كانوا جالسين عن يمين الباب...
دخل راشد ووراه رغد...
راشد بابا فواز صاحي ولانايم؟
الشغالة صاحي؟
رغد ومشاعل هنا ولا ..
مشاعل من مكانها وهي تمسح دموعها وتحط شيلتها عليها وتتلثم حيا الله من جانا...
لفوا بسرعة لفواز ومشاعل اللي كانوا يناظرون فيهم وتقربوا منهم..
رغد بمكانها سوت روحها تبكي وتصارخ ولد عمي....الله ياخذ اللي كان السبب؟
مشاعل بقهر ان شاءالله...
راشد وهو يناظر بمشاعل شلونك يابنت الحربي....
مشاعل مدام ابو ولدي بخير انا بخير؟
كلهم جمدوا مكانهم من الصدمة وحتى فواز بس من كثر صدمته مابان عليه شي...ليش قالت ها الكلمة عاد؟؟؟
رغد بصدمة وش قلتي؟
مشاعل بثقة يوم شافت ان كلمتها كان لها تاْثير اقول مدام ابو ولدي بخير انا بخير؟
راشد ليه انتي حامل؟
مشاعل ليه انتوا ماتدرون؟انت ماقلت لهم يافواز؟
الليل في بيت الجد..
كانت ياسمين بالمطبخ تقلي لهم دجاج وهي اصلا شاردة ماهي معهم..قاعدة تخطط تنام هنا وبدون مايدري احد لانها ماتبي ترد لنواف البيت,,,,
قطع عليها الجو صوت خالد وهو يكلمها..
خالد كان ماسك له قطعة من اللي استوى وجالس ياكل فيه شعنده الحلو شارد؟
ياسمين ببتسامة هلا والله...
خالد وش الاخبار..
ياسمين طيبة ..انت شخبارك؟
خالد موجود نساْل عنك يالقاطعة؟
ياسمين حرام عليكم والله مو قاطعة بس الظروف شوي..حقكم علي..
خالد زمان عنك وعن سوالفك....
ياسمين ..........
خالد شلون نواف؟
ياسمين بمرارة طيب..وشلون اخته..
خالد طيب ماغير وليدوا اللي متعبها ها الايام؟
ياسمين يعني مابيكون طالع على غريب اكيد منو ابوه...
خالد بثقة شيخ الرجال كلهم..
ياسمين عدال بس عدال اقول خذ العشى ووديه انا بروح اخذ لي حمام سريع عن ريحة القلي وجايتكم,,,
عطته الصحن وركبت غرفتها القديمة تتحمم...
لبست لها بيجاما وردية برمودا ونزلت..هي حاطة في بالها تنام هنا وماترد لنواف الليلة لو شنو ماصار..
يكفي اهانات اليوم..بداْها بشكه فيها وكملت يوم تجي الاخت ريم لحد بيته..
دخلت المطبخ وشربت لها مويه وهي مترددة تروح تاكل معهم لانهم كانوا بالصالة ولاماتروح..
تروح تنام وتخلي كل شي وراها بس هاذي صعبة بتقلق امها عليها وبتسوي لها سين وجيم ..يكفي انها الجوال ماجابته معها علشان ترتاح من اتصالات نواف لو تفرغ وسئلها وينها فيه,,,,
حطت الكاس على الطاولة وطفت النور وجت بتطلع وشهقت يوم صدمت بللي كان ساد الباب بطوله وهي ماانتبهت له..
اول شي خلاها ترفع راسها ريحة العطر وحست بالخوف..ماغيره يدوخها بها الريحة..
هذا نواف وش اللي جابه ياربي..
رفعت راسها والتقوا نظراتهم بالظلمة ..ماغير اضاءة الممر بس اللي كانت بعيدة شوي...
ياسمين بحدة وهي اصلا مرعوبة من فكرة وجوده هنا وش تبي؟
نواف بلامبالاة انتي كيف تطلعين من البيت بدون ماتعطيني خبر؟
قالت وهي تمشي جنبه قلت افضي لكم جو انت وياها على راحتكم!!
مسكها من كتفها بقوة يوم قالت له ها الكلمة ولفه له وقال بحدة وش تقصدين؟
ياسمين افهمها مثل ماتبي...
نواف ........
ياسمين اترك يدي....
نواف بترك يدك...وبتروحين تجلسين معهم وبنقعد ساعة وبعدها بنمشي وبنتفاهم في بيتنا ماابي اعيد كلمتي مرتين ياياسمين؟
ياسمين بحنقة ودموعها قريب تنزل ماهو بكيفك...بيت وطته هي ماابي ادخله؟مو كفاية انك شاك فيني وش تبي بعد؟اسفة مو رايحة معك لأي مكان يانواف؟
سندها على الجدار وظل يناظرها بدون مايقول أي شي وهي جلست تبكي...
نواف بحيرة طب ليه تبكين اللحين؟
ياسمين وهي تمسح دموعها طلقني!!
نواف بصدمة نعم!!!
ياسمين وهي تمسح باقي دموعها انا معك مانتفق ابدا وخلنا صريحين بها الشي...انت كل حركاتك فيها شك فيني وها الشي تاعبني فاهمني ..مو سهل انك تعيش مع شخص يشك فيك وبتصرفاتك...وبعدين طليقتك بروحها سالفتها سالفة وانا ماعندي احتمال اعيش بها الوضع يانواف...اذا سمحت مثل مادخلنا برضا خلنا نطلع برضا...مقدر اكمل معك باقي حياتي؟
اشوفكم على خير بكرة ان شاءالله
****
***
**
*
البارت الثاني والتسعين ,,,
ياسمين نواف خل عنك ها الحركات البايخة واتركني امشي,,
قالتها بعد ماسندها على الجدار وحط يدينه حوالينها وحاصرها وماقدرت تمشي,,,
قال وهو عيونه تشتعل لهب ان سمعتك تقولين ها الكلمة ثاني ذبحتك,,
ياسمين بعناد بقولها ومالك شغل بعد...ابعد عني يااخي ماابيك,,,,,عيشتك ماتناسبني..انا مقدر اعيش بها الوضع ابدا...انا اتعذب افهم مقدر والله مقدر,,,
نواف بحدة وهو يقرب وجهه منها كيفي انا ابي اعذبك,,,عذابك يريحني,,,,
التقوا نظراتهم في بعض رغم ظلمة المكان وكل واحد ماقدر يفسر نظرات الطرف الثاني وش تعني,,,
الشي الوحيد اللي كان قالق نواف بذيك اللحظات ويبيه يصير...انها تتقرب اكثر وتتهور اكثر بها اللحظة وتبوسه,,,
فيه شحنات ماحيقدر يفرغها الا لمى تسوي ها الحركة مثل ماعودته تسويها بالايام القليلة اللي فاتت...اذا كان بقمة عصبيته ونقاشاته معها تقوم تسوي ها الحركة وتنهي كل شي,,,
بس اليوم ياسمين ناوية على شي كبير..ناوية على فراق فمن المستحيل تلتفت له وتسويها,,,
تنهد بقوة وهو يناظر بوجهها ومحتار في أي مكان يبوسها ...
يوم سمع اسمه بهمس من بين شفايفها رفع راسه,,
ياسمين بهمس وترجي نواف......
ناظرها بدون مايقول شي...
ياسمين بترجي اكبر اتركني,,,,
نواف وهو يناظر بشفايفها وتركزت نظراته عليها خلاص واذا قلت لك لا,,,,
تنهدت بقوة وصفعته انفاسها الحارة وهو يتقرب منها اكثر واكثر وماصار يفصلهم أي شي لين اشتغل النور فجاْة ودخل خالد ويوم شافهم ارتبك,,,,
بعد نواف عنها بسرعة,,,
خالد يوم انتبه لهم قال باعتذار اسف والله ماحسبت ان في احد...فكرتك ركبت لياسمين فوق..
نواف بارتباك لالا...عادي...
خالد تقدم وفتح الثلاجة وقال بس كنت جاي اخذ الشطة...
ياسمين ماعرفت لاتبعد ولاتتحرك ولاتسوي أي شي بنفسها وظلت واقفة مثل ماهي,,,
رغم انها كانت تنتظر تجي فرصة تبعد فيها عن نواف بس ماهي قادرة تستغلها تحس انها انشلت ,,,
خالد وهو ماشي للباب مرة ثانية غمز لهم بخبث وقال ماعندكم بيت !!!ولاحنيتوا لاايام المراهقة؟
نواف مسوي انه يمزح معه وانت وش عليك منا يااخي!!روح داري مرتك لاتولد عليك؟
خالد وهو يضحك لهم بخبث اقول اذا مستعجلين مرة مو لازم تتعشون خذ مرتك ومع السلامة ترى عندنا هنا مراهقين بالبيت لايشوفوكم وتتوهقون فيهم!!!
طاح وجه ياسمين من الفشلة اكثر واكثر من كلام خالد..وجت بتمشي ومسكتها يد نواف وطلع خالد بسرعة ولف لها نواف,,,,
كانت واقفة بروحها بالمطبخ,,,
ماتدري شلون طلعت منها ها الكلمة,,,,ولاليش قالتها,,,
كل اللي تعرفه انها كانت بقمة قهر وبقمة انفجارات,,وان راشد له دور بالحادث ويوم شافته حست انها تبي تقهره ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك