رواية بعد فرقاك بهوى غيرك وانساك -9
جود:اسكتي بس هذا كأنه بطه..
البنات يضحكون..مرام انقهرت:احلى منك بسس..
شهد:لاء والله مو احلى من حبيبتي جوجو..
جود:تسلمين يابعدي والله..
شهد:الله يسلمك ياقلبي..
ساره:تكفوون لاتبدأوون افلامكم الرومنسيه..
البنات ضحكوو..
جود:انتي وش علمكي بالرومنسيه اصلن؟
ساره تمثل انها حزينه:أي هذا انتي ياجود لمن تشوفين صديقتك تنسيني..
جود مصدقتهاا وكسرت خاطرهاا:ياقلبي انتي والله ماعاش الي ينسااك..
مرام تنعز جود:انتي مصدقه ان هذي تحس ولاتحزن؟
جود لمرام:لاء ادري انها تمثل بس ياالله خليني اكمل المسلسل معاهاا..
ساره:وش تحشوون فيني هاا؟
"نرووح للثناائي المرح"
مشاري:عـــــــــــــــلـــــــــــــــي..
علي جااه وهو ماسك اذنه:نعم وجع اذني ابيهاا..
مشاري:داري انك تبيها في احد مايبي اذنه؟
سلطان:ههههههههههه حلووه منك بس ياميشوو..
مشاري لاحظ ميشو:بعديها لك ياولد عمي هالمره..
سلطان:اقوول طسس..
علي بيرجع له اياهاا:مـــــشــــــااري وش تــــــبــــي فيني؟؟
مشاري:ههههه كنت بقولك قول للشباب انا وولد عمي بنروح..
علي:لييه تو الناس؟
سلطان:والله عندناا شغله ضروريه"وغمز لمشاري الي فهم عليه"...
علي مو فاهم شي:خير انشاءلله...الله معاكم"وراحو لسياراتهم واتوجهو سلطان ومشاري للبحر لحالهم يبون يفضفضون حق بعض شوي عشان كذا طلعو من عند اصحابهم"...
<<<<<<<<<<<<<<<<؛؛؛؛؛؛؛؛؛؛؛؛>>>>>>>>>>>
<<نـــررجع لسهرة البناااااااات>>..
فجر:بناات سمعتو اغنية يارا الجديد"رغبة مني"؟
البنات بأصوات متفرقه:لاااااء...
فجر:لاتفووتكم رووعه...
جود:مرام قومي جيبي المسجل خلونا نرقص ونفلها شوي..
مرام:ساره قومي جيبيه.
ساره ماعليها من احد:انتي قومي والله مو قايمه اناا..
مرام وقفت:شوف الي ماتستحي..
ساره تعلي صوتها تبي مرام تسمع لانها طلعت برا:خليت الحيآآ لك..
مرام طنشتها وراحت تجيب المسجل...
ملاك تهمس لساره:ع الأقل احترمي النااس الي عندناا..
ساره بصوت عالي وهي تبتسم في وجه شهد وفجر:عاادي فجر وشهد مثل خواتي مو اغرااب...
شهد:تسلمين ياقلبي وخذي راحتك..
فجر:تسلمين والله وانتي بعد اختناا..
ساره:الله يسلمكم..
وشغلوو المسجل وبدأ الردح على اصوووله...
"برا الفله وبالتحديد بالحووووووش"..
عبدالله يدور في جيوب بنطلونه:مو معقول نسيت الموبايل حقي فوق..الظاهر نسيته خلني اطلع اجيبه..
"ودخل للفله"..
شهد وهي ترقص مع جود:بروح اشرب موييه تعبت..
جود:ارتاحي اقعدي انا بروح اجيب لك..
شهد:لاء عادي لاتعب ولاشي بس وين المطبخ
دلتها جود ع المطبخ وراحت شهد وجود كملت رقص مع فجر وملاك وباقي البنات....
"شهد تمشي بالممر وتنااظر المطبخ"ايوه هي قالت لي بعد الممر الي ع اليمين"...وجات بتدخل المطبخ بس في شي وقفهاا ووقف كل خليه بجسمها ووقف كل شعره بجسمهاا..ورجولها تصنمت مكانهم وماعاد تحركت..
اماا عنده هو كان بيطلع الدرج بس طاالع الي واقفه قدامه"هالملامح مو غريبه علي"...وجا بيطلع بس في شي وقفه هو بعد..وظلو يناظرون بعض..
شهد بصدمه مو طبيعيه:عـــــبـــــدالله..!!!!!!!
عبدالله هو بعد انصدم:شــــــهــــــــد..!!!!!!!
شهد مو عارفه وش تقول ارتبكت بقوه:انت وش تسوي هنا؟
عبدالله:انتي الي وش تسوي هنا هذا بيتي؟
شهد كل شوي تنصدم اكثرر:شنوو؟بيتك؟يعني انت..انت اخو مرام وساره..؟؟
عبدالله بغضب:وانتي وش عرفك بخواتي؟
شهد ببراائه:هم صاحبااتي..
عبدالله مايبي خواته يتصاحبو مع وحده مثل شهد ماضيها خربان كله استراحات ومصاايب:شهد احسن لك ابعدي عن خوااتي فاهمه لااوريك نجوم اليل في عز الظهر...
شهد تطالعه مصدومه وماقدرت تنطق ولاحرف زياده..ودموعها تجمعت في عيونها:بس اناا .. اناا ماسويت لهم شي والله والله..
عبدالله بحده:ان فكرتي تسويلهم شي لاتلومي الا نفسك..والحين بسرعه انقلعي برا هالبيت مايتشررف يدخله اشكاالك..
شهد ترمش بعيونها وهي تطالعه تبي تصدق الي تشوفه والي تسمعه..وكأنها هي المجرمه مو هوو..وكأنها هي الظالمه مو هو..
رجعت بسرعه للصاله وهو طلع غرفته وهو مولللللع من العصبيه...
اما شهد مسكينه رجعت الصاله والعبره حانقتها هي قالت بتجي هنا بتغير جو لكن الظااهر عبدالله وراها في كل مكاان...
لمحت فجر قاعده ع الكنب والبنات يرقصون..راحت قعدت جنبها..
فجر طالعتها:شهد فيك شي؟"لاحظت ان وجهها متغير..وباين متضايقه"..
شهد تهمس لفجر بدون لاتلتفت لها:عبدالله ..
فجر مو فاهمه شي:وش فيه عبدالله؟
شهد بنفس الهمس وهي تتلفت يمين يسار بربكه تتأكد محد بيسمعهاا:شفت عبدالله يافجر...
فجر انصدمت وهمست لها:كييف؟متى؟ووين؟
شهد:بعدين بقولك كل شي بس الحين دبريني...
فجر وقفت وحطت شهد بالامر الواقع:..........................
تتوقعون فجر وش بتسوي ووش بتقول؟؟
وشهد وش ردة فعلهاا؟؟
عبدالله بعد ماشاف شهد..في امل يحن عليها وبتزوجهاا؟
سلطان ومشاري واخر التطورات؟
خالد وشوق ماجبنا سيرتهم بهالباارت...هل بيكون لهم نصيب بالبارت الجاي؟
**الجـــــزء الثاااالث ع ــشــر**
فجر وقفت وحطت شهد بالامر الواقع:يله ياجمااعه نشووفكم ع خير وبصراحه انبسطناا مره معاكم"طالعت شهد"يله شهوودهـ..
شهد تطالع فيها بعيون مغرقه بالدموع تبيها تساعدها بأي طريقه من هالورطه...وقفت وهي ترتجف من داخلها وتحاول تبين طبيعيه هي انصدمت من حركة فجر بس حاولت تبين طبيعيه قد ماتقدر:ايوه اسمحولناا"وخنقتها العبره وهي تطالع البنات ماتوقعت انهم يقربو لـ عبدالله"اسمحولناا تأخرناا ..
مرام باستغراب:وين تو النااس؟
ساره سكرت المسجل عشان تسمعهم:أي والله تو الناس بدري ماسهرنا توكم جيتوو بلا بياخه اقعدوو بلييييييز..
شهد تطالع فيهم الثنتين وتقول في بالها"معقوله انتو اخوات الخاين عبدالله!!سبحان الله فيهم شبه منه مره بالملامح بس اما الأخلااق طبعآآ لاء"..
فجر تبي تطلع من هالبيت بأي طريقه بعد مادرت ان عبدالله فيه:معليه والله مره ثانيه انشاءلله..
ملاك:خساره استانسنا معاكم..
لينا:أي والله..
جود:شهههههههههد وفججججر اقعدو بلييز والله وناسه القعده معاكم..
شهد تبي تغير الجو لأنها تحس انها مخنوقه:مره ثانيه انشاءلله ياقلبي...ولاتزعلون مناا....يله فجر...."وطلعو من الفله بعد ماسلمو على البنات"...
وهم في سيارة سواق فجر..
شهد أول مادخلت السياره انخرطت في موجة بكآآآآآآآآآآآ..بس بصمت..
فجر:شهد خلاص قطعتي قلبي الي سار سار شفتيه وانتهى الموضوع وش بيفيد البكا الحين؟
شهد وهي تشاهق:وشلون الي سار سار يافجر انتي مستوعبه اني شفته وفي بيته بعد ..
فجر بزلة لسان..ومن دون قصد:غلطتك ياشهد انتي الي رضيتي تروحي معاه للشقه لحالكم كان المفروض ماتوثقي فيه؟
شهد بتنجن:الحين انا ابغاكي تساعديني وتوقفي معي تقومي تحطي الغلط علي؟؟؟
فجر سكتت وندمت انها قالت هالكلمه صحيح ماكانت تقصدها بس ندمت حيل:آسفه ياشهد ماكــ...
شهد تقاطعها بضيقه:لاتتأسفي انا الي آسفه خليتك تشيلين همي ...
فجر تضايقت:شهوده صدقيني والله من دون قصد زلة لسان وانا اسفه وحقك علي بس كلكم غلطانين..
شهد:الحين لو نقعد نكتشف مين الغلطان وش لي بيفيد؟المهم نلقى حل..
فجر تكلم سواقهم:روح على بيتناا..
شهد:لاء انا ابي اروح بيتناا..
فجر:اذا على امك انا بكلمها تنامي عندي تهدي شوي...
شهد:وغسان؟
فجر:بقول لخالتي تكلمه...واكيد ماراح يقول شي..
شهد:وسعود؟؟<<سعود اخو فجر عمره 25 سنه بعمر غسان وهم دايم مع بعض ومثل بعض في كل شي حتى بالصفاات...>>....
فجر بصدمه يخالطها استغراب:سعود اخوي؟؟!!وش فيه؟؟معقوله تفكرين ياشهد ان ممكن ولد خالتك يسوي لك شي...معقوله مو واثقه في تربيته؟؟شهد اخوي سعود واخوك غسان دوم حنا معاهم تربينا مع بعض..المفروض ماتفكرين حتى انو ممكن يسوون لك شي..
شهد بخاطر مكسور:انا مـاعـدت اثق في احد يافجر اعذريني بس الرجال ماعدت اثق فيهم...حتى لو كان اخوي وولد خالتي...
فجر تفهمت وضعهاا وسكتت ووصلوو للبيت وطلعو لغرفة فجر على طول..فجر لبست بيجاما واعطت شهد من عندها وهم ماشاءلله اجسامهم مثل بعض ...
<<<<<<<<<<<<<<<<<<<<<<<<
هاني يدق على بندر وهو معصب:الوو بنـييييييـدر..<بندر>..
بندر مفجوع:هلا هلا هلا والله بولد خالتي هاني..
هاني وهو باقي معصب:ليه ماحجزت؟من قبل يومين وانت تسكتني وتقول جاي جاي وللحين ماحجزت حتى؟
بندر:هاني وش فيك معصب هدي شوي..هذا كله مشتاااق لي<<يتميلح الأخ...
هاني:اقول طس بس مسوي فيها خفيف دم هاا..وانا انتظرك..
بندر بمزح وينعم صوته:ياربيييه توي اكتشف غلآآي عند هاني ينتظرني يومين ع احر من الجمر..
هاني عصصصصصصب جد:بندر وججججججججججع..
بندر:هااا هاا اذني فقعتها وجع يوجعك انشاءلله..
هاني مسوي زعلان:هذا جزااي الي انتظرك تجي ونفلها مع بعض..
بندر رحمه:آآسف يابعد قلبي والله يابعد رووحي وهلي كلهم..
هاني:وفر كلامـك هذا لزوجتك لاتزوجت...
بندر بثقه:ومن هذي الي امها داعية لهاا..
هاني:قول داعيه عليها والله..
بندر:اخلص وش تبي ترا حطمتني بمافيه الكفايه..
هاني:ابي أسألك متى بتجي؟
بندر:خلاص امس انا حجزت واليوم يمكن اجي توقع أي شي ويمكن اجيك سبرايز.."مفاجأه"...
هاني:وربي دلااخه فيك مو صاحيه...يعني كنت ناوي تجي مفاجأه وتقول لي وربي غباااااااء..
بندر:ههههههههههه..
هاني:يلا بااي يامفههي..
بندر:بااي يامفههي نمبر 2..
وسكرو من بع ــض وهم يضحكون..
__________________________
خالد"ياربي اتصل ولا لاء...اخاف تفهمني غلط..لالالا خلاص بتصل احس اني ابي اسمع صوتها"..وسم بالله واتصل...بعد 3 رنات ردت..
شوق:هلاا والله..
خالد:هلا فيك ياا"وكان بيغلط من جديد ويقول ياقلبي نسى نفسه الأخ بس مسك عمره ع آخر لحظه"يااشوق...كيفك وكيف الوالده واخوك؟
شوق:والله كلناا بخير انت كيفك اخبارك؟
خالد خاق على صوتها:والله دامك بخير فــ انا بخير اكيد..
شوق استحت:تسلم..
خالد:الله يسلمك.."وسكتو لفتره"..
خالد:شوق بأطلبك طلب ولاترديني..
شوق:آآمــر..
خالد:مايامر عليك ظالم...وادري هالطلب ماله داعي بهالوقت بس اذا ماتبي ترا براحتك..
شوق زادت ضربات قلبها:تفضل اسمعك..
خالد بسرعه:بصراحه انا ابي اطلع معاك لمطعم أو ع البحر..
شوق سكتت فتره وبعدها ابتسمت مو مصدقه كلامه بس حاولت تبين انو عادي عندها:تسلم والله بس امي واخوي؟
خالد:لاتشيلين همهم انا موصي عليهم الدكاتره..وترا كلها كم ساعه ونرجع...اوعدك بس نتكلم مع بعض..ومنها نستانس شوي..
شوق ارتاحت له مره:اووكي ماعندي مانع..
خالد يكلم نفسه:يـــس..
شوق ماسمعته زين:أيــش تقول؟
خالد:لاء ولاشي..كنت اقول ع الساعه 7 المسا نروح هناك وعلى فكره انا بمر عليك يعني ماله داعي تـاكسي وكذاا..
شوق بحيا:اووك..انتظرك..
خالد مايبي يسكر السماعه منها بس ماباليد حيله مايقدر يطول الكلام معاها اكثر من كذا:توصي شي؟
شوق بهمس:سلامتك..
خالد قلبه يدق بقووهـ:الله يسلمك...سلااموو
شوق:سلام"وسكرت منه"...
تنهدت وهي تنااظر شاشة الجوال"يابعد قلبي والله..مو عارفه وش اسوي صراحه مع هالولد..احس اني معجبه فييه..(وصحت من افكارها)انتي وش تقولين ياشووق..انسي ولد العز والغنى يجيك ولايفكر يحبك..يمكن هو بس قصده يساعدني لااكثر ولااقل"...
//على فكرهـ:-شوق كانت بهالوقت بالممر الي قدام غرفة امها لمن كلمت خالد بالجوال//
دخلت لغرفة امها وناظرت امها:كيفك ماما
ام شوق بتعب:تمام...
شوق بابتسامه:الحمدالله ع سلامتك..
ام شوق:الله يسلمك..."ومسكت يد بنتها"شوق ياماما متى راح نطلع من المستشفى؟
شوق تنهدت ومسحت على يد امها بحنان:والله مدري وش اقولك ماما...
ام شوق:قولي ياماما وش فيه؟
شوق بانكساار:خالد شرالنا فله..
ام شوق تذكرت ان العمارهـ الي هم مستجارين فيها انحرقت تنهدت بحراارهـ..شوق حست فيها:ماما انا قلت له ماارضى انو نعيش على حساب احد بس هو أصر لكن ولايهمك ماما انا قلت له انو أول ماتطلعو من المستشفى انتي واحمد انشاءلله راح ارد له فلووس الفله وتكاليفهاا لو اشتغل باليوم مرتين.."وباست يد امها"مهما اظطرينا للحاجه والمساعده ماما صدقيني مراح ننذل لأحد ..
ام شوق نزلت دمعتها:لاتقولي كذا ياماما خالد باين عليه رجال ومن النوع الي يحب يساعد جزاه لله الف خير .. وانشاءلله راح نرد له حقه ..
شوق استحت من كلام امها عن خالد وفرحت بنفس الوقت..ضمت امها بقوه:الله لايحرمني منك ..
ام شوق:ولامنك..
احمد فتح عيونه بتعب وهو في سريره الي مايبعد عن سرير امه الا كم خطوه:ماما.....................ماما..........
ام شوق التفتت بخوف على ولدهاا:احــــــمــــــــــــد..
احمد:ايوه ماما..
شوق راحت له بسرعه وباست جبينه لانه مايقدر يتحرك من التعب:احمد الحمدالله على سلامتك....
ابتسم لاخته الحنوونه..والي باين في عيونها الخوف عليه..
شوق وعيونها تلمع من الدموع:تحس بتعب؟
احمد هز راس بالنفي...شوق طالعت امها:انا بروح انادي الدكتور قال لي لمن يفوق اخوك ناديني"وطلعت من الغرفه وهي تمسح دموعها"..
تجري وراحت لـلأستقبال:وين الدكتور جوزيف؟<<المسؤول عن حالة امها واخوها..
النيرس:في مكتبه..
شوق:ثاانكس"وراحت تجري بالممر وشعرهاا الي وصل لنص ظهرها يطير على وجهها وهي تجري وتجري وشافت غرفة الدكتور جوزيف وراحت ناحيتها ركض..وفتحت الباب لكن صدمت في صدر معضل وعريض...غمضت عيونها ماتبي تشوف منهوو هالشخص..حست بحرارة صدره .. وبانفااسه...رفعت عينها وهي ترجف من داخلها وتدعي مايكون الي في باالهاا...ولكن لاتجري الرياح كما تشتهي السفن..ابعدت شعرها الي على وجهها ورا اذنها وناظرت في هالشخص ببرائه:خــــــــــــاالـــــــــد...!!!
خالد الي كان طالع من مكتب الدكتور..ناظرها بابتسامه:بشحمه ولحمه..
شوق ابعدت عنه شوي لأن قربه زادهاا توتر:آسـفـه كنت اجري ومـــ....
خالد يقاطعها وهو يبتسم تعمد يحرجها يحب يشوفها وهي مستحيه:لالا شدعوهـ الأسف...بس انتي ليه كنتي مستعجله كذا؟
شوق ترجع خصل شعرها الي على وجهها ورا اذنها:كنت ابي اقول للدكتور ان اخوي احمد صحى...
خالد دخل للغرفه ووراه شوق:يادكتور المريض صحى..
الدكتور وقف ولبس نظارته:طيب الحين جااي...
شوق للدكتور:ترا هوا لمن صحى كلمته ومايرد عليا الظاهر لسه تعبان ...
الدكتور:ولايهمك الحين اشوفه"وراح للغرفه الي فيها احمد وام شوق"...
خالد قعد يناظر برائتها وحركاتها العفويه..حس انه بدأ يحبهاا...
شوق لاحظت نظراته لها..وبعد ماراح الدكتور:ليه تناظرني كذا؟
خالد بهدوء:عادي انا اناظر كل الناس كذا"ويطالع في الي رايح والي جاي يصرررف يعني"..
شوق:اهاا..
خالد:شوق لايكون غيرتي رأيك بالنسبه للموعد..؟
شوق:انا لاء ماغيرت شي وماعندي مانع الا اذا انت ماتبي..
خالد بسرعه:لالا وش الي مابي اكيد ابي اطلع معا كيلا تعالي"وراح يمشي وهي جنبه لبرا المستشفى وركبوو سيارة خالد وراحو للبحر"..
<<<<<<<<<<<<<<<<<<<<<<<<<<<<<
بندر وصل للدماام بخيييييير<<الحمدالله على سلامتك..
وقابل هاني جاي يجري بالمطار ويضمه بقووه:الحمدالله على سلامتك..
بندر:الله يسلمك"وفكو بعض"..
هاني بفرحه:كيفك بنيييييدر وربي من زمان عنك..
بندر:تمام انت كيفك وكيف اهلك واخواتك الصغنووناات<الصغار>..
هاني:كلنا بخير..ليه ماجبت الأهل معاك للدمام<<يقصد سمر هههههه..
بندر:قلتلهم بس مايبون...
<<اكيييييييد تبون تعرفوون عائلة هاني وكذلك بندر ومن هي سمر>>
"عاائلة هاني"..
ابوهاني//رجل أعمال عمره 44 سنه..حنون بس شديد شوي...وعصبي مره .. وبنفس الوقت حنون مع اولاده ومايرفض لهم طلب..
ام هاني//كل الطييبه والحنيه فيها...أم بمعنى الكلمه..ماترفض لأولادها طلب وتحبهم حب كبيييييييير..
هاني//الولد الكبير..عمرهـ 19 سنه..مع فيصل وخالد بالجامعه..يجنن مرره واسلوبه روعه..اسمر شوي وملامحه مرتبه عيونه كحيله وذبلانه وخشمه سله سيف وفمه مناسب لملامحه وجسمه عضلي وصدره عريض وطويل شوي وشعره سباايكي...يعني خققققققق...
اخت هاني أشواق//9 سنين..حلوه وملامحها بريئه مره..تدرس ابتدائي هاديه مره وتمووت بأخوها هاني الي مايرفض لها طلب..شعرها لحد خصرهاا اسود وناعم وكثيف .. ولون بشرتها برنزي وشياكه مره وحبوبه وناعمه مرهـ...
ليان//7 سنين..ماتشبه اختها مرهـ..لون بشرتها بيضا وشعرها لحد كتفها بني كثيف وعيونها ذبلانه وكحيله مثل اخوها هاني..ونحيفه وتدرس ابتدائي ونعومه مرهـ..ودايمآآ مع اختها أشواق...
<<<<<<<<<<<<<<<<<<<<<<
"اما عائلة بندر"..
ابوبندر//44 سنه يشتغل مع ابوهاني بالشركه وكأنهم اخوان..وطيب وحنون بالحيييييل ويموت في عياله وهم اغلى شي عندهـ..
ام بندر//اخت أم هاني..حبوبه وطيبه وحنونه مرهـ...
علي//الولد الكبير اخو بندر..عمرهـ 30 سنه متزوج من بنت خاله اسمها مي وحلو مره وطويل وجسمه عضلي وشخصيته روعهـ..وعنده بنت وحده اسمها الجوري وعمرها 3 سنين وملامحها اجنبيه..
بندر//19 سنه جامعي يهبببببببببببل وهو احلى واحد بشبااب الروايه ههه..عيونه كحيله وواسعه وخشمه سله سيف وشعره لحد كتفه نااعم ومدرج وكثيف وطويل شوي وجسمه خقااق عضلي وشيااكه مره وكول...ودمه خفيف يعني كاامل والكامل الله...
سمر//18 سنه آخر سنه ثانوي..طويله شوي ورشيقه وشعرها لنص ظهرهاا أسود وكثيف ونااعم ملفلف من اطرافه..وملامحها صغيره ولون بشرتها برنزي ونعومه بالحيل ..
لمى//آخر العنقوود..عمرها 9 سنين حلوه ونعوومه ودوم مع بنات خالتها اشواق وليان..وشعرها لحد نص ظهرها بني وناعم وكثيف..
<<<<<<<<<<<<<<<<<<<<<
"ياليت تنسخون تعريف العوائل في مستند "وورد"أو المفكره عشان لاتنسونهم أو تلخبطون<<نصيحه"..
<<<<<<<<<<<<<<<<<<<<<
"في بيت ابوفيصل"
كلهم مجتمعين بالصاله...
مشعل وسديم يتفرجون ع التلفزيون"افلام كرتون"<<توم وجيري وكذا..
اما الباقيين في الجهه الثانيه من الصاله قاعدين ويتقهوون...
فيصل:اقول يبى نبي نروح للمزرعه وربي زهقناا..
مها بتأييد:أي والله صدق يبى ملينا من البيت..اجاازهـ وقاعدين بالبيت..
ابوفيصل:انا ارتحت من سلطان ومشاري تجوني انتم.
ريناد بضحكه عارفه هبال عيال عمامها:ليه وش سوو؟
ابوفيصل:رحت امس لبيت عمكم ابوسلطان ولقيت عنده عمكم ابومشاري وأول مادخلت سلمت عليهم لقيت سلطان ومشاري يقولون عمي كلم ابوي نبي نروح للمزرعه اجازه طفشناا...
الكل:ههههههههههههههه..
فيصل:فدييتهم سلطان ومشاري..
ابوفيصل:أي وانت مثلهم..
فيصل:ههههههه ماقلت شي غلط يبى وربي طفش واذا طلعت من البيت ورحت اتمشى مع هاني تقول ليه تأخرت ع الأقل نقعد يومين بالمزرعه..
مها بترجي:أي بلييييييييز بابا...
ابوفيصل مايقدر يرفض لعياله طلب:خلاص انا بكلم اخواني وبشوف..
فيصل يبوس راس ابوه:الله يخليك لنا يبى ولايحرمنا منك..
"ام فيصل ابتسمت لهالمنظر"..
ابوفيصل:ويخليكم لي يارب..
<<<<<<<<<<<<<<<<<<<<<<<<<
نروح لعائلة ثانيه..
ملاك اتصلت على لينا..
لينا ردت:هلا والله وغلاا..
ملاك:هلا فيك كيفك
لينا:والله تمام انتو كيفكم
ملاك:كلنا بخير الحمدالله...........لينا كلمتي ابوك على المزرعه..
لينا:يووه تعبت وانا اكلمه كل يوم وسلطان بعد ماقصر..
ملاك بعفويه:ههههه حتى مشاري طفش ابوي كل يوم على نفس الموضوع هذا..انشاءلله يوافقوو..
لينا تضايقت من طاري مشاري:أي انشاءلله.......توصي شي ملاك
ملاك:سلامتك
لينا:الله يسلمك مع السلامه
ملاك:مع السلامه..
<<<<<<<<<<<<<<<<<<<<<<<<<<
اجتمعو الرجال كلهم في مجلس ابوناايف..
والشباب راحوو لغرفة نايف..
بقولكم حال الشباب وبعدهاا نرجع للرجال الكبار..
"في غرفة نايف"..
نواف ومشعل يلعبون بلايستيشن<<حق نايف..
ومشاري مسدوح ع السرير ويطاالع بالتلفزيون الي معلق بجدار غرفة نايف..وهو طفشان..وكان يتفرج على مسلسل تركي"عاصي"<<اموت بهالمسلسل....
وسلطان ونايف قاعدين وراهـ ويسولفون..
ومحمد قاعد جنب مشعل ونواف الي يلعبو بلايستيشن بس محمد يطالع جواله ويقرأ نكت وكل شوي ينفجر من الضحك..
فيصل كان يقرأ مع محمد بعدين وقف طفش من النكت وراح قعد مع سلطان ونايف:وش تسولفون فيه؟
نايف:اقوله عن سالفة لمن كنت بالمتوسط والمدرسه انحرقت..
فيصل:ههههههههههههه الله يرجك انت لسه فاكر؟
نايف:هههه وكيف انسى شكلي وانا خايف واركض وفجأه طحت من ع الدرج طيحه أليمه ودعسو فوقي الطلاب كانو يركضون بعد..
فيصل وهو يتذكر:ههههههه وانا لمن رجعت البيت امي تهاوشني قالت مين ضربك قلت لها محد بس مدرستنا انحرقت قامت امي خاايفه وقالت لابوي ينقلني مدرسه ثانيه..
سلطان وهو يطالعهم:هههههههههههههههههههه عليكم حركات..
نايف:كنا بالمتوسط مراهقين وربي الكعبه كانت افكارنا غبيه..
سلطان:أي والله ولا انا ومشاري مواقفنا كانت هبللللله..
فيصل:اذكرلنا واحد منها خلينا نضحك شوي..
مشاري التفت لهم:سلطان لاتطلع الفضايح ههههه
سلطان:لابطلعها خلنا نستانس شوي وحنا نتذكر لمن كنا بالمتوسط..ههه
مشاري طالع التلفزيون:وقسم بالله عااصي ذي تجنن حلووه بنت الإيه قـمـر ولاعيونها تذببببببح..
نايف طالع التلفزيون:أي والله تجنن...
فيصل:يلا سلطان اذكر لنا موقف من مواقفك انت ومشاري لأن مشاري قاعد يصررف الحين..
نايف+مشاري:ههههههههههههههه..
سلطان:والله مواقف كثير بس بذكر لكم موقف مستحيل انساهـ
نايف تحمس:يلا قول...
سلطان وهو يتذكر:رحنا مطعم وطبعآآ ع السيكل<دراجه>لأن وقتها كنا بالمتوسط وماعندنا سيارات مانعرف نسوق المهم وفي المطعم ذا كان في بنت حلوه مره وباين عليها بالابتدائي او المتوسط يعني صغيره مثلنا وحلوه مره وشعرها لحد ظهرها وشياكه..وانا ومشاري عاد خقينا ومسويين نفسنا كبار رحنا نجري وراها والبنت خايفه راحت اشتكت ابوها علينا جا ابوها وكان ضخم وهزءنا تهزيء بعدها طلعنا من المطعم كله وحنا متفشلين ومن بعد ذاك اليوم ماعاد تحرشنا في احد..
العيال ماتو ضحك...
نايف:تستااهلون وربي ههههههههه..
مشعل وقف البلايستيشن ستوب وألتفت لهم هو ونواف..
ونواف قال:اجل لاتلومونا اذا انحرفنا لأن انتم لمن كنتم بعمرنا كنتم تسون بلاوي ومصايب..
مشعل:أي والله..
محمد:حسبي الله عليكم يامشاري وسلطان بتخلون مشعل ونواف ينحرفون الحين...
العيال كلهم:هههههههههههههههههههههههههه...
"عــــــنــــــد الــــــرجـــــــآآآل..نفس الوقت"..
ابومشاري:وش رايكم نطلع للمزرعه الخميس الجاي؟
الرجال بأصوات متفرقه:موافقين..
ابوفيصل:ومنها نخلي العيال ينبسطون..
ابومحمد:أي والله حرام ينتظرون الاجازه والحين وقت الاجازه ولازم نطلعم وحنا بعد نغير جو الشركه والشغل شوي..
ابونايف:يعني بناخذ اجازه من الشركه يومين..
ابوسلطان:اسبوع بنروح للمزرعه..
ابومحمد:اجل ناخذ اجازه من الشركه اسبوع<<<اساسآآ الشركه حقهم"ملكهم"من بعد وفاة ابوهم الله يرحمه يعني أي وقت يبون ياخذون منها اجازه يقدرو يوقفون الشغل وبعدين يكملوه متى مارجعو..
ابوسلطان:اجل خلاص بكرا انا بروح للشركه وبتفاهم مع يوسف<مدير اعماله>انو يدير الشغل ويمسك الشركه الين مانرجع..
كلهم مع بعض:موافقين...
ابومحمد وقف وتنهد:اجل يله بروح ابشر العيال..
ابونايف مسك جواله:اقعد وانا اخو كانا بدق على نايف وبخليه يقولهم...
قعد ابومحمد وابونايف دق على ولده:نايف بسرعه تعاال..
"بغرفة ناايف"..
أول مارد ع الجوال حتى مااقدر يتكلم على طول ابوه قال:نايف بسرعه تعاال...
وقفل الخط في وجهه..نايف يطالع الشاشه:الله يستر بس..
العيال ناظروه:ليه وش فيه؟
نايف:مدري هذا ابوي يقول نايف بسرعه تعاال..
محمد:طيب روح شوف وش يبي..
نزل نايف من الغرفه وراح لمجلس الرجال الي فيه ابوه وعماامه..
وقال:ســـــم يبى..
ابونايف:روح قول للحريم والي داخل كلهم ان يوم الخميس بكرا بنروح لمزرعة جدك<<الله يرحمه>>...
ناايف مو مصدق فرحاااان:صدق يبى..
ابونايف بابتسامه ويهز راسه بالايجاب:أي صدق يايبى..
نايف بعد ماتأكد انهم جد بيروحون بكرا لمزرعة جدهم الله يرحمه رااح يجري برا الغرفه وطلع لغرفته ومسك مقبض الباب وابتسم في وجههم..
الشباب كلهم طالعوه وعلى روسهم ألف علامة استفهاام..
نايف:بـــــــكــــــــراااااا بــــــنــــــــرووح "العيال طالعوه ينتظرو الاجابه"الـــــــــــمـــــــــــــزررعـــــــــــ ــــــهـ..
العيال بصرااااااخ:كذااااااااااااااااااااب<<<من الوناسه..
نايف:والله.."سلطان ومشاري حضنو بعض"...
فيصل وقف:بروح ابشرر البنات..
نايف:لاء انا بقولهم"وطلع برا الغرفه وراح لغرفة جود اخته يدري ان كل البنات بغرفتهاا..اما الحريم بالصاله تحت"...
ودق الباب..
"بغرفة جود"..
سمعوو صرااخ الاولاد لأن غرفة نايف ماتبعد مره عن غرفة جود...
ملاك:سلامات وش فيهم يصارخون؟
مرام:اكييييييد مسويين مقلب في واحد منهم..
مها:لاء اخاف في شي صااير..
طق طق طق..
جود وقفت:اكييييييد ناايفووهـ النشبه"وفتحت الباب"..
ووقفت عند الباب لأن البنات يتغطون عن نايف وباقي الشباب..
نايف سمعها:انا نشبه ها؟
جود:ايوه نشبه وبقووه بعد..
البنات من داخل الغرفه يضحكون..
نايف انقهر:هين ياجويده اوريكي..
جود فتحت عيونها:وش جويده؟دلعي جوجو لو سمحت..وبعدين وش تبي؟
نايف:انا كنت جاي بقولكم خبر يفرحكم لكن هونت"وجا بيروح"..
جود الفضوول عندها اشتغل:خلاص خلاص والله اسفه نايف الله يسعدك قول لي..
نايف رجع ووقف قدامها:مصلحجيه وحده..
جود:اخلللللللللص وش فييييييييه؟
نايف:بكرا بنروح لمزرعة جدي"الله يرحمه"قولي للبنات وقوليلي بعدين ردة فعلهم اووك<<<<اكيد بتستغربون ليش هالقد فرحانين بروحة المزرعه لأنهم من أول يوم اجازه وهم يقولون لأهلهم يبون يروحون للمزرعه وماوافقوو الا بعد عنآآآآآآآآآآء..
جود تغمزله^-*:البناات ولا ملااك؟
نايف خق:كلهم..
جود:هههههههههه حركتاااااات..."طنشها نايف ونزل للصاله الي تحت"..
وقالهم واستاانسوو الحريم مرهـ..
"بغرفة جود"
لينا:كذاااااااااااابه..
جود:والله..
ملااك:وناااااااااااااسه..
جود:أي والله..
ساره تهمس لمرام:شكل اخوك عبدالله موب رايح معانا بكرا
مرام:ليه؟
ساره بنفس الهمس:شوفيه اليوم ماجا هناا معانا يدشر بالشوارع بكرا لو اكيد ماراح يروح..بيكون عند اصحاابه..
مرام:كييفه المهم حنا نروح ونستاانس ومحمد اكييد بيروح..
ريناد كانت جنبهم وبس سمعت اسم محمد فزت وطالعتهم وقعدت تسمعهم باهتماام<<<الحب ومايسوي هع هع ..
ساره مالاحظت حركة ريناد:مين قال محمد بيروح؟
مرام:اكييد"وطالعت ريناد الي تطالعهم هي واختها"رنود وش فيك كذا تطالعينا؟
ساره توها تلاحظها:اهاا من جبنا طاري حموود جات نطت هناا
ساره+مرام:ههههههههههههه
ريناد تصرف:وجع مالت عليكم شفتكم تسولفون قلت اجي اشارككم ..
مرام:عليييييييناا ..
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك