بداية

رواية ياروح الروح حبك فرضته -10

رواية ياروح الروح حبك فرضته - غرام

رواية ياروح الروح حبك فرضته -10

راشد :منو فيهم
شيخه:عادل
راشد:عادل ولد حلال وخاف الله...بس ليش تسألين
شيخه:حصه تبي تخطب دلال حق عادل
نقز زيد:منومنو
شيخه:عادل يبي يخطب دلال
زيد:لا يما من صجج دلول ياهل خطبوله مريم
شيخه:تتطنز حضرتك ...يعني دلال ومريوم موبعمر واحد
زيد:اي صح نسيت انهم توأم...انزين مافيها شي خطبيله مريم
شيخه:لا مريوم خاطبينها ناس اليوم
زيد:لا يما عادل مايخذ دلول
شيخه:وانت اشعليك
زيد:يما قتلج ماياخذها عدول موكفو
راشد:انت اتعرف شي عن الولد وحنا مانعرفه
زيد:لا يبا بس ...عدول مايصلح حق دلال
شيخه:يصلح مايصلح ..هذا شي مايخصك باجر بكلم عاليه بالموضوع
زيد:يما لاتكلمينها
شيخه :اي ليش عاد
زيد:لاتكلمينها وبس ....زيد طلع من البيت وركب سيارته
وقام يحوس الشارع
زيد:انا لازم اخطبها قبل عدول ...دلول محد ياخذها غيري
...بس لازم اعرف رايها....امممممممم


بشقة طلال
كانو توهم خالصين عشا رن تليفون طلال
طلال:هلا زيد
زيد :عمي طلبتك
طلال:اناس اتسلم بالاول وبعدين تطلب الي تبيه
زيد:عمي عفيه طلبتك
طلال:زيود شفيك
زيد:ابي رقم لجين
طلال منصدم:رقم لجين ليش
زيد:ابيها بموضوع مهم
طلال:لجين عندي قولي شتبي فيها وانا اقولها
زيد مستغرب:شتسوي عندك...عيل وين ريلها
طلال:ريلها بعد عندي ...خلص شتبي فيها
زيد:عمي ابي اكلمها
طلال:نعم نعم شنو تبي...زيود قول اشعندك البنت قاعده عند ريلها
لجين كانت خايفه انه زيد عرف شي عن الموضوع ...من الخرعه امسكت زند عبدالله وكانت تضغط عليها حيل
زيد:عمي عفيه والله الموضوع مايتحمل تأجيل عفيه عمي بس اشوي
طلال: زيود صاير شي
زيد:عمي اذا قصدك ليث ...لاتخاف الموضوع مايخصه الموضوع يخصني انا
طلال:انت ماتفهم اقولك قاعده مع ريلها بعدين انت شايف اساعه جم الحين
زيد: ماعليه الموضوع مايتحمل التأجيل الي باجرعمي اهما يمك ولا بعاد عنك
طلال:لا يمي
زيد:اذا يمك استأذن من ريلها بس سؤال واحد
طلال:خلاص لاتحن...ويلتفت على عبدالله...هذا زيد ولد اخوي راشد يبي يكلم لجون بموضوع مهم ممكن
عبدالله بنفسيه:اي ماعليه
لجين برتباك:الوو ...هلا زيد
زيد:انا آسف على الازعاج بس الموضوع مايتحمل التأجيل
لجين:لا عادي ...تفضل
زيد:لجين انا ابي اخطب دلال وابيج اتجسين نبضها اذا ماعندها مانع علشان اكلم امي الحين
تبدل الخوف الي بويه لجين وابتسمت ابتسامه عريضه:زيد توكل على الله
زيد:لجين انتي متأكده
لجين:اي متأكده
زيد:مشكوره وماقصرتي وآسف على الازعاج ...مع السلامه
لجين:الله يسلمك
طلال حس انه عبدالله تضايق وايد وانه اضطر يخلي لجين اتكلم زيد
طلال:شيبي زيد
لجين اتطالع دلال:دلول اقول
دلال:اي قولي كلنا بنعرف
لجين:زيد يبي يخطب دلول وقالي اشوفيه اذا موافقه عشان يكلم امه الحين
دلال:حلفي
طلال:دلول ويهد شنو ماصدقتي
دلال انحرجت وسكتت شوي وبعدها:لجين شنو قلتيله
لجين:قتله توكل على الله
دلال:هياااااااااااااااااا
الكل:هههههههههههههههههههههههههههههه
طلال:دلول من صجج
دلال:طلال عادي هذي سنت الحيات
لجين:ههههههههههههههههه انزين ماتبين عبدالله توج اتقوليله اخذني
دلال:لالالا عبدالله اخذ مريوم
طلال:وزيود هالتعبان مايعرف يقولي ...والله لعلمه شغل الله
خذا التلفون ودق على زيد
زيد:هلا عمي وتاج راسي ...آمر تدلل
طلال:زيود يالتعبان ماتعرف تقولي داق نص اليل الا تكلم البنت والله لو واحد غير عبدالله جان ذبحها
زيد: عمي يعني عبدالله تضايق
طلال:شرايك داق هل وقت ولا اتكلم مرته مافكرت شبيقول عنها
زيد:عمي لاتلومني لمن امي قالتلي بتخطب دلال حق عدول ولد خالتي ينيت
طلال:والله طلعت داهيا ...وبعدين
خل يخطبها انت شحارك ..خل البنت تختار منو الي يناسبها...هذا زواج مو لعب
زيد:عمي دلال عندك
طلال:اي عندي ليش
زيد:عمي ميخالف اي الحين
طلال:زيدو تراك مصختها ليش بتي هل حزه
زيد:لا عمي بس حبيت اعتذر من عبدالله اهوا معرس ومايصير انكر خاطره
طلال:لاوالله احلف تبي تي تعتذر من عبدالله ولا تشوف دلول
الكل:ههههههههههه
زيد:عمي مافيها شي اذا شفتها ولا كلمتها دلول بنت عمتي ونشالله بتصير مرتي
طلال بنبره حاده:زيود ماعندنا بنات يكلمون ريايلهم قبل الزواج .....واذا تبي تعتذرمن عبدالله كلمه واعتذر منه
زيد:خلاص عطني اكلمه
طلال:اوكي... تفضل عبدالله كلم زيد
عبدالله:الووو..هلا زيد
زيد:هلا بمعرسنا...عبدالله سامحني يااخوي على اللي صار وترى ماكان قصدي اني اضايقك ولا تاخذ على خاطرك مني
عبدالله:لا ولا يهمك بس لاتعيدها مره ثانيه هالمره بطوفها لك علشان طلال
زيد:انشالله ومايصير خاطرك الاطيب ...يالله مع السلامه
عبدالله:حياك
لجين :عن اذنكم بروح انام
لجين ادخلت الغرفه وقطت روحها على الفراش كانت تبجي وقامته صوتها بالمخده شوي ودخل عبدالله
عبدالله:شفيج بعد
لجين ارفعن نفسها شوي وكانت تبجي وتشاهق:سمعت طلال شنو قال....قال ماعندنا بنات اتكلم ريايلهم قبل الزواج ..وتشاهق وانا انا حملت من ريلي قبل الزواج ....وتبجي
عبدالله اول مره قلبه يعورا عيلها وحب يضحكها:لجين عادي يعني انا وياج نفس الاجانب يجهزون الياهل مع اثاث البيت
لجين:انجهزه بالحرام...عبدالله والله حرام انا تعبت ماني قادره اتحمل اكثر من جذي كل ماأتذكر انه البطني ولد زنا نفسيتي تتعب اكثر
عبدالله يتنهد:لجين خلاص انسي و...حب يغير الموضوع...شفتي شنو سويتي بزندي
لجين ارفعت راسها ومسحت ادموعها:شنو
عبدالله:شوفي مكان اظافر من كثر ماضغطي اظافرج دشت داخل
لجين بحزن:انا آسفه ماكان قصدي بس كنت خايفه وايد وماحسيت بشي
عبدالله :من شنو كنتي خايفه
لجين:توقعت عرف شي عن موضوعنا
عبدالله:وشلون بعرف
لجين:انت ناسي انه حمد كان مصورنا...وقال بيعطي الشريط حق الي يدفع اكثر
عبدالله:لاتخافين الشريط عندي
لجين:متى وشلون
نهاية البارت

البارت 23


لجين:انت ناسي انه حمد كان مصورنا...وقال بيعطي الشريط حق الي يدفع اكثر
عبدالله:لاتخافين الشريط عندي
لجين:متى وشلون

عبدالله:لجين....مومهم شلون المهم انه صار عندي
لجين:جم دفعتله
عبدالله:ولا فلس
لجين:عيل اشلون صار عندك....عبدالله ابي اعرف السالفه لاتخليني على اعصابي
عبدالله يتنهد:تذكرين لمن كنتي بالمستشفى ودخل علينا ولد عمج وقال انه حمد مات...بحادث ومعاه واحد اسمه جاسم
لجين:اي
عبدالله:الله يسلمج جاسم هذا اهوا الي يابني الشقه ....وضاهر بعد ماتهاوشت مع حمد ..اطلعو مع بعض ...ونفس اليوم صار الحادث....والحادث كان بسيارت جاسم...انا اول ماسمعت الخبر رحت دورت بسياره ..بس ماحصلت شي....قلت يمكن احترق الان السياره كانت متفحمه....بس مادري ليش ياني حساس انه الشريط يمكن يكون بشقه...ويسكت اشويه
لجين:وبعدين
عبدالله:رحت الشقه ولقيت الباب امبطل دخلت الغرفه...وقعت ادور لين لقيت الكاميرا والشريط كان موجود داخلها خذيته وطلعت ...بس وانا طالع خذيت شي ثاني معاي
لجين:شنو
عبدالله:الشرشف الي كان تحتنا ....كان عليه دم....اول ماعيني طاحت عليه ...خذيته على طول بدون تفكير
لجين:عبدالله (وعيونها ملينا دموع)
عبدالله:نعم
لجين:مشكور وماتقصر
عبدالله:على شنو
لجين:على كل شي ....وهيا تبجي...لو الي سوا فيني جذي كان واحد غيرك.. شنو راح يكون مصيري
عبدالله:لجين هذي غلطتي وانا لازم اتحمل...وانتي مالج ذنب بالي صار...انتي ضحيت حمد
لجين من غير ماتحس قطت روحها بحظ عبدالله وقامت تبجي وتشاهق ...:عبدالله انا تعبانا وتشاهق والله العظيم تعبانه
عبدالله اول مره ينكسر قلبه ....اول مره يشوفها مكسوره جذي.... اول مره يحس انها محتاجه ظهر تستند عليه بوقت الشده...عبدالله لمن شافها جذي رفعها شوي ولمها حيل ...كان احساس غريب بنسبه له... احساس بتأنيب ضمير ...اساس بظلم
عبدالله:سلامتج من التعب....لجين بس عاد لاتبجين الحين يسمعونه الي بره
بس لجين ماقدرت تسكت ظلت تبجي على صدره لين نامت ..
عبدالله :لجين...لجين ...
(رفع شعرها الي كان مغطي ويها وشافها نايمه ...حطها على الفراش وغطاها ...وبعدها عبدالله انسدح بالفراش بس كان نايم على الحافه وكل اشوي يشوف ويها الي صار احمر من البجي)
عبدالله:ياربي لي متى جذي كل يوم بجي...بس والله حرام هم الي صارلها موشويه...الله يعينها وعيني معاها


ثاني يوم الصبح في بيت راشد
شيخه:صباح الخير
زيد:صباح النور ياأحلى واغلى ام بدنيا
شيخه:زيود شمقعدك هل حزه اليوم عطله
زيد:والله يالغاليه ليلحين مونايم ...انطرج تقعدين من النوم
شيخه:زيود من صجك جان نمت واذا قعت قتلي الي تبيه
زيد:لايمه ماقدرت
شيخه:اممممممم...انزين يمه قول شعندك
زيد:يمه من غير مقدمات ...زوجوني دلال
شيخه:هههههههههههههههههه جذي مره وحده...وانا اقول اشفيك امس اعتفست اثاريك تبيها لك...والله منت هين طالع على ابوك
راشد وهوه نازل من السلم:وشفي ابوه
شيخه:هههههههههه ابوه يازين ابوه مافي مثله....بس سوالف زيود اتذكرني فيك
راشد:ليش اشفيه
شيخه:يبي يتزوج
راشد:زين زين والله هذي الساعه المبارك
شيخه:ولا يبي وحده معين يعني بوفر علي الفراره بالبيوت
راشد: والله منت هين ...الا من بنتا
زيد:ابي دلال بنت عمتي عاليه
راشد:ههههههههههه الحين عرف ليش تضايقت امس....اي بس خالتك مكلمه امك يبونها حق عادل
زيد:لايبا انا اولا فيها من الغريب....دلال لي وبعدين الله ماكثر البنات الي ببيوت اهاليهم...يعني حبكت الا اهيا
راشد يلتفت على شيخه: خلاص كلمي عاليه اليوم وشوفي رايهم بالموضوع
شيخه:انشالله


بشقة طلال
عبدالله قعد من النوم على صوت التليفون
عبدالله:الووو
د.عمار:الووو ...عبيد ليكون نايم ليلحين
عبدالله:اي نايم ...اشعندك
عمار: شنو شعندي نسيت اليوم عندنا اجتماع مهم يالله قوم...
عبدالله:اوووووووووه..والله نسيت يالله كاني قمت
عمار:يالله بسعره لاطول...مابقى شي على موعد الاجتماع
عبدالله:متى الاجتماع
عمار:بعد ساعه...يالله يمديك..لازم انكون موجودين قبل مايبدي الاجتماع
عبدالله:خلاص نص ساعه وانشالله اكون بالمستشفى
عمار:يالله مع السلامه
عبدالله:حياك
عبدالله لف ويها ومالقى لجين نايمه:هذي وين راحت ... امممم ...خل اقوم ابدل وايد احسن
قام عبدالله غسل وبدل ملابسه وهوا يتعطر لجين ادخلت الغرفه عبدالله لف عليها وشاف ويها الي كان متفوخ من البجي
لجين:صباح الخير
عبدالله:صباح النور ...من متى قاعده
لجين:قمت حق صلات الصبح وبعدها ماقدرت انام
عبدالله:اممممم..
لجين:بتطلع
عبدالله:اي الدوام داقين علي ولازم اروح
لجين:اذا جذي خل اروح اسويلك اريوق
عبدالله:لامابي ...آكل بدوام
لجين:لاعبدالله مايصير تطلع من البيت ومعدتك خاليه
عبدالله:لاعادي لاتعبين نفسج
لجين:لاتعب ولاشي دقايق ويكون الاكل زاهب
اطلعت لجين من الغرفه وراحت المطبخ اتزهب الريوق....لجين سوت امليت ومقصصه خيار وطماط وحاطه مرتدلا وجبن شرايج وجبن فرنسي ... عبدالله خلص لبس ولحقها على المطبخ
عبدالله:ماشالله متى مداج سويتي كل هذا
لجين :مومسويه شي كل شي زاهب بس الامليت الي سويته والخيار وطماط قصصتهم....عبدالله تبي شاي مع حليب ولا حليب خالي
عبدالله:لا الاثنين
لجين صبتله وعطته:تفضل
عبدالله :تدرين اول مره آكل قبل ماأطلع من البيت
لجين:ليش انت ماتتريق
عبدالله:لا آكل بدوام بس هذي اول مره آكل بالبيت
لجين:اتهد اكل البيت وتاكل من اكل المستشفى...الله يزيد انعمه
عبدالله:هههههه امي كل يوم اتسمعني هل كلام وماكو فايده
لجين:دام جذي من يوم ورايح ماكو طلعه من البيت الا وانت ماكل ...قبل غير والحين غير
عبدالله:وليش غير
لجين:لانك تزوجت ...وسكتت
عبدالله يبتسم:لجين ممكن طلب
لجين:انت تامر ماتطلب
عبدالله استانس وايد اول مره يسمع هل كلام حتى روان عمرها ماقالتله جذي:ممكن ماتبجين مره ثانيه ترى والله لاعت جبدي وانا اشوفج تبجين
لجين:ماأوعدك بس احاول ...عبدالله والله مو بيدي
عبدالله:انا عارف بس البجي ماراح يفيدج بشي بالعكس يتعبج اكثر وضرج
لجين:انشالله ...وقامت اطلعت بره المطبخ وبعدها بشوي ادخلت مره ثانيه ...خذت فوطه صغيره وبللتها ماي وردت اطلعت ...عبدالله خلص اكله وطلع من المطبخ شاف لجين واقفه عند الباب وماسكه شي اتنظفه.. ولمن قرب اكثر شافها ماسكه (تكرمون )جوتيه وتنظفه
عبدالله مستغرب من تصرفها:لجين انتي شتسوين
لجين:انظف جوتيك كان عليه اشوية اغبار
عبدالله سحب الجوتي مها وقطه على الارض:لجين لاتعيدينها مره ثانيه
لجين:عبدالله مافيها شي جوتيك كان وصخ
ونظفته..مايصير اتروح الدوام وجوتيك وصخ
عبدالله:لا مو انتي الي تنظفين جوتيي ..هذي شغلت الخدم ...انتي زوجتي ..وانا ماأرضاها لج
لجين:عبدالله عادي شفيك
عبدالله:لامو عادي انت لج الحشيمه والكرامه ..لجين ماأشوفج اتعيدينها مره ثانيه
لجين:انشالله
عبدالله قرب منها وباس راسها على طول طلع حتى ماقال مع السلامه...لجين ضلت واقفه مكانها فتره وماتحركت كانت حاسه بحراره موطبيعيه بجسمها كله
بسياره
عبدالله:معقوله لجين طيبه وعلى نياتها لي هدرجه ..ولا اهيه تتعمد اتسوي جذي عشان احبها وماأطلقها...بس ماكو بالقلب غيرج ياروان معنج ماتستاهلين

بيت عاليه
عاليه:شيوخ تعالي اخذيها بعباتها مثل مايقولون ...وين بنحصل واحد احسن من زيد...كافي انج امه واخوي راشد ابوه
شيخه:يابعد عمري ياعاليه..بس لازم تاخذين راي البنت وابوها
عاليه:خلاص الباجر الخبر عندج
شيخه:ههههههه عطيها وقت اتفكر بعدين ردي علي
عاليه:اذا غيرب نعطيها مهله جم يوم بس هذا ولدنا ..ماراح اتحصل احسن منه
شيخه:خلاص على راحتج ..يالله مع السلامه
عاليه:الله يسلمج
الظهر بشقة طلال
البنات كانو بغرفت لجين يسولفون عن زيد
دلال:اتهقون كلموا مي
مريم:دلول ليش اتحسسيني انج طايحه بجبد نفسج ..جنج ماصدقتي
دلال:لا موطايحه بجبد نفسي بس مومصدقه اني باخذ زيد
لجين:الله يتمم على خير انشالله
مريم:واي دلول والله بفقدج بالبيت
دلال:انتي بعد اخذي بو لوعه علشان تلهين معاه
مريم:دلول لاتبطين جبدي
لجين:مريم اشفيج اختج ماقالت شي
مريم:لا قالت..انتو ليش مو راضين تفهمون ...انا ماابلعه ماأشتهيه ..اتلوع جبدي منه
دلال بعصبيه:مريم موعقوله مني ودرب لازم في سبب
مريم:اي في بس مولازم اتعرفون
لجين:مريوم حبيبتي لاتزعلين روحج ..الموضوع مايسوى
مريم:........
دلال:اف ابي اعرف اشصار
لجين:ههههههههه دلول ليش مافيج صبر
دلال:لاتلوموني ..احبه والله احبه
وينطق الباب
لجين:هذا اكيد طلال ...تفضل
عبدالله:سلام
البنات :وعليكم السلام
مريم ودلال:لجون احنه نستأذن وطلعو
لجين قامت بتطلع وراهم
عبدالله:وين بتروحين
لجين:بطلع عشان تاخذ راحتك
عبدالله:لاقعدي شوي وبعدها طلعي
لجين:ليش
عبدالله:يعني مومعقوله ريلج توه راد من الدوام وانتي بتخلينه وتطلعين اكيد بحسون بشي
لجين:امممممم ...لا اقولهم انك يوعان وبحط الغدا
عبدالله:صج شنوا لغدا ...مادري ليش يوعان حدي معني كليت عدل الصبح
لجين:غدانا مطبق زبيدي
عبدالله:منو الي طابخ
لجين:انا
عبدالله:لاصج... منو الي طابخ
لجيين:اي والله صج انا الي صابخه
عبدالله :يعني انتي ماسكه السمجه ومنظفتها وطبختها
لجين:لا طلال ايب السمج يكون امنظف وخالص انا بس اطبخ
عبدالله:اممممممم والله مرتي طلعت طباخه وانا مادري
لجين:لامو طباخه بس اطقطق
عبدالله:والله لاامي ولاخواتي يدلون المطبخ الله يعافي الطباخ....الي كل شي يسوي لنا
لجين:اي لاحضت هشي بس انااحب اطبخ
عبدالله:لازم اتذوقينهم طباخج
لجين تبتسم:انشالله...الحين اقدر اطلع
عبدالله:اي
بعدالغدا
عبدالله:لجين تسلم ايدج صراحه المطبق عجيب
لجين:بالعافيه
طلال:ولا اذا كان السمج طازج يطلع شي ثاني
عبدالله:هذا صيد اليوم
طلال:اي الله يسلمك لجون مادري شفيها اليوم الا تبي زبيدي
عبدالله يطالعها ويبتسم:ليش ماقلتيلي الصبح انج مشتهيه زبيدي
لجين انحرجت:لا بس شفتك مسعيل وماحبيت اعطلك
عبدالله :لا مره ثانيه عطليني عادي
طلال:دلول امج مادقت عليج
دلال:لا ليش
طلال:لابس ابي اعرف شصار زيود قال حق امه ولا لاء
دلال:علمي علمك...طلال دق على امي واسحب منها حجي
طلال:وانتي شفيج مو مصدقه ولا شنو...ثقلي شوي حلات البنت بثقلها
دلال:انشالله خالي
طلال:شوفي لجون اش زينها ...ماسوت ربع الي سويتيه انتي
دلال:واي طلال اشفيك علي..انا غير ولجون غير
طلال:يليتج تتعلمين منها
مريم:دلال بتسوين عرس
دلال:والله مادري
لجين:دلول نصيحه سوي عرس وناسه...هذي ليله بالعمر لاتفطوفينها ..باجر تتحسفين ليش مالبستي نفنوف الابيض
طلال:دام جذي ..انتي ليش ماسويتي عرس
لجين:انا وضعي غير
طلال:اشلون وضعج غير مافهمت...انتي شنو ناقصج..الي ناتسوين عرس
لجين اتطالع عبدالله وكل الحزن بعيونها:طلال كل وحده تتمنى امها وابوها يكونون معاها بهل يوم وانا لا ام ولا ابو ..فليش اسوي عرس ...ناقصه عوار قلب
طلال:افا بس يالجون وانا وعمامج وين رحنا
لجين:انتو الخير والبركه ومالي غنات عنكم بس الام والابو غير
دلال:طلال عندك اسيديات او اشرطه حق الجسمي هني
طلال:اي عندج هناك دوري بين الاغراض
دلال قامت اتدور بكبت اصغير :واي طلال اشكثر اشرطا وسيديات
طلال:اي هذيل من زمان عندي ماحب اقطهم
دلال طلعت شريط شكله قديم:شنو هذا
طلال مانتبه على الشريط بس لجين من شافت الشريط قامت اتأشر حق دلال (لاتحطينه)
دلال:لجون بحطه مالي شغل فيج
اول ماشتغل الشريط
فاطمه:طلال بس عاد
طلال:ههههههههه والله بسجل كلامج علشان لي تزوجنا وصار عندنا عيال اسمع عيالي الشريط...ابيهم يعرفون اشكثر احبج


طلال من سمع الصوت تيبس بمكانه
ولجين اتصرخ على دلال:ارتحتي الحين
دلال:طلال والله آسفه والله ماكان قصدي
طلال :عن اذنكم قام وخذا الشريط
نهاية البارت

البارت 24


طلال من سمع الصوت تيبس بمكانه
ولجين اتصرخ على دلال:ارتحتي الحين
دلال:طلال والله آسفه والله ماكان قصدي
طلال :عن اذنكم قام وخذا الشريط



لجين:دلول والله اذا طلال رد مثل قبل الساني مايطيح على السانج وقامت وراه
طلال دخل الغرفه وصك الباب وراه ....لجين طقت الباب ودخلت من غير مايقولها تفضلي....طلال كان مثل المخنوق يبي يبجي بس مو قادر كان قاعد على حافت السرير وحاط ايده على راسه ... لجين راحت اقعدت على الارض عد ريله
لجين:طلال اشفيك
طلال يتنهد:لجون خليني بروحي شوي
لجين:اشلون اخليك وانت جذي
طلال:لجون مافيني شي بس ابي اقعد بروحي اشوي
لجين:عمي والله ماقدر اخليك ...وانت بهل حاله
طلال:.....
لجين:عمي انت ليلحين مانسين...الي صار
طلال:انسى ....في احد يقدر ينسى روحه... وياخذ نفس عميق....لجين خليني بروحي
لجين ماحبت اتضايقه اكثر وطلعت من الغرفه وراحت الصاله ودموها كانت على خدها
لجين:دلول حرام عليج ...انتي ذبحتيه
دلال كانت تبجي:لجون والله مادري...ماتوقعت انه الشريط ليلحين موجود
لجين:يعني ماشفتيني أاشرلج ....يعني لاتحطين الشريط ...انا كنت خاشته عنه وانتي طلعتيه
دلال:اشلونه الحين
لجين:اقولج انتي ذبحتيه تسأليني شلونه
عبدالله:لجين خلاص البنت اتقولج ماكان قصدها ليش معصبه عليها
لجين ماقدرت تمسك روحها اكثر وقامت تبجي حتى البنات بجو معاها
عبدالله:يابنات مايصير جذي ....الحين طلال يسمعكم ويتضايق اكثر
البنات هدو شوي الانهم خافو يسمعهم طلال ....ويصير فيه شي
عبدالله:لجين منو هذي وليش طلال اعتفس جذي
لجين بحزن:هذي فاطمه بنت جيران عمي راشد ....كانو يحبون بعض من وهما صغار وتبجي
عبدالله:خانته ولاتزوجت غيره <<<<متأثر من الي صارله
لجين:لا قبل 5 سنوات خطبها طلال وحددو يوم العرس والكل كان مستانس الانهم بيتزوجن الكل كان يعرف عن علاقتهم ....بس قبل العرس بسبوعين ...فاطمه كانت رايحه تاخذ بدلت العرس مع بنت خالتها وهما رادين ...لحقوهم شباب ...وكانو يلفون عليهم ويسون حركات ...بنت خالتها الي كانت اتسوق و ماقدرت تتحكم بسياره ...
بسبت السرعه ....وبعدها سوت حادث ...طلال كان بالبيت رن تليفونه وكان رقم فاطمه بس الي متصل كان واحد يبلغ طلال بالحادث ومكانه ...طلال ماصدق الي سمعه وعلى طول طلع من البيت ...المكان كان قريب من البيت ....
....ومن قرادت حضه ...لمن وصل مكان الحادث فاطمه كانت على الارض اتنازع ومن حط راسها بحضنه ماتت ...
وتكمل
طلال يومتها خسر كل شي ....حتى الكلام ماقام يتكلم وضل فتره طويله على هل حال بعدها قرر يكمل دراسته علشان ينسى واليوم دلول ذكرته بكل شي...طلال وايد تعب وايد
طلال..مو بس خسر امه وابوه طلال خسر حبه الوحيد وهذا كان اصعب شي عليه ...الانه يدي ويدتي ماتو وهوا صغير وايد
عبدالله يتنهد:الله يرحمها والله ماألومه اصعب شي على الواحد انه يفقد حبه بلحظه ...ونزل راسه(آآآآخ ياروان والله حرام انا خسرتج بلحظه)
لجين:عبدالله انا ماقدر ارد البيت لازم اتطمن على طلال وبعدها اقدر ارد ...وانت اذا بترد رد ماعليك مني
عبدالله :لا انرد مع بعض
طلال ظل بالغرفه وماطلع منها كلش...لي ثاني يوم لمن طلع من الغرفه لجين والبنات كانو نايمين بصاله كل وحده نايمه على قنفه
طلال يطالعهم اشلون نايمين ولام نفسه الانهم تضايقو عشانه واقرب وحده كانت عنده اهيا مريم
طلال:مرومتي ليش نايمين هني
مريم قامت من النوم و تفرك عينها:كنا ناطرينك تطلع من الغرفه....اشلونك الحين
طلال:الحمدالله على كل حال
لجين ودلال قامو من النوم على صوت طلال ومريم
دلال:طلال ...وراحت لمته ...انا آسفه والله ماكنت ادري
طلال :حصل خير
لجين:طلال اشلونك الحين
طلال:الحمدالله ...وين ريلج
لجين:نايم بغرفتي
طلال:ليش مخليته ونايمه بصاله
لجين:كنت انطرك تقعد
طلال:لالجون لاتخلين ريلج ينام بروحه ...موزين
لجين:ليش
دلال تبي اتلطف الجو:يمكن ايونله اشباح
الكل :هههههههههههههههه
لجين:ماقتلي ليش مو زين
طلال يهمس بأذنها:يمكن احتاج شي وانتي موعنده اشلون يتصرف
لجين:@@
طلال:ههههههههههههههههههههههههه ...لاتخلينه بروحه مره ثانيه
لجين:عميييي
طلال:هههههههههههههههههههههه
البنات لمن شافو طلال يسولف ويضحك ارتاحو وايد ...كانو خايفين يصير فيه مثل قبل
عبدالله قام على صوت ضحكهم :صباح الخير
الكل :صباح النور

يتبع ,,,,

👇👇👇
تعليقات
    حجم الخط
    +
    16
    -
    تباعد السطور
    +
    2
    -