بداية

رواية ياروح الروح حبك فرضته -9

رواية ياروح الروح حبك فرضته - غرام

رواية ياروح الروح حبك فرضته -9

عبدالله:لجين نامي بغرفتي احسن عشان تاخذين راحتج اكثر
لجين:الي تشوفه
عبدالله:وفي شي ثاني بعد
لجين:....
عبدالله :مابيج تسحبين اوراقج من الجامعه
لجين:ماقدر اكمل
عبدالله:لاتقدرين ومن يوم الاحد بتداومين سامعه
لجين :انشالله ....عبدالله ممكن اسألك سؤال
عبدالله:سألي
لجين:ليش قتلهم عن الي صار
عبدالله:ماكان جدامي الا هل حل عشان ابوي يقدر يتصرف وكمل بستهزاء ...الانه عيال عمج يتهاوشون عليج مادري على شنو
لجين نزلت راسها:الحين شبقولون عني
عبدالله:لاتخافين ماقالو شي ...بعدين ليش اتعيدين وتزيدين بالموضوع خلاص صكري السالفه ...وبعدين باجر الصبح لازم انروح الطبيب
لجين:ليش
عبدالله:لازم انشوف البيبي اشلون صحته
لجين بجت من اسمعت البيبي
عبدالله:والله لوعتي جبدي 24 ساعه بجي عفيه دموع ماخلصت والله قمت اكره اي البيت بسبتج
لجين:بيي اليوم الي تفتك مني ومن شوفتي
عبدالله:الله يسمع منج واليوم هذا يصير قريب حيل ...يالله مسحي دموعج الحين وروحي حطي اغراضج بداري
لجين:انشالله


لجين راحت تحت وشالت اغراضها من غرفت ساره بس كانت اتحس بشعور غريب وهيه واقفه عند غرفت عبدالله
كانت خايفه تدخل الغرفه
عبدالله :شفيج واقفه بره دشي داخل
لجين:انشالله...
ادخلت الغرفه وحس فيها براحه مو طبيعيه تدرون ليش
الان اثاث عبدالله نفس اثاث لجين ونفس اللون بس لون الغرفه يختلف ليجن بنفسجيه وعبدالله تركواز ابوني
لجين :عبدالله ..اثاثك نفس اثاثي
عبدالله:انزين وانا شكو تقوليلي
لجين انحرجت من عبدالله (انا الغلطانه الي اقولك شي)
بعد مرور اسبوعين
عبدالله غير وقت دوامه وخلاه بليل طول اليل بدوام وطول النهار نايم ولجين ترجع من الجامعه وتدخل الغرفه وماتطلع منها واذا طلعت منها اتكون متأكده انه عبدالله نايم او طالع بس عشان لاتشوفه
على الغدا ابيت حنان الكل كان على الطاوله الا عبدالله كل عاده نايم
عبدالرحمن:حنون وين عبدالله
حنان:نايم
عبدالرحمن:ساره روحي قعدي اخوج من النوم لي متى جذي طول اليل بره وبنهار نايم شنو ماعنده مره يسأل عنها
ساره:انشالله
لجين:عمي خله نايم اكيد تعبان من الدوام
عبدالرحمن:لايبا بسه نوم خل يقعد انتي لج حق عليه وحنه بعد لنا حق انشوفه ونقعد معاه
ساره راحت قعدت عبدالله ونزلو
عبدالرحمن:صح النوم
عبدالله :صح بدنك
عبدالرحمن:زين الي شفناك ..ماصارت طول انهار نايم
عبدالله :يبا مضغوط حدي بدوام
عبد الرحمن:العمر يخلص وشغل مايخلص ....ماتقول عندي اهل اسأل عنهم عندي مره تبي احد يجابلها
عبدالله يطالع لجين من طرف عينه وجنا موع اجبه كلام ابوه
عبدالرحمن:غير موعد الشفت مع اي احد....وبعدين لي متى كل واحد فيكم نايم بدار
عبدالله ولجين ساكتين
عبدالرحمن:لجين من باجر تصعدين فوق
لجين اطالع عبدالله بحزن:انشالله عمي
عبدالله:بيا خلها على راحتها
عبدالرحمن:لجين انتي الي طالبه من عبدالله انج اتنامين بغرف بروحج
لجين نزليت راسها:اي عمي
عبدالرحمن:بس يايبا مايصير جذي لازم اتكونون مع بعض
لجين:عمي ابي شويت وقت
عبدالرحمن:اذا جذي ماعليه اخذي الوقت الي يناسبج بس مردكم بغرفه وحده
بعد ماخلصوالغدا
طق جرس الباب
عبدالرحمن :من ياي هل وقت
حنان:نادت الخدامه
راني :نعم مدام
حنان:شوفي منو عند الباب
راني راحت وردت:مدام في واحد يبي مدام لجين
لجين:يبيني انا
عبدالله:خل اشوف منو
عبدالله طلع اشوي ودخل :لجين في ضيف عزيز على قلبج ينطرج بدوانيه
لجين:منو
عبدالله:تعالي وانتي تعرفين
لجين:عبدالله تعال معاي
الكل:ههههههههه
عبدالرحمن:ليش خايفه يعني لو واحد غريب عبدالله بقولج روحي دوانيه
لجين:مادري عمي
لجين راحت مع عبدالله واول مادخلت وشافت الضيف راحت رقض وقطت روحها على صدره وتبجي
لجين:حرام عليك اسبوعين مادق ولا تسأل
طلال:هههههه مايصير انتي عروس اشلون اكلمج
لجين لامه طلال حيل :واي عمي الحين روحي ردتلي
طلال يطلع عبدالله:عبدالله انت شمسوي فيها
عبدالله:مومسوي شي
طلال:عيل ليشت بجي جذي
لجين تبجي وطق طلال على صدره :اشلون تخليني سبوعين شلون قلبك طاوعك ماتسأل عني كل هل مده
طلال:لجون بس عاد بلا مصاخه ترى الحين اطلع ...قوليلي عبدالله شلونه معاج
لجين:الحمدالله
طلال:قولي الصج اذا مأذيج اذبحه جدامج الحين
لجين اتشوف عبدالله بحزن:لاعمي عبدالله مافي منه
طلال:اكيد
لجين:اكيدين
طلال:باجر انا عازمكم عندي...عبدالله بعد اذا ماعندك مانع باجر ابيكم اتباتون عندي بالويك اند
عبدالله يطالع ليجن:ودج تروحين
لجين:اي
عبدالله:اوكي خلاص باجر احنه عندك
طلال:خلاص اخليكم الحين وباجر من الصبح انتو عندي
لجين بفرح :طلال قول حق البنات ايون
طلال:والله ودي بس اذا ريلج شاف دلول ينحاش
لجين:لاطلال شدعوه دلول اتهبل
طلال: ياخوفج اتيننه ...يالله انا استأذن الحين ..مع السلامه
لجين وعبدالله:الله يسلمك
لجين لفت على عبدالله وهيا مستانسه:عبدالله مشكور وماقصرت
عبدالله بنفسيه:ماسويت شي
ثاني يوم الصبح
لجين زهبت اغراضها وعبدالله زهب اغراضه وراحو شقة طلال
بسياره لجين كانت منحرجه من عبدالله الانها اول مره تركب معاه بسياره
عبدالله:لجين شلون وضعنا هناك
لجين:اي وضع
عبدالله:يعني وين بنام وانتي وين بتنامين
لجين:مادري ماطرا على بالي هشي...عبدالله مابي اهلي يحسون بشي
عبدالله:اذا جذي لازم انام بغرفه وحده
لجي:اي بس
عبدالله:اذا ماتبين يحسون بشي لازم نتصرف مثل اي زوجين
لجين:يعني شلون مافهمت
عبدالله:يعني اقعد عندج ونسولف ونضحك عادي عرفتي اووو
لجين:شنو قول
عبدالله:لازم اندلع بعض جدامهم وامسك ايددج يعني من هسوالف
لجين:اتسولف وتضحك اي بس الباجي لا
عبدالله:ليكون عبالج اني ميت عليج...انا اقولج جذي عشان لايحسون بس واذا راده علي مابي اشوف رقعت ويهج


نهاية البارت

البارت 21



عبدالله:ليكون عبالج اني ميت عليج...انا اقولج جذي عشان لايحسون بس واذا راده علي مابي اشوف رقعت ويهج
ليجن بقلبها الحمدالله وشكر ماكو اسلوب احسن من جذي
عبدالله بنبره حاده :الحين شلون خلصيني
لجين:انا اهم شي عندي محد يحس بشي والي تبيه سوى واذا على النومه تنحل الي بليل
عبدالله:شلون يعني
لجين:مادري لي صار اليل تتدبر....
عبدالله :لجين..
لجين:نعم
عبدالله:انتي تتنسين
لجين :يعني شنو
عبدالله:واتي كل شي ماتعرفينه بعد حامل لازم يكون معاها نسات....يعني ماكو لوعه ماترجعين
لجين:بس لوعه
عبدالله:اممممم
لجين:ليش تسأل ؟
عبدالله:يعني لو كنتي مثل باجي الحريم الي على طول اترجعين وحالتج حاله ...جان انفضحنه ...تونا من سبوعين متزوجين مومعقوله بنقولهم انج حامل
لجين تتنهد:الحمدالله اني مو منهم
عبدالله:وبعدين موكل ماقتلج شي قلتيلي يعني شنو ....ليش ماعندج مخ ولا عيزانه تشغلين اشوي
لجين:.......
وظلو طول الطريج ساكتين لين اوصلو
اصعدوا لشقه وكانت فاضيه لجين عطت فكره حق عبدالله عن الشقه ورتا الغرف وين صايره والمطبخ
لجين:عبدالله هذي غرفتي ...بطلت الباب...تفضل
عبدالله:امممم ...نفس الاثاث
لجين: انا قتلك من قبل بس انت ...قتلي انا شكو تقوليلي
عبدالله انحرج من لجين وحب يغير الموضوع
عبدالله:لجين وين احط ملابسي
لجين:عطني الجنطه وانا ارتب ملابسك
عبدالله:لا انا احطهم
لجين:عبدالله انا موجوده وانت اترتب ملابسك لامايصير عطني الجنطه
عبدالله:تفضلي
لجين خذت الجنطه وطلعت ملابسها الي بالكبت وحطت ملابس عبدالله
لجين:عبدالله ... مابي احد يحس بشي
عبدالله بنفسيه:خلاص فهمت.... يعني لازم مليون مره اتعيدين الجمله
لجين:عبدالله ....بقولك شغله عن البنات...مريوم هاديه خجوله ..اما دلول مرحه وايد اتحب والضحكه ماتفارقها وعليها حركات عبيطه وبس قلبها ابيض وماتحب الغلط
عبدالله:اممممم
لجين:انا اخليك عشان تاخذ راحتك
عبدالله:اوكي
اطلعت لجين من الغرفه وراحت غرفت طلال لقتها اشوي معفوسه اقعدت اتعدل وترتب الغرفه بعد ماخلصت من الغرفه دشت المطبخ عشان اتسوي غدا
عبدالله دخل المطبخ وشافها حايسه بين الجدور
عبدالله:شقاعده اتسوين
لجين انقزت :عبدالله خرعتني
عبدالله:شدعوه ....يبا والله ماآكلج شفيج...قوليلي شقاعده تسوين
لجين:اطبخ
عبدالله:ادري انج قاعده تطبخين قالولج عمي ماأشوف
لجين:مسويه مجبوس دياي
عبدالله:اممممم ...الا وين طلال قالنا تعالو من الصبح وهوه موموجود
لجين:يمكن مشغول اشوي ..بس اخلص الي بأدي أدق عليه
طبعن هذا اول حوار يدور بينهم بدون نجره وطق بعد 10 تبطل باب الشقه
دلال:مريوم اشم ريحت طباخ اكيد لجون يايه
لجين :دلول انا بالمطبخ
دلال ابسرعه ادخلت المطبخ وهيا اتصارخ :واااااااااااااااااي لجون حبيبتي ...وتلمها حيييل وتبوسها...مشتاقتلج يالخايسه
لجين:والله انا بعد
مريم ادخلت المطبخ :السلام عليكم
الكل:وعليكم السلام
مريم:عروستنا الحلوه شلونها
لجين:بخيرالحمدالله انتي شلونج
مريم:الحمدالله بس مكانج مبين وايد
دلال:وي وي نسينه انسلم على معرسنا....عبدالله شلونك شخبارك
عبدالله يبتسم:الحمدالله اكيد انتي دلال
دلال:عفيه على الشاطر صح انا دلال بس شلون عرف
عبدالله:لجين وايد اتسولف عنج
دلال:فديتها والله ادري اتموت فيني ...شوف هذي لجين الغاليه هالله هالله فيها...اذا زعلتها يويلك مني ...والله اذبحك
عبدالله:لجين بعيوني
دلال:وييي اشفيها ايدك..
عبدالله يطالع لجين:كسر بسيط
دلال تلتفت على لجين:لاعبين ملاكمه انتي وياه اعترفي
لجين انحرجت ونزلت راسها
شوي ودخل طلال :السلام عليكم
الكل :وعليكم السلام
طلال:الله ريحت اطباخ...منو فيكم الي طابخه
لجين:انا عمي
طلال:ردت قالت عمي
البنات:هههههههههههههههه
طلال:ليش طابخه انتي عروس وداشه المطبخ
لجين بقلبها عروس بالاسم بس:لاعادي اذا ماأطبخ حق طلال اطبخ حق منو
عبدالله يطالع لجين بطرف عينه جنا موعاجبه كلامها
طلال:احم احم راحت عليك عبدالله
لجين حسن انها احرجت عبدالله وحبت اترقع اسالفه الانها ماتبي احد يحس بشي:لاماراحت عليه عبدالله ابو عيالي ومافي منه حطت ايدها على بطناها وبسرعه اتوخرها ...ماتبي احد يشوفها
عبدالله ابتسم ابتسامه عريضه ...من كلمت بو عيالي والكلمه حركت شي بداخله ..شي غريب ...يمكن بصير ابو ..وانه لجين حامل ....ماكان عارف بضبط نوع الشعور الغريب
بعد الغدا
طلال:لجون خوش مجبوس تسلم ايدج
لجين:بالعافيه
عبدالله:الحمدالله ...اكرمكم الله
لجين وطلال:بالعافيه
قام عبدالله عشان يغسل ايده بالحمام ولجين قامت وراه
عبدالله :شفيج قمتي
لجين :آخاف تبي شي
عبدالله بنفسيه:لامابي شي ...روحي كملي غداج
لجين:لا بس الحمدالله شبعت
عبدالله:لجين لازم تاكلين عدل عشان ...وطالع بطنها
لجين:انشالله
عبدالله يغسل ايدنا ولجين واقفه وبيدها فوطه صغيرا وعبدالله يشوف لجين وبقلبه...يليتج ياروان واقفه مكانها آآآآآآآآآآخ ياروان ليش سويتي فيني جذي والله احبج يليت الايام ترد فيني لي ورا شوي ابي اكون معاج مو معاها
ليش خنتيني وانا الي عمري ماخليت عليج قاصرآآآآآآآآخ يارون شدنيا فيج والله مشتاقلج
بيت سالم
خلود:خوله امشي نطلع من زمان ماقزينا
خوله:اي والله ....... يالله قومي قبل ماتهونين
خلود: هههههههههههه .....خوله ابي اشوف ريل لجينو شلون
خوله:ليش بتشوفينا
خلود:قتلج ابيه عاجبني ....ماتفهمين
خوله:اممممممممممم......تبين اتعرفين وينها لازم تتلزقين بطلال
خلود:والله مو بس اتلزق فيه ...مستعده اسوي المستحيل عشان اوصله
خوله بخبث:اختي وعرفها عدل اذا تبي الشي اتسويه

بيت عاليه
عاليه تتكلم بتليفون
عاليه:انشالله بس عطوني جم يوم اشاور البنت وابوها وردلكم خبر...انشالله ...بأمان الله
عاليه:خل اكلم فهد وشوف رايه ...ودقت على فهد
فهد:هلا بالغالي ام الغالين
عاليه:هلا فيك ...بوناصر في ناس داقين يخطبون بنتك مريوم
فهد مستانس:والله البنات كبرو وصارو عرايس....من ولده
عاليه:ولد ال...
فهد:والله ونعم فيهم
عاليه:يعني اقولهم ايون يشوفون البنت
فهد:خذيتي راي مريوم
عاليه:لا انا قلت اقولك انت وبعدين اقولها
فهد:اخذي رايها واذا ماعندها مانع حياهم الله


بشقة طلال
الكل كان بصاله عبدالله وطلال قاعدين يلعبون بلاي ستيشن
مريم اكلم امها :يما شنو تقولين من صجج براك ال...
لجين ودلال كانو يسولفون ومن اسمعو الاسم صار هدوء
مريم:يما انسي الموضوع مابي اتزوج
عاليه:ليش عاد ....انتي شوفيه يمكن يعجبج
مريم:يما خلاص قتلج مابي
عاليه:لا يما فكري عدل وعطيني خبر...يالله مع السلامه
مريم :مع السلامه
لجين:مريوم شفيج
مريم :براك ال..
دلال:شفيه
مريم:امي اتقول امه داقه خاطبتني حقه
لجين ودلال:هههههههههههههههههههههههههههههههههههه
لجين كانت اول مره تضحك من قلبها وهطريقه من بعد الي صار بشقت حمد وعبدالله سمع ضحكها وجنا مومصدق انه لجين تضحك
خلا العلبه وقام راح قعد يمها ولجين ماكانت منتبها ان عبدالله يه قعد يمها
مريم:تضحكون والله اوريكم
عبدالله يهمس بأذن لجين:توني ادري انج تضحكين مثلنا
لجين لفت ويها صوب عبدالله وبطلت عينها على وسعها من الصدمه
عبدالله وهوه يبتسم:لو سمعتي لاتبطلين كشافاتج خففي الاضاءه شوي
لجين:هههههههههههههههههه
طلال:اشفيكم تضحكون ...ضحكونا معاكم
دلال وهيا تضحك:ههههه طلال اتعرف براك ال..
هههههههههه طالب معانا
طلال:ا يشفيه
دلال:هههههههههههههههههههههه ...خطب مريوم
طلال:وشنو الي يضحك بالموضوع
لجين ودلال:هههههههههههههههه
لجين:طلال هذي من اتشوف براك مار صوبها جبدها تقلب وتبي ترجع جنها وحده تتنسى على ريلها عيل لو تاخذا شيصير فيها هههههه
دلال:اي والله لاتشوف ويها شلون ينقلب من انشوفه ههههه
مريم:والله اردها لكم وراحت غرفتها
وضلو لجين ودلال يسولفون عن مواقف مريم بالجامعه وشلون تعتفس من اتشوف براك
طلال:انزين وليش يصير فيها جذي ..
دلال:مادري هههههههههههه
طلال:والله انتو يالبنات بلوه
نهاية البارت

البارت 22


وضلو لجين ودلال يسولفون عن مواقف مريم بالجامعه وشلون تعتفس من اتشوف براك
طلال:انزين وليش يصير فيها جذي ..
دلال:مادري هههههههههههه
طلال:والله انتو يالبنات بلوه


دلال:احنا بلوه حرام عليك.....والله انهبل ننحط على الجرح يبرى
لجين:دلول موجنا مريوم ازعلت ...حرام ضغطناها وايد
دلال:لاعادي مريوم ماتزعل....وتلف على عبدالله:شوف احنا قبل كنا نقول اذا لجين تزوجت لازم وحده فينا اتصير شريجتها عشان لانفترق و..ياانا يامريوم ...وبما أن مريوم انخطبت يعني ماعندك غيري ...هههههههههههههه
طلال:دلول استحي اشوي الحين الريال يقول عنج مينونه
دلال:لامايقول مينونه لاتخاف وبعدين هذا اتفاق ولازم ينفذا ....مو عدل لجون احنا متفقين على جذي
لجين:هههههههههههههههههه.....اي عدل
عبدالله كان يراقب لجين وهيا اتسولف وتضحك ومانتبه على كلام دلال
بعد ساعه مريوم اطلعت من غرفتها وعينها كانت متفوخا من البجي طلال كان قاعد على القنفه ولمن شاف مريم
طلال:مريومتي تعالي عندي....وبطل ايده يعني تعالي بحظني
مريم راحت طلال حطت راسها عى صدره ودموعها بدت تنزل
طلال:افا بس مريوم تبجي ...وناموجود
دلال:طلال انا بعد ابي اي بحظنك
طلال بطل ايدا الثانيه ودلال اركضت عنده
دلال:طلال شوف بعض الناس محترين خذينا مكانهم هههههه
لجين قلبها نقمت وكانت ماسكا روحها عشان لاتبجي جدامهم
طلال:لجونتي محد ياخذ مكانها ودام قلتي جذي يالله قومي ...لجون تعالي مكانها
لجين ستانست:حبيبتي انا محد ياخذ مكاني
عبدالله ماعجبا الوضع كلش ...بقلبه(وين قاعدين نايمين بحظنه جذي)
طلال :دلول عقابن لج قومي
دلال وخرت اشوي وقعدت مكانها لجين
دلال:لجون قومي روحي لزقي بريلج ....وخلي طلال لنا
لجون:مابي هذا ابوي ابروحي
عبدالله قاعد يطالع لجين اشلون حاطه راسها على صدر طلال ....كانت مثل البنت الصغيره الي اتنام على صدر ابوها
دلال :لجون شوفي عبدالله شلون يطالعج الحين ياكلج بعيونه ههههههههههه
طلال:ههههههههههههههه اي من حقا بيا يغار توهم معاريس ....طلال حس انه عبدالله مو عاجبه الوضع....عبدالله هذيل ثلاثتهم بناتي الصغار وانت اخذيت اصغرهم لجون ابنتي الي مايبتها
دلال :وثق يا تاريخ طلال يقول احنا بناتا هههههههههههه......ماتخاف يقولون عنك شايب
طلال:ههههههههه.....خلاص هونت انتو مو بناتي
دلال بعصبيه:لجون قومي روحي مايصير كله حقج ...وطقت لجين على ضهرها بقوه
عبدالله:لالالالا ....مو زين
دلال:عبدالله خرعتني شفيك
عبدالله:لاطقينها على ظهرها موزين
دلال:ليش موزين
عبدالله:الطقه اتخلي الظهر اضعيف وتأثر على دقات القلب
دلال:ولين..لجون ليش خذيتي دكتور ...الحين شيفكج من نصايحه
لجين:نصيبي جذي...بعدين اشفيه دكتوري موعاجبج على الاقل لي مرضت ماأروح الطبيب...مومثلكم
دلال:واي كليتيني ...يالله خلص دورج قومي حرام ريلج بروحا قاعد
لجين:واي اشكثر اتحنين...الله يعين الي بياخذج
دلال :وينه
لجين:منو
دلال:الي بياخذني وينا....ليش ليلحين ماشرف
الكل:هههههههههههههههههههه
لجين قامت من طلال اول ماوقفت عبدالله بطل ايدا يعني تعالي بحظني لجين تمشي صوبه ومن غير محد يحس اتأشرله لالا
دلال:اي الحين واحد ياخذ راحته ...طلال ليش ماصرت ابوي
طلال: هههههههههههههه ....وابوج اشفيه انشالله
دلال:ابوي يدلع مريوم اكثر مني ....بس انت ماتفرق بينا
طلال:حتى ابوج مايفرق بينكم
لجين اقعدت اشويه بعيده من عبدالله المسافه كانت بسيطه
طلال:لجون الحين ريلج امبطلج ايدا وانتي قاعده بعيد قومي فزي ...روحي عنده
لجين منحرجه:عمييي
عبدالله يبتسم بخبث:تعالي عندي ماتبين اتحرين دلال
لجين:لا مابي
طلال:قومي يالله لاتستحين الريال صارله ساعه يخوزز فيج
لجين ويها صار لونه احمر:عميي بس
طلال:هههههههههههههههههه
عبدالله قرب من لجين اكثر ولمها من خاصرتها وسحبها صوب صدره ....لجين كانت حاطه راسها على صدر عبدالله وكانت ترجف بشكل موطبيعي عبدالله يهمس بأذنها
عبدالله:لجين بس فضحتينا ...هدي شوي
لجين بصوت واطي :عبدالله ابي اقوم وخر
عبدالله:موتقولين ماتبينهم يحسون بشي عيل خلج
لجين كل ماحاولت اتوخر عبدالله يرد يسحبها مره ثانيه شافت ماكومفر الا انها تقوله بتروح الحمام
لجين:عبدالله بروح الحمام
عبدالله:ماكو قعدي ...وعن العياره
لجين:عبدالله والله بروح الحمام
عبدالله:خلاص افراج....ههههههههه
لجين جنها ماصدقت ان عبدالله هدها راحت ابسرع و
ادخلت الغرفه
لجين:اخاف اي وراي شسوي...ماكر الا ادش اسبح
ادخلت لجين الحمام خذتلها شور وبعد ماخلصت لفت الفوطه على جسمها وبطلت الباب
لجين@@

بيت حنان
حنان:سارونه ماكلمتي لجين اليوم
ساره:لايما ..ماكلمتها
حنان:والله خايفه من عبيد لايفشلها جدام اهلها
ساره:يسويها عادي ...انا ماستبعد عليه شي
حنان:الي ابي اعرفه ليش يعاملها جذي والله ماتستاهل
أميره:صاجه يما.... يعني لو كان ماخذ روان تتوقعون بعاملها جذي
ساره:اكيد...لا...روانو كانت مخرفنه عبود عدل
أميره:يما مايصير جذي البنت مالها ذنب ..يعني اهيا المجني عليها مو الجاني ...والله حرام لازم انكلما
ساره:تبوني اكلما والله لخليه يمشي على السراط المستقيم
حنان واميره:هههههههههههههه


شقة طلال
لجين كانت لافه الفوطه على جسمها... والفوطه كانت قصيره... يعني ريلها كلها طالعه وشعرها كان مفلول ومبلل شكلها كان مغري ...واول مابطلت الباب كانت منزله راسها ومن ارفعت راسها.. شافت عبدالله بويها واقف يطاعلها من فوق لي تحت... لجين من الخرعه ادخلت الحمام وصكت الباب وقفلته
لجين من ورا باب الحمام:عبدالله ممكن تطلع ببدل
عبدالله:انشالله
لجين:عبدالله موتنخش مني ولا مناك اطلع
عبدالله:كاني طالع..طلع وصكر الباب وراه
لجين بطلت باب الحمام وطلعت بس راسها... بتشوف اذا طلع ولا منخش
لجين:اشوه طلع ...اطلعت من الحمام ولبست بجامه من ومن سيكرت ..لونها اسود وابيض ..نشفت شعرها وحطت الخمريه الي تحبها وتعطرت وبعدها طلعت من الغرفه
عبدالله:نعيمن
لجين منحرجه حدها:نعم الله عليك
دلال:انا ميته من اليوع ماتبون عشا
طلال:ليش اساعه جم الحين
دلال:اساعه 12
طلال:الوقت مر ابسرعه ماحسيت فيه
لجين:شنو تبون اسويلكم
طلال:نطلب من بره احسن...كافي اليوم وقفتج بالمطبخ
عبدالله:اشرايكم نطلع
دلال:الحين
عبدالله:اي الحين انروح السينما ونرجع
لجين:عبدالله خلها باجر تعبانه حدي هذي قعدتي من الصبح
جسمي كله متكسر لازم انام
عبدالله :انزين ماتبين تاكلين
لجين:امبلا آكل وبعدها بنام
دلال:طلال خنطلع احنا ماعلينا منهم
طلال:اممممممممم
دلال:لاتفكر
لجين كانت خايفه يطلعون وخلونهم بروحهم بشقه
لجين: ماكو طلعه خلوها باجر
طلال:خلاص انتعشى ونطلع
دلال:هيااااااااا...لجون حره
لجين ماتت من الخوف اشلون يخلونها مع عبدالله بروحهم:الحين اساعه 12 علما تاكلون ماكو سينما ناطرتكم
دلال:موشرط سينما نتمشى على البحر ونرد
طلال:من وين اطلب عشا
دلال:اي شي يوصل بسرعه
طلال طلب بيتزا وبعد نص ساعه وصل الطلب


بيت راشد
شيخه:راشد اشرايك بولد اختي حصه
راشد :منو فيهم
شيخه:عادل
راشد:عادل ولد حلال وخاف الله...بس ليش تسألين
شيخه:حصه تبي تخطب دلال حق عادل
نقز زيد:منومنو


يتبع ,,,

👇👇👇
تعليقات
    حجم الخط
    +
    16
    -
    تباعد السطور
    +
    2
    -