رواية ياروح الروح حبك فرضته -23
لجين:دقيت على مريوم والحين يايه
طلال:انزين تعالي قعدي معاي بصاله
لجين:لا ماقدر اتحرك وايد
طلال:ليش
لجي:المشيمه نازله والدكتوره قالتلي ممنوع الحركه لين تشوفني السبوع الياي
طلال:امممممممممم دام جذي بتملين اسبوع كامل بالغرفه ...شرايج احطلج سرير بصاله تقعدين هناك
لجين ماتبي اتعبه:لا طلال خلني بداري اريحلي
طلال:لا مو اريح قولي عشان تاخذين راحتج بالبجي بس مارح اخليج انتي وعدتيني ماتبجين
لجين:طلال
طلال:نعم
لجين:عبدالله صارله فتره وين ماأروح وراي
طلال:مومشكله اعتبريه بدي قاردج ولا تعطينه اي اهميه
لجين:انزين ليشي سوي جذي ...مو هذا الي كنت اروح واترجاه مو هذا الي قالي لو تموتين ماأردج ليشي سوي جذي...تتوقع يراقبني
طلال:لا مايراقبج ..عبدالله ندمان على الي سواه فيج وقاعد يحاول يقرب منج بس موقادر
لجين:ليش
طلال:يمكن منحرج منج ولا موعارف شيقولج الانه الي سواه موشويه بحقج
لجين:بس جذي انا الي قاعده احترق
طلال:لجون اتحبينه
لجين:مادري
طلال:تبين رايي
ليجن:اي
طلال:عطيه فرصه ثانيه ...وبعدين انتي سامحتي خوله وخلود ماتسامحين عبدالله
لجين:بس عبدالله غير ...اشلون يصدق اي واحد اي وقوله مرتك اتخونك معاي...مو المفرض يكون في ثقه بين الزوجين
طلال:هذا المفروض...بس صدقي اي واحد بمكانه بيتصرف جذي...بس عبدالله غلط الانه ماسمعج وانه صدق الكلام بسرعه
لجين:طلال بس سكر الموضوع....في موضوع ثاني اهم
طلال:قولي
لجين:اشرايك تتزوج اميره...قبل لاتقول شي البنت اذهب وماتتطوف
طلال:آخذ وحده اخوها نزل دمعت اغلى انسانه بحياتي
لجين:طلال والله اهيا مالها ذنب وبعدين انا احبها وايد طلال عفيه خل نخطبها لك
طلال:لا
لجين:طلال البنت فيها عيب غير انه اخوها عبدالله
طلال:لا
لجين:عيل خلاص ..طلال انا مو اول وحده يخترب بيتها بهطريقه والحمدالله هشي صار من البدايه مو معاي كوكش يهال
طلال وقلبه متقطع عليها:مابي ايب وحده اتأذيج باجر
لجين:هههههههههه سامعها بأي مسلسل....الي يسمعك يقول البنت نسره والله اتهبل ...ولا لها حس بالمره
طلال:مادري يصير خير
لجين:ادق على عمتي عبير اتخطبها لك
طلال:لجون من صجج
لجين:اي من صجي الي بعمرك كلهم عيالهم طولهم وانت ليلحين...وبعدين أميره بتونسني هني وكافي طلول فديته والله مشتاقتله
طلال:وماكو بهل بلد الا هل ولد
لجين:لا اهيا مو ولد اهيا بنت
طلال يبتسم
لجين:شقلت
طلال:خوفج باجر اشوف عبدالله واذبحه
لجين:لا ماتذبحه ولا شي ....يالله شقلت
طلال:لجون اشكثر اتحنين خلاص سوي الي تبينه
لجين:ياااااااي وناسه ولمته حيل...يالعيار قول تبيها مو تتدلع لي ودورلي سوالف
طلال:لجون انتي متأكده انه الموضوع عادي بنسبه لج
لجين:ماتشوفني مستانسه اكيد عادي ...الف الف الف مبروك
طلال:خل يصير بالاول
لجين:لا تخاف انا متأكده انه بصير
بعد يومين بشقة عبدالله
عبدالله كان قاعد يكلم العصافير ودموعه على خده
عبدالله:لجون مشتاقلج وايد...آآآآآآآآآآخ احبج والله احبج والله انا الي يبت كل هشي حق روحي...والله مكانج خالي بالبيت كل زاويه اتذكرني فيج ...اتذكرني بضحكتج الحلوه ...اتذكرني بدلعج..بهتمامج فيني ...البيت اظلم بدونج...آآآآآآآآخ والله احبك وكل الي صار غصبن علي بس يليتج تسامحيني ...انا ظلمتج وايد وغلطت عليج وايد ومستعد اتحمل كل شي بس عشان ارضيج وتردينلي مثل قبل
وبهل وقت ينطق الباب عليه
عبدالله: يمسح دموعه بسرعه
عبدالله:تفضل
حنان:عبدالله لي متى حاكر نفسك جذي ياطالع يافوق بشقتك...مايصير جذي شوف شكلك شصاير فيه..لا اكل ولا نوم حتى دوامك ماقمت اتروحله مثل قبل
عبدالله:وليش اداوم كلش بحياتي ضاع
حنان وهيا تبتسم:لا مافي شي ضاع كل شي بيتصلح انشالله
عبدالله:شلون وانا ذليتها وايد وقسيت عليها بشكل مو طبيعي يمه والله احبها والي صار غصبن علي مو بيدي انا ينيت لمن يالنا على البحر وقالي بنام بحظنها وستغربت من جرأته وبعدها يالي وقالي انه يحبها ولمن عرفت انه يعرف اسمها وانها حامل وانها مومرتاحه معاي مادري ليش صدقت كلامه يمكن الانه لجين ماكانت مرتاحه معاي ب الول ...يمه والله تعبت حتى لمن كانت اتيلي وتبجي ...كنت اوقف جدامها وجني صخر وماحس ومن تطلع والله يعلم الي يصير فيني ...بس ماراح اسكت ولا اضيعها من ايدي ...بحاول بكل الطرق ومستعد اخسر كل شي عشانها الانها فعلن تستاهل كل الحب الي بداخلي
حنان:انشالله ينلم شملكم قريب
عبدالله:يمه عفيه ادعلي كثر ماتقدرين
حنان: لاتوصي يمه انا كثر ماأقدر قاعده ادعيلكم....المهم عبير عمت لجين توها داقه علي اتخطب أميره حق طلال
عبدالله:من صجج وبعد كل الي صار... انزين لجين تدري بالموضوع
حنان:اي واهيا الي قايله حق طلال عنها
عبدالله:معقوله بعد كل الي سويتا فيها
حنان:عشان اتعرف انه مرتك مافي منها اثنين
عبدالله:آآآآآآآآآآآآآآآآخ انا الي يبت كل هذا لعمري
حنان:انشالله كل شي يتصلح
عبدالله:واميره شنو رايها
حنان:قالت عطوني مهله افكر
عبدالله:وطلول شلون عليه
حنان:عبير اتقول انه طلال يبيها مع طلول
عبدالله:الله يتمم على خير...والله طلال مايتطوف ريال ونعم فيه
حنان:والله مادري شلون بفارق طلول احس البيت بدون ياهل موحلو
عبدالله:انشالله لجون ترد وبنتي تاخذ مكانه وزود
حنان:انشالله يارب والله انا وابوك ننطر متى تولد ومدوخني كل يوم يسأل متى تولد ودقي عليها سأليها مافيها عوار ولاده
عبدالله يبتسم:والله شكلها بتاخذ مكان الكل
حنان:اي والله هذي مايت وميتين عليها لي يت شبنسوي مادري
بعد يومين لجين ماقدرت تنطر اسبوع لين موعدها ...كانت رايحه مع مريم المستشفى تبي تتطمن على بنتها ...وعبدالله مثل كل مره لاحقهم بسياره
مريم:لجون والله يعور القلب حرام عليج سامحيه ...شوفي شكله شلون صاير
لجين:مريوم ماأقدر واذا سامحته ورديتله وبعدها بجم شهر خلود سوت شي ثاني وصدق ماتقوليلي شسوي بعمري
مريم:لا ماراح يصدق
لجين:دام صدق بأول مره بصدق كل مره هذا ماعنده ذرت ثقه فيني ...وطول الوقت يعايرني بحمد
مريم:لجون اكيد الي صارله كان درس له والله حرام شوفي شكله
لجين :انتو ماتفكرون الا فيه وانا شنو بطقاق
مريم:لجون ليش زعلتي بذمه ماودج بنتج اتعيش بينكم ...مو كافي الي صارلج ليش تحرمين بنتج من هشي...وبعدين انتي تحبينه وطول ماأنتي بعيده عنه قاعده تتعذبين ...ولا عبالج احنه مانعرف انج كل يوم تبجين...لجون والله الحيات الزوجيه جذي لازم فيها ملح شوي...بذمه تقدرين تاكلين عيش بدون ملح
لجين ساكته
مريم:لجون كل الناس تغلط مو بس عبدالله صج انه مو كفو بس والله خوش ريال
لجين:بالله فهميني اشلون مو كفو وخوش ريال
مريم:موكفو الانه صدق وماعطاج مجال تدافعين عن روحج وخوش ريال الانه لو ماكان يحبج جان ماشفتيه كل يوم وراج وناطرج عند باب البيت...تدرين لمن اي واشوفه واقف بره ينطر تطلعين احس جنه من السواق الي ينطرون معزبتهم تطلع
لجين:خوش تشبيه ههههه
مريم كانت حاطه على المرينا وحطوا غنيه نوال ايام حلوه
أيام حلوه كانت أيام حبك
كنت في روحي تسري كنت بجنون أحبك
قاسي القـلب لكـن كــان قلــبي بقــلبك
ويــن مـوعــــد جمعـــنا وين ذاك المكان
وضــحكــنا الي ضـــحكنا والوله والحنان
تقـلـــب الكــون كله لو تأخرت خــــــطوه
ضعـت مني بثــواني والله دنـيا ما تسوى
أيام حلوه كانت أيام حبك
لجين طولت عليها وردت راسها لي ورا ودموعها بدت تنزل كانت تحترق تبي عبدالله وماتقدر اتردله خايفه وتتعلق فيه اكثر واكثر وبعدها يصير شي يفرقهم عن بعض وهيا موقادره تتحمل اكثر...وقبل ماتخلص الغنيه
لجين:مريوم وقفي السياره
مريم@@:نعم
لجين بصراخ:اقولج وقفي السياره
مريم:وين اوقف
لجين:أي مكان بس اوقفي
مريم:اوكي ..وو قفت ...وعبدالله وقف...لجين انزلت من السياره وراحت صوب سيارت عبدالله ..الي من شافها يايه صوبه نزل ابسرعه
لجين قرب منه حيل:انت مالوعت جبدي ...كل يوم وراي شتبي مني
عبدالله:لجونتي
لجين اتقاطعه:ولا كلمه ياأخي ماتحس مو كافي الي سويته اشتبي بعد تبيني اموت عشان ترتاح
عبدالله:يعل يومي قبل يومج
لجين ودموعها على خدها وقلبها يتقطع:آمين...وطقه على صدره ..اكرهك اكرهك
عبدالله وخر ايده ولماها حيل..بس لجين دزته بسرعه وعطته كف
لجين: هذا طراق من الطراقات الي كليتهم منك وان شفتك اقرب مني يويلك سامع
عبدالله مسك ايدها وسحبها بقوه:موبكيفج بضل وراج لين تردينلي
لجين:املك وامل فلسطين واحد...وبطلقني غصبن عليك
عبدالله:ماأطلقج لو تموتين وبتضلين لي طول عمرج ...تدرين ليش الاني احبج والله احبج ومابي اخسرج
لجين دزته وراحت السياره وهيا ميته بجي
نهاية البارت
البارت 40
عبدالله مسك ايدها وسحبها بقوه:موبكيفج بضل وراج لين تردينلي
لجين:املك وامل فلسطين واحد...وبطلقني غصبن عليك
عبدالله:ماأطلقج لو تموتين وبتضلين لي طول عمرج ...تدرين ليش الاني احبج والله احبج ومابي اخسرج
لجين دزته وراحت السياره وهيا ميته من البجي
بيت طلال
عبير:انا من رايي اذا اولدت اتي عندي انفسها
طلال:لا خليها هني وانا اجابلها عدل
عاليه:ههههههههههههه وانت اشعرفك بنفاس
راشد:لا انشالله تتنفس بيت ريلها
عبير:انشالله ترد يارب
عاليه:ماأقول الا انشالله الله يحرق قلب بنات سالم مثل ماحرقو قلبها
راشد:والله سالم الي ضايع بطوشه الله يعينه على بناته
طلال:لو بناتي جان ذبحتهم من زمان
راشد:الحمدالله انه الله مارزقني ابنات
عاليه:بس رزقك بجنات سنعين
راشد:اي والله شايلين ريايلهم شيل
عبير :الا لجون وينها
طلال:رايحه المستشفى بتشوف بنتها
عبير :شتشوف فيها خل تطلع بعدين اتشوفها على كيفها
طلال:لا قبل يومين كانت عندها مراجعه وقالتلها دكتورتها مشيمتها نازله ومافيها صبر تنطر اسبوع
عبير:وعليا عليها ماتترقع كلش...طلال خلها اتي عندي وانا اجابلها
طلال:لجون ماتطلع من اهني...واذا تبينها تعالي لها انتي
عاليه:طلول راسك يابس ....يعني اهيا وين بتروح ...بتروح عند عمتها
طلال:انتو شفيكم لجون ماترتاح الا اهني ...وبعدين عبير عيالها صارو ريايل ...ووضع البنت مايسمح لها انها تروح هناك
عبير:ليش انشالله عيالي بياكلونها
راشد:طلال يقصد مانبي الناس تتكلم عنها وكافي الكلام الي انقال عنها
عاليه:آآآآآآخ ...والله هل بنت اتلاقيها من وين ولا وين
راشد:عاد بو عبدالله كان عندي من يومين يقولي يبي يكلمها بخصوص ردتها ...يبيها ترد اليوم قبل باجر
عبير:والله مو اهوا المهم ولده الي مفروض يبيها تردله
طلال:حتى بعدالله متحسف وايد
راشد:انت كلمته
طلال:لا بس اشوفه كل يوم واقف عند باب البيت ينطرها تطلع ويلحقها...والبنات مسمينه سايق لجون
عبير:حراااام عور قلبي والله
طلال:وهذا غير الورد الي نلاقيه عند باب البيت
عاليه:دام يحبها هل كثر ليش سوا فيها جذي والله عفس عمره وعفسنه معاه
راشد:لاتعيدون وتزيدون بسالفه الي صار صار خلاص فكرو شلون نقنعها تردله
بره عند باب البيت
لجين بسياره تبجي
مريم:لجون بتنزلين جذي ويهج متفوخ من البجي
لجين تبجي:مريوم تعبت قلبي يعورني وايد
مريم:سلامت قلبج يابعد عمري ...ياعله بخوله وخلود انشالله..ولا فيج
لجين:مريوم ابي انساه ماني قادره كل يوم بويهي
مريم:وليش تنسينه انتو تحبون بعض وليش
لجين تقاطعها:انا صج احبه واموت فيه بس كرامتي ماتسمحلي اردله .
مريم:انزين هدي شوي والله اذا طلال طلع وشافج جذي بهون عن الزواج
لجين تمسح ادموعها :اي صح ...وترد تبجي...مريوم ماقدر اسكت
مريم:لا جذي ماكو فايده خل ناخذلنا فره علما تهدين
لجين:مريوم وديني البحر
مريم:انشالله
بيت دلال
زيد:دلالي
دلال:نعم
زيد:فيج بنت ولا ولد
دلال:@@ زيود من صج ولا تتغشمر
زيد:لا من صجي ليش اتغشمر والله دلول قولي شنو فيج
دلال:هههههههههههههههه لا انت مو طبيعي بسم الله الرحمن الرحيم توني محلل شلون يبين
زيد:ليش مايبين الحين
دلال:لا يالله بالخامس يبين
زيد:وانتي بأي شهر
دلال:توني اول شهر
زيد:بييه يعني بنطر وايد
دلال:انطر اشوراك
زيد:لا بس اكيد يبين الحين مايصير
دلال:شنو الي مايصير اهوا ليلحين قطعت لحم صغيره ماتكون
زيد:والياهل يتكون بعد
دلال:هههههههههههههههه والله مادري ليش اتحسسني انك ماتعرف شي...اكيد يتكون
زيد:شقالولج عني دكتور
دلال:واي ياليت واصير انا مرت الدكتور زيد...والله حلو
زيد:لا الدكتور مو شي رجل اعمال احسن واذرب من الدكتور
دلال:لا والله الدكتور احلى
زيد:اصير دكتور وافقد مخي
دلال:شكو يعني الدكاتره الحين اغبيه
زيد:عندج عبدالله اكبر مثال دكتور وحالته حاله وله اسمه بالكويت ...بس بدون عقل
دلال:شلون يعني من اي ناحيه
زيد:مايعرف يحل مشاكله وسوي نفسه مسكت انا دكتور وحل مشاكل الناس وهوا موعارف يحل اتفه مشكله بحياته
دلال:زيود المشكله مو تافها
زيد:لا تافه تدرين لو انا مكانه وياني هذا وقالي الي قاله تدرن جان شسويت
دلال وهيا تبتسم:شسويت
زيد:والله احط ايدي بحلجه واشلع السانه من مكانه ...بعد هذا الي ناقص يتكلم عن مرتي ....والله اذبحه
دلال:زيود والله كلام..... لو بتكون مكانه بتسوي نفسه
زيد:لا يبه انا عندي عقل واثق منج ومن نفسي ....حتى لو كان كلامه صح وهيا كانت جذي المفروض مايعطيه مجال يتكلم عنها جذي مهما يكون هذي مرته وشايله اسمه...والاخ يا وزاد الطين باله يقولها انتي تربيت حمد الوصخه...والله اهوه الي مافي اوصخ منه
دلال:اشفيك عصبت جذي
زيد:اكيد اعصب ...لجين بنت عمي ولا نسيتي ...بس انشالله لجين ماتردله الانه مو كفو
دلال:لاتسمعك لجون ...اهيا من غير شي شايشه عليه
زيد:انا بكلم طلال خل يطلقونها ونخلي ليث ياخذها
دلال:@@زيود من صجك وبنتها الي بطنها
زيد:ليث يربيها
دلال:اييي وتعيش بعيد عن ابوها وتتكرر المأساتها مع بنتها
زيد:والله ليث غير حمد...انا بكلم ابوي وطلال
دلال:زيود انت مالك شغل فيها وترى لجون تحب عبدالله بشكل خيالي حرام عليك.... بس انا كرهتك
زيد:@@ وانا شكو تكرهيني
دلال:احنه نبيهم يردون حق بعض وانت تبي تفرقهم ترى صرت نفس العله خلودو تبي تفرقهم
زيد:انا وين وانتي وين...بالله عليج هذا كفو ياخذها ...والله لو باجر ايله واحد بشارع وقوله عنها شي ولا شاف بلوتوث بقولها هذي انتي وبصدق اي كلمه تنقال عنها
دلال:شكو
زيد:بتعلمينه بسوالف الريايل الي ماثقون بحريمهم
دلال:زيد ترى كل انسان يغلط
زيد:بس بس سكري الموضوع...وانشالله اذا ردتها فيها خير لهم ...انشالله يصير بسرعه بس بعد شتبين عشان لاتقوليلي اكرهك وانت مثل خلود
دلال:واي فديتك والله انت غير مافي مثلك ....حبيبي والله
على البحر
لجين ودموعها على خدها:مريوم المكان هذا يذكرني بعبدالله
مريم:كنتو تيون اهني وايد
لجين:ينه مره وحده ولا تهاوشنه بعد
مريم:عاد هوشه قويه ولا نجره عاديه
لجين:مادري بضبط يمكن نجره عاديه ....مريوم...انا فعلن حبيته بس اهوا مايبادلني نفس الشعور
مريم:حرام عليج ..اذا راجو مايحبج مو يحبج
لجين تبتسم:بس انا ماحسيت بهل حب لا فتره بسيطه وهذا مايكفي عشان اردله
مريم:لجون شكلج مومرتاحه معاه
لجين نزلت راسها:مادري
مريم:مايصير ماتدرين ....لجون ليش ماتطلعين الي بقلبج وتقولين كل شي صدقيني بترتاحين لي متى خاشه بقلبج عبالج زين
لجين:ماأقدر الانه مو كل شي ينقال
مريم:ليش
لجين:وايد اسباب والاهم مابي احد ياخذ فكره موزينه عنه...ومهما يكون عبدالله ابو بنتي
مريم:اصيله يالجون والله عبدالله ضيع جوهره من ايده
لجين:كل شي قسمه ونصيب ....والي مكتوب على الجبين لازم تشوفه العين
مريم:مابتمشين
لجين:اي تأخرنا الحين طلال يحاتي
مريوم:وانتي بعد لازم ترتاحين
لجين :انشالله ايي اليوم الي برتاح فيه
بسياره عبدالله
عبدالله يكلم عمار بتليفون:ترى لوعتو جبدي ماصارت يعني الواحد ماغلط
عمار:صج والله الحين صرت غلطان ...حرام عليك انت خليتها تبوس ريلك يعني قللت من قيمتها وقدرها
عبدالله:عمار والله ادري والغلط راكبني من راسي لي ريلي ...بس ابي اردها ابيها ماني قادر اتحمل اكثر من جذي
عمار:لو انا مكانها اخليك اتولي
عبدالله:اقول صج ماتنعطا ويه الشره علي الي اسولف معاك
عمار:هذا يزاي ....ماعليه ماتنلام ....المهم اسمع ...انا من رايي اتيلها بطريقه ثانيه وحلوه وقريبه حق قلب المره
عبدالله:انزين
عمار:اول شي الحقها ورقمها
عبدالله:ارقمها ههههههههه
عمار:اي جنك بتتعرف عليها من اول ويديد وتحرش فيها وطرشلها بو كيهات ورد البيت ....يعني من السوالف
عبدالله:كل هذا سويته ومافاد بس مارقمتها
عمار:عبيد لاتيأس كلش
عبدالله:والله لو اضل جذي طول العمر ماعندي مانع بس ابيها ترد
عمار:مو قلنالك بتندم
عبدالله بعصبيه:اووووه والله انا الغلطان الي دق اكلمك ...تدري شلون يالله باي
عمار:باي
بيت طلال
لجين ومريم توهم داشين البيت:السلام عليكم
الكل :وعليكم السلام
لجين راحت سلمت على عمها راشد وباست راسه وقعدت عنده
راشد:شلونج يبا الحين
لجين:الحمدالله
عبير:اشلون البيبي
لجين:على حطت ايدج لازم ماأتحرك كلش
عاليه:اي يمه منتي ناقصه تولدين مبجر بس ماقالتلج من شنو المشيمه نازله
لجين:من الحركه الزايده
راشد:لجون بابا... عمج قبل يومين كان عندي بالمكتب يبي كلمج بموضوعج مع عبدالله
لجين:عمي عفيه مابي احد يفتح الموضوع معاي خلاص كل شي انتها
راشد:لا يبا مايصير جذي مومن اول مشكله تصادفكم تقولين جذي الحيات كلها مشاكل ومع الوقت يعرفج وتعرفينه اكثر والمشاكل اتقل بينكم وتصير كلها ذكريات
لجين:عمي انا حاول معاه وايد بس عبدالله ماعطاني مجال ادافع عن نفسي وهوا الي قالي مابيج حتى لو كنتي مظلومه...عمي طاب خاطري منه عبدالله جرحني جرح كبير واهاني وايد
راشد:والياهل الي ياي بطريج مافكرتي فيه
لجين:بنتي بتعيش عندي واذا يبي يشوفها حياه بأي وقت
طلال:راشد خلاص البنت ماتبيه مو قصب
عبير :لجون لاتعطين مجال حق احد يتشمت فيج
لجين:تشمتو وخلصو ...انا ماني مستعده اجامل اناس على حساب راحتي
راشد:شوفي انا باجر بيب عبدالله وتفاهمي معاه ووعدج بتكون آخر مره
طلال:راشد يعني شلي بتغير بالموضوع انا اقول خلوها لين تولد وبعدها يصير خير
عاليه:بييه وايد ...لاخلهم يتفاهمون الحين وليش اطولون بالموضوع
عبير:لجون تبين بنتج اتعيش محرومه من ابوها مثل مانحرمتي انتي من ابوج
لجين:انا وضعي غير ...بعدين عبدالله موجود مو مثلي ابوي ميت ..يعني بتشوفه اي وقت
بعد شهر
لجين دشت شهرها بس الكل عباله انها بثامن ....وكانت طول الوقت بالبيت ماتطلع من البيت كلش علشان لاتشوف عبدالله حتى مراجعاتها ماقامت اتروحلها ....وطلال كان صايرله اسبوع مالج على اميره..ولجين ماحضرت الملجه بحجة انها تعبانه وماتقدر تتحرك
بيت طلال
لجين تليفونها يرن
لجين:الووو
سالم:لجون شلونج عمي
لجين:هلا عمي سالم انا بخير دام سمعت صوتك...انت شلونك
سالم:الحمدالله انا الحين مرتاح ومن احسن مايمكن
لجين:الحمدالله على كل حال
سالم:لجون انتي وينج
لجين:انا بالبيت
سالم:اممم وطلال وينه
لجين:طلال رايح بيت عمي عبدالرحمن ساره راده من شهر العسل ومتيمعين هناك
سالم:واشلون يخليج بروحج
لجين:لا عمي موبروحي مريوم عندي
سالم:المهم لجون انا الحين بي ويايب معاي ضيف
لجين:حياك الله انت وضيوفك
سالم:الله يحيج...وانا انشالله اقل من 5دقايق وكون عندكم
لجين:انشالله
سالم:يالله مع السلامه
لجين:الله يسلمك
مريم:لاتقولين بيب بناته
لجين:قال ضيف مو ضيفه
مريم:تتوقعين منو
لجين:الحين يوصل ونعرف
ونطق جرس الباب
مريم:اكيد اهوا ...خل ابطل الباب
لجين:خل الخدم يفتحون الباب
مريم:لا انا بفتح بشوف منو الضيف واذا كانو بناته والله بصك الباب ابويهم
لجين:ههههههههههههه
ورحت بطلت الباب
سالم:السلام عليكم
مريم:هلا خالي وعليكم السلام حياك
دخل سالم ومعاه ضيفه
سالم:طلال هذي مريم سلم عليها
طلال :السلام(طلال عمره 7 سنوات ابيض ومتختخ حيل وشعره كثيف اسود ناعم حيل)
مريم: وعليكم السلام....وتقرص خدوده يختي عيله يهبل منو هذا
سالم:الا لجون وينها
مريم:حياك موجوده بصاله
دخل سالم وسلم على لجين وقعد
مريم:عمي ماقتل منو هل حلو
سالم وهوا يبتسم:هذا طلال ولدي
لجين ومريم يطالعون بعض@@
بيت حنان
أميره :طلال اصبلك جاي
طلال:لا مشكوره
أميره:عبدالله وعمار اصبلكم جاي
عبدالله وعمار :لا مشكوره
أميره اقعدت عند طلال وتكلمه بصوت واطي:لجون شلونها
طلال:الحمدالله بس ليلحن ماتتحرك
أميره:اي احسن خل ترتاح
عمار:طلال موناوي تكمل دراستك
طلال:انشالله بس ناطر لجون تولد وبعدها اكمل
عبدالله:وليش تنطرها تولد
طلال:باخذها معاي
عبدالله:لا ماتاخذها معاك...لجون راح اترد البيت
طلال يطالعه بنضره خايسه:يصير خير لي ذاك الوقت ...ورن تليفونه
طلال:هلا مريوم
مريم:طلال ابسرعه قولي وينك
طلال وهوه مخترع:لجون فيها شي
الكل من سمع اسم لجين اخترعو الي وقف يمه والي يسأله شفيها
مريم:لا مافيها شي بس وينك..الاني بيلك الحين
طلال:مريوم شفيج تحجي
مريم:انت شفيك كله مخترع وبس
طلال:انتو تخرعون الواحد...والله قلبي وقف عبالي لجون بتولد
مريم:لا يبه كاهي معاي مافيها شي
طلال:وين رايحين
مريم:يايلك
طلال:ليش
مريم:عندي لك مفاجأه عجيبه
طلال:خير
مريم:اقولك مفاجأه الحين اوصل وبتشوف
طلال:اوكي
حنان اتكلم طلال:مريم بتي هني
طلال:مريوم لحظه...اي عمتي اتقول عندها مو فاجأه
حنان:قولها تنزل
طلال:اي بس لجون معاها ..وطالع عبدالله
حنان:ماعليه يمه خلها تنزل
طلال:انا اقولهم وهما كيفهم.....مريم عمتي اتقول نزلو
مريم اتكلم لجين:خالتج اتقول نزلي
لجين بعد تفكير:اوكي
مريم:طلال لجون اتقول تنزل
طلال:بس عبدالله موجود
مريم تكلم لجين:يقولج عبدالله موجود
لجين:وانا شعلي منه
طلال:بس سمعتها
مريم:طلال انا بره
طلال:يالله نزلو وسكر التليفون
لجين ومريم ادخل داخل البيت ومعاهم طلال ولد سالم:السلام عليكم
الكل: وعليكم السلام
عبدالله كان لابس الملابس الي كانت لابستهم لجين بشاليه من شافها جنه ردت روحه وبتسم بويها لاكن لجين ماعطته ويه
ساره واميره قامو سلمو عليها وباسوها ...ولجين راحت سلمت على خالتها وعمها
طلال:منو هذا
مريم:هذا الموفاجأه
طلال:لا والله منو هذا
مريم:لو اقولك بتستانس
طلال:مريوم تكلمي خلصيني ....ولا اقول تعال ياولد شسمك
طلال الصغير:انا طلال سالم ال....
طلال جنه واحد عطاه طراق:ها منو منو
مريم:هذا طلال ولد خالي سالم ...شرايك بالموفجأه
طلال:شلون ومتى ومنو امه...وشلون عرفتوه
مريم:كنه قاعدين دق علينا وقالنا بي ومعاي ضيف ...ولمن يه انصدمنه من الي قاله
طلال:انزين سالم من متى متزوج
مريم:بييه من زمان ...وعنده ولدين توأم غيره يوسف وراشد هذيل كبار ويدرسون طب بكندا
طلال:لا يبه
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك